Landbouweekblad 1 May 2025의 목차

‘Geheime meesterstuk’ van die natuur Sandhof-lelies in volle blom is só skaars en onvoorspelbaar dat dit soos die natuur se eie geheime meesterstuk voel. Die lelies, ook bekend as die bosveld-vleilelie (Crinum paludosum), verander die andersins droë kleipanne noord van Maltahöhe in ’n wonderwêreld. Johan Jooste, ’n fotograaf van Windhoek, is op 27 Maart vir die eerste keer na die Sandhof-leliepan. Niks kon hom op die wondertoneel voorberei nie. “Ek was verstom oor die omvang en hoeveelheid lelies in die vlak water. Dit was net wit-enpienk blomme so ver as wat die oog kon sien.” Die lelies is inheems aan die streek naby Maltahöhe in die suide van Namibië, en kom ook natuurlik in die vleie in die noorde van KwaZulu-Natal en Limpopo, asook in Namibië en Botswana voor. Die…

In ’n tyd wat boere van soveel kante af met opslagballe bestook word, is daar ’n dolle gejaag na prospekteerpermitte, en die georganiseerde landbou stoei om dit te keer. Manie hoor Jannie Strydom van Agri Wes-Kaap het tydens ’n landbou-oggend by die Clanwilliam-ekspo genoem dat daar aansoeke op sowat 250 000 ha in dele van die Wes- en Noord-Kaap is, en meer kom kort-kort in. Wat kommerwekkend is, is dat baie van die aansoeke van een persoon kom, elke keer met ’n ander maatskappy. Hy meen ’n mens kan nie help om te dink dat daar met dié permitte gespekuleer word nie. Enigiemand met genoeg geld en die vermoë om “optimaal” te prospekteer, kan aansoek doen, dog hoe die departement van minerale en energie dít meet, weet niemand nie. Baie…

Namibiese uitvoer van slagskape na Suid-Afrika is lankal deel van die mark, maar in hul strewe na oorlewing is plaaslike skaapboere veral die afgelope tyd bekommerd dat die Namibiese skaapboere hul markpryse laat daal. Die Namibiese Lewendehaweprodusente-organisasie (LPO) het daarom ’n groep onafhanklike konsultante getaak om die invoer van skape uit Namibië te ondersoek en die situasie in perspektief te plaas. Hul gevolgtrekking is dat dit belangrik is om die hele prentjie te beskou. “Dis maklik om te dink Namibiese invoer verhoog die aanbod en laat daal die pryse, maar om aan te neem een enkele faktor is die oorsaak van die prysverlaging, is nie korrek nie,” sê die landbou-ekonome Danie Naudé en dr. W.A. Lombard, albei verbonde aan die Universiteit van die Vrystaat, en prof. Johan Willemse, ’n voormalige…

MINIMUM temperature van benede 5 °C is voor die einde van April moontlik in die koudste dele van Suid-Afrika, soos Sutherland, Barkly-Oos, Molteno en Zastron. “Op lang termyn wys weermodelle dat koue en ryp eers vanaf middel Mei gaan voorkom, terwyl toestande nog kouer kan word teen die einde van Mei,” sê Van den Berg. Volgens hom is die neiging van die afgelope dekade dat die begindatums van ryp ál later word, en so ook die einddatums. “Dit is dus weer baie moontlik dat Julie en Augustus die koudste maande vanjaar gaan wees en dat ryp redelik laat, moontlik tot in Oktober, kan voorkom.” Intussen het die eerste sneeu van die seisoen op 16 April op die bergpieke van die Drakensberg gelê. Dié sneeuval het met reënneerslae oor groot dele…

PRES. DONALD TRUMP het sy “wederkerige” invoertariewe vir Suid-Afrika en verskeie ander lande op 9 April, kort nadat dit van krag geword het, vir 90 dae uitgestel. ’n Tarief van 10% geld nou vir die betrokke lande. Voorheen het Suid-Afrikaanse landbouprodukte danksy die Amerikaanse wet op groei en geleenthede (Agoa) tariefvrye toegang gehad. Vir ’n dorp soos Citrusdal in die Wes-Kaap is die uitstel van die 30%-tarief ’n verligting. Hoewel Suid-Afrika net 5-6% van sy sitrus na Amerika uitvoer, is baie plattelandse gemeenskappe in die Wes- en Noord-Kaap in ’n groot mate van hierdie uitvoer na Amerika afhanklik. Die 90 dae-uitstel is egter min tyd om sulke belangrike onderhandelinge te voer. “Ons wil graag die dringendheid daarvan om ’n ooreenkoms te bereik, op die regering en pres. Cyril Ramaphosa se…

BEESTE in voerkrale en beeste op weiding het verskillende parasiet-eierladings per gram (EPG). Navorsing deur die Universiteit van Fort Hare (UFH) en die Oos-Kaapse departement van landelike ontwikkeling en grondhervorming het bevind dat die EPG van beeste wat op weiding grootgemaak is, betekenisvol hoër is as dié van voerkraalbeeste. Dit bevestig die bevindinge van vorige navorsing en impliseer dat beeste op weiding meer geneig is om parasitiese besmettings op te doen as gevolg van hul weigewoontes en groter blootstelling aan die natuurlike omgewing. Beautiful Isabel Mpofu, dr. Mhlangabezi Slayi en dr. Ishmael Festus Jaja van die UFH, en dr. Gabriel Mutero en Sisipho Mlahlwa van die departement het die studie gedoen omdat daar min navorsing is oor diere wat in voerkrale grootgemaak word, asook vanweë die behoefte aan groter bewustheid…

Dis asof voornemende – en meestal onkundige – prospekteerders veerpyltjies gooi na ’n Google-kaart van die Noord-Kaap om te kyk waar hulle volgende, ver uit die openbare oog en vrae, om ’n permit kan aansoek doen. Boere, ander grondeienaars en belanghebbendes, wat gereeld teen dié aansoeke slag bied, sê die aansoekers ken dikwels nie die terrein nie en weet nie hoe waterarm die streek is nie. Of in een geval ook nie dat hulle op Suid-Afrika se enigste bergplek vir kernafval wil prospekteer nie. Dié mense steur hulle ook nie juis aan die verpligting ingevolge die Wet op Minerale Hulpbronne om deeglik met die eienaars te konsulteer nie. So kry Beesboer Kotze, wat op plase by Garies en in die voor-Boesmanland boer, in Julie verlede jaar uit die bloute ’n…

Veiligheidskamera werk met sonkrag Veiligheidskameras wat met sonkrag werk, is ideaal vir die plaas, veral noudat beurtkrag weer sy verskyning gemaak het. Die Ultra Secure V380 Smart Net Camera word deur die verskaffer, Cosave Powerbuild, van China af ingevoer. Dit word as ’n verbruikersvriendelike produk beskryf wat nie aan kragkabels gekoppel is nie. Dit beskik oor ’n passiewe infrarooisensor wat op beweging reageer. ’n Dubbele hoëdefinisielens van 4MP verskaf dag en nag ’n duidelike beeld. Die apparaat het ’n herlaaibare battery en ’n 8 W-sonpaneel om dit bedags te laai sodat dit snags ook kan funksioneer. Dit is met ’n tweerigting-steminterkom en afstandbeheer toegerus. Die mense in die huis kan dus sien en luister wat buite gebeur, en deur die kamera praat om betreders te waarsku of gaste te verwelkom.…

