Idees January 2016의 목차

rd elke Sondag van 10 vm. tot 3 nm. gehou op die Lourensford-wynlandgoed in Somerset-Wes. Daar is meer as 70 stalletjies wat enigiets van vars produkte en internasionale cuisine tot handgemaakte lekkernye verkoop. Lê weg aan geskroeide tuna, Libanese smulkos, kaaskoek en Italiaanse roomys en snuffel dan rond vir handgemaakte leerhandsakke, juweliersware en kunswerke. Daar is ook lekker vermaak en musiek. Besoek lfhm.co.za of facebook.com/ lfharvestmarket vir meer inligting. is ’n artisan-kos-en-wynnagmark met lekker vermaak wat van 5 nm. tot 9 nm. op die laaste Donderdag van die maand by die Southdownswinkelsentrum in Centurion gehou word. Daar is 30 stalletjies wat die heerlikste kos vir alle ouderdomme verkoop. Meer inligting gaan na facebook.com/thestallmarket. Tot 12 Januarie Die Myth Bustervakansieprogram by die Sci-Bono Discovery Centre in Johannesburg verskaf antwoorde op ’n…

DEEL JOU NUUS! Nuwe winkels & handwerk: Dala Watts (dala.watts@media24.com) Kosnuus: Louisa Holst (ideasmagazinefood@gmail.com) Dekor- en modenuus: Carin Smith (carin.smith@media24.com) WEGNEEM-INKLEURBOEK The little book of calm colouring deur David Sinden en Victoria Kay (R133, Pan Macmillan) is draagbare ontspanning! Min dinge klop die meditatiewe eienskappe van inkleur om stres en angs te verlig. Dit kalmeer ook die stressentrum van die brein sodat ons kan ontlaai en ’n bietjie pret kan hê. Met dié sakgrootte boekie kan jy nou jou inkleurterapie met jou saamneem waar jy ook al gaan. STRANDSTYL Kyk wat het uitgespoel aan die Suid-Afrikaanse kus! Salt Water Sandals kom uit die VSA en word van sagte leer gemaak – hoe meer jy dit dra, hoe meer pas dit by die vorm van jou voete aan. Boonop word dié…

Maak: 6-8 Bereidingstyd: 20 minute Gaarmaaktyd: omtrent 1 uur JY BENODIG › 2 groot eiers › 1 groot eierwit › 105 g (125 ml) suiker › 60 ml gesmelte botter, afgekoel › 45 ml melk › 45 g (80 ml) koekmeel, gesif › sonneblomolie vir braai › roomys, om voor te sit JY BENODIG OOK › ’n stuk stewige karton › kleeflint › skoon teedoek › klein sopieglasies 1 Klits die eiers, eierwit en suiker saam. 2 Voeg die gesmelte botter en die melk by. 3 Voeg die meel en ’n knypie sout by en klits dit tot die beslag glad is. 4 Sny die karton in ’n sirkel en rol dit in ’n kegel wat soos ’n roomyshorinkie lyk – dit is die vorm wat jy gaan gebruik. Plak…

JY BENODIG › 1 liter bessiegeur-roomys › 1 liter vanieljeroomys › 1 tuisgebakte of gekoopte rolkoek › 6 groot eierwitte (teen kamertemperatuur) › 400 g (460 ml) strooisuiker › 2 ml suurlemoensap Genoeg vir: 8 Bereidingstyd: 45 minute, plus vriestyd Baktyd: 5 minute Oondtemperatuur: 240 °C 1 Laat die bessieroomys ’n tydjie buite die vrieskas staan om effens sagter te word. Voer ’n ronde glasbak met kleefplastiek. Skep die bessieroomys in die bak en sit dit terug in die vrieskas. 2 Wag tot die bessieroomyslaag ferm voel bo-op en skep dan die vanieljeroomys, wat jy ook effens laat sag word het, bo-op. 3 Sny die rolkoek in skywe van 2 cm dik en pak dit op die roomys in die bak. Sit dit oornag in die vrieskas. 4 Klits die…

