Indice dei contenuti per Jul/Aug 2025 in SARIE

Ek hou van dié tyd van die jaar. Goed koud en die Kaap mos wintergroen. En in die noorde, wel, daar speel ’n glas rooiwyn voor die kaggel vinnig klaar met die seisoen se vaal. Boonop verjaar SARIE, en altyd onthou ons dat dit met die tydskrif se eerste verskyning in 1949 selfs op Tafelberg gesneeu het – ’n gelukbringer kan jy maar sê. Maar dis ook Vrouemaand, en Voorbladgesig, wanneer vroue se stories ons van voor af verwonderd laat. Trots maak op dít wat hulle vermag, voor kans sien, voor staan én opstaan. Op hoe hulle hul krag en kreatiwiteit #saamsnoer vir ’n beter wêreld en doodgewoon vir ’n gelukkiger “ek”. Die jaarlikse inskrywings vir Voorbladgesig vertel altyd méér, en hierin lê juis die mooi en die waarde van…

Kleintyd was daar nie karakters in stories met woeste krulle soos haar eie hare nie. Toe skep die bekroonde aktrise, regisseur en skrywer Bianca Flanders self een: Sodat kinders die prinses in hulself kan leer omhels. Op ’n wyse 13 het Bianca opgehou om met die haardroër te baklei – en haar hare gelos soos die natuur dit wou hê. “Ek was bang die ander kinders lag vir my, maar niemand het hulle daaraan gesteur nie. Dit was ’n groot oomblik; die begin van my ontmoeting met myself.” Bianca het ’n stappie verder gegaan Altyd nog maar “’n ernstige boekwurm”, was daar kleintyd “nie regtig boeke met karakters wat soos ek lyk nie”. Só is die karakter in Prinses Pampoenpit * gebore, ’n meisiekind van so vyf met wilde, woeste…

Van kleintyd af was die skeidsregter Aimee Barrett-Theron versot op rugby. Maar dit was veral Joel Stransky se wen-skepdoel tydens die Rugbywêreldbeker-eindstryd in 1995 wat haar liefde vir die sportsoort aangevuur het. “Ek kon toe nog nie die volle impak van daardie wen begryp nie, maar ek was mal oor hoe die mense bymekaargekom het en die Springbokke ondersteun het. En toe die Bokke daai trofee omhoog hou, het ek net geweet hierdie sport is vir my.” Min het Aimee toe al geweet watter impak sy self in rugby, as vrou, sou hê: Eerste professionele vroueskeidsregter van SA Rugby, eerste vrou wat in Super Rugby blaas, eerste Suid-Afrikaanse vroueskeidsregter in die Verenigde Rugbykampioenskap. Meer onlangs het sy die eerste vroueskeidsregter geword wat vir meer as 40 toetse geblaas het –…

Sy het net altyd gewéét daar is meer daar buite. Wat, was sy nie seker nie, maar Delmari van Zyl (34) het gevoel as sy hard werk, is iets groters haar beskore. En sy was reg. “In my twintigs het ek soms tot vier verskillende werke gehad en geswot tot ek my meestersgraad in strategiese kommunikasie klaargemaak het. Ek het só min geslaap!” skud sy haar kop, laggend. Sy gesels oor Zoom vanuit Parys, Frankryk, waar sy onlangs aangestel is as hoof van korporatiewe handelsnaam-kommunikasie (global head of brand corporate engagement) in die skoonheidsafdeling van Yves Saint Laurent. Sy was voorheen produksiekoördineerder vir kykNUUS op kykNET; hoof van borge, bemarking en media by Aardklop; en hoof van produksie vir Nickelodeon Ethiopië se tekenprente vanuit Suid-Afrika. Toe bevind sy haarself tydelik…

