Kuier 5 June 2025의 목차

Hulle is twee van die grootste name in die plaaslike vermaakbedryf. Die Kaapse aktrises Jill Levenberg en Khadija Heeger het oor die jare hul merk gemaak in hul beroepe en is tans in twee van die gewildste shows op TV – Jill as Mymoena Samsodien in die sepie Suidooster, en Khadija in die telenovela Skemergrond. Hulle is ’n force op én van die skerm af. Boonop het hulle oor die jare ook ’n besonderse vriendskap opgebou. Jill en Khadija was daar vir mekaar in die goeie en slegte tye, deur dik en dun, vertel hulle. En 20 jaar later pryk dié boesemvriendinne nou vir die eerste keer saam op ’n tydskrifvoorblad. En mens, het ons dit geniet om dié einste vriendskap te sien blom tydens ons cover shoot! Ons fotosessie…

As ek dink aan vaderskap, dan dink ek aan my pa. Hy is nou ’n goeie voorbeeld van wat dit kos om ’n goeie pa te wees. Hy doen die onmoontlike vir sy familie. My pa is my alles. Hy doen absoluut álles vir my. As iemand my in die middel van die nag moet bel vir hulp, sal ek my pa bel en hy sal gaan. Hy is ’n great guy, en het my laat besef ek is nog nie die helfte van die pa wat ek móét wees nie. Ek sê dit hier om te wys dat ons as pa’s altyd oop moet wees om te leer van ander pa’s. Ons kan allerhande boeke lees, maar ons elkeen se journey met ons kinders is verskillend. My pa wys…

Wanneer daar ’n klop aan die deur is of die telefoon lui, is Lanza en Dirk Waterboer van Nababeep in die Noord-Kaap dadelik op aandag. Kan dít dalk net die oproep wees waarvoor hulle sedert daardie onvergeetlike dag in Februarie vanjaar wag? Die Waterboers se 14-jarige seun, David, is laas op 7 Februarie, omstreeks elfuur die oggend, deur sy ma by hul huis in Nababeep gesien. Hy het glo beoog om dieselfde dag ’n sportbyeenkoms op ’n buurdorp, Concordia, by te woon. Daarna het hy soos mis voor die son verdwyn en tot op hede is daar nog nie weer ’n spoor van hom gevind nie … In die dae ná sy verdwyning het verskeie mense na vore gekom en beweer hulle het David óf by die atletiekbyeenkoms, óf op…

Die krag van ’n ouma. Dís hoe jy die impak en reaksie kan opsom van ’n viral TikTok-video wat Anthony Timotheus (29) van Bellville buite Kaapstad gedeel het ter ere aan sy oorle’ ouma. In die video stap Anthony in sy graduation-toga op ’n skrootwerf om sy ouma, Aletha Muller, te gaan verras. Toe sy trotse ouma hom gewaar, hardloop sy tot in haar emosionele kleinseun se arms en al is sy vandag nie meer daar nie, is dit asof die lirieke van die liedjie wat hy gekies het vir die video, direk vanaf haar kom: “Mag Sy guns rus oor jou lewe en ’n duisend generasies, jou familie, en jou kinders, en hul kinders, en húl kinders. Mag Sy vrede jou vooruitgaan, agter jou staan, en langs jou staan. Dit…

Daar was’n tyd dat sy regtig vas geglo het dat sekere dinge haar nie beskore is nie. Dié dat die Koortjies-aanbieder, Elwira Standili, haarself vandag nog knyp. Dis nou al ’n jaar sedert sy die leisels oorgeneem het by dié gewilde gospelprogram se vorige aanbieder, Jonathan Rubain, es dié sangeres van Worcester geniet elke oomblik daarvan. “Die program het my lewe drasties verander. Ek het baie insecure grootgeword, en ek was voorheen maklik misgekyk. Ek meen maar – op skool het mense vir lank nie eens geweet ek kan sing nie. Maar dit het my nooit gekeer om groot te droom nie,” vertel sy. Sy was voorheen ’n gas op die program, maar om aanbieder te wees is ’n heel ander storie. Elwira onthou die heel eerste opname as Koortjies…

DIY-SKEERROOM As die man van die huis gereeld skeer, het hy altyd skeerroom nodig. En wat is nou ouliker as ’n houertjie skeerroom wat sy eie kruie vir hom gemaak het? Benodigdhede ■ ½ koppie klapperolie ■ ½ koppie shea butter (te koop by meeste gesondheidswinkels of apteke) ■ 10 teelepels olyfolie ■ 20 druppels bloekomolie Maak só ■ Skink ’n bietjie water in ’n medium-grootte pot en plaas dan ’n medium-grootte glasbak bo-op die pot. Die bodem van die bak moenie aan die water raak nie. ■ Verhit die water en voeg dan die klapperolie en shea butter in die glasbak. Meng en laat dit smelt. ■ Sodra dit gesmelt is, verwyder dit van die hitte en roer die olyfolie by. Sit die mengsel in die yskas totdat die…

