Indice dei contenuti per 30 August 2019 in Vrouekeur

Na aanleiding van Anne Marais se artikel, “Nommerpas vir jou” dié week, waag ek dit weer om iets oor die liefde te skryf. ’n Vriendin plaas dié geheim van gelukkige lewensmaats onlangs op haar Facebook-muur: 1 Hulle erken mekaar en reageer op mekaar se nodigheid vir aandag.2 Hulle prioritiseer intimiteit en seks.3 Hulle is in mekaar se lewens en wêrelde geïnteresseerd deur uit te vra.4 Hulle ondersteun mekaar se groei en die aanleer van nuwe dinge.5 Hulle sien probleme as gemeenskaplike probleme wat opgelos moet word. Op die einste sosiale-media-platform lees ek soms plasings raak wat my laat wonder of mense glad nie dink voor hulle iets die kuberruim instuur nie. Die geykte opvattings van die sogenaamde rol van onderskeie lewensmaats laat my sidder – dit klink vir my alte…

In In my vel vertel Azille Coetzee hoe sy, soos baie jong Suid-Afrikaners, ’n paar jaar lank oorsee gaan bly en dit selfs oorweeg het om permanent daar te woon. Hoekom het sy besluit om Suid-Afrika toe terug te keer? En hoekom is sy in die eerste plek na Amsterdam, terwyl daar soveel ander wêreldstede is om van te kies? “Ek wou ’n doktersgraad oorsee gaan doen. Ek het ook ander plekke oorweeg, maar dit was makliker om by ’n Nederlandse universiteit in te kom en ’n beurs te kry. Ek dink ook dat ek as wit Afrikaner aan Nederland as ’n vanselfsprekende heenkome gedink het; dat my wortels in Nederland lê en ek daar tuis hoort. Ek het aangeneem dat ek byna dadelik die taal sou kon praat en…

Dis gif. Jy grawe vir jou ’n graf met jou tande. Vermy suiker. Dis amper ’n doodsonde. Dis die boodskap wat deesdae wyd en syd verkondig word. Wel, dis ’n relatief nuwe “sonde” in die mens se geskiedenis, want ongeveer 80 000 jaar gelede gedurende die jagtersera, het mense slegs enkele maande per jaar toegang tot seisoenale vrugte gehad. En dan moes hulle boonop met die voëls meeding! Voor die 16de eeu kon slegs die rykes suiker bekostig, maar daarna was dit as gevolg van die handel wyer beskikbaar. Deesdae word skole en hospitale oor te veel suiker aangevat en talle mense vertel trots en met ’n tikkie meerderwaardigheid hoe hulle om gesondheids- en verslankingsredes suiker uit hul dieet gesny het. Hoe moet sjokoholiste of reekskoeksis-tereters dan oor hul vergrype…

DIEGO DALLA PALMA 24-HOUR INTENSIVE HYDRO PLUMPING CREAM – Eldaleen Hugo, redakteur As jy oor 50 is, soek jou vel vog (en dikwels) het ek agtergekom. Dié potjie room, Diego dalla Palma 24-hour Intensive Hydro Plumping Cream, is weliswaar nie spotgoedkoop nie, maar dis perfek vir my vel. Boonop kan jy dit dag en nag gebruik, wat goed is – ek hou juis nie van ’n klomp potjies en botteltjies in my badkamer nie. R925, beskikbaar by spa’s landwyd of bel 021 701 2900 YOONILOOK EN CATRICE SENSITIVE EYES -MASKARA – Christa Swanepoel, hoofteksredakteur Net iemand wat bysiende is en ’n bril moet dra om iets vlak voor jou raak te sien, sal weet hoe ’n gesukkel dit is om ooggrimering aan te wend en wenkbroue te pluk. Sit jy…

#bakliefde Mareli ROOSMARYN-FOCACCIA 1 brood 330 ml (1 ⅓ k) louwarm water10 ml (2 t) heuning1 pakkie (10 g) kitsgis875 ml (500 g) witbroodmeel5 ml (1 t) sout60 ml (¼ k) olyfolie30 ml (2 e) olyfolie10 ml (2 t) soutvlokkies2 takkies roosmaryn 1 Meng water, heuning en kitsgis en laat staan vir 10 minute tot skuimlaag vorm. 2 Gooi meel, sout en 60 ml olyfolie by en roer tot deeg vorm. Knie deeg vir vyf minute tot glad en elasties. Bedek bak met plastieksak en laat sowat 30 minute tot dubbelvolume rys. 3 Voorverhit oond tot 200°C en voer bakplaat met waspapier uit. Strooi liggies met meel. 4 Plaas deegbal op bakplaat en rol in sirkel. Bedek met kleefplastiek en laat weer vir 30 minute rys. 5 Druk met vingerpunte…