1. Elke vrou behoort ’n lipstiffie met ’n glansafwerking in haar grimeersakkie te hê. Dit kikker jou grimeervoorkoms op en laat jou lippe voller lyk. Popsangeres Rihanna se Fenty Beauty het ’n nuwe glanslipstiffie, die Gloss Bomb Stix High-Shimmer Gloss Stick, bekendgestel wat onder meer skwaleen, kiwivrugolie, vitamien E en galambotter bevat om jou lippe vogtig en plomp te hou. Maar die formule, wat verlede jaar ’n topverkoper was, is nou met glinsterdeeltjies verryk wat ’n pragtige pêrelagtige skynsel skep. Boonop ruik die lipstiffie na Rihanna se gunsteling-perske-en-vanieljegeur. In ses skakerings, insluitend die gewilde Hot Chocolit en Fenty Glow, teen R540 elk beskikbaar by ARC 2. Plaas die kollig op jou hande met ’n moderne interpretasie van ’n ikoniese luiperd se kolle. In 1914 is die Franse luuksehandelsmerk Cartier se…

Mel Robbins is ’n bekende Amerikaanse selfhelpkenner met miljoene volgelinge aanlyn. Meer as vier miljoen eksemplare van haar 2024-boek, The Let Them Theory, is reeds verkoop en 14 miljoen mense het binne die eerste week na haar podsending oor die einste tema geluister. Dalk is dit so gewild omdat sy op ’n maklik verstaanbare manier ’n lewenswysheid oordra wat help om mense se angs en stres te verminder. Haar boodskap? Kry die drang na beheer in bedwang. Genetika en leefstyl dra by tot ’n langer lewe – dit weet ons – maar toe ek ’n vriendin vertel van ’n Finse studie oor chroniese stres en angs wat bevind het dit verkort ’n mens se lewensverwagting, lag ons toe sy sê: “Dan het ek min tyd oor.” Dis by ’n Nederlandse…

Witwyn en canapé’s GEVULDE EIERS MET BROS KRUMMELLAAG Ek het hierdie eiers laas jaar vir SARIE se Kersfeesetes gemaak en die gaste was gaande daaroor. As daar nou een peuselkos is wat almal geniet, is dit gevulde eiers. Dié resep is klassiek, maar met ’n Herman-kinkel. genoeg vir 12 ■ 12 eiers, plus een ekstra eier, geklits■ 45 ml dukkah-speserymengsel plus ekstra vir garnering■ 30 ml geroomde peperwortel (horseradish cream)■ 125 ml mayonnaise■ sout en varsgemaalde swartpeper■ 140 g (250 ml) koekmeel■ 55 g (250 ml) pankobroodkrummels■ kanola-olie vir diepbraai■ parmesaankaas vir rasper Bring groot pot met water tot kookpunt en plaas 12 eiers in die water sodra dit begin kook. Kook vir 12 minute vir harde eiers. Laat eiers afkoel en dop af. Halveer eiers en skep eiergele met ’n teelepel uit. Plaas gele in…

SWART-EN-WIT Die deurlopende kleurtema van die huis word ook in die kombuis van Long House (sien bl. 84) weerspieël met ’n leiklipvloer, wat die monochrome werkvlakke en afwerkings van bleek hout komplementeer. Koopgids op bl. 141…

V Hoe het jy in Namibië beland? A Ek is in Desember 1995, op 22-jarige ouderdom, Windhoek toe vir ’n troue: dié van my vriendin Hannelie Horn, ’n Namibiër saam met wie ek in Pretoria studeer het. By die troue het ek haar tweelingbroer, Christo, ontmoet. ’n Jaar later is ons ná ’n langafstandverhouding en baie kuiers heen en weer in Pretoria getroud. Ons is nou 28 jaar getroud met twee dogters, Liezl (24) en Nina (21), en ek werk steeds by die Capricorngroep wat Bank Windhoek, my eerste werkplek in Namibië, besit. V Wat maak die land anders? A Ons praat baie onder mekaar van ons land van melk en heuning en hoe bevoorreg ons is om hier te woon! Namibië is ’n land van uiterste kontraste en ongelooflike…