REËL #1 Wees gaaf met die nerds. Jy sal waarskynlik eendag vir een werk. ONS SÊ: Gee vandag ’n nerd ’n drukkie. En as jy self een is, wees rustig – daar lê vir jou goeie tye voor! Dis heeltemal in die haak om nie op hoërskool te “peak” nie. Doen dinge op jou eie tyd. REËL #2 Jy is nie te goed vir vloere vee of till slaan nie. Jou ouma en oupa het ’n ander woord vir so ’n werk gehad: “geleentheid”. ONS SÊ: ’n Werk is ’n werk! Vat wat jy kan kry, veral noudat die ekonomie so sleg is, en werk hard sodat jy bevorder kan word. As jy groter droom, behou daai doel voor oë en beskou elke werk as ’n geleentheid om iets te leer…

NR. 194 aambeeld aandblom adjudant argument aspersie badwater banknoot blomkool deurknop dinamiet dirigent elektron etenstyd fragment gansveer gesiggie graankos hemelbed hibiskus hoekpaal inwoners juwelier kabeljou kalender karavaan kunswerk lampolie makataan motorkar naeltjie noodwiel operasie opstoker poppekas pynappel rankroos rooimier samoerai saxofoon skelmpie splinter tandarts toernooi tweeling uniforms veldmuis vragskip windpomp worshond yshokkie OPLOSSING VERSKYN IN DIE UITGAWE VAN 19 JUNIE 2025. SOEK VIR DIE SPELETJIENOMMER.…

“’n Formidabele viertal”, 22 Mei Die Kelders van Geheime-sterre (Vinette Ebrahim, Rushney Ferguson, Vashti Prins en Veronique Jephtas) is stunning, sterk en pragtige vroue. SANDRA Die beste kykstof in Afrikaans. Die beste spelers. Ek love almal. Die beste tydskrif, Kuier. TILLA “In Jadon se skoene”, 22 Mei Goeie storie (oor Suidooster se Jadon Booysen). Ek het dit so geniet en was so jammer vir Carlo. Ek hoop jy geniet jou matriekjaar. Leer baie mooi. Alles wat mooi en geseënd is vir jou, seun. LENIE Ek stem saam met jou: Daar is geen goeie ding gekoppel aan dwelms nie. Jy is ’n baie goeie akteur. Seën op jou loopbaan. Ek het jou karakter in Suidooster baie geniet. SANDRA “Mmm … so by my kool!”, 22 Mei Sowaar, julle sal my nou…

As jy vir professor Debra Meyer vra hoe sy dit alles regkry – van aangewese rektor van die Sol Plaatje-Universiteit (SPU) op Kimberley, tot digter, wetenskaplike, moederfiguur en aktivis – antwoord sy eenvoudig: “Ek slaap min en ek glo baie.” Met ’n brein “wat nooit afskakel nie”, en ’n hart wat wyd oop is vir haar mense en haar uitgebreide gesin, leef sy betekenisvol en met nimmereindigende leergierigheid. ’n Mens kom gou agter wat dié bekende TV-gesig – as ’n voormalige weer-anker op SABC2 – en biochemieprofessor en taalfoendie se hart vinniger laat klop. Debra (57) gesels met Kuier vanuit Johannesburg, al woon en werk sy in Kimberley. Sy pendel tussen dié twee stede, want Joburg is immers haar komvandaan – sy’t daar haar tande gesny in goeie Afrikaans. Sy’s…

SAPPIGE PIENKPEPERKORRELSTEAK MET ’N PIKANTE KRUIESLAAITJIE Genoeg vir 2-4 mense BESTANDDELE Speserymengsel 2 eetlepels pienkpeperkorrels 1 teelepel roasted koljandersaadjies 1 teelepel growwe pienksout of -seesout ½ teelepel smoked paprika Steak 1 teelepel dijonmosterd 1 teelepel heuning 1 teelepel droë tiemie 1-2 knoffelhuisies, fyngedruk 400-500 g steak 1 eetlepel olyfolie 1 eetlepel botter Afronding 150 g gemengde kruieslaaiblare beleë (mature) cheddar- of pecorino-skaafsels ’n bietjie olyfolie ’n skeut suurlemoensap METODE Speserymengsel ■ Maal alles rofweg saam. Steak ■ Meng die mosterd, heuning, tiemie en knoffel goed saam. ■ Klad die steak droog met kombuispapier. ■ Smeer die mosterdmengsel oraloor die steak en rol in die speserymengsel. ■ Verhit ’n pan tot baie warm, giet die olie in en sit die steak dadelik in die pan. Braai ’n minuut lank, draai om,…