Die redes vir Bester Fruit & Nuts se sukses in die pekanneutbedryf sluit in die skep van ’n spesialis-ingesteldheid, deursigtigheid, langtermynvolhoubaarheid vir alle partye in die waardeketting, integriteit, die bou van sleutelvennootskappe en aanpasbaarheid. Dit is verder te danke aan die toepassing van innovasie en tegnologie in die daaglikse besigheid. Uitbreidingsgeleentheid Suid-Afrika is die grootste makadamiaproduserende land ter wêreld. Bester Fruit & Nuts werk al jare aan planne om dít waarmee hy sukses in die pekanneutbedryf behaal het, toe te pas met die verkryging, verwerking en verhandeling van makadamianeute. Dit was egter nie so eenvoudig om tot die makadamiabedryf toe te tree nie, aangesien dié bedryf in Suid-Afrika floreer het en produsente nie na alternatiewe bemarkers vir hul neute gesoek het nie. Ná die stabilisering van marktoestande ná die covid-19-pandemie…

Toe my oorlede spoorsnyer, wat jagters stomgeslaan het met sy boskennis en stamina, die eerste keer ’n knaldemper sien, het hy gedink dit is om die geweer verder te laat skiet. Hy het dit ’n silinder genoem. Dalk het hy toe al ’n gaping in die mark gesien, want dit was vir hom frustrerend as ’n jagter nie ’n lang skoot wou waag nie. Hul roers was dan so gevaarlik? Knaldempers dateer uit die vroeë 1900’s, toe die Amerikaanse president Theodore Roosevelt ook een vir sy langloop-Winchester aangeskaf het. Die goed is ongemaklik, maar demp die geraas met tot 100%. Hoewel ek ’n jagter ken wat weier om een op sy 30.06 te sit “omdat jy ’n groot kanon moet kan hoor”, maak baie boere dit nou verpligtend, al is…

Revaro bied reeds 25 jaar ’n volle reeks toerusting aan die bedrywe vir grondverskuiwing, materiaalhantering en landboumeganisasie. Die Revaro HD96- veeldoelige laaigraaf (TLB) het op Landbouweekblad se TLB vir ’n boer-dag op Sandwani naby Cullinan die kans gekry om te wys wat in hom steek, en volgens die terugvoering van die boerepaneel beskik die Revaro HD96 oor al die kenmerke wat ’n boer van ’n hoëgehalte-, sakpasprys-TLB verlang. Kwarteeu van uitnemendheid “Ons uitgangspunt sedert Revaro se stigting in 2000 is om kragtige werktuie met ’n hoë werkverrigting teen ’n bekostigbare prys te verskaf,” sê Marcel Moller, die senior verkoopskonsultant. Die Revaro HD96, toegerus met ’n Weichai-WP4G95-viersilinder-dieselenjin, beskik oor ’n bruto kraglewering van 75 kW teen 2 200 rpm en ’n wringkrag van 377 Nm teen 1 400 rpm. “Die uitbreekkrag…

Hoewel die 40 ha van Nampo-park buite Bothaville nie groter geword het nie, het die aantal uitstallers beslis toegeneem. Meer as 920 uitstallers is gereed om in Mei na dié groot landbougebeurtenis op te ruk. Verlede jaar het net meer as 870 uitstallers hul dienste en produkte ten toon gestel. Die Nampo-oesdag doen vanjaar weer sy reputasie gestand as die grootste en invloedrykste landbouskou in die Suidelike Halfrond. Uitstallers wat meer konsentreer op dinge wat in die huis gebruik word, vorm deel van die uitgebreide aanbod en sal hul stalletjies in die gewilde KamersMakers-mark opslaan. In hierdie area sal keurig saamgestelde produkte – van handgemaakte kuns tot leefstylprodukte – op 200 m² van die terrein aangebied word. Vanjaar is die Oesdag se tema “Globale landbou, plaaslik!” Graan SA sê in…

Suid-Afrika se landboumasjineriemark word tans geraam op $0,91 miljard (sowat R16,9 miljard), en teen 2030 sal dit na verwagting $1,21 miljard (R22,5 miljard) bereik, luidens Mordor Intelligence se onlangse marknavorsingsverslag. Luidens die verslag is die dryfveer agter die groei volhoubare landboumeganisasie, vinnige verstedeliking, die aanvaarding van nuwe tegnologie, die groei van mediumgrootte plase, groter uitvoer, hoë produksie van kommersiële gewasse en die algemene groei van die mark. Daarby het gevorderde tegnologieë, soos kunsmatige intelligensie, robotika en Google Earth, en ’n groeiende aantal staatsinisiatiewe die vraag na landboumasjinerie verhoog. Plaaslike mark Suid-Afrika se trekkervloot, gemeet in trekkraggrootte, het oor die afgelope 24 jaar met 104,5% gegroei, van 4,25 miljoen kW in 2001 tot die huidige vlak van meer as 8,72 miljoen kW. Om hierdie grootte vloot vir die volgende paar jaar…

Tydens die Nampooesdag sal New Holland ’n indrukwekkende reeks werktuie by sy standplaas A2 en A3 ten toon stel. Dit weerspieël die maatskappy se verbintenis tot die vooruitgang van boerderypraktyke. Kom besoek ons gerus en besigtig die nuwe produkte en verbeterings aan bestaande modelle van naderby. Voortreflike kenmerke Die nuwegenerasie-stropers, naamlik CR7.90 en CR9.90, afkomstig van Pure Rotary Breed in België, sal by die uitstalling te sien wees en die gevorderdste Twin Rotor™-tegnologie ten toon te stel. Hierdie stropers beskik oor die volgende innovasies: FieldOps™ Telematics Dit laat jou toe om voortdurend met jou werktuig in verbinding te bly vanuit die gerief van jou kantoor. Dit maak intydse data-oordrag moontlik, wat tyd bespaar en produktiwiteit verbeter. Deep Cut Dynamic Feed Roll™-stelsel Die standaardstelsel is nou toegerus met ’n kajuit-geaktiveerde omkeerfunksie,…

Die John Deere 9RX 830-trekker is ’n reuse-prestasie in landbou-ingenieurswese, wat die samesmelting van krag, die nuutste tegnologie en operateur-gesentreerde ontwerp verteenwoordig. As die kragtigste trekker in John Deere se reeks stel dit die standaard vir hoëtrekkrag-werktuie in grootskaalse boerderybedrywighede. Ongeëwenaarde krag en werkverrigting Die JD18-enjin is die hart van die 9RX 830. Dit is ’n 18 liter-, sessilinder-enjin wat ’n gegradeerde uitset van 618 kW lewer en ’n indrukwekkende hoogtepunt van 680 kW bereik. Hierdie enjin oortref finale vlak 4- en fase V-emissie-standaarde deur uitlaatgashersirkulasie- (EGR) tegnologie te gebruik, wat die behoefte aan dieseluitlaatvloeistof (DEF) uitskakel. Dit verbeter werktyd en verminder kompleksiteite met werkverrigting. Die integrasie van die e21™ PowerShift-ratkas versterk die trekker se werkverrigting verder. Hierdie 21-gangratkas bied gladde oorskakeling van ratte, wat optimale kraglewering oor verskeie take…

