Landbouweekblad 7 August 2025의 목차

Nuwe begin vir Hume se renosters Om 70 renosters van een land na ’n ander te verskuif, is geen maklike taak nie. Trouens, die onlangse verskuiwing van ’n groep van John Hume se renosters vanaf Suid-Afrika na Rwanda – oor ’n afstand van 3 400 km – was ’n reuselogistieke taak, waarvoor kratte, hyskrane, vragmotors en selfs ’n Boeing 747 ingespan moes word. Die vierde groep suidelike witrenosters, wat deel van Hume (83) se kudde was, het uiteindelik ’n tuiste in die Akagera Nasionale Park in Rwanda gevind. Hume se renosterkudde was in 2023 nog die grootste ter wêreld. Martin Rickelton, African Parks se hoof van verskuiwings, het dié reusetaak beskryf as “ ’n hoë risiko, maar ongelooflik belangrik”. Dit is deel van die grootste hervestigingsprojekte nóg wat vir enige…

DIE Indiese mark bied besonder belowende geleenthede vir Suid-Afrikaanse varsprodukuitvoerders, mits strategiese aanpassings gemaak word. Só het Shubha Rawal, hoof van aankope by IG International Private, een van Indië se grootste varsproduk-invoerders, gesê tydens ’n paneelgesprek oor Asiatiese markte op die onlangse Suider-Afrika-konferensie van die internasionale varsproduktevereniging (IFPA) in Pretoria. Rawal het beklemtoon dat Indië, met sy bevolking van meer as 1,4 miljard en ’n snelgroeiende middelklas, besig is om ’n sleutelmark vir internasionale vars produkte te word. “Die land voer reeds nagenoeg 750 000 ton vars produkte per jaar in en die jaarlikse groeikoers staan op sowat 7,5%.” Suid-Afrika lewer tans van 10% tot 15% van Indië se invoer in sleutelkategorieë soos sitrus, appels en pere. Volgens Rawal is daar ruimte vir groei, maar uitvoerders moet Indië se spesifieke…

VANJAAR se uithourit van 8 tot 10 Julie het oudergewoonte op die Fauresmith-skouterrein in die Vrystaat begin en geëindig, en dié mylpaaljaar het met die nodige fanfare, onder meer indrukwekkende verwelkomings- en afsluitingsgeleenthede, gepaard gegaan. Danie Kasselman, vise-president van die uithourit en wenner in die swaargewig-kategorie, sê normaalweg val sowat 40% van die deelnemers jaarliks uit. “Omdat die weer vanjaar koel was, het min perde weens metaboliese redes, soos oorverhitting, uitgeval. Dit was nou nie so lekker vir die ruiters nie, maar baie beter vir die perde.” Dit was die vyfde keer dat Kasselman van Bona Bona die uithourit voltooi het. Hy en sy perd, El Shakir Rezar, het die uithourit in 9:06:57 voltooi. Wiana Botha van Schweizer-Reneke en haar perd, Kalishmar Magnum, het die standaardgewig-kategorie gewen en sy was…

BAIE chemikalieë en energie word gebruik in die proses om seewater te ontsout, maar ’n nuwe manier om die element boor uit die water te verwyder, maak dit goedkoper. In ’n studie aan die Riceuniversiteit in die Amerikaanse deelstaat Michigan is elektrodes van koolstofmateriaal wat boor uit seewater verwyder, ontwikkel. “Ons toestel verminder die behoefte aan chemikalieë en energie om seewater te ontsout,” het dr. Weiyi Pan, ’n nadoktorale navorser van die universiteit, aan die tydskrif Anthropocene gesê. Dié ontwikkeling verhoog die omgewingsvriendelike volhoubaarheid van die proses en verlaag die koste met 15%, oftewel 20 Amerikaanse sent (sowat R4) per kubieke meter behandelde water. Luidens ’n mediaverklaring deur die universiteit kom boor natuurlik in seewater voor, maar dit word ’n giftige besmetting in drinkwater as dit deur konvensionele filters, wat…

