Landbouweekblad 30 March 2023의 목차

Anderkant die reënboog Daar’s niks meer bevredigends as ’n oplossing nie. Daardie plaasprobleem wat jou nou al maande lank soos ’n klip in die skoen pla. Miskien is dit hoe om bale vinniger te laai, water verder te pomp of kunsmis beter te gebruik. Weke lank ontwyk ’n oplossing jou. Dan skielik, gewoonlik in ’n rustige oomblik, kom dit na jou. Miskien een middag terwyl jy in die warm sonnetjie in die bakkie sit en wag vir werkers. So duidelik soos daglig en gewoonlik veel eenvoudiger as wat jy gedink het. En as daar één ding is wat ons boere kan doen, is dit oplossings vind. Gaan kyk ’n bietjie op bl. 28 na die twee verstommende grafieke wat prof. Johan Willemse vandeesweek in sy rubriek gebruik. Van ál die…

Uitstekende genetiese koeilyne, puik teelwaardes en fenotipes, asook ouerskap-identifikasie is die hoekstene waarop mnr. Seymour Currie van Klipheuwel buite Durbanville se gerekende Angus-stoetery gebou is. Lees die artikel op bl. 38. Vertel van jou gesin. Ek is getroud met Charmaine, wat oorspronklik van die Oos-Kaap kom waar haar ouers in die Karoo geboer het. Ons het twee kinders. Ons seun, Storm, het ’n BCom-graad in besigheid en verhandel Angus-produkte. Ons dogter, Sam, het ’n BCom-graad in bemarking en is tans in die onderwys. Het jy ná skool gestudeer? Ek het direk ná skool begin werk, maar het gereeld (nou nog) kursusse bygewoon oor alle aspekte van die boerdery. Wat is jou stokperdjies? Sosiale gholf en swem. Waar hou julle vakansie? Hermanus en Kaap St. Francis. Wat lees jy graag? Landbouweekblad…

OM watergebruiksregte te kan oordra van een mens na ’n ander, en van een eiendom na ’n ander, is noodsaaklik wat betref die doeltreffende gebruik van water, die waarde van plaasgrond en eiendomsregte in die algemeen. Só sê mnr. Janse Rabie, uitvoerende beampte van regsen beleidsake by Agri SA, oor die Grondwethof se uitspraak op 15 Maart dat dit wettig is om dié regte oor te dra. Agri SA en die Suid-Afrikaanse vereniging van watergebruikersverenigings (Saafwua) bestempel die uitspraak as ’n belangrike oorwinning vir houers van waterregte in Suid-Afrika. Die hof het die appèl deur die departement van water en sanitasie met koste van die hand gewys. Die twee organisasies sê in ’n gesamentlike verklaring die hof het nou finaal beslis dat houers van waterregte hul waterregte mag oordra ooreenkomstig…

ENIGE besluite of veranderings het ’n impak op jou boerdery, en dit is altyd ’n risiko. SÓ het mnr. Cobus van Coller, boer van Viljoenskroon wat al sedert 2016 herlewingslandbou toepas, as spreker op Landbouweekblad se herlewingslandboukonferensie op Ottosdal gesê. “Bepaal vooraf waarvoor jy kans sien en watter risikofaktore jy kan aanpak en watter nie.” Hy het gesê daar is faktore waaraan ’n boer niks kan doen nie, soos prysstygings van insette, beurtkrag, die politiek of die pryse van hul produkte. “Maar jy kán deur herlewingslandbou te beoefen, iets doen aan grondgesondheid, erosie en vogbestuur, minder toerusting gebruik en jou risiko deur diversiteit versprei. Jy kan selfs die weer se impak in ’n mate versag.” Hy het gesê selfs in ’n nat jaar soos vanjaar het die praktyk om dekgewasse…

