Landbouweekblad 30 October 2025의 목차

DAAR is net soveel water op aarde, en meer as 90% van alle beskikbare water word wêreldwyd in die voedselwaardeketting gebruik. Trouens, nêrens word minder as 93% gebruik nie, en geen land gebruik meer as 94% hiervoor nie, het Benoit le Roy, stigter en uitvoerende hoof van die SA Waterkamer, op die internasionale varsproduktevereniging (IFPA) se onlangse Fresh Solutions-vergadering in Johannesburg gewaarsku. “Daar is geen nuwe water nie. Al wat ons het, is die jaarlikse reënval wat ons damme en grondwaterbronne moet aanvul. Ons sal dus beter maniere moet vind om die beskikbare waterafvloei te bestuur.” Volgens Le Roy het Suid-Afrika tans minder as 90% van sy reën as afvloeiwater beskikbaar. Sowat 9% verdamp en 4% beland in ondergrondse akwifere. Dit laat die land met nagenoeg 49 miljard liter afvloeiwater…

OBP het onlangs voor die portefeuljekomitee oor landbou verslag gedoen oor sy resultate en gesê sy wins van R231 miljoen in die vorige boekjaar het tot R186 miljoen in 2024-’25 gedaal, terwyl entstofproduksie ook met 24% afgeneem het. Hy het weer ’n gekwalifiseerde ouditmening met vier onopgeloste bevindinge ontvang, terwyl die poste vir onder andere ’n uitvoerende en ’n finansiële hoof steeds vakant is. Die komitee het ernstige kommer uitgespreek oor die verlies aan inkomste, die gekwalifiseerde oudit en sleutelposte wat vakant bly. OBP het sy finansiële probleme en die afname in entstofproduksie toegeskryf aan onder meer verpakkingsprobleme, ’n tekort aan verdunningsmiddels en vriesdroërs wat nog nie ten volle in werking is nie. Die komitee het dié redes bevraagteken en gesê daar moet strenger bestuur, interne beheer en voldoening aan…

SEN. JOHN KENNEDY het op 30 September ’n wetsontwerp ingedien wat lui dat Agoa met twee jaar verleng moet word. Hy stel egter ook voor dat Amerika sy verhouding met Suid-Afrika hersien omdat dié land hom glo by Amerika se vyande skaar, asook dat senior regeringslui en ANC-leiers ondersoek moet word. Kennedy het die wetsontwerp op dieselfde dag as die verstryking van Agoa ingedien. Die volgende dag het groot dele van die Amerikaanse federale regering egter tot stilstand geknars nadat die Republikeine en Demokrate nie oor ’n nuwe begroting tot ’n vergelyk kon kom nie. Kennedy sê in ’n mediaverklaring die verlenging van Agoa sal verseker dat Amerika se belange in Afrika ondersteun word en China se groeiende invloed teengewerk word. “China gebruik Afrika om sy invloed ten koste van…

SPACEX onderneem om tot R2,5 miljard in infrastruktuur in Suid-Afrika te belê, mits hy regulatoriese goedkeuring kry om Starlink hier beskikbaar te stel en te bedryf, en as die vereistes vir swart ekonomiese bemagtiging (SEB) aangepas word om hom tegemoet te kom. Die tegnologie-nuuswebwerf Tech Central berig dat Ryan Goodnight, SpaceX-direkteur vir marktoegang, onlangs op die jaarvergadering van die Suid-Afrikaanse internetdiensverskaffersvereniging gesê het sy maatskappy is oorgehaal om aan die SEB-vereistes te voldoen en is gretig om vennootskappe met plaaslike telekommunikasie-operateurs aan te gaan. Hy het gesê Starlink voldoen in al sy gelisensieerde markte aan plaaslike wetgewing en sal dieselfde in Suid-Afrika doen. Hoewel SpaceX in elke land ’n bedryfslisensie wil bekom, sal Starlink terselfdertyd met plaaslike herverkopers, waaronder internetdiensverskaffers (ISP’s), saamwerk om die mark met installerings-, onderhoudsen herverkoperskontrakte te…