CALVINIA SE GROOT FEES Die Hantam-vleisfees word vanjaar van 30 tot 31 Augustus op Calvinia gehou en vind vir die 30ste keer plaas. Die Hantamstreek is bekend vir sy heerlike skaapvleis en hiervan gaan daar ’n oorvloed wees – van gebraai, in bredies, gekerrie, in ’n pot, op ’n stokkie tot selfs skaapkop. Benewens heerlike kos en talle stalletjies, is daar ook vermaak deur die Klipwerf-orkes, Jay, Pieter Koen en ander. Besoek www.hantamvleisfees.com vir meer inligting. Kaartjiepryse wissel en sal slegs by die hekke te koop wees SJOKOLADE FEES Is jy gek oor sjokolade? Moet dan nie die Sjokoladefees van 31 Augustus tot 1 September (10:00–16:00) by die Woodmill op Stellenbosch misloop nie. Daar sal ook ander lekkertes soos oliebolle, spookasem en makrolletjies wees. Verwag ook burgers, pizzas, kase en…

Slegs ’n paar dae voordat “’n verlore Caravaggio” op ’n veiling in Frankryk onder die hamer sou kom, is dié skildery, Judith en Holofernes, teen ’n onbekende bedrag aan ’n anonieme koper verkoop. Die ooreenkoms met die afslaer was dat die koper se anonimiteit gewaarborg moet word. Maar is anonimiteit nog moontlik in ’n tyd waarin bitter min privaat is? ’n Dag of drie later het The New York Times berig die biljoenêrversamelaar J Tomilson Hill is die koper. Toe dié artikel geskryf is, was daar van Hill nog geen reaksie nie. En die koopprys was ook nog nie bekend nie. Die afslaer het wel aangedui dat die skildery tussen R1,6 miljard en R2,7 miljard op die veiling sou kon behaal. Die skildery is vyf jaar gelede onder ’n ou…

Daar is waarskynlik nie oor een ander Suid-Afrikaanse politikus soveel biografieë geskryf as oor Jan Smuts nie. Mens kan maar net dink aan die omvangryke biografie, in twee dik boeke, deur Richard Hancock wat reeds in die 1960’s verskyn het, die biografie deur Piet Meiring: Jan Smuts die Afrikaner, en biografieë deur Sarah Gertrude Millin, Bernard Friedman, of die een deur sy seun, Jannie. Meer onlangs, in 2016, het Richard Steyn se Jan Smuts: Unafraid of Greatness verskyn. Die rede waarom daar telkens pogings aangewend word om oor Smuts te skryf, is dat hy ongetwyfeld ’n briljante man was. Hy het as filosoof, militêre leier, politikus en staatsman ’n groot rol in die Suid-Afrikaanse geskiedenis gespeel, terwyl hy ook ’n bydrae tot die wêreldgeskiedenis gelewer het. Nog belangriker is egter…

MOEILIKHEIDSGRAAD: ★ ★ WAT HET JY NODIG? Wool & Crafts se Pure Cotton Colours (DK) 100 g 2(3; 3; 3) balle wit 1 bal elk ligpers, ligblou, ligpienk en liggeel Steekhouer AFKORTINGS gl1 – glip 1 st; r – regs; r2tes – regs 2 steke tesame; tgso – trek glipsteek oor GROOTTE 5–6(7–8; 9–10; 11–12) jaar BREI-INLIGTING ▪ Die toppie sit losserig, dus sal dit nog lank pas.▪ Wissel kleure elke tiende ry af soos op foto. WENKE Wissel kleure af soos verkies of brei die top in een kleur. LET WEL ▪ Dis katoengaring, let dus op hoe dit versorg moet word.▪ Die tekstuur van die katoenbreidraad maak dat die eindproduk solied is, maar dit is heerlik koel. Gebruik enige ander DK-breidraad as jy ’n sagter truitjie verkies. AANWYSINGS…

