Indice dei contenuti per 8 November 2019 in Vrouekeur

Die Ndlovu Youth Choir het onlangs wêreldwyd bekendheid verwerf met hul suksesvolle optrede op die Amerikaanse TVprogram America’s got Talent. Op bl 14 kan jy lees hoe hierdie koor tot stand gekom het en die verreikende impak wat dit op die koorlede se lewens gehad het en steeds het. In ’n land waar daar ook ongelukkig dikwels ’n gebrek aan samehorigheid is, het hierdie koor vir ongeveer ses weke mense oor alle grense heen saamgetrek en het almal, ten spyte van groot meningsverskille, die koor entoesiasties ondersteun. Dit was goed, mooi, opbouend en het almal diep geraak. Wat my by hierdie week se punt uitbring. Wat is dit wat mense verdeel en wat is dit wat hulle laat saamstaan? Die Salem-heksejag was ’n reeks vervolgings in koloniale Massachusetts, Amerika, tussen…

Hy ken die klankbane van flieks soos Frozen en Coco deesdae nét so goed as die lirieke van sy eie rockmusiek, erken Francois (Badenhorst) van Coke laggend. Kleinding Alex (sy word eersdaags drie jaar oud) maak seker daarvan, want sy draai haar pa om haar pinkie. “Sy kies van haar gunstelingstories se karakters en lig ons dan saans in dat ons dié rolle moet vertolk wanneer ons haar in die bed gaan sit.” Francois en sy vrou, Lauren, speel dan gelate saam en leef hulself in as enigiets van Kristoff in Frozen tot Gekko van PJ Masks. Dis wêrelde verwyder van die era in sy lewe toe Francois elke aand in ’n ander plattelandse dorpie geslaap het wanneer Fokofpolisiekar op toer was. Hy koester daardie herinneringe en hy is nie…

Sommige koorlede is al jare deel van die Ndlovu-familie, soos Sandile Majola (25). Dít is nou die outjie wat tydens hul eerste oudisie op AGT met sy skitterwit glimlag geskree het: “Hello, America!” Sandile is ook die koorbestuurder en trots om te kan sê hy is een van sewe sibbe waarvan vier deel van die jeugkoor was. Die ander drie, twee susters en ’n broer, het almal suksesvolle beroepe. Sandile sê: “Dit is danksy die koor en die positiewe mense met wie ons hier omring is, dat ons gemotiveer was om iets met ons lewe te doen. Ons word gemotiveer om ’n doelwit te stel en daarvoor te werk.” Hy het as 15-jarige, skaam tiener sy sussie, Busi, na haar oudisies vir die koor vergesel. “Ek het geweet ek wil…

KOOP DIT HIER Clicks www.clicks.co.za Dis-Chem www.dischem.co.za Edgars www.edgars.co.za Woolworths www.woolworths.co.za…

Doen jy nog al jou hoërskoolkind se take? Is jy die volgende dag by die skool as jou kind sê sy juffrou is onregverdig? Jy is dalk ’n oorbetrokke ouer. Sy sien die gevolge van oorbetrokke ouers gereeld, sê dr Jo-Marie Bothma, ’n kliniese sielkundige van Harrismith. Sy skryf die toename in ouerlike oorbetrokkenheid by hul kinders aan veranderende tye toe. “Voorheen was die wêreld veiliger en was daar nie soveel druk nie. Toe is dit as vreemd beskou as ouers te betrokke was. Deesdae is alle ouers meer gefokus daarop om hul kinders veilig te hou en die kind te laat presteer. Ons is bang hulle kry seer en wil hulle help, want ons wil hê hulle moet goed doen en ’n blink toekoms hê.” Dr Jo-Marie reken die…

Te groot kerse? As ’n kers nie in ’n blaker pas nie, hou die onderpunt in kookwater tot dit sag genoeg is om dit in die blaker in te druk. HELP, MY LIPSTIFFIE HET IN MY HANDSAK GESMELT! Spuit die vlek met haarsproei, los dit vir ’n paar minute en vee dit dan met ’n klam lap af. GEROESTE SKROEF Gooi kola-gaskoeldrank op ’n lappie en hou dit ’n rukkie teen die skroef. Probeer dit dan losdraai. MATVLEKKE Witasyn en sodawater is ’n goeie doepa vir hardnekkige vlekke op matte. OLIE DIE HOUT Klapperolie voed houtmeubels en–toebehore en kikker dit op. Het jy ’n oulike wenk wat jy met ons wil deel? Stuur ’n e-pos na zereldae@caxton.co.za en sit jou koerieradres in. Gebruik wenke op eie risiko en dra vir…

