Kuier 4 July 2024의 목차

Daar is min dinge in die lewe wat my so onrustig maak soos onsekerheid. En dit voel of ons deesdae in 'n al meer onseker wêreld leef. Dit knaag aan 'n mens, maak jou angstig, en bring meer vrae as antwoorde – én slapelose nagte … Die huidige politieke onsekerheid in die land is al waaroor mense praat – of dit nou om die etenstafel, by die werk of in die kuberruim is. En dinge kan sommer lekker heated raak! Ons leef nou in 'n land met 'n regering van nasionale eenheid en daar word gehoop dat politieke partye hande sal vat om ons land weer op koers te kry, want kyk, dis maak-of-breek-tyd. Ons het nog skaars tyd gehad om die nuwe politieke stand van sake reg te verwerk,…

Waarheen is die tyd op pad? Kan jy glo ons is in die middel van die jaar? Ses maande agter ons en ses om nog te gaan. My vraag aan jou is: Hoe lyk jou beker? Kan jy soos die psalmdigter verklaar “my beker loop oor”, of voel jy leeggetap? Daardie soort leegheid waar jy nie eens weet hoe jy deur die maand gaan kom nie, wat nog te sê die volgende ses maande. Ons leef in 'n samelewing wat selfgenoegsaamheid uitbeeld en vier, en dalk voel jy soos ek 'n tyd terug gevoel het: moeg, leeg en met niks om aan iemand te bied nie. Nie vir my gesin, werk of my gemeenskap nie. My beker was leeg. Ek vra myself af wat maak 'n mens se beker so…

Alles oor magnesium Vraag DIÉ OLIE KAN MY GLO HELP Dokter, wat is die voordele van magnesium en hoe kan dit my help? Ek sukkel met hoë bloeddruk en is konstant moeg. Ek het gelees van 'n magnesiumolie wat glo help met beter slaap. Hoe werk dit? ERIN Antwoord BESTE ERIN Magnesium is 'n voedingstof belangrik vir die regulering van spier- en senuweefunksie, bloedsuikervlakke en bloeddruk, en die maak van proteïene, been en DNA. Dit speel ook 'n rol in die vervoer van kalsium- en kaliumione oor selmembrane. Dié proses is belangrik vir senuweeimpulsgeleiding, spiersametrekking en normale hartritme. Die niere beheer grootliks stabiele magnesiumvlakke (homeostase) deur daagliks sowat 120 mg in die urine uit te skei. (Dié getal daal as magnesiumvlakke laag is.) GESONDE MAGNESIUMVLAKKE • Help om hoë bloeddruk…

ENTREPRENEUR As elfjarige het Benito “Pikes” Johannes elke dag ná skool saam met sy vriend Werner Jonker by die barbershop gaan sit en dagdroom. Hulle het nie net die mooi cuts bewonder nie, maar ook planne van hul eie beraam oor hoe hulle self eendag mense mooi gaan maak. Vandag is die einste Benito, van Mamre in die Wes-Kaap, die trotse eienaar van die Backyard Barbershop, 'n mobiele barbier wat rondbeweeg na plekke waar die aanvraag hoog is, veral by die see teen die Weskus langs. Sy droom is om al hoe meer takke oop te maak en sodoende werk te skep vir die jeug in sy gemeenskap en omliggende gebiede. Wanneer jy met Benito (27) gesels, is die eerste ding wat jy oplet dat hy maar 'n man van…

NR. 289 WEN R350 KONTANT! ? VRAAG: Wie het sy geboortereg prysgegee vir brood en lensiesop? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 24 Julie 2024. SMS/R1,50. Die oplossing verskyn in die uitgawe van 15 Augustus 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 24 JULIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Hoekom radio en TV? Ek wou in my grootwordjare op TV wees, maar het nie mense wat soos ek lyk daarop gesien nie, so ek het nooit gedink dis eens moontlik nie. Ek was ook lief vir musiek, en het 'n diep konneksie met radio gevind. Ek wou deel daarvan wees. Ek het ge-jobshadow by 'n gemeenskapsradiostasie en het toe al geweet dit gaan deel van my reis wees. Ek onthou iemand het 'n briefie teen die ateljeevenster gehou met die woorde “great voice”. Dié bevestiging het my rigting gegee. Ná ek in 2010 by die Hoër Meisieskool Wynberg in die Kaap gematrikuleer het, het ek Engelse letterkunde, mediastudies en sosiale antropologie by die Universiteit van Kaapstad gaan swot en dadelik by hul kampusradio aangesluit. Ek het my opsies na…

