Isolezwe 2025-11-24의 목차

UMPHATHISWA wezokuThutha KwaZulu-Natal, uMnuz Siboniso Duma, ugqugquzele ukuthi imindeni esuke idlulelwe yizihlobo ezingozini zomgwaqo, inikwe uthando. UDuma usho kanje eduze kwasesikoleni iWozani Primary, eMzumbe, ngoMgqibelo, enkonzonzweni yomngcwabo wabane, kwabayisihlanu ababhubhe engozini yomgwaqo ngoLwesihlanu olwedlule. Abebephelezelwa ngoMgqibelo, abayizihlobo, bekukhona uNkk Nonhlanhla "MaMthembu" Nkomo (65), Mnuz Nqobile Mthembu (29), Lulonke Mthembu (4) noNolwandle Hadebe (3). U-Ezendalo Msomi (3) ongcwatshwe ePinetown, ngoLwesihlanu. Babhubhe ngoNovemba 14, kushayisana izimoto iSuzuki Dzire neToyota Rumion emgwaqweni onguthelawayeka uN2 eMzumbe. “Akukho okunye esingakwenza ngaphandle kothando. Asikwazi ukukholwa ukuthi kunabantu abalalelwe amabhokisi ayisihlanu kanyekanye,” kusho uDuma. “Kuye kube khona imibuzo yokuthi ithini imininingwane ngengozi. Abezindaba bebuza ukuthi kwenzekeni. Kwesinye isikhathi kuye kufanele ukuthi ngisho ukuthi ubani okade enze okungafanele, ubani obenza okufanele.” Uthe nakuba kunjalo ngeke kwehle kahle uma esekhonjwa eduze lowo owenze okungafanele. “Ngeke kube ubuntu lokho. Yingakho…

UMBUTHO wamaphoyisa aseNingizimu Afrika (SAPS) usuvulele ithimba lezishoshovu ezilwa nabokufika abalapha ngokungemthetho, i-Operation Dudula, amacala amaningi ngemuva kwesiphithiphithi ngaseJohannesburg Expo Centre, lapho uMengameli uCyril Ramaphosa nabaholi bomhlaba bebebuthene khona engqungqutheleni iG20 ngempelasonto. AbeDudula naboMkhonto weSizwe Party (MKP) bagasele lapho bekuhlangenwe khona, bafuna ukukhuluma ngenkani noRamaphosa nabanye abaholi abebevela kwamanye amazwe. Okhulumela amaphoyisa, uBrigadier Athlenda Mathe, uqinisekise ukuthi amalungu eDudula amabili akhalelwe ngamasongo kaSigonyela ngoMgqibelo. “Sibone abantu abebengamaqoqwana befuna ukudlulisa izikhalo zabo ebuholini. Umbhikisho ugcine ungasalawuleki, abeDudula bengena ngodli lapho bekuhlanganelwe khona. Babuye bazama ukuvala imigwaqo uBaragwanath noNasrec ebeyisetshenziswa ngabaholi nezinye izicukuthwane," kuchaza uBrigadier Mathe. Uqhube ngokuthi, kuleso simo sababhikishi abebengasalawuleki kukhona abagcine sebeboshwa. “Amadoda amabili eneminyaka engu-48 nenengu-54 aboshiwe. Siwabeke amacala odlame emphakathini, elokushaya iphoyisa ngoba ngesikhathi abeDudula bezama ukubuyela ekhoneni lezikhulumi, bebejikijela izinto, bafafaza amaphoyisa ngokuthile. Lokhu kuphethe ngokuthi…