Geldbeplanning Die patriarg van ’n familie en sy kinders het jare lank suksesvolle besighede, wat boerdery insluit, bedryf voor die patriarg enkele jare gelede oorlede is. Een van die trusts wat by die sage betrokke is, is net voor sy afsterwe verander om voorsiening te maak vir die wysiging van die begunstigdes om sy kinders, en ná hul afsterwe hul nageslag, in te sluit. Die wysiging is onderteken en by die betrokke meesterskantoor ingedien, ondersteun deur die nodige resolusies en addendums, maar, helaas, die patriarg is oorlede enkele weke ná die indiening van die gewysigde dokumente. Dit beteken die wysiging is wel geldig, aangesien ’n trustakte niks anders as ’n kontrak is nie. Die magtiging om as trustees op te tree, was egter nog nie uitgereik nie en die nuut…

Die mark vir inheemse veldbokke is ’n baie aanloklike bedryfsvertakking danksy die hoë vraag na en die tekort aan bokvleis in die land. Mnr. Gerhard Lourens, voorsitter van die Inheemse Veldbok-telersgenootskap van Suid-Afrika (IVG), sê sy genootskap se ledetal van sowat 110 het die afgelope 12 maande ’n aansienlike hupstoot ondervind. Dit weerspieël die belangstelling in die inheemse bokke en die bokbedryf. “Die meeste van die goeie bokke word deur medetelers opgeraap. Die vraag is so goed dat selfs uitskot-ooie vir teling gebruik word. Ramme word veral vir kruisteling by kommersiële diere gebruik,” sê hy. Inheemse bokke is veral in aanvraag onder die land se etniese bevolking vir rituele doeleindes. Bokke behaal R60-R80/kg (lewend) teenoor die huidige veilingprys van skaapspeenlammers van sowat R42/kg. Die prys van produksiediere word gemiddeld bepaal…

NAVORSERS van reg oor Afrika het in Lusaka, Zambië, ontmoet om idees uit te ruil oor hoe die vasteland self die jongste ontwikkelings in genetiese navorsing kan gebruik om die uitbreking van siektes onder mense, diere en plante te hanteer. Die kenners, onder meer epidemioloë, mikrobioloë, genetici, veeartse en bioinformatika-spesialiste, werk reeds etlike maande binne vier werkgroepe aan dié rigtinggewende dokumente. Die werkgroepe lê klem op malaria, siektes wat deur entstowwe bekamp kan word, siektes wat in kos oorgedra word, en antimikrobies-weerstandige organismes wat nie deur bestaande medisyne of veeartsenykundige middels bestry kan word nie. Suid-Afrika is goed verteenwoordig deur navorsers van die nasionale sentrum vir aanmeldbare siektes (NCID), wat meewerk aan die werkgroep oor antimikrobies-weerstandige organismes. Kenners van plaaslike universiteite, soos KwaZulu-Natal, die Vrystaat en die Durban Universiteit van…

Jag Onlangs stuur Chris Nel, ’n vriend, ’n foto na my selfoon. Dit is van ’n artikel van my wat jare gelede in ’n geweertydskrif verskyn het. Op die foto sit ’n bloedjong Chris met ’n kopereend wat hy die dag geskiet het. Ek bel hom dadelik, daar waar hy nou in vervreemding in Durbanville sit. Ons gesels kopstukke oor hoe dikwels ons langs ’n kampvuurtjie anderkant Olifantskop gesit het ná ’n suksesvolle koedoejag. Ek onthou ook die dag toe ek hom belowe het hy gaan by Brink Katz naby Alexandria ’n bosbokram skiet. Toe die ram val, was Chris se beker boordensvol. Die dag van die kopereend staan uit as ’n besondere dag saam in die veld. Dit was ’n pragtige oggend anderkant Humansdorp en die jag het goed…

In Matt. 17:20 is daar baie duidelik geskryf: “ ‘Omdat julle geloof te klein is,’ sê Hy vir hulle. ‘Dit verseker Ek julle: As julle maar geloof het so groot soos ’n mosterdsaadjie, sal julle vir hierdie berg sê: Gaan staan daar anderkant! en hy sal gaan. Niks sal vir julle onmoontlik wees nie.’ ” Ons moet regtig begin om God te vra, veral in hierdie moeilike tye wat ons nou in boerdery beleef. Baie van ons nader Hom nie regtig nie. Ons dink daaraan en kla oor dinge, maar ons vra Hom nie om hulp nie. Ons nader Hom veral nie in geloof nie. En as jy Hom nie in geloof nader nie, dan sal niks gebeur nie. Vra vir die Here in geloof en bedank Hom dan. Die…

