Indice dei contenuti per 21 August 2025 in Landbouweekblad

In die blom Die Weskus is vanjaar al vroeg ’n kleurontploffing van veldblomme. Koue weer, afgewissel deur sonskyndae, het gelei tot vroeë ontkieming. Clanwilliam, waar die veldblomskou van 29 Augustus tot 7 September in die Blomkerk in die hoofstraat gehou word, is ’n belangrike stilhouplek vir die “blommerazzi” wat van nou af op die streek gaan toesak. Die afgelope twee jaar is ekstra moeite gedoen om nuwe lewe te blaas in die Clanwilliamskou, wat al sedert 1931 gehou word. Tyra Zimmerman van Lambertsbaai (op die foto), pas gekroon as skoukoningin, is ’n graad 12-leerder aan die Augsburg-landbougimnasium, en het pryse van meer as R40 000 gewen. Die Ramskop-natuurtuin buite Clanwilliam waar sy afgeneem is, lyk nou soos ’n mini-Chelsea-blommeskou – hoofsaaklik die handewerk van ’n groep vrywilligers – en is…

“OM niks te doen nie, is die verkeerdste ding wat boere kan doen wat deur die uitspraak geraak word,” waarsku Gernie Botha, uitvoerende hoof van Vrystaat Landbou en ’n ervare regsadviseur, oor grondeienaars se regte wanneer plaasbewoners vee aanhou. Die konstitusionele hof se uitspraak op 1 Augustus in die Moladora-saak het bevestig dat “stilswyende toestemming” ontstaan wanneer daar nie teen ongemagtigde beweiding opgetree word nie. Tydperke is ter sprake in die wet, waarin geag kan word dat weidingspraktyke met die toestemming van die grondeienaar geskied het. Dit beteken stilswye kan toestemming word, en daardie toestemming word in gepaste omstandighede ’n reg wat deur die Esta-wet (die Wet op die Uitbreiding van Sekerheid van Verblyfreg, Wet 62 van 1997) beskerm word. Die hof se uitspraak was in die saak (Mereki en…

Toe Vrystaat Landbou (VL) se leiers vroeër vanjaar te kenne gegee het dat die organisasie sy affiliasie by AgriSA wil heroorweeg, was een van die beweegredes wat hy aangevoer het dat AgriSA nie die menings van boere op grondvlak behoorlik verteenwoordig nie. Daarom was dit vir Manie verblydend dat daar ’n debat op VL se jaarkongres gevoer is waar albei organisasies se leiers hul standpunte kon stel oor die kwessies wat tot verdeeldheid gelei het. VL se lede het ook kans gekry om vrae te stel aan die vier deelnemers aan die debat: Francois Wilken en Friedl von Maltitz, onderskeidelik voorsitter en ondervoorsitter van VL, en Jaco Minnaar en Willem de Chavonnes-Vrught, voorsitter en ondervoorsitter van AgriSA. Dit was gou duidelik wat gewone boere, wat hul boereverenigings op die kongres…

Israeliese navorsers het bevind dat antieke grysskimmel-stamme minder weerstand teen swamdoders gebied het en waarskynlik minder aggressief was as hul moderne familie. Dit bewys watter invloed sintetiese bemesting en swamdoders die afgelope dekades op die “onsigbare ekostelsels” gehad het wat ’n belangrike rol in voedselproduksie speel. Die studie, waarvan die resultate in iScience gepubliseer is, is deur die Hebreeuse Universiteit van Jerusalem, die Tel Aviv-universiteit, die Ben-Gurion-universiteit en die departement van landbou en landelike ontwikkeling aangepak. Hulle het twee stamme van historiese grysskimmel (Botrytis cinerea) wat uit die 1940’s dateer – voor landbouchemiese middels standaardpraktyk geraak het – laat herleef met onder meer genoomvolgordes, die ontleding van geenuitdrukking en chemiese vingerafdrukke. Grysskimmel veroorsaak swamsiektes by meer as 200 landbougewasse. Die historiese stamme het betekenisvol verskil van moderne laboratorium-swamme wat hul…

Met die samewerking van Agrico het die PE Loubser-boerdery 11 spilpunte op 300 ha op een van hul plase aan die buitewyke van Durbanville opgerig, wat saam met slimbestuur vir doeltreffende besproeiing sorg. Hulle gebruik gryswater van goeie gehalte vir hul besproeiingsdoeleindes. Die boerdery is deel van Fair Cape Dairies, wie se suiwelprodukte landwyd verkoop word. Die Loubser-familie boer al sedert 1875 in die Koeberg-omgewing. Eduard, die sesde geslag, boer saam met sy pa, Viljee. Bestuur spilpunte maklik Vir Eduard, wat die afgelope 11 jaar boer, is dit baie maklik om hul spilpunte op sy selfoon te bestuur. Agrico Webbeheer stel ’n boer in staat om ’n besproeiingstelsel op sy selfoon of slimtoestel te bestuur volgens die drukbehoefte op enige spesifieke tydstip, en dít vanaf enige plek ter wêreld. Individuele…