APPEL-RADYS-EN-AARBEI-HOENDERSLAAI 4 porsies 4 groen appels10 rooi radyse,4 gekrummelde hoenderschnitzels SOUS 15 ml (1 e) suurlemoensap en-skil15 ml (1 e) lemmetjiesap en-skil90 ml (6 e) olyfolie45 ml (3 e) koljanderpesto OPDIENING 200 g (1 pakkie) aarbeie 1 Sny appel en radyse baie fyn. Skep op opdienbord. 2 Braai schnitzels tot goudbruin en gaar. 3 Sous Meng alles goed. 4 Opdiening Rangskik aarbeie en hoender langs appels en radyse en gooi sous oor. 5 Sit met vars koljanderblare voor. KRAKERIGE GROENSLAAI 4 porsies 350 g (1 pak) blaarslaai¼ kop groenkool1 komkommer4 sprietuie250 ml (1 k) bevrore ertjies4 sirkels fetakaas100 g (1 pakkie) geroosterdekasjoeneute SOUS 60 ml (¼ k) teriyakisous30 ml (2 e) heuning30 ml (2 e) grondboontjiebotter30 ml (2 e) sesamolie 1 Pak slaaiblare op opdienbak. 2 Kerf kool fyn. Sny…

Min mense weet van Plooysburg, ’n dorpie regs van die N12-hoofweg onderweg Kaap toe met sy kerk, polisiekantoor, klein winkeltjie, enkele huise en ’n begraafplaas so 70 laaste rusplekke sterk. Stil en rustig in die vou van ’n Karooberg gekoester. Dié woonstreek van pionierveeboere is min of meer ’n kolletjie op die landkaart van die Noord-Kaapse savanna – wydweg ingewerk tussen Kimberley, Douglas en Schmidtsdrift – en word beslis nie vir sy uitsonderlike skoonheid of geskiedkundige herkoms besoek nie. Hier word al bykans 100 jaar kerkbasaar gehou om dorp en kerk aanmekaar te messel. Stadsjapies van so ver as Kimberley, Bloemfontein en selfs Johannesburg is gaande om hierdie seisoenale winterfees, die hartslag van die gemeente. Die pad van Johannesburg af kronkel eentonig deur ’n goudmynlandskap wat geleidelik vir die diamantvelde…

William Blake, die man wat veral bekend is as digter van onder meer Auguries of Innocence wat só begin: To see a World in a Grain of Sand/And a Heaven in a Wild Flower/Hold Infinity in the palm of your hand/And Eternity in an hour, word vandag as een van die vernaamste kreatiewe geeste van die Romantiek in Engeland gereken. In sy leeftyd is Blake (1757–1827) taamlik oor die hoof gesien. In 1809 het hy ’n uitstalling van sy kunswerke in ’n vertrek bokant sy broer se winkel in Broadstraat in Londen aangebied met die doel om hom ook as skilder te vestig. Dié plan was egter nie suksesvol nie omdat sy werk gewoon te eksperimenteel vir die publiek was. Blake se kuns het die stormagtige tyd weerspieël waarin hy…

“Hoe dink jy? Het ons die regte man?” vra Hector. Hy en Lucy sit weer in die Wimpy. “Dalk,” antwoord sy. “Hy lyk soos wat die sekswerker hom beskryf het. Toe die polisie aan sy deur klop, spring hy oor sy woonstelbalkon. Dis nie hoe iemand optree wat lekkers by die kafee op die hoek gesteel het nie.” “Hy’s dalk ’n doodgewone pervert wat dink hy’s in die moeilikheid oor sy kuiery by sekswerkers. Hy lees nie koerante nie en weet nie hy word van moord verdink nie.” Lucy steek nog ’n slaptjip in haar mond. “Wanneer ondervra julle hom?” “Ek verkies om ’n verdagte eers in sy eie sous te laat braai. Ek sal vanmiddag net vinnig vir hom hallo sê.” “Jy mag nie ’n verdagte … Weet ons…

IN TYE VAN NOOD … Ek (67) word by die dag meer bekommerd oor my geldsake. Die waarde van ons geld verswak en my pensioen gaan my nooit kan dra nie. Ek het niemand wat sal kan help as ek in ’n finansiële verknorsing sou beland nie. Vir die oomblik kan ek nog van my man se nalatenskap leef, maar dit is min en gaan nie lank hou nie en dan is ek van die staat afhanklik. My seun sukkel self en sal nie kan help nie. Wat moet ek doen? – Beangs Die meeste mense in hierdie land het nie voldoende voorsiening gemaak of kon maak om vir aftrede te kompenseer nie. Ek het self lank hieroor gedink en gewonder wat ek sou doen as ek my praktyk se…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 14 woorde, goed 17 woorde, baie goed 20 woorde of meer, uitstekend OPLOSSING: Reukwater, kwarteeu, aktueer, akteur, akuter, eureka, kurare, ureter, uretra, akute, kuret, kurwe, ruwer, ruwer, treur, keur, reeu, reuk, ruer, ruwe Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou…

