Landbouweekblad 3 April 2025의 목차

Die groen Karoo ’n Hommeltuigfoto bied goeie perspektief op die veld ná die goeie somerreën wat tot dusver by Carnarvon geval het. Sybrand Venter van die plaas Trywell se trop wit Dorpers wei in ’n kamp waarin 95% karoobossies, ’n bietjie perdekaroo en ’n paar soorte eenjarige gras groei. Dít is die regte resep vir die lekkerste lamsvleis, sê hy. ’n Lam uit die Trywell-kudde het vroeër vanjaar ’n tweede plek in die Karoo Lamb Champs behaal. Sy boerdery is gereed vir die winter, al het hulle nog nie hul jaarlikse gemiddelde reënval gekry nie. “Ek het die afgelope langnaweek 48 mm gehad en staan op 205 mm vir die jaar.” Gelukkig is daar vooruitsigte vir nog reën. Dit sal veral nodig wees vir sy ander grond tussen Carnarvon en…

Herverdeling van grond “is nie grondgrype nie, want ons hoef nie iets te steel wat reeds ons s’n is nie”. Opmerkings soos dié deur Mzwanele Nyhontso, minister van grondhervorming en landelike ontwikkeling, het boere warm onder die kraag gehad toe hulle op Landbou. com daarvan moes lees. Hy het dit by die Universiteit van Wes-Kaapland kwytgeraak tydens ’n bespreking oor hoe grondhervorming aangewend kan word om die ongeregtighede van die verlede reg te stel. Nyhontso, ook leier van die PAC, het sommer sy aanbieding begin met ’n opmerking dat die PAC ’n bevrydingsbeweging is wat glo grond moet aan die regmatige eienaars, die inheemse mense van Afrika, gegee word. Hy het duidelik laat blyk dat grondhervorming ’n voorrangsaak is en dat hy nie gras onder sy voete daarmee gaan laat…

“EK sê dit onomwonde. Graan SA stem glad nie saam met die Onteieningswet soos dit onlangs onderteken is nie. Ons het dit nog nooit ondersteun nie en sal betrokke bly om uiteindelik die beste uitkoms vir Suid-Afrika teweeg te bring.” Só het Derek Mathews, uittredende voorsitter van Graan SA, op die organisasie se onlangse jaarkongres op Bothaville gesê. Mathews het boere daaraan herinner dat die stigters destyds op mieliesake gekonsentreer het, en dat die organisasie uitgebrei het om hom vandag te organiseer wat graansake betref. “Ons los die politiek en die kerk by die huis. Hier praat ons graansake.” Met dít as agtergrond het hy gesê wanneer boere hom vra hoekom Graan SA stil is oor politieke sake, is die rede: “Dit is nie ons saak nie. “Daarmee sê ek…

Begin net – al begin jy klein. Dit is die beste raad van ’n paneel van vyf boere van die Riemlandstudiegroep aan enige boer wat herlewingslandboupraktyke op sy plaas oorweeg. “Jy moet net begin. Niemand kan net van sagte kos bly leef nie. Net so kan jy nie net aanhou om YouTube-video’s oor herlewingslandbou te kyk nie. Geenbewerking is die begin, dit is waaruit alles gegroei het. Jy moet net versigtig wees dat jy nie by iets in die proses vashaak nie. Die proses bly voortdurend groei,” het Danie Slabbert, voorsitter van die Riemland-studiegroep, op Landbouweekblad se pas afgelope herlewingslandboukonferensie op Reitz gesê. Danie, wat op die plaas Van Rooyenswoning in die distrik boer, moedig boere aan om met ’n kleinerige stuk grond te begin en om as deel van…