F Forever New 086 001 8014,forevernew.co.zaFoschini 0861 111 761, bash.com H HAUS by Hertex 021 914 3390,0860 437 839, hertexhaus.co.zaH&M 0860 690 707, hm.com/za I Incanda 021 863 1965, incanda.co.za L Levi’s 021 403 9400, levi.co.zaLovisa 010 143 0780, lovisajewellery.co.za M M&B 072 611 1979, meandb.shop O Old Khaki 086 044 4429, oldkhaki.co.za P Poetry 0860 555 529, poetrystores.co.za Q Queenspark 086 178 3367, queenspark.com S Swarovski 021 551 3811,087 150 6815, swarovski.com W Woolworths 0860 022 002,woolworths.co.za Z Zara 011 302 1500, 021 446 8700,031 536 6440, zara.com/za…

Die kantoor is oorvol, houers vol strokies, kwitansies en tekste word uitgedra, skilderye kry nuwe rame, mure word geverf. Langs ’n rak staan twee reghoeke uit karton, netjies toegeplak, ek het geen idee wat dit kan wees nie, maar ek weet dat wanneer iets so deeglik verseël is, ek ’n plan gehad het. Ek sny die bokant en een sykant versigtig oop en voel aan die binnekant. Daar is ’n enkele vel papier, ek trek dit uit. ’n Paar jaar gelede het ek by die Kunstekaap in Kaapstad opgetree, soos gewoonlik is kratte vol dekor en rekwisiete vooraf daar afgelewer, onder meer ’n jas met massiewe skuimboë, lap en skubbe, hierdie kostuum het die lyf van ’n draak gevorm en etlike meters agter my aangesleep. Tydens die vervoer het van…

In haar hart het sy vrede gehad dat ‘die een’, die getroude lewe, die kanselpaadjie in ’n wit rok, haar eenvoudig nie beskore is nie. Sy het immers nooit juis van kleins af daarvan gedroom soos baie dogtertjies nie – eerder van ’n suksesvolle loopbaan. En dié sukses het sy al in oorvloed beleef. Toe ontmoet aktrise Nadia Valvekens vir André Okes. Sommer net so op ’n gewone agtermiddag, by ’n doodgewone restaurant waar sy tydens ’n vakansie in die Kaap ’n vriendin ontmoet het vir pizza, wyn en ’n uitsig op die sonsondergang. Daar was geen vuurwerke of weerligstrale nie – eerder ’n wete, ’n gemaklikheid, ’n saligheid wat baie vinnig in haar hart begin posvat het. Dié man, het sy gou besef, is anders as al die ander.…

As jy ’n Mondvol-koekie hap, wag daar altyd ’n verrassing – cappuccino, melktert, Peppermint Crisp, Steri Stumpie . . . En van een ding kan jy seker wees: pure vreugde. Vir Andriette Georgiou, skepper van dié bonkige, klam koekies, kan jy nie ’n groter kompliment gee nie. “Ek wil vreugde bring,” sê sy. Tot die Mondvol-kombuis is ’n vrolike plek, “dis dol, maar dis ’n lekker dol!” Tydens die pandemie is Andriette se “geluk en identiteit oornag gesteel” toe sy haar werk as musikant en geleentheidsbeplanner verloor het. “Ek was gebroke. Ek het nie geweet wat my weer geluk gaan gee nie. Daarom is dit vir my as sake-eienaar so belangrik dat my span elke dag vreugde ervaar en passievol oor hul werk voel. Ek weier dat iemand dieselfde taak…

In 2006 moes Karyn Maughan as jong hofverslaggewer oor Jacob Zuma se verkragtingsaak berig. Sy word die enigste joernalis wat vir die volgende 20 jaar oor sy hofsake sou skryf. Sedert 2020 berig dié senior joernalis van News24 nie net oor korrupsie nie, maar onder meer ook oor seksuele misbruik en die Vrystaatse asbesbedrogsaak. Sy het meer as ’n halfmiljoen volgelinge op X. Haar deeglike verslaggewing het haar Zuma se teiken gemaak en hy het ’n private saak teen haar en Billy Downer, die aanklaer in sy korrupsieverhoor, gemaak. Eintlik om hulle stil te kry. Karyn is jare lank oral beswadder, veral op sosiale media. Haar lewe is selfs bedreig. Sy kon nie haar blyplek verlaat nie. Haar gevoelens het toe “tussen woede en rou gehuiwer”; haar lewe is van…

