Idees Autumn 2025의 목차

Ek weet nie van julle nie, maar ek raak beslis luier in die winter. Om myself soos ’n papie toe te wikkel in ’n warm kombers en ’n boek te lees of fliek te kyk, is net baie aanlokliker as om dalk ’n yskoue vinger met ’n hamer raak te kap terwyl ek los takies in en om die huis doen. Só het die herfs oor die jare my voorbereidingstyd vir die wintermaande geword. Maak solank die aftreksel vir die sop en vries dit en was die opgerolde mat terwyl daar nog genoeg son is. Dit is so ’n bietjie soos ’n swanger vrou wat nesskrop voor die baba kom. Maar dis baie meer as ’n persoonlike keuse. Moeder Natuur besluit wanneer daar mildelik vir ons gegee word en wanneer…

KIMCHI Hierdie pikante Koreaanse bykos (banchan) is propvol geur en baie gesond. Die lakto-fermentasieproses verander die groente in ’n bykos wat ryk is aan probiotika. Sit dit voor met geroosterde of gebraaide bees- of varkvleis, of saam met Oosterse geregte. Maak: 2 middelslag-glasflesse Bereidingstyd: 45 minute, plus weeken fermentasietyd Gaarmaaktyd: 5 minute ♥ 1 groot Chinese kool ♥ 60 ml seesout (sonder bygevoegde jodium) ♥ 30 ml koekmeel ♥ 1 middelslag-daikonradys, geskil (of gebruik 6-8 klein pienk radyse) ♥ 1 wortel, geskil ♥ 6 sprietuie, skoongemaak en in 5 cm-stukke gesny ♥ 5 ml suiker ♥ 3 knoffelhuisies, fyngedruk ♥ 15 ml gerasperde vars gemmer ♥ 30 ml paprika ♥ 30 ml droë brandrissievlokkies ♥ 30 ml vissous 1 Sny die punte van die kool af en sny dit dan…

DEKSELHOEDJIES Versier die deksels van inmaakflesse op een van dié maniere: 1 ’n Botaniese illustrasie. 2 ’n Sirkel geknip uit lap. 3 ’n Kolwyntjiepapiertjie. 4 ’n Bruinpapiersirkel. 5 ’n Mooi ou servet. 6 ’n Vintage prentjie van die soort konfyt of ingemaakte produk. MERK JOU SPESERYBOTTELS 1 Skryf die naam van die spesery op die deksel. 2 Plak’n gekoopte etiket op die bottel vas. 3 Plak’n naamplakkerop die bottel vas, of skryf die naam met ’n merkpen op ’n strook kleeflint en plakdit op die bottel vas. BLY VEILIG 1 SIT DIE DATUM OP: Koop of maak jou eie etiket waarop jy die datum kan skryf waarop die produk ingemaak is. 2 VERSEËL DIT: Indien jy jou ingemaakte produkte gaan verkoop of as geskenke weggee, kan jy ’n strook papier…

PAASBOLLETJIEBROOD Maak: 2 klein brode Bereidingstyd: 40 minute, plus rystyd Baktyd: 15-20 minute Oondtemperatuur: 180 ºC JY BENODIG ♥ 2 broodpanne van 20 × 11 cm elk ♥ spuitsak of vrieskassak DEEG ♥ 250 ml louwarm melk ♥ 115 g (125 ml) strooisuiker, plus 10 ml ekstra ♥ 1 pakkie (10 g) kitsgis ♥ 1 groot eier ♥ 75 g gesmelte botter ♥ 15 ml fyn kaneel ♥ 10 ml gemengde speserye ♥ 2,5 ml sout ♥ 125 g (200 ml) rosyntjies ♥ 60 g (100 ml) sagte droëvrugte (ons het appelkose gebruik), fyngekap ♥ fyngerasperde skil van 1 groot lemoen ♥ 560 g (4 × 250 ml) witbroodmeel BOLAAG (KRUISE) ♥ 100 ml witbroodmeel GLASEERSEL ♥ 50 ml strooisuiker Meng die melk en 10 ml strooisuiker saam in ’n…