Die plaas Uitspankolk by Loeriesfontein is te midde van die droogte in die Boesmanland ’n “lammerkleuterskool” waar Franchwa Batt en sy vrou, Chrismari van der Westhuizen-Batt, sowat 40 tot 60 hanslammers van boere in die omgewing twee keer per dag voer. “Dit het in 2019 begin toe ons springboklammers wat ons in die veld gekry het wie se ma’s nie vir hulle kon sorg nie weens die droogte, huis toe gebring het en gevoer het. Ná ’n paar maande het ons die lammers, wanneer hulle sterk genoeg was, weer op die plaas vrygelaat. Terwyl ons dié lammers gevoer het, het ons van ons medeboere se skaaplammers ingeneem wanneer ’n ooi dalk die lam verstoot het of as sy gevrek het,” vertel Franchwa. Hulle het aanvanklik die lammers met die hand…

Reivilo stel met trots SuperCrown bekend – ’n reeks robuuste en betroubare bande wat ontwerp is vir swaar nywerheids- en kommersiële werktuie. Met gevorderde tegnologie, hoëgehalte-rubbermengsels en duursame ontwerp bied Super-Crown-bande onoortreflike sterkte en werkverrigting in moeilike toestande. Die SuperCrown-reeks sluit verskeie spesialiteitsbande in: TLB- (veeldoelige laaigraaf) bande. SuperCrown se TLB-bande is ontwikkel vir maksimum beheer en duursaamheid. Hul loopvlak en versterkte sywande bied verbeterde vastrap op modderige, sanderige en klipperige terrein . Skidsteer- (Bobcat) bande. Vir kompakte laaigrawe en Bobcat-werktuie bied SuperCrown se Skidsteer-bande uitmuntende stabiliteit en slytasieweerstand. Die spesiale loopvlakontwerp verseker maksimum kontak met die grond. Vurkhyserbande. Dié Super-Crown-bande is ontwikkel vir swaar vragte en gebruik in nywerheidspakhuise en fabrieke. Driewiel-stomplaaigraafbande. Vir die eise van bosbou- en houtwerktoepassings bied SuperCrown se driewiel-stomplaaigraafbande uitmuntende vastrap, sterk sywande en hoë dravermoë.…

Die verhouding tussen die boer en ’n insetverskaffer se verkoopspersoneel vorm die kern van enige landboubesigheid. Verhoudings kan egter slegs gebou word as die boer weet wie die persoon is wat hom op die plaas kom besoek. Aan die stuur van Syngenta se saadbesigheid is Hendrik van Staden, besigheidshoof van Syngenta Saad Afrika suid van die Sahara. “My grootste verantwoordelikheid is om die verkoopspan te bestuur en seker te maak ons bly altyd toegespits op die kliënt en bly relevant in die saadomgewing. Sigbaarheid, vertroue en produkprestasie gaan hand aan hand.” Volgens Hendrik help sy span mense om Syngenta Saad se strategie uit te voer, asook ook om die tweerigting-kommunikasie tussen die maatskappy en die kliënt in stand te hou. Hier is die verkoopspan ■ Darius Zeelie, streekverkoopsbestuurder in die…

As jou plaas finansieel sukkel, hoef jy nie paniekerig te raak nie. Daar is ’n wettige oplossing wat jou kan help om te herstel, terwyl jy steeds met jou bedrywighede kan voortgaan. Die landbou is die ruggraat van Suid-Afrika, maar finansiële probleme kan selfs plase wat uitstekend bestuur word, bedreig. Onverwagte omstandighede, soos droogte, markskommeling en stygende insetkoste, kan ’n plaas in finansiële nood laat beland, wat dit moeilik maak om bedryfsuitgawes te dek en skuldverpligtinge na te kom. Farm Rescue verstaan die spesifieke kwessies wat boere in die gesig staar, en sy span kundiges spesialiseer daarin om gepaste oplossings te bied. Daar is goeie nuus. Ingevolge die Maatskappywet (Wet 71 van 2008) kom jou plaas in aanmerking vir sakeredding, wat jou ’n wettige en gestruktureerde manier bied om beheer…