Maak: omtrent 15 Bereidingstyd: 10 minute, plus droogtyd JY BENODIG › 105 g (125 ml) suiker JY BENODIG OOK › hart- of koepelvormige silikoonvorms 1 Meng die suiker en 5 ml water in ’n bak. 2 Roer dit tot dit ’n eweredig krummelrige mengsel vorm. 3 Druk die suikerkrummels vas in ’n silikoonvorm en druk dit af met ’n spatel om seker te maak die suiker is styf ingedruk. Laat dit oornag staan om droog te word. Druk die suikervorms die volgende dag versigtig uit die silikoon.…

Genoeg vir: 4-6 Bereidingstyd: 1 uur, plus rustyd JY BENODIG › 500 g (920 ml) witbroodmeel › 5 groot eiers › vars pietersielie › klein basilieblaartjies JY BENODIG OOK › ’n pastarolmasjien 1 Plaas die meel in ’n bak en meng 5 ml sout daarby. Maak ’n holte in die middel en breek die eiers in die holte. Gebruik jou vingerpunte om die meel stadig by die eiers in te meng tot dit begin saamkom en ’n klont deeg vorm. Keer dit uit op ’n werkoppervlak wat liggies met meel bestrooi is en knie dit tot die deeg glad en elasties is. Bedek die deegbol met kleefplastiek en sit dit vir ’n uur eenkant om te rus. Verdeel dan die deeg in vier stukke. Druk elke stuk plat en rol…

TEGNIEKE ’n Lekker manier om hierdie tegnieke onder die knie te kry is om eers op ’n stuk waspapier te oefen. Só kan jy die versiersel oor en oor gebruik. Kyk wat die beste vir jou werk in terme van hoe jy die spuitsak vashou, of jy kloksgewys of antikloksgewys werk, hoe om druk toe te pas en wanneer jy die druk moet verminder. Op bladsy 54 gee ons ’n resep vir botterversiersel. DIE VIER BASIESE VERSIERSPUITE MET ’N DRUKBEWEGING  1 Hou die spuitsak teen ’n hoek van 90 grade omtrent 1 cm bo die bokant van die kolwyntjie. Begin die versiersel liggies druk. 2 Vermeerder die druk terwyl jy die spuitsak stadig boontoe trek en die versiersel toelaat om van die binnekant af te ‘vul’. Die ster- en Franse…

Genoeg vir 10 Bereidingstyd 30 minute, plus afkoeltyd Baktyd 1 uur 20 minute Oondtemperatuur 110o C › 250 g semelkoekies, fyngedruk › 70 g botter, gesmelt VULSEL 500 g Lancewood Full Fat Plain Cream Cheese, teen kamertemperatuur › 150 g strooisuiker › fyngerasperde skil van 1 suurlemoen › 50 ml mielieblom › 375 g Lancewood Cultured Cream › 3 groot eiers › 5 ml vanielje-ekstrak › ekstra skil vir garnering 1 Meng die koekiekrummels met die gesmelte botter en druk dit onderin ’n gesmeerde en gevoerde veerklamppan van 22 cm vas. Bak dit vir 20 minute in die voorverhitte oond. Haal dit uit die oond en laat dit eenkant afkoel. Plaas ’n bakplaat in die oond sodat dit verhit. 2 Vulsel Klop die roomkaas tot dit glad is. Meng die…

JY BENODIG › blikbekers › voegbry of sement › stukkies plastiek- of staalpyp, groot genoeg om ’n kers te hou › kerse Maak die voegbry of sement aan. Roer net genoeg water by die voegbry- of sementpoeier om ’n gladde, slap pasta te vorm – amper soos jogurt. Meng genoeg vir die aantal bekers wat jy wil vul. Skep die aangemaakte voegbry of sement in die bekers. Moet dit nie tot bo volmaak nie, net soos ’n lekker koppie koffie wat jy skink, want jy moet nog plek maak vir die stuk pyp wat jy daarin gaan druk. Neem nou die plastiek- of staalpyp en sny of saag dit sodat dit net mooi gelyk met die beker se rand is as dit regop staan. Druk die pyp in die middel…