Vir André Kritzinger was boerdery ’n logiese loopbaan. Ses jaar nadat hy as 22-jarige aan die diep kant ingegooi is toe hy die leisels as die agtste geslag (en derde geslag as vrugteboer) op hul familieplaas moes oorneem, floreer die boerdery en glo dié Oos-Kaapse Jongboer van die Jaar daar is heelwat om oor optimisties te wees in die Suid-Afrikaanse landbou. Vars van die Pukke het André in 2019 aanvanklik vir ses maande in die pakhuis op Tulpieskraal, hul plaas by Joubertina, ingeval. Sy pa, Bokkie, het hom toe vir die volgende ses maande sy eie produksie-eenheid gegee om te bestuur – van die toerusting tot die boeke. Toe Bokkie begin 2020 in ’n fratsongeluk oorlede is, het die volle verantwoordelikheid skielik op André se skouers gerus. “Die moeilikste was…

Met presisiebestuur en deeglike beplanning wat alle boerderyaspekte naatloos inmekaarskakel, sou niemand net meer as ’n dekade gelede kon raai dat die stadsjapies Cobus (49) en Gaylene (47) Coetzee vandag suksesvol op hul eie grond sou boer nie, veral omdat hulle aanvanklik net geld vir ’n aartappelplanter gehad het. Hul seun, SP (21), is die derde lid van die gedugte span op die plaas Bombay tussen Grootfontein en Tsumeb, ’n deel van Namibië wat met sterk grondwater geseën is. SP boer deeltyds terwyl hy besig is met sy opleiding as private vlieënier. Hy gaan volgende jaar na ’n vliegskool in Suid-Afrika om sy kommersiële vlieglisensie te voltooi. Hul boerdery, Lanzo Farming, plant mielies, koring en hawer onder spilpuntbesproeiing, asook mielies in semi-droëlandtoestande. Die boerdery verbou ook aartappels, uie en pampoengewasse…

Ureum is die stikstofkunsmis wat die meeste ter wêreld gebruik word, onder meer by rygewasse, soos mielies en suikerriet. Dit is veral danksy ureum se laer koste per eenheid stikstof (N) vergeleke met ander bronne, sy hoë konsentrasie N (46%) en die maklike opberging en hantering daarvan. Dit word algemeen in verskillende kunsmismengsels, ook vloeibare kunsmis, gebruik. Wat stikstofkunsmis betref, word boere en landboukundiges dikwels gekonfronteer met stellings soos: “Jy gebruik ureum? Die helfte van die stikstof gaan binne die eerste paar dae verlore.” Of: “LAN haal die stres uit stikstofbestuur. Dit is die hoër koste werd.” Reaksie van ureum in grond Ureum is ’n ongelaaide molekule wat vrylik saam met water in die grond beweeg. Wanneer ureum egter met grond kontak maak in die teenwoordigheid van vog, verdeel die…

REGSAKE BUTCH VAN BLERK Wat sê die wet oor brandpaaie en uitheemse bome? En watter wet dra die meeste gewig? Ek het ’n nuwe kleinhoewe gekoop. Dit is vol swartwattelbome. As gevolg van die hoë bome moet ek nou ingevolge die Wet op Veld- en Bosbrande (Wet 101 van 1998) ’n breë brandpad van 10 m wyd maak. My buurman en die munisipaliteit het geen brandpaaie nie. Nou hoor ek dat ek ingevolge ’n ander wet nie meer as 300 m 2 per jaar mag ontbos nie. Die brandpad-ontbossing gaan sowat 3 000 m 2 wees. Ek is vreeslik bang vir ’n brand, aangesien dit my huis sal vernietig. Naby my is ook ’n klein plakkerskamp in die bos, waar daagliks vure gemaak word. Watter wet…