UNGASE kuphoqe ukuthi AmaBhokobhoko awugijime ngesikwati ''esizacile'' umdlalo wokusonga unyaka neWales ngempelasonto ezayo, kulandela ukuvela kokuthi kawukho ngaphansi kwekhalenda elilawula imidlalo yama-test ombhoxo kwi-International Rugby Board (IRB). NgoMgqibelo ebusuku, AmaBhokobhoko aqhubekile nokukhumbuza umhlaba ukuthi kuseyiwona omakhonya ngokunqoba ngo 24-13 kwi-Ireland e-Aviva Stadium, eDublin, nomqeqeshi wawo. uRassie Erasmus wakhuluma sakukloloda kwabamngabazayo. Bekungokokuqala eminyakeni engu-13 AmaBhokobhoko enqoba kule nkundla yase-Ireland. Umdlalo woniwe yinqwaba yamakhadi aphuzi nhlangothi zombili kodwa okuhlale obala wukuthi AmaBhokobhoko abengcono kuzona zombili iziwombe. Yize injabulo iphezulu ekhempini yamaBhokobhoko kulandela "ukuvaleka komkhokha" wokungawini eDublin kodwa umdlalo weWales ngoMgqibelo, ungase ugijinywe ngesikwati esingaqinile. Umdlalo wamaBhokobhoko neWales kawukho ngaphansi kwekhalenda elivulelwe imidlalo yama-test okwenza amaqembu angaphoqeleki ukudedela abadlali. Ngokwemibiko ye-Rapport, uRassie Erasmus oqeqesha AmaBhokobhoko angase alahlekelwe ngabadlali abasemabhukwini amaqembu ase-Europe, okubalwa kubona uThomas du Toit (Bath), Boan Venter (Edinburgh) noRG Snyman (Leinster).…

ONGUMQONDISI weMphehli All Stars engompetha besifundazwe iSafa KwaZulu-Natal Sasol League, uDumisani Thusi, uthe kuyabajabulisa ukuya ngokuya lifezeka iphupho labo lokubona leli qembu lidlala esigabeni esikhulu sebhola labesifazane eNingizimu Afrika. UThusi ukusho lokhu engxoxweni abenayo neSolezwe ngemuva kokuba ezakhe zidle umhlanganiso kumaPlay-Offs esifundazwe eSafa KZN Sasol League abedlalelwa KwaMsane Sports Complex, eMtubatuba, ngempelasonto. Kule midlalo eqale ngoMgqibelo yasongwa izolo, bekudlala amaqembu amathathu abengompetha kuStream A, B no-C weKZN Sasol League okuyiLindelani Ladies, Newcastle Chess, ne-All Stars. I-All Stars iguqise iChess ngo 2-0 kowokuqala, yadlala ngokulingana ngo 0-0 neLindelani izolo. Lokhu kwenze yaqeda le midlalo yokuhlunga ihamba phambili ngamaphuzu amane, yakhala yemuka nesicoco sesifundazwe seSasol League. “Njengeqembu eliqalayo ukudlala kwiSasol League, le mpumelelo isho lukhulu kithina njengeqembu ngoba kancane kancane liya ngokufezeka iphupho lethu leminyaka emithathu lokubona leli qembu lidlala esigabeni seHollywoodbets…

QEMBU lesicathamiya eligabe ngezindondo ezinhlanu zamaGrammy, iLadysmith Black Mambazo, lizokhipha inqophamlando ye-albhamu entsha eliyenze ngokuhlanganyela noMbuso Khoza noNduduzo Makhathini ngesonto lokuqala kuDisemba. Le albhamu, i-One World, One Voice, phambilini kwakuthiwe izophuma ngo-Okthoba, kodwa yabuye yabambezeleka. Ngempelasonto, iMambazo ibiqhuba umjikelezo wayo wamakhonsathi ePlayhouse, eThekwini, ngoMgqibelo nayizolo. Izwise abalandeli ingoma efolosa ngayo kwi-albhamu ethi You Make Me Happy. Omunye wabacula phambili, uSibongiseni Shabalala, unxuse abantu ukuthi babeseke ngokuyilalela ezinkundleni zomculo za-online futhi balindele ne-albhamu. Imenenja yeqembu, uXolani Majozi, ithe izophuma ngesonto lokuqala kuDisemba. “Sihlele ukuthi sibe sesenza umjikelezo noMbuso noNduduzo yingakho bengekho kulo mcimbi ngoba lona ngowokugubha iminyaka engu-65 kwasungulwa iMambazo. Ngesikhathi iqembu ligubha iminyaka engu-60, sathatha isinqumo sokuthi minyaka yonke selizoba nomjikelezo ezweni ukuze lixhumane nabalandeli,” kusho uMajozi. Baqale eGoli ngoMeyi, badlulela eKapa ngo-Okthoba, njengoba bebeseThekwini nje. NgoNovemba 29 nangomhlaka 30,…