Tragedie wag nie tot perfekte planne gemaak word nie: Dit slaan onverwags toe, soos die Meyer-familie van Hankey ’n paar jaar gelede geleer het. Toe Tertius Meyer in 2021 met kanker gediagnoseer en later oorlede is, was sy pa, Johan, en sy seun, Warren, by Mandaryn Boerdery betrokke, maar nie op die manier wat hulle beplan het nie. Johan sê hulle was bevoorreg dat hy en Tertius vir tien jaar nadat Tertius in 1990 sy studie aan die Universiteit van Pretoria voltooi het, kon saam boer. Johan het daarna op Jeffreysbaai gaan aftree, maar nog elke jaar in die pakseisoen op Mandaryn uitgehelp. “Ons het in daardie stadium die natuurlike pad van enige opvolging gevolg. Jy wil nie ’n meulsteen raak om die jong man se nek nie, maar jy…

Foton het met die bekendstelling van die Tunland G7 Limited Edition sy visier gerig op die boer wat soek na ’n betroubare werkesel met moderne tegnologie, gemak en styl. Hierdie model, die vlagskip van die Tunland G7-reeks, is onlangs deur sewe boere en ’n spesiale gas getoets tydens Landbouweekblad se Dubbelkajuitbakkie vir ’n boer-geleentheid by Sondela in Limpopo – en dié manne weet wat van ’n bakkie verwag word. Die Tunland G7 Limited se voorkoms is dadelik opvallend. Met ’n prominente chroomrooster, LED-dagligte en sportiewe bakstaaf tref hy die oog. Die bak is hoog, die allooiwiele groot en die grondvryhoogte van 210 mm maak dit duidelik dat dié bakkie ruwe terrein maklik kan baasraak. Al hierdie elemente dra by tot ’n robuuste, dog moderne voorkoms – een wat by die…

Vir die veeboer is BARFAST-basterbabala (baster-Pennisetum) een van die beste keuses wat hy vir korttermynweiding vir die somermaande kan maak. Dit is ’n eenjarige somerweidingsgewas van hoë gehalte wat vinnig groei en nie net onder besproeiing gevestig kan word nie, maar ook op droëland in gebiede wat minstens 450 mm reën per jaar kry. Geen blousuurrisiko Basterbabala hou geen risiko van blousuurvergiftiging in nie en kan gemaklik in ’n vroeër stadium as voersorghum benut word. Gepaardgaande met die voordeel dat hierdie regopgroeiende weidingsgewas welig hergroei ná benutting, met puik stoelvermoë en hoë blaarproduksie, is dit besonder smaaklike weiding. Dit kan dus herhaaldelik deur skape, beeste en bokke bewei word, met die smaaklikheid wat hoë inname verseker. BARFAST is ’n mediumgroeilengte-tipe basterbabala, wat dit geskik maak vir laatsomeraanplantings. Dit is uiters…

AFGRI het meer as 100 jaar gelede ontstaan toe 29 mielieboere die Oos-Transvaalse Koöperasie (OTK) gestig het. Daaruit het dit gegroei tot ’n landboureus wat vandag boere in Suid-Afrika, Botswana, Namibië, Mauritius en Wes-Australië bedien. AFGRI ondersteun byna een derde van Suid-Afrika se produsente en het nagenoeg 4 000 mense in diens. Ten spyte daarvan het AFGRI nie sy oorspronklike waardes as streekkoöperasie verloor nie. Dit is die kern van sy benadering van gemeenskapsontwikkeling en die ondersteuning van boere. AFGRI se sukses lê ook in sy vermoë om tegnologie, tradisionele landboukennis en dienste en produkte te kombineer om só geïntegreerde oplossings aan boere te bied. Danksy die nege spesialis-sake-eenhede binne AFGRI slaag hy daarin om boere se vennoot in die hele waardeketting te wees. AFGRI Financial Solutions. “ ’n Boerdery…