Weef vir ’n ou stoel ’n splinternuwe sitplek in twee kleure. JY BENODIG › stoel met ’n oop sitplek (sowat 40 x 30 cm) › 30 m donkerblou sintetiese koord › 10 m ligblou sintetiese koord › katoentou › groot sakgoednaald Begin deur die punt van die donker› blou koord aan die voorkant van die sitplekraam vas te bind. Die knoop word gemaak deur die kort punt oor en onder die lang punt van die koord om te draai en dan twee keer om die gedeelte onderkant die eerste draai. Trek die knoop styf. Bind ’n dubbele lengte katoentou dwarsoor die bo› en onderkant van die sitplekraam, soos in stap 3 gesien kan word. Plaas die blou koord 1,5 cm van die binnekant van die raam af. Begin om die…

1 (mindfulness journal): Kies ’n stewige joernaal met ’n leeromslag waarin jy al jou gedagtes kan neerpen. Bind ’n leerriempie om die boek waaronder jy ’n pen kan glip sodat jy dit byderhand het in ’n oomblik van inspirasie. 2 Hiervoor benodig jy mooi papier, interessante ponse, washi-kleeflint, fotohoekies, plakboekversierings, ’n handwerkmes en snymat, om maar ’n paar dinge te noem. Die meeste handwerkwinkels asook PNA, CNA en selfs Game verkoop plakboekbenodigdhede. Bêre alles in fotosakkies in ’n lêer sodat dit mooi bymekaar is wanneer jy dit nodig kry. 3 Vir baie mense is ’n sketsboek die beste manier om te vertel wat die dag gebeur het. Versier jou sketsboek se voorblad met mooi krabbels of laai ons s’n af by ideasmarket.co.za. wenk Laai nog plakboekversierings af by ideasmarket.co.za.…

Ek het so ’n rukkie gelede my oorlede moedertjie se vanity-kissie mooigemaak. Die koerant, ’n Landstem uit 1959, was tussen haar goedjies gewees, so ook van die versierings bo-op. Aan die binnekant is ’n skrywe van my pa (wat in 2008, ’n jaar ná haar, oorlede is) uit die tyd toe hulle in die Transkei gewoon het in 1960. Binnekant is ook haar ou handskoentjies en my pa se pyp. Elna Myburgh (Facebook) En daar doen julle dit weer. Puik. Die ‘Delftblou’-artikel in jul November 2015-uitgawe was net betyds, want ek maak nou my eethoekie delftblou. Ek is klaar besig om ’n tafeldoek te hekel, ek gaan beslis daai Hollandse huisieboksie maak én die plekmatjies, en, en … Dankie vir die beste tydskrif. Doen so voort. Nou wag ek vir…

Amelia-huis lyk yslik op die webwerf: groot, oop ruimtes, ’n hoë plafon, ’n baie imposante kandelaar en die allermooiste wenteltrap ooit. Die voordeur is ’n volle drie meter hoog en skuif jy die dubbeldeure oop, kan die gesin buite op ’n heerlike groot stoep braai terwyl jy met die mense binne gesels. Daar aangekom, sien jy dit is ’n meesterstuk in spasiegebruik. Alles is nog net so mooi, maar net op heelwat kleiner skaal as wat jy jou voorgestel het. Met die slim gebruik van ’n klein grondoppervlak het jy ’n ruim leefruimte wat heelwat ruimer lyk omdat die plafon so oop en hoog is. Met haar werk vir die Verenigde Nasies as bedryfsinspekteur en projekkoördineerder van streeksvlugte vir die International Civil Aviation Organization (ICAO) in Botswana is Suzette altyd…

JY BENODIG › 1 hoeveelheid witbrooddeeg (of gebruik die resep vir die broodmandjie op bladsy 42) › 10 knoffelhuisies, fyngedruk › 60 ml olyfolie › 2 takkies vars roosmaryn › 250 ml gerasperde beleë cheddarkaas Maak: 1 brood Bereidingstyd: 45 minute, plus rystyd Baktyd: 1 uur Oondtemperatuur: 190 °C 1 Maak die brooddeeg aan en sit dit eenkant om te rys tot dit in volume verdubbel het. Knie die deeg af en verdeel dit in vier stukke. 2 Rol ’n stuk deeg uit op ’n oppervlak wat liggies met meel bestrooi is. Vorm dit in ’n groot reghoek. 3 Meng die knoffel en olyfolie. Stroop die roosmarynblaartjies af en kap dit fyn. Smeer ’n vyfde van die knoffel-en-olie oor die deeg. Sprinkel ’n kwart van die kaas en roosmaryn bo-oor.…

