Landbouweekblad 16 October 2025의 목차

100% katoen China produseer ongeveer 32 miljoen bale jaarliks (2024-'25), wat 27% van die wêreldvoorraad uitmaak. Dié land verbruik ook 32% van die katoen wat wêreldwyd geproduseer word, wat dit sowel die grootste produsent as verbruiker maak. Ondanks sy hoë binnelandse verbruik, speel China steeds ’n groot rol in die wêreldwye katoenhandel. In die provinsie Xinjiang, in die verre noordweste van die land, word 87-92% van China se katoen geproduseer. Weens kwessies, soos onder meer waterskaarste, is die katoenproduksie van die oostelike en sentrale dele na Xinjiang verskuif. Die aanplantingsen oesproses van katoen in Xinjiang is onderskeidelik 100% en 90-97% gemeganiseerd. Op die plase word satellietnavigasie, hommeltuie vir veldmonitering, slimbesproeiing en gerekenariseerde werktuie gebruik. Danksy die slimbesproeiing wat meestal toegepas word, het die opbrengs van sowat 4 500 kg/ha in…

Hoe meer kere Manie die hofuitspraak van regter NB Tuchten in die saak van Grandvalley Estates van Fred Daniel teen Mpumalanga se toerisme-en-parkeraad en grondeisekommissie lees, hoe meer twyfel hy oor die toekoms. Dit is hartseer dat dit 15 jaar geduur het vir geregtigheid om te geskied teen korrupte politieke leiers in van Suid-Afrika se hoogste poste, twee staatsdepartemente en hul amptenare, ’n gierige grondspekulant, polisielede en landelike gemeenskappe. Dit was langer as wat Fred aan sy droom van ’n uitgestrekte wildernisgebied van eManzana af tot teen die grens met Eswatini by Barberton kon vasklou. Fred het die grond wat hy deur die jare opgekoop het vir sy droom, en die Nkomazi-projek, uiteindelik op 17 Maart 2008 verkoop aan Dubai World ingevolge ’n ooreenkoms waarin hy ál sy belange in…

KARAN Beef het onlangs nuwe gevalle van BKS aangemeld en homself dadelik in kwarantyn geplaas, sê Dewald Olivier, uitvoerende hoof van die rooivleisbedryfsdienste (RMIS). Kliniese tekens is by drie diere opgespoor toe die vee op ’n vragmotor gelaai is, waarna dié diere positief getoets het. Einde Mei is Karan se Heidelberg-voerkraal, die grootste in Suider-Afrika, tot stilstand geruk nadat die virus ondanks streng biosekerheidsmaatreëls daar uitgebreek het. Olivier sê positiewe gevalle is ook in ’n houstasie van Sparta Beef op Viljoenskroon bevestig. Dié gevalle word ondersoek, veral omdat geen beeste in die afgelope vyf maande by dié houstasie ingeneem of uitgegaan het nie. Volgens hom het Karan Beef en Sparta ’n plan om die situasie te bestuur. Hulle het entstof ontvang om diere te kan inent. In dieselfde week het…

IN sy uitspraak in die hooggeregshof in Pretoria oor die geding tussen Grand Valley Estates en die Mpumalangatoerisme-en-parkeraad (MTPA), asook die provinsiale grondeisekommissie, het regter Neil Tuchten sonder omhaal verwys na die grootskaalse korrupsie, magsmisbruik en politieke inmenging wat die ontwikkeling van die hoofklaer, Fred Daniel, se Nkomazi-wildernisprojek verlam het. In sy uitspraak pak hy die skuld vierkantig op die skouers van staatslui en politici, wat volgens hom doelbewus teen Daniel en sy beleggers in die bewaringsprojek in die Badplaasvallei in Mpumalanga opgetree het. Daniel was die eerste getuie in die hofsaak wat op 20 Januarie vanjaar begin het ‒ byna 15 jaar nadat die aanvanklike aansoek teen die MPTA en 24 ander respondente gebring is. Die aansoeke teen 23 van die respondente is egter deur die jare heen laat…

DIE metroraad het die 34 ha, bekend as Gedeelte 406 van die plaas Driefontein, reeds op 30 April 2019 onteien. Die raad het eers in 2020 sy aanbod vir vergoeding gemaak, naamlik nul rand, en sedertdien g’n aks wegbeweeg van sy standpunt dat hy redes het om nulvergoeding aan te bied nie. Hy het selfs in ’n stadium in hofstukke aangevoer dat die konstitusionele hof die vorige Onteieningswet (Wet 63 van 1975) ongrondwetlik moet verklaar. Business Venture Investments 900, wat die grond voor die onteiening besit het, sê in hofdokumente die grond is minstens R30 miljoen werd. Volgens Sakeliga, wat die besonderhede van dié ses jaar lange saak bekend gemaak het, sal ’n hofvoorgeskrewe bemiddeling op 31 Oktober plaasvind en die saak is ook vir ’n 18 dae lange verhoor…