Julle is gewas-en-veeboere wat nou ook sowat 100 ha organiese pampoene verbou. Wat was die vonk vir dié nuwe vertakking? ’n Nederlandse maatskappy het ’n kontrak aan ons buurman, Bertie Coetzee, gegee om vir hom organiese pampoene te produseer. Ons het besef dis ’n goeie alternatiewe gewas om op die proef te stel. Die eerste jaar het ons net 5 hektaar geplant, maar dit het só goed gevaar dat ons elke jaar meer geplant het. Watter soort pampoen plant julle? Ons plant Orange Summer. Dit is ’n klein, oranje pampoen wat 1,6 kg tot 2 kg weeg. Dit het ’n romerige smaak en ’n mens kan dit met skil en al eet. Hoe pas die pampoene in by die res van jul boerdery? Ons het ’n lekker langtermynstelsel uitgewerk rondom…

‘Dis ’n vroeë kleurontploffing’ Namakwaland se sosialemedia-riemtelegram het einde Junie begin om die mooiste blomfoto’s van plekke soos Soebatsfontein, Wallekraal en Nigramoep uit te stuur. Baie mense het gedink dis ou foto’s, maar ’n sameloop van die regte weersomstandighede het vanjaar dié droë wêreld vroeg al bont gekleur. Hoewel dit nie vreemd is dat die blomme in sekere warmer laaggeleë dele wes van Kamieskroon en Garies party jare aan die einde van Julie al mooi kan wees nie, is die blomme vanjaar besonder vroeg. Genevieve Maasdorp van Sanparke sê koue weer, afgewissel deur sonskyndae, het die ideale toestande geskep vir vroeë ontkieming, veral by madeliefiespesies. “Warmer tye gedurende laatherfs en vroegwinter het lenteweer nageboots en plante vroeër as gewoonlik laat blom.” Linda Castelyn van Soebatsfontein het dié foto aan die…

Manie wonder of daar nie baie keer te veel rompslomp en voetesleep betrokke is by die uitbreking van ’n geval van bek-en-klouseer (BKS) nie. Dit is te verstane dat daar toetse moet wees om die uitbreking te bevestig, maar soms hang alles net in die lug. Neem maar die jongste uitbreking by Kroonstad in die Vrystaat. Die departement van landbou het eers op 14 Julie ’n amptelike verklaring oor dié uitbreking uitgereik, terwyl dit al teen 10 Julie klaarblyklik bevestig en algemene kennis was. Die geraakte eiendom is glo al op 8 Julie in kwarantyn geplaas en bekampingsmaatreëls, waaronder toesighouding en inenting, is ingestel. Wat die meeste verstom, is dat dr. Mpho Maja, direkteur van dieregesondheid in die departement, ’n uur voor die amptelike verklaring uitgereik is, nog aan Manie…

’N “TOTALE aanslag” en uiterste dringendheid waarmee die staat siekte-uitbrekings moet hanteer, was die kernboodskap van verskeie bedrywe in die lewendehawesektor, veeartse en boere op die bek-en-klouseer-indaba buite Pretoria. Teen druktyd is verwag dat dié dringende voorstelle as voorkeurdokument op die lessenaar van John Steenhuisen, minister van landbou, moes wees. Mooketsa Ramasodi, direkteur-generaal van die departement van landbou, sou die aanbevelings van drie besprekingsgroepe op die beraad aan Steenhuisen oorhandig. Een van die redes wat uitgelig is waarom die huidige bestuurstelsel vir bek-en-klouseer (BKS) nie doeltreffend funksioneer nie, is ’n tekort aan entstof. Vrae is gevra oor die staat se onvermoë om tans self entstowwe te vervaardig, pleks daarvan om dit van Botswana af in te voer. ’n Gebrek aan die afdwing van bestuursmaatreëls, ’n tekort aan personeel by die…

ONDANKS die koue en die klipperige roete het die vyftienjarige Anné Nel en haar perd, Maleek, stof in hul teenstanders se oë geskop en met drie pryse weggestap. Anné, ’n gr. 10-leerling aan die Hoërskool Voortrekker op Bethlehem, het in die ouderdomsgroep 14 tot 18 met die 12-jarige reun deelgeneem. Dit was vanjaar die vierde keer dat Anné, wat lid van die Moolmanshoek Horse Riding Adventures buite Ficksburg is, hierdie strawwe uithourit aangepak het. Hoewel die roete en die omstandighede dus aan haar bekend was, was die uithourit vanjaar steeds straf, sê sy. “Ek het dit baie geniet. En wanneer ’n mens klaar is, dan is dit so ’n groot verligting en almal is gelukkig.” Die maande lange oefening wat sy en Maleek ter voorbereiding van die rit ingesit het,…

