Indice dei contenuti per May/Jun 2023 in SARIE

Kan jy dit oorvertel? Ek hou van hierdie uitdrukking, dit sê mos: Nóú’t ek als gehoor! Daar’s niks meer te sê, te dink, om oor te wonder nie. It is what it is. Is daar ’n sêding wat ek deesdae meer gebruik as “kan jy dit oorvertel” terwyl ek my arms verras, geskok, moedeloos en by tye mateloos beïndruk die lug ingooi? Ek twyfel. Die ontsnapping van die veroordeelde moordenaar Thabo Bester uit die Mangaung-gevangenis by Bloemfontein byna ’n jaar gelede, die vermetele komplot, sy verbintenis met die celeb-dokter, Nandipha Magudumana, en hul onlangse inhegtenisneming in Tanzanië het die wêreld aan die gons. Dis Hollywoodmateriaal. Ek bedoel, kan jy dít oorvertel! Oor die kragsituasie, of nee, die nie-krag-nie-situasie in die land, is ons nou al verby die kan-jy-dit-oorvertel. Ons is…

En daar trou die twee silwerdoek-hartediewe uit die jare sewentig, Rika Sennett en Hans Strydom! Kamma-kamma in Binnelanders as die eens befaamde prof. Letitia Snyman en daardie ou rakker, At Koster. Letitia, met ’n trok vol bagasie uit haar verlede én ’n breingewas . . . “Dis stories, stories, stories,” sê Rika in ’n WhatsApp-stemboodskap met haar mooi stem wat jou soos warm sjokolade omvou. Oftewel: drama, drama, drama. Als tot vermaak van die mensdom. Soos Rika by geleentheid gesê het: “Dis ’n sirkus en ons [die akteurs] die narre.” Haar eie lewe is meer rustige Chopin, minder dramatiese Wagner. Lid van Johannesburg se junior stadsraad op hoërskool, joolkoningin aan die Universiteit Stellenbosch en die land se nuwe liefling in Jan Scholtz se prent Snip en Rissiepit. Sedert sy tien…

In minder as ’n jaar is sy danstreffer “Brannewynlippe” reeds meer as ’n miljoen keer op YouTube gestroom. Kort daarna het dié liedjie goue status* bereik. “Dit motiveer my om nóg harder te wil werk. Ek mik na platinum-status,” sê die sanger en liedjieskrywer Wikus Botma, oorspronklik van Empangeni, KZN. Hy beskryf homself as ’n romantikus, wat graag ballades skryf. “Ek dagdroom gereeld en hou daarvan om daai diep tipe goed neer te pen.” Sy musiek is tweeledig, sê hy. “Jy het die lirieke en jy het die melodie, dit kan verskillende emosies by mense ontlok. Ek probeer albei kante van myself wys: Ek kan ’n goeie tyd saam met almal hê, maar het ook ’n ernstige kant.” Met die uitreiking van elke nuwe enkelsnit deel hy ’n…

Die tyd raak min, maar jy het nog tot 12 Mei om 23:59 kans om by voorbladgesig.sarie.com vir SARIE Voorbladgesig en SARIE Nuwe Gesig in te skryf. As jy dink jy het waarna ons soek – ’n mooi glimlag, oë wat praat, jy’s nie noodwendig beeldskoon nie maar het ’n gesig waarna mens weer en weer wil kyk – moenie langer uitstel nie. Ons sien al sedert die wedstryd in 2011 begin het, hoe inspirerende vroue hul stories en menswees met die wêreld deel. Hoe dit sorg vir nuwe perspektief en bemoedig. 2023 is dalk net jou jaar! As deel van die Top-5 vir SARIE Voorbladgesig sal jy saam met die wenner van SARIE Nuwe Gesig tydens ’n fotosessie in die Kaap afgeneem word. Die wenner word by ’n glansete…

