Indice dei contenuti per 15 November 2019 in Vrouekeur

Die artikel op bl 12 deur Riëtte Grobler “Verstaan die sterwensproses” het my dié week helder aan die dood laat dink. Maar ook aan die lewe. Hoe ouer mens raak, hoe meer bewus raak jy van jou eie sterflikheid, veral as mense rondom jou doodgaan. Ek maak onlangs ’n lys van mense wat ek geken het of van geweet het wat hierdie jaar oorlede is. Dis ver meer as wat ek op my twee hande kan tel en die jaar is nog nie verby nie. “Ag nee, vrou,” sou jy kon sê, “dis tog te morbied om op hierdie bladsy daaroor te praat. Skryf eerder oor iets opbeurends.” “Skryf oor die lewe,” sê jy dalk. Ek het lank gelede die bekroonde Japannese skrywer Haruki Murakami se woorde oor lewe en…

By die boekbekendstellings-geleentheid in Kaapstad vertel Jeremy Boraine, ’n uitgewer by Jonathan Ball, aan die gehoor dat Pieter du Toit basies “almal in die boek kwaad gemaak het en dus iets reg gedoen het en die hoë verkoopsyfer ’n aanduiding is dat daar baie belangstelling in dié onderwerp is”. Pieter, die assistent-redakteur van News24, het verduidelik die besluit om ’n boek te skryf, het sy oorsprong in die begrip “Stellenbosse mafia” gehad, toe dit ’n frase was wat finansiële joernaliste grappenderwys gebruik het om na ’n groep suksesvolle Stellenbosse sakelui te verwys. “Met die Bell Pottinger-disinformasie-veldtog van 2016 en 2017 deur die Zumagroep, het dit egter ’n sinistêre konnotasie gekry en is dit gebruik om die aandag van staatskaping af te lei en dié groep as onderduims en agterbaks te…

Sy het van kleins af geweet sy is anders as haar skoolmaats. In die grondslagfase het maats haar in ’n asdrom geprop omdat sy “dom is” en nie kon lees of skryf nie. Hulle het nare goed vir haar gesê en Caroline het ’n etiket gekry: Die stupid kind. Kort voor lank het sy soggens met maagpyn begin opstaan en skool was nie ’n plek waar sy wou wees nie. Sy het onveilig gevoel daar en was opvallend anders. In graad 4 is sy na ’n skool vir spesiale onderrig oorgeplaas. Haar wêreld het handomkeer verander en deure het vir dié lewenslustige kind oopgegaan. Sy is disleksies en sukkel steeds om te lees en skryf. Dít het haar juis aangespoor om navorsing te begin doen oor wat presies die toestand…

Empatie met jouself is seker een van die grootste uitdagings vir baie mense, veral as jy hoë standaarde het en perfeksie nastreef. Empatie met jouself is ’n eienskap wat baie goeie gevolge kan hê. Dit werk geestesgesondheid in die hand, kweek positiwiteit en bou mense se selfbeeld. Selfkritiek daarenteen is afbrekend, bevorder depressie en angs en demotiveer mense. Cara* is baie krities op haarself. “Ek oordeel myself erg en is bang om foute te maak. Die geringste swakheid laat my soos ’n totale mislukking voel. Ek is al bang om nuwe dinge aan te pak omdat ek mislukking vrees. Die ergste is dat dit my depressief maak. Ek het nou by ’n punt gekom waar ek hulp nodig het, want dit benadeel selfs my menseverhoudinge. Ek kan nie so aangaan…

LEKKERNY VIR KIETERKAT Bederf jou kat met Whiskas Crunchy Treats. By die meeste supermarkte beskikbaar teen ongeveer R39,99 vir 55 g. GESONDE DRANKIE Die Golden Latte is ’n nuwe weergawe van tee met vele gesondheidsvoordele. Dit het anti-inflammatoriese en antioksidant-eienskappe, gee jou immuniteitstelsel ’n hupstoot en verlaag bloedsuikervlakke. Dis nie net goed vir jou nie – dis ook lekker! R79,99. Slegs by Checkers beskikbaar. *Pryse onderhewig aan verandering Nuwe kaas Healey’s se nuwe kaas, Tomme de Waterkloof, is romerig en sag met ’n effense soet smaak en vegetaries-vriendelik. Dit word op die bio-dinamiese Waterklooflandgoed buite Somerset-Wes gemaak, waar kase sonder preserveermiddels, kunsmatige kleur- en geurmiddels en antiswammiddels gemaak word. Ongeveer R40–R45 per 150 g. By Cheese Gourmet in Linden, Johannesburg of Healey’s Cheesery & Deli in die Wes-Kaap beskikbaar. info@healeys.co.za…