Sy kan self nie glo hoe die tyd gevlieg het nie, sê Margit Meyer-Rödenbeck een loom middag in ’n koffiewinkel in Durbanville. Mens wonder hoe Dolla oor dié mylpaal en terselfdertyd oor ouer word voel. “Nee, wat. Sy blom! Sy is forever 21,” sê Margit en skater. Daar sou destyds net een vertoning vir dié vlymskerp blondine wees, maar haar gewildheid het almal verras. Nou spog sy met ’n loopbaan van meer as twee dekades, het die land al deurkruis, en het selfs al die Suid-Afrikaners in Nieu-Seeland, Australië en Londen laat huis toe verlang. Margit vertel dat Dolla se gehore deur die jare nogal dramaties verander het. “Aanvanklik was dit meer Engelse gay gehore wat haar ondersteun het. Ek het in gay klubs in Kaapstad opgetree en dit was…

Een van my egskeidings was nie wettiglik gestempel nie. Ek het dit eers jare later agtergekom toe ek om ’n paspoort aansoek gedoen het. Ek het my “man” dadelik gebel om hom die goeie nuus mee te deel – veral omdat sy boedel toe aansienlik meer werd was. Maar ons was teen daardie tyd sulke goeie vriende dat ek nie nog sy goed ook wou vat nie. Die hof het egter net my skeibrief gestempel en binnelandse sake het dit opgedateer. – Carine Pietersen Jordaan Huweliksbevestigers beveel deesdae aan dat jy eers binnelandse sake toe gaan voor jy trou net om seker te maak wat jou huwelikstatus is. Dit was in my geval die moeite werd. – Elmari Craig Mulder Ek het destyds saam met iemand klasgeloop en so sit…

Teresa Coertzen het lank terug reeds besluit om die lewe met albei hande aan te gryp. Dalk het dit iets daarmee te doen gehad dat sy op agtjarige ouderdom rumatiekkoors opgedoen het wat haar hartkleppe en hartspier beskadig het. Sy was definitief nie van plan om stil te sit en te wag tot haar hartkwaal haar begin inperk nie. Toe raak sy op 38 swanger met haar seuntjie, Jordan, en alles verander. Sy vertel van haar lewe voor Jordan (nou ses). “Ek het baie dinge gedoen. Ek was op die verhoog, ek het gesing, ek het opera gesing, ek het met diere gewerk, ek was Israel toe, ek het deur die Jordaanrivier gestap, ek was in die Maledive, ek het in die Blue Hole by Dahab in Egipte gesnorkel en…

’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. Die boek word deur Lux Verbi uitgegee en is by toonaangewende boekwinkels en by www.nb.co.za beskikbaar CHRISTENE OOSTHUIZEN VAN VISHOEK IS ONS WENNER VANDEESWEEK: Yskas gevries? Spuit die yskas met kleefwerende kooksproei as jy dit skoongemaak het. Die ys kom dan sommer maklik los om dit vinniger skoon te maak.…

VANIELJE-PLAATKOEK 1 koek 565 ml (300 g) koekmeel5 ml (1 t) bakpoeier5 ml (1 t) koeksoda2,5 ml (½ t) sout4 groot eiers315 ml (300 g) strooisuiker10 ml (2 t) vanieljegeursel180 ml (⅔ k) olie250 ml (1 k) karringmelk VERSIERSEL 90 ml (47 g) koekmeel250 ml (1 k) melk250 ml (240 g) botter250 ml (210 g) suiker10 ml (2 t) vanieljegeursel Voorverhit oond tot 175 °C en spuit oondpan van 30 cm x 25 cm met kleefwerende sproei en sprinkel dit met meel. 1 Sif meel, bakpoeier, koeksoda en sout saam. 2 Klits eiers en strooisuiker tot lig en donsig. Gooi vanieljegeursel, olie en karringmelk by en meng deur. 3 Sif meelmengsel by eiermengsel en vou by beslag in. 4 Skep beslag in oondpan en bak vir 25 tot 30 minute…