Die larwes van motte kan tot reuseverliese in gewasproduksie lei. Snywurms (Agrotis spp.) is bekend om die nadelige effek wat dit op mielie- en sojaboonsaailinge kan hê. Snywurmlarwes kom gewoonlik onder die grondoppervlak voor en sal gedurende die nag na die bogrond beweeg indien die grond klam is. Saailinge wat klein en kwesbaar vir insekskade is, bied ’n uitstekende voedingsbron vir larwes. In situasies waar hoë plaagdruk voorkom, kan snywurmlarwes soveel skade aan saailinge aanrig dat beduidende oppervlaktes van landerye teen hoë finansiële insetkoste weer bespuit of herplant moet word. Snywurmwyfies lê hul eiers op plante of op die grond naby plante. Hierdie eiers is baie klein (kleiner as 1 mm) en ’n mens moet fyn kyk om dit raak te sien. Die larwes kan aan hul dik, haarlose voorkoms…

CALAMARISTEAKS MET PARMESAAN EN SUURLEMOENBOTTERSOUS Hierdie suurlemoenbottersous smaak vorentoe by enige vis of seekos. Suurlemoenbottersous 125 ml witwyn 125 ml suurlemoensap 250 ml room 125 g botter, in blokkies gesny Sout en peper na smaak Calamaristeaks 4 porsies calamaristeak, skoongemaak en drooggedruk 250 ml gegeurde meel 3 ekstragroot eiers, geklits 60 ml fyngerasperde parmesaankaas Olie en botter, vir braai Suurlemoenbottersous: Verhit die wyn in ’n klein kastrol tot kookpunt en laat kook vinnig vir 15 sekondes. Voeg die suurlemoensap by en verhit weer tot kookpunt. Laat kook tot daar ongeveer 80 ml vloeistof oor is voor jy die room byvoeg. Verhit dan weer tot kookpunt en laat die sous afkook tot daar ongeveer 160 ml oor is. Verwyder van die hitte en gebruik ’n draadklitser om die botter blokkie vir…

In die laat 1990’s het Gideoni Huber-Swart en haar oorlede man, Richard, hul bedrywighede in die Laeveld, waaronder ’n kwekery, verkoop om ’n droom na te jaag op Gideoni se familieplaas, De Emigrati, in die Ermelo-distrik. Haar pa, Gideon Bührmann, het gehoor daar is boere in die omgewing wat appels plant en hulle het gedink dit sou goed wees om deel te word van die bedryf. “Tradisioneel het die ou plaaswerwe in die distrik ’n appel-, perske- en appelkoosboom en granate gehad. My pa het gereken appels kan werk hier by ons, al is die laat ryp ’n groot kwessie,” vertel Gideoni oor hoe dit gebeur het dat daar appelboorde in ’n skaapen-sojaboerdery verrys het. Die ideale produksietydgleuf – hulle is vroeër as die res van die produksiestreke en oes…

Só het ek en Manlief op die groot stap van tuisonderrig besluit vir ons drie bloedjies – natuurlik net tot hulle tien of twaalf jaar oud en reg vir die koshuis sou wees. Min het ons geweet wat voorlê. Vyftien jaar later was almal klaar met skool en op universiteit. Al drie het matriek met tuisonderrig voltooi. En Ma herstel nou nog van die trauma. Die voordele van tuisonderrig is legio. Die kinders stap letterlik by die gang af tot in die skool. Dit het beteken dat Ouboet 05:30 kon begin skoolgaan, want hy is ’n oggendmens. Kleinboet het 07:00 begin en Sussie 08:00, want dit was onmoontlik om enigiets sinvols voor dan uit haar te kry. Dis irrelevant hoe laat Ma sou verkies het om met skool te begin:…

DIE nuwe uitbreking van bek-enklouseer (BKS) in Karan Beef se Heidelberg-voerkraal kan, veral gedurende die komende feestyd, hoë beesvleispryse vir boere en verbruikers tot gevolg hê. Rooivleispryse styg gewoonlik teen die feestyd, veral as gevolg van die groter vraag deur verbruikers. Die uitbreking van BKS wat begin Oktober in Karan Beef se voerkraal by Heidelberg in Gauteng, asook die Sparta-houstasie by Viljoenskroon bevestig is, kan druk op veral die klas A-beesvleisvoorraad plaas. Die voerkraal en houstasie was teen druktyd onder kwarantyn. ’n Uitbreking is in Mei vanjaar die eerste keer in Karan Beef se Heidelberg-voerkraal bevestig, waarna dit toe ook onder kwarantyn geplaas is. Teen Junie vanjaar is BKS-uitbrekings ook in Karan Beef se voerkrale by Nigel en Albert Falls naby Pietermaritzburg bevestig. Ná alle prosesse deur die staatsveeartse en…