MOEILIKHEIDSGRAAD: gemiddeld TYD: 20-30 uur GROOTTE 130 cm lank en 24 cm breed nadat die werk liggies geblok is. JY BENODIG ♥ 350 g dubbeldraad/kamwolgare – ons het African Expressions Harmony (50 g-bolle) in die volgende kleure en hoeveelhede gebruik: – 5 x hoofkleur (HK) in Dark Grey 2062 – 2 x kontraskleur (KK) in Natural 2000 ♥ 6 mm-sirkelbreipen, 50 cm punt tot punt lank vir aaneen brei in die rondte (of ’n langer sirkelbreipen vir die wonderlusbreiwerk) ♥ stopnaald om die breidraadpunte in te werk SPANNING 18 ste × 21 rye = 10 cm met 6 mmbreipenne. AFKORTINGS aw – aweregs BVR – begin van rondte her – herhaal PM – plaas merker r – regs rdte – rondte rif – riffelsteek st(e) – steek(steke) tes – tesame…

SAG EN ROMANTIES Die houtvloer skep dadelik ’n knus gevoel in hierdie eethoekie in die kombuis. Die wit mure, kombuiskaste en rakke hou die voorkoms vars. Groot, oop glasvensters laat hope natuurlike lig die vertrek inkom. Die wit tafeltjie met sy fyn gehekelde tafeldoek bring ’n gevoel van nostalgie na die ruimte. Rond dit af met witgeverfde Bentwood-stoeltjies, hulle is geredelik beskikbaar by tweedehands- en antiekwinkels. Skuur die stoele af, gee dit ’n goeie onderlaag en verf dit dan met emaljeverf. Bring ’n bietjie kleur in met bykomstighede soos die borde en potjies op die rakke. En natuurlik rond ’n bos blomme die prentjie mooi af. VARS EN SKOOK Wit is altyd ’n goeie wegspringplek omdat dit by soveel dekorstyle kan werk. Hier is die vloer, mure en kombuiskaste wit…

RICOTTA Maak: omtrent 1 koppie ♥ 1 liter vars melk (nie langlewemelk nie) ♥ 250 ml room ♥ sap van 2 klein organiese suurlemoene Voer ’n sif uit met kaasdoek (moeselien) en plaas dit oor ’n diep bak. Gooi die melk en room in ’n kastrol en verhit dit oor matige hitte tot omtrent 90 ºC terwyl jy dit gereeld roer. Verwyder dit van die hitte en voeg die suurlemoensap by. Roer dit liggies deur. Gooi die mengsel in die kaasdoek en laat dit vir omtrent 1 uur staan om te dreineer. Bind die kaasdoek toe en hang dit 10-15 minute op sodat nog van die wei kan dreineer. Hoe langer die kaas dreineer, hoe droër sal dit wees. ❁ Ricotta is ’n baie veelsydige bestanddeel wat in soutige geregte…

KWILT MOEILIKHEIDSGRAAD: maklik TYD: omtrent ’n maand (as jy nie pal daaraan gaan werk nie, en na gelang van die grootte van jou projek en hoe ingewikkeld jou ontwerpe is) JY BENODIG ♥ rugkantmateriaal vir jou kwilt, of ’n effekleurige duvetoortreksel ♥ verskillende stukke materiaal in komplementerende kleure en patrone ♥ borduurpatrone op bladsy 92 ♥ borduurgare ♥ borduurnaald ♥ borduurring ♥ skerp skêr ♥ materiaalgom ♥ rafelwerende oplossing OPSIONEEL ♥ aftrekpapier of materiaalmerkpen (om jou ontwerpe te teken) ♥ kopspelde of knippies (om die stukke materiaal in plek te hou as jy nie materiaalgom gebruik nie) SO MAAK JY Of jy ’n duvetoortreksel wil versier of ’n unieke oorgooideken maak, kan dié projek dien as inspirasie vir jou volgende handgemaakte meesterstuk. 1 Ons het begin met die uitkies van…