JY BENODIG › 1 kg witbroodmeel › 30 ml suiker › 1 sakkie (10 g) kitsgis › omtrent 600 ml warm water › 25 ml olyfolie › 1 eier, geklits met 10 ml water › soutvlokkies › slaai, om voor te sit Maak: 4 Bereidingstyd: 1½ uur, plus rystyd Baktyd: 20 minute per mandjie Oondtemperatuur: 200 °C 1 Gebruik ’n voedselverwerker met ’n deeghaak. Plaas die meel, suiker, kitsgis en 20 ml sout in die bak van die voedselverwerker en meng dit saam. Voeg die water bietjies-bietjies by tot dit ’n ferm deeg vorm. Voeg die olie by. Knie die deeg vir 10 minute in die voedselverwerker, of tot dit sag en elasties is. Plaas die deeg in ’n groot bak en bedek dit met ’n klam teedoek. Sit die…

Maak: 4-6 Bereidingstyd: 30 minute, plus yskastyd JY BENODIG › 200 g gerookte salm- of forelskyfies › 1 ryp avokadopeer › 250 g gladde geroomde maaskaas › 10 ml suurlemoen- of lemmetjiesap › 25 ml fyngekapte vars koljanderblare › ’n paar druppels Tabascosous › brood, slaai en suurlemoenwiggies, om voor te sit JY BENODIG OOK › klein timbale-vormpies 1 Voer die timbale-vormpies met kleefplastiek. 2 Gebruik dan die skyfies salm of forel om die binnekant van die vorms te voer – sorg dat die punte van die skyfies vis oor die rand van die vorm hang. 3 Maak die avokado fyn, meng dit met die maaskaas, suurlemoen- of lemmetjiesap, koljander en Tabasco, en geur dit met sout na smaak. Skep die vulsel in die vormpies en vou die punte van…

Maak: 12 Bereidingstyd: 20 minute Baktyd: 15-20 minute Oondtemperatuur: 200 °C JY BENODIG › 1 rol tuisgemaakte of gekoopte broskorsdeeg › 125 ml gerasperde beleë cheddarkaas › laevet-roomkaas (gewoon of die geur van jou keuse) › skywe swartwoudham (of gebruik gerookte salm) › mikrokruieblaartjies of spruite, vir garnering JY BENODIG OOK › blomvorm-koekiedrukker 1 Rol die blaardeeg uit op ’n oppervlak wat liggies met meel bestrooi is om dit effens dunner te kry. Sprinkel die gerasperde kaas oor die een helfte van die deeg en vou die ander helfte oor om die kaas te bedek. Rol dit weer uit om ’n reghoek te vorm. 2 Gebruik ’n blomvorm-koekiedrukker om vorms uit die deeg te druk. 3 Druk die vorms in ’n gesmeerde kolwyntjiepan. Prik die deeg oraloor met ’n vurk…

Witsjokolade-kolwyntjies Maak 12-16 Bereidingstyd 15 minute Baktyd 15-18 minute Oondtemperatuur 175o C JY BENODIG › 80 g-plak witsjokolade, gekap › 125 g botter of bakmargarien › 125 g Huletts Castor Sugar › 2 groot eiers › 10 ml vanieljegeursel › 175 g bruismeel › 50 ml melk 1 Smelt die sjokolade op ‘ontvries’ in die mikrogolfoond – roer dit elke paar sekondes tot dit glad is. Hou dit eenkant. 2 Room die botter of margarien en die strooisuiker saam met ’n elektriese klitser tot dit lig is. Voeg die eiers en vanielje by en klits dit goed. 3 Voeg die sjokolade by en gebruik ’n houtlepel om dit vinnig by die geroomde mengsel in te vou. Voeg die meel by en meng dit net mooi in voor jy die melk…