Die plaaslike graanbedryf word deur streng maatreëls en wette gereguleer om voedselsekerheid en gehalte-eindprodukte vir menslike en dierlike gebruik te verseker. Dit word moontlik gemaak deur boere se toegang tot wêreldgehalte-insetverskaffers van produkte soos misstowwe, saad en plaagdoders, meganiese toerustingsasie, asook tot opbergingsen verwerkingsaanlegte. Die Suider-Afrikaanse Graanlaboratorium (SAGL) se langtermyn-gehaltedata oor plaaslik geproduseerde en ingevoerde graan maak dit moontlik om vergelykings tussen die twee te tref, wat ’n waardevolle bydrae tot die bemarking van plaaslik geproduseerde graan lewer, sê Wiana Louw, hoofbestuurder van die SAGL. “Die gehalte van ingevoerde koring vanaf verskeie lande word op ’n jaargrondslag op grond van maal- en bakgehalte vergelyk. “Veranderende klimaatsomstandighede het weer die klem op neigings ten opsigte van graangehalte geplaas. Elke sektor van die graanwaardeketting het, as gevolg van die spesifieke gebruike, ’n…

Ingevolge ’n globale samewerkingsooreenkoms tussen Syngenta en Rizobacter, ’n afdeling van Bioceres Crop Solutions met sy hoofkantoor in Argentinië, gaan Syngenta Seedcare voortaan optree as die alleenverspreider van Rizobacter se biologiese portefeulje in Suid-Afrika. “Hierdie samewerking beloof om innoverende en volhoubare oplossings na die Suid-Afrikaanse produsent te bring,” sê Jurgens Minnaar, wat pas aangestel is as besigheidsbestuurder van Syngenta Seedcare in Suid-Afrika. “Die samewerkingsooreenkoms maak ons opgewonde omdat dit ’n praktiese uitvloeisel van ons klem op sleutelvennootskappe is, met die uitsluitlike doel om meer en nuwe saadbehandelingsprodukte vinniger na die mark te bring.” Met meer as vier dekades ondervinding in die navorsing, ontwikkeling en vervaardiging van biologiese saadbehandelingsprodukte het Rizobacter reeds wêreldwyd bekendheid verwerf vir sy innoverende navorsing ten opsigte van biologiese middels en inokulante. “Meer as 23% van die…

Met ’n geskiedenis wat meer as ’n eeu terugstrek, het AFGRI homself as ’n belangrike belanghebbende in Suid-Afrika se voedselsekerheid gevestig. Wat AFGRI van die res onderskei, is sy geïntegreerde benadering tot die ondersteuning van boere. Dit sluit in toerusting, finansies, opberging, opleiding en ondersteuningsdienste. Dit is vir AFGRI belangrik om elke jaar op die Nampooesdag te wees sodat hy die geleentheid het om sy kliënte te ontmoet en netwerke te bou. AFGRI Financial Solutions “ ’n Boerdery is ’n geïntegreerde besigheid. Die boer besluit wat hy gaan produseer, daarna bewerk hy die grond en bestuur die risiko. AFGRI het produkte wat regoor hierdie waardeketting strek, waarvan finansiering en versekering twee komponente is,” sê Hercu Bloem, hoof van AFGRI se finansiële en versekeringsafdeling. “Ons bied pasgemaakte finansieringsoplossings vir ’n boer…

Goss-verwelksiekte word deur Clavibacter nebraskensis veroorsaak, ’n bakterie waarvan die naam afgelei is van die feit dat die siekte die eerste keer in 1969 in die Amerikaanse deelstaat Nebraska waargeneem is. Die bakterie is dus nie onbekend nie, en kom reeds lank in Suid-Afrika in ander vorme voor, byvoorbeeld as tamatieverwelksiekte wat deur Clavibacter michiganensis subsp. michiganensis veroorsaak word. Goss-verwelksiekte in SA Gross-verwelksiekte is vroeg in die 2024-seisoen vir die eerste keer in Suid-Afrika waargeneem en aangemeld. Die meeste gevalle is in Noordwes aangetref, met onbevestigde gevalle in Gauteng en op die oostelike Hoëveld. Dit is egter moontlik dat hierdie siekte reeds sedert die vroeë 2020’s in Suid-Afrika was, maar onopgemerk gebly het omdat sy simptome soortgelyk is aan ander siektes of stremmingstoestande. Hoewel die eerste bevestigings in Februarie 2024…

Bulle wat potensieel verkoop gaan word, moet vanaf speen totdat hulle verkoop word, teen gemiddeld 800 g tot 1 kg per dag groei. Om hierdie groei te behaal, moet ’n aanvulling verskaf word wat natuurlike proteïen bevat. Die energie-inhoud moet nie te hoog wees nie sodat goeie spiergroei verseker word sonder dat die diere oorvet raak. ’n Voorbeeld van sulke rantsoene op veldweiding en in die kraal word in die TABEL aangedui. Die hoeveelheid wissel na gelang van die bul se vereiste groeitempo en kondisie. As bulle te vinnig vet aansit, moet die volvoerrantsoen beperk en bykomende hooi afsonderlik verskaf word. Begin minstens 150 dae voor die veiling om bulle te voer sodat die hoeveelheid kragvoer met bykomende hooi afsonderlik daarby teen die einde afgeskaal kan word. Sodoende word die…

Hulle het deur die jare duisende rande bespaar deur veediefstal te voorkom met behulp van FarmRanger-nekbande, vertel Johan Wessels. Hy en sy broer, Cloete, boer sedert 2016 saam op hul familieplaas by Vredefort in die Vrystaat. Hulle het ’n saaiboerdery, asook 600 kommersiële kruisrasbeeste en Beefmaster-beeste. Johan sê hulle het in hul eerste jaar op die plaas ’n vlaag veediefstalinsidente beleef. “Eers is twee of drie koeie, of miskien vier kalwers, op ’n slag gesteel. Die diere is vinnig op ’n sleepwa gelaai en nooit weer gevind nie. Die laaste strooi was toe 15 beeste in een nag gesteel is. “Ons het toe ’n paar Farm-Ranger-nekbande gekoop. Sedertdien het die aantal veediefstalinsidente verminder en dit het elke keer verhoed dat ons diere verloor.” Johan gebruik tans 16 Farm-Ranger-nekbande. “Ons gebruik…

DAAR het nooit iets gekom van die spesiale taakmag wat blykbaar polisiekorrupsie en veediefstalsindikate in die Oos-Vrystaat sou ondersoek nie. Dit is nou amper vyf jaar sedert die destydse minister van polisie, Bheki Cele, boere van die distrik Thabo Mofutsanyana (Paul Roux, Senekal en Bethlehem) toegespreek het ná die moord op Brendin Horner in die omgewing van Paul Roux. Horner is in Oktober 2020 vermoedelik deur veediewe vermoor nadat hy hulle glo wou vastrap. Cele het ná die moord belowe dat ’n spesiale taakmag saamgestel sou word om aantygings te ondersoek oor ernstige probleme met veediefstal en misdaad in die gebied, en veral aantygings dat lede van die polisie by veediefstal betrokke is. “Daar het ook niks gekom van die Valke se ondersoek ná Horner se moord oor sindikate wat…

DIE minister van polisie en die regulerende owerheid van die private sekuriteitsbedryf (PSIRA) het op 28 Maart voorgestelde wysigings in die Staatskoerant afgekondig ingevolge waarvan private sekuriteitsmaatskappye se gebruik van wapens ernstig ingeperk word. Martin Hood, gerekende prokureur in vuurwapenkringe, sê die voorgestelde regulasies bevat ook ’n lys van voorwerpe wat as wapens beskou word. Hy wys in ’n video op Facebook daarop dat selfs boeie in die voorgestelde regulasies as ’n wapen beskou word. Private sekuriteitswagte sal nie pepersproei of elektriese skoktoestelle (tazers), asook rubber- of plastiekkoeëls in ’n openbare plek mag gebruik nie, tensy die betrokke sekuriteitsmaatskappy sewe dae vooraf om toestemming by die reguleerder aansoek doen. Wat van ‘hande en tande’? Dr. Jane Buys, veiligheidsrisiko-ontleder by Vrystaat Landbou, sê daar is talle vrae oor wat in die…

