Landbouweekblad 18 April 2024의 목차

NUUS IN ’N BLIK Boere van Murraysburg was tot onlangs baie bekommerd dat hulle die winter sal moet binnegaan sonder ’n druppel somerreën. Teen Paasnaweek het twee erge reënbuie egter binne dae wyd oor die gebied uitgesak. “Ons het amper die hele somer se reën binne dae gekry,” sê Jan-Hendrik Swiegers, ’n sakeman van die distrik. Op die dorp het ’n wolkbreuk 50 mm reën gebring, en party plase nader aan die Sneeuberge het tot 60 mm binne enkele ure gemeet. “Haelkorrels die grootte van gholfballe het aan die suidekant van die distrik op Jonkersnek geval, paaie het verspoel en die Buffeljagsrivier het op plekke sy walle oorstroom. Dié rivier is ons lewensaar.” Jaco van der Berg, voorsitter van die Murraysburg-boerevereniging, sê hoewel daar skade is, is die boere se gemoed…

BAIE mense waardeer die uitgebreide en ingewikkelde balans, interafhanklikheid en siklusse van en tussen die talle plant- en dierspesies wat ons met die oog in ons bewaringsgebiede kan waarneem. Maar soos die grafiek toon, kan jy letterlik op ’n ontsaglike groot diversiteit en bevolkings van spesies loop sonder om dit te besef. Dit is selfs meer verstommend dat die teenwoordigheid en gesondheid hiervan noodsaaklik is vir die oorlewing van die mensdom en ons aarde se landdiere en -plante. ’n Gemiddelde een kubieke meter se goed bestuurde en gesonde bogrond in die wêreld se gematigde klimate bevat ’n verbysterende gemiddelde van 100 duisend miljard individuele bakterieë wat mikroskopies klein is. Dié syfer is meer as 12 000 keer groter as die 8,1 miljard mense wat tans op die 149 miljoen km²…

DIE verswakking van die El Niño-stelsel oor Suider-Afrika ry onegalig wipplank, en hoewel die teenwoordigheid van ’n verswakkende El Niño-stelsel gewoonlik nie goeie nuus vir die winterreënstreek is nie, word dié streek minder daardeur beinvloed as die somerreënstreek. Volgens Johan van den Berg, onafhanklike landbouweerkundige, het twee van die belangrikste El Niño-gebiede effens verwarm. “Dit is egter tydelik, maar dit kan wel die oorhoofse klimaatspatrone met wisselende energievlakke beïnvloed.” Hoewel dit volgens hom goeie nuus is dat die Suidelike Ossilasie-indeks na neutraal verander het, is dié verandering te laat om werklik goeie reëntoestande voor die winter oor die somerreëngebiede te stimuleer. El Niño gaan gewoonlik van Februarie tot April met swak reënval of groot negatiewe afwykings in reënval gepaard, wat lei tot ’n kettingreaksie wat landboutoestande raak. “Somergraantoestande is swak…

DIE druk wat hoë rentekoerse op die ekonomie en verbruikers plaas, is die belangrikste rede vir die druk waaronder die veebedryf en veral veeboere verkeer. Prof. Johan Willemse, onafhanklike landbou-ekonoom, sê “ ’n baie hoë korrelasie bestaan tussen ekonomiese groei en veepryse. As die ekonomie swaar trek, daal veepryse. Daar bestaan ook ’n korrelasie tussen rentekoerse – wat die verbruiker se vermoë om te kan koop, beïnvloed – en die vraag na vleis en dus vee.” Sedert rentekoerse in Julie 2021 begin styg het, het die maandelikse terugbetalings vir ’n gemiddelde huishouding met ’n lening vir ’n huis van gemiddelde grootte en een voertuig met R4 000 tot R6 000 per maand gestyg. “Die eerste plek waar só ’n huishouding kan bespaar, is op sy aankope van luukshede, asook vleis…