GAUTENG PRETORIA DIEPSLOOT (388), 45 ha, aan Century Prop Developments (Edms.) Bpk., van Riversands Affordable Apartments (Edms.) Bpk., R10 500 000. HONINGNESTKRANS (269), 133 ha, aan Hubner Hogs (Edms.) Bpk., van Kredihold (Edms.) Bpk., R7 000 000. KAMEELZYNKRAAL (547), 24 ha, aan Superchicks Hatchery (Edms.) Bpk., van Bhekitemba Inv No 28 (Edms.) Bpk., R1 200 000. OOG VAN BOEKENHOUTSKLOOF OF TWEEFONTEIN (288), 21 ha, aan V.M. en Z.N. Mncwango, van Roosendaal-trust, R1 800 000. TIEGERPOORT (371), 37 ha, aan Go Bake Holdings (Edms.) Bpk., van Silver Creek Enterprise (Edms.) Bpk., R1 050 000. VAALBANK (511), 38 ha, aan Belle Ris (Edms.) Bpk., van Jenver-trust, R2 750 000. WELGEVONDEN (124), 21 ha, aan A.M. en M.R. Zaaiman, van S.J. Smit, R4 200 000. KWAZULU-NATAL LADYSMITH ERASMUS DAM (1050), 141 ha, aan…

BOEREDAE 18 APRIL: Inligtingsdag oor optimale vleisbeesproduksie. Huntersvlei, Viljoenskroon. Claire Evans-Anderson, 082 805 5688; claire@re.co.za; www.re.co.za 23 APRIL: Drakensbergerbeestelersgenootskap: Suidelike Hoëveld-studiegroep. Piet de Villiers, 073 143 3985. 12 MEI: Saai-landboudag, Laingsburg. Sprekers, kunstenaars en komediante gaan optree, plaasprodukte is te koop en daar is ’n lambraai-kompetisie. Manie Spamer, 082 373 4333; e-pos: manie.spamer18@gmail.com KONFERENSIES 18 APRIL: Jongboerkonferensie, Bloemfontein. Vrystaat Landbou. Navrae: elize@vslandbou.co.za 1-2 JUNIE: Konferensie oor onbemande vliegtuie en hommeltuie. Birchwood-hotel, Johannesburg. Navrae: admins@bussynetadva.co.za SKOUE 30 MAART-2 APRIL: Bathurstlandbouskou. Navrae: 063 685 5117; bas@bathurstshow.co.za 13-15 APRIL: Clanwilliam. Wilna Nieuwoudt, 083 685 4356; info@clanwilliamexpo.co.za 24-29 APRIL: Nasionale Saalperd-kampioenskapskou. Bloemfontein. Johanna du Toit, 082 561 7149; johanna@saddlebred.co.za 27 APRIL-6 MEI: Bloemskou. Elmarie Prinsloo, 051 448 9894; info@bloemskou.co.za 28 APRIL: Nasionale Merino-Landskaap-kampioenskapskou. Bloemfontein. Erna Hattingh, 082 353 8425; admin@merinolandskaap.co.za 28-29 APRIL: Nasionale skaapskeerkampioenskap,…

GRAAN SA gaan saam met die oesskattingskomitee ’n veldtog begin om boere aan te moedig om deel te neem aan die opnames van dié komitee. Die aantal boere-deelnemers in die komitee se opnames het van 2015 tot verlede jaar van 315 tot 205 gedaal, het me. Rona Beukes, senior statistikus van die departement van landbou, grondhervorming en landelike ontwikkeling en lid van die oesskattingskomitee, in haar voorlegging op Graan SA se kongres gesê. “Die aantal deelnemers daal elke jaar. As dié afwaartste neiging voortduur, sal die steekproef baie klein wees en gaan dit moeiliker wees om die oes akkuraat te skat.” Boere se onwilligheid om deel te neem, bring hul bedingingsposisie in gedrang. “Dan het ons basies net inligting van die vraagkant van die waardeketting via die insette van kopers…