GAUTENG CARLETONVILLE EILAND 13 (502) 20 ha, aan Agrien (Edms.) Bpk., van Wood Bridge Prop Development (Edms.) Bpk., R2 500 000. ELANDSFONTEIN (334) 16 ha, aan D. Motshoene, van Turner Wilkinson Testamentêre Trust, R2200000. RHENOSTERFONTEIN (560) 374 ha, aan Huwa Air (Edms.) Bpk., van C I K Prop (Edms.) Bpk., R5 050 000. PRETORIA DOORNKRAAL (420) 17 ha, aan Edocorp BK, van S. Serfontein, R2 100 000. DOORNKRAAL (420) 33 ha, aan C. Madhovi en P.G. Madhovi, van S. Serfontein, R1 800 000. KAALFONTEIN (513) 19 ha, aan Pro Events Temporary Employment Services (Edms.) Bpk., van Peoples Paradise Pleasure Resort BK, R700 000. LEEUWKLOOF (285) 21 ha, aan L.J. Larmigny, van Sun Circle Group (Edms.) Bpk., R5120000. LEEUWKLOOF (285) 43 ha, aan C & J Prop Group (Edms.) Bpk., van…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan amostert@landbou.com BYEENKOMSTE 29-30 OKTOBER: Undercover Farming-konferensie. Allée Bleue, Groot-Drakenstein, Franschhoek. Navrae: Suzanne Oosthuizen, 082 832 1604, e-pos: suzanne@undercoverfarmingexpo.com 29-31 OKTOBER: WineX. Sandton-konvensiesentrum. Navrae: 011 482 5934, e-pos: monica@outsorceress.co.za 30-31 OKTOBER: Agri 5-ekspo. The Breeze Inn, Pietermaritzburg. Navrae: admin@agri5expo.co.za. Web: www.agri5expo.co.za 5 NOVEMBER: Subtrop-bemarkingsimposium. Anew-oord, Witrivier. Lizette de Wet, 015 307 3676, e-pos: lizette@subtrop.co.za 7 NOVEMBER: Sappa-inligtingsdag en jaarvergadering. Tema: Die pekanneutboer van die toekoms. The Venue, Hartswater. Navrae: Leilani le Roux, 021 250 1692, e-pos: admin@sappa.za.org 20-21 NOVEMBER: Agri 5-ekspo. Tzaneen Country Lodge. 011 056 6856, e-pos: admin@agri5expo.co.za. Web: agri5expo.co.za 24-26 NOVEMBER: African Agribelegging-indaba. Kaapstadse Internasionale Konvensiesentrum. Navrae: Sandra Munangwa, e-pos: sandra.munangwa@agricouncil.org. Web: agri-indaba.com 3-5 MAART…

Grondhervorming Die “patetiese” uitkoms van die grondhervormingsprogram en volgehoue armoede veroorsaak soveel ontevredenheid dat grondbesettings, soos dié ná 2000 in Zimbabwe, nie meer onmoontlik lyk nie. Só het emeritusprofessor Ben Cousins, stigter van die instituut vir armoede-, gronden landboustudies (Plaas), onlangs op die Land, Life and Society-konferensie by die Universiteit van Wes-Kaapland gesê. Hy het gesê die omvang van die ongelykheid, asook van die lewensbestaanskrisis in landelike en stedelike gebiede, veroorsaak soveel ongelukkigheid dat mense die ANC wil uitstem – nie dat daar vatbare alternatiewe is nie, maar daar is groot ontevredenheid. Cousins het gesê mense is stadigaan besig om grond te beset – nie noodwendig om te boer nie – maar omdat hulle goedkoop stukke grond belowe word. “Plase word bedreig. Ek glo die oomblik van grondbesetting à la…