Tafeldruiwe is Suid-Afrika se tweede grootste landbou-uitvoerproduk naas sitrus. In 2022 het dit sowat R14,2 miljard verdien. Dit is merkwaardig dat die bedryf uit net 316 boere bestaan, met 530 produksie-eenhede wat in vyf streke geleë is. Die Suid-Afrikaanse Tafeldruifbedryf (Sati) sê 63 miljoen kartonhouers (van 4,5 kg elk) is in die 2022-’23-seisoen uitgevoer. Die 2023-’24-uitvoerseisoen kom nou tot ’n einde en die volumes behoort groter te wees. Suid-Afrika is die vierde grootste uitvoerder van tafeldruiwe naas Chili, Peru en Italië (GRAFIEK 1). Die totale groei in produksie in die vyf plaaslike produksiestreke was sowat 2,9% per jaar oor die afgelope nege jaar. Volgens Sati geskied uitvoer na 16 van die top-20 druiweinvoermarkte en dit plaas Suid-Afrika in ’n goeie posisie. Die groot kwessie bly die koueketting en tyd vanaf…

Suid-Afrikaanse boere het ook nou toegang tot die bewese en tegnologies gevorderde 6R-trekkers vanuit die John Deere-fabriek in Mannheim, Duitsland. Die drie modelle wat in Suid-Afrika beskikbaar gestel word, is die 6R 215, 6R 230 en 6R 250. Al drie is bekend om hul hoë gehalte. Dié mediumgewig-trekkers is ontwerp en vervaardig vir die doeltreffende gebruik van enige primêre en sekondêre swaardiens-bewerkingstoepassings, soos plant, bespuiting, die strooi van kunsmis en die vervoer van goedere. Klante wêreldwyd verkies om met hierdie trekkers te werk danksy hul veelsydigheid, uitstekende brandstofverbruik, die funksionaliteit en maklike gebruik van die presisietegnologie, asook hul uitstekende gehalte en duursaamheid. Krag wanneer dit nodig is Die addisionele werkverrigting en brandstofdoeltreffenheid wat die 6R-modelle bied, word duidelik geïllustreer deur die kragleweringsvermoë van die 6R 230 tydens verskillende aanwendings. Die…

Vrugbaarheid het geen gelyke as dit by beesboerdery kom nie. Daarom spreek dit boekdele dat dieselfde koei uit ’n Braunvieh-stoetery vir die tweede keer in drie jaar as die ras se verteenwoordiger in Landbouweekblad en SA Stamboek se Elitekoeikompetisie bekroon is. Dié Elitekoei, N 12-0029, was ook in 2022 die rasverteenwoordiger. Sy behoort aan André en Annemarie Reitsma, eienaars van JC Braunvieh. Sy is deur die Eduan Braunvieh-stoetery van Gawie en Willem Naudé van Barkly-Oos geteel. André het haar op Eduan se produksieveiling gekoop. Sy is ’n baie mooi, lang koei met goeie melkeienskappe, ’n mooi uier en speen swaar kalwers; ’n goeie voorbeeld van ’n vroulike Braunvieh-koei. André en Annemarie besit nie self grond nie. Die Elitekoei loop tans by Henlo Fourie by Petrus Steyn op suurveld met mieliereste…

Siektebekamping is oral belangrik om die verspreiding van siektes hok te slaan. Dit geld ook by Marken in Limpopo waar Bennie en Cecilia van der Linde hul BergAlleen PinZ²ylstoetery bedryf. Beeste wat ingekoop word, word slegs by bekende telers met voldoende gesondheidsertifikate bekom. Dan word die diere eers in kwarantyn gehou. Die egpaar het die Elitekoei, PZ 13-238, in 2016 saam met 21 ander stoetbeeste as ’n dragtige vers gekoop – in dieselfde jaar dat hulle die BergAlleen-boerdery se stoetery geregistreer het. Wyle Paul Bester het die beeste vir hulle in Bertie Van Zyl (Edms.) Bpk. se Mathomo-stoetery by Mooketsi uitgesoek. Met hierdie aankoop het Bennie en Cecilia ’n reëling gehad om gesonde, geleende bulle vir twee dektye te gebruik om hul genetiese poel te verbreed. In die derde jaar…

Met slegs 48 eksklusiewe erwe beskikbaar, waaronder 16 met pasgemaakte ontwerpershuise, bied die Rhebokskloof-landgoed buite die Paarl ’n landelike leefstyl op 185 ha met gevestigde wingerde, fynbos en weidingskampe. Dit spog met een van die laagste woondigthede in die Kaapse wynland, wat ruimte en privaatheid verseker. Sekuriteit is ’n voorrangsaak by die landgoed, en die nuutste maatreëls, waaronder ’n geëlektrifiseerde heining van 2,4 m hoog, 37 infrarooikameras en 24-uur-veiligheidspatrollies sal gemoedsrus vir inwoners verseker. Geriewe op die landgoed sluit in speelplekke vir kinders, perdry-aktiwiteite, ’n kostuin vir inwoners, ’n vuurboma, ’n veeldoelige aktiwiteitsveld, en die restaurant, lokale en wynkelder waarvoor die Rhebokskloof-landgoed so bekend geword het. Vir diegene met ’n sin vir avontuur is die Paarlberg-natuurreservaat met inheemse flora en fauna en van die WesKaap se beste bergfiets-enkelpaaie reg op…