Daar is nie ’n eenvoudige of eenvormige aanpassingstrategie om die uitwerking van klimaatsverandering op vleisbeesproduksie in Suider-Afrika aan te pak nie. Oplossings wat vir Europa en Noord-Amerika voorgestel word, kan baie verskil van dít wat vir Suider-Afrika geskik is. Veertien verskillende ingrypings is geïdentifiseer wat gebruik kan word om klimaatslim vleisbeesproduksie te ondersteun. Al die faktore wentel om aanpassing, versagting en veerkragtigheid – wat verseker dat vleisbeeste onder alle omstandighede produksie kan handhaaf, ’n laer koolstofspoor agterlaat word en taai diere is wat vinnig van klimaatsuiterstes kan herstel. As dié ingrypings gekoördineerd aangepak kan word, sal dit Suider-Afrika steun in sy inisiatief om volhoubare diereproduksie in die era van klimaatsverandering te verseker. 1 Voorkoms en bouvormeienskappe Hetsy beeste self geteel of aangekoop word, ’n ligter haarkleur en donkerder velpigmentasie is…

Veeboerdery is Suid-Afrika se grootste landbousektor en lewer ’n beduidende bydrae tot veral voedselsekerheid, die klerebedryf en werkverskaffing. Verliese weens roofdiere besorg boere erge hoofbrekens, en roofdierbestuur word beskou as die sleutel- ekonomiese koste in die vee- en wildbedryf. Niemand ervaar dié skade deur jakkalse en rooikatte so intens soos Eddie Steenkamp van die plaas Doornboomsfontein by Beaufort-Wes nie. Hy deel sowat 17 km se grensdrade met die Karoo Nasionale Park. Hy is al dekades lank besig met die ontwikkeling van verskillende halsbande om skade deur jakkalse en rooikatte te beperk. Van 1986 tot vroeg in 1994 het hy tot 250 lammers per jaar verloor – soms tot 60 lammers per maand. “Lank gelede het ek al besef dat ek nie ver gaan kom met slagysters nie. En om roofdiere…

Moorreesburg, ’n dorp wat sy bestaan hoofsaaklik uit die graanbedryf maak, is die middelpunt van die Swartland. Een keer per jaar sak sowat 20 000 besoekers op die dorp toe om die Swartlandskou by te woon, wat vanjaar van 3 tot 6 September plaasvind. Hierdie skou word al 91 jaar lank aangebied en is die grootste landbouskou in die Wes-Kaap. “Dit is nie ’n fees of ’n ekspo nie. Ons probeer dit altyd ’n tradisionele skou hou met ’n feestelike atmosfeer, want dit gaan oor samesyn. Dit is vir die groter Wes-Kaap ’n bewys van wat die landbou vir die platteland beteken,” sê Jacques Bester, voorsitter van die Swartlandskou. Die grootste vleisbeesskou in die streek is deel van die program, met nege rasse en meer as 300 diere wat ten…

Die Suid-Afrikaanse voertuigmark behoort al geruime tyd nie meer net aan Japannese, Duitse en Amerikaanse fabrikate nie. Die Chinese maak al vir meer as ’n dekade vordering om die kentekens van hul motors en bakkies bekende gesigte op plaaslike paaie te maak. Dit is grootliks te danke aan hul vermoë om voertuie wat met die nuutste tegnologie toegerus is, teen billike pryse te verkoop. Hierdie strategie werk goed in Suid-Afrika, waar die verbruiker toenemend ekonomiese druk ervaar, maar tog gesteld is daarop om ’n dubbelkajuitbakkie in sy motorhuis te parkeer. Volgens data van die nasionale vereniging van voertuigvervaardigers van Suid-Afrika (Naamsa) vir Junie 2025 het GWM (Great Wall Motor) 2 288 eenhede verkoop, wat hom sesde in die algemene mark plaas. Hy het in Mei groei van 75,1% op ’n…

Suid-Afrika is oorgehaal om ’n waardevolle bydrae te lewer tot ’n wêreldwye projek van $27,4 miljoen (sowat R500 miljoen) om vee wat min metaan vrystel, te identifiseer en daarmee te teel. Dié projek, wat in April bekend gestel is, word deur die Bezos Earth Fund en die Global Methane Hub gefinansier. “Metaan (CH4) is ’n kragtige kweekhuisgas – meer as 80 keer so kragtig soos koolstofdioksied (CO2) oor ’n 20-jaar-tydperk. Dit is van deurslaggewende belang om metaanvrystellings met 45% te verminder ten einde aardverwarming teen 2040 met 0,3 °C te verlaag,” luidens ’n verklaring van albei instellings. Geloofwaardige wetenskaplike bronne raam dat die wêreld se vee jaarliks sowat 120 miljoen ton CH4 vrystel, wat dieselfde klimaatimpak het as 3,3 miljard ton CO2. Beeste is verantwoordelik vir ongeveer 75% van die…

