Indice dei contenuti per May 2020 in SARIE

Word wakker! Twee woorde, en ek sit regop. Li Edelkoort, een van die wêreld se voorste tendensvoorspellers, se praatjie as deel van Kaapstad se jaarlikse Design Indaba wil ek nooit misloop nie. Want in net drie uur skets sy die wêreld, oos na wes, noord na suid, in al sy verbysterende kleur, sy fabelagtige vorms en unieke kreatiwiteit. En begryp jy, wéér ’n keer, die uitsonderlike dinamika tussen ons en ons planeet. Hoe oorsaak en gevolg uitspeel en hoe alles tog verbind is. Jy connect the dots. Verlede jaar het sy gepraat oor die opkoms van bruin, lank vergete, maar ’n skakering sagter en meer vergewend as swart. Simbolies van die aarde, die kleur van toenadering, kan jy maar sê. Iets wat die mensdom broodnodig het. Vinnig het ons die…

Hulle het Die Plaag sien aankom, van ver het dit gerol met ’n diep grom wat deur elke televisie gehoor kon word. Soos gewoonlik was Henry kalm en georganiseerd. Hy het in die middel van sy huis gaan staan en om hom gekyk. Sy huis was mooi, eenvoudig en ruim, sy tuin was kleinerig, maar ruig en het gesorg vir privaatheid. Hy het by die tafel gaan sit en alles neergeskryf wat gedoen en gekoop moes word. Twee dae lank het hy boodskappe gestuur, briewe geskryf, inkopies gedoen, weer en weer seker gemaak dat alles in orde is, dat hy niks sou nodig kry nie. Toe het hy sy deure gesluit. Tien dae voor die owerhede die nut sou sien, was hy reeds in afsondering. Hy het ’n leë notaboek…

Sy het die stem, die ritme, die looks. Dan kan Tarryn Lamb boonop act ook. Die volle pakkie, mét ’n strik om. Noem haar sommer “’n Emo met lang hare”. En dit kom uit die perd se bek: van die man met die indrukwekkende coif homself. Daar is ’n gemaklike sinergie tussen hulle, wys hul weergawe van Lady Gaga en Bradley Cooper se treffer Shallow. Een mens, eintlik, as jy nou van werketiek en respek vir mekaar én die bedryf praat, sê onse Emo Adams, die Tall, dark en Afrikaans-vermaaklikheidster. En: “Sy laat als so maklik lyk, wat ’n gawe.” ’n Reuse-kompliment van die man wat kan dans, sing en grappies maak sonder om skynbaar ’n druppel sweet te stort. Toe hy haar kontak om mede-aanbieder te wees van sy…

Ons beplan iets nuuts, iets opwindends (ja, SARIE Nuwe Gesig!), maar vier ook SARIE Voorbladgesig trots. Van ons eerste wenner in 2011, Alrie Velleman van Port Elizabeth, tot ons 2019-wenner in SARIE se 70ste verjaardagjaar, Schané Venter van Alberton (sien SARIE-voorblad regs). En alles gaan oor dáárdie voorblad. SARIE Voorbladgesig het lesers van die begin so aangevuur dat 60 000+ vroue oor die afgelope nege jaar ingeskryf het – met die doel om ons gesogte voorblad te wen. Nou, in ons 10de jaar, is dit jóú kans. SARIE se wekroep vanjaar is juis #JyIsGenoeg, en daarmee bedoel ons jy is genoeg om ook op ons voorblad te wees. Ons wag net vir jou inskrywing. Of ken jy iemand wat jy glo op SARIE se voorblad hoort, skryf haar nou in.…

Samesweringsteorieë versprei vinniger as die coronavirus. Só lui een die oorsprong is ’n toevallige lekkasie van ’n biowapen wat deur die Chinese regering geskep is. Nog ’n weergawe is dat dit eintlik die Amerikaners se uitvindsel is. Hulle wou dit op die Chinese loslaat. Nee, glo ander. Dis die Britse en Amerikaanse regerings wat geld uit ’n moontlike entstof wil maak. Vergesog, ja. Maar die geloof dat bose magte ’n geheime plan najaag, kom wydverspreid in elke samelewing voor. In ’n groot 2019-YouGov-peiling (yougov.co.uk) is bevind 16% van respondente in Spanje glo MIV is doelbewus deur ’n geheime organisasie geskep en versprei. Sowat 27% van Franse en 12% van Britse respondente was oortuig die waarheid oor die skadelike uitwerking van entstowwe word doelbewus vir die mens weggesteek. Die verspreiding van…