In my nuwe roman, Grensgeval, is daar ’n brief wat ’n pa vir sy baba skryf kort voordat hy sterf. Dit was een van die moeilikste stukke skryfwerk van my lewe, want ek moes in my eie ergste vrese gaan krap sonder om self tranerig te word. Enige ervare skrywer weet dis makliker om lesers te laat huil as om hulle te laat lag. Jy gryp eenvoudig na soetsappigheid, jy strooi sentimentele frases soos ’n dik laag suiker oor die dis wat jy vir jou lesers voorsit en jy melk hul traankliere soos ’n outydse boer sy geliefde koei sou melk. Daar is vele voorbeelde van hierdie soort melkery in beroemde boeke deur die eeue, van Little Nell se sterftoneel in Dickens se The Old Curiosity Shop tot Jenny se…

Die vokale evakwartet One Voice se debuutalbum met dieselfde titel bied musikale popmusiekvarsheid. Die lede – Kalinka Kilian, Carla Strauss, Karma Coetzer en Janke Bester – het in 2018 besluit om hul musiektalent te kombineer om iets ongewoons te skep. Dié meisies is passievol oor musiek en hulle straal ’n besonderse energie uit wanneer hulle op die verhoog is. Die album is ’n vinnige luister – met slegs nege snitte. Ses daarvan is oorspronklike nuutskeppings deur Lientjie Sothmann. Die liedjies Ryk man, Droomplaneet, Sonder jou en Liefdesrooi voeg intelligente lirieke tot die Afrikaanse musiekskat toe. Hul eie Engelse liedjies – Wake up en You Don’t Own Me ontgin pop-, rock-en ballade-elemente. Hul indrukwekkende weergawes van die wêreldtreffers Sucker, Ugly Heart en Secret Love Song is ’n toonvenster van dié vroue…

Lok voëls na jou tuin met ’n mooi sementvoëlbad, R259,99. www.mrphome.com Bêre tuingereedskap en -benodigdhede netjies op hierdie rak wat tot 20 kg per rakkie kan akkommodeer. Die rak kan sonder enige gereedskap aanmekaargesit word. Dit kan losstaande wees of teen ’n muur vasgesit word, R495. za.keter.com Elke tuinier benodig ’n tuinnoodhulpkassie. Hierdie blik bevat onder meer pleisters en ’n haartangetjie wat splinters kan verwyder, R95. www.tanyavisser.com Gooi plante met ’n pragtige gieter nat, R159,99. www.mrphome.com Die Iowa-tuinstel, wat twee gemaklike stoele met armleunings en ’n koffietafel met stoorplek insluit, is ideaal vir ’n balkon of ’n sonnige hoekie in jou tuin. Dis water- en sonbestand, R2 990. za.keter.com Huisves vlermuise in hierdie oulike Bat Shelter wat reënbestand is. Plaas die boks so hoog as moontlik teen ’n muur of in…

Cari stap omkyk-omkyk by die skoenwinkel in. Byna soos die manne met hinderlike gewetens maak wat in Pick n Pay vir hul vroue gaan blomme koop. Sy bewonder die nuwe voorraad skoene wat die klerk besig is om op die maat van Jingle Bells in die venster uit te stal. Sy skud haar kop. Die taaipitperskeboom agter die huis se bloeisels skyn nou eers pienk en Krismis is al weer op almal se lippe. En oor twee maande op almal se heupe ook, dink sy. Op die eerste rak ontdek sy ’n skatkis van die heel deftigste hoëhakskoene. Silwer, goud, pers, koningsblou, turkoois en helderpienk. Pronkskoene. “Fit for a queen,” sê sy vir die jong winkelassistentjie wat haar in afwagting dophou. Verbeel sy haar of kyk die meisie haar gemaklike…