Genoeg vir 4 Bereidingstyd 45 minute, plus yskastyd Gaarmaaktyd omtrent 15 minute Vark-schnitzel › 600 g dungesnyde skywe varkvleis vir schnitzel (vra jou slagter om dit vir jou te sny) › vleisspeserye, om die vleis te geur › 300 ml koekmeel › 3 groot eiers, liggies geklits › 250 ml droë broodkrummels › sonneblomolie, vir vlakbraai › 200 ml suurroom › 2 sprietuie, fyngesnipper › 30 ml fyngesnipperde grasuie › suurlemoenwiggies, om voor te sit › slaai en bros aartappelwiggies, om voor te sit 1 Plaas ’n skyf vleis tussen twee stukke kleefplastiek en slaan dit liggies met ’n vleishamer of koekroller om dit so dun as moontlik te kry. Geur dit met vleisspeserye, sout en peper. 2 Gooi 250 ml van die meel in ’n verseëlbare sak, sit ’n…

Agnieszka, ons Poolse medewerker, wys hier stap vir stap hoe om vatlappe vir jou kombuis te hekel. AFKORTINGS JY BENODIG › oorskiet-katoendubbeldraad in wit, ment, turkoois, geel, donkergeel, ligperske en donkerperske › 5 mm-hekelpen So hekel jy die bobbelsteek 1 Die bobbel word in dieselfde steek gehekel. Om dit te doen, bring die hekeldraad van agter na voor, sodat daar twee lusse op die pen is. Steek die pen in die volgende steek van voor na agter, draad om die pen, trek die draad deur, sodat daar drie lusse op die pen is, draad om die pen en trek die pen deur die eerste twee lusse op die pen tesame. Twee lusse bly nou op die pen oor. Jy het pas een steek voltooi. 2 Hekel nog ’n steek op…

VOORBLADMEISIE Niks kom nader aan die glansryke stranddrag van die 1950’s as ’n hoëlyf-kortbroek met ’n knoop voor nie. Dra dit saam met ’n top met oop skouers. VARS BRIES Wit lyk altyd koel en vars op ’n warm dag. Speel met teksture en titsels kleur om dit interessant te hou. KOEL STYL ’n Top wat voor toeknoop lyk vleiend saam met ’n vol romp. AHOOI (Oorkantste bladsy) Speel rond met verskillende vlootstyl patrone. Groot strepe en ’n fyn ruitpatroon werk goed saam. wenk Ons is mal oor breërand› hoede. Dis stylvol en beskerm jou vel boonop teen die son.…

limfone, tablette en fablette regeer miskien ons wêreld, maar skielik het almal weer ’n notaboek byderhand – en dié keer is dit nie jou gewone dagboek nie. Van kreatiewe siele tot mense in bestuursposte is aan die skryf, krabbel en skets. Daar is reis- en droomjoernale; joernale vol persoonlike doelwitte, resepte en inspirerende idees of foto’s; joernale spesiaal vir opknap- of uitgooiprojekte. Sommige mense gebruik hul joernaal as ’n plakboek, of oefen om weer lopende skrif te skryf. ’n Joernaal kan ’n baie nuttige hulpmiddel wees vir iemand wat ’n nuwe onderneming wil begin. ’n Kreatiewe persoon kan dit as ’n inspirasiebord gebruik vir haar eie mode- of dekoronderneming, terwyl entrepreneurs gou-gou ’n idee kan neerskryf voordat dit hul besige breine ontgaan. ‘Om met pen en papier te werk is…

JY BENODIG › ou drievlak-groenterak› 80-grint-skuurpapier› Annie Sloan-krytverf in Duck Egg Blue› verfkwas› onkruidwerende net› mos (in ’n emmer water geweek)› potgrond› kruie- en blaarslaaiplantjies SO MAAK JY 1 Skuur die groenterak liggies om van roes en growwe plekke ontslae te raak. 2 Was die rak in seepwater en laat dit droog word. 3 Verf die rak met die Annie Sloan-krytverf; ’n onderlaag is nie nodig nie. Twee of drie ligte lae behoort genoeg te wees om die draadmaas heeltemal te bedek. Laat dit droog word. 4 Sit ’n laag van die nat mos in elke rak wanneer die verf droog is. 5 Knip die onkruidwerende net met ’n skêr om mooi styf in elke rak te pas. Voer die rakke daarmee uit. 6 Maak elke rak vol potgrond. Plant…