DIE probleem is dat die maatstawwe opgestel word deur mense wat in lugversorgde kantore sit en dat die huidige wetenskap in hierdie verband net uitlaatgasse van diere in ag neem, het Staats in ’n sessie oor klimaatsverandering op AgriSA se jaarkongres gesê. Die wolbedryf in Suid-Afrika en Australië vat nou hande om die nodige wetenskaplike bewyse te vind en dit voor te lê sodat die Europese maatstawwe verander kan word. “Die wêreld se tekstielbedryf is verantwoordelik vir ’n beduidende deel van koolstofuitlaatgasse,” het Staats ná die tyd aan Landbouweekblad gesê. In die tekstielbedryf het die groot klerehandelsmerke aanvanklik vereistes vir omgewingsvriendelike produksie aangedryf “omdat hulle graag die wêreld ’n beter plek wil maak. “Die ‘groen’ beweging in Europa bou stadig maar seker momentum op, en hul vereistes begin nou in…

Vyf jaar nadat ’n kleurryke idee in die swart tyd van die covid-19-pandemie wortelgeskiet het, verdien Mareli Visser ’n volhoubare inkomste uit haar snyblomboerdery, met onder meer “outydse blomme uit my ouma se tuin”, en ’n blombolboerdery. Mareli het nou vir goed haar voorskoot as voormalige Koekedoor-wenner (2015) op kykNET, aanbieder van die TV-progam Die Koektannie, bakker en skrywer van die boek Uitgerys verruil vir waterstewels, rekbroeke en ’n wyerand-sonhoed. Sedert November 2021 kweek sy snyblomme op ’n leë erf en stukkies grond in en om Douglas, en versprei dit op dié dorp, op Prieska en in Kimberley. “Dit is toe dat ’n ander verslawing my ook beetgepak het. Ek het versot geraak op dahlias – die mooiste kleure, grootste blomme en interessantste vorms. Só het my nuwe besigheid, Love…

As avonturier, motiveringspreker en iemand wat die voorreg gehad het om nou met landbougemeenskappe oor Suid-Afrika heen saam te werk, het ek eerstehands die krag, uithouvermoë en veerkragtigheid van die land se boere ervaar. Waar ek ook al in die wêreld reis, word Suid-Afrikaanse boere hoog geag. Hulle word bewonder as vindingryke, taai en vasberade mense – eienskappe wat nasies bou en onderhou. Hulle is die mans en vroue wat, dikwels te midde van groot hindernisse en teëspoed, onvermoeid werk. Deur die jare het ek op geleenthede soos die Bielie Mielie-fees, Bloemskou, Landbouweekblad-byeenkomste, BKB-konferensies en vele ander gepraat. Dit het aan my die voorreg gebied om naby aan die hartklop van die gemeenskap te kom. Die werklikheid is egter dat boerdery in Suid-Afrika nooit sonder probleme is nie. Boere voer…

Volhoubaarheid Geskiedenis is onlangs gemaak toe Springfield Farms in die Levubu-vallei in Limpopo Suid-Afrika se eerste demonstrasieplaas vir ’n internasionale organisasie geword het. Linking Environment and Farming (Leaf) is ’n wêreldwye boerdery-envoedselstelsel-organisasie wat hom beywer vir klimaatslim en veerkragtige landboupraktyke vir gesonde kos, plase, omgewings en gemeenskappe. Springfield Farms behoort aan die Whyte-familie en beslaan vyf plase met 180 ha avokado’s, 270 ha makadamias en 80 ha pekanneute. Dr. Valerie Whyte, ’n navorser in ekologie wat haar verhandeling oor geïntegreerde plaagbekamping (met vlermuise) gedoen het en haar vyf jaar gelede by dié familie-onderneming aangesluit het, sê hulle wou voorbly in hul boerdery wat volhoubare landboupraktyke betref. “Die mark vereis ál meer geloofwaardige, onafhanklik geouditeerde volhoubaarheid. Leaf het ons ’n platform gegee en bevestig dat baie van wat ons reeds doen,…