“Ek skryf en sing oor die dinge wat my pla en wat ek beleef in die moeilike lewe van gejaag en baklei om net relevant te probeer wees. Ek wil kwessies aanraak wat saak maak en met my woorde namens ander veg wat nie sterk genoeg in hulself is nie,” sê die 36-jarige Lardo Eloff, beter bekend as Bob Ffole vir sy blues-albums Gaan voort en Black and the Blues. “Ek dink dit is swartgalligheid wat in die wêreld broei om mekaar te haat. Ons word baie gemanipuleer om altyd net die bitter in almal eerste raak te sien. Ek verpes dat ons as Afrikaners nie kan saamstaan en mekaar kan gun wat elkeen toekom nie. Dus vermy ek liedere wat mense verneder en terg, wat ons kultuur in die…

Daar is nie genoeg ure in die dag vir die sanger Bok van Blerk nie. Hy is altyd aan die gang en het verskeie ysters in die vuur: van sy aanbiedingswerk op TV tot sy musiek en boonop ook eiendoms-ontwikkeling. “Ek het konstruksie geswot en is altyd op die kantlyn daarmee besig,” vertel hy. “Daar is groot projekte wat voorlê en een van die groot redes waarom ek en my gesin Ballito toe getrek het, is omdat die mark daar so positief lyk.” Intussen het Bok sy jongste album, Hoor ons!, in Augustus onafhanklik uitgereik. “Ek is al jare in die musiekbedryf en het besef dis tyd om so iets te doen,” sê Bok. “Die landskap van die bedryf het die afgelope ruk baie verander. Albums verkoop nie soos in…

DELHEIM SE SPOGWYN Die Delheim-wynlandgoed het ’n eenmalige Kaapse versnit bekendgestel, wat die lewe van die Suid-Afrikaanse wynpionier Spatz Sperling herdenk. Spatz, wat konvensionele wyngebruike uitgedaag het, is in 2017 oorlede. Die huldigingswyn word Iconoclastgenoem en kom van die 2012-oesjaar. Dis ’n versnit van vier kultivars, maar nie ’n tipies Kaapse versnit nie, wat tradisioneel Suid-Afrikaanse pinotage as die hoofkultivar gebruik. Dit is shiraz-gedrewe. Die versnit word met pinotage, cabernet sauvignon en petit verdot afgerond. Die wyn het ’n donker robynrooi kleur. Die geure wissel van donker kersies, aalbessies, bosbessies, gedroogde kruie, speserye en tabak en parfuumondertone. Die tannienstruktuur is ferm en word deur donker vruggeure en speserye ondersteun, wat hierdie wyn ’n uitsonderlike versnit maak. Elke kultivar se unieke karakter kom tot uitdrukking. Slegs 2 100 bottels Iconoclast is…

BOEREWORSROLLETJIES 4 porsies 800 g boerewors2 uie, gekap4 broodrolletjies410 g (1 blik) chakalaka4 groot agurkies, in linte gesny 1 Verdeel boerewors in 200 g-porsies. 2 Braai wors in pan tot goudbruin en gaar. 3 Braai uie tot sag. 4 Sny rolletjies oop en plaas boerewors, uie en chakalaka in rolletjie met agurkielinte bo-op. GROENTE-EN-VIS-PANGEREG 4 porsies 4 stokvisfilette, velle vervwyder800 g (1 pak) gekapte groente125 ml (½ k) botter, gesmelt1 suurlemoen se skil en sap30 ml (2 e) visspeserye Stel oond op 180 °C. 1 Pak vis en groente op oondpan wat met bietjie olie gesmeer is. 2 Meng botter, suurlemoen en visspeserye en smeer oor vis en groente. 3 Bak vir 30 minute of tot groente gaar is. KOESKOES-ETE 4 porsies 750 ml (3 k) hoenderaftreksel750 ml (3 k)…

Ons is op pad na die Britse Maagde-eilande om by vriende te gaan kuier, toe daar op die vlug van Miami na St Thomas, een van die drie eilande in die Amerikaanse deel van die Maagde-eilande, ’n wending in ons planne kom. My sitpleknommer veroorsaak probleme omdat dieselfde nommer aan twee passasiers toegewys is en ek en my man kan nie langs mekaar sit nie. Ek bied aan om te skuif sodat ’n ma met haar jong baba by haar man kan sit. Tien rye vorentoe beland ek langs ’n vriendelike vrou wat die twee uur en 35 minute wat die vlug duur, omgesels. Andy Courteau het 30 jaar gelede na St Thomas verhuis omdat sy mal is oor visvang en nie meer vir die stad se gejaag lus was…