BIOLOGIESE grondkorse en inheemse bakterieë kan gebruik word om afgetakelde myngrond te herstel of te help om duinlandskappe te stabiliseer. Biologiese grondkorse is mikroklein ekostelsels van bakterieë, blougroenbakterieë, ligene en mosse wat op die grondoppervlak groei en belangrike ekostelselfunksies in droë en koue plekke verrig. In ’n eksperiment wat sy “geassisteerde migrasie” van biologiese grondkorse noem, het dr. Anita Antoninka van die Universiteit van Noord-Arizona gevind dat gekweekte of volgroeide grondkorse na koeler klimate “oorgeplant” kan word. Antoninka het op die wêreldkonferensie oor grondbiodiversiteit in Dublin, Ierland, gesê die proses kan ’n lewensvatbare manier wees om biologiese grondkorse en hul funksies in afgetakelde landskappe te herstel in ’n era van klimaatsverandering. Me. Sandra Kammann, ’n MSc-student aan die Universiteit van Rostock in Duitsland, het gevind dat biologiese grondkorse as “ekostelselingenieurs”…

DIE Herkouerveterninêre Vereniging van Suid-Afrika (Ruvasa) het ’n noodplan met gesondheidbestuurstappe bekend gestel oor wat gedoen moet word wanneer daar ’n vermoede van bek-en-klouseer op ’n plaas is. Die noodplan is opgestel met vier fases en moet met die plaas se veearts bespreek word en aangepas word by die plaas se spesifieke situasie. FASE 1 ■ Waarneming van tekens van ’n siekte wat met bek-en-klouseer verbind kan word, en die aanmelding daarvan by die bestuurder. ■ Die bestuurder moet die ligging van die kuddes en ander kuddes naby identifiseer vir vinnige reaksie (soos om ander kuddes van die moontlik besmette kudde te verwyder). ■ Die diere moet na die naaste hanteringsgeriewe vir ondersoek geneem word. FASE 2 ■ Ondersoek van vermoedelike gevalle van bek-en-klouseer ná tipiese tekens van die siekte…

INTERNASIONAAL: Die Chicagoprys het met 1,6%, of $3,88/t (R71,08/t), tot $246,84/t (R4 501/t) gedaal. Op ’n jaargrondslag is dit 16,1%, of $47,22/t (R865,08/t), laer. Verwagte pryse: Mei – $249,83/t (R4 577/t), Julie – $243,69/t (R4 464/t). PLAASLIK: Die Safexprys van witmielies het met 1%, of R39/t, tot R4 159/t teenoor die vorige week gestyg. Die prys van geelmielies het met 0,1%, of R5,00/t, tot R4 200/t gedaal. Op ’n jaargrondslag is witmielies 3,9%, of R155/t, duurder, terwyl geelmielies 0,4%, of R15/t, goedkoper is. Verwagte witmieliepryse: Mei – R4 057/t, Julie – R3 986/t. Verwagte geelmieliepryse: Mei – R4 205/t, Julie – R4 182/t. INTERNASIONAAL: Die Chicagoprys het met 1,1%, of $2,67/t (R48,91/t), tot $251,83/t (R4 614/t) teenoor die vorige week gestyg. Op ’n jaargrondslag is dit 37,7%, of $152,46/t (R2…

gesin Kos AVOKADO-ENSAMPIOENBURGERS Met ’n burger soos hierdie op jou bord gaan niemand vleis mis nie. ■ 4 groot bruinsampioene ■ 50 g botter ■ 3 ml gekapte tiemieblaartjies ■ 1 camembert, in dun skyfies gesny ■ 125 ml gerasperde mozzarella of cheddarkaas ■ 4 broodrolletjies, oopgesny en gerooster ■ Botter, vir smeer ■ 60 ml perinaise (peri-perimayonnaise) ■ ’n Hand vol roketblare ■ 2 ryp avokado’s, geskil en in skyfies gesny Voorverhit die oond tot 190 °C en voer ’n oondbak met bakpapier uit. Knak die sampioene se stele af en kap die stele baie fyn. Braai die sampioenstele in 10 ml van die botter saam met die tiemieblaartjies tot sag en verdeel dit tussen die holtes van die sampioene. Vul die sampioene verder met skyfies camembert en dan die gerasperde kaas bo-op. Rangskik die sampioene in die…

