Kuier 6 November 2025의 목차

Dit voel omtrent of die jaar verbygeblits het. Hóé trek ons al in November? Oral in winkels is Kersbome al uitgepak en Christmas trimmings staan die rakke vol. Daar word al begin beplan by wie se huis die groot Kersfees-saamtrek dié jaar gaan wees, wie wat vir die Kerstafel gaan opdis, geskenke, die groot uit-turn . . . Vir baie is die feestyd egter ’n pynlike herinnering aan die afwesigheid van ’n geliefde. Vir die gewilde TV-sjef en restaurantman Reuben Riffel is dit sy eerste Kersfees sonder sy geliefde kleinboet, Jevon, wat in Februarie tragies op 46 gesterf het. Nou bly net Reuben en sy ousus, Carmen, oor. Die omstandighede rondom hul enigste broer se skielike dood krap nog aan Reuben. In ons voorbladstorie maak dié geliefde sjef oop oor…

Onlangs lees ek iets wat my laat giggel en ook so geliefd laat voel. ’n Blogger op Instagram vertel sy meen ons hoor altyd Bybelstories van mans wat berge toe gaan om tyd met God te spandeer of om Sy stem te hoor. Nooit vroue nie. Hoekom? vra sy. Dan antwoord sy ewe vinnig: Vroue is te besig om die lewe en sy dinge aan die gang te hou en kan nie hul babas, maaltye, huishoudings en hordes ander verantwoordelikhede agterlaat vir bergklim om met God te gesels nie. En dís hoekom God altyd na vroue toe kom. Hy ontmoet ons waar ons is. God het nie ons as vroue se stiltetyd nodig nie, want hy weet die werk wat ons in ons huis doen, is ook ministry. Ons huis…

Sy is in die kombuis besig om koe'sisters te maak met ons besoek. Haar hande werk metodies deur die deeg. Die soetgoed is vir die winkel wat sy in haar huis bedryf, maar dit is ook ’n broodnodige afleiding van haar verpletterende verlies. Zainab Daniels se 29-jarige seun, Mogamat Yusuf Daniels, is slegs dae voor sy troue in ‘n koeëlreën dood. Hy is onlangs op Erfenisdag, 24 September, in ’n lokval gelei en doodgeskiet terwyl hy probeer het om sy iPhone op Facebook Market-place te verkoop om van sy trou-onkostes te help dek. In ’n tydperk waarin die familie haar seun se spesiale dag moes geniet en vier, probeer Zainab (58) nou die stukke optel. Sy vertel haar gesondheid het sedert haar kind se tragiese dood ook agteruitgegaan. Nou probeer…

Sy's ’n gekwalifiseerde prokureur, en het al posisies as regsnavorser, kabinetskomitee-sekretaresse, spesiale adviseur aan ’n minister en ministeriële woordvoerder beklee. En sedert 2023 lei die Kapenaar Melene Rossouw die eenheid verantwoordelik vir die persoonlike ondersteuning en raadgewing aan Paul Mashatile, Suid-Afrika se adjunkpresident. Kuier het vyf jaar terug met Melene gesels ná sy as een van Afrika se 100 invloedrykste vroue aangewys is deur Advance Media. Voor dit is sy in 2018 gekies as die Obama Leader in Africa, en het sy Amerika se oud-president Barack Obama ontmoet. Maar dis veral die Women Lead Movement wat sy in 2017 help stig het, wat Melene (40) laat bars van trots. Hulle het al duisende vroue en kinders deur gemeenskapsuitreikprogramme bereik en bemagtig. Só is haar kleintydse droom om ‘n konkrete verskil…