As daar al ooit ’n spesiale SARIE-oomblik was, is dit hierdie! Om die tydskrif se vyftiende Voorbladgesig-wenner te word. In 2011 het die wedstryd se eerste leser op ons voorblad verskyn, ’n jong regstudent van die Baai – Alrie Velleman. En toe’s daar geen omdraai nie. Sedertdien skryf vroue jaarliks van oral in die land in vir hierdie een-keer-in-’n-leeftyd-wedstryd. Ontmoet nou ons 35 semifinaliste van 2025. Hulle is energiek, passievol, gedrewe, gefokus. Vasbyters wat selfs vir ’n tweede, en ’n derde keer inskryf. Ook avontuurlustig en goed nuuskierig om te sien wat agter SARIE se voorbladkamera gebeur en om die tydskrifspan te leer ken, erken hulle! Uit hierdie 35 word sewe finaliste gekies, en dan die twee wenners: SARIE Voorbladgesig 2025 & SARIE Nuwe Gesig 2025 – ’n kategorie spesiaal…

MANTELBAADJIE Nuut vir 2025! Vir jare was dit die manteljas, maar vanjaar is die mantel korter in die vorm van ’n baadjie. Perfek vir die winter se laag-op-laag-voorkoms. SKAAPWOLTEKSTUUR Of dit nou egte of kuns-skaapwol is, die sagte tekstuur gee ’n knus gevoel aan ’n uitrusting. Van volle baadjies tot net kraagdetail. LUIPERDVELPATROON Van Jackie Kennedy tot Kate Moss, ’n luiperdvelpatroonjas bly ’n staatmaker vir van die wêreld se stylvolste vroue. Klassiek of ’n tikkie rock ’n’ roll – daar is vir seker ’n plek vir dié jas in jou kas. DUBBELBORSBAADJIE Die dubbelborsbaadjie, geïnspireer deur die manlike klerekas, is ’n wenner vir alle style en geleenthede. Vir die kantoor is dit die perfekte broekpakpasmaat en vir ’n sagter, vrouliker gevoel dra jy dit saam met deursigtige stowwe soos kant.…

SO ’N BAK KORT BOTTER! Hierdie porseleinbotterbakkie laat ’n gewone blok botter soos iets uit ’n Franse bistro lyk. Die Demm-botterbak van Country Road is klassiek, swaar en geskik vir die yskas én tafel. Dis ook die ideale geskenk vir daardie een vriendin wat haar croissant net met regte botter geniet. R399 by Woolworths Skep ’n restaurantgevoel in jou huis met dié swart borde van fyn porselein. Die moderne borde, uit Maxwell & Williams se Caviar-reeks, het ’n matswart afwerking en unieke getekstureerde glans. R189 per bord by bash.com Esteties en pragtig gesny uit die beste Beierse kristal. Nachtmann se Noblesse-sjampanjeglase met hul ouwêreldse flair vra vir borrels . . . of poeding. R649 vir stel van 2 by bespokehome.co.za Swart, sterk en stylvol – hierdie stel eetgerei gee ’n kontemporêre…

EK HET NET DIE VONKIES VREUGDE GEVOLG– Rene Gonera Rene Gonera van Kaapstad was ’n tuisblyma wat deeltyds skoene ontwerp het – kunswerke in die kleine – toe sy eendag in Desember 2021 nadink oor haar lewe en besef sy het vasgeval. “Ek het gedink: Hou ek regtig van my lewe? Ek is mal oor skeppend wees, maar is dít ék? Ek het vermoed ander mense hou meer van die idee van my onderneming as ek self.” Rene was nog altyd kreatief. Sy het tekstielontwerp studeer, kostuums vir advertensies en flieks gemaak, konsultasiewerk vir haar (nou eks-)man se filmmaatskappy gedoen terwyl hul kinders nog klein was, agt wonderlike jare in Hollywood saam met haar gesin deurgebring, naaldwerkklasse gegee en skoolproduksiekostuums gemaak. Altyd aan die skep. Maar toe lei die lewe…