Vroueboer Selfs al was sy swanger, het dit nie vir Beverley-Anne Joseph (38) sowat drie jaar gelede gekeer om saam met slegs twee vroue ’n paar hektaar pienk koningsproteas self te plant nie. “Dit word as ’n algemene standaard in die bedryf aanvaar dat sowat ’n kwart van proteaplante nie vat nie. Ek het net vir my man gesê ons kan nie die risiko vir só ’n terugslag loop nie, en self ingespring. Aanplanting is die belangrikste fase, want as dit reg gedoen word, loop dinge sommer reg vorentoe,” vertel sy waar ons op haar plaas, Zelpy, by Waboomskraal tussen George en Oudtshoorn staan. “My baba is vroeg gebore toe ek agt maande swanger was, maar ons het net nege plante verloor . . . en dit was die bobbejane…

13,5% Suid-Afrika sal na verwagting vanjaar 13,5% minder sitrus uitvoer as verlede jaar. Die Sitruskwekersvereniging sê sowat 142 480 652 kartonhouers sitrus sal uitgevoer word, teenoor 164,8 miljoen kartonhouers verlede jaar. Selfs daardie syfer was 5,7 miljoen minder as aanvanklik verwag, en slegs een uit elke vyf sitruskweker het ’n wins met hul uitvoer gemaak. Dit was onder meer weens die skerp toename in insetkoste en verskepingspryse. – Michelle van der Spuy 20 In Februarie vanjaar is 20 meer stropers verkoop as in Februarie 2022 — 39 teenoor 19. Vir die jaar tot dusver is 55 stropers verkoop, teenoor 23 in die eerste twee maande van 2022. Daar is 781 trekkers verkoop, wat 14 of 1,8% minder is as die 795 verlede Februarie. Vir die jaar tot dusver staan trekkerverkope…

Die wêreld staan voor ’n kruispad wat voedselsekerheid betref. Opstande oor kos wat skaars en duur word, kan ook Suid-Afrika se voorland wees. Die risiko dat lande nie genoeg voedsel kan produseer nie, raak al hoe groter, het mnr. Sam Rolland, direkteur van die Sub Saharan Economist Intelligence Corporate Network, op Graan SA se jaarkongres op Nampo-park gesê. “Wanneer ’n bevolking honger is, is die mense kwaad en gevaarlik. Hulle stem met hul voete — gewoonlik vir die party wat die hardste skree, maar nie noodwendig saam met die private sektor sit om oplossings vir die krisis te vind nie.” Die Suid-Afrikaanse landbousektor moet gelukgewens word dat hy die een sektor van die plaaslike ekonomie is wat die meeste sedert die pandemie gegroei het, maar die land sal steeds planne…

DIT was lanklaas dat boere dié tyd van die jaar reeds só ’n goeie hoeveelheid grondvog kon bewaar. Só sê mnr. Jose de Kock, boer van Napier en voorsitter van Graan SA se garswerkgroep, oor die gunstige produksietoestande wat tans in die Overberg en Suid-Kaap heers. “In dié stadium, met die reën wat ons Desember gehad het en die opvolgreën wat ons nou weer gehad het, gee dit vir ons ’n goeie geleentheid om die onkruidopslag dood te spuit.” Boere in sy area sal ná die goeie reën begin Maart en reën wat nou weer geval het, waarskynlik binnekort begin weidings plant en teen middel April begin kanola plant. Die voordeel van goeie grondvog so vroeg in die seisoen is dat die verskillende soorte graan nou op die regte tyd…