Nee dankie vir voorlees Vraag LOS MY MAAR AF… Ek is ’n kerkmens en mal oor my Sondae in die huis van die Here. Maar in my kerk word gemeentelede soms randomly gevra om die Skriflesing te doen. Ek is ’n introvert en wil regtig nie voor almal staan en lees nie. Hoe kan ek nee sê in daai hotspot-oomblik sonder om onbeskof te klink? SKUGTER Antwoord BESTE SKUGTER ’n Mens voel mos maar ’n sekere way in die kerk, en jy gaan voel jy móét ja sê, want, wel, jy’s in die kerk. Maar as dit jou onder geweldige spanning en druk sit, is dit nie goed vir jou om ja te sê nie. Ek’s net bang dat jy later gaan wegbly van die kerk af uit vrees dat…

Let them. Dié twee woordjies kan die brug wees tussen jou en ’n vreedsamer lewe en beter verhoudings. Só verkondig die Amerikaanse topverkoperskrywer Mel Robbins (56) in haar gewilde podcast en topverkoperboek, The Let Them Theory, wat die tonge los het. Sy het in ’n podcast-gesprek met die gesels-queen Oprah Winfrey vertel hoe haar “lewe by ’n matriekdans verander het”. Dit het skielik hard begin reën tydens die fotonemery by haar seun se matriekdans. Mel het so paniekbevange geraak daaroor en dat hy en sy vriende kos by ’n taco-stalletjie wou gaan kry, dat sy op die punt was om kop te verloor toe sy haar dogter se hand op haar skouer voel wat vir haar sê: “Let them”. “Sy’t vir my gesê: ‘Ma, as hulle wil natreën, laat hulle…

Tot onlangs het baie van ons nie eens gewonder waar ons klere vandaan kom nie – hoe dit vervaardig is, of wat daarmee gebeur as ons daarmee klaar is nie. Ons het dit gekoop, gedra (soms één keer), weggegee, of dit agterin die kas laat stof opgaar. Maar daardie ingesteldheid is besig om te verander. Ál meer mense bevraagteken die ware koste van fast fashion – klere wat vinnig en goedkoop gemaak is, en netso vinnig gekoop en uitgedien raak – en wend hul na alternatiewe soos thrifting, e-thrifting en klerehuur. En dis nie ’n verbygaande trend nie, maar eerder ’n noodsaaklike reaksie op die tol wat die modebedryf van die planeet eis. Volgens die Verenigde Nasies se omgewingsprogram is die modebedryf die tweede grootste verbruiker van water, en verantwoordelik…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 25 Junie 2025. SMS/R1,50. Die oplossing verskyn in die uitgawe van 17 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 25 JUNIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Wanneer jy met dié twee boesemvriendinne gesels, is dit asof hulle uit een mond praat – vinkel en koljander, soos die sêding lui – dís nou Khadija Heeger (59) en Jill Levenberg (47). Die een weet al wat die ander een dink nog voor daar ’n woord uit hul mond kom. Terwyl Jill haar ding voor die flitsende kamera doen hier in ons Kaapse studio, besluit Khadija die radio waaruit musiek blêr moet af. Sy wil dan ewe by Jill weet watter liedjie haar meer gemaklik sal maak voor die kamera. “‘I am ligh t’ van India.Arie,” laat die Suidooster-ster hoor voor Khadija deur haar selfoonspeellys scroll vir dié liedjie. Dis duidelik dat dié twee al ’n hele paar sakke sout saam opgeëet het. Tussen hulle is daar ’n 20…

■ Nie genoegsame nat en vuil doeke per 24 uur nie – minimum van ses nat doeke ná sesde dag; minimum van twee vuil doeke ná dag twee. ■ Tekens van ontwatering – droë mond, min of geen trane as baba huil, ingesonke oë en ingesonke sagte plekkie op kop. ■ Onvoldoende gewigstoename. ■ Baba bly die heeltyd honger – wys voortdurend die “rooting reflex” (mik na die mondjie om te voed). ■ Baba raak nie rustig nie – kan nie aan die slaap raak nie, is fussy, huil gedurig en wil heeldag, ononderbroke op die bors wees. Hierdie kan ’n aanduiding van ’n ander toestand ook wees, so dis wys om ’n borsvoedingskonsultant te raadpleeg.…