Die natuurskoon langs die vier kronkelende, landelike hoofpaaie na die Oos-Kaapse dorpie Maclear (nou Nqanqarhu) bied ’n aanloklike blik op dit waarna jy kan uitsien sodra jy jou verblyfbestemming bereik. Jou voertuig sal oor sprankelende strome en riviere woerts waarin wilde reënboogforelle skuil. Na gelang van hul bui kies hulle dalk om die kunsvlieg wat jy so versigtig aanbied, te sluk – of nie. Landbouweekblad het al twee keer by die rustige Sheeprun Farmstay oorgebly, maar het nog net op die oewer van ’n klein deel van die Potrivier op hierdie werkende plaas gehengel. Dié rivier is een van nege binne ’n omtrek van 60 km van Maclear. Gesamentlik bied hulle ’n indrukwekkende oewer van 300 km (600 km as jy die oewer aan albei kante in ag neem), en…

‘Dié wyn-oesjaar een vir die boeke!’ Vroeë aanduidings is dat die 2025-oesjaar wyne met ’n besonderse vruguitdrukking en varsheid gaan lewer, sê dr. Etienne Terblanche, Vinpro se hoof van konsultasiedienste. “Die kombinasie van matige temperature, voldoende winterreënval en noukeurige lowerbestuur om die potensiaal van die seisoen te ontgin, het tot ’n uitstekende balans in die druiwe gelei.” South Africa Wine sê gunstige groeitoestande deur die hele seisoen “het tot ’n goed gebalanseerde vrugsamestelling vir rooidruifsoorte, gekenmerk deur ’n goeie suurinhoud, diep kleur en tannienontwikkeling gelei. Matige en droë toestande in sleutelstreke het ’n bestendige rypwordingsproses verseker, wat wynmakers in staat stel om druiwe teen optimale rypheid in te neem”. Volgens Rico Basson, uitvoerende hoof van South Africa Wine, bevestig die 2025-oesjaar “die vaardigheid, veerkragtigheid en toewyding van ons bedryf”. —…

ANNELIZE CROSBY, hoof van regsintelligensie by die landbousakekamer Agbiz, sê die wetsontwerp op die billike toegang tot grond, wat al jare lank lê en stof vergaar, is aanvanklik voorgestel deur ’n paneel wat die parlement in 2016 in die lewe geroep het om te kyk na al die maatskaplik-ekonomiese wetgewing wat sedert 1994 in Suid-Afrika ingestel is. Die paneel, met oudpres. Kgalema Motlanthe as voorsitter, se taak was om te bepaal hoe doeltreffend dié wetgewing is en hoe dit moontlik gewysig moet word om doeltreffender te wees. Sowat 200 bladsye van die verslag wat dié paneel uiteindelik aan die parlement gelewer het, was aan grondhervorming gewei. Die wetsontwerp op die billike toegang tot grond, wat toe bekend gestaan het as die raamwerk vir die herverdelingswetsontwerp, is daarin aangebied as ’n…

Die voordele van herlewingslandboupraktyke, wat Danie Slabbert op sy plaas by Reitz in die Vrystaat toepas, is selfs duidelik in die reuk van die hoenders wat daar geslag word. “Dit is die enigste hoenders waarvan ek bewus is, of wat ek nog kon vasstel, wat van die eerste dag af op grond of gras of dekgewasse is.” Só het Slabbert, eienaar van die plaas Van Rooyenswoning en die onderneming Sewe Slabberts, gesê op die herlewingslandboukonferensie wat Landbouweekblad vroeg in Maart saam met die Riemland-studiegroep op Reitz aangebied het. Slabbert het aan die einde van verlede jaar Sewe Slabberts begin, wat onder meer sy eie bees-, skaap- en hoendervleis verkoop. Hy beskryf hul hoenders as “skoon hoenders”. Hulle wei op gras wat as deel van hoëdrukbeweiding groei. Hulle word ook mielies…