Die Land Bank is Suid-Afrika se staatsbeheerde onderneming vir landboufinansiering wat in 1912 gestig is. Die mandaat is in 2002 aangepas en die Land Bank word ingevolge die Wet op die Land- en Landbou-ontwikkelingsbank (Wet 15 van 2002) bedryf, met ekstra klem op die opkomende landbou. Die mandaat is om nuwe kommersiële boere en landboubesighede te ondersteun met pasgemaakte finansieringsoplossings. Die klem is op die finansiering van landbougrond, -toerusting en -masjinerie, verbeterings en produksiekrediet. Luidens sy jaarverslag sê die Land Bank sy rol is om meer gelyke en inklusiewe toegang tot landboufinansiering te bied, toegespits op voorheen benadeelde groepe en spesifiek swart mense, vroue en die jeug. Verskillende finansieringsmodelle word gebruik, en die bank het verslag gedoen dat finansiering van R723 miljoen gegee is vir swart landboubesighede deur die sogenoemde…

Die hooggeleë Noordoos-Kaap, Suid-Afrika se Switserland wat betref koue en hoogte bo seevlak, is al jare lank die tuiste van ’n selfgeteelde veldbees, ’n eg Suid-Afrikaanse suksesstorie met sy eie handelsmerk. Die Stormberger, aangepas vir die ekstensiewe, harde en onverbiddelike omgewing van die hooggeleë Stormberg-gebied, word deurlopend aan streng toetsing onderwerp, sê Paul Mortlock, een van die stigterslede van die Stormberger-beestelersgroep. Dié groep is in 1982 deur boere met dieselfde doelstelling begin: Om die ideale bees vir die gebied te teel wat vrugbaar en aangepas is, en om ’n bron te hê vir bulle teen redelike pryse. Die groep het teen 2007 ’n oorskot van 30 bulle gehad en het toe hul eerste bulveiling gehou. Dit vind sedertdien jaarliks plaas op een van die lede, Robbie Stretton, se plaas, Buffelsfontein,…

Vir Hendrik Verwey (42), ’n boer van Steenbokpan, sowat 50 km buite Lephalale (Ellisras), was dit byna onmoontlik om te bly glo nadat sy wildplaas in 2023 heeltemal afgebrand het toe daar glo ’n kortsluiting onder een van Eskom se kragpale op ’n buurplaas ontstaan het. Die toneel wat op hom gewag het, was afgryslik. Kameelperde, sebras, elande, blouwildebeeste en blesbokke het doodgebrand. Talle diere is dood gekry waar hulle in die heining vasgesit het soos hulle probeer vlug het. Voor dié brand was dinge vir hom net so erg. Sy insetkoste het elke maand deur die dak geskiet, grondhervorming het ál nader aan sy voordeur gekruip en die enorme skuld wat hy by die Land Bank moes afbetaal, het soos ’n swaard oor sy kop gehang. “Ek wou niks…

Suid-Afrika se mark vir landbouwerktuie en -toerusting word tans op sowat R16,9 miljard geraam, en teen 2030 sal dit na verwagting R22,5 miljard bereik, luidens Mordor Intelligence se marknavorsingsverslag wat vroeër vanjaar uitgereik is. Luidens die verslag is die dryfveer agter die groei volhoubare landboumeganisasie, vinnige verstedeliking, die aanvaarding van nuwe tegnologie, die groei van mediumgroot plase, groter uitvoer, hoë produksie van kommersiële gewasse en die algemene groei van die mark. Daarby het gevorderde tegnologie, soos kunsmatige intelligensie, robotika en Google Earth, asook ’n groeiende aantal staatsinisiatiewe, die vraag na landboumasjinerie verhoog. Suid-Afrika se trekkervloot, gemeet in trekkraggrootte, het die afgelope 24 jaar met 104,5% gegroei – van 4,25 miljoen kW in 2001 tot die huidige vlak van meer as 8,72 miljoen kW. Dit is alles goeie nuus vir landboumaatskappye…