SPEENKALFPRYSE aan boere begin styg, terwyl graad A-beesvleispryse sterk groei toon en lampryse op gunstige vlakke is. Dit blyk egter dat die invloed van die huidige ekonomiese onsekerheid oor die wisselkoers en die gevolglike graanpryse dinge omver kan gooi. Vleispryse aan boere is besig om te verbeter met onder meer graad A-beesvleispryse van R75/kg-slaggewig wat al aangemeld is, sê Dewald Olivier, uitvoerende hoof van Red Meat Industry Services (RMIS). Teen einde Februarie was graad A-beesvleis in dele van Limpopo op die vlak van R58/kg-slaggewig. In dele van Suid-Afrika is R38/kg- lewende gewig vir speenkalfwers die afgelope tyd aangemeld. “Dit hang af van die vraag en aanbod in spesifieke gebiede,” sê prof. Johan Willemse, onafhanklike landbou-ekonoom. Elders is pryse van R34/kg en R36/kg aangemeld. Volgens Olivier is 180 000 meer beeste…

Die departement van landbou se afdeling vir statistiek en ekonomie publiseer kwartaalliks ’n samevatting van sleutelstatistieke ten opsigte van die kommersiële landbou se geldsake. Ja, van die syfers lyk verdag, maar dit is tans die beste wat beskikbaar is. Die jongste publikasie toon die syfers vir 2024. Die landbou se produksiewaarde was in 2024 na raming R460 miljard, wat 3,4% beter is as in 2023. Produsentepryse was gemiddeld 4,8% hoër as in 2023, en insetpryse was 3,9% laer. Dit is hoofsaaklik chemiese middels, kunsmis en brandstof, asook enkele ander kleiner uitgawes. Die feit dat produkpryse effens gestyg en insetpryse effens gedaal het, het volgens die departement tot gevolg gehad dat landbou-inkomste met 13,9% tot R114,7 miljard gestyg het. Landbouskuld het einde 2024 met 8,1% tot R221 miljard toegeneem. Landbou se…

Inligting Ligging: Tsitsikamma, Oos-Kaap KORTOM ■ AgriCarbon is ’n Suid-Afrikaanse program deur Anthesis wat boere help om geleenthede in die koolstofmark te ontsluit. Dit is die eerste program in Afrika om Verragesertifiseerde koolstofkrediete te ontvang. ■ Deur te bewys hoeveel minder kweekhuisgasse vrygestel word of organiese materiaal uit die grond onttrek word danksy meer herlewende landboupraktyke, kan boere verhandelbare koolstofkrediete verdien. ■ Boere kan dit sien as ’n korting op beleggings in volhoubare boerderypraktyke, wat as aansporing behoort te dien om ’n omgewingsvriendeliker benadering in te slaan en herlewingslandboupraktyke te volg. Die inkomste wat boere uit koolstofkrediete kan verdien, is nie net ’n bykomende inkomstebron op die plaas nie, maar kan ook as ’n korting gesien word vir besteding aan volhoubare praktyke. “Dis baie lekker as jy met mense buite…

Angus (rooi): Roechama Strassberg RCM 22-26 Eienaars: RC (foto), Gert en André Malherbe Roechama Strassberg is deur die Malherbes van Hertzogville geteel, waar Gert en sy seuns, RC en André, ’n gemengde boerdery bedryf. Die Elitebul, Roechama Strassberg RCM 22-26, het ’n baie goeie kop, goeie lengte van lyf en uitstekende breedte. Hy het regdeur baie goeie syfers. Sy pa, Stoffel, se moeder, Roechama Surè, was 2017 se nasionale opperste kampioen-koei (alles rasse). Die gesinsboerdery bestaan uit ’n saaiery met mielies, koring, sojabone en sonneblomme as kontantgewasse en hawer en radyse as winterweiding. Hulle bedryf ook ’n Angus- en Brangus-stoetery en boer kommersieel met albei rasse. Bulle word op tweejarige ouderdom in die kuddes gebruik en op drie jaar op veilings verkoop. Hul natuurlike veld bestaan hoofsaaklik uit soetgras en…

Inligting Ligging: Stellenbosch, Wes-Kaap KORTOM ■ Kiara Scott Farmer het op die Kaapse Vlakte grootgeword en het wynbou gaan studeer sonder dat sy ooit op ’n wynplaas was. ■ Haar tweede aanstelling was as die jongste hoofwynmaker nóg in Suid-Afrika, en binne tien jaar nadat haar loopbaan begin het, het sy een van die gesogste eerbewyse in die wynbedryf ingepalm – Diners Club se Wynmaker van die Jaar. ■ Die Kaapse Wynmakersgilde se protégéprogram het ’n groot rol in haar sukses gespeel. ■ Diskriminasie kry haar nie onder nie – sy besef dit is nie verteenwoordigend van die bedryf nie, maar eerder van individue. Vir Kiara Scott Farmer, bekroonde hoofwynmaker by die Hazendal-wynkelder in Stellenbosch se Bottelary-heuwels, is dit eintlik ’n bedekte seën dat sy geen idee gehad het waarvoor…

Studies het aangedui dat die metaboliseerbare energie (ME) van nuwe weidings met 95% meerjarige raaigras per hektaar hoër was vergeleke met ou raaigrasweidings. Dit is ook bekend dat ouer weidings ’n afname in opbrengs van goeie gehalte per hektaar toon. Die vraag is of die oorsaai van ouer weidingskampe met baster- of meerjarige raaigras die uitkoms in só ’n mate verbeter dat daar winsgewender geboer kan word. Hierdie oorsaai skep nie net ’n geleentheid vir boere om hul afhanklikheid van aangekoopte voer te verminder nie, maar sluit ook verdere voordele in: ■ ’n Verlengde weidingseisoen met ’n verbetering in seisoenale produksie en gehalte danksy die toevoeging van nuwe raaigrasplante. ■ Die toevoeging van plante van ’n beter gehalte wat ryk aan voedingstowwe is, bevorder diere se prestasie. ■ Gronderosie en…

In verlede jaar se Boereplanne-kompetisie op Nampo-park by Bothaville het twee veterane – die Botswana-boer Bertus Goosen en sy 17-jarige dogter, Nicolene – in vier afdelings geseëvier en hulle was in twee die naaswenners. Die Goosens, wat by Matlakeng boer, stal reeds die afgelope 20 jaar patente uit, met Nicolene wat al agt jaar in haar pa se voetspore volg. Boonop het die jong David de Wet van die Laerskool J.J. van der Merwe op Ermelo wéér drie pryse gewen. David het die skolekategorie met sy Spoormeester gewen. Sy Veemeester het die tweede plek ingepalm en Hekmeester Plus was derde. David het vertel hoe hy geld maak met sy Hekmeester waarmee hy die vorige jaar die skolekategorie gewen het – ’n hefboom waarmee ’n mens ’n slap draadhek (bekslaner) maklik…