ARM/BEEN ‘SLAAP’ Jy ken daardie dowwe gevoel in jou arm of been as jy lank in een posisie sit, asof dit “slaap”. Dié tydelike en onskadelike sensasie word veroorsaak deur druk op die senuwees, wat keer dat dit boodskappe na die brein toe stuur. Die oplossing is eenvoudig: Verander van posisie. Namate gevoel na die plek begin terugkeer, kan jy ’n rukkie ’n “dooie” gewaarwording en tinteling (naalde-en-spelde) ervaar. ’n Chroniese tinteling kan op ’n ernstiger onderliggende toestand dui. OOG WAT ‘SPRING’ Op die silwerdoek kan ’n oog wat spring iemand met twyfelagtige bedoelinge weggee. In die werklike lewe kan dié vinnige oogknippe baie irriterend wees, maar dis skadeloos. Dis bloot ’n onwillekeurige spasma van die ooglidspiere wat deur abnormale senuweefunksie veroorsaak word en gaan gewoonlik vanself weg. Dit kan…

DESERT BY DESIGN: CREATIVE MINDS, ARID PLACES, TAILOR-MADE SPACES Molly Mandell en James Burke (Abrams & Chronicle Books, R1 200) Waarom kies mense om in die woestyn te gaan woon? Dís waaroor hierdie boek gaan. James Burke en Molly Mandell woon in Marfa, Texas, ’n woestyngebied. Hul eie diep verbintenis met die droë landskap het hulle laat wonder waarom ander mense ook in ’n dorre omgewing wil woon. Toe gaan steek hulle kers op by 25 uiteenlopende woestynbewoners, van choreograwe, beeldhouers, hoteleienaars, omgewingskundiges, sjefs en klankingenieurs tot ontwerpers en argitekte die wêreld oor. Elkeen deel sy of haar persoonlike filosofie en liefde vir die woestyn en wys hul huis. Wat uitstaan, is almal se respek vir die omgewing, vir skaars waterbronne en hul waardering daarvoor om op van die mees…

Julia bring haar motor voor Donkerhoek se hek tot stilstand. Sy sien Lizanne op die stoep van die opstal staan. Nadat die hek stadig oopgeskuif het, ry sy tot reg by die stoep. Die twee groot akkerbome voor die huis is kaal, hulle takke soos tentakels blootgestel vir almal om te sien. Dis ’n ou Kaaps-Hollandse opstal en daar staan 1832 in swart letters op die gewel bo die imposante voordeur. “Wil jy eers inkom, of eers gaan kyk waar dit gebeur het?” “Ek wil eers inkom,” sê Julia. “Ek wil sien waar is die kombuis en die agterdeur. Veral die waskamer. En dan wil ek hê jy moet my van daar af na die buitekamer neem.” Die huis is warm en gesellig. Lizanne lei haar in ’n gang af…

Ek het gedog ek gaan ’n stil en besadigde verjaardag op ’n afgesonderde eiland hê. En toe leer ek weer waarom my ma altyd gesê het dog het ’n veer geplant en toe dog hy daar gaan ’n hoender opkom. As jy dekades lank ver van familie en vriende woon, raak jy gewoond daaraan om so stil-stil te verjaar. Veral as die kinders eers uit die huis is en dit meestal net jy en jou man is wat die dag met ’n bord goeie kos vier. Want vier sal ons vier – en ’n viering sonder spys en drank bly eenvoudig ondenkbaar. Veral in ’n kosparadys soos Frankryk. Maar vanjaar besluit ek toe om vir myself ’n geskenk te gee en my geboortedag op die Griekse eiland van Lesbos te…

Wat sy ook al doen – of sy sing, bak of kos maak – doen sy voluit. “Ek wil onthou word as iemand wat áls gegee het.” Op 18 begin sy as mezzosopraan aan die San Francisco-musiekkonservatorium studeer. Maar op 25 oortuig die befaamde Amerikaanse mezzosopraan Delora Zajick haar dat sy eintlik ’n sopraan is. Elza van den Heever word vandag as een van die voorste liries-dramatiese soprane ter wêreld beskou. Sy is een van die drieling van die destydse televisiepersoonlikheid Rita van den Heever. “My ouers het gefokus op selfdissipline. Dít het selfrespek gekweek.” En dit bly haar motto. Sy het vanjaar tydens die operaseisoen by die Metropolitan-operahuis in New York een van haar gunstelingrolle, die titelrol in die Richard Strauss-opera Salome, vertolk. Ná haar debuut as Salome in die…