LUZOPHENYWA ngoKlebe olwezinsolo zendodakazi endala yomholi weqembu i-MK Party, uMnuz Jacob Zuma, uNkk Nkosazana Bonganini Zuma-Mncube, evulele udadewabo icala, uNkk Dudu Sambudla-Zuma nabanye ababili ebasola ngokulutha abesilisa abangu-17, abavaleleke eDonbas, emngceleni weRussia ne-Ukraine, okuthiwa balwa impi ephakathi kwala mazwe. Esitatimendeni esisabalele ezinkundleni zokuxhumana izolo, uNkk Zuma-Mncube uvulele udadewabo, uNksz Siphokazi Xuma kanjalo noMnuz Blessing Khoza amacala athinta ukushushumbiswa kwabantu, athinta ukusiza umbutho wezempi wakwamanye amazwe nelenkohlakalo. Ulivule esiteshini samaphoyisa iSandton, ngoMgqibelo. Uthe laba abayamaniswa neqembu i-MKP, baluthwa ukuyolwa ngaphandle kwemvume kanti kumanje babhajiwe, abakwazi ukubuyela kuleli. “Ngokubuswa unembeza nokubona ukuthi kumele ngenze okufanele, ngivulele uNkk Duduzile Zuma- Sambudla, Siphokazi Xuma noBlessing Khoza amacala athinta ukushushumbiswa kwabantu, athinta ukusiza umbutho wezempi wakwamanye amazwe nelenkohlakalo. Kulaba besilisa abangu-17, abayisishiyagalombili amalungu omndeni wami kanti bayengwa ukuyolwa impi e-Ukraine. Babengazi futhi abazange bavume,” kusho…

HEZU kunokukhala ngokuthi inkulu imali esetshenziswe emhlanganweni wezinsuku ezimbili wamazwe ayingxenye yeG20 osongwe eGoli, izolo, kodwa uNgqongqoshe wezeziMali, uMnuz Enoch Godongwana, uthe akungabhekwa imali esebenzile kepha kugxilwe kwinzuzo eza nalo mhlangano kuleli. UGodongwana uthe lo mhlangano wenze okukhulu njengoba uzoheha abatshalimali ngenxa yokuthi bekugatshiswa ngezwe. "Ube yimpumelelo lo mhlangano, ubeke elakuleli ebalazweni lomhlaba. Uzokwenza abatshalimali bafune ukuza kuleli. Akusizakalanga kuphela elakuleli njengoba bekungokokuqala ubanjelwa kulona kodwa uzosiza nezwekazi i-Afrika," kusho uGodongwana izolo, ekhuluma nabezindaba emva kokusongwa kwalo mhlangano. Usho lokhu nje, usihlalo wekomiti elibhekele ukwabiwa kwemali ePhalamende, uMnuz Mmusi Maimane, uthe bafuna ukwazi ukuthi malini esebenze kulo mhlangano. UGodongwana usanda kumemezela ukuthi kunemali engu-R100 million, ayengeze esabelweni sokulungiselela lo mhlangano. UMnyango wezoBudlelwano namazwe omhlaba, wawuveze ukuthi udinga u-R700 million, ukuhlelela lo mhlangano. Uthe ukungabi khona kweMelika akuzange kube nomthelela ekutheni…