DIE status quo is ’n lekker plek, maar niks groei daar nie. Dít is hoekom jy jouself voortdurend moet uitdaag met nuwe boerderymetodes, soos herlewingslandbou, het mnr. Gerrit van Zyl, beesboer van Dewetsdorp, op Landbouweekblad en die Ottosdal-geenbewerkingsklub se herlewingslandboukonferensie gesê. “Ek dink herlewingslandbou is ’n reis sonder einde. Die laaste hoofstuk daaroor is nog nie geskryf nie. Ons is die voorlopers wat skoolgeld betaal, maar ons moet dit doen om te leer wat werk.” Die konferensie, wat deur sowat 250 mense op Ottosdal bygewoon is, het vanjaar sterk gekonsentreer op die boereperspektief. Verskeie van die sprekers en demonstreerders van die praktyk is boere wat hulself geleer het watter metodes die beste op hul plaas werk. “Die feit dat dit boere self is wat die voortou neem om hul medeboere…

DIE landbou is ’n tegnologie-, kapitaal- en vaardigheidsintensiewe bedryf, en ’n ratse regulatoriese omgewing is noodsaaklik vir Suid-Afrikaanse boere om voor hul mededingers te bly. Só het prof. Johann Kirsten, direkteur van die buro vir ekonomiese navorsing aan die Universiteit Stellenbosch, gewaarsku tydens ’n voorlegging op die Africa Agri Tech-konferensie in Pretoria. “Daar is kwessies rakende kommunikasie waar die staat se regterhand nie weet wat die linkerhand doen nie, kwessies met genoeg personeel om aansoeke te hanteer en met die registrasieproses self. “Die landbou is ’n tegnologie-intensiewe, kapitaalintensiewe en vaardigheidsintensiewe bedryf, en dit is belangrik om te verstaan hoe verbetering in tegnologie produsente help om voor hul mededingers te bly. “Ons is egter nie oortuig dat diegene in die regulatoriese veld altyd besef hoe belangrik dit is om vinnig te…

1 ZIMBABWE Kartelle versuur belowende tabakseisoen Openingspryse op die eerste tabakveiling van die 2023-bemarkingseisoen was 3% hoër as verlede jaar s’n, en die veilinggemiddelde van $4,20/kg (R77,10/kg) kan ’n aanduiding wees van goeie prysvooruitsigte. Daarmee saam kan boere vanjaar 85% van hul verdienste in buitelandse valuta behou, teenoor verlede jaar se 75%, wat hulle in ’n beter finansiële posisie plaas. Ongelukkig is daar reeds berigte van kartelvorming onder middelmanne wat tabak direk by boere aankoop, kwansuis om hulle vervoer- en verpakkingskoste te bespaar, en dit dan teen hoër pryse op veilings verkoop. Boere wat onder kontrak produseer, kry oor die algemeen beter pryse as dié wat op oop veilings moet verkoop. — The Herald 2 MADAGASKAR & MOSAMBIEK Sikloon Freddy bring voedselkrisis Freddy, die langdurendste tropiese storm wat…

Rubriek Sommige markontleders verwys na “sonskynontleders”. Hulle is meestal in diens van groot ondernemings wat staatmaak op die publiek se vloei van geld en voortgesette ondersteuning. Hulle bly hardnekkig verkondig dat dit goed gaan in die ekonomie: Ons moet net geduldig wees. Die ekonomie het immers verlede jaar met 2% gegroei. Die onlangse bekendmaking van die ekonomiese groeisyfers vir 2022, met die vierde kwartaal se negatiewe groei van -1,3%, was vir diegene ’n onverwagse skok. Die inkrimping was feitlik oor alle sektore, die landbou ingesluit. Uitvoer het gedaal, terwyl invoersyfers styg. Dit beteken dat Suid-Afrika ’n groter invloei van kapitaal nodig het, onder meer om die rand stabiel te hou. Die landbou se ekonomiese produksie het in die vierde kwartaal van 2022 met 3,3% gekrimp, en na verwagting gaan die…