FokusGEWASSE As ’n biologiese insekdoder berus Bacillus thuringiensis ( Bt) op die werking van Cry-proteïene en spore. Cry-proteïene wat deur die bakterie vervaardig word, dring die teikenlarwes se ingewande binne, wat tot ingewandskade lei. Larwes wat Bt ingeneem het, staak voeding binne minute. Die sporulasie van Bt-spore en besmetting deur ander mikrobes binne die ingewande lei tot vrekte. Soos met enige insekplaagbekampingstrategie is doeltreffende weerstandbestuur deurslaggewend in die gebruik van Bt-produkte. Weerstand ontwikkel as gevolg van individue binne die teikeninsekbevolking wat beskik oor gene wat weerstand teen die werking van Cry-proteïene bied, en dit na daaropvolgende generasies oordra. Verskillende Bt-subspesies produseer ooreenstemmende, maar ook verskillende soorte Cry-proteïene. Die soorte en konsentrasies Cry-proteïene is afhanklik van die genetiese potensiaal waaroor verskillende rasse van spesies en subspesies beskik. Subspesies van Bt kurstaki…

Varkmaalvleispastagebak ■ 1 pak (500 g) penne-pasta■ 15 ml olyfolie■ 1 ui, fyngekap■ 15 ml fyngekapte knoffel■ 1 kg MALU-varkmaalvleis■ 1 fles (600 g) tamatie-enbasiliekruid-pastasous■ 1 blik (410 g) gekapte tamaties■ 15 ml droë gemengde kruie■ 15 ml droë rissievlokkies■ Sout en varsgemaalde swartpeper na smaak■ 250 ml gerasperde mozzarellakaas 1. Kook die penne-pasta in ’n groot kastrol met vinnig kokende soutwater tot gaar, maar steeds ferm. 2. Verhit die olyfolie en braai die ui daarin tot sag. Voeg die knoffel by en braai tot geurig. 3. Voeg die MALU-varkmaalvleis by en braai tot gaar. 4. Voeg die pastasous, gekapte tamaties, kruie en rissievlokkies by. Verhit tot kookpunt en laat prut vir 10 minute. Geur na smaak met sout en peper. 5. Dreineer die pasta en voeg dit by die…

Hoe het jy in die afslaersbedryf beland en hoe lank is jy al ’n afslaer? Ek het my loopbaan in die afslaersbedryf 22 jaar gelede as ’n veilingsklerk begin. Met verloop van tyd het ek ’n passie vir die rostrum ontwikkel. My visie om ’n afslaer te word, het vinnig gegroei. Ek is tans 17 jaar in die afslaersbedryf. Wie was of is jou mentor en wat is die grootste les wat jy by hom geleer het? Gedurende my 17 jaar in die afslaersbedryf het verskeie ervare afslaers ’n impak op my loopbaan gehad. Oom Willie Roux het ’n spesiale les vir my gehad: die noodsaaklikheid van behoorlike voorbereiding vir ’n veiling. Vir wie werk jy tans as afslaer en in watter streek? Watter tipe veilings behartig jy? Ek is…

Manie Daar was ’n tyd toe die woord wildbedryf net ’n lekker klub beskryf het waar ’n klomp ryk Piete van die stad gereeld kon bymekaarkom, veilings hou en oor ’n glas whisky grootpraat oor die duur wild wat hulle vir hul naweekplase gekoop het. Manie glo daar is natuurlik niks fout daarmee om geld te hê nie en die ryk manne het dit, want hulle verstaan besigheid en ekonomie. Daarom het hulle sommer gou die geleentheid in wildboerdery gesien en besef hul grondjies is straks meer as net naweekplase. Met ’n bietjie bestuur kon hul wegbreekplasies ekonomiese eenhede word en wat winsgewendheid betref, selfs by hul besighede in die stad kers vashou. Só het ’n klomp besigheidsmense van die stad teruggekeer na hul oupas en oumas se swaarkryplase en…