DENIM CARGO-GLANS Denim sal altyd in die mode wees, maar vir 2023 is die gemaklike cargo-jeans die moet-hê. Saam met ’n blinker-item is dit perfek vir ’n skemerkelkie- of semiformele geleentheid. Cargo-jeans van 100% katoen (R1 039), Zara. Swart blinkertop (R1 599), Witchery. Gestrikte denimkorset van 100% katoen (prys op aanvraag), G-Star Raw. Diamanté-oorbelle (R300), Lovisa. GROOTTES Jeans: 4 – 14 Top: XXS – XXL Korset: XS – XL TUXEDO-STYL Vir ’n stylvolle informele voorkoms, dra denim as ’n broekpak, Texas-styl. Cargo-jeans van 100% katoen (R1 039), Zara. Denimhemp van katoenmengelstof (R499), Woolworths. Vragmotorstyl denimbaadjie van 100% katoen (R1 299), Levi’s by Woolworths. Ligblou suède-laehakskoene (R1 699), Witchery. Goue oorbelle met kunspêrels (R199), Luella by Foschini. GROOTTES Jeans: 4 – 14 Hemp: 4 – 24 Baadjie: XS – XL LEER…

Sy is die stigter van een van die wêreld se grootste luukseparfuumhuise. ’n Baanbreker met ’n oog vir styl en ’n onblusbare dryfkrag om te skep. Een met die titel CBE (Kommandeur van die Britse Ryk) agter haar naam. Dis dus geen wonder dat die Britse parfumeur Jo Malone dit wéér reggekry het om ’n globale parfuumhandelsmerk te bou nie. Sy noem dit Jo Loves, ’n luuksereeks parfuums, lyfsorgprodukte en kerse geïnspireer deur haar gunsteling-herinneringe en -lewensoomblikke. Dié geurghoeroe het Suid-Afrika vroeër vanjaar besoek om Jo Loves hier bekend te stel en SARIE het die geleentheid gekry om met haar te gesels. Reeds met die intrapslag is haar passie vir en opgewondenheid oor die wêreld van geur opmerklik. Oor waar sy haar skeppende idees vind, antwoord sy sonder aarseling: “Die…

SOUT BROOD OLYF-EN-ROOSMARYNBROOD Daar is net iets aan brood wat torring aan ons emosies. Veral as dit warm is en die botter daarin wegsmelt. genoeg vir 1 groot brood of 2 kleiner brode ■ 350 ml louwarm water ■ 10 g-pakkie kitsgis ■ 10 ml sout ■ 3 takkies roosmaryn, baie fyn gekap ■ 50 g (55 ml) botter, gesmelt ■ 15 ml melasse ■ 100 g ontpitte groen olywe, gekap ■ 500 g (890 ml) broodmeel ekstra meel vir sif ■ 8 uur voor bakMeng water, gis, sout, roosmaryn, botter en melasse in ’n middelslagmengbak tot gis opgelos het. Voeg olywe by. Voeg nou genoeg meel by om ’n stywe, kniebare deeg te vorm. Knie deeg vir 8-10 minute of tot glad. Vorm deeg in ’n ronde bal…

“Ek moet myself voortdurend herinner dat toneelspel my beroep is en my nie as individu definieer nie. As aktrise is dit belangrik om te differensieer tussen wat werklikheid is en wat nie.” Destyds op 17 en op die skoolbanke het haar debuutrol as Lexi Abrahams in die kykNET-sepie Binnelanders Kisha Skeï baie besig gehou. Boonop moes sy as Engelssprekende die rol in Afrikaans aandurf. “My ouers is Afrikaans en daar was altyd Afrikaans om my, maar my huistaal is Engels.” In 2018 het sy ’n Royalty Soapie-toekenning as beste ondersteunende aktrise vir dié rol ontvang. Deesdae verkies Kisha om onder haar nuwe verhoognaam, Tamara Skye, te werk. Sy erken dat sy haarself nog leer ken. “Ek is meer as net ’n aktrise. Ek’s jonk en probeer om alles…

GESOND Lank voordat ek besluit het ’n fliek is nie goed vir my sieleheil nie, het my man opgegee om saam met my te gaan. Want ek was só besig om die kouende brigade te verwens, niemand kon juis fliek nie. Die laaste strooi was toe ek en ’n vrou wie se baba aanmekaar gehuil het (in die fliek, ja!), mekaar ingevlieg het. Dis ’n straf: Geluide wat die meeste mense nie juis oplet nie, dryf my tot waansin. Toe ek en my kollegas by SARIE jare gelede almal na ’n oopplankantoor moes skuif, het ek dus die “moederskip” verlaat en van die huis af begin werk. Post-Covid is ’n tuiskantoor ook my SARIE-kollegas se lot. En nie almal jubel daaroor nie. “Dis asof my werkritme versteur is,” is hoe…