Toe ek onlangs deur Worcester en die Hexriviervallei ry, het die lappies wingerdstokke en vrugteboorde vir my kompleet soos my skoonma Tina se groot laslapkombers in my kind se treklorrie agter ons gelyk. Dit was eens Skoonma se wêreld. Worcester was die hawe van veiligheid waarheen sy elke keer gevlug het as haar huwelik gewankel het. Daar duskant die laslappe van die Hexrivier het sy altyd haar siel gaan laaf. Ons was saam met die treklorrie op pad Noordhoek toe. Ek wou vir my kind ’n stuk erfenis saamgee op haar reis na haar nuwe toekoms. Toe gee ek vir haar die kombers in die plastieksak wat na motbolle ruik. Dit is inderdaad ’n besonderse kombers. Koningsgrootte. As ’n mens ’n magnum opus vir die handwerk van die vrou met…

KOS FREESTYLE COOKING WITH CHEF OLLIE (PENGUIN SA, R450) As daar een ding is waarmee sjef Ollie Swart sukkel, is dit om reëls te volg. Maar dít staan vas: Hy het ’n diep liefde vir kos. Sy resepte is vinnig en maklik en gemaak om te inspireer eerder as intimideer. In dié boek het hy aan homself die taak opgelê om aan die tuiskok te bewys dat jy die heerlikste geregte met die eenvoudigste bestanddele kan optower. Of hy jou laat sweet met sy vuurwarm prego-rolletjies of na Indonesië wegvoer met ’n visresep, wys Ollie die geheim van lekker kos is om die basiese beginsels van kook en geur te verstaan. En hy herinner ons: Kosmaak is veronderstel om pret te wees. So skink daai glas wyn en kom aan…

NET SOOS KUNS Ons het inspirasie in die Verre-Ooste gaan soek en ’n kombinasie van Japannese en Koreaanse kunswerke asook vintage Sjanghai-plakkate gebruik om op ons lap te druk. Jy kan die afdrukke op hierdie blaaie vir jou projekte gebruik. TEEN JOU MUUR Hang ’n mooi gedrukte lap teen ’n muur om ’n fokuspunt te skep. Jy kan dit ook as oorgooideken gebruik. Lap gedruk deur Alma Thomas Studio. ROMANTIESE GORDYN Ons het ’n afdruk van ’n pragtige Chinese vrou op ’n gordyn van chiffonmateriaal laat druk om as ’n kamerverdeler te gebruik. Lap gedruk deur Smart Art (smartart.co.za). MOOI GERAAM Raam van die afdrukke op hierdie blaaie en kikker ’n vaal muur daarmee op. Dink aan interessante maniere om prente op te hang - soos met dié pragtige ou…

BORDUURRING-HANGER Kry ’n borduurring in jou naaldwerkkamer, ’n rolletjie tou en wasgoedpennetjies om dié droograk te maak. MOEILIKHEIDSGRAAD: maklik TYD: omtrent 1 uur JY BENODIG ♥ vars gesnyde kruie uit jou tuin ♥ borduurring (die binneste heel ring) ♥ houtwasgoedpennetjies ♥ tou SO MAAK JY 1 Sny drie ewe lang stukke tou wat langer as 30 cm is en bind dit ewe ver uit mekaar aan die borduurring vas. Knoop die punte saam. 2 Bind die kruie in klein bondeltjies vas – jy kan die kruie meng, of ’n bondeltjie van elke soort maak. Gebruik die wasgoedpennetjies om die kruiebondels mooi eweredig aan die borduurring vas te knyp. Hang dit op om droog te word. DROOGKRAT Gebruik ou houtkratte om jou kruie te droog - dis ’n slim manier om…