Nuus Graan “EK boer al die afgelope 35 jaar en dit is die vroegste wat ek dit nog ooit teëgekom het dat boere in die Oos-Vrystaat hul mielies stroop. In normale jare staan die mielies dié tyd van die jaar nog grasgroen.” Só vertel Jaco Breytenbach, streekverteenwoordiger van Graan SA en boer van Fouriesburg. Breytenbach, wat sojabone oes, sê hy het dié neiging nog nooit teëgekom nie. “As dinge só aangaan, gaan ons dalk voor die winter al klaar gestroop wees.” Danie Slabbert van Reitz en voorsitter van die Riemlandstudiegroep sê daar is boere reg oor dié distrik wat op 1 April begin stroop het, “en dis nie ’n April fools’-grap nie”. Hy self stroop al vir ’n paar dae lank sojabone, maar nog nie mielies nie. Dit is veral…

SUID-AFRIKA se Rooivleisprodusente-organisasie (RPO) wil graag die volgende inligting deel ten einde ’n realistiese prentjie te skets van die scenario met betrekking tot invoer uit Namibië. Dit is belangrik om daarop te let dat dit nie moontlik is om toegang tot intydse data te verkry nie en daarom kan slegs staatgemaak word op data uit die onlangse verlede. Beeste Beesinvoer uit Namibië bestaan grootliks uit speenkalwers wat vir voerkrale in Suid-Afrika bestem is. Eerstens moet gemeld word dat lewende beeste uit Namibië ’n relatief klein gedeelte beslaan van die totale aantal diere wat formeel in Suid-Afrika geslag word (’n gemiddelde van 8% per jaar van 2017 tot 2023). Hoewel die aanbod uit Namibië ’n invloed op die prys sal hê, is dit nie genoeg om groot prysskokke te veroorsaak nie.…

Toe Marné Lessing (28) twee maande voor haar troue met Lukas hoor sy gaan ’n volwaardige boerderyvertakking bestuur, het sy nie gehuiwer om wéér ja te sê nie. Dié Vrystater van die plaas Alto buite Marquard bestuur die afgelope ses jaar die boerdery se bees- en skaapvertakking, en ondanks reusekwessies, soos bek-en-klouseer, bly sy optimisties en geesdriftig. “Dit voel nie soos werk nie, want ek is baie lief vir diere en vir dit wat ek doen,” vertel Marné, wat ’n graad in sportbestuur het en ook ’n wildvangkursus voltooi het. Lukas, ook 28, is die huidige Vrystaatse Boer van die Jaar. Marné koester die voorreg om haar daaglikse werk as veeboer met hul twee seuntjies, Otto en Johannes, te deel. Sy vra dikwels vir hulle watter vertakking hulle die meeste…

Herlewingslandbou Reg oor die wêreld bevat een kubieke meter gesonde bogrond ’n verbysterende hoeveelheid en verskeidenheid organismes. Aangesien dié spesies dikwels klein – selfs mikroskopies “groot” – is, is die feit dat hulle gesamentlik gemiddeld 1,5 kg in elke kubieke meter bogrond weeg, selfs meer verstommend. Van gemiddeld 100 biljoen bakterieë tot 100 erdwurms per dié volume grond, speel hierdie organismes elkeen ’n uiters belangrike rol om optimale gewasgesondheid, produktiwiteit, opbrengs en winsgewendheid te verseker. “Bakterieë, swamme, alge en aalwurms is van die grondmikrobes wat regstreeks of onregstreeks verantwoordelik is om 85% tot 90% van ’n plant se voedingsbehoeftes te voorsien,” sê Dawie du Plessis, nasionale bemarkingsbestuurder van Agricol. “As grondtoestande toegelaat word om te versleg, word grondmikrobes en plante se vermoë om toegang tot voedingstowwe te kry, onderdruk. Om…