Fopnuus is skadelik – dit word dikwels ontwerp om te skok sodat meer mense dit sal deel, met die gevolg dat dit paniek vererger. In die geval van Covid-19 is dit ook gevaarlik om onwaar “gesondheidswenke” te glo of te deel. Gaan dit na op webwerwe soos factcheck. org, snopes.com of fullfact. org, wat vals nuusstories uitwys, voor jy dit deel. Op die Oxford- en Harvarduniversiteit se onderskeie webwerwe gee hul mediastudieskenners dié wenke om fopnuus uit te ken: Vae bronne Verantwoordelike stories sal kenners op hul naam noem. Oppas vir vae bronne soos “Britse kenners” of “Chinese dokters”. Swak taalgebruik of ontwerp Stories wat lyk asof dit vinnig in Microsoft Paint uitgelê is, alles in hoofletters is, baie spelfoute bevat of ’n uitroepteken aan die einde van byna elke…

Phi for All: “By die natuurlewesentrum waar ek ’n vrywilliger was, het ’n pratende raaf bo-op die deur gesit en dan op ons kop geskyt, of ’n bak sade, groente of water op ons kop laat val. Saans het hy met fladderende vlerke vanuit die skaduwees op ons neergeduik. Dan teruggevlieg en luid sy tevredenheid te kenne gegee, ’n ander geluid as die gekrys wanneer hy kwaad of honger was.” Coral Rhedd het varkies hans grootgemaak: “Later het die beer my graag bekruip en luid gesnork terwyl ek wasgoed ophang. As ek wip van die skrik en soms selfs skree, het hy ’n vreemde geluidjie gemaak en met kennelike vreugde in sirkels om my gehardloop.”…

‘Ek glo elke vrou moet belê in ’n item van egte leer. My go-to-item is altyd my swart leerbaadjie. Sonder dat ek twee keer hoef te dink is dit altyd die baadjie wat ek gryp. Dit pas by enigiets en het die vermoë om ’n uitrusting dadelik ’n duursame gevoel te gee. Boonop is daar ook iets aan ’n leeritem, hetsy dit baadjie, broek, romp, hemp, handsak of handskoene is, wat ’n vrou sexy laat voel. Met leeritems volop in internasionale ontwerpers soos Versace, Alexander Wang en Isabel Marant se herfswinter-reekse, is leer ’n móét in jou klerekas die winter.’ WENK VAN Schané ’n Egte leeritem is ’n ware belegging, wat jy jare kan dra. Hoe ouer dit word, hoe meer karakter kry dit.…

Sy vou 25 keer per dag die punt van die rolletjie toiletpapier in ’n blommetjie, sy kan ’n bed so perfek opmaak en met ’n strykyster platstryk dat dit op ’n foto hoort, en met ’n sak vol oor- en tandestokkies die interieur van ’n 50 m lange superjag blinkskoon kry. Hy het al 13 uur aanmekaar in ’n enjinkamer van sowat 50 ºC gewerk, toilette reggemaak, ’n superjag van ’n hele paar miljoen dollar daagliks help poets sodat dit lyk asof dit uit die boks kom – en met die eienaar se hondjie gaan stap. Vir Kapenaars Paul Jordaan en Marike du Toit is dit alles deel van ’n dag se werk op die luukse bote van die superrykes in Amerika, waar hulle die afgelope jaar hul brood verdien…