Cecily Sash, die Suid-Afrikaanse kunstenaar wat oor baie jare ’n ryk geskakeerde oeuvre opgebou het en ook talle kunstenaars via haar werk én veral deur onderrig geïnspireer het, is op 14 Augustus in Kington, Herefordshire, dood. Sy was 94. Sash, ’n tydgenoot van Cecil Skotnes (1926–2009), Nel Erasmus (1928) en Christo Coetzee (1929–2000), het Suid-Afrika in die 1970’s verlaat en haar in die Welsh Marches aan die westekant van Engeland, grensend aan Wallis, gaan vestig. In heelwat besprekings van Sash se kuns is dit haar rol as onderwyseres en dosent wat benadruk word. Nié net Esmé Berman het hiervan melding gemaak nie, maar ook Heather Martienssen, eertydse hoof van Wits se kunsdepartement. Sash is deur opleiding en volgens oortuiging ’n onderwyseres, het Martienssen oor haar gesê. En volgens Berman het…

ROLPRENTE BLACK AND BLUE Met Reid Scott en Naomie Harris Regisseur Deon Taylor MISDAADDRAMA Taaier kry jy nie, want hierdie misdaaddrama kyk na die struikelblokke in die pad van ’n swart vrou wat by die polisie aansluit. Dit gaan oor hoe rassisme en xenofobie haar lewe vertroebel. Haar eie mense draai teen haar omdat sy “verraad” pleeg en korrupte polisie-offisiere bemoeilik haar lewe, veral wanneer sy ’n ooggetuie van ’n moord word. Dan vlug sy nie net van haar eie mense af weg nie, maar ook van die polisie. Hierdie soort verhaal is al dikwels vantevore vertel, maar uit die lokprent lyk dit asof die aksie uiters gewelddadig is, en dat Naomie Harris as Alicia West dikwels deurloop. Sy raak verwond, maar niemand wil haar help nie. Haar desperate soektog…

Hermien antwoord nie haar foon nie. Hector voel onrustig. Hy gryp sy motorsleutels en ry na haar woonstel toe. Haar kar staan in die parkeerterrein, maar die woonsteldeure is gesluit. Ná ’n paar probeerslae kry hy die agterdeur oopgeskop. Hy deursoek die woonstel. Meubels is omgekeer, laaie oopgeruk, klere uit kaste gepluk. Skielik ervaar hy weer iets van die boosheid, die donker wat hy teen die rivier beleef het, waar hulle die laaste slagoffer se liggaam gekry het … Dit kan nie wees nie, dink hy. Die moordenaar kan niks met Hermien se verdwyning te doen hê nie. Die booswig weet nie wie hy, Hector, is nie; daar is geen manier waarop hy kan weet Hector is deel van die taakmag wat die reeksmoorde ondersoek nie. Miskien is dit ’n…

MOEILIKHEIDSGRAAD: ⋆⋆ BENODIGDHEDE 2 balle MoYa Piccolo (jy sal twee droogdoeke uit 3 balle maak)3,00 mm-hekelpen3,50 mm-hekelpen AFKORTINGS EN STEEKVERDUIDELIKINGS beg = begin dop = slaan draad oor pen e/af = eindig af ghs = geheime hegsteek hlb = halwe langbeen kb = kortbeen ks = kettingsteek RK = regte kant skb = staande kortbeen slb = staande langbeen st = steek sXso = slaan X aantal steke oor VK = verkeerde kant vor = vorige GROOTTE ± 28 cm x 42 cm PATROON Hekel 71 kettingsteke Ry 1 (VK): 1 hlb in die 2de ks van die pen af, 69 hlb (= 70 ste). Ry 2 (RK): 2 ks, trek ’n lus op deur die 2de ks van die pen af, trek ’n lus op deur elk van die…