Hoe meer spinnekoppe in jou landerye voorkom, hoe beter is dit vir jou boerdery. Om meer spinnekoppe te kan huisves, moet ’n verskeidenheid habitats gevestig word. Dít blyk uit ’n studie deur navorsers aan die Universiteit van Göttingen in Duitsland waarvan die resultate in ’n joernaal van toegepaste ekologie gepubliseer is. Spinnekoppe is een van die spesies wat insekplae, wat oeste kan beskadig, kan uitwis. Hulle dra dus indirek by om ekonomiese verliese te voorkom. Luidens die studie het die omskakeling van onproduktiewe gebiede in landbou-omgewings en die uitbreiding van wei- en grasvelde die afgelope dekades toegeneem. Hoewel dit tot ’n toename in voedselproduksie bygedra het, kan dit biodiversiteit ’n groot knou gee. Spesies soos spinnekoppe, wat die landbou deur hul aktiwiteite bevoordeel, kan ook daaronder ly. Landboulandskappe met diverse…

Die Franse moutreus Soufflet Malt beoog om 125 000 ton moutgars teen 2028 tot Suid-Afrika se produksie te voeg. Die afgelope sewe jaar het Soufflet Malt met Suid-Afrikaanse boere saamgewerk en navorsing gedoen om in die plaaslike moutgarsmark te belê. Die maatskappy is in 41 lande teenwoordig. Jérémy Antier, hoofbestuurder van Soufflet Malt Suid-Afrika, sê Suid-Afrikaanse boere is kundig en ken hul produk reeds goed. “Dit was nie nodig om mense oor die garsbedryf te leer nie; jy kom kyk hoe dinge hiér werk. Ons het baie geleer, soos oor die mikroklimate wat in ’n distrik of selfs op verskillende plekke op een plaas kan bestaan. Die gehalte van die gewasse is hoog en die boere is ervare.” Antier het saam met Deon de Wet, senior programbestuurder vir landbouwaardekettingontwikkeling by…

Orizon Agriculture is die eerste Suid-Afrikaanse maatskappy wat internasionaal-erkende koolstofkrediete vir volhoubare gewasboerdery gekry het. Hoekom is dit betekenisvol vir boere? Koolstofkrediete, veral vir herlewingslandbou, is nie iets nuuts nie, maar soos met baie dinge het dit langer geduur om in Suid-Afrika pos te vat as in ontwikkelde lande soos Amerika, Kanada en Australië, en in Europa, waar hulle al ’n ruk lank die voordele van koolstofkrediete geniet. Boere het ook ’n opsie om ’n direkte aansporing van hul regering te ontvang om iets soos dekgewasse te plant. In Suid-Afrika is daar baie min ondersteuning of aansporings van die regering se kant. Daarom dink ek dit is ’n goeie geleentheid vir boere om koolstofkrediete te verkoop, want dit kan die oorskakelingsproses na herlewingslandbou minder riskant maak en selfs subsidieer. Wat…

Sukses berus nie op duur tegnologie of ingewikkelde genetika nie, maar in goeie beplanning, deurlopende uitvoering en ’n begrip van die basiese beginsels. “Dit gaan nie oor hoeveel jy bestee nie, maar oor hoe goed jy beplan,” was Jan-Hendrik Zietsman van AntroVet se boodskap tydens die Wagyu-konferensie. Waldo Scheepers, die Wagyu-beestelersgenootskap se direkteur van rasverbetering, het uit dure ondervinding geleer dat elke besluit langtermyngevolge het. “Daarom is dit so belangrik om duidelike doelwitte te hê en dit deurlopend te volg.” 1 Beplanning is goue draad van sukses “Beplanning is die goue draad wat deur alle suksesvolle boerderye loop,” meen Jan-Hendrik. Hy gebruik die voorbeeld van ’n skaapboer wat vir hom vertel het dat sy kudde se bevrugtingsyfers aansienlik verbeter het danksy die gebruik van laparoskopie. “Ek vra toe of die veearts…