Wat het tog met liedjies gebeur? ’n Liedjie is immers veronderstel om geskep te word met verse, ’n brug, ’n refrein, opwindende wendings en, verkieslik, ’n onvoorspelbare einde … Helaas, die neiging deesdae is om omtrent net ’n refrein te hê wat tot vervelens toe herhaal word. Ander weer volg ’n digterlike ritmeroete met ’n begin, ’n verloop en ’n einde. ’n Aan tal nuwe enkelsnitte gly tussen daardie benaderings. Die gepaardgaande musiekvideo’s skilder egter vindingryk op daardie melodieë voort. Gaan loer gerus, maar luister eers hierna. SONÉ JOUBERT BEÏNDRUK “Soms voel jy vasgevang in jou omstandighede en vergeet jy van al die mooi in die lewe en dat dit moontlik is om geluk en vrede in eenvoud te vind. Dit gaan oor die mens wat smag na meer as…

Vanjaar is sommer twee Nobelpryswenners vir letterkunde aangekondig. Die goeie nuus is myns insiens dat dit nie twee skrywers uit die Engelssprekende wêreld is nie, want dit wil dikwels voorkom asof skrywers in Engels ’n binnebaan het bo skrywers in tale wat nie wyd oor die wêreld gepraat word nie, soos Pools en Duits. Twee pryswenners is aangekondig nadat geen toekenning in 2018 gemaak is nie. Ná die openbaarmaking van ’n skandaal oor die manier waarop die Sweedse Akademie die wenners vir die grootste literêre prys in die wêreld kies, is besluit om die proses te hersien en om die prys van 2018 na hierdie jaar te laat oorstaan. Gevolglik is Olga Tokarczuk as die wenner vir 2018 en Peter Handke as die wenner vir 2019 aangekondig. Die algemene verwagting…

MOEILIKHEIDSGRAAD: ⋆⋆ WAT HET JY NODIG? O orskiet-DK-breidraad in kleure soos verkies vir hasie en klere Knopies of ogies Watteersel om te stop 4 mm-breinaalde 4 mm-hekelnaald AFKORTINGS aw – aweregs m1 – maak 1 st r – regs r2tes – regs 2 tesame rVa – regs voor en agter in dieselfde st vmeer – vermeerder vmin – verminder Brei-inligting Met DK-beidraad is die hasie sowat 50 cm lank van die punt van die ore tot die voete. Jy kan dit ook met Chunky-of 4 draadbreidraad brei vir ’n onderskeidelik groter en kleiner hasie. Ek het die DK-breidraad wat ek gehad het gebruik en rooi en groen vir die klere gebruik om dit ’n Kersfees-gevoel te gee. Top kan met oop kant voor of agter gedra word. HASIE KOP Met…

In By die brandende berg soek JJ sy rykdom in Afrika se kobaltriwwe. Hy is hardwerkend, hardegat en vestig ’n myn in die Kongo saam met twee Chinese vennote. Toe hulle begin geld maak, probeer hulle van hom ontslae raak. Hy moet vir sy lewe vlug.  www.penguinrandomhouse.co.za 3 lesers kan die boek wen. SMS BERG gevolg deur jou naam, van en adres voor 13 November 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Wanneer jy hom op die skerm sien, kan jy nie help om van hom te hou nie. Met daai stout oë en groot glimlag kan jy Danny Jantjies enigiets vergewe, al jok hy homself seepglad uit ’n romantiese penarie of roskam hy sy ontroue swaer dr Steve asof hý die hoogheiligheid self is. Die sjarmante Danny is ’n paramedikus in die kykNET-sepie Binnelanders. Wanneer hy nie lewens red nie, verdedig hy sy suster Bronwyn se goeie naam, beskerm die eer van Lexi, sy susterskind, of sleep vlerk by ’n aanvallige verpleegster … tot die volgende een sy aandag trek. Maar sedert hy sy hart op die skone dr Jax verloor het, is hy so mak soos ’n lammetjie. Hy’t selfs vir Steve vergewe en is die barmhartige Samaritaan wat ’n…

❑ Verkies jy om deur ’n positiewe bril na die lewe te kyk? ❑ Is jy van nature optimisties? ❑ Sien jy probleme as uitdagings eerder as struikelblokke? ❑ Hanteer jy terugslae met selfvertroue? ❑ Beskik jy oor hanteringsvaardighede om krisisse te hanteer? ❑ Het jy ’n sterk sosiale ondersteuningstelsel? ❑ Het jy ’n goeie humorsin? ❑ Het jy stokperdjies? ❑ Neem jy aan sport deel of doen jy fisieke oefening? ❑ Het jy ontspanningstrategieë entegnieke vir stresvolle tye in plek? ❑ Het jy iemand met wie jy oor probleme kan praat? ❑ Weet jy hoe om ’n krisis in ’n geleentheid te omskep? ❑ Weet jy hoe om jou emosies en gedagtes te bestuur? ❑ Weet jy hoe om jou selfvertroue op te bou? As jou antwoorde op bogenoemde…