Een van die belangrikste lewensvaardighede wat ons moet aanleer, is konflikhantering. Konflik is nou maar eenmaal iets waarvan ons nie kan wegkom nie, want ons is mense en ons verskil van mekaar. Daar is net een probleem: Niemand het jou geleer hoe om dit te doen nie. Die meeste van ons se enigste voorbeeld was ons ouers. En om die waarheid te sê, hulle was dalk nie eens so ’n wonderlike voorbeeld van hoe mens konflik oplos nie, want niemand het húlle geleer nie. Daar is nie so ’n vak soos konflikhantering op skool nie. Tog is dit een van die belangrikste vaardighede wat jy moet hê om gelukkig te kan wees. Gee die eerste tree. Neem die inisiatief. Ek weet wat jy dink. Jy dink: “Dit was dan alles…

Daar woed ’n oorlog aan die kuslyn van die stil, prentjiemooi Bettysbaai. Die voorste linies word beman deur ’n groep dapper manne en een vrou wat gevaarlike booswigte in hul onderwaterplundery probeer stuit. Ek ontmoet vir Marianka George by Stony Point, die bekende pikkewynkolonie, en ook die basis vir die Kogelberg-natuurreservaat. Marianka is die enigste vroulike lid van hierdie natuurbewaringspan wat daagliks stroping as ’t ware kaalvuis beveg. “Jammer ons kon nie vroeër ontmoet soos afgespreek nie,” val sy sommer met die deur in die huis. “Ons is laasnag uitgeroep – stropers – en vanoggend moes ons op die water uitgaan.” Ek bekyk die kookpot van onstuimige branders en kan my nie indink hoe daardie bootrit was nie … Maar hoe het dié jong enkelma in so ’n gevaarlike pos…

KOOP DIT HIER Ackermans www.ackermans.co.za Edgars www.edgars.co.za Grasshoppers www.grasshoppers.co.za MrP www.mrp.com Woolworths www.woolworths.co.za Zara www.zara.com/za/…

OOS-KAAPSE WYNSKOU Die vyfde jaarlikse Oos-Kaapse Wynskou vind vanjaar op 29 en 30 November by die Boardwalk-konvensiesentrum in Port Elizabeth plaas. Meer as 40 uitstallers sal 200 wyne te koop aanbied. Landgoedere soos Krone, Valdo, Boschendal, Boekenhoutskloof, Bonnievale, Chamonix, Glen Carlou, Hill & Dale, Neethlingshof, Jordan, Spier, Tokara en Zevenwacht sal verteenwoordig word. Kaartjies is via www.webtickets.co.za beskikbaar. Besoek www.easterncapewineshow.co.za MOTORSKOU BY DIE WATERFRONT Die tweede V&A Waterfront-motorskou word op 16 en 17 November by die Silodistrik gehou. Motors soos Aston Martin, Porsche, Lexus en McLaren sal te siene wees en toegang is gratis. Die naaste parkering is die Silo-parkeerterrein. Besoek www.waterfront.co.za of bel 021 408 7600 KONSERT BY GLENSHIEL Glenshiel in Westcliff, Johannesburg, bied op 17 November die Virtuoso Flutekonsert aan. Khanyisile Mthetwa (fluit) wat in 2020 haar Carnegie…

NOVEMBER-WENBOEK ’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. Die boek word deur Lux Verbi uitgegee en is by toonaangewende boekwinkels en by www.nb.co.za beskikbaar ALET JACOBS IS ONS WENNER VANDEESWEEK: ▶ ’n Bietjie Sprite Zero maak maalvleis los en hanteerbaar. Frummel sommer twee Weet-Bix-blokkies ook daarby.▶ Nog ’n wenk met Sprite Zero is om hoenderstukke in enige pakkie souspoeier te rol. Pak dit in ’n oondpan, gooi Sprite by en bak dit met foelie oor. Die Sprite maak ’n lekker sousie.▶ Grenadellamoes by Sprite maak ’n heerlike…

BUNDT-ONTBYTKOEK 1 bundt-koek 5 groot eiers60 ml (¼ k) melk2,5 ml (½ t) sout2,5 ml (½ t) swartpeper15 ml (1 e) botter2 pakke (250 g elk) spek750 ml (420 g) bruismeel2 ¼ k (190 g) cheddarkaas, fyngerasper5 ml (1 t) pietersielie, fyngekap680 ml (2¾ k) room30 ml (2 e) botter, gesmelt Voorverhit oond tot 220 °C. Spuit ringpan met kleefwerende sproei en sprinkel met meel. 1 Maak roereier deur eiers, melk, sout en peper te klits en in pan met 1 e botter te braai. Skep uit pan en laat afkoel. 2 Braai spek en sny in klein stukkies. Hou eenkant. 3 Meng bruismeel, 1 k kaas en pietersielie. Sny room met mes daarby in. Wees versigtig om nie te veel te meng nie. 4 Sprinkel ¼ koppie kaas en…