Die Suid-Afrikaanse ClemenGold®-mandaryn-handelsmerk is ’n internasionale suksesverhaal wat die afgelope meer as twintig jaar ’n lojale verbruikersaanhang opgebou het wat min varsprodukte-handelsmerke kan ewenaar. Die besluit om ’n eksklusiewe handelsverhouding met Woolworths aan te gaan, werp veral vrugte af. Hierdie sitrusseisoen het Woolworths landwyd ’n hele aantal winkelvenster-uitstallings uitsluitlik aan die ClemenGold-handelsmerk gewy – ’n uitsonderlike prestasie, aangesien vrugte-handelsmerke selde só ’n geleentheid kry. ClemenGold-mandaryne is gereeld onder dié kleinhandelaar se topverkopers in alle kategorieë. Vir die produsente agter ClemenGold het dié posisionering tasbare waarde. Boere wat vrugte hier lewer, trek voordeel uit sterker markvraag en verbeterde prysvasstelling. Die effek strek verder: groter investering terug op die plaas, innovasie in produksie en langtermyn-volhoubaarheid vir hul besighede. Terwyl baie vrugtekategorieë steeds kommoditeitsgedrewe bly, blink ClemenGold uit as ’n voorbeeld van hoe…

Al lyk dit of die koringsom nie oral wil klop nie, vind boere dit bemoedigend dat die groeitoestande vanjaar goed is. Johan Hanekom van Moorreesburg sê in sy omgewing staan ’n mooi oes op die lande, maar dit is nog te vroeg om voorspellings te waag. “Dit hang af van Augustus en September se reën. ’n Ligpunt is dat daar vir dié twee maande koue tot koel aandtemperature voorspel word, en dagtemperature van sowat 18 °C, wat nog koel is, maar warm genoeg dat plante kan groei.” Hy meen daar staan ’n oes van 3,2 t/ha tot 3,4 t/ha op die lande. “Dit is waarskynlik te min as jy kyk wat die koringprys is. Met ons koste het ons ’n oes van ten minste 4 t/ha nodig.” Hy skat die…

Suid-Afrika se skole lewer deesdae soveel goeie rugbyspelers op dat ons senior stelsels nie meer al die kwaliteit-spelers kan absorbeer nie. Ons kweek al hoe meer spelers wat goed genoeg is om internasionale rugby te speel, maar nie gekontrakteer kan word deur een van die vier Suid-Afrikaanse franchises of die vergrote Springbok-groep van sowat 50 spelers waarmee Rassie Erasmus deesdae werk nie. Alex Shaw, talentsoeker van die Ealing Trailfinders Rugby Club, wat drie jaar gelede rondom Paastyd by van Suid-Afrika se skolerugbyfeeste was, het aan John Cardinelli van Rugbypass gesê: “Dit is baie anders in Engeland, waar jy nie dieselfde vlak van gemeenskapsondersteuning en betrokkenheid het nie. Die ou manne ondersteun nie skolespanne soos in Suid-Afrika nie. “Skoolwedstryde is groot gebeure in die suide, en jy sien groot maatskappye soos…

Eerste La Niña-klimaatpatrone begin ontwikkel VERSKILLE kan reeds vanjaar, teenoor verlede jaar, in die ontwikkeling van die El Niño-Suidelike Ossilasie (Enso) in die sentrale deel van die Stille Oseaan, gesien word. Weermodelle dui reeds op ’n ontwikkeling van La Niña-toestande, wat moontlik goeie nuus vir die komende somer kan wees. Die voorspellings vir swaar reën oor onder meer die noordoostelike dele van Australië en Suidoos-Asië is baie gunstig vir die volgende maande. Viëtnam ervaar erge vloede in die suide. “Dit dui op warmer water wat in daardie gebied versamel en is baie tipies van meer La Niña-neigende klimaatspatrone,” sê Johan van den Berg, onafhanklike landbouweerkundige. “Dié tipe opstelling is dikwels ’n gunstige aanduiding van redelike goeie reëntoestande wat ook in Suider-Afrika – maar eers later in die seisoen – kan…