Die onsekerhede wat die wêreld tans kenmerk, is nie buitengewoon nie, volgens Morné van Vrede, beleggingspesialis in die fondsdistribusiespan van Allan Gray. “Sedert Allan Gray in 1973 gestig is, het die wêreld al vele tye van onsekerheid beleef – en ons het dit telkens suksesvol vir ons kliënte bestuur,” sê hy. “In die 1970’s was die wêreld in die greep van ’n ernstige energiekrisis toe Egipte en Sirië se aanval op Israel in 1973 en Westerse steun aan Israel daartoe gelei het dat die organisasie vir Arabiese petroleumuitvoerlande ’n olie-embargo ingestel het. Dit het gelei tot ’n skerp styging in oliepryse en ekonomiese ontwrigting, veral in Amerika en Wes-Europa. “Terselfdertyd het spanning weens die Koue Oorlog toegeneem, en Suid-Afrika het te kampe gehad met internasionale sanksies, hoë inflasie en lae…

Boere is praktiese mense wat weet wat hulle nodig het om hul boerdery doeltreffend te bestuur. Tog leef daar dikwels ook ’n passie vir vlieg in hul hart. Wanneer dié twee ontmoet, word ’n vliegtuig soos die Cirrus SR22 G7 nie net ’n werktuig nie, maar deel van ’n boer se leefstyl. Dié model, wat in 2024 bekend gestel is, bied ’n kombinasie van spoed, reikafstand, veiligheid en luuksheid, wat dit perfek maak as ’n vliegtuig vir plaaswerk én gesinsuitstappies. Kersie op die koek Drinus van Zyl het ná sy vlug geen twyfel gehad oor hoe lekker hy gevlieg het nie. “Die G7 is die kersie op die koek. Die vlugtegnologie is verstommend, die veiligheidskenmerke ongeëwenaard en die vliegtuig hanteer dwarswind soos min ander. Dit is stabiel, gemaklik en jy…

Wuhlf Equipment is vanjaar 20 jaar oud. Om dit te vier, gee dié vervaardiger en verspreider vir sy kliënte ’n geskenk. As jy voor einde November ’n splinternuwe JX450 TLB (veeldoelige laaigraaf) koop, kry jy en ’n reisgenoot ’n tien dae lange vakansie na China, wat vlugte, verblyf en ’n begeleide toer insluit. Verkies jy om eerder tuis te bly, kry jy wel ’n aansienlike afslag. Vir Wuhlf is dit nie ’n kompetisie nie, maar ’n manier om elke kliënt te bedank. Veelsydige werktuig Die JX450 TLB is ’n kragtige en veelsydige werktuig wat vir bou-, grondverskuiwings- en landboudoeleindes ontwerp is. Die duursame afwerking, stewige ontwerp en maklike onderhoud maak dit gewild in die landboumark, waar boere werktuie wil hê wat hard kan werk sonder dat dit ’n fortuin kos.…

Cropwise is ontwerp om die lewe vir die produsent makliker te maak – van die begin van die seisoen wanneer saadkeuses gemaak word tot ná strooptyd. Cropwise is Syngenta se handelsmerk vir digitale landbouoplossings. Die filosofie is eenvoudig: Om produksiepotensiaal te ontsluit met elke besluit wat op die plaas geneem word. Die uiteindelike doel van Cropwise is om optimale produksie op elke hektaar te verseker. ’n Kernaspek en groot voordeel is die integrasie tussen verskillende platforms. Dit verseker dat produsente toegang tot ál hul data op een sentrale plek kan kry en dit van daar af kan bestuur. Dié benadering maak dit vir produsente moontlik om ’n holistiese oorsig van hul boerdery-aktiwiteite te kry en só beter besluite te neem. Cropwise Seed Selector: Saadkeuse is die begin Een van die…

Claas, een van die wêreld se belangrikste vervaardigers van landboumasjinerie, is al meer as ’n eeu lank besig om die graanoesproses met groot spronge te verbeter, maar die familie se heel eerste fabrieksproduk was roomafskeiers. Die grondlegger, Franz Claas, het sy onderneming gevestig in die tyd kort vóór die Anglo-Boere-oorlog toe president Jan Brand leier van die Republiek van die Oranje-Vrystaat was. En wat Brand by sy volksgenote ingeprent het, naamlik dat alles sal regkom as elkeen sy plig doen, het die familie Claas van Duitsland van die begin af gedoen, en dit is vandag steeds die geval. In 1913 het die 25-jarige August Claas sy pa se onderneming in die noordweste van Duitsland oorgeneem. Die ander drie Claasbroers, Franz, Theo en Bernhard, wat ook by hul pa gewerk het,…