“As ouma en oupa hul kleinkind afskeep”, 20 Junie Dis 'n euwel wat al donkiejare groot hartseer in families veroorsaak. Oumas en oupas is deeglik bewus van dié optrede. Dis gewoonlik 'n kwessie van die grootouers hou nie van een of albei van die ouers nie, dan moet die kleinkinders dit ontgeld. HELEEN STIGLINGH Dieselfde kinders wat so voorgetrek word, draai uit met slegte maniere. Hulle word blootgestel aan die idee van “ek kan alles kry wat ek wil hê“, en ouma en oupa wat so bederf, trek swaar want die bederfies raak duur. Die kleinkinders wat geen aansien kry nie, is eintlik beter af. ELZETTE ZETTY CLAASE “Craig is koersvas”, 6 Junie Geluk met jou meestersgraad, Craig Lucas. Alles wat mooi en goed is vir jou en jou musiekloopbaan.…

IN DIE NUUS Hulle eet nie. Hulle slaap nie. En hulle glo nou nog nie. Selfs die hond bly net in haar hok lê, en loer elke keer hoopvol en in afwagting wanneer die deur oopgaan. Wat Tessa, sy geliefde boxer-hond, nie kan weet nie is dat haar liefdevolle baas, Ugen Williams (17), nooit weer by die deur sal inkom nie. Of hoekom sy ma, pa en sussie so anders is nie – hulle lag nie meer nie; huil net. Sy sal nooit verstaan hoe hulle aan flarde geruk is met Ugen se skokdood toe 'n aar in sy kop gebars het, en twee beroertes daarna sy jong lewe geëis het nie. Van stukkies optel is daar hoegenaamd nog geen sprake vir dié gesin nie – die wond gaap nog…

Voel dit jy dra elke week dieselfde klere? Dis dalk makliker om onderklere en T-hemde plat te vou en bo-op mekaar in jou laaie te pak. Maar dan sien jy net die boonste item en gryp dít, eerder as om rond te krap vir wat onder lê. Om jou items vertikaal in jou laai te pak, werk baie beter: Jy sal meer ruimte in jou laai hê en jy sal ook gouer kan sien wat waar is. 2 Sukkel jy gereeld met knope wat van jou klere af loskom? Verf 'n lagie deurskynende naellak aan knope om te keer dat die gare loskom en die knoop mettertyd afval. 3 Maak jou gunstelingtrui wolletjies? Gryp jou skeermes. Rek die kledingstuk effens en trek die lem liggies oor die oppervlak om van lastige…

Man is 'n kuierleier Vraag MOEG GE-PARTY Ek en my man kuier gereeld en sommer lekker met getroude of committed paartjies. Die afgelope tyd is dit nie meer lekker nie. Ons is al in ons early 30s en ek wil nie meer elke Sondag babelas wees nie. Ons braai en kuier heeltyd, en ek wil dié roetine verbreek. Ek weet nie of my man gaan saamstem nie. Hoe approach ek hierdie topic sodat ek hom nie afskrik nie? Want hy is nogal 'n social butterfly. ANONIEM Antwoord BESTE ANONIEM In jou 30's begin kuier so 'n bietjie meer soos werk voel. In jou 20's kan jy nog met 'n babelas opstaan en loop werk en 'n vol dag hê, maar hier in jou 30's vat dit jou 'n dag of…

NR. 315 WEN R350 KONTANT! ? VRAAG: Watter aktrise is te sien as Hazel in die telenovela Skemergrond? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 24 Julie 2024. SMS/R1,50. Die oplossing verskyn in die uitgawe van 15 Augustus 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 24 JULIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Nadine stap by die winkel uit waar sy werk. Die hitte slaan van die teerpad af op en verskroei omtrent haar longe. Dit help ook nie dat dit voel asof die hele Weskus se sand vore in haar oë skraap nie. Te min slaap. Dis dae soos vandag dat sy aan haar eie sanity twyfel. Wat het haar laat dink sy kan bedags werk en saans nog genoeg energie hê om deeltyds vir 'n onderwysgraad te swot? “Pjuuut!” weerklink die wolffluit skuins agter haar. Sy gooi haar skouers agtertoe en stap vinniger. Die skollies dink seker sy sal haar aan hulle steur. “Ek-sê-ek-sê.” Haar hart slaan bollemakiesie. Dit is mos Ricardo Arendse se stem. Gemaak onverskillig loer sy oor haar skouer. Janee, daardie lenige gestalte sal sy enige plek herken.…

VOORBLADSTORIE Die hunkering na die Kaap het lank aan haar gekarring, maar die aktrise Hildegardt Whites (37) het daai planne vir eers net in haar kop geparkeer. Selfs al het haar musikant-man, Kuba Silkiewicz (38), al die afgelope twee jaar lank in die Moederstad gewoon en -werk, was die tyd net nog nie reg vir 'n radikale skuif vir haar nie. Maar toe 7de Laan laas jaar tot 'n einde kom, was dit 'n no-brainer: Dis uiteindelik tyd vir haar om te gly. Toe pak Hildegardt 17 jaar se Goudstad-herinneringe op. En toe die Moederstad haar en die sewejarige Miles op 23 Desember gulhartig met ope arms verwelkom, het daar ook 'n blinknuwe hoofstuk gewag – 'n lekker rol in die nuwe telenovela Skemergrond. Sy glo dinge gebeur soos dit…