Jy’s gestres As jy gedurig hoofpyn het, dink ’n bietjie na oor wat in jou lewe aangaan. Ignoreer jy jou stres, eerder as om iets daaraan te probeer doen? Stel dit reg: Stresbestuur- en selfsorgtegnieke is belangrik. Dit kan wissel van leefstylveranderinge tot kognitiewe gedragsterapie, wat jou kan help om angstige gedagtes beter te hanteer. Elke mens se stresbestuurtegnieke verskil. ’n Mengsel van wat jy op jou eie en/of saam met ’n sielkundige/leefstylafrigter doen, is dikwels die beste. Jy is gedehidreerd Dis warm, jy sweet en jou mond is droog. Dehidrasie is ’n algemene sneller vir hoofpyn. Jou brein bestaan uit sowat 75% vloeistof en is baie sensitief vir die voorraad water tot sy beskikking. As dit min is, vervaardig jou brein histamien. Dis ’n noodsaaklike proses om vloeistof te…

Beste SARIE-lesers Die liriek “What a difference a day makes; twenty-four little hours” bly draal in my kop. Want oornag is ons wêreld ’n ander plek. Net gister het ons die Bokke as rugbykampioene terugverwelkom, Zozibini Tunzi, ons Mej. Heelal, met fanfare begroet, gejuig oor die Ndlovu-koor wat Suid-Afrika se naam hoog gehou het. Ons vreugde was groot, triomfantlik het ons saam ge-jive en ons vlag gewapper. Die winkelsentrums het gewemel, die strate was vól. En ons, vol hoop en planne vir 2020. ’n Nuwe dekade. Wie sou kon dink dat die planeet binne die eerste weke van die jaar die knie sou moes buig voor ’n onsigbare vyand. ’n Mikroskopiese virus wat maai onder ’n wêreldbevolking, ekonomiese markte laat tuimel en ons sosiale strukture op hul kop draai. Ons…

Met ’n ma in die kollig is dit nou maar een van daai dinge. Olivia Rose Abrahams se eerste voorblad was op ’n brose drie maande. Knieserig gewees en Ma het getroos: “Toemaar, ek het nét so gevoel met my eerste een.” Op twee, weer sulke tyd, het haar swart haartjies plek gemaak vir ’n koperblonde krullebol. Ag, die derde keer, op sewe, was sy al grootnooi – mal oor die aandag, klere, grimering, al die girly-goed wat daarmee saamgaan. Olivia was nogal in die gesig gevat toe SARIE die daaropvolgende jaar besluit dis haar kleinboet, Thomas (nou 7), se beurt om saam met Ma te poseer. “Wat? Wil Fanie [SARIE-stylredakteur] my nie hê nie? Is hy nie meer liéf vir my nie? Is my wérk nie goed genoeg nie?”…

Demi-Leigh Tebow (Nel-Peters), Amalia Uys, Nadia Beukes, Jacques Kallis, Adriaan Strauss . . . dit klink soos die uitnodigingslys vir ’n rooitapyt-toekenningsaand. Maar al dié bekendes het een ding gemeen: pragtige troufoto’s deur Hanri Human. Hanri se CV is ook nie beperk tot plaaslike troues nie. Vanjaar het sy ’n troue by die luukse Ritz-hotel in Parys gaan afneem, en sy het al paspoortstempels van Italië, Nederland, Duitsland en Switserland deur haar loopbaan versamel. Haar seegroen oë blink as sy daaroor gesels in ’n koffiewinkel naby haar huis in Pretoria. Dis maklik om te sien hoekom sy so gewild is by bruide. Buiten haar uitstekende vermoë as fotograaf is sy van nature borrelend, vrolik en vriendelik – en natuurlik wil jy so iemand daar hê op jou troudag, wat saam…

Kersfees 2018 gee haar broer, André, vir haar ’n swart Moleskinenotaboekie. Voorin skryf hy: “Daar is ’n lig wat ons almal op hierdie planeet moet volg en ek glo vrede wag vir die wat aanhou om daardie lig te volg . . . hierdie boekie is vir jou om die lig vas te vang.” Sy het dié dagjoernaal (en ’n hele paar ander) op haar agt maande lange soloreis deur 26 lande volgeskryf . . . Die 24-jarige Carina Troost van die Paarl glo sy het dié “lig” gevind – “in wegslaan-oomblikke” waar sy besef het hoe baie sy kan leer, hoe mense verskil, hoe ongelooflik die natuur is en hoe sy alles moet respekteer en waardeer. “Hoe verduidelik jy vir iemand die wonder van ’n lugballonrit in Kappadosië waar…