DIE staat se Lugvaartstrategie 2025 konsentreer hoofsaaklik op lugvragvervoer en die optimalisering van die rol wat dié soort vervoer in Suid-Afrika kan speel, nie net wat passasiers betref nie, maar ook goedere. ’n Belangrike toepassing van hommeltuie wat die strategie uitlig, is dus die aflewering van goedere, waaronder medisyne, noodprodukte en hoëwaardeonderdele. Anders as plaaslike inspeksie- of moniteringsvlugte, soos dié waarvoor boere meestal hommeltuie gebruik, behels hierdie operasies dikwels langafstandvlugte met groter en kragtiger toerusting buite siglyn oor verskeie eiendomme, luidens die strategiedokument. Internasionale voorbeelde – en selfs die Suid-Afrikaanse projek Bloodwing waardeur bloed vervoer gaan word, wys hoe hommeltuie reeds gebruik word in gesondheidsorg en voorsieningskettings. Hoewel tuisaflewering in stede wat Amazon-hommeltuie gebruik minder dringend is vanweë Suid-Afrika se bestaande padnetwerk, word verwag dat goederevervoer per hommeltuig vinnig sal…

ROOIBOS hou nie net gesondheidsvoordele vir mense in nie, maar ook vir visse. In ’n onlangse studie deur die Walter Sisulu-Universiteit in Mthatha is bevind dat viskos met rooibos-ekstrak ’n beduidende impak op die groeikoers en voedingsdoeltreffendheid van verskeie visspesies het. Volgens prof. Grace Okuthe, senior navorser, kan hierdie bevinding die volhoubare waterkultuur in Suid-Afrika heeltemal transformeer. As deel van die navorsing is gefermenteerde rooibos-ekstrak, asook ongefermenteerde groen rooibos-ekstrak aan kurpers gevoer. Navorsers het gekyk watter effek dit op die visse het vergeleke met kommersiële viskos. Hulle het bevind die kurpers wat die kos gevoer is wat groen rooibos-ekstrak bevat, het sowat 2,83% vinniger gegroei en die kos 0,9% doeltreffender in liggaamsgewig omgesit, teenoor dié wat kommersiële viskos gevoer is. “Die persentasies klink dalk min, maar in die kommersiële waterkultuur…

Die distrik Vryburg word nie verniet die “Texas van Suid-Afrika” genoem nie. Hier floreer beesboerdery op soetveld, met goeie water en lae siektedruk. Maar William Harvey (39), vanjaar Noordwes se topjongboer wat op Uitzoek by Tlakgameng, 100 km noord van Vryburg, die Bovelder as voorkeurras gekies het, het in Australië sy beesbestuurtande gaan slyp. Die grootste van die drie plase – of cattle stations, soos die Aussies dit noem – waarop hy gewerk het, was 100 km by 160 km, met 30 000 rooi Angusse. “Daar het ek baie van beesbestuur geleer, asook hoe belangrik dit is om die regte ding op die regte tyd te doen. Ek het ook baie van myself geleer en karakter gebou.” Nadat hy in 2007 die graad BAgric in diereproduksiebestuur aan die Universiteit van…

Indien jy herlewingslandbou oorweeg om jou grond beter te benut terwyl jy wag dat die pekanneute in produksie kom, moet jy dit stapsgewys aanpak en eers die beginsels onder die knie kry. Doen jy dit reg, is sukses gewaarborg, meen Corné Pieterse van Delpa-herlewingslandbou by Douglas, wat op die jaarlikse A-Z Pekanneutkonferensie op Orania was. 1 Verstaan die konteks. Hoe lyk jou plaas, die topografie, asook die mense en werktuie wat tot jou beskikking is? As jy dit nie kan identifiseer nie, gaan jy foute maak. Leer egter uit dié foute. Hou boek van alles deur waar te neem en dit neer te skryf. “Op ons plaas boer ons op sandgrond teen ’n helling met ’n hoogte van 71 m tussen die laagste en hoogste deel van die boerdery,” sê Corné.…

Met hul inherente herdersinstink, hoë intelligensie en sterk werkywer bewys Australiese Herdershonde hulself as onmisbare bates vir skaap- en beeswerk op Suid-Afrikaanse plase. Nicolaas Kotze, ’n boer van die plaas Ebenhaezer by Frankfort in die Oos-Vrystaat, het die afgelope vyf jaar deeltyds met dié honderas geteel deur sy geregistreerde hondetelery (kennel), Von Matsliach. Die plaas se boerderyvertakkings bestaan uit mielies, sojabone, Dohne-Merino’s en Bonsmaras, en die Australiese Herdershonde voeg praktiese waarde daaraan toe. “Hierdie honde het ’n ingeboude aanvoeling vir herderswerk,” sê Nicolaas. “Hulle is energiek en hoogs opleibaar, maar hulle benodig ’n aktiewe leefstyl en gereelde stimulasie. Hulle is beslis nie ideaal vir mense wat ’n onaktiewe leefstyl verkies nie.” Hoewel elke ras op sy eie bene staan en hy lugtig is vir vergelykings, verduidelik hy dat die Australiese…