Dit voel soos een van daardie koorsdrome waar jy nooit jou bestemming bereik nie. Alles bly netnet buite jou bereik, maak nie saak hoe hard jy probeer nie. Teoreties het Suid-Afrika alles wat nodig is om die huidige onverkwiklike situasie met uitbrekings van bek-en-klouseer (BKS) onder beheer te kry, maar eintlik maak ons nie hond haaraf nie. Elke week is daar nog ’n angswekkende aankondiging van ’n uitbreking. Elke week word nog ’n klomp plase in kwarantyn geplaas. Nog ’n klomp boerderye wat tot stilstand knars. Nog ’n klomp boere wat skielik ’n reeks onbegrote verliese moet bestuur, ondanks die feit dat BKS ’n staatsbebeerde siekte is. ’n Staat wat egter nie ’n bloue duit bydra om verliese te help vergoed nie. Die land is veronderstel om ’n polisiemag te…

SEDERT dr. Dave Midgley uitvoerende hoof van die herkouerveterinêre vereniging van Suid-Afrika (Ruvasa) geword het, het hy etlike oproepe gekry van die regering se advieskomitee oor BKS oor hoe private veeartse betrokke kan en wil raak om dié krisis te probeer oplos. Midgley sou die regering teen druktyd ingelig het oor hoe private veeartse deel van die geveg teen BKS kan wees. Omdat dit ’n aanmeldbare siekte is, word dit meestal deur staatsveeartse gehanteer. Hulle is ook die enigste veeartse wat die entstof mag toedien. Volgens hom het hy navrae geplaas op ’n groep vir landelike veeartse en meer as 40 insette gekry oor watter dienste hulle graag wil lewer en wat hul kliënte in dié verband van hulle vra. Hy het op Landbouweekblad se tweede Vee-akademie op Nampo Alfa…

SUID-AFRIKA se beesbedryf is tans nie mededingend of volhoubaar nie, en as die land die internasionale uitvoermark wil betree, “gaan ons nuut en anders moet dink”. Volgens Gerhard van der Burgh, senior ontleder van die buro vir voedsel-en-landboubeleid (BFAP) en ’n beesboer van die Vrystaat, ding Suid-Afrika se rooivleismark op die internasionale verhoog mee met lande met goeie graderingstelsels, wat dieregesondheid en naspeurbaarheid insluit. Dit het Australië onder meer amper 20 jaar gekos om sy graderingstelsel gereed te kry, maar dié land se produsente verdien in die algemeen ’n premie van 20% tot 30%, het hy op Landbouweekblad se tweede Vee-akademie op Nampo-park gesê. Volgens hom moet ’n veeboer onthou dat ’n waardeketting eintlik by die verbruiker of koper van die produk of dier begin, want sonder ’n koper het…

’N VEEBOER van Setlagole in Noordwes, Willem de Chavonnes Vrugt (46), is verkies tot AgriSA se nuwe president. AgriSA sê in ’n verklaring De Chavonnes Vrugt, wat Jaco Minnaar opvolg, bring omvattende ervaring in landbouleierskap, beleidsbeïnvloeding en strategiese bestuur na dié organisasie. Onder sy leierskap sal AgriSA voortgaan om sy doelwit te bevorder om ’n volhoubare, mededingende en inklusiewe landbousektor te verseker. De Chavonnes Vrugt het in sy aanvaardingsboodskap sy verbintenis tot samewerking en innovasie op alle vlakke van die sektor bevestig. “Ons as boere, landbouondernemings en die rege-ring moet verenig staan en saamwerk om veerkragtigheid te bevorder, nuwe geleenthede te ontsluit en ’n toekoms te bou wat mense én die landbouekonomie ondersteun.” Sy verkiesing volg op AgriSA se jaarkongres wat middel Oktober in Pretoria gehou is en deur meer…