Skryf aan Idees en stuur jou brief per e-pos aan ideesred@media24. com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n Healing Earth Pinotage-velsorggeskenkpak ter waarde van R1 795. Die Pinotagevelsorgreeks span die natuurlike eienskappe in van die vitamien C en E, antioksidante, omega-vetsure en polifenole wat in die pinotagedruif voorkom. Danksy die oorvloed natuurlike, helende stowwe in die pitte, skil en blare van die druifsoort versterk hierdie produkte die beskermende funksie van die vel. Vind meer uit op healingearth.co.za.…

absolutelybeautifulthings. blogspot.com Die interieurontwerper Anna Spiro het dié blog in 2006 begin om haar gedagtes, werk en die dinge en mense wat haar inspireer aan te teken. Anna woon in Brisbane, Australië, en haar winkel, Black & Spiro, is altyd propvol interessante goed wat sy reg oor die wêreld uitsnuffel. Haar grootste passies is versamel, blomme, lap en kleur en sy probeer om te alle tye kreatief te wees. ‘Ek wil jou inspireer om ’n helder, kleurvolle lewe te leef, omring deur die dinge waarvoor jy lief is.’ mydarlinglemonthyme.com Emma Galloway van Perth, Australië, is vegetaries grootgemaak en haar ouers het baie van hulle kos self gekweek. Dié voormalige sjef en haar kinders is gluten- en laktose-intolerant. Sy het My Darling Lemon Thyme begin as ’n plek waar sy glutenvrye…

LW Die patroon is geskryf vir ’n gordynpaneel met ’n voltooide breedte van een meter. Tel 3 cm aan elke syrand by vir soompies en 3 cm vir die onderste soompie. Laat ook genoeg toe aan die borand om dit later af te rond soos die gordyn gehang gaan word. As jy ’n breër gordyn of beddeken wil maak, hekel meer blokke en ’n langer kantstrook volgens die voltooide breedte van jou gordyn of beddeken (werk in veelvoude van vyf kettingsteke). JY BENODIG › 2 x 50 g-bolle Vinnis Nikkim-100% katoendubbeldraad in Natural › 3,5 mm-hekelpen › materiaal (volgens die grootte van jou venster of bed) › bypassende masjiengare EKSTRA STEEK GEBRUIK LANGBEENTROSSIE (LB-TR) Do en steek pen in vlg st. Moenie st voltooi nie, sodat daar 2 lusse op…

KOEKBESLAG › 125 g (135 ml) sagte botter › 210 g (240 ml) strooisuiker › 2 ekstragroot eiers › 5 ml vanieljegeursel › 280 g (515 ml) koekmeel – vir die sjokoladekoek moet jy 240 g (440 ml) koekmeel en 40 g (125 ml) kakaopoeier gebruik › 10 ml bakpoeier › 250 ml melk VERSIERSEL › 130 g (250 ml) versiersuiker › 10 g (30 ml) kakaopoeier › omtrent 30 ml kookwater › klein suikerblommetjies, vir versiering JY BENODIG OOK › ’n hartvormige koekdrukker (of enige vorm koekiedrukker van jou keuse) Maak: 1 broodkoek van 22 cm Bereidingstyd: 2 uur, plus afkoeltyd Baktyd: 100-120 minute Oondtemperatuur: 175 °C 1 Maak eers die beslag vir die sjokoladekoek aan: Klits die botter en strooisuiker saam tot dit lig is. Voeg die eiers…