Vir meer as 105 jaar staan Landbouweekblad al bekend as dié gesaghebbende stem van Suid-Afrika se landbougemeenskap. Wat in Mei 1919 as ’n gedrukte publikasie begin het, het ontwikkel tot ’n multimedia-aanbieding van landbou-inligting met ’n reikwydte oor verskeie platforms. “Landbouweekblad is al langer as ’n eeu die stem van die landbou in Suid-Afrika,” sê Chris Burgess, hoofredakteur. “Gebou op ’n eeu oue erfenis het Landbouweekblad tred gehou met veranderende tye. Die handelsmerk het verander van ’n tradisionele landboutydskrif in ’n dinamiese stelsel platforms wat drukwerk, digitale aanbiedinge, televisie, geleenthede en aangepaste bemarkingsoplossings insluit. “Hierdie voortdurende ontwikkeling is ’n bewys van Landbouweekblad se verbintenis om in die ontwikkelende behoeftes van boere én landboubesighede in ’n toenemend digitale wêreld te voorsien,” sê Chris. “Die krag van die landbou – en Landbouweekblad…

Suid-Afrikaanse boere kom daagliks voor struikelblokke te staan, van uiterste weerstoestande tot wisselende terrein, stygende koste en die volgehoue druk om produktiwiteit te verbeter. In hierdie toestande het teleskopiese hanteerders hulself bewys as nuttige, veeldoelige toerusting wat boerderybedrywighede verbeter. Teleskopiese hanteerders kombineer die hysvermoë van ’n vurkhyser met die reikwydte van ’n klein hyskraan en die veelsydigheid van ’n voorlaaier. Dit is hierdie aanpasbaarheid en doeltreffendheid van dié staatmakers wat dit gewild by boere maak. Moderne boerdery vereis toerusting wat verskeie funksies kan verrig, en teleskopiese hanteerders blink hierin uit. Hulle kan gebruik word vir: ■ Materiaalhantering. Die doeltreffende verskuiwing van voer, kunsmis en produkte op die plaas. ■ Oesopberging. Die stapel van bale en die laai by opbergingsplekke. ■ Instandhouding van infrastruktuur. Hulp met herstelwerk aan plaasgeboue en strukture.…

Op vanjaar se Nampo-oesdag staan Kubota se trekkers, veeldoelige laaigrawe (TLB’s) en slootgrawers skouer aan skouer met die werktuie en toerusting van Deutz-Fahr onder Smith Power Equipment se vaandel. By hierdie standplaas sal ook Polaris- en Linhai-veldryvoertuie te sien wees, asook gholfkarretjies deur twee nuwe handelsmerke, Tara en Evolution. Sterk trekkers Deutz-Fahr se nuwe hoëtrekkrag-trekkerreeks, wat van 186 kW tot 250 kW lewer, sal op die Nampo-oesdag bekend gestel word. Deutz-Fahr se trekkerreeks is ontwerp om aan die uiteenlopende behoeftes van Suid-Afrikaanse boere te voldoen, veral dié wat mediumgrootte tot grootskaalse boerderybedrywighede bestuur. Danksy die gevorderde tegnologie van hierdie werktuie bied die reeks brandstofdoeltreffende enjins wat ’n hoë werklading kan hanteer, terwyl bedryfsdoeltreffendheid gehandhaaf word. ’n Hoogtepunt van dié reeks is die insluiting van presisieboerderytegnologie. Dit stel boere in staat…

John Deere Financial benader die finansiering van John Deere-toerusting op ’n unieke manier. John Deere is uitsluitlik toegewy aan die finansiering van John Deere-toerusting, wat beteken dat jy die beste raad sal kry wanneer jy dit benodig. John Deere Financial konsentreer slegs op hierdie handelsmerk en stel ook ’n span finansiële spesialiste saam wat kliënt-spesifieke oplossings bied. Die belangrike wisselwerking tussen jou en jou persoonlike John Deere Financial-spesialis vergemaklik die finansieringsproses. Hier is ’n paar redes waarom jy moontlik die gebruik van beskikbare kontant sal verruil vir die finansiering van jou toerustingaankope. 1 DIE ILLUSIE VAN EENVOUD: IS KONTANTBETALING DIE BESTE BESLUIT? Baie boere is vas oortuig dat kontantbetaling die eenvoudigste en veiligste manier is om toerusting aan te skaf, maar om groot hoeveelhede kapitaal in toerusting te belê, is…

Kynoch bied vanjaar die nuwe produk Kynoplus Pro® (Anvol; reg.nr. M295, Wet 36 van 1947) wat nou twee aktiewe bestanddele bevat. Duromied en NBPT werk in sinergie om stikstofverliese verder te verlaag. Die nuwe formulasie is ook stabieler om doeltreffendheid in verskeie toestande te verseker. Daar is belangrike feite oor ureumvervlugtiging en Kynoplus Pro® (gegrond op navorsing) wat in gedagte gehou moet word. Lae pH beperk nie ureumvervlugtiging nie. Kynoplus Pro® beperk verliese tot slegs 4%, sodat meer stikstof vir plantopname beskikbaar bly. Temperatuur beïnvloed vervlugtiging. Teen 28 °C tot 38 °C is daar steeds vervlugtiging. Kynoplus Pro® het die verliese met tot 79% verminder. Droë grond waarborg nie minder verliese nie. Baie min vog is nodig om vervlugtiging te aktiveer. Kynoplus Pro® het selfs ná 60 dae op die…

In die 1980’s was oplossings vir probleme op die plaas nie net die klik van ’n rekenaarmuis ver nie. Boere moes self iets bedink, en hieruit het blink planne voortgevloei. In 1987 het ’n landbouvoorligter van Graan SA, wyle Carel Koch, opgemerk dat elke boer ’n unieke manier het om sy spesifieke probleme te oorkom. Hy het besef daar is ’n behoefte om hierdie slim oplossings bymekaar te bring en vir die breër landbougemeenskap te wys. Hieruit is die Boereplanne-uitstalling op die Nampo-oesdag gebore. Die eerste boereplanne-uitstalling is in 1987 gehou en in 1988 het Omnia op die inisiatief van Vic Mouton, voormalige Oesdag-voorsitter, as hoofborg aangesluit. Sedertdien is Omnia onlosmaaklik aan die sukses daarvan verbind, en vandag is Omnia, Landbouweekblad en Graan SA se Boereplanne-kompetisie een van die hoogtepunte…

Pioneer blink uit in SLIM agronomie. Sy span landboukundiges spesialiseer in spesifieke gewasse en die vele aspekte van gewasproduksie. Die produklandboukundiges konsentreer op IMPACT-proewe, waaruit nuwe produkte getoets en beskikbaar gestel word. Deur innoverende navorsing en gevorderde data-ontledingsmetodes kan uiteenlopende veranderlike faktore wat graanproduksie beïnvloed, bestuur word. Hierdie data bied boere waardevolle inligting om deur die jaar ingeligte besluite te neem. Pioneer se agronomiese benadering is tegnologie-gedrewe. Deur digitale tegnologie kan die maatskappy die regte produk vir die regte hektaar grond aanbeveel. Dit maak verbeterde kultivaraanbevelings moontlik, gegrond op nuwe biotegniese eienskappe, die plasing van teelmateriaal en die optimale plantestand vir die potensiaal van verskillende grondsoorte. Dit help boere om die beste teelmateriaal vir hul spesifieke area te kies, wat tot verhoogde opbrengste en winsgewendheid lei. SLIM saadtegnologie Boere wil…