Hoekom Paraguay? Ons gesin het in 1991 hierheen getrek toe ek vyftien was. My ma, pa, twee broers en hul vroue. My ouers, Stephanus en Elrina, het destyds deur vriende die Paraguaanse ambassadeur ontmoet en hy het baie goeie dinge oor Paraguay te sê gehad. Dit het hulle oorreed om te kom kyk. Met hul terugkeer kon hulle nie uitgepraat raak oor die land nie. Die eenvoud en nabyheid aan die natuur het ’n baie groot indruk op hulle gemaak. My ouers het naby Caaguazú hul eiendom gekoop, byna in die middel van die ooste van die land, en het met hout gewerk. Ekself bly in die stad en het my eie konstruksieonderneming. Was dit destyds as tiener vir jou ’n groot aanpassing? Tieners het ’n gevestigde vriendekring en om…

Tussen 75 miljoen en 200 miljoen mense in Eurasië het van 1347 tot 1351 aan die Swart Dood, ook bekend as builepes, beswyk. Dit was ’n geskatte 50% van Europa se bevolking. Daar word algemeen geglo dis deur pes veroorsaak: Bytende vlieë het ’n aansteeklike bakterie van rotte na mense oorgedra. Die Jode het egter die blaam gekry en baie het op brandstapels gesterf. Dit wou lyk asof Joodse gemeenskappe minder as hul Christen-bure deur die pes geraak is. Wat as bewys gesien is dat die Jode doelbewus putte, fonteine en riviere vergiftig het. Rol die band vorentoe na die coronavirus wat sy oorsprong in China het. Asiërs het wêreldwyd teikens geword van rassistiese en xenofobiese aanvalle. Die WGO verwys daarna as ’n “infodemie”. Ondernemings in Londen se Chinatown doen…

1 GRIEP, VERKOUE OF COVID-19? KEN DIE SIMPTOME Al drie is virusse, maar hoe weet jy watter een jy het? GRIEP: Erger in die winter. Simptome soos koors, hoes, moegheid, lyfseer, hoofpyn en aptytverlies is algemeen en ontwikkel skielik, binne 1-4 dae. Soms het jy ’n toe of loopneus, diarree en keelseer en jy kan kortasem wees. In erge gevalle het jy asemnood. COVID-19: Baie soortgelyk. Die verskil ’n inkubasietyd van 1-14 dae (gemiddeld 5,1 dae) en simptome ontwikkel geleidelik. Asemnood is algemeen. Het jy die simptome, laat jouself toets om te bepaal of jy dalk die Covid-19-virus onder lede het. VERKOUE: Kom heeljaar voor. Simptome is baie ligter en steek geleidelik kop uit. ONTHOU: Antibiotika help vir ’n bakteriële infeksie, nié vir ’n virusinfeksie nie. Jy kan wel ’n…

André Venter het onlangs as akademiese hoof van die departement van pediatrie en kindergesondheid aan die Universiteit van die Vrystaat uitgetree. Hy het verskeie lewensprestasiepryse vir sy bydrae tot opvoeding en kinderneurologie en -ontwikkeling ontvang. Sy spesialiteite sluit in kinderontwikkeling, met ’n klem op serebrale verlamming, aandaggebrekhiperaktiwiteitsteuring, outisme en leerprobleme. Magdel Pretorius is al langer as 12 jaar ’n sielkundige. Sy werk met laer- en hoërskoolkinders in die openbare en privaat sektor. Die ma van drie het eerstehandse ervaring van wat dit verg om ouerskapsbenaderings aan te pas wanneer jy met verskillende persoonlikhede en ingewikkelde situasies te doen het. Die kliniese sielkundige Nadene Harisunker het ’n meestersgraad in antropologie verwerf. Sy het ’n besonderse belangstelling in ernstige psigopatologie en om ’n sterkpuntgegronde perspektief te verstaan en ontwikkel. Donna van Zyl…