SKEP DIE PRENTJIE Ons het besluit om ons Paastema-partytjie in ’n veld vol blomme te hou. Gebruik pistasiegroen en donkerpienk met spatsels geel as basiskleure en voeg peuselgoed, handwerk en speletjies by om die kleingoed besig te hou. Die grootmense sal ook dalk wil saamspeel – wie hou dan nou nie daarvan om Paaseiers uit te snuffel nie? ’N PAAR IDEES ❁ Dra die tafelversierings in kratte na die plek waar jy die partytjie gaan hou en gebruik dan die kratte as bankies vir jou klein gaste. ❁ Span lint vasgemaak aan tappenne in om die partytjieplek mooi af te baken. ❁ Voeg nog blomme in potte by. ❁ Pons ’n gaatjie deur kolwyntjiepapiere en ryg dit onderstebo oor die strooitjies – só keer jy dat insekte in die koeldranke…

KNIEKOMBERS MOEILIKHEIDSGRAAD: moeilik TYD: 2 weke tot 1 maand JY BENODIG ♥ 50 g-bolle Elle Cottons DK-hekelgare in die volgende kleure en hoeveelhede: – 7 bolle in Natural – 3 bolle in Bamboo – 3 bolle in Blush – 3 bolle in Crimson – 3 bolle in Duck Egg ♥ 4 mm-hekelpen ♥ tapisserienaald AFKORTINGS dies – dieselfde gls – glipsteek her – herhaal kb – kortbeen ks – kettingsteek lb – langbeen rdte – rondte sp – spasie st(e) – steek(steke) vlg – volgende SO HEKEL JY BASIESE BLOKKIE (hekel 36) Rdte 1: Met Natural, 4 ks, gls in 1e st om ’n ring te vorm, 2 ks (tel as 1 lb), 2 lb, 2 ks, 3 lb, 2 ks, 3 lb, 2 ks, 3 lb, 2 ks, gls…

❁ Met die antieke Japannese knoopkleurtegniek shibori kan jy die pragtigste patrone skep en die materiaal vir unieke notaboeke of stylvolle boekmerke gebruik. ❁ Maak gewone houtkrale nuut en verander sushi-matjies in treffende plekmatjies deur dit eenvoudig te doopkleur. ❁ Jy kan met verskillende metodes eksperimenteer om natuurlike materiale soos katoen- en linnemateriaal, hout, tou, raffia en selfs gedroogde blomme en skulpe te kleur. SHIBORI-PATRONE ONEWEREDIGE STREEPPATROON: Vou die materiaal in konsertinaplooie. Sit dit tussen twee houtstokke (bv. stokke om verf te roer). Knoop dit met gare aan mekaar. KOLLEPATROON: Vou jou lap in konsertinaplooie. Sit dit met klampe tussen twee muntstukke vas. SIRKELPATROON: Besluit waar jy die middelpunt van jou sirkel wil hê. Knyp die materiaal by daardie punt in en trek dit boontoe om ’n keël te vorm.…

VERHOUDING MET BREIDRADE HEROORWEEG Ek moet erken ek en breinaalde is soos ’n kat en water: Ons hoort nie eintlik saam nie. Maar toe lees ek jul ‘Brei sáám’-artikel in die Vakansie 2025-uitgawe, en skielik het ek lus om ook ’n ‘samesyn-groepie’ te kweek. Nie noodwendig met wol en naalde nie … Die laaste keer wat ek ’n poging aangewend het met wol, was met ’n hekelprojek – so ’n magiese ramp dat my ma dit moes oorneem om dit te red. Wat my egter die meeste getref het, was nie net die wol en steke nie, maar die wonderlike samesyn wat uit elke paragraaf gestraal het. Dit het my laat besef dat brei dalk minder oor perfeksie en meer oor saamwees gaan – oor gesels, lag en op die…