Verslag oor plaasveiligheid is ‘reusedeurbraak’ Die verslag oor plaasveiligheid wat voor die parlement gedien het, is ’n reusedeurbraak in die erkenning van een van die landbou se grootste probleme, maar skiet steeds tekort en is uit pas met die werklikheid waarmee boere elke dag op grondvlak gekonfronteer word. In die onverkwiklike parlementêre debat daaroor sal Saai nie kant kies tussen die VF+ en die DA nie, maar eerder, getrou aan ons roeping, die boere se saak stel. Boere maak hoofsaaklik op die DA en VF+ staat om in die parlement na hul politieke belange om te sien, en is verontrus oor die grondige verskille in die twee partye se benadering tot ’n saak wat lewensbelangrik is. ’n Entiteit wat die hedendaagse veiligheidsbelange van Suid Afrikaanse boere akkuraat verwoord, is die…

HOEWEL hulle bly hoop, is ’n dawerende stilte al terugvoering wat bedryfsorganisasies van sitrus, wyn en tafeldruiwe kry. Die Amerikaanse regering, aan wie sommige uitvoerders in onder meer die sitrusbedryf handelsvoorleggings gemaak het, het teen druktyd nog geen duidelike aanduiding gegee of ’n gunstige handelsverdrag voor 1 Augustus onderteken sou word nie. Duisende werkgeleenthede in die sitrusbedryf is in die weegskaal. Hele dorpe in die Wes- en Noord-Kaap wat van die Amerikaanse mark afhanklik is, kan tot niet gaan voordat alternatiewe markte vir hul produkte kan oopgaan. Dr. Boitshoko Ntshabele, uitvoerende hoof van die Suider-Afrikaanse Sitruskwekersvereniging (SKV), sê jaarliks word sowat 7 miljoen kartonhouers sitrus van 15 kg elk ter waarde van $1,9 miljard (R33,6 miljard) na Amerika uitgevoer. “Die verhoogde invoertarief sal ons sitrus onmededingend in die Amerikaanse mark…

GRAAN SA werk aan ’n projek om die diesellogboekstelsel te outomatiseer om ’n doeltreffender digitale stelsel vir die dieselrabat te ontwikkel. In ’n kennisgewing aan lede sê Graan SA produsente en tegnologiese diensverskaffers werk saam met die Suid-Afrikaanse Inkomstediens (SAID) om die huidige prosesse te verbeter vir boere wat op die dieselrabat geregtig is. Die werkgroep bestaan uit vrywilligers en is nie ’n geslote groep nie. ’n Gidsprojek by verskeie boere word vir Oktober tot Desember vanjaar beoog en die werkgroep wil teen Maart 2026 ’n werkbare en getoetste stelsel aan die SAID vir toepassing voor te lê. Corné Louw, hoof van toegepaste ekonomie en lededienste by Graan SA, sê die dieselrabat bly een van die enigste voordele wat boere in die primêre landbou ontvang en dit moet sover moontlik…

DIE uitmergelende Fauresmithuithourit het die 80-jarige Claire Amm nog nooit afgeskrik nie – operasies ten spyt. En sy moes eenvoudig vanjaar weer opsaal. Sy was immers daar met die heel eerste rit. Vanjaar was die 50ste uithourit nadat dit nie tydens die covid-19-pandemie kon plaasvind nie. Claire, wat van Ladybrand in die Oos-Vrystaat is, is ’n stigterslid van die Appaloosa-perdetelersgenootskap. Haar Alpha Appaloosa-stoetery lewer al vir meer as 40 jaar indrukwekkende en veeldoelige perde op. Sy beskryf die Fauresmith 200-uithourit as ’n “uitdaging soos geen ander nie”. Dit is veral omdat sy gewoond is aan die Ladybrand-omgewing, wat die teenoorgestelde van Fauresmith se vlaktes en koppies is. Sy deel graag raad oor hoe om die uithourit aan te pak. “Aan die begin van die uithourit is die perd nog vol…