Maak: 8 Bereidingstyd: 45 minute Baktyd: 20 minute Oondtemperatuur: 200 °C JY BENODIG › 3 groot Pink Lady- of ander appels met ’n pienk skil › 10 ml suurlemoensap › 60 ml gladde appelkooskonfyt › 1 vel tuisgemaakte of gekoopte blaardeeg › versiersuiker, om oor te sif › vanieljeroomys of geklitste room, om voor te sit JY BENODIG OOK › ’n appelboorder 1 Gebruik ’n appelboorder om die klokhuis van die appels te verwyder. Sny die appel in die helfte. Sit die gesnyde kant op jou werkoppervlak en gebruik ’n skerp mes om die appel in dun skyfies te sny. 2 Gooi 250 ml water in ’n bak en voeg 5 ml suurlemoensap by. Sit die appelskyfies in die water en verhit dit dan vir vyf minute teen 100% krag…

Maak: 60 Bereidingstyd: 20 minute Baktyd: 45 minute, plus droogtyd Oondtemperatuur: 110 °C JY BENODIG › 4 groot eierwitte (teen kamertemperatuur) › 2 ml kremetart › 200 g (230 ml) strooisuiker › jelkoskleursel van jou keuse JY BENODIG OOK › klein verfkwassie › plastiekspuitsak(ke) 1 Klits die eierwitte tot dit sagte punte vorm. Voeg die kremetart en ’n knypie sout by en klits dit tot dit styf is. Voeg die strooisuiker by – net ’n lepel vol op ’n slag – en klits dit goed ná elke byvoeging. Klits die mengsel tot dit dik is en stywe punte vorm. 2 Gooi ’n druppel jelkoskleursel in ’n klein bakkie. Doop die verfkwas in die kleursel en verf dan strepe aan die binnekant van ’n plastiekspuitsak. 3 Sny die punt van die…

Maak: omtrent 10 Bereidingstyd: 20 minute JY BENODIG › 100 g sjokolade, in stukkies gebreek › klaargebakte koekies JY BENODIG OOK › wasseëlstempel(s) van metaal › ysblokkies 1 Sit die gebreekte sjokoladestukkies in ’n glasbak oor ’n kastrol met water wat liggies prut. Wag tot die sjokolade begin smelt en roer dit tot dit glad is. Haal dit van die plaat af en hou dit eenkant om af te koel. 2 Pak die koekies op ’n plat oppervlak. Gebruik ’n teelepel om ’n klein sirkel van gesmelte sjokolade op elke koekie te drup. 3 Gooi die ysblokkies in ’n klein bakkie en sit die wasstempel daarby om yskoud te word. Wag tot die stempel yskoud is en druk dit op die sjokoladesirkels op die koekies. Wag ’n paar sekondes en…

JY BENODIG › espressomasjien › 2 metaalbekers › termometer 1 ‘Rek’ die melk (Stretching) Skuim die melk en meet die temperatuur – dit moet 45o C wees as jy die skuim maak. In die proses sal die temperatuur tot minstens 60o C styg. Wees versigtig om dit nie warmer te maak nie, anders sal jy nie net jou mond brand nie, maar ook die melk skroei. 2 ‘Split’ die melk (Splitting) Skei die skuimmelk deur dit van die een beker in die ander een oor te gooi. Dit sal tekstuur aan die melk verleen en verseker dat jy gelyke dele skuim en melk per koppie het. Gooi dit langs die binnerand van die beker af wanneer jy die melk skei om te keer dat borrels vorm. 3 Kry die skuim…

JY BENODIG › ou koekblikdeksel › ou glasbottels › draad wat maklik kan buig › langneustang › draadkniptang › blikskêr Knip twee stukke draad van sowat 40-50 cm af en vleg dit om mekaar. Draai die een gevlegte punt om die bottel se nek en draai dit om die draad vas met die langneustang. Buig die draad in ’n lus oor die bottel en draai die ander punt aan die ander kant om die draad vas. Knip nou die stukkie draad af waaraan jy die blikhartjie gaan hang. Buig dit om die gevlegte draad om die bottel se nek. Kies ’n deel van die koekblikdeksel waarvan jy hou en sny ’n klein hart daaruit met die blikskêr. Druk ’n klein gaatjie in die hartjie en maak dit vas aan die…