Die wêreld is dinamies; heeltyd aan’t verander – polities, ekonomies, sosiaal, kultureel, tegnologies. Wêreldgebeurtenisse groot en klein, goed en sleg, het ’n invloed op hoe ons dink, voel en handel. Dis ’n stroom van aksie en reaksie. Tendense weerspieël dié veranderinge, generasie ná generasie, jaar ná jaar, seisoen ná seisoen. Die impak van veral klimaatsverandering en gevorderde tegnologie op ons planeet en ons lewens die laaste jare was ingrypend. Dit het verander hoe ons leef, met mekaar kommunikeer, wat ons eet, hoe ons woon en werk, hoe ons aantrek en onsself versorg. Besorgdheid oor die gesondheid van die aarde én die mensdom is vandag ’n kerngedagte op byna elke vlak. Volhoubaarheid word bepleit, groter verantwoordbaarheid teenoor die omgewing én onsself. En ons reageer – ja, soms veels te stadig, maar…

Om ’n tiener in die huis te hê is nie altyd maklik nie – soos baie ouers sal getuig. Jou kind wat eens op ’n tyd die reëls gehoorsaam het, begin sy eie voete vind en julle stamp kop in die proses. Maar sodra daardie jare verby is, het baie ouers vandag ’n nuwe uitdaging wat vorige generasies nie moes uitpluis nie: ’n jong volwassene wat steeds tuis woon. Old Mutual se Savings and Investment Monitor-opname in 2018 het gewys in Suid-Afrika woon een uit twee jong volwassenes tussen 18 en 34 jaar vandag by hul ouers. Dis ’n wêreldwye fenomeen – in die VSA is dié syfer 33% (Pew-navorsingsentrum, 2016) en in die Verenigde Koninkryk 63% (Family Resources Survey, 2016). Baie van dié jongmense woon nog tuis omdat hulle…

1 Is daar ’n seksuele posisie wat ons tydens swangerskap moet vermy? DR. MIEMPIE ESTERHUIZEN, ginekoloog van Kaapstad, antwoord: Jou vergrote baarmoeder is gedurende die eerste weke nog in jou bekken. Penetrasie kan dus ongemaklik wees omdat teen die baarmoeder gedruk word. Dit kan help as jy die helling verander (byvoorbeeld ’n kussing onder jou boude sit). Dis egter nie gevaarlik vir die swangerskap nie. Intimiteit in dié tyd is emosioneel baie belangrik. In die derde trimester, wanneer jy groot en ongemaklik voel, is seks minder bevredigend. Hoe nader aan jou kraamdatum, hoe groter die moontlikheid dat die vrystelling van prostaglandien geboorte kan aanhelp. (’n Hormoon wat baarmoeder-kontraksies kan laat begin.) Posisie speel geen rol nie. Vermy seks met ’n dreigende miskraam, blaasinfeksie of vroeë komplikasies.…

weens estrogeenvlakke wat net voor menstruasie daal. Menstruasie is dan ook ’n groot sneller vir migraine. Gedurende die perimenopouse en nadat jy gekraam het, val estrogeenvlakke beduidend, en swangerskap het ook ’n uitwerking op estrogeenvlakke: Jou hoofpyne kan erger word, of dalk heeltemal verdwyn. Stel dit reg: As jy agterkom jou kopseer val saam met jou menstruasie, bespreek dit met jou dokter. Hy/sy kan dalk voorstel jy gaan op ’n hormonale voorbehoedmiddel (soos die Pil). By sommige vroue kan dit die hoofpyn minder gereeld of intens maak omdat estrogeenvlakke dan minder tydens jou menstruele siklus daal, volgens die Mayo-kliniek. Vir ’n korttermynoplossing kan gewone rate help, soos ’n ysverband of ’n koue, klam verband, ontspanningsoefeninge en/of oor-die-toonbankpynmedikasie. Praat met jou dokter as jy swanger is, aangesien sommige hoofpynpille dan nie…

Jane ’s Delicious A-Z of Herbs Jane Griffiths (Jonathan Ball , R285) In die inleiding sê Griffiths dat die inhoud van die boek nie as ’n oplossing vir alle siektes en kwale gesien moet word nie. Dis eerder ’n gids vir diegene wat graag ’n gesonder leefwyse wil nastreef. Die boek verduidelik hoe om kruie organies te kweek en hoe om die geneeskundige waarde daarvan te benut. Sy verduidelik hoe maklik dit is om ’n kruietuintjie aan te plant, selfs in potte op jou vensterbank! Die verskillende soorte kruie word alfabeties bespreek en met volkleurfoto’s geïllustreer. Die gids is gepak met nuttige wenke vir aanplanting, van saad af tot die maak van steggies, hoe om ’n formele kruietuin uit te lê, die kruie te oes en korrek te stoor. Die…