’n Opbouende bydrae van somergraan, soos kommersiële mielies, tot die landbou-ekonomie in 2023 sal na verwagting ’n geringe herstel inlei tot die land se bruto landbouwaardeketting. Mnr. Wandile Sihlobo, hoofekonoom by die landbousakekamer Agbiz, sê hoewel die landbou se bydrae in 2022 onder druk was, is die verwagting dat dit in 2023 matig kan herstel. Hy verwys na die vroeë aanduidings dat die plaaslike someroes van 2022-’23 tot 19,3 miljoen ton kan beloop – ’n verbetering van 3% teenoor die vorige seisoen. “Indien die bedrywe vir tuinbou en vee ook ’n verbetering toon, hoe klein ook al, kan die landbou vanjaar ’n hupstoot beleef.” Die oesskattingskomitee se hersiene skatting einde Februarie van die oppervlakte onder mielies beloop 2 582 500 ha. Dit is 1,5% (40 500 ha) minder as die…

MEER INLIGTING OOR FAMACHA Ek het gehoor van die Famacha-stelsel. Kan jy asseblief meer inligting gee? Waar kan ek ’n Famacha-kaart kry? Gesonde skape en bokke wat nie deur bloedsuiende parasiete aangetas is nie, se slymvliese is rooi van kleur. Die verhouding van rooibloedselle (die hoofselkomponent van bloed) tot plasma (helder vloeistofgedeelte) in bloed bepaal of ’n dier gesond (normaal) of ongesond (te min of te veel rooibloedselle) is. Hierdie verhouding kan in die laboratorium bepaal word of ná opleiding en oefening taamlik akkuraat deur kleurveranderinge in die slymvliese van veral die binnekant van die onderste ooglid beraam word. Die Famacha-stelsel en -oogkaart is ontwikkel om diere te selekteer wat nie deur haarwurmparasiete geraak word nie of wat minder daardeur geraak word. Die kaart bevat vyf kleurskakerings van rooi na…

SÓ SÊ ’N EIERVRUGBOER Tussen Mpumalanga se suikerrietplantasies verbou Hardus Snyman van Geluk Boerdery naby Komatipoort groentesoorte soos eiervrugte. Dit is ’n vrygewige gewas wat op min grond goeie opbrengste lewer. Vertel meer oor jul boerdery? Ons hoofgewas is suikerriet, maar ek en my oorlede broer het teen 2004 ook met groente soos soetrissies, eiervrug, bone, pampoen en suikermielies begin boer. Ons gebied is bekend om suikerriet, maar die groente is voordelig vir wisselbou en kontantvloei. Ons probeer om die uitskot tot die minimum te beperk, daarom verkoop ons eiervrugte wat nie na kleinhandelaars toe gaan nie, aan die varsproduktemark en smouse. Watter rol speel eiervrugte in jul boerdery? Dit is ’n klein deel van ons aanplantings, maar omdat dit so ’n vrugbare gewas is en goeie oeste lewer as…

Wat doen jou onderneming, Smart Tails by Magda? Ek maak sierskousterte vir Amerikaanse Saalperde wat aan skoue deelneem. Ek maak die boonste deel van die skoustert, die sogenoemde toptails, asook die onderste deel, die switches. Die meeste kliënte stuur hul eie perdehare waarvan ek dan die skoustert volgens hul versoek maak. Wat ek vir hulle maak, hang af van wat die kliënt benodig. Waar het jy aan die idee gekom, en hoe het alles begin? Ek het in 2007 op ’n perdeplaas naby Petrusburg gebly waar ’n vriend van my, Paul Coetzer van Paul Coetzer-perdestalle, perde vir skoue afgerig het. Dit het soms gebeur dat van die skouperde ’n sierstert vir ’n komende of spesifieke skou nodig gehad het. Omdat elke skouperd uniek is, het ek myself toe begin leer…

NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 74 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 20 April 2023. Geen posstukke word meer as inskrywing aanvaar nie. Geen erkenning van ontvangs word gestuur nie. WENNERS! Oplossing van blokraaisel no. 1728 Leidraad: 'n Vleissnit KRUISSTUK Die wenners van 'n Boereplaas Bordspel is: Etnah Wolfaardt, Lyttelton, Centurion. WENNER! Oplossing van…