XWAYISE ngokunyuka kwezikweletu ezibhekene namazwe asathuthuka, uMengameli Cyril Ramaphosa, evala umhlangano wabaholi bamazwe ayingxenye yeG20 eGoli, izolo. URamaphosa uthe kudingeka asekwe amazwe asathuthuka abhekene nale ngwadla emhlabeni. "Ukhukhula kwezikweletu yinto ebeka engcupheni uzinzo emnothweni wala mazwe. Imali ekhokhelwa izikweletu idlula ngisho imali okukhula ngayo umnotho. Lokhu kungenza la mazwe agcine engasakwazi ukukhokhela izikweletu," kusho uRamaphosa. Unxuse abaholi bamazwe abekulo mhlangano ukuthi baseke amazwe adonsa kanzima baphinde batshale imali ukuze athuthuke. Elakuleli lihlale likhala ngokunyuka kwemali ekhokhelwa izikweletu. Kulo mhlangano kubhungwe ngezinto eziningi okubalwa ukuguquguquka kwesimo sezulu, ezemfundo, ezempilo, ukuthuthukiswa komnotho, ezithinta ugesi nezinye izindlela ezingasetshenziswa ukungangcolisi umoya ngenxa yokusetshenziswa kwezinto ezilimaza imvelo uma kuphehlwa amandla kagesi, izinhlekelele eziba khona nezinye. "Ezinye zezinto ezibalulekile ngukuthi kuliwe nenkinga yendlala ebhekene namazwe ahlukene. Indaba yokungalingani emazweni ngezinye zezinto eziseqhulwini okumele kubhekwane nazo," kuqhuba…

BACULI bokholo abasanda kungenisa kulo mkhakha yibona abenze ezibukwayo emcimbini amaSABC Crown Gospel Music Awards, e-ICC, eThekwini, izolo. Kulo mcimbi obukhuza ibuya KwaZulu-Natal, emuva kweminyaka, uMusa Yende noMnqobi Nxumalo yibona abathole izindondo ezingaphezu kweyodwa. Kunandise kuwo abaculi abanohlonze okubalwa kubo inkakha uDkt Derrick Nzimande, Jabu Hlongwane, Londiwe Sphe Nxumalo, Sindi Ntombela, Mam Faith Khanyile nabanye. Intokazi esencane uMusa Yende ikhale yemuka nezindondo ezimbili okukhona kuyo ebalulekile uma usafika endimeni yomculo. Uthole indondo yeBest Newcomer waphinde wahlabana ngendondo yeBest Collaboration engomeni ethi Amandla Amasha apike kuyo insizwa yaseMpumalanga eyazakhela igama ohlelweni ama-Idols SA, uBrenden Praise. UMnqobi naye ukhale wemuka nezindondo ezibalulekile okukhona kuzo iBest Album neBest Song Writer. Inkakha yomculi wase-Eastern Cape owazakhela igama ngeminyaka yama90s, uLusanda Mcinga, ihlonishwe ngendondo yeLifetime Achievement Award. UMbhishophi uMpendulo Nkambule okunguye umdidiyeli omkhulu wemiklomelo, ubonge…

MDLALI omusha weMamelodi Sundowns odabuka ePortugal, uNuno Santos, uthuswe yisivinini asheshe wajwayela ngaso indlela yempilo kuleli qembu laseChloorkop nebhola laseMzansi. Emidlalweni emithathu kaSantos kwiCaf Champions League, useshayele iSundowns amagoli amathathu, wakhela ozakwabo amanye amabili. Kube wubuqhawe bakhe lo mdlali ofike eNingizimu Afrika ngoSepthemba, obubeke iSundowns ebuhleni ku-Group C weChampions League ewuvule ngokudedela isibhaxu sika 3-1 kwiSaint Eloi Lupopo yaseDemocratic Republic of Congo (DRC) ngoMgqibelo, eLoftus Versfeld Stadium, ePitoli. Elinye igoli leSundowns lishaywe nguMarcello Allende. Ngesikhathi lo mdlali ekhuluma nabezindaba emuva kwalo mdlalo, uthe naye ubengazi ukuthi izinto zizoshesha ngale ndlela ukujwayeleka eMzansi. “Kungethusile kwamina ukushesha kwami ukujwayela kwiSundowns kodwa konke kulele ekubeni nenhlanhla yokuwela eqenjini elihamba lodwa ngokwamukela abadlali abangewona umsinsi wokuzimilela eNingizimu Afrika. Benginomunye umqondo ngebhola laseNingizimu Afrika ngaphambi kokuba yingxenye yalo kodwa sengibona ngendlela eyehlukile kunaphambilini. “Kunzima ukukhuluma…