SUV vir ’n boervrou 7 Toe Landbouweekblad vyf boervroue nooi om sewe sportnutsvoertuie in vier uitdagings te beproef, het hulle nie gehuiwer nie. Amoné Kriek van Balfour, Anneri Lindeque van Mbombela en Elisca Pistorius van Val – almal in Mpumalanga – Esri Meintjès van Viljoenskroon in die Vrystaat en Jolandie Malan van Pretoria, Gauteng, het die voertuie op ’n 4x4-baan, in ’n spoedtoets en ’n remtoets op grondpad, asook ’n teertoets gery. Hierdie toetse was ’n goeie verteenwoordiging van die toestande wat boervroue daagliks moet baasraak wanneer hulle kinders skool toe ry, op die plaas help of gou dorp toe moet gaan vir proviand. Hulle is dus meer as bekwaam om ’n mening te hê oor hoe die sportnutsvoertuie vaar. Daarby het hulle ’n oog stewig op hoe prakties so…

Dit is glad nie moeilik om Elko Implemente se aanleg op Hoopstad te vind nie. Voor die gebou pryk ’n reeks heldergroen landbouwerktuie wat die aandag trek. Selfs met die eerste oogopslag sien ’n mens die innovering en gehalte raak wat hierdie onderneming gevestig het as ’n staatmaker Suid-Afrikaanse verskaffer van landbouwerktuie. Arno Pienaar, die eienaar van Elko, is ’n boer van die distrik met ’n passie vir staalwerk. “Dit maak my opgewonde om ’n vragmotor hier te sien intrek met ’n hoop staal en twee of drie weke later sien ek daardie staal uitbeweeg as produkte wat ons vervaardig het.” Dit is egter die gespesialiseerde en uiters presiese werk wat tussen dié twee gebeurtenisse geskied wat Elko Implemente se werktuie só gesog maak dat dit ’n premie op veilings…

Hy is ’n “bliksem” as dit by die seleksie van verse kom, sê Basil Butler, Senepol-stoetboer van Vryburg, oor sy teelbeleid wat daartoe gelei het dat hy vanjaar sy sesde Elitekoei-eerbewys ontvang het. Sy teeldoelwit begin by ’n goeie koeikudde – sy “fabriek”. Dan selekteer hy net die beste, vrugbaarste verse waaruit hy nóg beter verse teel. Dan volg uitstekende bulle. Só maak hy genetiese vordering. Basil is die eienaar van die Calcrete Senepol-stoetery op Bast Plaats. Hy boer reeds 41 jaar lank daar. Hy bedryf die boerdery as ’n eenmansaak, “maar agter elke goeie man is daar ’n goeie vrou”, verwys hy na sy eggenoot, Louise. Sy staan hom met alles in die boerdery by en is ’n ware steunpilaar. Die plaas is op die Ghaapse plato geleë waar…

Die hoofdoelwit van Freddie Wasserfall se Jesumar Drakensberger-stoetery is om voortdurend nuwe en verbeterde genetiese materiaal aan kommersiële vleisbeesboere te verskaf. Freddie beskou sy jongste Drakensberger-elitekoei, LL 11003, as ’n goeie voorbeeld hiervan. Jesumar is gevestig met kernteelkoeie wat gekoop is op veilings deur lede van die 6+ Drakensberger-telersgroep. Saam met teelmateriaal van ewe noukeurig geselekteerde bulle het Freddie se ingekoopte koeie stoetnageslag begin produseer wat toenemend verteenwoordig het waarna hy streef. “Vandag is bykans al ons vroulike Drakensberger-diere self geteel.” Sy teeldoelwitte neem in ag dat meer as 80% van Suid-Afrika se vleisbees-speenkalwers aan voerkrale bemark word. Kommersiële vleisbeesboere wie se speenkalwers nie aan voerkrale se besondere prestasievereistes voldoen nie, behaal gewoonlik laer pryse. Freddie wil hê sy Drakensberger-teelmateriaal moet aan dié boere ’n mededingende voordeel gee. Hy verduidelik…

FOKUSGEWASSE Sakata Seed se jongste reeks boeredae is van 13 Februarie tot 16 Februarie vanjaar gehou, en het ’n indrukwekkende opkoms van sowat 700 besoekers oor die vier dae gelok. Voor die covid-19-pandemie het Sakata Seed elke twee jaar sy boeredae aangebied. Dit word beskou as ’n belangrike platform om met belanghebbendes te kommunikeer. Besoekers aan die boeredae strek van kommersiële tot kleinboere, saailingkwekers, verwerkers, kleinhandelaars, staatsamptenare en verskaffers, asook besoekers uit die lidlande van die Suider-Afrikaanse Ontwikkelingsgemeenskap en Oos-Afrika. Die kern van die geleentheid is die uitstalling van Sakata se gerekende en betroubare verskeidenheid produkte saam met sy opwindende jongste ontwikkelinge. Met ’n klem op die bekendstelling van nuwe kultivars en die opleiding van besoekers oor die omvattende produkreeks, is besoekers op ’n toer deur Sakata se proefpersele geneem,…