Grondpryse in Gauteng (75% van die distrikte) en KwaZulu-Natal (53% van die distrikte) het vanaf verlede Februarie tot Januarie vanjaar gestyg, terwyl dit in 75% van die distrikte in Limpopo gedaal het. Die TABEL gee ’n ontleding van grondtransaksies groter as 10 ha in dié drie provinsies. In Gauteng was daar 545 transaksies en 57 987 ha is vir R3,734 miljard verhandel. Pryse by Carletonville het met 18,5% gestyg. Altesaam 329 transaksies is in 13 distrikte in KwaZulu-Natal gesluit. Dit het 121 161 ha vir R2,850 miljard behels. Pryse by Louwsburg het met 23,3% gestyg, terwyl dit met 12,1% gedaal het by Port Shepstone. By Lephalale in Limpopo het pryse met 22,1% gestyg. In die betrokke tydperk is 527 ooreenkomste in 12 distrikte gesluit. Dit het 175 739 ha vir…

’n Hoogste prys van R260 000 is op die nasionale Bonsmara-veiling vir vroulike diere in die Afridome op Parys betaal, met die verkoper een van die oudste Bonsmara-stoeterye in Suid-Afrika en die koper een van die nuutste lede. Die vers LAR 20-0271 is deur die Up George-stoetery van mnr. Derek Ralfe van Wasbank in KwaZulu-Natal geteel. Die koper is mnr. Eloff Muller, beter bekend as ’n teler van Dohne-Merino-skape van Mosselbaai, wat sy Tamboraine Bonsmara-stoetery eers twee jaar gelede op die been gebring het. Hy beoog om die standaard van sy stoetery met die nuwe aankomeling te verhoog. Hy beskou die vers as fenotipies baie korrek. Sy het puik teelwaardes van 119 vir geboortegemak, 116 vir speenkalfwaarde, 101 vir vrugbaarheid, 87 vir onderhoudswaarde, 111 vir koeiwaarde, 100 vir groeiwaarde en…

Die mark is steeds onder druk vanweë hoë mieliepryse, die swak rand, kragonderbrekings, ’n kleiner vraag en ’n groter aanbod in die laatsomer, en die gevolge van bek-en-klouseer. BURGERSDORP / MERINO / R22 000 Kesieberg Merino’s van mnre. Willie en Herman Henning, een van die eerste Merino-stoeterye in Suid-Afrika wat poenskop én Merino-ramme met horings geteel het, het goeie teelmateriaal op sy produksieveiling op die plaas Leeuwfontein, Burgersdorp, aangebied. Die koper van die duurste ram (R22 000) het ook die naasduurste ram vir R21 000 bekom. Van links, agter: mnre. Willie Henning, Werner Pieterse (koper) van Doringkloof, Venterstad, JP Marais (afslaer) en Thinus Coetzer van OVK; voor: Jan van der Walt van BKB en Herman Henning. Ramme het gemiddeld R7 325 behaal en ooie gemiddeld R2 800. DORDRECHT / MERINO…

Die vraag na SA Vleismerino’s bly hoog ten spyte van die vleispryse wat weens die trae ekonomie onder druk bly. Mnr. Manie Lombard, voorsitter van die genootskap, sê die ledetal van sowat 140 het die afgelope tyd konstant gebly, met verskeie nuwelinge wat hulle by die genootskap aansluit. “Ons het die eerste kwartaal in 2023 minder ramme verkoop, maar die gemiddelde prys was hoër as in die ooreenstemmende tyd verlede jaar.” Hy sê die raadsbesluit om ramme ingevolge gewigsklasse op die nasionale skou te beoordeel, werk goed en dit bevorder die deelname, veral onder jonger telers. “Ramme hoef nie oorvoer te word nie aangesien die klem op die korrekte bouvorm, algemene balans en bespiering val.” Altesaam 400 ramme van 25 telers van oor Suid-Afrika is vir die 54ste nasionale kampioenskapskou…