TUSE ubumbano nokuzinikela kwabadlali beKingdom Stars kwiTelkom Netball League (TNL) umqeqeshi, uNompumelelo "Mpume" Mthembu, okhale wemuka nomklomelo we-Coach of The Year emcimbini weKZN Netball Awards obuseBON Hotel, eMpangeni, ngoMgqibelo ebusuku. UMthembu uhole amaStars adla umhlanganiso kwi-Division B, abuyela kwiDivision A kwiTNL ka-2025. Ngalokhu ubuyise isithunzi seKwaZulu-Natal kwazise ukwehlela esigabeni esiphansi kwaleli qembu bekusho ukuthi womabili awakulesi sifundazwe asedlala kuDivision B kwazise neKingdom Queens idlala kusona lesi sigaba. Ngaphandle kokupheka amaStars okuyiqembu lesifundazwe, uMthembu uqeqesha iZiphozonke kwiKZN Netball Super League. "Ngiyajabula kakhulu ngalo mklomelo engiwutholile. Besinesifiso esisodwa sokubuyisela iqembu kuDivision A. Akekho obedonsa abheke kwenye indawo, besidonsa sibheke ndawonye. Nakuba bekukhona ukushayisana okuyinto eyenzekayo uma amantombazane endawonye kodwa besikulungisa lokho, siqhubeke sibheke phambili. Kusisizile ukuthaka iqembu ngabadlali abanamava nabasebancane. Abadlali abadala benze umsebenzi omkhulu eqenjini wokulungisa ezinye izinto ngisho singekho thina…

OWAYENGUMENGAMELI wezwe, uMnuz Jacob Zuma, uzofongqa isingqoko eNkantolo eNkulu yaseGauteng, ePitoli, ngoDisemba 1, ngenhloso yokuthola imvume yokudlulisa isinqumo sokuba akhokhe u-R28.9 million. Ngenyanga edlule, le nkantolo inqume ukuthi uZuma abuyise imali yezindleko eyakhokhwa wuMbuso ngenkathi equliswa amacala okunukwa ngenkohlakalo eminyakeni edlule. Ngaphambilini, iJaji u-Anthony Millar, liyalele uZuma ukuthi akhokhe le mali isihambisana nenzalo eHhovisi laBameli boMbuso. Kodwa-ke ithimba labameli bakaZuma bakuvezile ngemuva kwesinqumo ukuthi udaba bazoluqhuba, njengoba bemi kwelokuthi uZuma usejikelwa aboMbuso abebezibophezele ukukhokha izindleko zakhe. Ummeli kaZuma, u-Advocate Thabani Masuku, utshele inkantolo ngenyanga edlule, ukuthi kuyamangaza ukuthi iHhovisi likaMengameli nelaBameli boMbuso yibona abebevikela uZuma bethi akangakhokhiswa kepha manje sebeyamcindezela. UZuma ubenikwe izinsuku ezingu-60 ukuba akhokhe, kwathiwa uma kungenjalo kuzodliwa impahla nengxenye yempesheni yakhe ukuze kubuye imali ayikweletayo. Ijaji layalele iHhovisi laBameli boMbuso ukuba libike enkantolo ngencwadi efungelwe emva kwezinyanga…