Inligting Ligging: Hochfeld, Namibië Naam: Omantumba Eienaarskap: Beslote korporasie Vertakkings: Bonsmara-stoetery, spekulatiewe osproduksie, akkerbou, hooiproduksie en skape Grondtipe: Sandleem Veldtipe: Kameeldoring-savanna Gemiddelde reënval: 400 mm per jaar KORTOM ■ Hierdie boere is lugtig vir risiko’s, maar laat nie toe dat dit hulle verlam nie. Hulle probeer onvoorsiene omstandighede so goed moontlik bestuur. ■ Hulle glo as ’n mens goed na jou plaas kyk, kyk hy goed na jou. ■ Hulle hou noukeuring rekord van alle aspekte van hul diere, en hou die inkomste en uitgawes fyn dop. As bona fide-boere maak hulle nie te veel skuld nie en probeer ’n geen-kompromie-beleid volg oor die gehalte van weiding, teelmateriaal en voer. Al is dit hoe moeilik, bly hulle hul langtermynvisie volg en beoordeel die risiko’s in die boerdery om onvoorsiene omstandighede…

Inligting Distrik: Hemelen-Aarde-vallei, Wes-Kaap Gemiddelde reënval: 750 mm/j. Vertakking: Wyn Grond: Klei, kwarts en skalie KORTOM ■ JC en Carolyn Martin se besluit om net virusvrye plantmateriaal op die Creationwynlandgoed aan te plant, kan tot gevolg hê dat hulle binne die volgende dekade die oudste Pinot noir-wingerde in Suid-Afrika en Afrika sal hê. ■ Ná 15 jaar se harde werk op die plaas, in die restaurant en proelokaal is Creation onlangs as die derde beste wynlandgoed in die wêreld en die beste in Afrika aangewys. ■ JC en sy span probeer om ten nouste met die natuur saam te boer en hoop dat hul dekgewasse binne die volgende vyf jaar natuurlik tussen die wingerde sal groei. Nie alleen is een van Suid-Afrika se voorste trekpleisters vir wyntoeriste tans die tuiste…

Navorsers het bevestig wat veeboere lankal weet: Die kameeldoringboom is goud werd vir lewendehawe. Gewoonlik maal veeboere die peule fyn en meng dit met ander bestanddele om veral as droogtevoer te dien, maar die nuutste navorsing toon hoe voedsaam die blare ook is. Boere in die droër dele van Suider-Afrika, veral die Kalahari, wat oor Suid-Afrika, Namibië, Botswana, Zimbabwe en ander buurlande strek, gebruik die kameeldoringboom (Vachellia erioloba) se peule lankal wanneer hul weiding skraps raak. Die peule word ook deur diere opgeraap wanneer dit by volwassenheid van die bome afval. ’n Span navorsers van die Noordwes-Universiteit (NWU) en die Universiteit van die Vrystaat (UV) het nou met ’n proef vasgestel aanvullende voer bestaande uit die kameeldoring se blare en geammonifiseerde mieliereste laat lammers goed groei. Die vleisgehalte is boonop…

Klein baalpakker spaar tyd en arbeid Om bale in ’n skuur te pak en die beskikbare onderdakruimte ten beste te benut, is ’n tydrowende en arbeidsintensiewe taak. Die klein baalpakker van Kanna Industries maak dit baie makliker én vinniger, en verg minder werkers sodat die boer tyd en arbeid bespaar. Die baalpakker word in ’n standaardlengte van 6 m vervaardig, en kan bale vanaf ’n minimum hoogte van 1,6 m tot ’n maksimum hoogte van 4,2 m laai. Die hoogte kan met ’n handwenas verstel word. Wanneer dit verskuif moet word, kan dit platgeslaan word. Kanna Industries, wat op Worcester geleë is, vervaardig die werktuig so lig, maar sterk moontlik. Dit kan maklik met die hand gehanteer word en kan aan ’n trekker gehaak word om verskuif te word. Die…