Vervleg , Petro Hansen (Protea Boekhuis, R180) Vervleg is ’n weldeurdagte versameling rubrieke deur die skrywer, Petro Hansen, wat in onder meer die dagblaaie Beeld en Die Burger verskyn het. Die titel verwys na hoe lewens, veral binne families, vervleg word deur liefde, maar ook uitmekaar kan skeur. Hansen dra Vervleg aan haar pa op, wat vóór die boek se publikasie oorlede is. Dit is dus nie toevallig dat rubrieke wat handel oor haar pa die treffendste is nie. “Sommige verledes is onskatbaar,” stel sy dit. Inderdaad. Hansen kry dit reg om alledaagse herinneringe op uitsonderlike maniere te beskryf – hetsy humoristies, nostalgies, hartseer of sommer net lekker. Die rubrieke is kort en raakgevat, met elke woord blink en op sy plek. Bv., winter kry sy lê “bloukoud”, en…

Klein-klein was Ester en Nonthando onafskeidbaar soos susters en het hulle alles saam gedoen op die plaas Dassiepoort. Toe Ester se eerste jeugliefde haar met Nonthando verneuk, het jaloesie haar gedryf om die ergste verraad ooit te pleeg. Haar verhouding met haar suster is tot niet, maar Ester se groot geheim dryf haar om vir die res van haar lewe haar skuld te probeer afkoop. Indirek probeer sy om reg te maak wat sy gebreek het. Kan Nonthando se dogter, Milagro, Ester vergewe vir die groot onreg wat sy aan haar en haar ma gedoen het? Sal die waarheid hulle vrymaak? In Somtotaal (Human & Rousseau, R250) is dit een van die temas wat Anchien Troskie in die kollig plaas. Gevra of boetedoening die dryfveer vir Ester se lewe is,…

Toe haar kinders uit die hospitaalkamer stap, wonder Ester hoekom sy dit juis ná die droom gedoen het. Hoekom nou, so na aan haar vyftigste verjaardag? ’n Ouderdom wat sy nie geglo het sy sal haal nie. Haar familie dra ’n vloek. Dit is in haar gene, ingebed in haar DNS, om voor vyftig te sterf, hetsy aan natuurlike of onnatuurlike oorsake. Ja-ja, sy is goed bewus daarvan dat ’n Christen nie aan vloeke en dies meer glo nie, maar jimmel, ’n mens kan ook nie teen bewyse stry nie. Haar familie sterf deur die bank voor hulle vyftigste jaar. Menige nag het sy langs haar bed gekniel en haar Skepper gesmeek dat sy, ter wille van haar kinders en hulle nageslagte, hierdie vloek kan verbreek. Want dit is wragtig…

Lynelle Kenned (SARIE Julie 2017) Selfkennis is so belangrik, om gedurig aan jouself te werk. Jy moet glo in jouself, in jou drome. Almal gaan nie jou vriende wees nie, nie alles werk uit nie. Leandie du Randt (SARIE Februarie 2017) Ek glo daar’s ’n rede hoekom jy gemaak is soos jy is. Dis so mooi om te dink niemand anders is só nie. Jy’t ’n sekere magic wat jy net moet ontdek . . . Nobuhle Mimi Mahlasela (SARIE Maart 2018) Wie ek is, is genoeg . . . Moenie aan jouself twyfel nie. Jy is die enigste mens wat in die pad van jou drome staan. Anna-Mart van der Merwe in 2019 op SARIE.com Ek is wat ek is en kan net dít gee. Om te…