Wanneer ’n mens terugdink aan Arendsvlei se Bianca, óf jy kyk Kelders van Geheime en sien vir Sandy Syster wat so woel en werskaf in die restaurant op Soebatskloof, kom bedrywige, borrelende karakters in jou gedagtes op. Riana Alfreds (49), die Kapenaar agter dié rolle, is dalk ietwat rustiger in die regte lewe, maar netso borrelend en vol grappe soos die vroue wat sy op TV lewe gee. Dié aktrise, wat al vir ’n gesogte Fleur du Cap-toekenning benoem is, is al langer as 20 jaar in die vermaakbedryf en sy's mal oor haar jongste rol in die daaglikse drama Kelders van Geheime. “Om Sandy Syster te speel, is ’n ervaring out of this world. Ek kan dit nie beskryf nie. Ek's so dankbaar vir die geleentheid wat vir my…

VARS ROOSGEURE HOOFGEURE: POMELO, ROOS, MUSK Dié geur is geïnspireer deur die bekende rose van die parfuumstad Grasse in Frankryk. Pomelo en litchi gee dit ’n vrugtige vonk, en eikemos gee ’n sagte, aardse ondertoon. Dis lig, bekostigbaar en perfek as ’n subtiel gesofistikeerde, alledaagse geur. • Rose EDT R295 vir 100 ml, Chanson d'Eau HOOFGEURE: SUURLEMOEN, ROOS, HONEY COMB, VIOOLTJIEBLARE EN GROEN MINT Dié unisex geur vang die wese vas van ’n vars ruiker, met klassieke roosnote wat verhelder word deur ’n tikkie suurlemoen. Jy kan die ligte en vars geur op sy eie dra, of in lae saam met ander Jo Malone-geure om ’n kombinasie te skep uniek aan jou. • Red Roses Cologne R1 470 vir 30 ml, Jo Malone VROULIKE ROOSGEURE HOOFGEURE: ROOS, MALVA, KARDEMOM Dié…

Ek weet nie van julle nie, maar dit voel vir my asof hierdie jaar op steroids was, want hóé is ons al in November? Dan is dit festive hierbuite en – kaboem! – is ons alweer in 2026. Ek lees nou die dag ’n meme op Facebook wat sê hoe ons ons baiekeer vaskyk teen wat ons nog nie bereik of bekom het nie, en dan vergeet waar ons ons nou bevind, was ook eens op ’n tyd ’n droom. Dit laat my toe terugdink aan ’n gesprek wat ek so ’n maand gelede met my werkgewer gehad het waarin sy my herinner het dat ’n mens nie áltyd nodig het om die een ding ná die ander te vermag nie. Dat dit soms oukei is, soos een van my…

Waardeer elke uitgawe wat ek kan opslurp! Dit gee my insig en uithouvermoë deur ander se leefwyse en -styl. Dankie. MERVIN “Die soet en suur van ’n lewe in die kollig”, 23 Oktober Wens jou all the best, Farren Cloete. Mag jou drome als bewaarheid word op God se tyd. JULIAAN Pragtig en interessant soos altyd, ds. Farren Cloete. Voorspoed met julle reis en planne om ouers van ’n lewende wesentjie te kan wees. TERSIA “‘Skemergrond’ se Mario Haupt maak hart oop”, 23 Oktober Ek het die artikel oor Mario Haupt baie geniet. ’n Mens sien die akteur op TV en besef nooit wat hulle al deurgemaak het in die lewe nie. Dankie dat jy jou hart teenoor ons oopgemaak het. Ek is lief vir jou in Skemergrond. TERSIA “My…

Sy was net 15 jaar oud toe akute limfoblastiese leukemie, ’n vinnig vorderende bloedkanker, by haar gediagnoseer is. Natasché Daniels van Johannesburg het langer as vier jaar behandeling ontvang, insluitend intensiewe chemoterapie en onderhoudsterapie. Vandag is sy kankervry en werk sy as ‘n algemene praktisyn wat haar beywer om bewustheid oor kinderkanker te bevorder. “Dit het so subtiel begin dat ons dit amper gemis het,” vertel Natasché (29). “Ek was voortdurend uitgeput en my vel het bleek geword, maar niks wat aanvanklik kommerwekkend gelyk het nie. “Ek was ’n aktiewe tiener – betrokke by die skoolraad, gemeenskapswerk en ballet. Maar stadig maar seker het ek opgemerk dat ek nie meer kon byhou nie. Die ander meisies in my balletklas het gelyk of hulle moeiteloos glide, terwyl ek gesukkel het. Om…