BOEKUITTREKSEL Sien bl. 142 Toe sy in 2020 met terminale kanker gediagnoseer is, kon sy so maklik in wanhoop en selfbejammering verval het. Nie een om te gaan lê nie, het skrywer Madelein Rust egter besluit om vir haar kanker ’n naam te gee en dit die stryd aan te sê. Madelein verduidelik noudat die kanker ’n naam het, “is dit asof dit verander van iets massiefs, donker en onomskryfbaar boos, in iets waarmee jy kan gesels”. Sy noem haar kanker Osama. Toe sy in 2015 borskanker onder lede gehad het, het sy dieselfde benadering gevolg omdat dit haar gehelp het om haar siekte te verwerk. Maar hoe praat jy oor die dood? Veral as dit jou eie is. Haar jongste boek, Van vrees na vrede, is skreiend eerlik oor…

Soms is die golwe so hoog soos toringgeboue en so swart soos die nag, maar altyd, altyd hou ek vas aan die gedagte: Wanneer die bootjie die kruin van die golf bereik, sal ek land sien. God het in my moederskoot mos reeds geweet wat Hy vir my beplan. Ek ry bloot saam, veilig in daardie bootjie met sy stuurman wat van liefde aanmekaargesit is. Kanker schmanker!, die titel van my boek oor my reis met kanker, word my slagspreuk. Wanneer mense my vra hoe dit nou met my gesondheid gaan, lig ek my ken en sê “kanker schmanker!”. Ek het van die begin af besef dat ek en kanker vir baie lank sinoniem met mekaar gaan wees. Op ’n slinkse manier word die siekte deel van ’n mens se…

wenners BLOKRAAI 6-WENNERS 5 SARIE-lesers wen elk die boek Moederland deur Madelein Rust (Human & Rousseau, R320): Anita Crafford, Collinstraat 12, Bethulie; Stephanie Vogler, Plattekloofweg 109, Monte Vista; Gert J. Venter, Fuchs-oord 5, Doornpoort; Marlene du Plessis, Crownstraat 29, Durbanville; Freda du Toit, Gamaylaan 17, Die Wingerd, Somerset-Wes. Nog 5 SARIE-lesers wen elk die boek Agter my glimlag deur Lindie Stander (Tafelberg, R290): Claudi Bester, Gielaan 12, Worcester; Amanda Bussell, Lourensstraat 10, Bredasdorp; Andries van Rensburg, Serangettistraat 22, Durbanville; Hester Snyman, Powriestraat 82, Viljoenskroon; Jean Meyer, Oliverweg 1238, Pringlebaai. SUDOKU NR. 3 Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of…

ONS OPERASANGERS SKITTER Pretty Op 6 Mei sal een van die grootste operasterre uit SA, Pretty Yende, geskiedenis maak wanneer sy tydens koning Charles III en koningin Camilla se kroning in die Westminster-abdy, Londen, sing. Die plegtigheid sal deur miljoene mense wêreldwyd gevolg word. Aan okayafrica.com het Pretty gesê dis moeilik om te beskryf hoe geëerd sy voel. “Toekomstige generasies sal wanneer hulle oor dié dag lees die naam sien van ’n meisie van SA, van die punt van Afrika, wat deel was van hierdie ongelooflike okkasie,” het die boorling van eMkhondo (Piet Retief) in Mpumalanga gesê. Brittany Sy’s ’n wenner! Só het ons verlede jaar gesê toe Brittany Smith, operasangeres by Kaapstad Opera, as SARIE Voorbladgesig 2022 aangewys is. Tóé kon sy skaars glo sy’s ons 12de voorbladwenner. Min…