Hoewel elektriese motors al hoe gewilder as passasiersvoertuie word, is die voordele van hierdie voertuie tot dusver meestal nog nie die landbou beskore nie. Luidens ’n mediaverklaring deur die Duitse landbouvereniging is die baie hoë kragvereistes van die landbou die grootste struikelblok. In teenstelling met motors, wat net met versnelling of teen opdraandes groot krag vereis, is die kragvereistes van trekkers aanhoudend en groter. In dié stadium is battery-elektriese stelsels nie prakties vir groot en kraghonger landbouwerktuie nie. “Battery-elektriese stelsels bereik gou hul perk wanneer hoë energievereistes vir lang tye aan hulle gestel word. Om dus vir ’n volle werkdag genoeg energie aan groot trekkers of stropers te voorsien sonder dat die batterye herlaai moet word, sal batterye van etlike tonne vereis. “Sulke batterye is duur, swaar en neem baie…

Sneeu lê wit op die bergspitse van die Hexriviervallei terwyl tafeldruifboorde koue-eenhede versamel op ’n tipiese Wes-Kaapse wintersdag. Die plaaspad kruip ál nader aan die plaas Buffelskraal, reg aan die voet van die Matroosberg. Die plaas was die eerste in die vallei aan wie ’n weidingslisensie in 1725 toegeken is. “Die Hexriviervallei het in Junie die 300ste bestaansjaar van dié plaas gevier,” vertel Francois Rossouw, produksiebestuurder en direksielid van die Mooigezicht-landgoed by De Doorns, wat as Agri Wes-Kaap se Jongboer van die Jaar vir 2025 aangewys is. Buffelskraal, waar hy en sy vrou, Jean-Mari, woon, is in 2021 aangekoop en is een van die beste produksieplase in die vallei met baie vrugbare grond. Dit vorm deel van die tien boerdery-eenhede waarop Mooigezicht met sowat 400 ha tafeldruiwe boer. Die Rossouw-familie…

Die tradisionele teelprogram word gekenmerk deur die gebruik van konvensionele metodes waarmee gewasse al vir dekades verbeter word. In kort word nuwe kultivars ontwikkel deur kruising, enkelplantseleksie, evaluering van weerstand teen siektes, ontleding van omgewingsaanpasbaarheid en toetsing van opbrengs oor jare. Die beraamde koste om byvoorbeeld ’n nuwe koringkultivar bekend te stel, is moeilik om te bepaal omdat daar nie elke jaar nuwe kultivars per teelprogram beskikbaar word nie, terwyl daar soms meer as een kultivar per jaar is. Dit beïnvloed die gemiddelde koste per finansiële-jaar-siklus. Die algemene konsensus is dat dit R9 miljoen tot R25 miljoen per kultivar kan beloop. Die ontwikkelingstydperk duur nege tot twaalf jaar, na gelang van die streek en agtergrond van die betrokke kiemplasma, hetsy winter- of lentetipe. Geld só aangewend Elke teelprogram benodig kundige…

Boere wat vliegtuie besit, is boere, maar ook deel van ’n groter gemeenskap wat passievol is oor vlieg. Ja, hulle gebruik hul vliegtuie om hul boerderye suksesvoller te bestuur, maar in hul hart hou hulle van alles wat met die lugvaart te doen het. Jy kan nie deel van die lugvaartgemeenskap wees en nie weet van Sling-vliegtuie nie. Dié trots Suid-Afrikaanse vervaardiger en sy eienaars is legendes in die bedryf. Boere wat aan Landbouweekblad se Vliegtuig vir ’n boer-reeks deelneem, was opgewonde om in twee van Sling se vliegtuie – die High Wing en TSi – te vlieg. Hierdie vliegtuie word plaaslik gebou en het wêreldwyd ’n reputasie verwerf as bekostigbare vliegtuie van uitmuntende gehalte wat danksy die eienaars met ’n tikkie avontuur geverf is. “Dit was vir my die…