Waar is jy gebore en het jy grootgeword? Ek is op Olifantshoek in die Noord-Kaap gebore en het in daardie omgewing grootgeword. Ek is vir my hoërskoolloopbaan na die Hoërskool Duineveld in Upington en my ouers het ook Upington toe getrek. Hoe het jy in die veilingsbedryf beland? Ek het grootgeword in ’n familie wat redelik “bees-mal” is. Al twee my oupas was stoettelers, so ’n ou moes maar so tussen die veilings beweeg en ek het gewoond geraak daaraan. Ek het die afslaers dopgehou, en dít is waar my liefde vir afslaerswerk begin het. Albei my oupas het by Griekwastad geboer, maar boer nie meer nie. Oupa Hennie Goosen het met die Olienspruit Afrikaner-stoetery geboer en my ander oupa was Gert Scholtz van Ghaap Brahmane. Hy is ’n paar…

Sojabone bly groot SA suksesverhaal SOJABOONPRODUKSIE in Suid-Afrika, wat toegeneem het van 67 700 ton in die 1993-’94-seisoen tot ’n verwagte oes van 2,3 miljoen ton hierdie seisoen, kan as ’n groot suksesverhaal beskou word. Die aanplantings het in dieselfde tydperk 21-voudig toegeneem tot 1,2 miljoen ha in die huidige seisoen, terwyl die opbrengste met 95% tot die huidige meer as 2 t/ha gestyg het. Wandile Sihlobo, hoofekonoom van Agbiz, sê die groei in die bedryf kan toegeskryf word aan die toename in die vraag na oliekoek en sojameel vir plaaslike dierevoer, wat weer aangedryf word deur ’n groeiende vraag na hoëproteïenvoedsel, soos pluimveeprodukte. Die per capita-verbruik van hoendervleis het oor die afgelope 17 jaar bykans verdubbel en word tans op 41 kg geraam. Om voorsiening vir die groeiende vraag…

WENBRIEF ‘Mooi weer en warm’ Dit is vir my ’n onding dat daar nou nog, eeue nadat van ons voorsate uit Europa hulle in Afrika kom vestig het, goedig gepraat word van “mooi weer en warm”. Ek probeer boer in die Omaheke-streek in Namibië, in ’n deel wat in dié stadium swaar gebuk gaan onder droogte. Ons suig hierdie seisoen liederlik aan die agterspeen wat reën betref. Elke oggend as ek wakker skrik, sien ek op sosiale media hoe ander boere spog. Dié een kondig “50 mm” aan, en ’n ander een “80 mm”. Nog een kom met “my meter loop oor”. Dan bly ek en my onmiddellike bure maar tjoepstil oor ons 1 mm of 2 mm wat binne ’n ommesientjie in die “mooi weer en warm” verdamp. In…

“GEBIEDE van beide die Laer-Olifantsrivier- en die Clanwilliam-watergebruikersverenigings, wat stroomaf van die Clanwilliamdam geleë is, sal uiteindelik by die verhoging van die damwal baat vind,” het Kobus Steenkamp, uitvoerende hoof van die Laer-Olifantsrivierwatergebruikersvereniging, gesê. “Daar is groot blydskap oor die vordering wat gemaak word met die bouwerk aan die dam en die goeie vooruitsigte wat dit vir die hele gemeenskap inhou,” het Steenkamp gesê. Volgens Pemmy Majodina, minister van water en sanitasie, wat die dam op 16 Maart vanjaar besoek het, is dié projek van R5,7 miljard een van die megaprojekte wat op nasionale vlak voorrang geniet. Volgens die departement sal die bouwerk na verwagting in 2028 afgehandel wees. Die Clanwilliamdam sal daarna sowat 70 miljoen m³ meer water per jaar kan lewer. Die projek is deel van die Olifants-Doornrivier-waterhulpbronneprojek…