Die wêreld is onseker – die ekonomie knyp, pres. Donald Trump het ’n handelsoorlog ontketen met sy tariefverhogings, die markte is onstuimig en daar was selfs gerugte van ’n wêreldresessie . . . Hoewel die Internasionale Monetêre Fonds die ergste vrese besweer het, word die kans daarvoor steeds op 30 persent beraam (’n aansienlike styging – dit was eers 17 persent). Die IMF het wel vir vanjaar en 2026 ’n skerp afname in ekonomiese groei wêreldwyd voorspel. Al wat jy weet, is dat alles duurder raak, jou beursie ál platter, en jou stresvlakke hoër. Selfs al is die BTW-koers toe nie op 1 Mei verhoog soos wat die regering aanvanklik besluit het nie. Dié ommekeer het op kort termyn verligting gebring, maar die verlore inkomste (weens die BTW-verhoging wat wegval)…

DIE MOOI VAN WYNROOI Die mees sensasionele rooi is ’n diep skakering – nie net is dit ’n wenner waarmee jy van kop tot toon met teksture kan speel nie, dié vleiende rooi komplementeer ook verskeie ander kleure. Koopgids op bl. 141…

16-18 JAAR VELKWESSIE OM OP TE FOKUS Hormoonskommelinge veroorsaak dat jou vel oormatig baie olie vervaardig en dikwels knoppies en aknee kry. “’n Velsorgroetine wat olie beheer terwyl dit steeds jou vel vogtig hou, is nou nodig vir ’n gebalanseerde vel,” sê Yolandé Swanepoel, akademiese hoof van die Isa Carstens Akademie. BESTE BEHANDELING Gaan gereeld vir ’n gesigbehandeling waar jou vel diep skoongemaak word en die nodige ekstraksies gedoen word om verstopte porieë te verbeter. MOETHÊ-PRODUK Wees op die uitkyk vir ’n serum geformuleer om olierigheid te beheer terwyl dit ook inflammasie kalmeer. 19-28 JAAR VELKWESSIE OM OP TE FOKUS Ons is geneig om in hierdie fase ons velsorgroetine af te skeep omdat veroudering nog nie so sigbaar is nie. ’n Gereelde roetine wat fokus op die beskerming van die…

VELSORG-IKOON VIER 30 JAAR! Dertig jaar gelede het die Franse velsorghuis Bioderma velreiniging op sy kop gekeer met die bekendstelling van die eerste miselwater-formule, Sensibio H2O. Sedertdien het dit ’n gunsteling geword onder bekendes, grimeerkunstenaars en enigiemand wat in ’n kits grimering en onsuiwerhede wil verwyder sonder dat jy jou gesig hoef af te spoel. Ter viering van die mylpaal het Bioderma met Victoria Beckham (regs), ’n jare lange aanhanger van die produk, saamgespan om ’n spesiale bottelontwerp te skep wat vir ’n beperkte tyd op die rak sal wees. > Bioderma Sensibio H 2 O The Original Micellar Water (R415). By Woolworths, Clicks en Dis-Chem MONICA HOUVAN Alles met net één potlood. Ja, asseblief! Danksy ’n sagte jelformule en ’n borselpunt is die nuwe Revlon ColorStay Multi-Liner…

Die uitdaging van hierdie huis was nie net om herstel- en regrukplanne te maak nie, maar om dit só te doen dat dit nie sy essensiële karakter verloor nie. En inderdaad: Long House is vandag ’n bewys jy kan met sukses ’n nuwe lewe en gedaante gee aan iets unieks wat ’n kenmerkende styl het. Die Johannesburgse huis is in die vroeë 1980’s deur die argitek Patrick O’Brien ontwerp as sy eie gesinshuis. ’n Interessante man wat in alle aspekte van ontwerp belanggestel het en wyd geskryf het oor sy passies – van argitektuur en tuinuitleg tot meubelontwerp. Hy was ook ’n talentvolle kunstenaar. Sy gebruik van vensters en deure wat van vloer tot plafon strek is besonder treffend. Die slanke liggewig-huisdak het O’Brien as ’n vliegtuigvlerk beskryf. Die huis…