Veeproduksie is een van die belangrikste boerderyvertakkings in Suid-Afrika en die grootste bydraer tot die landbou se bruto binnelandse produk (BBP), met meer as 46,3% van die totale waarde van landbouproduksie. Die landbou kan nie sonder die veefaktor funksioneer nie, sê dr. Dirk Strydom, hoof van Nampo by Graan SA. “In ’n graankonteks is vee nie net belangrik vir die diversifikasie van boerderye nie, maar ook ’n belangrike mark vir ander landbouprodukte. Ongeveer 80% van saaiboere het ’n veefaktor in hul boerdery.” Die bedryf kan slegs mededingend bly deur doeltreffendheid na te streef, sê Marlene Louw, senior ekonoom by Absa Agribesigheid. “Ons sien al hoe meer dat boere alternatiewe praktyke soos drukbeweiding gebruik om hulpbronne te optimaliseer. Daarom is dit belangrik om op die hoogte te bly van tegniese ontwikkeling…

Die siekte Karooverlamming word gekenmerk deur swak koördinasie en swakheid in die agterste ledemate wat vorentoe versprei. In erge gevalle word die slukspiere en asemhaling aangetas. ’n Skaap wat gaan lê, word skoppend op sy sy aangetref. Ligte besmettings veroorsaak dat die dier agter in die kudde bly, laaste toegang tot voer het en meer as wat nodig is, by die waterbak vertoef. Al hierdie simptome verminder die dier se tyd en vermoë om te wei en te produseer. Karooverlamming word gesien as die derde belangrikste siekte in die geraakte gebiede. Sowat 30 000 vrektes word jaarliks daaraan toegeskryf. Die siekte word veroorsaak deur ’n hoë lading vroulike karooverlammingsbosluise op die dier. Wanneer die bosluis aanheg, skei dit ’n toksien af, wat die simptome veroorsaak. Sodra die bosluise verwyder word,…

Die plaaswerf is die hartklop van enige boerdery. Dit is waar hart en siel aanmekaar gehou word. In die huis word die gesin versorg, die tuin is die toonvenster van die plaas en die werkwinkel sorg dat bedrywighede voortgaan. Die plaaswerf is ook die basis waar voertuie gehou word, van waar hulle uitgaan vir plaastake en waar herstelwerk en onderhoud gedoen word. Die plaaskantoor se boekrak is moontlik vol boeke met inligting oor vee, weiding of grondbewaring, en ’n versameling Landbouweekblaaie. In die kombuis is die kans goed dat die nuutste Boerekos binne reikafstand van ’n besige boervrou is. Om in al hierdie behoeftes te voorsien, is die Nampo-oesdag nie net die platform vir groot werktuie, vee en landbou-ondernemings nie. Dit is ook die plek waar verwante besighede hul produkte…

Met meer boorgatwater wat gebruik word, is daar ’n toename in probleme weens die gevolge van harde water in die vorm van kalkaanpaksels. Die PTH-produk ontkalk pype en geiserelemente deur bestaande aanpaksels af te breek en verdere aanpaksels te voorkom. Dit is ook ’n katalitiese omsetter wat watermolekules “rek” en dan ’n effek van “natter water” veroorsaak. Dit bied ’n besparing van 40% op besproeiingswater omdat die water dadelik die grond binnedring en dus nie lank aan die verdampingseffek van die son blootgestel is nie. Die PTH maak brakwater ook toegankliker vir opname deur kontantgewasse. Boonop maak die PTH grond wat deur soute besoedel is, minder brak deur oormatige soutkonsentrasies in die grondlae af te breek en uit te loog, wat tot beter oeste lei. Dit is onder meer gebruik…

Vir Suid-Afrikaanse boere voldoen STIHL se MS 363-kettingsaag aan verskeie behoeftes. Boere moet talle funksies verrig wat betref veldbestuur, soos die verwydering van indringerakasia- en bloekombome, tot die instandhouding van bosplantasies in sekere boerderygebiede. Vir veeboere wat weiveld in stand hou, is hierdie kettingsaag van onskatbare waarde vir die verwydering van indringerbosse en die skep van brandstroke. Dit is ’n noodsaaklike veiligheidsmaatreël in ’n land waar veldbrande ’n groot bedreiging vir landboubedrywighede gedurende die droë seisoen inhou. Die MS 363 se brandstofdoeltreffendheid maak dit uiters geskik vir afgeleë boerderybedrywighede waar hervullingsgeleenthede beperk kan wees. Dié kettingsaag kombineer Duitse ingenieursuitnemendheid met kenmerke wat spesifiek voordelig is vir die diverse landbou-omgewings oor Suid-Afrika heen, van die stowwerige Karoo tot die vogtige kusstreke. Die MS 363 oortref die verwagtinge met sy robuuste 62,6…

China blaas in Peru se nek om wêreld se grootste uitvoerder van tafeldruiwe te word SUID-AFRIKA se tafeldruifuitvoer na China kom toenemend onder druk namate China se plaaslike tafeldruifproduksie toeneem. China het Chili verbygesteek en is kort op Peru se hakke ten opsigte van die volume tafeldruiwe wat hy uitvoer. China het ’n lang uitvoerseisoen wat gewoonlik in April begin en eers in Februarie die volgende jaar eindig. Die land het sy uitvoerkapasiteit verbeter deur opgeknapte koueketting-logistiek, wat verseker dat die druiwe se gehalte oor langer tydperke behou word. Van die wêreld se vyf grootste uitvoerders van tafeldruiwe – wat benewens Peru en Chili ook Suid-Afrika en Amerika insluit – het China se uitvoer die sterkste groei getoon. China sal na raming aan die einde van sy huidige uitvoerseisoen nagenoeg…

WENBRIEF Bedank SA boere vir genoeg kos Dit is ontstellend om te verneem dat Afrika se voedselproduksie die afgelope jaar volgens inligting met ’n massiewe 50% gedaal het. Suid-Afrika het gelukkig nie so ’n probleem nie, danksy sy goeie boere wat ten spyte van min grond en lae gemiddelde reënval voldoende voedsel produseer vir die land en al sy mense. Waarom Afrika met goeie reën en goeie grond nie voldoende voedsel kan produseer nie, bly ’n ope vraag. Dit is ’n feit dat die landbou vir Suid-Afrika ’n finansiële bate is waaruit die staat honderde miljoene rande per jaar verdien. Die landbou is ook verreweg die grootste werkverskaffer, wat aan byna ’n miljoen mense werk verskaf. Dit is dus eienaardig dat die bedryf so stief deur die regering behandel word.…

AGENTE van landbouprodukte wat opsetlik of weens nalatigheid kortpaaie kies en oneties of onwettig optree, kan binnekort hul rieme styfloop. Apac, wat onafhanklik optree, maar ’n mandaat van die staat het, is in die proses om sy regstande verder skerp te maak, wat kan lei tot boetes en/of tronkstraf vir landbouprodukte-agente wat nie die biosekerheidsmaatreëls nakom nie. Francois Knowles, Apac se registrateur, het op ’n bek-en-klouseer-inligtingsdag van BKB in die Dundee-distrik in KwaZulu-Natal verduidelik dat Apac se oorkoepelende doel is om die boere wat agente gebruik om hul landbouprodukte te bemark, te beskerm. Verder probeer hy verseker dat dié produkte eindverbruikers ná veilige en etiese prosesse bereik. Apac het reeds vroeg in 2020 – ná die uitbreking van bek-enklouseer in KwaZulu-Natal aan die einde van 2019 – biosekerheidsreëls vir veeveilings…