UNGQONGQOSHE eHhovisi likaMengameli, uNksz Khumbudzo Ntshavheni, usephawulile ngesinqumo se-United States of America (USA) sokuhoxisa i-visa yowayenguNgqongqoshe wezoBudlelwano Bamazwe uDkt Naledi Pandor, wathi akubahluphi ukuhoxiswa kwe-visa yakhe. UNksz Ntshavheni ubekhuluma ngalokhu engqungqutheleni yeG20 eNasrec Expo Centre, eGoli, izolo. Uthe ukuhoxiswa kwe-visa kaDkt Pandor yinto engathi shu, engenziwa yinoma yiliphi elinye ilizwe uma lithanda. “Ngisho kungathiwa bahoxisa eyami i-visa, kulungile. Ngeke ngiye eMelika. Empeleni iningi lethu kaliyi eMelika kepha sisuke siya emihlanganweni ye-United Nations,” kwengeza uNksz Ntshavheni. UDkt Pandor uthe uthole i-email emfishane evela koyinxusa laseMelika imazisa ngokuhoxiswa kwe-visa, ngaphandle kokuchaza ngesinqumo ukuthi kufinyelelwe kanjani kuso. UDkt Pandor uthathe umhlalaphansi ngonyaka odlule futhi ubeseka kakhulu iPalestine. Ubengungqongqoshe ngesikhathi iNingizimu Afrika iqala ivulela i-Israel icala lokuqothwa kwabantu ngokobuhlanga, okuyisinyathelo esiphikiswe uhulumeni waseMelika. Ukuphucwa kukaDkt Pandor i-visa kuhambelana nokushuba kwesimo phakathi kwala mazwe womabili,…

BANTU baseNewcastle namaphethelo baphume ngobuningi babo ukuzozitika ngedili lomculo wokholo i-We Lift Him Higher Gospel Music Experience eNewcastle, Farmer's Hall, ngoMgqibelo. Bewubona ngoxhaxha lwezimoto zohlobo oluphambili ukuthi lukhulu olwenzeka kule ndawo. Umcimbi uqale ngesikhathi ngenxa yokuthi izithameli zisigcinile. Nabaculi abebeboshelwe kule ndumezulu yomcimbi bafike ngothi lwabo, akekho oxolisile. Kunalokho, izithameli zize zabhanselwa nangabanye abaculi okubalwa kubo uThuli Mngomezulu waseMnambithi, naye ongaphoxanga. Emuva kwale ntokazi, kube sekungena "osingaye". Kuqale uMpumi Mtsweni ongene ngengoma ethi Nang' uMthokozisi. Izithameli zisukume zama ngezinyawo maqede zaphakamisa izandla umlibe esecula ingoma ayicula kwiSpirit of Praise ethi Thath' Indawo Yakho. Uzigeze ubebebe esegwaba nezihlwele phansi, kukhona nabebezishutha naye. Beyiphekwa ngomhluzi wenye kwazise ubengekho obephethe uhlelo. Umculi ubethi edilika esteji, kube kungena omunye. Beyingekho le nto evamise ukwenzeka kweminye imicimbi lapho izithameli zilinda ijuba likaNowa, abaculi sebengasabonwa nangakhalo.…

KAIZER Chiefs izifake obishini ngokulahla amaphuzu emdlalweni wokuqala wesigaba samaqoqo kwiCaf Confederation Cup yehlulwa yi-Al Masry yase-Egypt eSuez Canal Stadium, e-Egypt, izolo ebusuku. Inkundla ivulwe nguBonheur Mugisha ngephenathi esiwombeni sesibili ngaphambi kokuthi uDillan Solomons ashayele iChiefs elokulinganisa. Umdlalo usuyophela, uMohamed Hashem ushaye igoli lokuwina leMasry. Ukuhlulwa kweChiefs emdlalweni wokuvula kuyifaka ingcindezi kwazise sekumele isebenzele ukuqoqa amaphuzu emidlalweni ezolandela kuGroup D. NgeSonto izokwamukela elinye iqembu lase-Egypt, iZamalek emdlalweni ozoba seFNB Stadium, eNasrec. Amakhosi ayiqala ngebatha nje imidlalo yamaqoqo, bekunethemba lokuthi kukhona azobuya nakho e-Egypt kulandela ukuzikhandla ezifaka kulesi sigaba. Emdlalweni wayizolo, yize ingekho iminyakazo ethusayo eqhamuke neqembu lasekhaya esiwombeni sokuqala kodwa kuze kwayiwa ekhefini kubukeka sengathi Amakhosi asenkingeni. Abeqala la maqembu ukubhekana emqhudelwaneni weCaf obekwenza iChiefs iwudinge nakakhulu umphumela kwazise yagcina ukudlala e-Afrika ngomdlalo wamanqamu weCaf Champions League ne-Al Ahly nayo…