Terwyl ek by die koffiewinkel in Kloofstraat vir Rolanda wag, kry ek ’n boodskap: “Só jammer, ek gaan ’n paar minute laat wees, my dogtertjie wil my nie laat gaan nie.” Ons moes omtrent meet en pas om tyd vir ’n afspraak te kry, want Rolanda is met verskeie projekte besig. Nou voel ek selfs skuldiger dat ek haar moes wegrokkel. ’n Rukkie later daag sy op, prentjiemooi in ’n swart broek en swart jas en stel my dadelik op my gemak. “Moenie sleg voel nie, Ouma is by haar en dié twee is baie close. Dis net moeilik op die oomblik, want die afgelope twee weke doen ek night shoots en my man, Jozua (Malherbe), is ook weg – hy’s besig om die rolprent Griekwastad op Hopefield te skiet.”…

VERVANG DIT Vier goed wat jy volgens kenners glo gereeld moet vervang, 1 JOU TANDEBORSEL – elke vier maande.2 JOU KONTAKLENSHOUER – elke drie maande.3 SONSKERMMIDDEL – as dit verby die vervaldatum is.4 JOU KOPKUSSING – elke twee jaar. TEKENS DAT JY ’N MAAGSEER HET As jy maagpyn, slegte spysvertering, sooibrand, gebrek aan eetlus, algemene olikheid en gewigsverlies ervaar, het jy dalk ’n maagseer. Gaan dokter toe. Moenie wag as jy bloed opgooi, teeragtige stoelgange het en erge, skerp maagpyn ondervind nie. Bad vir ’n lekker nagrus Navorsers het bevind jy sal gouer aan die slaap raak as jy net voor slaaptyd bad en dat jy ook ’n beter nagrus sal hê. Dit het glo met die verlaging van jou liggaamstemperatuur te doen. Dit begin natuurlik twee uur voor jou…

Die maatskappy Restore South Africa is die vrug van glo en wéét dat die droom wat die Here in haar hart geplant het, die droom is wat gestalte sal kry. Dié maatskappy verskaf werk aan vroue uit minderbevoorregte gemeenskappe, asook klere aan skoolkinders in die Wes- en Oos-Kaap. Maar die verhaal van hoe Restore SA tot stand gekom het, sal jou dalk jou kop in ongeloof laat skud. Dié maatskappy is die uitvloeisel van ’n klomp ander projekte, onder meer Royal Kids en Sheets for Shirts, wat Danolene Johanessen in geloof aangepak het, maar sy het altyd geweet sy is nog nie klaar nie. Daar kom groter dinge. As kind is sy herhaaldelik gemolesteer, geboelie en geterg. Sy het jare lank hard probeer om die ontsaglike seer diep weg te…

BINNE MINUTE Geniet die smaak van Italië met Bella Vita se verskeidenheid pastageregte wat net warm gemaak hoef te word. Van die lekker smake sluit in Pulled Pork Mac & Cheese met ’n heerlike gerookte BBQ-smaak en Tuna Gomiti waar die pasta in ’n romerige mascarpone-tamatie-en-tuna-sous verdrink, R49,99 elk by Checkers en Checkers Hyper beskikbaar. DRINK JOUSELF GESOND Rugani se sappe is gesond, want knolgroente soos wortels en beet is nog altyd vir hul helende eienskappe bekend. Kies uit 100% wortelsap, beet-en-wortel-sap, gemmer-gegeurde wortelsap en pynappelsap. By Food Lovers Market, Dis- Chem of www.faithful-to-nature.co.za beskikbaar of besoek www.ruganijuice.co.za WEES SONSLIM Die Pradiance Sunstick SPF30 is vir alle velsoorte geskik. Met ’n wye spektrum UVA- en UVB-beskerming, weerspieël dit sonlig wat die absorpsie van sonstrale voorkom. Dit is waterbestand en nie…