In ’n dun boekie van skaars 60 bladsye, Wat de Lezer Leert, bespreek die Vlaamse filosoof Leen Verheyen bogenoemde vrae. Baie mense het immers die idee dat dit vir ons goed is om te lees. Ons moedig kinders aan om te lees en op skool word literêre tekste voorgeskryf. Die vraag is egter wat ons eintlik wil hê kinders uit hierdie boeke moet leer, en hoe verwag ons om self te baat uit die boeke wat ons lees? Verheyen wys daarop dat verskeie regters in die VSA, België en ander lande al by geleentheid skuldiges tot die lees van sekere boeke gevonnis het. Die aanname is dus dat die lesers tot ander insigte sal kom en in die toekoms hul gedrag sal verbeter. Volgens Verheyen is daar eintlik twee verwagtings…

Een dag lank, lank gelede in ’n vorige lewe was dié koffietafel ’n eetkamertafel. Dié tafel kom ’n lang pad saam met my en ek het die blad al jare gelede in die helfte en die pote korter laat saag om dit as ’n koffietafel te gebruik. Uiteraard is die houtwerk nie meer oral waterpas nie en soos wat dit met ’n ouer lyf die geval is, is daar hier en daar ’n duik en ’n letsel. Ek hou van kleur en met dié projek kon ek na hartelus met bont kleure en patrone speel. VOORBEREIDING Jare se olie op die Oregon-dennehout moes ek baie goed afskuur en met spiritus en fyn staalwol skoonmaak. As jy so ’n meubelstuk nie behoorlik skoonmaak nie, gaan die olie deur die verflae bloei…

Vroeër, net nadat hy sy ma laat weet het alles is gereël, al die papierwerk afgehandel, sy kaartjie gekoop, het sy foon onophoudelik gelui. “Waar gaan julle bly?” wou sy weet. Net dit, dan lui sy af sodra hy van tydelike verblyf in ’n woonstel verduidelik het. Twee minute later weer: “Hoe is die klimaat daar? Toemaar, dis koud, ek weet.” En ná ’n dankbare stilte van vyf minute: “Maar het jy genoeg warm klere?” En nog vyf minute later: “Wat van daardie jas wat jy gehad het, die een wat jy destyds tweedehands gekoop het?” Hy moes geduldig verduidelik dat dit donkiejare gelede in sy arm jongmensjare was en dat hy deesdae darem nuwe klere kan bekostig. Wat Hessie hom help uitsoek. Sy ma verkies om “Hester” te sê.…

MAN SE WERK SKEP LEEMTE IN GESIN My man werk in die buiteland. My probleem is dat die geselskap opraak as ons heeltyd net oor Skype praat. Ek wil so nou en dan darem aan hom vat. Soms gaan hou ons vakansie in die buiteland, maar dit is nie dieselfde as om hom by die huis te hê nie. Wanneer hy by die huis is, is dit anders en voel ek veilig. Dis dalk skynveiligheid, maar dan voel hy ook deel van die gesin. Hoe moet ek myself anders inrig om hom te akkommodeer? – Behoefte van gesin Dit maak sin dat die geselskap opraak as julle oor Skype kommunikeer. Julle is immers in ’n verhouding wat emosioneel en fisiek is. Ek kan myself indink dat die tye by die…

WOORDSPEL 44 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Aanwensel, aanswel, aalwee, aanwen, eselwa, ewenas, nalewe, newens, snawel, welaan, eweas, nawel, naweë, newel, salwe, swaan, swael, weens, wenas, wesel, aswa, lawa, lawe, lewe, sewe, swel, waan, waas, wals, ween, wees, wens, wese TEIKEN: 18 woorde, goed 23 woorde, baie goed 30 woorde of meer, uitstekend Woordsoek In hierdie rooster moet…