Hoekom maak dit sin om op Witmoskloof met wild te boer? Danksy die berge boer ons op verskillende hoogtes bo seevlak. Daarom het ons verskillende habitats, wat wissel van suur- tot soetveld, struike, bosse, doringbome en selfs Karoobossies. Ons kan byna enige wildspesie inbring en dit sal hier aanpas. Wild benut ook veld en ander plantegroei wat beeste en skape nie doen nie. Wat motiveer jou om met wild te boer? In ons harte is die meeste boere natuurliefhebbers en dit bly darem baie mooi om ’n groot koedoebul in die veld te sien. Daar is egter ook ’n ekonomiese sy, want die gemiddelde veeboer is onder druk omdat ons produkte se pryse nie tred gehou het met ons uitgawes nie. Dit het ons gedwing om met wild te boer.…

Afrikaner 1 Senior kampioenbul, NEU 15-43. Eienaar: Neudamm-kampus (Gabriel Sheehama, regs, +264 81 271 222), Universiteit van Namibië, Windhoek. Hanteerder: Abiud Tjiringe. Angus 2 Junior en grootkampioen vroulike dier, MS 22-7 Milka. Sy was ook die reserwe opperste kampioen vroulike dier. Eienaar: Marco Seefeldt (+264 81 269 5802), Silversand-stoetery, Seeis. Hanteerder: Michaela Seefeldt. Brahman 3 Senior en grootkampioenbul, DB 20-749 Muscleman. Eienaar: Danie Botes (+264 81 129 4105), Lared Brahmane, Seeis. Hanteerder: Eward Klaassen. 4 Breedplan-kampioen, OKB 22-572 Okabra Rocket. Eienaar: Schneiderfamilie (Mecki, +264 81 129 2623), Okabra-stoetery, Grootfontein. Hanteerder: Elifas Shilimba. Braunvieh 5 Senior en grootkampioenbul, LLG 20-06 Aurora Simba. Eienaars: Louwrens en Henriëtte le Grange (+264 81 124 9670), Aurora-stoetery, Summerdown. Hanteerder: Andries Eiseb. 6 Junior en grootkampioen- vroulike dier, LLG 21-73 Aurora Wenda. Eienaars: Louwrens en Henriëtte…

VL se Jongboer: Nederige pekanneutboer droom groot Met sy beskeidenheid, toewyding aan sy gesin en gemeenskap, en ’n duidelike visie vir volhoubare landbou, verteenwoordig Tienie Prinsloo die tipe leierskap wat die Suid-Afrikaanse landbousektor nodig het om die toekoms met vertroue tegemoet te gaan. Die 36-jarige Prinsloo van die Loomar Boerdery naby Hoopstad beskou dit as ’n groot voorreg om saam met sy gesin te kan boer. “My pa, Martiens, het van jongs af ’n gees van vennootskap by my gekweek. Ons het sáámgeboer en hy het altyd vir my gesê hy boer eintlik vir my. Toe my seuntjie, Martiens, gebore is, het ek vir my pa gesê ons het nou ’n nuwe baas vir wie ons albei werk.” Die pekanneutproduksie lewer die grootste inkomste, terwyl die lusernproduksie die meeste tyd…

WARMER tydperke kan met tye in Augustus oor dele van Suid-Afrika voorkom, maar die winter is nog nie uitgewoed nie, sê Johan van den Berg, onafhanklike landbouweerkundige. Die voorspelling vir Augustus het gedui op kouer toestande as wat aanvanklik verwag is, met tussenposes van warmer dae, wat beteken die winter kan langer aanhou. Koue fronte kan nog steeds oor Suid-Afrika inbeweeg. Volgens Van den Berg kan warmer tye en dan weer kouer temperature tot so laat as Oktober voortduur. “Sporadiese lae minimum temperature met gepaardgaande ryp kan nog tot baie laat ná die winter oor die sentrale tot suidelike binneland voorkom.” Impak op graanbedryf ’n Winter wat langer duur, kan die begin van die somerreënseisoen vertraag. “Dit lyk egter nie of die somerreënseisoen so laat soos verlede seisoen oor die…