Kyk (en luister): Die Wes-Kaap lewer die een ster ná die ander op! Of dit nou op die rugbyveld of op die vermaakverhoog is Twee van daardie blinkstes is Sunel van der Linde van Mosselbaai en Willem Botha van Riversdal. Daar is ’n eenvoud, aardsheid en lewenslus uit dié omgewing waarby mense gemaklik aanklank vind. Ons luister na die jongste genotvolle werk van dié twee Wes-Kapenaars. SUNEL EN AL DAAI JAZZ Dean Martin, Ella Fitzgerald, Frank Sinatra en Katie Melua is die liedjieskrywer-sangeres Sunel van der Linde se musikale invloede. Op haar debuutalbum, Symptome, versnit sy jazz, swing, folk en kontemporêre pop in ’n album wat van talent en vaardigheid getuig. Sy belig die gevoelens van liefde, verliefdheid, geluk, hartseer en emosies wat die lewe karteer. Sunel, met bydraes deur…

Dit was met sy voorstelling van Puccini se La bohème waarmee Franco Zeffirelli in 1981 sy naam in die annale van die Metropolitan Opera in New York verewig het. Dit is meteen ook die een opera-aanbieding wat sedert die ontstaan van die Met die meeste keer aangebied is: in totaal 508 keer. Zeffirelli se La bohème is weer in dié operageselskap se 2019/’20-seisoen ingesluit. Die Live from the Met-weergawe in die Live-in HD-reeks wat wêreldwyd in rolprentteaters vertoon is, het in 2008, 2014 en weer verlede jaar miljoene kykers gelok. In ’n huldeblyk aan Zeffirelli, wat vroeër vanjaar op 96 dood is, het die Met dié Italiaanse regisseur en ontwerper besing as die man wat met sy produksies die afgelope 30 jaar tot die geselskap se teateridentiteit bygedra het. “Met…

Emosioneel losmaak van hierdie bondeltjie mens? Weet Arnold enigsins waarvan hy praat? Hy is koelbloedig. Mia rol snags rond daaroor. Die moontlikheid dat Karli weggeneem kan word, is ’n skim wat by die dag meer konkreet word. “Ek sal dit moeilik kan verdra, Fienie,” bely sy een oggend toe sy klaar vir Karli haar bottel gegee het en met die baba knus teen haar skouer sit en winde uitvryf. Fienie skud radeloos kop. “Mens se verknogtheid aan so ’n kindjie is onuitwisbaar.” Ben kom betyds binne om haar woorde te hoor. Hy voeg hom dadelik by die gesprek. “Jy praat waar, Fienie. Daardie band is byna onbreekbaar. Die afskeid destyds van die kleintjies in die kinderhuis was ellendig.” Sy stem is eintlik skor sodat die twee vroue hom verwonderd aankyk.…

NIE LUS VIR TREK NIE Ek moet binnekort na ’n ander dorp verhuis. Soveel as wat ek uitgesien het na die nuwe pos en om ander te ontmoet, voel ek nou in sak en as en is daar niks waarna ek uitsien nie. Ek het net geen energie nie en die trekdatum kom nader. Ek stel uit en kry myself nie sover om te begin pak nie. Niks maak my meer opgewonde nie. Help! – Moedverlore Benewens die algemene stres wat verhuising meebring, merk ek ’n lae gemoed wat aan neerslagtigheid soos depressie van die een of ander aard herinner. Besoek jou huisdokter om te bepaal of daar nie dalk iets anders is wat jou gemoed onderdruk nie. Daar kan vele aspekte wees wat mens se energie en dryfkrag affekteer,…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria- Noord en is al 20+ jaar ’n predikant Ek hardloop vanaand gou by my ma in. Sy het ’n pot hoendersop op die stoof. Spesiaal vir my man gemaak. Hy is goed siek. Sy glo soos baie ander dat hoendersop gesond maak. Ek sê vir haar: “Ma, met respek gesê, dis ’n ouvroustorie.” “Wel,” sê sy, “ek is oud. So ek glo dit.” “Ja, beur ek voort, ek het ’n praatjie gehou met die tema: Chicken Soup for the Soul en toe het ek raakgelees hulle sê dat die voordeel van hoendersop vir siek mense is “all in the mind.” “O,” sê sy, “het Jimmy die praatjie gehoor?” “Nee,” sê ek. “Nou goed,” sê sy, “dan sal…