Bloemskou is die alles-in-een-landbou-envermaakgeleentheid wat al 141 jaar lank besoekers na die sentrale streek van Suid-Afrika lok. Bloemfontein gooi vanjaar van 25 April tot 4 Mei sy deure oop om die beste wat die landboubedryf bied, ten toon te stel. Laas jaar het 107 464 mense tydens die tien dae wat die skou duur, deur die hekke geloop. Vanjaar verwag organiseerders soortgelyke bywoning. “Bloemskou kombineer uitstallers, kosstalletjies en vermaakgeleenthede met talle landboukampioenskappe,” sê Elmarie Prinsloo, uitvoerende hoof van Bloemskou. Inteendeel, Bloemskou is een van die min skoue in Suid-Afrika wat dit regkry om die landbou, vermaak en handel suksesvol op een perseel te huisves. Bloemskou het op 25 Mei 1883 begin as ’n plek vir boere om hul diere en produkte ten toon te stel. Daarna het dit ’n jaarlikse…

Bokhaar Daar is lankal nie meer ’n debat oor waar ’n vrou se plek is nie. Dit is nie agter haar man nie, maar langs hom, en toenemend ook vóór hom. Nina van Zyl wat onlangs by Steytlerville met Angora-bokke begin boer het, is ’n goeie voorbeeld van hoe merkwaardig die huidige geslag vroue is. Nina se verhaal is ’n inspirasie vir baie, en getuig van haar taaiheid en vasbyter-ingesteldheid. Nina het hul familieplaas, Middelplaas, onlangs gedurende een van die grootste droogtes oorgeneem en besluit om eerder haar erfenis te bewaar as om dit te verkoop. “Ek het regtig nie veel van boerdery geweet nie, maar in my hart het ek gevoel dat ek my pa se drome moet bewaar en dit weer laat herleef. Ek wou die erg verwaarloosde…

BOERE sê hulle gaan dit nie gelate aanvaar nie, en minister Barbara Creecy en haar departement moet hulle regmaak vir ’n geveg. “Ek het ’n mandaat van my lede om te baklei vir die behoud van leeus,” sê Hannes Wessels, voorsitter van die roofdiereienaarsvereniging Sapa. “Daar was geen openbare deelname buiten die gesprekke oor boere wat die bedryf vrywillig kan verlaat nie. Ons gaan ons nie laat stoomroller nie. “Ek gaan nie stert tussen die bene terughardloop na my lede en sê ons het die geveg verloor nie. Ons het nog nie begin baklei nie. Maar nóú gaan ons,” sê Wessels. Dit volg nadat die beleidsposisie waarin geen enkele leeuof renosterboer geken is nie, deur die parlementêre proses gegaan het. Die hersiene beleidsposisie oor die bewaring en volhoubare benutting van…

VOLGENS voorgestelde wysigings aan die Nasionale Waterwet (Wet 36 van 1998) moet watergebruikersverenigings in hul grondwet uiteensit hoe hulle ras- en geslagstransformasie gaan bereik. Die minister van water en sanitasie kan ook, ingevolge die voorgestelde wysigings, eensydig die modelgrondwet wat verenigings móét gebruik, wysig. Dit beteken by implikasie transformasievereistes kan deur die minister voorgeskryf word. Die Suid-Afrikaanse vereniging vir watergebruikersverenigings (SAAFWUA) sê in sy kommentaar op die voorgestelde wetswysigings ’n watergebruikersvereniging kan homself mettertyd in ’n posisie bevind waar hy weens sy verpligting om demografiese verteenwoordiging in elke sfeer te hê, té veel lede in sy bestuurskomitee hê wat nie watergebruikers is nie en dus nie werklik betrokke is nie. “Dit kan daartoe lei dat die vereniging nie slaag om sy verpligtinge uit te voer nie, en dat die minister…