Dit is ’n plek waarvan jy dalk nog nie gehoor het nie, maar daar gaan kwalik ’n maand verby dat boere en grondeienaars naby Kotzesrus in die Noord-Kaap nie van ’n prospekteeraansoek in hul omgewing te hore kom nie. Die jagseisoen vir ’n verskeidenheid minerale wat in hedendaagse tegnologie gebruik word, is behoorlik oop in die westelike deel van die Noord- en die Wes-Kaap. Prospekteerders soek letterlik na die “hele periodieke tabel”, sê Janita Pool, wat saam met haar man, Chrisjan, daar boer. Die 17 seldsame aardelemente waarvoor die mees onlangse aansoek is, sluit in lantaan (wat in kameralense gebruik word), serium (in katalitiese omsetters) en neodimium en praseodimium (wat in magnete vir elektriese motors en windlaaiers gebruik word). Prospektering behels gewoonlik dat ’n groot aantal gate geboor en slote…

MIKROPLASTIEK kan plante se vermoë om te fotosinteer met tot 12% verlaag. Fotosintese is ’n lewensbelangrike proses wat sonlig, water en koolsuurgas in suurstof en energie in die vorm van suikers omskakel. Daarsonder is lewe op die aarde nie moontlik nie. ’n Afname in fotosintese kan dus verreikende gevolge vir die landbou, seekosproduksie en die versagting van klimaatsverandering inhou. Scientific American het in Maart berig oor navorsing wat toon dat besoedeling deur mikroplastiek, ’n produk van plastiek wat afbreek, nou feitlik oral in die wêreld en ook in kos en drinkwater voorkom. Dit is deeltjies wat kleiner as 5 mm in deursnee is. Navorsers aan universiteite in China en Duitsland skryf in Proceedings of the National Academy of Sciences USA dat waar mikroplastiek teenwoordig is, het hul ontledings getoon dat…

KORTOM ■ Sedert vier of vyf prosopis-spesies in 1880 vir voer, skaduwee en vuurmaakhout vir die droë gebiede van Suid-Afrika ingevoer is, het verskillende spesies verbaster en indringerplante geword. ■ Die bome beslaan reeds ’n oppervlakte van sowat 6 miljoen ha en het ’n nadelige uitwerking op die veld, grondwater en biodiversiteit. ■ Belanghebbende grondeienaars, plattelandse gemeenskappe en wetenskaplikes is besig om ’n nasionale strategie te ontwikkel om prosopis te bestuur. ■ Die voorgestelde plan, wat bekamping deur biologiese bekampingsorganismes, meganiese en chemiese verwydering en die benutting van biomassa vir voer, houtskool en boumateriaal insluit, word deur ’n tekort aan geld gekortwiek. Jy hoef nie ver te ry in dele van die Noord-Kaap om die omvang van die prosopis-probleem te aanskou nie. Wetenskaplikes beraam dat dié peuldraende doringbome, wat in…

Ligging: Griffith, Nieu-Suid-Wallis, Australië Met ’n sterk agtergrond in ingenieurswese – maar met sy wortels in Namakwaland – was die besluit om vir ’n Australiese plaasgroep met 4 000 ha gesogte tuinbougrond te werk, teenoor ’n stowwerige myn in die Outback, doodmaklik. Die 33-jarige Len van Jaarsveld en die res van sy “bendelede” – sy vrou, Janine, en hul drie dogters, Amia (7), Nienke (5) en Jana (2), woon op Griffith in Nieu-Suid-Wallis, omtrent halfpad soos die kraai vlieg tussen Adelaide en Sydney. Waar lê jul wortels in Suid-Afrika? Ons kom van Springbok in die hartjie van Namakwaland. Ek en Janine het albei op veeplase in die Kamiesberg-omgewing by Kamieskroon grootgeword. Droogte het ’n groot rol gespeel in die volhoubaarheid van die plaas, en my ouers moes die plaas verkoop…