GEMIDDELDE tot ondergemiddelde reën is volgens weermodelle vir die winterreëngebied moontlik, sê Johan van den Berg, onafhanklike landbouweerkundige. Koringprodusente moes reeds verlede jaar in moeilike toestande boer: Eers was die reën vir die winterreënseisoen laat, toe val baie reën, en daarna het erge winderige toestande skade in sekere dele aangerig. Die grootste bydraende streke tot Suid-Afrika se koringoes is die twee droëlandgebiede in die Wes-Kaap, naamlik die Swartland en die Rûens. Die ander belangrike produksiegebiede is die besproeiingsgebiede van die Noord-Kaap en die Vrystaat. Van den Berg sê hoewel redelike goeie reën teen einde Maart en begin April oor dele van die winterreënstreek voorgekom het, was dit meer vanaf ’n somerreënvalstelsel afkomstig. Nog ligte neerslae is tot einde April moontlik. Die vog van dié neerslae, tesame saam met die vorige…

Avokadoboere het ’n geleentheid om hul oestydperk te verleng, hul inkomste te stabiliseer en op mededingende uitvoermarkte mee te ding danksy ’n nuwe kultivar. Dié nuwe kultivar van Allesbeste Kwekery op Tzaneen kan ’n deurbraak wees vir plaaslike boere deur ’n nuwe marktydgleuf oop te maak wanneer Suid-Afrika tradisioneel avokado’s moet invoer om produksie uit die Wes-Kaap aan te vul. Boonop lyk dit of hierdie kultivar die vermoë het om elke jaar vrugte te dra, anders as die meeste ander kultivars wat geneig is om alternerend te dra, sê Zander Ernst van Allesbeste Boerdery. Dit is danksy die plant se vermoë om, nadat ’n tak vrugte gedra het, verder te groei en op dieselfde tak weer vrugte te dra. Dit skep die moontlikheid vir ’n meer stabiele en volgehoue oes.…

KORTOM ■ Koringboere in die Swartland gaan die afgelope tien jaar gebuk onder meer gereelde droë jare, buitengewoon nat jare met ’n swak verspreiding van reën, asook ’n lae prys wat deur groot aftrekkings net verder krimp. ■ Die boere het geen beheer oor die weer en die pryse nie, maar hulle kan wel die toegang tot hul plaashekke bestuur om koste op verskillende maniere en tot voordeel van winsgewendheid te verlaag, sê ’n landbou-ekonoom. Ná ’n moeilike boerderyjaar soos verlede jaar is dit maklik om moedeloos te raak. Daar is egter nog planne wat gemaak kan word, sê Suzanne Lureman, landbou-ekonoom en produksie-adviseur van Overberg Agri se afdeling vir landbou-ontwikkeling. Die 2024-produksieseisoen het droog begin. Ná die groot reën in Julie moes baie boere ander, dikwels duur, planne maak…

Aasvoëls het eers algemeen voorgekom in die Karoo. Verskeie faktore het egter deur die jare daartoe bygedra dat daar nie meer ’n enkele permanente aasvoëlkolonie in dié streek is nie. Aangesien aasvoëls ’n belangrike rol speel in die ekostelsels waar hulle teenwoordig is, het boere besef hulle moet maniere vind om die Karoo weer dié voëls se tuiste te maak. Aasvoëls lewer ’n belangrike skoonmaakdiens deur dooie diere se karkasse te vreet. Daardeur voorkom dié voëls boonop dat gevaarlike siektes, soos miltsiekte en hondsdolheid, versprei. Deur diere se karkasse af te breek, help hulle ook om voedingstowwe in die grond terug te sit. Die welstand van aasvoëlbevolkings dien as ’n aanduiding van hul omgewing se gesondheid. Die trust vir bedreigde natuurlewe (EWT) het gehoor gegee aan boere se pleidooi en…

Inligting Distrik: Napier, Wes-Kaap Naam: Hansieskloof Vertakkings: Kontantgewasse (750 ha): kanola, koring, gars, hawer en bietjie lupiene; kommersiële Dohne-Merino-kudde van sowat 700 ooie Reënval: 500-700 mm per jaar Grondtipe: Leem met klei onder Groot dele van die Overberg word nie om dowe neute die Rûens genoem nie. Min landbougrond hier is gelyk, en groot dele van die bewerkbare grond is heuwelagtig. Met die afgelope paar jaar se hewige winterreën het versuipskade ál groter afmetings aangeneem. Om dié heuwelagtige gebied ten volle vir graan te kan benut, het Kosie van Zyl van Hansieskloof, Napier, besluit die water moet behoorlik gedreineer kan word om onnodige skade te voorkom. ’n Algemene praktyk is dat boere met ’n slootgrawer of skraper ’n soort sloot teen die helling “sny”, wat dan met pik en graaf…

Gaan kyk maar op die kusdorpies in die Wes-Kaap. Van Vleesbaai om Kaappunt en teen die Weskus op tot verby Lambertsbaai besit boere van die huise – veral in die ouer deel van die dorpies. Teen die einde van die jaar is dit stil op Wes-Kaapse graanplase. Die wintergraan is geoes en dis nog ’n paar maande voor die volgende planttyd. Oom Koos Vermeulen het jare gelede vir hom ’n huis teen ’n hoogtetjie op Wesselsbaai laat bou. Oom Koos was ’n gesiene boer. Hy was jare lank voorsitter van die distrikslandbou-unie, voorsitter van die skoukomitee, voorsitter van die skoolbeheerraad en leierouderling. Hy was gewoond daaraan om sy sin te kry. Die huis het ’n groot stoep. Oom Koos het graag daar gesit en die onbelemmerde uitsig op die oseaan…

Die gesaghebbende Nasie in Gesprek-gesprekforum, wat al sedert 2013 deel van die Nampo-oesdag is, bied ’n ruimte vir die bespreking van insigte, bekommernisse en oplossings met die oog op ’n volhoubaarder en veerkragtiger sektor. In 2025 val die klem op drie oorhoofse temas: infrastruktuur en politieke impak, volhoubaarheid in die kommersiële landbou, en tegnologiese vooruitgang as dryfveer vir toekomstige waarde. Hierdie temas verwoord die dringendste gesprekspunte wat produsente landwyd raak, en die besprekings sal praktiese rigtingwysers vir kommersiële boere probeer bied. Boerdery in ’n veranderende landskap Voortdurende verskuiwings in beleid, tegnologie en omgewingsvoorwaardes staar die landboubedryf in die gesig. Suid-Afrikaanse produsente funksioneer binne ’n eiesoortige stel probleme – die verval van infrastruktuur, onsekere politieke wil, klimaatsverandering en markdruk – terwyl hulle steeds wêreldklas-produkte aan toenemend kieskeurige verbruikers moet lewer. In…

Die hoogtepunt van Bell se nuwe aanbod is die langverwagte Bell Motor Grader, waarvan die vervaardiging in die derde kwartaal in volle gang sal wees. Die reeks sluit drie basismodelle in, beskikbaar in vier- of seswielaandrywing, om in verskillende bedryfsbehoeftes te voorsien. Hierdie werktuie word aangedryf deur stil en doeltreffende Cummins-enjins wat aan gladde ZF-ratkaste gekoppel is. Dit verseker betroubaarheid en brandstofdoeltreffendheid. Bell Motor Graders is ontwerp vir langer skraapwerk en het verbeterde dratap- (trunnion) laergebruiksduur en geïntegreerde asverkoeling, wat die remlewe verleng. ’n Presisie-verseëlde sirkellaer verseker uitmuntende skraap-akkuraatheid, terwyl slytasie en instandhouding tot die minimum beperk word. Die hidromeganiese ratkas met tandem-as-kruipfunksie bied uitstekende beheer, terwyl die vryhangende skeurploeg (ripper) die doeltreffendste snyhoek verseker. Verder bied ’n outomatiese differensiaalslot, wat inskakel terwyl jy ry, presiese greep wanneer dit benodig…