Hoe gaan dit? vra SARIE. Diaan laat hoor sy en die kinders hou huispartytjie. Hulle het video’s afgelaai waar jy die dansbewegings moet volg. Dis dag 13 van die Covid-19-inperking. Vir haar en Thomas is dit egter dag 25: Albei was al siek toe die ganse volk huis toe gestuur is. ‘Ons moes kreatiewe maniere vind om saam te wees, nie gefrustreerd en kwaad te word nie. Ons doen nogal goed, dink ek. Ek het gedurende die inperking verjaar, op 6 April, ’n vreemde ervaring. Ons gebruik enigiets wat op die internet beskikbaar is. Google gratis aktiwiteite, Zumbaklasse, joga . . . Die kinders kyk na Jamie Oliver en is elke dag verantwoordelik vir ’n maaltyd. Dis ’n spesiale tyd waar ons saam sit en praat en kosmaak en lag.…

’n Mikroskopies klein virus waarvan die oorsprong nog in geheimsinnigheid gehul is, het die planeet op sy kop gekeer. Selfs die Olimpiese Spele moes die knie buig. Die verlamming van wêreldekonomieë kan verwoestend en verreikend wees. Talle lande, ook Suid-Afrika, het ’n staat van inperking ingestel. Dit sal egter nie die pandemie uitwis nie. Hoe lank ons ons tuis tussen berge toiletpapier, handwasmiddels en blikkieskos teen ons medemens sal moet verskans, weet ons nie. Wat ons wel die afgelope paar weke geleer het, is dat dinge binne ’n oogwink kan verander. Teen druktyd het meer mense in Amerika die virus onder lede gehad as in China en Italië, wat voorheen die middelpunt was. Meer as 2 miljoen mense wêreldwyd het die virus opgedoen en die sterftesyfer het 119 000 verbygesteek.…

Toe die nasionale inperking einde Maart in Suid-Afrika aangekondig is, was die tekens van paniek duidelik: winkelrakke is leeggekoop, op straat het mense met handskoene en maskers begin rondloop, en byna elke Facebook-storie en WhatsAppboodskap het oor Covid-19 gegaan. Kenners raam die krisis is nog lank nie verby nie, want buiten die doodspoor van die virus self, gaan die wêreldekonomie waarskynlik nog lank onder die nagevolge gebuk gaan. Dis moeilik om nie opgesweep te raak in krisistye en paniekerig te word nie – of dit nou ’n wêreldwye krisis of ’n uitdaging in jou persoonlike lewe is. Riette du Preez, ’n kliniese sielkundige van Johannesburg, sê mense is geneig om obsessief te raak in krisistye. En hoe meer jy fokus op die probleem, hoe meer paniekerig raak jy. “Jou denke…

TREND #41 GELEENTHEIDSVEGANIS Veganisme is wêreldwyd aan’t spoed optel soos mense toenemend besorg raak oor hul koolstofvoetspoor en dierewelsyn. Maar baie kan maar net nie hul tjoppie en vleiserighede los nie, terwyl hulle tog meer bewus lewe en ’n bydrae maak om die planeet te red. Net soos die nou al bekende #MeatFreeMondays, lees ons nou al hoe meer van die occasional vegan. Waar jy aangemoedig word om een maal per week veganisties te eet. Maak ’n plantgebaseerde bestanddeel die held van jou ete . . . daar is talryke geurige vleislose geregte wat ewe lekker smaak! TREND #42 MOCKTAILS Van babelassimptome tot ekstra kilojoules, ál meer studies wys hoe skadelik ’n oormaat alkohol vir jou kan wees. Geniet nog al die lekkertes soos ons dit ken, maar sonder die…

Toe haar hare op die grond val en met die klank van die elektriese skeermes in haar ore, het Carla Smith die eerste keer verstaan. “Ek het so weerloos gevoel,” beskryf sy die oomblik in die TV-reeks Tydelik terminaal (tot onlangs op kykNET) toe iets van die karakter se stryd by haar kliek. Die reeks is losweg gegrond op die skrywer, Elanie Rupping, se eie kankerstryd. “Jy word aan die diep kant ingegooi met al die mediese goed wat jy nie verstaan nie,” sê Carla. “En saam met jou hare voel dit asof jy ook ’n stukkie van jou identiteit verloor.” In Terminaal 3, wat in Maart by die KKNK sou debuteer, is sy ’n bloedjong, nie-so-stralende-nie swanger vrou. Daarmee kan sy so ’n bietjie meer identifiseer. “Ek is ook…