Sy katarsis-oomblik was nie soseer die skryf van sy outobiografie nie, wel die brutale eerlikheid waarmee hy dié hartsprojek aangedurf het, vertel die teaterregisseur Anwar Mc Kay (51) oor sy boek, The Invisible Boy From Bramble Way. Hy sou nie kon wegskram van al die einas uit sy verlede, of dit met mooi woordjies of tierlantytjies kon verdoesel nie. Net die aaklige waarheid sou dinge verander. En dit hét. Die heel eerste skrywe uit sy pen vertel die storie van Anwar se grootwordjare in ’n werkersklas Moslemhuis in Bonteheuwel op die Kaapse Vlakte tydens die struggle-jare – daai jare toe hy gedog het sy superpower is om homself onsigbaar te maak en agter maskers te skuil. Dis juis wat al die demons in sy kop losgemaak het, en die pad…

KOLONEL-KNARS TOEBROODJIE Genoeg vir 4 mense BESTANDDELE 200 g streaky bacon 4 hoenderborsfilette 100 ml koekmeel 2 groot eiers, liggies geklits 600 ml corn flakes, fyngemaak 1 suurdeegbrood, in snye gesny sagte botter, vir smeer ½ koppie romerige mayonnaise 1 knoffelhuisie, fyngedruk 1 teelepel smoked paprika ¼-½ teelepel cayenne pepper sout en gemaalde vars swartpeper, na smaak 1 kop romaine lettuce, blare losgebreek 2 ryp tamaties, in skyfies gesny METODE 1 Voorverhit die airfryer tot 200°C. Lê die bacon-repies in ’n enkellaag uit op die rak van die airfryer en braai vir 7-8 minute tot bros. Draai dit halfpad deur die gaarmaaktyd om. 2 Sny intussen elke hoenderborsie in die wydte in die helfte om twee dun stukke te verkry. Plaas die hoenderstukke tussen twee lae cling wrap en kap…

Die kanse is goed dat jy al een van hul pragskeppings op sosiale media raakge-scroll het. Partytjies om van te droom; glansgeleenthede wat jou wegvoer na ’n ander wêreld wanneer jy daar instap. En agter dit alles sit die dinamiese duo Rehana Johnson (40) en Stacey Schilder (37), event organisers en die stigters van Limitless Events in Kaapstad. Hulle het nooit kon droom toe hulle ’n paar jaar terug dié “hobby” aangepak het dat dit só sou groei dat hulle nou met al wat ’n groot handelsnaam is, sou werk nie. Die kersie op die koek is nou die uitloopsel van hul harde werk, SWAT. Dis ‘n nie-winsgedrewe organisasie deur vroue vir vroue – of dit nou projekte is om sanitêre produkte in te samel, mense met beurse te help,…

BORDSPELETJIE Kry ’n paar spelers bymekaar en val weg. Die eerste een wat die einde bereik, wen! DIE REËLS Wat jy benodig: ’n dice ’n knoop of enigiets klein om te beweeg op die bord Só werk dit: Kry ’n paar spelers bymekaar. Besluit in watter volgorde julle speel. Gooi die dice en laat waai! SOEK DIE VERSKILLE Vind die 5verskille tussen AenB. KOL-TOT-KOL Verbind die kolle en kleur die prentjie in. VIND DIE PAD Na watter ruimte-element lei toue 1,2 en 3? WOORDSOEK-PRET Ontsyfer die woorde en raai watter planete dit is.…