MDLALI waphambili wamaBhokobhoko, uMalcolm Marx, uhlule ozakwabo kuleli qembu lesizwe elingompetha bomhlaba ngesikhathi eqokwa njengomdlali ovelele, iWorld Rugby Player of the Year kule sizini kwabesilisa kwi-International Rugby Board (IRB). Ngempelasonto edlule, i-IRB ihlomulise abenze kahle kule sizini esiyela ngasemaphethelweni okuyilapho kugqame khona oMarx, Fabian Holland waseNew Zealand noSantiago Pedrero waseChile. UHollande (23) ugoduke ne-Breakthrough Player of the Year, kwathi uPedrero wadla owe-Try of the Year. UMarx (31) ubengaqali ukuqokwa kulo mklomelo, ubesenkundleni ngoMgqibelo ngesikhathi AmaBhokobhoko enqoba ngo 24-13 kwi-Ireland ngoMgqibelo ebusuku, e-Aviva Stadium, eDublin. Emuva komdlalo, uMarx unikwe umklomelo wakhe obuqinisekisa ukuthi ugcine ehlabene ngawo. Wayeqokelwe kuwona eminyakeni eyisikhombisa edlule kodwa wakhala ngaphansi. Ukugoduka kukaMarx nalo mklomelo kumfaka ohlwini lwabadlali baseMzansi abanomlando okhethekile wokuba ngovelele emhlabeni okukhona kubona uPieter-Steph du Toit osewuphinde kabili, Schalk Burger noBryan Habana. Ubumqoka bukaMarx bebusobala…

I-KAIZER Chiefs izicijele uhambo lwase-England ngokubhudluza iChippa United emdlalweni weDStv Diski Challenge eWestbourne Oval, eGqeberha, ngoMgqibelo. Amakhosi anqobe ngo 5-1 wamagoli kaManqoba Ozoemena (amabili), Thulani Mabaso (amabili) nelikaKamogelo Malefo. Kusasa, iChiefs izofulathela iNingizimu Afrika njengoba iyodlala imidlalo namaqembu ahlukene abaneminyaka engaphansi kuka-21 ase-England. Kulolu hambo lwezinsuku ezingu-11 oluyingxenye yomklomelo wokuwina iligi yeDiski ngesizini edlule, iChiefs izodlala neManchester United (Novemba 28), Leeds United (Disemba 2), ivale ngeQueens Park Rangers ngoDisemba 6. Ngaphezu kwalokho, abadlali baMakhosi bazovakasha enkulisa yeManchester United neyeLiverpool ngaphambi kokubuya eMzansi. IChiefs izothatha lolu hambo ishayela phezulu kulandela ukuwina imidlalo emibili yakamuva. Ngaphambi kokuxebula iChippa, yehlule i-Orlando Pirates esesicongweni se-log yeDiski, ngo 2-0 emdlalweni wabakhaya ngesonto eledlule. Ngokuya e-England, iChiefs izolandela ezinyathelweni zamanye amaqembu aseMzansi okuyiSuperSport United neStellenbosch awine isicoco seligi yeDiski kumasizini adlule. Nakuba lilikhulu isasasa ngokuya e-England…