Inligting Ligging: Stellenbosch, Wes-Kaap KORTOM ■ ’n Onlangse studie oor herlewingslandbou op Stellenbosse wynplase het bevind dat sekere herlewingslandboupraktyke, soos grondbedekking en landbou-ekologiese wingerdontwerp, wyd aanklank vind, maar ander, soos verminderde grondversteuring, is minder algemeen. ■ Faktore soos die boerderystelsel en eienaarskapmodel speel dikwels ’n groot rol in boere se bereidwilligheid om herlewend te boer. ■ Die belangrikste faktore wat wynboere verhinder om herlewingswingerdbou toe te pas, is finansiële beperkings, kommer oor winsgewendheid op kort termyn en te min kennis of opleiding oor herlewingslandboubeginsels. Netwerke waar boere kennis kan uitruil, sal baie hiermee kan help. Vir Victoria Mason MW (Master of Wine), ’n gesoute Britse wynaankoper en kenner van Suid-Afrikaanse wyne, is wyn meer as net ’n drankie in ’n glas – dit is ’n storie wat begin in die…

Tydens ’n paneelbespreking met die tema “Bemarking van herlewingslandbouvoedsel” op die Herlewingslandboukonferensie by Reitz is indringend gepraat oor hoe herlewingslandbouprodukte beter bemark kan word en hoe die verbintenis tussen boere en verbruikers versterk kan word. Die bespreking is gelei deur Chris Burgess, redakteur van Landbouweekblad, en het ’n uiteenlopende groep kundiges ingesluit: Steve Maresch, ’n restaurateur, Shelly Meltzer, ’n voedingkundige, Simon Goble, ’n varkboer, en Gary Jackson, eienaar van Jackson Real Food Market. Die konferensie, wat vroeg in Maart plaasgevind het, het ’n verskeidenheid sprekers bymekaar gebring wat almal besin het oor die vraag: Hoe kan volhoubare landbou die toekoms van voedselproduksie verseker? Vanuit ’n bemarkingsperspektief tot gesondheid en voedingswaarde het die paneelbespreking gewys hoe grondgesondheid nie net die boer nie, maar ook die eindverbruiker direk raak. Antwoord is in…

Dit is ’n feit dat veeboere deesdae nie sonder hulpmiddels soos FarmRanger, wat veediefstal help voorkom, kan klaarkom nie, meen Pieter Hamman. Hy boer tussen Philadelphia en Kalbaskraal naby Malmesbury in die Wes-Kaap. Volgens Pieter sal boere daarsonder ongelukkig die een of ander tyd groot finansiële verliese ly. Hy boer die afgelope 35 jaar met 2 500 Merino’s, asook 1 100 Holstein- en Angusbeeste, en bedryf ’n melkery. “Elke veeboer in Suid-Afrika behoort FarmRanger-nekbande vir hul diere te kry. Dit is ’n belegging in jou besigheid en jy sal gou agterkom dat jy nie daarsonder kan klaarkom nie.” Pieter is een van FarmRanger se oudste kliënte en gebruik die produk al langer as 25 jaar om veediefstal te voorkom en gevolglike finansiële verliese te vermy. Veediewe só betrap Pieter vertel…

Xhosa-sprekende boeties praat pa se veiling aan die brand DIE belangstelling wat twee Xhosasprekende boeties op sosiale media ontlok het, het hul pa, Tjaart Steenekamp, se 12de produksieveiling beslis ’n hupstoot gegee. Die veiling van 2Broers Dormers & 2Seuns Suffolks is op 31 Januarie op die plaas Lower Orpendale by Barkly-Oos gehou. Steenekamp, ’n Dormeren Suffolk-stoetteler, sê die bemarkingsvideo waarin sy seuns, Lochner (4) en Steyn (2), mense in Xhosa na sy veiling nooi, het Suid-Afrika aan die gons gehad. “Minstens vyf Xhosasprekers het diere gekoop, en as die wye mediabelangstelling nie dadelik vrugte afwerp nie, sal dit in die toekoms beslis.” Volgens hom is sy mark onder Xhosa-kopers stadig maar seker aan die groei. “Ek het sowat drie sterk kopers uit dié gemeenskap wat my ondersteun. Ons hou jaarliks…