NR. 205 aanknoop afstaan afwyk agent agterspeler agteruit akkerboom alfabeties algeheel alias allawêreld allenig allerbeste allerlei alliansie almanak alpakka alruin altans aluminium amaas ambag amber amfibie ammoniak ampertjies ampsgenoot amputeer amuseer anagram angora angstig anker anneks ansjovis antidepressante antiek antikloksgewys anys apokalips apostolies armsalig aronskelk arrogant artisjok artritis asemhaling Augustus Australiër avonturier OPLOSSING VERSKYN IN DIE UITGAWE VAN 20 NOVEMBER 2025. SOEK VIR DIE SPELETJIENOMMER.…

Dis‘n pad propvol seëninge wat sy tot dusver gestap het. “Alle eer aan die Here. Was dit nie vir Hom nie, sou ek dalk nie vandag gedoen het wat ek nou doen nie. Dis net Hy wat my die krag gegee het,” sê die klaviertegnikus Magdalena Hendricks (75) van Wellington. Sy is al verby haar aftreejare, maar wanneer jy geniet wat jy doen, voel dit immers nooit soos werk nie, vertel sy hier by Heuer Pianos op Stellenbosch, waar sy sowat 48 jaar lank al klaviere regdokter. In 1966 het Magdalena net nie meer kans gesien vir die skoolbanke nie. “Ek was in die destydse Std. 7 toe ek die skool los. Ek het gesukkel en twee keer dié standerd gedruip. Veral my pa, Abraham, wou niks hoor van die…

Die kombuisarea is propvol lewe. Hier word gewoonlik gekook, geklets en te oordeel aan die rekenaars en hordes oopgeslane kookboeke op die eetkamertafel, word daar sommer ook net hier gewerk. Hoe dan anders. Dis immers die sjefs en restauranteurs Reuben en Maryke Riffel se lekker leefhuis. En wanneer pappa Reuben ’n rukkie later aansluit, word sy spruite, Latika (16) en Max (12), nadergetrek vir ’n hartlike pappadrukkie. Dit val ’n mens dadelik op: Reuben het geen airs nie, ten spyte van sy internasionale gourmetsukses en bekendheid as plaaslike TV-sjef en beoordelaar van die gewilde MasterChef SA-koskompetisiereeks. Die gesin woon in die hartjie van Franschhoek en hy is eintlik al langer as 30 jaar in die gasvryheidsbedryf, sê Reuben (50). Dit het hom ’n tydjie geneem om sy passie werklik ten…

Toe daar meer as ’n jaar gelede ’n stokkie gesteek is voor haar ma se paroolvrylating, het dit haar só hard getref dat sy besluit het om haar lewe te verander. Vandag sit ’n gesonder en emosioneel geankerde Zaynab Petersen (26), die enigste dogter van Najwa (67) en wyle Taliep Petersen, voor ons. Waar Zaynab jare lank afhanklik was van geestesgesondheidsklinieke en sielkundiges, het sy dié keer die keuse gemaak om liewer by ’n gym aan te sluit. Sy't geweier dat dié teleurstelling ’n negatiewe impak op haar lewe het en vir ewig in haar liggaam gevange bly, vertel sy aan Kuier. Ná haar ma, Najwa, in 2009 lewenslange tronkstraf opgelê is vir die moord op haar pa, die legendariese Kaapse teatermaker Taliep, het dit vir Zaynab gevoel asof sy…

Deesdae wanneer jy op socials scroll, hoor jy oral vir “Aweh”, die local muso Lordkez se slick, sexy song wat die land laat saamsing. Nie net het die remix met die bekende rapper Cassper Nyovest viral gegaan op TikTok nie, dit boer omtrént op local trefferlyste. Teen druktyd is die musiekvideo al meer as 4 miljoen keer op YouTube gekyk. Nee kyk, dié hit is sterk op pad om die soundtrack van somer 2025 te word! Die liedjie se sukses is verbysterend, sê Lordkez (26). “Ek't eerlikwaar nie verwag die song sal so goed doen nie. Ek't gedog mense sal daarvan hou, want ek het daarvan gehou toe ek dit gemaak het – en ek dink dis belangrik om van jou eie song te hou voordat ander daarna luister. Die…