Daar is drie van ons in die nou gangetjie by die betaalpunt. Ek staan voor met ’n gloeilamp in my hand, agter my is ’n man met skarniere en agter hom is nog ’n man met ’n sak vol stink goed wat grasperke laat groei. Ons is in die groot hardewarewinkel met die vriendelike personeel. ’n Ouerige man kom stroomop aangestap en kom toe reg voor my tot stilstand. Kan ek help? vra ek. Ek wil ingaan, sê die man. Hy kyk my aan asof ek ’n uiters vreemde vraag gevra het. Die ingang is daar anderkant, sê ek. Dis geblok, sê die man. Ek kyk en sien by die ingang staan vier mense en gesels reg voor die blink draaiding waardeur ’n mens na binne moet beweeg. Ek sê,…

“Dit is ’n baie groot rush om ’n geheim oop te krap en uit te vind wat éintlik aangaan. Daardie legkaartbou is ingrypend lekker en vervullend.” Dis hoekom Pauli van Wyk, een van Suid-Afrika se voorste ondersoekende joernaliste, weet dat sy nooit iets anders vir ’n loopbaan kan doen nie. As deel van die aanlyn nuuswebwerf Daily Maverick se Scorpioondersoekspan het Pauli met enorme waagmoed en vernuf al ’n hele rits sake van geskiedkundige belang in die media help oopvlek. Sy het ’n groot aandeel in die jare lange onthulling van die Gupta-leaks gehad en ons land eiehandig van die talle onderduimshede by die Suid-Afrikaanse Inkomstediens (SAID) bewus gemaak. Sy het die EFF ook trompop geloop met haar ondersoek na die VBS Mutual Bank-skandaal. En sy is nog lank nie…

NUTSMODE (‘UTILITY’) Die fokus is op prakties, funksioneel en veelsydig, dus klere en bykomstighede wat nie net stylvol is nie, maar ook ’n nutsdoel dien. Wenk Maak seker die items het praktiese sakke wat jy nuttig kan gebruik OOPKNOOPTRUI Dié trui, die cardigan, word normaalweg geassosieer met ’n skoolvoorkoms, maar vir Winter 2023 kry dit flair met interessante teksture en patrone. Wenk Steek dié trui slegs voor in wanneer jy meer vorm wil gee aan ’n uitrusting KUNSPELSJAS Pelsjasse is al eeue lank sinoniem met ’n glansryke voorkoms. Met die fokus op volhoubare mode is kunspels op die voorgrond vir ekstra oemf vir jou uitrusting. Wenk Gee ’n eenvoudige denimbroek en T-hemp die X-faktor met ’n jas of onderbaadjie van kunspels MAKSIROMP Ná die gewildheid van die miniromp die…

KOS VIR DIE MOOI Bedien drankies vir jou gaste in een van dié twee elegante kort glase: die geriffelde Vivi-glas (regs) van Country Road is beskikbaar in woudgroen, deurskynend, suikerpienk en houtskool en kos R179. Die whiskyglas (links) met sy goue rand is sonder fieterjasies en kos R79 by @home. KOOK ’N STORM LOS Belê in tydlose glans vir jou kombuis en kook heerlik met Le Creuset se gietysterprodukte. Jy kan enigiets van bredies tot koek maak in hul ikoniese gietysterpot (R4 500 vir ’n 22 cm-pot). Die veeldoelige riffelpan is veral nuttig om ’n biefstuk perfek te braai (R2 599 vir ’n 26 x 26 cm-pan). Beskikbaar by uitsoek-kombuiswinkels. EWE LEKKER Maak nie saak of jy alkoholiese of alkoholvrye drankies verkies nie, die opsies is deesdae byna eindeloos. Die…

ONS GENIET DIE VREUGDE, VREDE EN SAMESYN Elodi Naudé van Diamond T Coffee Shop, Askham Wanneer mense Elodi Naudé se koffiewinkel op die dorpie Askham in die Kalahari besoek en hoor sy en haar gesin het twee jaar gelede sak en pak uit Johannesburg daarheen verhuis, is hulle dikwels geskok. Askham is immers in die middel van nêrens. Een teerstraat, ’n handjievol huise, en hul naaste groot dorp is Upington, 180 km ver. Hulle wil gewoonlik weet hoe ons dit regkry, sê Elodi. “Die antwoord kom maklik: ‘Ons doen dit, want dis lekker!’ ” Elodi, haar man, Pieter, en hul seuns, Kian (14) en Eduan (10), woon sedert die begin van 2021 op dié dorpie. Sy was nog nooit spyt oor die skuif nie. Soggens stap sy binne twee minute…