Die somerproduksieseisoen is byna hier en produsente berei voor vir ’n deurslaggewende planttydperk. In die oostelike produksiestreke van Suid-Afrika, waar hoofsaaklik geelmielies geproduseer word, begin produsente van middel Oktober af plant. Die planttyd in die westelike produksiestreke, waar hoofsaaklik witmielies verbou word, begin eers middel November. Vir produsente wat hul planttyd binnegaan, is aanpasbaarheid, suksesvolle voorbereiding en strategiese besluitneming belangrik. Danksy AFGRI se nege spesialis-sake-eenhede slaag hy daarin om produsente se vennoot in die hele waardeketting te wees. AFGRI Financial Solutions. “ ’n Boerdery is ’n geïntegreerde onderneming. Dit begin by die produsent wat grond kry, besluit wat hy gaan produseer, die grond bewerk en risiko’s bestuur. AFGRI het produkte wat oor dié waardeketting heen strek, waarvan finansiering en versekering twee komponente uitmaak,” sê Hercu Bloem, hoof van AFGRI se…

Watervoorsiening word elke jaar al hoe meer kritiek in Suid-Afrika namate reënval wisselvalliger word en munisipale toevoer dikwels onderbreek word. Staalboer verskaf duursame staalpaneel-reservoirs wat feitlik enige plek opgerig kan word en gebou is om die strawwe plaaslike toestande te deurstaan. Betroubare toegang tot water is noodsaaklik vir goeie oeste, gesonde vee en volhoubare boerdery. Met Staalboer se wye reeks aanpasbare tenks kan boere met selfvertroue hul besproeiing en veevoorsiening bestuur, selfs gedurende onvoorspelbare weerstoestande. Staalboer se oplossings strek verder as die landbou. Staalboer-reservoirs bedien ook nywerhede, soos mynbou, kommersiële ontwikkelings en voorsien selfs in huishoudelike behoeftes. Van gesinshuise tot kantoorgeboue en winkelsentrums – Staalboer se ingenieursgesertifiseerde reservoirs is ontwerp vir veilige, langtermyn-watervoorraad. Met drinkwater-gesertifiseerde opsies verseker Staalboer dat standaarde nagekom word en voldoen dié vervaardiger aan die uiteenlopende behoeftes…

’N BESLUIT wat Stefan Gerber en sy vrou, Francisce, tydens ’n sewe jaar lange droogte in Namakwaland geneem het, het uiteindelik gelei tot ’n onderneming wat werk aan 1 000 mense kan verskaf. Gerber & Co, ’n wolmaatskappy wat in 2017 uit nood begin is, het die eerste wolwassery in Suid-Afrika op 2 Oktober vanjaar bekend gestel. Die Gerbers moes gedurende die droogte besluit of hulle met hul boerdery in die Loeriesfontein-distrik wou voortgaan of eerder hul plaas se hekke toemaak. Hulle het toe, in plaas daarvan om hul wol te verkoop, begin om daarmee te eksperimenteer. Die wol is op hul werf gewas en ná baie probeerslae en foute het hulle uiteindelik die eerste woltruie van hul eie wol in 2018 begin maak en verkoop. Dit was die begin…

HOEWEL presiese syfers moeilik bekombaar is, word geraam dat Suid-Afrika in 1975 tot 28 000 melkboere gehad het, wat gesamentlik sowat 2,4 miljard liter melk in daardie jaar geproduseer het. Suid-Afrika het 50 jaar later slegs 885 melkboere, wat gesamentlik sowat 3,5 miljard liter melk gedurende 2024 geproduseer het. Daan Landman, voorsitter van die Oos-Kaapse Melkprodusente-organisasie, het onlangs aan Landbouweekblad gesê dat baie Suid-Afrikaanse plase dekades lank klein melkkuddes as deel van hul gediversifiseerde vertakkings gehad het. Hul daaglikse melkproduksie het gereelde, waardevolle kontantvloei aan dié plase besorg. Dié toedrag van sake het sedertdien verander. “Plase en boere het baie meer gespesialiseerd geword, Suid-Afrika se melkkuddes is nou baie groot en baie produktief. Deesdae bestaan ’n winsgewende melkkudde uit niks minder as 600 koeie nie.” Dr. Bonile Jack-Pama, direkteur en…