Christo Davids het as die nimlike Errol in 7de Laan diep spore in kykers se harte getrap, maar sy akteursloopbaan het lank voor dié rol begin, toe hy op 11-jarige ouderdom die rol van Dial September in Onder engele gespeel het. Vandag maak hy ook boonop naam as bekroonde regisseur. Onder sy hand het My seuns met Sandra Prinsloo, Louw Venter, Edwin van der Walt, Sandi Schultz, Buhle Ngaba en Donovan Petersen verlede jaar by Aardklop die prys vir beste regisseur, ’n ATKV Aardkloptoekenning vir grensverskuiwende werk en beste nuutgeskrewe Afrikaanse teks gewen. By die US Woordfees op Stellenbosch, Innibos op Nelspruit en Vryfees in Bloemfontein was die sale stampvol vir dié vertoning, wat die kompleksiteit van kleur en familie benader. Ek het hom by die US Woordfees vir ’n…

Sedert ek aan dié artikel begin werk het, moes ek ontdek ek is ook ’n uitsteller. Vantevore het ek aan myself gedink as gedissiplineerd en hardwerkend. Nou moet ek agterkom ek beoefen verskeie taktieke om belangrike take uit te stel. Ek is nie lief om te veel tyd per dag aan ’n spesifieke taak af te staan nie. (Hoe eet jy ’n olifant? Klein happies.) As skrywer werk ek gewoonlik aan verskeie projekte tegelyk, en dis vir my makliker om in kort sarsies te skryf, paragraaf vir moeisame paragraaf. Soms verras ek myself en werk geïnspireerd vir ’n volle uur aanmekaar. Ek is al drie jaar met my derde roman besig, heelwat stadiger as met die vorige twee. Ek het baie verskonings vir die vertraging, maar kan nie dadelik aan…

AUGUSTUS-WENBOEK Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Bederf jou gesin met ou familiegunstelinge soos lewerkoekies, bobotie en skaapboud in die “toe”-gedeelte en geniet weer die liplekker lekkerte van melktert, gemmerkoekies en gemmerbier, om maar net enkeles te noem. As jou tyd beperk is, wend jou tot die kortpad- getoetste resepte in die “nou”- gedeelte waar die mikrogolf ingespan word, soos ’n sjokoladekoek wat in slegs sewe minute gemaak word, en beproefde, gesonder geregte soos spinasiegebak, pampoenmuffins, bobotie met ’n appellaag en eiervrugslaai. Die boek word deur Human & Rousseau uitgegee en is by toonaangewende boekwinkels beskikbaar HEDWICHT SMITH HET VIR ONS HIERDIE WENKE GESTUUR: ▪ Die bekende pastaslaai wat jy met kerrie en tamatiesous maak,…

HOENDER-RENDANG 4 porsies 3 knoffelhuisies 2 cm-stuk vars gemmer ½ ui 1 klein rooi ui3 sitroengrasstukke van 10 cm elk160 ml (⅔ k) water8 hoenderdytjies1 steranys3 kardemomsade2 naeltjies1 kaneelstokkie5 ml (1 t) brandrissievlokkies30 ml (2 e) kerriepoeier400 ml (1 blikkie) klapperroom1 suurlemoen se sap30 ml (2 e) suiker 1 Verpulp knoffel, gemmer, ui, rooi ui, sitroengras en water tot pasta. 2 Verbruin hoenderdye en hou eenkant. 3 Verhit bietjie olie en braai steranys, kardemom, naeltjies, kaneel, brandrissie en kerriepoeier tot geure loskom. Gooi uiemengsel ook by en braai verder. 4 Pak hoenderstukke terug in kerriemengsel en roer klapperroom en suurlemoensap by. 5 Laat vir 20 minute prut en geur met sout, peper en suiker. As kerrie begin droog kook, gooi bietjie water by. TAMATIERYS 4 porsies 250 g basmati-rys30 ml…

KITSFEITE ▸ Prins Albert lê 77 km aan die een kant van De Rust en 35 km van Oudtshoorn af, daar verby Dysselsdorp op die N12.▸ Ons het heerlik by House Martin, in die middel van die dorpie, gebly. Van daar kan jy vir koffie en aandete stap, tensy jy lekker langs die swembad wil braai. Meer inligting by 044 241 2009; 082 786 8491, info@housemartinsa.co.za, www.housemartinsa.co.za Mens dink jy ken ’n omgewing, tot jy eendag op ’n stofpad agter die plase van die Klein-Karoo beland en besef hoe groot en uitgestrek dié wêreld is. En dan, terwyl jy op die grondpad ry en jou vergaap aan die angorabokke en klein krulhaarboklammertjies, verskyn ’n kerkie op die hoogte buite Dysselsdorp en besef jy dis Jan van Tonder se kerkie waaroor…