Einde September vanjaar het die Mededingingskommissie ’n formele ondersoek na die braaihoender- en eiermark in Suid-Afrika in die Staatskoerant afgekondig en die raamwerk van sy ondersoek bekend gemaak. In die markondersoek gaan die klem val op die stand van mededinging in die bedryf, die konsentrasie van markmag en markstruktuur. Dit is dus nie ’n ondersoek na die markgedrag van ’n spesifieke onderneming nie, maar ’n poging om die werking van die bedryf en mark beter te verstaan, en te bepaal of daar beperkings op mededinging bestaan. Daar is voortdurende spanning tussen die kommissie en die kommissie vir internasionale handelsadministrasie (Itac) oor die braaihoenderbedryf, waar teenstortingstariewe byvoorbeeld na willekeur opgehef word. In die Staatskoerant is daar weer ’n sydelingse klap gegee na die bedryf, wat na bewering bly aandring op beskerming…

TABAK is ’n welkome, algemene geur in swaarder rooiwyne. Veldbrande kan egter ’n uiters onwelkome brandsmaak veroorsaak wat ’n lekker glas Shiraz kan laat smaak asof ’n mens aan ’n asbak gelek het. Volgens ’n studie wat in die navorsingsjoernaal PLOS One gepubliseer is, kan Gordonia alkanivorans, ’n mikrobe wat reeds op wyndruiwe voorkom, wyn teen ’n brandsmaak beskerm, aangesien dit guajakol afbreek. Guajakol is ’n natuurlike, organiese verbinding wat in houtrook, tamaties en verouderde wyn voorkom en tot ’n rokerige geur bydra. Luidens ’n artikel in Science word ’n mengsel van vlugtige verbindings, wat as fenole of karbolsuur bekend staan, vrygestel wanneer plantegroei brand. Dié molekules kleef aan die druiwe se dop en bind aan suikers en ander komponente van die korrels, wat veroorsaak dat dit nie bloot afgewas…

Produsente in Suid-Afrika se somersaaigebiede plant jaarliks sowat 550 000 ha tot 600 000 ha sonneblom aan. Die grootste deel van hierdie aanplanting word gewoonlik in Januarie gedoen. Daar moet egter gevra word: Is Januarie die ideale planttyd vir sonneblom, of kan vroeë aanplantings meer voordele vir produsente inhou? In die 2024-’25-seisoen het die meeste somersaaigebiede hoër as normale reënval in die tweede deel van die seisoen gekry. Die beskikbare grondvog kan in die huidige seisoen baie voordelig vir vroeë sonneblomaanplantings wees. Waarom vroeë aanplantings? Sonneblom is een van die somergraangewasse wat die minste gevoelig vir plantdatum is. Dit kan streng gesproke van September tot Januarie in die meeste sonneblomproduksiegebiede aangeplant word. Die gewas kan suksesvol ontkiem by grondtemperature van so laag as 4 °C en groei goed by 10-31°C.…

Onkruiddoderweerstand word gedefinieer as die oorgeërfde vermoë van ’n plant om te oorleef ná blootstelling aan ’n dosis onkruiddoder wat gewoonlik dodelik sou wees. Sedert 1985 word daar jaarliks gemiddeld elf nuwe gevalle van onkruiddoderweerstand wêreldwyd aangemeld. Koring, mielies, rys en sojabone is die gewasse waarby dit die algemeenste voorkom. Só ontstaan weerstand Onkruide toon groot genetiese variasie weens bestuiwing en willekeurige mutasies. Op sy eie veroorsaak die toediening van ’n onkruiddoder nie mutasies in plante nie. Die herhaaldelike toediening van dieselfde onkruiddoder (aktiewe bestanddeel) bring egter mee dat plante wat reeds natuurlike weerstand het, “geselekteer” word. Hulle oorleef, versprei saad en bou mettertyd ’n oorwegend weerstandige bevolking op. HRAC, die internasionale onkruiddoder-aksiekomitee, klassifiseer onkruiddoders in groepe op grond van hul werkwyse of teikenplekke in die plant. Die aktiewes binne…