Op ’n wonderskone, magiese eiland in die Golf van Thailand het die grafiese ontwerper en troufotograaf Mariaan weer heel geword – ná baie hartseer en verlies. Die afgelope vyf jaar was nie maklik nie. Haar pa is oorlede ná ’n lang stryd met demensie. Sy moes afskeid neem van ’n hartsvriendin wat breinkanker gehad het. Haar eerste swangerskap het in ’n miskraam geëindig. En toe, kort daarna, het haar huwelik onverwags tot ’n einde gekom. Dit was ’n groot skok, vertel sy. “Ek is einde 2023 deur ’n verskriklik donker tyd, maar ek kon dit regkry om myself daaruit te lig, met die hulp van my familie en goeie vriende.” Mariaan was in Maart verlede jaar besig om haar goed in Kaapstad op te pak – “ek het besef ek…

Jaloesie is ’n stadige gif wat loopbane en verhoudings kan vernietig. “Die meeste negatiewe interaksie tussen mense word daardeur gedryf,” sê Marlaine Pienaar-Vice, Paarlse sielkundige. Dis ’n algemeen menslike maar komplekse emosie. Wanneer passiewe jaloesie in die aktiewe, of selfs obsessiewe soort oorgaan en jy die teiken is, kan dit jou lewe hel maak. Jaloesie kan boeliegedrag en emosionele mishandeling insluit. Dis toksies. Vriendskappe word só vernietig en loopbane gesaboteer. Om gedurig aan jaloesie blootgestel te word is sleg vir jou geestesgesondheid, sê Marlaine. Dit veroorsaak emosionele ontsteltenis en jy kan in jouself begin twyfel. Jaloesie kan daarom jou daaglikse funksionering beïnvloed. By die werk kan jy konsentrasie en fokus verloor. Jou werksvermoë kan afneem. Jaloesie kan jou selfs van slaap en jou eetlus beroof. Tog ly jy waarskynlik in…

Wanneer haar mentor en baas, oom Sakkie Marais, ’n dag voor ’n belangrike moordverhoor ineenstort, moet Julia noodgedwonge sy plek in die hof gaan inneem. Sy moet die onskuld bewys van Lizanne Malan, wat van moord op haar eggenoot aangekla word. Lizanne is briesend dat sy deur ’n junior vennoot verdedig moet word. Julia is self nie ingenome nie, want dinge uit hul verlede kompliseer hul verhouding. Hope omstandigheidsgetuienis laat Lizanne boonop na die moordenaar lyk. Wilna verduidelik Julia is nie op ’n goeie plek wanneer die verhaal begin nie. “Sy het onlangs op die platteland begin werk en dra swaar bagasie saam. Sy weier om hofwerk te doen weens ’n traumatiese voorval in haar verlede. Julia moet nou noodgedwonge oom Sakkie se skoene volstaan. Wat dinge verder kompliseer, is…

blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS 1 AF 1 2 3 5 6 7 8 14 15 16 17 19 21 BLITSBLOKRAAI 2 Oplossing op bl. 158 DWARS 7 8 9 10 11 12 14 16 18 21 22 24 AF 1 Alle . . . en seën (4)2 Titel vir ’n man (6)3 Steekhaarhond (7)4 Damp (5)5 Spotspraak (6)6 Voorkennis (8)13 Siekte wat vinnig versprei (8)15 Stappersverblyf (7)17 Vroeër (6)19 Met ligte druppeltjies natmaak (6)20 Welwillend (5)23 Sangstuk vir twee (4) BLITSBLOKRAAI 3 Oplossing op bl. 158 DWARS 1 4 7 9 10 11 13 14 15 17 19 20 22 23 24 25 AF 1 2 3 4 5 6 7 8 11 12…