Hoe verskeurd is ons tog nie in hierdie lieflike, onverbiddelike land van ons nie! Dit voel vir my asof niemand meer van mekaar hou nie, niemand meer respek vir sy naaste het nie. Ek is verkeerd, natuurlik. Maar soos vele ander mense loop ek en wonder wat ons, die gewone mense, kan doen om die gety te draai. Natuurlik het ek nie die finale antwoord nie, behalwe die oeroue waarheid dat ék die eerste een moet wees om ’n goeie “naaste” te wees. Maar die lewe het my ook al ander maniere gewys hoe mense, vreemde mense, nader aan mekaar kan kom, selfs vriende vir ’n leeftyd kan word. Een daarvan: Deel ’n tafel. Dit is deesdae groot mode om ’n langtafel te dek vir ’n feestelike geleentheid. Kunstefeeste, voedsel-…

Sy is stylvol, kalm en wys. Die toonbeeld van ’n ambassadeur, wie ook al sy verteenwoordig: die land, haar besigheid Dial-A-Teacher, haar nuwe velsorgreeks. Die nuus dat Amy Kleinhans-Curd aan die jongste kykNET-werklikheidsreeks, Die Real Housewives van die Wynlande, gaan deelneem, het mense onkant betrap. Die vorige en eerste Afrikaanse aflewering van die reeks, Die Real Housewives van Pretoria (RHOPTA), het immers gereeld negatiewe kommentaar ontlok: kommin, toksies, oppervlakkig. Met konflik en katterigheid onder die deelnemers wat vir baie drama – en hoë kyksyfers – gesorg het. Kwalik ’n prentjie waarmee jy dié voormalige Mej. Suid-Afrika, wat reeds 30 jaar ’n huishoudelike naam is, sal vereenselwig. Amy vra sommer by voorbaat wanneer sy by ons tafel in ’n koffiewinkel op Franschhoek inskuif: “Jy wil weet hoekom ek ingestem het om…

JAN HENDRIK VAN DER WESTHUIZEN MICHELIN-SJEF Zenéy, jou neef se dogter, is Atletiek SA se vroueatleet van die jaar vir 2022 en droom van ’n medalje in die 400 m-hekkies by die 2024-Spele in Parys. Talent is duidelik in jul bloed. Ons klomp Van-ders is vol dinge. Almal het iets waarin hulle uitblink. Die beste is seker my pa gewees met sy manier van delegeer . . . en hóé hy dinge sommer net so laat gebeur het! Zenéy se ongelooflike manier van uithou en aanhou is inspirerend. Ek ken daardie gevoel en hoe baie druk mense op jou kan sit as gevolg van hul verwagtinge. Zenéy wil haarself vir haarself bewys. Nie vir iemand anders nie. Sy wil die beste moontlik van haar talent maak. Dis hoe drome waar…

Ek is in my element as ek fisiek en emosioneel uitgedaag wordKirsten Landman, uithou-motorfietsrenjaer Kirsten Landman het al met haar motorfiets in die Roemeense wildernis gejaag, sake uitgespook in ’n ou steenkoolmyn in Pole, deur dennebome in ’n Turkse woud gevleg en in die berge van Lesotho haar staal gewys. Ongelooflike plekke, uiterste omstandighede . . . maar nie ’n enkele motorfietsren kom by die een wat sy vroeër vanjaar voltooi het nie. Die Malle Moto, ’n spesiale klas van die Dakartydren (sowat 8 000 km oor 14 dae deur Saoedi-Arabië) waarin ryers geen bystand kry nie. “Die resies was ongetwyfeld my taaiste een tot dusver, maar ook onvergeetlikste. Dit was ’n emosionele roller coaster. Meganies, geestelik en fisiek – dit tiek al my boksies,” vertel Kirsten. Dié energieke blondekop…