EENSTUKKE Het jy ’n appelfiguur? As jou bolyf breër is as jou onderlyf, gaan dan vir eenstukke wat balans skep en die aandag na jou skouers of bene trek, soos dié Pradabaaibroek wat die aktrise GABRIELLE UNION (53) dra. Jy kan neutrals kies, of uitstaan met patrone en helder kleure. STYLWENK Dié diep V-halternek trek jou oog na die bolyf en laat jou torso langer lyk. Dis perfek vir voller busts en silhoeëtte met kurwes. Die patrone verbloem midseksieworries. DRA DIT SÓ As jy gaan vir patrone soos diermotief, maak seker jy kies ’n sonhoed in dieselfde kleurpalet, soos die model ASHLEY GRAHAM (38). STYLWENK Dié klassieke swembroek pas by alle lyfvorms. Die lae neklyn vlei die borsarea en die ferm materiaal ondersteun jou kurwes en het ’n verslankende effek.…

Fokus op lewer Dok, ek was ’n paar weke terug vir ’n full body scan en al my organe lyk goed, maar die persoon wat die scan gedoen het, het genoem daar is ’n vetlagie om my lewer en dat ek leefstylaanpassings moet maak. Ek het nog nie by ’n dokter daarvoor uitgekom nie, en het gewonder of Dok dalk meer hieroor kan deel? PAM Antwoord BESTE PAM Steatotiese lewersiekte (SLD) is eers “fatty liver disease” genoem, want steatose behels die opbou van vet om organe, tipies die lewer. SLD sluit verskeie toestande in. ’n Gesonde lewer bevat bittermin vet. Steatose (vetopbou) word ’n probleem wanneer dit meer as 5% van jou lewer se gewig bereik. ■ Alkoholverwante lewersiekte (ARLD) Met ARLD lei alkoholmisbruik tot steatose. Elke keer wanneer jou…

Murray sê die rouproses bestaan nie uit ’n stel netjiese fases nie, maar eerder take waardeur die bedroefde moet beweeg. “Dit is nie net stappe wat jy eenmalig voltooi nie, maar prosesse wat tyd en herhaling vra. ” Hy lig dié vyf “take” uit wat die rouproses kan vergemaklik: 1 Aanvaar die werklikheid van die verlies. Dit beteken nie net om te wéét iemand is dood nie, maar om dit regtig te besef in jou hart en jou daaglikse lewe. 2 Beleef die emosionele pyn van die verlies. Baie mense probeer dit vermy deur hulself té besig te hou of dit te probeer wegdrink. Maar pyn wat nie deurleef word nie, bly net lê. 3 Koester herinneringe en vier die geliefde se lewe. Rou is nie net pyn nie, dis…

VOLTOOI: Watter aktrise speel teenoor Robert Pattinson in die komediedrama Die My Love wat op 7 November open. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 10 Desember 2025. SMS/R1,50. Die oplossing verskyn in die uitgawe van 1 Januarie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 10 DESEMBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Die Oos-Kaap is bekend vir sy landbou en die karre wat daar vervaardig word. Die Noord-Kaap kan gekenmerk word aan Kimberley se Groot Gat. Gauteng is die land se ekonomiese powerhouse. Die Wes-Kaap? Vir sommige is dit seker haar lekker culture, wynplase, en daai berg wat soos ’n tafel lyk. Maar sy het ’n lelike kant: Die oorlog op die Kaapse Vlakte. Dít wat daar gebeur tussen die colourful woonstelblokke. En dis niks nuuts nie. Dit kom al vir donkiejare aan. Ons mense is destyds deur die apartheidsregering soontoe geforseer sodat die mooi areas waarin ons eers gebly het, vir wit mense uitgesit kon word. Daar is ons mense gesmyt en moes hulle probeer sin maak van dié nuwe reality. Dit was asof hulle ons daar gegooi het om mekaar…