ONDERSOEKSPANNE het die plaas Tevrede by Luckhoff besoek om die bron van Albé Grobbelaar, sy vrou, Sorita, en seun, Louis, se besmetting met malaria, wat Albé se lewe geëis het, op te spoor. Die gesin het nie ’n malariagebied besoek nie en malaria kom ook nie in die Vrystaat voor nie. Renda Heyns, Albé se suster, het aan Landbouweekblad vertel dat die egpaar se dogter, Carla, wat op Senekal skoolhou, nie geraak is deur die siekte nie. Albé se pa, Loë, wat in ’n huis op dieselfde plaaswerf woon, het ook negatief vir malaria getoets. Die Mediclinic Bloemfontein het Dinsdag bevestig dat drie pasiënte positief vir malaria getoets het. Die hospitaal verwys sulke gevalle na die Nasionale Instituut vir Oordraagbare Siektes en provinsiale gesondheidsowerhede vir epidemiologiese opvolging. Die hospitaal beklemtoon…

DIT is nie net vleis oor die kole wat duurder geraak het nie, ’n vleisbraai-liefhebber se persoonlike braaibroodjie-indeks wys dat dié bykos se prys baie meer as algemene inflasie en selfs kosinflasie gestyg het. Johann Biermann, portefeuljebestuurder by ’n beleggingsmaatskappy in Kaapstad, se braaibroodjie-indeks wys dat sy braaibroodjie se prys van Januarie tot Augustus vanjaar met 5,2% gestyg het. “Algemene inflasie was van Januarie tot Augustus 3,25%. Die prys van die kaas in my braaibroodjie het in dié tydperk met 7,5% gestyg en die uie wat ek gebruik, met 8,3%. Van Januarie tot April vanjaar was uie 38% duurder as in Desember 2024. “Kaas is verreweg die duurste deel van jou braaibroodjie, maar uiepryse het ook baie gestyg. Uie het begin vanjaar R20/kg gekos, maar in April tot R30/kg gestyg.…

WENBRIEF Boere-‘polisie’ nodig in stryd teen BKS Meneer die minister van landbou, miskien verstaan ons nie, maar hoe kan entstof die antwoord wees vir die probleem van beken-klouseer (BKS)? Onderstepoort gaan volgende jaar begin bou aan ’n aanleg om entstof te produseer – ’n aanleg wat eintlik nou al klaar gebou moes gewees het. Maar u glo dat wanneer die aanleg eendag klaar is, dit die antwoord vir ons probleem gaan wees. Al wat die entstof doen, is om die probleemgebiede te takel – soos ’n hond wat ’n bal jaag. Hoe gaan die entstof help om weer Suid-Afrika se bek-en-klouseervrye status herstel te kry? In die 274 gebiede waar daar tans uitbrekings is, word daar verwag dat boere die erns moet verstaan en nie diere verkoop nie. Tog polisieer…

TEEN die derde week van September het sommige boere oos van Ermelo reeds begin plant, terwyl ander in die eerste week van Oktober begin plant het nadat tot 100 mm reën tot die einde van September oor die distrik uitgesak het. Ryk Pretorius, ’n boer van die distrik en streekverteenwoordiger van Graan SA, sê boere by Standerton en Wakkerstroom het ook al begin plant. Die toestande lyk vanjaar baie anders as verlede jaar toe die reën maande lank weggebly het en boere twee tot drie keer moes oorplant. “Laat reën in Maart en April het tot die gunstige grondwatervlakke bygedra. Ons is baie, baie dankbaar oor hoe die toestande nou lyk. Boere hou natuurlik ook die mielieprys dop. Dit is in ’n vryval en maak jou maar bekommerd.” Voorbereidings is…

SSK (Sentraal-Suid Koöperasie Bpk.) het in die 2025-verslagjaar ’n omset van R7,3 miljard behaal, met totale bates van R6,3 miljard. Ledebonusse van R90 miljoen is in dié verslagjaar uitbetaal, teenoor R80 miljoen in die vorige verslagjaar. Die onderneming is gesetel op Swellendam en het ontstaan uit die samevoeging van enkele kleiner koöperasies die afgelope dekade of twee. Gedurende die verslagjaar was die proses aan die gang om SSK en Die Kooperasie op Humansdorp saam te voeg nadat goedkeuring van die betrokke mededingingsowerhede verkry is. Die samevoeging sal na verwagting in die nuwe verslagjaar voltooi wees. Dit sal die bedieningsgebied aansienlik uitbrei en die geleentheid bied om met meer lede sake te doen. SSK is tans werksaam in die Suid-Kaap, Overberg, Tuinroete, die Karoo en die Langkloof. Die dienste wat gelewer…