ROLPRENTE BLINDED BY THE LIGHT Met Viveik Kalra en Meera Ganatra Regisseur Gurinder Chadha KOMEDIEDRAMA Sekere kunstenaars kry nou eers, in 2019, die eer wat hulle toekom. Terugskouend word daar vanjaar eers werklik besin oor die ongelooflike en dikwels geniale bydrae wat popgroepe soos die Beatles gemaak het (Yesterday), om nie van Queen (2018 se Bohemian Rhapsody), Elton John (Rocketman) en nou Bruce Springsteen te praat nie. Laasgenoemde het natuurlik ook op sy tyd ’n sensasie veroorsaak met hoe netjies hy in sy jeans pas, maar natuurlik ook vanweë sy fenomenale stem. In hierdie komediedrama beland die ikoniese sanger opnuut in die kollig wanneer ’n Britse tiener met hom behep raak, maar ook vind dat sy lewe radikaal deur Springsteen en sy musiek beïnvloed word. Op hierdie manier verstaan hy…

Die afgetrede sakeman Hannes Plekker en sy vrou, Suzette, woon die afgelope 17 jaar in Paarl-Suid in ’n huis met die naam Hoog en Droog, wat meer as 200 jaar oud is. Die Plekkers beskryf hul huis se styl as “soort van klassiek, met alles waarvan ons hou en baie daarvan is oud!” Suzette vertel dat hulle letterlik agter die huis aan getrek het toe dit nog ’n kasarm was. “Ons het ’n geruime tyd ’n bekostigbare ou huis in die Kaap gesoek nadat ons voorheen ’n Victoriaanse huis in Port Elizabeth gerestoureer het, toe ons dié huis in ’n advertensie sien.” Die huis was toentertyd deel van die statige Grande Roche Hotel. Uit die Plekkers se slaapkamer op die boonste verdieping het jy ’n ongerepte uitsig oor die hotel.…

Nog voor Adolf om die hoek stap, ruik hy al die pasteitjies wat pas uit die oond gekom het. Sy maag mor saggies, want ontbyt voel soos eeue gelede. Hy kyk op sy horlosie. Twintig minute vroeg. Altyd vroeg. Hy stoot die deur van die koffiewinkel oop en stap binne. Sy oë neem ’n rukkie om aan die lig binne gewoond te raak. Hy kyk die mense wat by tafeltjies sit vlugtig deur. Sy is nog nie hier nie. Hy beduie vir die kelnerin na ’n tafel in die hoek. Van daar af kan hy die deur met gemak dophou. Adolf gaan sit en bespied die ander mense. Niemand is alleen nie en niemand lyk soos sý nie. Nie dat sy nog soos 20 jaar gelede sal lyk nie. Maar…

As jy ’n balkontuin beplan, is daar ’n paar dinge om in gedagte te hou. Die eerste is om te besluit wat jou doel met die ruimte is: Wil jy groente of kruie kweek, mense daar onthaal, mediteer of ’n herdenkingstuin skep? Dink ook aan praktiese elemente. Tuine kort water en daar moet ’n kraan naby wees. Onthou as groot potte eers met grond gevul is, gaan dit moeilik wees om dit rond te skuif. HOUERS Oor die algemeen is natuurlike materiale soos hout, klei, klip of gietyster wonderlik, maar dis swaar, veral as dit nat is. Kyk eers of daar enige gewigbeperkinge op jou balkon is. Houers wat van ligter materiale soos veselglas gemaak is, is ideaal vir daken balkontuine. Houerstyle sluit hangmandjies, houtvensterbokse, staanders en ’n reeks herwinbare…

WOORDSPEL 33 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 12 woorde, baie goed 14 woorde of meer, uitstekend OPLOSSING: Koppenent, opteken, penkop, pepton, kneep, opeen, opeet, poëet, keep, knop, kope, open, peet, pont Woordsoek Daar is 38 mitiese gode in hierdie rooster, wat opgespoor moet word. Hulle kan horisontaal, diagonaal, vertikaal, onderstebo of agterstevoor gelees word en val soms…