Die Women’s Voice in Agriculture-kompetisie is daarop gemik om weldeurdagte en akkurate beredenering van ’n onderwerp met praktiese voorbeelde te bevorder. “Dit is vir Syngenta belangrik om die rol van vroue in die landbou te erken, en deur ons vennootskap in hierdie inisiatief glo ons dat ons die deur oopmaak vir vroue om hul planne en oplossings met die groter gehoor in die landbou te deel,” sê Hendrik van Staden, eenheidshoof van Syngenta se saadafdeling in Afrika en die Midde-Ooste. Die finaliste in vanjaar se kompetisie was: Alani Janeke – kommunikeerder en joernalis. Elaine van Eeden – navorser en koringteler, wat as die wenner aangewys is. Heleen Viljoen – landbouekonoom. Prudence Thulisile Mokwena – boer en stigter van RBKM Chickens. Sarah Malatjie – projekadministrateur. Die vyf finaliste is gekies op…

Deur sy geskiedenis het New Holland gewys dat die uitleef van ’n nalatenskap só kragtig is dat dit ’n gevoel van doelgerigtheid en samehorigheid in die maatskappy geïnspireer het. New Holland het nog altyd by sy waardes en dié van sy stigters gebly. Hierdie waardes word gekoester en oor geslagte heen oorgedra. Dit is die waardes wat New Holland se toekoms sal vorm. Vir langer as 130 jaar ondersteun New Holland boere met die tegnologie, oplossings en dienste wat hulle vir produktiewe boerdery benodig. Dit behels ’n verbintenis om innovasie te bevorder en kliënte te ondersteun met ’n wye reeks landbouen ligte boutoerusting. Met beproefde werktuie wat die nuutste alternatiewe-brandstoftegnologie gebruik om die volhoubaarheidsrevolusie in boerdery aan te dryf, is New Holland die sektor se leier op die gebied van…

Taai en weerstandbiedende gras- en breëblaaronkruide kan mielieplantontwikkeling ernstig belemmer, en dit is juis hier waar Yamato® sy staal wys. Met sy unieke chemiese samestelling en aanpasbare toedieningsopsies vir voor en ná opkoms bied dié produk doeltreffende bestryding van ’n wye verskeidenheid onkruidsoorte in talle grondtipes. Weerstandbiedende gras- en breëblaar-onkruidsoorte, tesame met hardnekkige uintjies, bly ’n kwessie vir mielieboere in hul soeke na die doeltreffende bekamping van onkruidmededinging op mielielande. Philagro se plaaslike navorsingsproewe het gewys dat Yamato® veilige gewasbeskerming bied en na gelang van elke boer se spesifieke behoeftes hoogs aanpasbaar gebruik kan word. Doeltreffende formulasie Yamato® is deur Kumiai Chemical Industry in Japan ontwikkel en is reeds wêreldwyd met groot sukses in ’n wye verskeidenheid toestande en gewasse gebruik. Die aktiewe bestanddeel, piroksasulfoon, spog reeds in verskeie lande…

Dalk weet min mense dit en gee nog minder daarvoor om, maar Deutz is die stadsdeel van die hedendaagse Keulen, daardie pragtige stad aan die Ryn waar Nicolaus Otto en sy vennoot, Eugen Langen, die wêreld se eerste enjinfabriek in 1864 opgerig het om enjins te vervaardig wat huishoudelike gas verbrand. In 1876 was Otto die man wat die vierslag-binnebrandenjin ná jare se eksperimentering en terugslae vervolmaak het. Hy en Langen, wat hom finansieel ondersteun het, het toe in Deutz in hul fabriek die nuwe enjins begin vervaardig. Prakties gesproke werk alle vierslag-binnebrandenjins wat vandag in die wêreld gemaak word op die Otto-beginsel. Vir die meeste gebruikers van “Otto se enjin” het die uitvinder Otto waarskynlik ook min betekenis. Maar as ’n mens met name móét smous, help dit om…