Hy het op 10 sy eerste slangvriend gemaak. Die gesin het toe pas uit Skotland verhuis na Glencairn, ’n Kaapse kusvoorstad. Hy moes nog mensevriende maak. Die klippe in hul agterplaas het gewemel van die lewe. “Ek het ure lank klippe in die tuin omgedraai op soek na goggas en reptiele,” sê Steve Meighan (42). Sy liefde vir slange het begin met slakvreters en olyfslange – onskadelike outjies. “Ek het presies geweet watter rotse watter slange huisves,” onthou hy. “My groot wyfie-olyfslang het onder die plat rots gewoon, en die groot mannetjie-olyfslang onder die stomp. Ek het met hulle gepraat, bietjie gespeel, en dan saggies teruggesit.” Tot hy ’n vreemde kalant ontmoet het. “Ek het my gewone klip omgeslaan en die slang opgetel wat ek gemeen het is my groot…

MAKAZOLE MAPIMPI Makazole is ongetwyfeld een van die stylvolste manne in rugby! Ons is oor dié Springbok-ster se verskillende looks wat hy so gereeld op social media deel. Ons gee hom tien uit tien vir dié combo van baggy jeans, wit T en loafers. Ons rond dit af met ’n lekker toeknoop-cardigan vir ekstra stylpunte. CHAD SAAIMAN Neutrals is weer in dié seisoen en is oral in winkels te sien. Dié kleurkombinasie van local sanger Chad is ’n stylwenner. Meng en pas verskillende aardse kleure met mekaar vir ’n stylvolle prentjie wat die koppe draai. Dra ’n roomkleurige broek en hemp met ’n beige bomber en rond dit af met wit tekkies. IETSIE EKSTRA Dié beanies en caps is perfek om die koue te help verdryf en kan met verskeie…

Reg vir winter Watter voorsorgmaatreëls kan ek tref vir myself en my gesin om hierdie winter die siektes weg te hou? KAREN Antwoord BESTE KAREN Winter, verkoue en griep is sinoniem, maar daar is baie wat jy daaromtrent kan doen. Die belangrikste is ’n griepinspuiting. Influenza (griep), is ’n akute lugweginfeksie wat deur griepvirusse veroorsaak word. Drie tipes griepvirusse, A, B en C, sirkuleer tydens ons griepseisoen (van Mei tot September). Dit veroorsaak lae lugweginfeksies, en in erge gevalle, hospitalisasie. Die longontsteking-entstof word aanbeveel vir dié met ’n hoë risiko om longsiektes te kry, soos jong kinders, ouer mense met chroniese siektes, en MIV-positiewe mense. Die Wêreldgesondheidsorganisasie beveel aan dat die beskikbare voorraad longontsteking-entstowwe gaan na hoë risiko-mense. ‘SUPERKOSSE’ WAT KAN HELP Gedurende die winter kan die insluiting van die…

BOUDINE BALLEM (32) Dié aktrise het in 2022 haar deurbraak gemaak as Ruby Fortuin in Arendsvlei. Vertel vir ons meer oor jou Kelderskarakter, Brenda Solomons. Brenda (21) is die slim, single en resourceful jonger dogter van Ivan en Joyce Solomon. Sy’s bekend vir haar wittiness en vermoë om met oplossings vorendag te kom, blink uit akademies, maar finansiële beperkinge keer haar om verder te gaan swot. Sy is passievol oor coding en software engineering. Brenda droom daarvan om ’n app te maak wat jong toeriste met plaaslike attraksies, eetplekke en medereisigers connect. Wat het jou aangetrek tot dié karakter? Haar fierceness, veral op so ’n jong ouderdom. Ek glo so baie jong meisies kan relate tot haar en moet sien hulle is nie alleen in die struggles van die lewe…

In ’n wêreld waar sigbaarheid dikwels verwar word met waarde, en prestasie maklik gemeet word aan aanlyn teenwoordigheid, is daar steeds ’n kosbare groep onderwysers wat hul werk met ywer, deernis en integriteit verrig – sonder om ooit ’n selfoon op te tel vir ’n foto of update. Hulle is dag ná dag betroubaar, voorbereid en teenwoordig – sonder dat die wêreld regtig weet van hul opofferings of suksesse. Ons leef in ’n tyd waarin die maatstawwe van sukses al hoe meer visueel en oppervlakkig word. In onderwys beteken dít daar is dikwels ongeskrewe druk op opvoeders om hul lesse te deel, hul kreatiwiteit uit te stal en hul impak te dokumenteer op sosiale media-platforms. Dié het ’n waardevolle rol gespeel in die bevordering van onderwys-innovasie en idees deel. Maar…