Nampo is die landbougeleentheid waar vervaardigers hul beste innovasies ten toon stel. Besoekers verwag indrukwekkende skoue, maar André Olwagen, hoof van taktiese bemarking by Case IH, beklemtoon dat tegnologie wat boere nie direk bevoordeel nie, eintlik net klatergoud is. “Elke tegnologiese toevoeging moet ’n tasbare voordeel vir die boer bied, anders is dit net geld in die water.” Die groot boetie ’n trekpleister Een van die groot trekpleisters is die splinternuwe Case IH Steiger 715 Quadtrac. Met bewese kraglewering van 535 kW en ’n toplewering van 580 kW is dit die kragtigste Steiger nóg. Die trekker is ontwerp om boere te help om korter tydperiodes beter te benut. Volgens André lê die geheim van bekostigbare bewerking in die Steiger se hoë wringkrag. “Die Case IH-trekkers verkry maksimum wringkrag op lae…

Deur veeldoelige laaigrawe (TLB’s) en padskrapers langs tradisionele landboumasjinerie ten toon te stel, bied John Deere geïntegreerde oplossings wat in die volledige spektrum van plaasinfrastruktuurbehoeftes voorsien. Met praktiese demonstrasies, doelgerigte toerusting en omvattende ondersteuning kry kopers van John Deere se geel masjinerie die diens en gehalte van John Deere waaraan hulle gewoond is. “Ons bied ’n alles-in-eendiens. Jy kan by dieselfde handelaar waar jy jou stroper koop, ook jou TLB of padskraper koop. Jy werk dus met dieselfde mense wat jy reeds vertrou en verhoudings mee het,” sê Griffiths Makgate, bou-en-bosbouverkoopsbestuurder vir Afrika en die Midde-Ooste. “Ons TLB’s het baie ooreenkomste met ons trekkers. Hierdie ooreenkomste strek tot by die instandhoudingsprosedures en baie van die enjinonderdele omdat die geel masjinerie ook John Deere-enjins het.” Soos altyd stel John Deere Construction…

Jacto se werktuie, waaronder selfloopspuite en kunsmistoedieners, is al meer as 40 jaar lank aan Suid-Afrikaanse boere beskikbaar. Dié Brasiliaanse maatskappy het ’n stewige teenwoordigheid op die plaaslike mark en dit groei jaarliks. Dit is waarom Jacto se teenwoordigheid op die Nampo-oesdag daarop toegespits is om sy verbintenis tot die Afrika-mark te verstewig en terselfdertyd sy innoverende spuittegnologie te beklemtoon. Besoekers aan Jacto sal ’n verskeidenheid landboutoerusting sien wat ontwerp is om produktiwiteit op die plaas te verbeter. “Ons sal ons portefeulje van werktuie, dienste en landbou-oplossings vertoon, waaronder die selfaangedrewe Uniport-spuitreeks, asook balktipe spuite en draagbare toerusting,” sê Edson Bueno, Jacto se internasionale verkoopsbestuurder. Van die spuite in die Uniportreeks wat te sien sal wees, is die 3030 Vortex en die 4530, met spuitbalke van 42 meter. Met die…

In Suid-Afrika se landbousektor is deursettingsvermoë die grondslag van sukses. Boere bewerk nie net die grond nie, hulle koester gemeenskappe, bou besighede en dryf ekonomiese groei aan. Met hierdie toewyding kom die behoefte aan ’n voertuig wat betroubaar, bekwaam en veelsydig is. Dis waar die Ford Ranger inkom – ’n bakkie wat gebou is om dié wat ’n nalatenskap bou, te help.. Krag wat net so hard werk soos jy Om te boer, is meer as net ’n werk. Dit is ’n nalatenskap wat dag vir dag gebou word. Die Ford Ranger is ontwerp om hierdie nalatenskap te ondersteun. Met ’n indrukwekkende sleepvermoë van tot 3 500 kg en ’n indrukwekkende laaibak is die Ranger pasgemaak om boere te ondersteun terwyl hulle hul plaas bedryf of uitbrei. Of jy nou…

Toyota se GR- (Gazoo Racing) produkreeks volg ’n gestruktureerde, viervlakkige hiërargie, wat ontwerp is om vir verskillende motorentoesiaste voorsiening te maak. Toyota se GR-reeks begin by GR Parts, wat standaardmodelle verbeter met GR-geïnspireerde bykomstighede. GR-Sport voeg kosmetiese en hanteringverbeterings by, terwyl GR-prestasiemodelle, soos die GR Yaris en GR Supra, ’n intense ry-ervaring bied. Heel bo is GRMN, wat uiterste werkverrigting vir die renbaan verteenwoordig. Ontwerp om te presteer Die Fortuner GR-S is ’n bewys van Toyota se verbintenis om grense te verskuif. Die model is danksy verbeterde krag, ’n opwindende nuwe ontwerp en sport-geïnspireerde kenmerke juis ontwerp om op sy beste te presteer – of hy hom nou op ruwe terrein onderskei of sy teenwoordigheid op straat in die stad laat blyk. Opvallende buite-ontwerp Die Fortuner GR-S straal selfvertroue uit…

Moderne plase is ál meer afhanklik van robuuste elektriese infrastruktuur om sleutelbedrywighede te ondersteun, waaronder besproeiing, verwerking en opberging. Namate hierdie funksies uitbrei, raak betroubare en gevorderde elektriese stelsels onontbeerlik vir produktiwiteit, kostedoeltreffendheid en volhoubaarheid. ElectroMechanica (EM) is ’n toonaangewende verskaffer van pasgemaakte elektriese oplossings wat plase help om doeltreffendheid te optimaliseer, energieverbruik te bestuur en volhoubare praktyke toe te pas. Deur gevorderde motorbeheerstelsels, intydse outomatiseringstegnologieë en energiebestuuroplossings te integreer, kan landboubesighede hul bedrywighede verbeter en terselfdertyd staantyd en energievermorsing verminder. Behoefte aan slimmer elektriese stelsels Betroubare kragtoevoer en doeltreffende motorfunksionaliteit is van deurslaggewende belang vir landbouproduksie. Sonder moderne outomatisering en energiebestuur staar beduidende struikelblokke plase dikwels in die gesig, soos: ■ Gereelde bedryfsontwrigtings weens ondoeltreffende of foutiewe motorkomponente. ■ Stygende energiekoste weens verouderde stelsels en oormatige verbruik. ■ Beperkte…

Dié kombuis bring die beste van die landbou en kos byeen en bewys weer eens waarom dit een van die gewildste eetplekke op die Nampo-oesdag is. Chris Burgess, redakteur van Landbouweekblad, sê dit is belangrik dat boere hulself nie net as produsente van onverwerkte landbouprodukte beskou nie, maar as verbouers van gehaltevoedsel. “Ons is baie gesteld daarop dat boere ’n kopskuif moet maak. Hulle moet nie net meer aan hulself as speenkalfprodusente dink nie, maar eerder as biefstukprodusente. Ons moet die kos wat boere produseer, bemark en waarde toevoeg deur dit regstreeks aan verbruikers bekend te stel.” Die geure van die Plaaskombuis Vyf uitgesoekte kosvennote verskaf vleis en pluimvee van net die beste gehalte, wat in die Plaaskombuis in heerlike etes omskep word deur Arina du Plessis, redakteur van Boerekos,…