Voordelige en inheemse roofinsekte word die afgelope maande met hommeltuie in die wingerde van die Vergelegen-wynlandgoed op Somerset-Wes vrygelaat om witluis, ’n groot sondaar in die verspreiding van die rolblaarvirus, te help bekamp. Rolblaarvirus, ’n reuseprobleem in die wynbedryf, knou die gehalte en grootte van oeste, en verkort ook wingerd se ekonomiese leeftyd. Hoewel dit weens arbeidsbeperkinge oorsee taamlik algemene praktyk is om roofinsekte met hommeltuie vry te laat, was dit een van die eerste kere dat dit op dié manier in Suid-Afrika gedoen is, sê Ruan Erasmus, tegniese ondersteuningspesialis van die roofinsekverskaffer FieldBUGS. Vergelegen werk saam met SkyBugs, ’n vennootskap tussen FieldBUGS en Aerobotics, wat in landboutegnologie spesialiseer, om sedert Oktober verlede jaar roofwespe (Anagyrus vladimiri en Coccidoxenoides perminutus) en liewenheersbesies (Cryptolaemus montrouzieri) met hommeltuie vry te laat. Binnekort…

LIGGING Wes-Kaap Hoewel Gerrit van der Merwe se boerderyloopbaan wankelrig begin het, is hy vandag een van Suid-Afrika se top-uieprodusente en eienaar van Knapdaar Agri tussen Piketberg en Aurora in die Sandveld. Nou deel hy dié sukses met die mense wat deur die dekades sy aan sy met hom gewerk het. Gerrit se pa is 40 jaar gelede skielik oorlede, en hy moes drie maande ná matriek hul klein boerdery in die Koue Bokkeveld oorneem met “net ’n stukkende trekker en ’n ou bakkie”. Daar was nooit ’n geleentheid vir hom om te gaan studeer nie, maar deur harde werk – dikwels sewe dae per week – het hy grond bygekoop en ’n spogboerdery en die bekende Knapdaar-handelsmerk opgebou. Gerrit het begin soek na beter groentegrond in die Wes-Kaap waar…

Boereplan Skaapboerdery en parasietbekamping gaan hand aan hand, en skaapdip in die Karoo kan jou maak of breek. Joseph Steyn, wat op die plaas Rietfontein by Prins Albert met onder meer Merino’s boer, het reeds as kind besef hoe arbeidsintensief Merino’s kan wees. Buiten 2 000 Merino’s boer hy ook met 300 Meatmaster-skape. Bosluise maak dip noodsaaklik in dié ekstensiewe Karoowêreld. “As kind het ek altyd gewonder oor die gewone dipstelsel wat donkiejare lank deur skaaptelers gevolg word. Elke dier moes individueel gevang en omgekeer word om dipstof onder sy blaaie en in sy lieste aan te smeer. Dipmengsels is vroeër ook onder hul sterte gesmeer om wurms dood te maak of brommers weg te hou, wat dit nóg moeiliker gemaak het. Die diere is wel uit ’n klein vangkraal…

Goeie gesondheidsbestuur en aandag aan detail gee die deurslag vir Anneri Otto, eienaar van Mooifontein Herefords, met die eerste Elite-koei uit haar stoetery. Sedert haar man, Derik, se dood 21 jaar gelede boer Anneri alleen op die plaas Oppaslaagte by Coligny. Sy het later ook ’n swart Angus-stoetery saam met haar skoonpa, Hardus Otto, bedryf, en is sedert sy afsterwe in 2016 ook in beheer van dié beeste en ’n pekanneutboord van 16 hektaar. Die Ottos het die Hereford-stoetery rondom 1998 geregistreer. Anneri teel haar eie bulle en verkoop surplus bulle aan kommersiële telers. Soms koop sy stoetbulle in of doen KI. Anneri het ook die Elite-koei, JFO 13-30, self geteel. Dié mediumraamkoei se ma is JFO 07-39 en haar pa is JFO 10-56. Sy is goed aangepas by Noordwes…

Santarific Santas van Desmond Robertson en sy seun, Timmy, het al teen die wêreld se beste beeste in ’n internasionale kompetisie uitgeblink. In dié kompetisie, gereël deur die oud-Suid-Afrikaner PJ Budler, word beeste van oor die wêreld op grond van foto’s beoordeel. Die Santa Gertrudis-bul SS 170001 Smash was in 2022 een van drie Suid-Afrikaanse kampioene wat benoem is, en die Santarific-geteelde bul SS 150014 was in 2020 een van vyf plaaslike beeste wat deelgeneem het. Albei dié bulle het die Santa Gertrudis-wêreldkampioenskap in die betrokke jare gewen. Die stoetkudde spog met verskeie wenners in die skouring, asook prestasiegetoetste diere. Die Robertsons neem aan die beesgenomikaprojek deel en het al talle bulle by die Glen-bultoetsstasie vir residuele voerinname getoets. Voeromsettingsverhouding is ’n belangrike seleksiekriterium. Die Santarific-stoetery is in Augustus 2008…