PERFEKTE GESKENK Met Kersfees amper om die draai, is dit dalk wys om solank ’n paar geskenke aan te skaf. Jy kan nooit ’n fout met LINDOR-sjokolade maak nie. Dit smelt in jou mond en die verpakking is so mooi, jy hoef dit nie eens toe te draai nie. Gold Cracker, R59,95, 75 g-boksie, R54,95, 100 g-teddiebeertjie, R54,95. ’N TIKKIE KLAS Carrol Boyes het pragtige artikels wat enige huis daardie ekstra gesofistikeerde voorkoms sal gee. Kyk hoe mooi is hierdie houers vir koffiebone, suikerblokkies of wat jy ook al daarin wil sit. R345 elk. VINNIG EN HEERLIK Noedels wat binne ’n paar minute gaar word, het ’n gunsteling onder Suid-Afrikaners geword. Dit is ’n vinnige ete wat selfs gerek kan word deur ander bestanddele by te voeg. Joy Instant Noodles…

ROLPRENTE FISHERMAN’S FRIEND 8/10 Met James Purefoy en Meadow Nobrega Regisseur Chris Foggin WARE LEWENSDRAMA Ai, wat ’n pragtige en genotvolle ervaring! Ons is terug in die dae toe mens ’n Cinema Nouveaurolprent kon sien wat regtig daar hoort! En dis boonop op die waarheid gegrond. ’n Agent van ’n platemaatskappy daag in ’n klein vissersgemeenskap in Brittanje op en ontdek tien rowwe vissermanne wat soos engele sing. Die fliek vier die harmonieuse kwaliteit van hul stemme, maar ook die vreugde en oorgawe waarmee hulle outydse volksliedjies sing. Hy probeer ’n platekontrak vir hulle beding, maar die pad na roem is vol spoedhobbels, en vele oranje ligte flikker op die pad na sukses. Die regisseur se aanslag is deerniswekkend en vol respek, maar hy bring veral hulde aan doodgewone ouens…

As trou nie perdekoop is nie, wonder ek wat egskeiding is? Om te skei, is lankal nie meer ’n skande nie, maar dis steeds iets wat vir die meeste mense wat dit beleef het, hoog op hul lys van mees traumatiese ervarings is. Ek weet nie wat die statistiek in Suid-Afrika is nie, maar ek het onlangs ’n artikel gelees oor egskeidings in Brittanje, waar net meer as 40% van huwelike nie gehoor gee aan die belofte van “tot die dood ons skei nie”. Ek vermoed die syfer in SA is dalk hoër, nie omdat ons as ’n nasie nie respek vir die instelling het nie, maar ons stoei reeds met ’n magdom probleme wat bykomende druk op ’n huwelik plaas. Misdaad, ’n wankel moedige ekonomie, korrupte politici en sakelui…

Komkommers (Cucumis sativus) kom glo oorspronklik uit Suidoos-Asië en is ’n lid van die cucurbitaceae-familie wat pampoene, spanspek en skorsies insluit. Komkommers is een van die natuur se voedsaamste groente en kan vars of gepiekel geëet word. Een komkommer bevat vitamien B1, B2, B3, B5 en B6, foliensuur, vitamien C, kalsium, yster, magnesium, fosfor, kalium en sink. Dis omtrent al die vitamiene wat jy per dag nodig het. Komkommers is ’n diuretikum en maak die verteringstelsel skoon en breek die uriensuur in die liggaam af, wat kan help om jig te beveg. Dit is blykbaar ook goed vir artritislyers. Komkommers bevat baie voedingstowwe wat goed vir die vel, hare en naels is en word dikwels as deel van spabehandelings gebruik. Soos wat jy van ’n plant verwag wat uit die…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Dood, jy bly vir ons ’n misterie. Jy kry dit reg om elke keer die mat onder ons voete uit te ruk, die wind uit ons seile te haal en ons stom en weerloos te laat. Maar weet jy wat? Jy mag dit alles miskien met ons regkry, maar jy het nie die laaste sê nie. God het! 1 Korintiërs 15:54 en 55: Die dood is vernietig, die oorwinning is behaal. Dood, waar is jou oorwinning? Dood, waar is jou angel? ’n Sondagskooljuffrou het vir haar klas geleer dat ons nie in die land van lewendes op pad na die land van dooies toe is nie. Ons is in die…