KARRINGMELKPLAATKOEKIES MET DALGONAKOFFIEMOUSSE Lewer sowat 16 koekies BESTANDDELE Plaatkoekies 2 koppies koekmeel 2 teelepels bakpoeier 1 teeleel koeksoda ½ teelepel sout 2 eetlepels suiker 2 koppies karringmelk of amasi 2 eiers, geklits 1 teelepel vanilla essence 'n bietjie olie, vir braai Dalgonakoffiemousse 1 eetlepel kitskoffie 1 eetlepel suiker 1 eetlepel kookwater Vir voorsit stroop of heuning (opsioneel) METODE Plaatkoekies ■ Sif die meel, bakpoeier, koeksoda en sout in 'n mengbak. ■ Voeg die suiker by en meng liggies deur. ■ Klits die karringmelk of amasi, eiers en vanilla essence saam in 'n beker en giet dit by die meelmengsel. Klits tot goed gemeng en sonder klonte. Laat die beslag minstens 30 minute lank staan. ■ Verhit 'n bietjie olie in 'n nonstick-pan, skep lepelsvol van die mengsel in die pan en braai tot goudbruin aan albei kante en gaar.…

VERHOUDINGS As jy gereeld op social media is, het jy haar waarskynlik al raakge-scroll – dié pragtige jong vrou met die foutlose grimering, perfek gestileerde hare en die mooiste rokke, wat enige eetding onder die son van scratch af maak. En die klankbaan van haar meevoerende video’s is haar sagte, strelende stem wat vertel hoe sy onder meer haar eie kougom en cornflakes maak, brode bak en prentjiemooi disse aanmekaarslaan. In een van haar video’s maak sy, toe nog hoogswanger, vir haar man 'n McMuffintipe broodjie met wors en eiers. Sy maak ook goed soos replika-Oreos en -Nutella, jogurt, botter, kaas … En as sy praat van 'n peanut butter-enjam-broodjie, kan jy maar weet sy gaan dit sommer als self maak – en dít in 'n silwerskoon ontwerperskombuis. Dit laat…

NR. 237 VRAAG: Watter akteur speel Miles Morales in die nuwe weergawe van Spider-Man? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 24 Julie 2024. SMS/R1,50. Die oplossing verskyn in die uitgawe van 15 Augustus 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 24 JULIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 171 Soek al 50 woorde op die lys langsaan in die tabel hieronder. Hulle lê horisontaal, vertikaal en diagonaal. afdak badkamer balkon beddegoed beddings bedlampie blinding deurkosyn diefwering drumpel eetgerei etenstafel garage gasstoof gordyn grasperk groentetuin heining kasdeur kerse kombuis kussing lessenaar mat mengbak muur oprit plafon posbus radio rusbank skoorsteen solder spens spieël stoel stoep stort teestel televisie toilet trappe venster verwarmer vloer vuurherd waaier wasbak wasgoedlyn yskas OPLOSSING VERSKYN IN DIE UITGAWE VAN 18 JULIE 2024. SOEK VIR DIE SPELETJIENOMMER.…

MÓÉT-KYK! Anyone But You (M-Net, So. 14 Julie, 20:30) Ten spyte van 'n wonderlike eerste afspraak verdwyn Ben (Glen Powell) en Bea (Sydney Sweeney) se aanvanklike aangetrokkenheid vinnig. Wanneer hulle hulself onverwags by 'n destination wedding in Australië bevind, gee die twee voor om die perfekte paartjie te wees net om hul image te behou. KYKNET&KIE kykNET&kie is 'n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Moederhart, 8 Julie om 20:00 Ahmet trek Cemre diep in sy web van bedrog in. Muzaffer sê vir Nefise dat Emre sy houding sal verander. Met Ümit Kantarcilar, Melis Tüzüngüç en Ahmet Varli. Skemergrond, 8 Julie om 19:30 Die Louws maak almal reg vir Jasmine se terugkeer. Christine vis by Erica om meer…

Tyd. Dis die één ding wat ons dink ons baie van het wanneer ons jonk is. Maar wanneer ons die middeljarige jare instap, besef ons hoe min daarvan ons eintlik oorhet om sekere dinge te doen of te bereik. Dan raak jy angstig, soos ek nou, want my 40ste verjaardag is oor 'n maand. Ek word 40! Wat de koek? En ek is nog nie naastenby waar ek wil wees in die lewe nie. Inteendeel, daar het dinge die afgelope paar jaar gebeur wat my heeltemal ontwortel en van balans af gegooi het. Nou begin ek ál meer wonder of daai gesegde van “life begins at 40” nou eintlik waar is, want ek het geen idee hoe die tweede helfte gaan uitspeel nie. In my eerste jaar as joernalistiekstudent het…