OUERS Respekteer jou kind se privaatheid. Dit is normaal en nodig vir kinders om hul eie identiteit te begin vorm sonder Ma en Pa wat ’n sê het oor alles. Luister meer as wat jy praat. Jou kind moet nou leer om self keuses (en foute) te maak – moenie inmeng nie, maar wees daar as jou kind ’n oor nodig het om te luister. Vind nuwe aktiwiteite wat almal graag saam doen, en leer ken mekaar so beter. Kom vroeg al ooreen oor hoe julle konflik gaan hanteer. KINDERS Dink aan jou ouers as medevolwassenes en tree ook soos ’n volwassene teenoor hulle op. Hulle sal dan meer geneig wees om jou soos ’n volwassene te hanteer. Vertel jou ouers wat pla – met respek en vriendelikheid. Moenie elke…

Dit is belangrik om jou skoonouers te probeer gelukkig hou. Jy is immers met hul kind getroud en is die ma van hul kleinkinders. Maar stel gesonde grense. Moenie met jou skoonouers wedywer om jou man se aandag nie. Moedig jou wederhelf aan om ook genoeg tyd met sy ouers te spandeer. Stel tye vas wanneer jou en sy ouers by julle kan kom kuier. Gee hulle genoeg tyd saam met hul kleinkinders – dit vorm ’n hegte band tussen hulle en gee jou ook ekstra tyd om dinge te doen waarvoor jy nie tyd kry nie. Probeer jou indink hoe jý eendag as skoonouer sal voel. Sorg dat jy en jou wederhelf mekaar verstaan en saam besluit hoe julle op ’n sagte dog ferm manier teenoor die onderskeie ouers…

Catherine, die hertogin van Cambridge, was nie te grênd om te druk nie. Drié keer. Enkele ure ná die geboorte van hul derde kind was Kate en prins William met klein Louis op die hospitaaltrappe. Elke haar van die nuwe ma was in plek, nes ons haar ken. Sy was volgens gerugte vyf ure in kraam sonder die hulp van tradisionele pynverligters. Soos met haar twee ouer kinders se geboorte, het sy glo selfhipnosetegnieke gebruik. ’n Neiging wat deur talle bekendes – onder andere ook die internasionale model Gisele Bündchen en Hollywood-aktrise Angelina Jolie – ondersteun word. Hipnogeboorte, soos dit genoem word, is glad nie weird nie, het aktrise Jessica Alba tydens ’n verskyning in die geselsprogram The Ellen DeGeneres Show gesê. Daar word nie ’n horlosie voor jou gesig…

SARIE.COM Sally Andrew praat oor haar derde boek, Death on the Limpopo (Umuzi, R260) Jou eerste twee Tannie Mariaboeke is in 14 tale oor 5 vastelande vertaal. Toe jy haar geskep het, het jy gedink sy sal so wyd belangstelling ontlok? Ja en nee. Ek het duidelike doelwitte gestel, en ek het gemik vir daai plek waar dit wat ek geniet, oorvleuel met ’n universeel menslike belangstelling. Daarom die argetipiese tema van liefde en die genre van ’n moordraaisel. Die kos was ’n gelukkige byvoeging. Ek het nie besef hoeveel mense is net so obsessief oor kos soos Tannie Maria nie. Die eerste boek, Recipes for Love and Murder, het al die grootste temas op die tafel gelê. Aan die ander kant was ek verras. Ek…

Dit gebeur binne ’n breukdeel van ’n sekonde. Ek ry in my motor, rustig, rustig . . . Die volgende oomblik is daar ’n motor wat uit die linkerbaan reg voor my inswaai. Onverklaarbaar, roekeloos, rég voor my in. Op geen manier kan ek dit keer nie, ek tref die motor voluit op die bestuurder se deur. In die verskriklike, helder oomblik van knarsende staal en brekende glas, sien ek dat dit ’n bejaarde man agter die stuur is. Nie bejaard nie, hy is regtig baie oud. My motor skuur tot stilstand. Die bestuurder skud sy grys kop asof hy nie glo wat pas gebeur het nie. Langs hom sit sy vrou, ewe bejaard, sien ek, en sy gil histeries. Nou is nie die tyd om kwaad te wees nie,…