’N VOEDSELAANVULLING wat ontwikkel is om die noodsaaklike verbindings in stuifmeel te voorsien, kan ’n kostedoeltreffende en volhoubare oplossing vir die afname in die bevolkings van heuningbye bied. Dié aanvulling is die produk van ’n studie aan die Oxford-Universiteit in Brittanje, met die bevindinge wat in die tydskrif Nature gepubliseer is in die artikel “Engineered yeast provide rare but essential pollen sterols for honeybees”. Klimaatsverandering en die intensivering in die landbou het ’n al hoe groter impak op die blomdiversiteit wat bye benodig om te floreer. Die stuifmeel in dié blomme bevat sterole, ’n belangrike komponent van heuningbye se dieet. Weens ’n gebrek aan natuurlike stuifmeel voer byeboere hul bye kunsmatige plaasvervangers vir stuifmeel wat gewoonlik van proteïenmeel, suiker en olie gemaak word. Dit bevat nie sterole nie en verskaf…

Met minder melkboere wat meer melk produseer, is die verklaring vir dié verskynsel nêrens duideliker as op DJK Farming van die vyfdegeslagmelkboer Dale Hutton (39) nie. Met die spreekwoordelike melk in sy are het hy sowat nege jaar gelede na Suid-Afrika teruggekeer nadat hy oorsee gewerk het, onder meer as omgewingskonsultant in Ethiopië, Senegal en Sierra Leone. “Ek en my vrou, Roxy, het in 2016 teruggekom en ek het twee jaar saam met my pa, John, geboer. In 2018 het ek die bestuur oorgeneem, en my pa het my toe aangespoor om die boerdery te moderniseer.” In sy spitsproduksie het DJK Farming ongeveer 1 300 lakterende koeie, meestal KiwiCross, afstammelinge van Jersey-Holstein-kruisbulle. Daar is ook sowat 700 droë koeie, waarvan 300 vervangingsverse is wat deur KI geïnsemineer word. Volwasse KiwiCross-koeie…

Wat gebeur as ’n ingenieur ook ’n boer is? Dan kry jy ’n planmaker duisend, soos Janna du Rand, wat saam met sy pa, Jannie, en broer, Hugo, by Mareetsane in Noordwes boer. Janna is voortdurend besig om planne te beraam om beter opbrengste te behaal. Hy het onder meer ’n planter aangepas om stikstof dieper in die grond te plaas, en laat windrye tussen sy mielies om die plante se temperatuur te reguleer. Dan is daar sy Multi Tool-toestel wat hy ontwerp het om grondboontjielande te bewerk, en wat al ’n koper uit Amerika gekry het. Al dié vindingrykheid het JW du Rand en JJ du Rand Boerdery gehelp om hul opbrengs die afgelope vier jaar met 35% te verhoog. Janna sê hierdie sukses kom nie vanself nie. “Dit…

Terwyl drupbesproeiing ’n gewilde opsie vir sitrusboerderye is, is die regte besproeiingstelsel die een wat vir die spesifieke boer wérk. Vir die Endulini-boerdery van Pietie Ferreira in die Gamtoosvallei en die Sondagsriviervallei is die bestuurspraktyke wat met mikrobesproeiing gepaard gaan, die wenresep. Verskeie boorde sitrus, waaronder nawels, valencias, suurlemoene en sagtesitrus, is in 2019 op een van hul plase, Lentelus, aangeplant en ’n mikrobesproeiingstelsel is daarvoor ontwerp. Voor die sitrusboerdery is hier met aartappels geboer. Volgens Johrik Barnard, areabestuurder van die boerdery, is een voordeel van die mikrobesproeiingstelsel dat alles van die heel begin af beplan is soos wat nodig is vir die boerdery. Werkers beheer, meet en gaan die besproeiingstelsel daagliks met die hand na. “Dit is ’n maklike bestuurspraktyk om die span te stuur om vinnig deur die…