Misstrooier ideaal vir presisieboerdery Die Al 270M-misstrooier het ongeëwenaarde kenmerke wat produktiwiteit en akkuraatheid op landerye en in die veld verbeter. Volgens Albertinia Ingenieurswerke, wat op Albertinia naby Mosselbaai gesetel is, is dié baanbrekerwerktuig ontwerp vir beter misverspreiding. Dit kan veral op moeilike terrein boere se taak vergemaklik. Met die vermoë om tot 27 m3 mis per vrag te versprei, kan boere kosbare tyd en brandstof bespaar. Die Al 270M se strooiwydte van tot 20 m maak dit ideaal vir presisieboerdery. Dit verseker eweredige misverspreiding, selfs teen uiterste hellings. ’n Belangrike kenmerk van die Al 270M is die gebruik van laaiselle vir verbeterde presisie en kalibrering. Dié laaiselle pas die digtheid van die inhoud tydens werking aan vir noukeurige toediening van mis. Albertinia Ingenieurswerke meen die Al 270M onderskei hom…

Die nuwegenerasieinsekdoder Circaden® 200 SC (reg. nr. L11488, Wet 36 van 1947) van FMC is nou in Suid-Afrika beskikbaar. Dit het ’n unieke werking en bied breëspektrum-bekamping van skadelike insekte, waaronder witvlieg, plantluise, blaaspootjies, bladmyners en lepidoptera, by gewasse. Toedienings vroeg in die gewassiklus kan help om sagte saailinge te beskerm teen voedingskade en sekere siektes wat deur insekte oorgedra word, veral wanneer dit as deel van ’n plaagbekampingsprogram gebruik word. Circaden® 200 SC verbeter gewasvestiging by gewasse soos tamaties, soetrissies en kool deur vroeëseisoen-grondtoediening tydens plant of oorplant, en help om ’n veerkragtiger plant te verseker. “Die aktiewe bestanddeel Cyazypyr® (siantraniliprool) in Circaden 200® SC is ’n wêreldklas- aktiewe bestanddeel wat ’n wye spektrum van kouende en suigende plae bekamp,” sê Ben Schoonwinkel, FMC se sakehoof vir Suid-Afrika. “Dit…

Trekkerstories Die Oliver was ’n trekker met ’n stamboek. Waar baie samesmeltings destyds plaasgevind het wanneer sukkelende maatskappye uit ’n finansiële verknorsing probeer ontsnap het, was die doel in Oliver se geval egter om in ’n sterk mededingende mark nóg sterker te word en ’n omvattende diens aan boere te kan lewer. Die Oliver Farm Equipment Company het in April 1929 tot stand gekom toe vier suksesvolle maatskappye met verskeie soorte plaaswerktuie in een groot onderneming saamgesmelt het. Daar is allerweë verwag dat die voorspoed van die 1920’s tot ’n einde sou kom en dat goeie beplanning die enigste manier was om die verwagte Depressie die hoof te bied. Die besluitnemers was versiende. Minder as ses maande ná die samesmelting was Amerika, en die res van die wêreld, in ’n…

Veiling Die onlangse Woody Capewildveiling in die Oos-Kaap, met kopers en verkopers van reg oor Suid-Afrika, het ’n omset van R17 miljoen behaal. Met droogtetoestande in die meeste gebiede waar daar met wild geboer word, benader kopers en verkopers wildveilings vanjaar taamlik versigtig. Tog het die jaarlikse wildveiling van Woody Cape Wildlife op die Bathurst-skou aangenaam verras met goeie pryse vir verskeie spesies wat deur Woody Cape en gasverkopers aangebied is. Al 114 lotte is verkoop en die veiling, met Brandon Leer as afslaer, het ’n totale omset van R17 miljoen behaal. “Ons is baie tevrede,” sê Warrick Barnard van Woody Cape Wildlife. “Pryse was hoër as wat ons verwag het. Buffelbulle het goeie pryse behaal en koeie het selfs beter presteer.” Een dragtige koei het saam met haar verskalf…