JY BENODIG › stewige kartonbokse met deksels › etiketpatrone op bladsy 71 › linnemateriaal om die boks oor te trek › bedrukte katoenmateriaal vir die deksel › bypassende borduurgare en naald › kwiltpapier › uitwasbare merkpen › maatband › handwerklym en kwas SO MAAK JY 1 Sit die boks op die linnemateriaal en meet die hoogte van die sykante om te bepaal hoeveel materiaal jy nodig het om die boks oor te trek – maak aan elke sy voorsiening vir ’n paar ekstra sentimeter om na die binnekant om te vou. Gebruik die uitwasbare merkpen om die basis van die boks op die materiaal na te trek. 2 Knip die materiaal uit. Trek dan aan wat die sykante van die boks gaan wees, ’n loodlyn van die rand van die…

is ’n bondel energie wat net so tuis in die water as op land is. En wanneer sy haar hart op iets gesit het, huiwer sy nie om aan die diep kant in te spring nie. Hiervan getuig haar Promenade Vintage Swimwear, wat sy sowat ’n jaar gelede begin het. Geathe was op soek na vintage-foto’s vir haar branderry-skool vir vroue, Moms on Board, toe sy verlief geraak het op die swemklere wat vroue in die jare vyftig gedra het. En toe dink sy: Daar is mos geen rede waarom vroue nie vandag nog sulke elegante swemklere kan dra nie. ‘Ek is mal oor ou foto’s en die klereen haarstyle uit vergane eras … die dae toe vroue altyd vroulik gelyk het.’ Die idee vir ’n vintage-swemreeks het eintlik gespruit…

MICHAEL CHANDLER Die kunstenaar Michael Chandler (chandlerhouse.co.za) verlaat nooit sy huis sonder ’n joernaal nie, en blaai dikwels deur sy ou joernale vir inspirasie. ‘So lank as wat ek kan onthou, het ek my dae omgekrabbel. Dit het eers op hoërskool ’n formele proses in individuele notaboeke geword toe my dagboeke skets- en krabbelboeke geword het. My sak is swaar! As ’n kreatiewe mens is daar geen einde aan my idees nie. ‘Ek dink dis byna onmoontlik om idees as stemnotas of getikte memo’s op ’n foon te bêre. Niks kom by ’n notaboek nie! Ontwerpprogramme laat kreatiewe mense se identiteit vervaag. As ons almal met CorelDraw sou skets, sou al ons hoeke en lyne amper dieselfde lyk … Wanneer jy met die hand teken, is daar ’n baie spesiale…

Belê in ’n stel bottels met doppies wat dig vasskroef (beskikbaar by apteke), en wees op die uitkyk vir dié wat handbagasiegrootte is. Gooi jou sjampoe, opknapper en ander vloeibare produkte oor in die kleiner bottels en plaas dit in ’n verseëlbare plastieksak. Jy kan ook eenvoudig die volgende doen: Sit ’n stukkie kleefplastiek oor die bottel waarin die produk verpak is voordat jy die doppie vasskroef. Dit sal die bottel seël. HANDWERKPROJEKTE IS ALTYD LEKKER. HIER IS ’N PAAR EENVOUDIGE IDEES: Moedig jou kinders aan om te krabbel deur hulle te vra om prente te versier. Knip byvoorbeeld ’n foto uit ’n tydskrif, koerant of kaartjie, plak dit op ’n skoon vel papier en laat hulle die agtergrond met inkleurkryte of handwerkverf versier. Laat hulle skoon, gladde klippe met…

anaf Vrydagmiddag 19 Februarie tot Sondagmiddag 21 Februarie is ons terug by JanHarmsgat se Agterplaas vir ’n naweek propvol kreatiewe inspirasie en lekker kuier. En natuurlik twee voltooide naaldwerkprojekte om saam huis toe te neem. Jou wegbreek met verblyf in die pragtige Destiny Lodge, alle etes, ’n wildsplaas-uitstappie, ’n piekniekdemonstrasie en praatjie oor mooimaak met ougoed deur JanHarm Vorster en Pieter Vosloo én die materiaal vir jou projekte sal jou R2 250 kos vir ’n enkelkamer of R2 070 as julle deel. Oortuig solank jou vriendin, suster of dogter om saam te kom – meer inligting en besonderhede oor die besprekings volg in ons Februarie-uitgawe!…