Die oorsprong en samestelling van fosfaat kan beduidend beïnvloed hoe goed gewasse dit benut, hoe die grond daarop reageer en wat dit jou op die lange duur kos. Suid-Afrika beskik gelukkig oor genoeg fosfaatreserwes om in sy eie behoeftes te voorsien. Tog maak die tipe fosfaat wat die boer kies – sinteties (chemies verwerk), stollingsrots (harde rots) of sedimentêr (sagte rots/DAPR) – ’n groot verskil. Die fosfaatraaisel Fosfaat word ontgin uit twee hoofbronne: stollingsafsettings en sedimentêre afsettings. Wêreldwyd kom 80-90% van fosfaatkunsmis van sedimentêre afsettings, terwyl stollingsrots net 10-20% uitmaak. Hier is die belangrikste verskil: ■ Stollingsrotsfosfaat is uiters hard en onreaktief. Met ’n sitroensuur-oplosbaarheid van minder as 2% kan dit nie direk in grond gebruik word nie. Dit moet met sure behandel word om sintetiese kunsmis te vervaardig. Hierdie…

Dit is nie maklik om diere produktief deur veranderende weerstoestande te hou nie. C4-grasse het ’n gespesialiseerde fotosinteseproses wat CO2 doeltreffender vaslê in hoër temperature. Verbeterde grasse word geselekteer wat hoër opbrengs en voergehalte kombineer, en beter aanpasbaarheid bied. Tesame met die meerjarigheid van die grasse verseker dit betroubare voer sonder buitensporige koste. Veelsydige Endurarhodesgras Groot dele van Suid-Afrika se veeproduksiestreke is in subtropiese klimaatsones, waar volhoubare en gehaltevoer uiters belangrik is. Rhodesgras bied hierdie eienskappe, met Endura, die vlagskipkultivar van Barenbrug, wat ongeëwenaard is. Anders as die tradisionele Katambora-kultivar blom Endura later in die seisoen, wat die smaaklikheid en produksieseisoen verleng. Hierdie weidingsgewas het ’n hoër blaar-tot-stingelverhouding en aangesien dit geneig is om die gehalte in die blare te behou, met ’n laer veselinhoud, het dit beter vertering tot…

New Holland weet hoe moeilik oestyd kan wees. Wanneer jy op groot skaal boer, is die struikelblokke boonop vermenigvuldig, soos kort oestydperke, groot gebiede om te dek en hoë brandstofkoste. New Holland het histories die toerusting wat jou help om daardie probleme te oorkom, met stropers wat só ontwerp is dat dit meer kapasiteit bied en groter doeltreffendheid en prestasie meebring. Nuwe vlak van produktiwiteit Die nuwe CR10-stroper is New Holland se antwoord op die probleme, nie net van vandag nie, maar ook van môre. Dit is toegerus met tegnologie wat ontwikkel is om verliese te verminder, graangehalte te beskerm, lopende koste laag te hou en jou landerye in die beste toestand vir die volgende seisoen te laat. New Holland het die manier waarop stropers ontwerp word, heroorweeg en ’n…

Alastair Wood kon nie op daardie vars oggend laat in 1984 weet dat die mooie Robertsvlei-vallei voor hom 40 jaar later een van Suid-Afrika se bekendste wyn-en-uitvoerfynbosplase in Suid-Afrika sou word nie. Hy kon ook nie voorsien dat dié onontwikkelde plaasgrond van 53 hektaar in 2025 bekend sou staan as “Die tuiste van Chardonnay, Franschhoek” nie, en die wingerdrye neffens 6,5 hektaar uitvoergehalte-fynbos sou staan nie. Dié fynbos word oornag na Aalsmeer naby Amsterdam, Nederland, gevlieg, die volgende oggend opgeveil en na alle dele van die wêreld verskeep. Maar kom ons gaan sit saam met hom op die koppie, Nature’s Window, waar hy sy hart verloor het. Alastair het destyds geen boerdery-agtergrond gehad nie en het in Johannesburg in die bestuurskonsultasiebedryf gewerk. Met ’n vriend se hulp het sy pad…

Bloubessies het nie brieke nie, en Suider-Afrika is ’n onontginde bron wat in ’n belangrike tydgleuf kan voorsien. Volgens Cort Brazelton, uitvoerende hoof van Fall Creek, is die geleenthede groot danksy mededingende ekonomiese geleenthede vir Suider-Afrika. Cort is die seun van Dave en Barbara Brazelton wat dié internasionale bloubessiekwekery in 1978 in Amerika begin het. Cort, ook medeskrywer van die internasionale bloubessie-organisasie (IBO) se jaarverslag, sê 1,6 miljoen ton tot 1,8 miljoen ton vars bloubessies sal vanjaar wêreldwyd verskeep word. Teen 2030 kan dit tot 2,4 miljoen ton wees. “Dit is baie moontlik dat die aanvraag en verbruik vinniger sal styg as wat ons bedryf kan uitbrei,” het hy op Fall Creek se inligtingsdag op sy perseel in die Paarl gesê. Volgens hom dui algemene verbruikspatrone op ’n behoefte aan…