Hy het sy hoërskooljare afgeskop as ’n mannetjie wat 58 kg weeg. Te klein vir die A-rugbyspan. Dus het hy vir die o.14B-, o.15B- en o.16B-span uitgedraf. “Maar daar was iets aan daardie kind. Dis moeilik om te definieer . . . Durf, volharding, hardnekkige vasberadenheid . . . ek kan nie my vinger daarop sit nie, maar hy hét dit. Dit kom van binne,” vertel Gavin Beresford, sporthoof van die Hoërskool Tygerberg, Kaapstad. “Toe, in graad 11, kom daai laaitie ná die Desembervakansie by die skool aan. Ek kyk . . . kyk weer. Hy het 15 cm gegroei en 20 kg aangesit. Hy weeg toe 118 kg en speel die eerste keer A-span. Omdat hy te groot vir die lynstane was (die ouens kon hom nie optel nie),…

Dis alombekend dat die kamelia Coco Chanel se gunstelingblom was. Vir Chanel se ster-vogroom No. 1 de Chanel Rich Revitalizing Cream (R2 050) is die rooi kamelia se unieke vernuwingseienskappe en veerkragtigheid ontgin. Soos wat die temperatuur daal, word ons vel se vermoë belemmer om vog in die buitenste epidermis in te seël, en wanneer ons vel vog verloor, is plooie en fyn lyntjies meer opsigtelik. Kamelia-seramiede en -olie in die ryk room help om die skadelike gevolge van winterweer teen te werk en die velwand te versterk. By Chanel-boetieks Die juweliersmaatskappy Swarovski se kristalle word gemaak van ’n spesiale tipe glas en word presies gesny om hul glans en flonker te verbeter. Dit kan gesien word in ’n wye reeks juweliersontwerpe, wat wissel van klassiek en tradisioneel tot modern…

Interessant om te weet is dat rakke, soos ons dit vandag ken, se oorsprong eintlik uit die kerkgeskiedenis kom. Dit was gewoonlik heel agter in die kerk waar waardevolle papirusrolle gehou is. Nadat die drukpers uitgevind is en boeke meer bekombaar geraak het, kon meer mense boeke bekostig en het hulle plek nodig gehad waar hulle hul nuwe skatte kon hou. Deesdae is min huise sonder rakke, en dit kom in elke vorm en gedaante voor. Stewige hout, gebou uit sement en beton, spoggerige vergulde uitstalrakke, sweefrakke, glasrakke, iets vir elke smaak. Dit is ook nie meer net vir boeke nie, maar kan nou ook vir iets kunstigs of prakties wees. Die nuutste manier van skilderye uitstal, is juis op ’n smal rak met ’n klein lysie voor wat keer…

Wat nouliks bestaan word toevertrou aan papier wat dit omhels en behou. Uit Elisabeth Eybers se gedig “Papier is geduldig” in die bundel Immigrant (Human & Rousseau, R295) Remembering Bears Wildlife Photographers United (Remembering Wildlife, R895) Dis die sewende fotoboek in die fantastiese Remembering Wildlife-reeks. Bere het ’n spesiale plek in menseharte. Dink maar aan jou voosgevatte teddie uit jou kinderjare, en geliefde karakters soos Paddington, Winnie-the-Pooh en Yogi Bear . . . Het jy geweet daar is agt beerspesies in die wêreld? En ja, die panda is een van hulle. Ysbere is weens aardverwarming onder geweldige druk om te oorleef soos die ysberge smelt en kos al hoe minder raak. Dis juis ’n foto van ’n uitgeteerde ysbeer wat Margot Raggett, Britse fotograaf en stigter van die Remembering Wildlife-projek,…

A @home 086 111 1761, bash.comAckermans 086 090 0100, ackermans.co.zaAldo 010 300 6888, aldoshoes.co.za C Coricraft coricraft.co.za Crocs crocssa.co.za F Foschini 086 111 1761, bash.com G G-Star Raw 086 111 1761, bash.com H H&M 086 069 0707, hm.com/za L Lovisa 011 268 0257, 021 551 1051 M Mango shop.mango.com P Pick n Pay Clothingpicknpayclothing.co.zaPoetry 086 055 5529, poetrystores.co.za S Scotch & Sodascotch-soda.co.zaSportscene 086 111 1761, bash.com T Takealottakealot.comTrenery 086 002 2002, woolworths.co.zaTruworths 021 460 2300, truworths.co.za W Witchery 086 002 2002, woolworths.co.zaWoolworths 086 002 2002, woolworths.co.za Z Zara 011 302 1500, 021 446 8700, 031 536 6440, zara.com/za…