Hoekom is mosselboerdery so ’n volhoubare vorm van akwakultuur? Die natuur gee alles vir ons. Ons het die beste water, vol plankton, in die wêreld en boonop voorsien die see elke jaar vir ons tonne gratis mossels in die broeiseisoen. As boere moet ons net verantwoordelike rentmeesters wees, dan sal ons altyd mossels beskikbaar hê. Wat maak die Weskus-water so geskik vir mosselboerdery? Die Weskus van Afrika is geseënd met koue, planktonryke water wat ons in staat stel om ’n siklus van ses tot sewe maande te volg, terwyl ander streke se intervalle twaalf tot agttien maande duur. Hoe lyk ’n tipiese dag op ’n mosselplaas? Ons oes vir die vars (lewende) mosselmark en daarna oes ons vir die fabriek wat dit in halfskulp- en ander produkte verwerk. Terselfdertyd moet…

Om goed te kan kommunikeer, is ’n gawe wat nie onderskat moet word nie. Maar die belangriker vraag is: Wat is goeie kommunikasie? Die eerste gedagte wat by ’n mens opkom, is dat woorde, reg ingespan en uitgespreek, tog seker die hoogste vorm van kommunikasie moontlik maak. Is dit nie by uitstek die manier waarop mens en medemens mekaar ontdek nie? Een van die filosowe sou by geleentheid uitgeroep het: “Praat, man, dat ek jou kan ken!” Is dit hoe ons mekaar leer ken? Ja, beslis, maar is dit die enigste manier? Is dit die beste manier? Dit is hier waar ons die net van antwoorde heelwat wyer sal moet span. Is kommunikasie nie veel meer as net die sinvolle gebruik van woorde nie? Dink mooi hieroor na, en miskien…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Graansoort Lees op bl. 98 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 99 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 13 November 2025. Geen posstukke word meer as inskrywing aanvaar…

Die TABEL toon grondtransaksies groter as 10 ha in Gauteng, KwaZulu-Natal en Limpopo vir die 12 maande tot Julie vanjaar, met gemengde prysbewegings in dié drie provinsies. In Gauteng is 495 transaksies oor vier distrikte gesluit, met 270 663 ha wat teen altesaam R4,611 miljard verhandel is. Net by Pretoria (6,8%) is ’n gunstige prysneiging waargeneem. In KwaZulu-Natal is 341 transaksies oor 13 distrikte gesluit, en is 108 127 ha teen altesaam R2,965 miljard verhandel. Gunstige prysneigings is waargeneem by onder meer Kokstad (11,9%), Underberg (6,9%) en Pietermaritzburg (6%), terwyl pryse veral by Ballito (-14,8%), Louwsburg (-11,1%) en Port Shepstone (-8,3%) gedaal het. In Limpopo is 555 transaksies oor 12 distrikte gesluit, met 197 461 ha wat teen R3,698 miljard verhandel is. Gunstige prysneigings is veral waargeneem by Musina (11%),…

MEATMASTER Meatmaster sit beste voet voor op nasionale veiling Altesaam 53 ramme en sowat 167 lotte vroulike diere is op die tweedaagse nasionale Meatmasterveiling op die Bloemfonteinskouterrein aangebied. Die duurste Meatmaster was die gebruiksram Aviator OC 230144 uit Boemie Saaiman se Ochre Meatmaster-stoetery, Drie Susters. Wessel Fourie van Nu Vino by Pretoria het R82 000 vir hom betaal. Die duurste vroulike dier was DM 220012 van Model Meatmasters van Mario Marais van Brits. Die koper was Duncan Cairns van Yield Agri, Bloemfontein, wat haar vir R65 000 gekoop het. Vleissentraal Port Elizabeth het die veiling aangebied. André van Zyl was die afslaer. — JOHAN NORVAL R11m.-aandeel in buffelbul wys skop is terug in wildbedryf TE oordeel na die uitstekende pryse op Stud Game Breeders se suksesvolle wildveiling in Limpopo, lyk…