SUID-AFRIKA se landbou is hoogs afhanklik van die omgewing waarin dit bedryf word en daar was ongekende skokke in die afgelope jare wat ’n nadelige inpak op die wêreldekonomie en veral landboumarkte gehad het. Dit sluit in die covid-19-pandemie, toenemende konflik in die Midde-Ooste, Rusland se inval in Oekraïne en stygende energiepryse wat inflasie opjaag. Die gesaghebbende buro vir voedsel- en landboubeleid (BFAP) sê in sy vooruitskouingsverslag vir die volgende tien jaar dat die gunstige ekonomiese groeivoorspelling vir die wêreld vir 2025 en 2026 nou van 3,3% tot 2,8% gedaal het, veral weens die aansienlike onsekerheid wat pres. Donald Trump van Amerika se handelsbeleid skep. Dit beïnvloed ook Suid-Afrika wat met ander probleme sit, soos lae ekonomiese groei in reeds bykans ’n dekade, onsekere kragvoorsiening, verswakte munisipale dienste en logistieke…

DIE aartappelbedryf staan voor ’n kruispad waar tradisionele insekbekamping nie meer volhoubaar is nie. Daarom het ’n paneel van kundiges geïntegreerde plaagbestuur as die sleutel tot volhoubare aartappelproduksie onder die loep geneem op die onlangse innovasiesimposium van Aartappels SA by die Wetenskaplike en Nywerheidsnavorsingsraad in Pretoria. “Geïntegreerde plaagbestuur is nie net ’n metode nie, dis ’n filosofie,” het prof. Mark Wright van die Universiteit van Hawaii in Amerika tydens die paneelbespreking gesê. Geïntegreerde plaagbestuur is die sleutel tot volhoubare produksie, meen Wright. Hy het verduidelik die doel is om plaagvlakke só te bestuur dat ekonomiese skade vermy word – nie noodwendig om elke enkele plaag uit te wis nie. “Geïntegreerde plaagbestuur berus op vier pilare: voorkoming, monitering, drempelwaardes en geïntegreerde bekampingsmaatreëls. Dit sluit in kulturele praktyke en biologiese, chemiese en…

Dit het jare geduur voordat Bennie Diedericks, grondkundige van die maatskappy Resalt Agricultural Systems and Strategies, saam met Wilhelm Joubert, wingerdboukundige van die Hartenberg-wynlandgoed by Stellenbosch, tot die stap oorgegaan het om beeste in die wingerde te laat wei. Maar toe kom die groot verrassing: Almal het gesê dit gaan járe duur voor hulle ’n verskil opmerk, maar binne maande het die grondbiologie begin verander en die natuurlewe het begin terugkeer. “Die oud-plantviroloog Barbara von Wechmar het destyds gesê die probleme op ons plase het begin toe diere weggeneem is. ’n Gesonde ekostelsel sonder diere bestaan nie, daarom moet ons dit terugbring na ons plase en deel maak van ons stelsels,” het Bennie op ’n herlewingswingerdboudag op Stellenbosch gesê. “Soos Tessa van Zyl, wingerdboukundige by die Rustenberg-wynlandgoed, sê: ‘As jy…

Wanneer die eerste keer na dekgewasse gekyk word, word die saadkoste, arbeid, toerusting, tyd, water, voedingstowwe en selfs die aanvaarding deur vennote, bure en vriende gewoonlik bevraagteken. Mettertyd verander dit na die vraag: Watter voordele kan bykomende plantsoorte op my plaas bied? Dit begin by die begrip dat elke groen plant ’n koolstof-inlaat is en die mikrobiese wêreld in sy eerste vier tot agt weke van koolstofsuiker-uitskeidings voorsien. Dekgewasse kan gelyktydig verskeie grondgesondheidsbeginsels nakom. Gevolglik kan baie min bestuurspraktyke by dekgewasse kers vashou as dit by die verskaffing van kos en ’n tuiste vir lewe kom. Vroeër jare het meerjarige weivelde en woude uit ’n hoogs diverse plantgemeenskap bestaan. Aanpasbare plante sou in die koel lente- en herfsweer, maar ook in die somerhitte groei. Dit het verseker dat daar deurlopend…

Een van die betroubaarste maniere om goeie voervloei te bewerkstellig, is deur die gebruik van meerjarige weidingsmengsels. Dit dien nie net as ’n bron van deurlopende voeding nie, maar is ook ’n vorm van versekering teen voervloeigapings, verhoogde insetkoste en beperkte toegang tot hoëgehalte-ruvoer. Waardevolle weiding Die regte weidingsmengsel bevorder volhoubare produksie deur in herkouers se voedingsbehoeftes te voorsien. Spesiediversiteit dra by tot gesondheid, reproduksie en groei, wat winsgewendheid verhoog. ’n Goeie mengsel verseker optimale voervloei en deurlopende voedingswaarde. Meerjarige spesies is voordelig vanweë hul uithouvermoë en aanvullende groeisiklusse, wat volgehoue produksie deur die jaar ondersteun. Indien net een gewas geplant word, ontstaan voervloeigapings in sekere tye van die seisoene. Daarom word weidingsmengsels strategies saamgestel om verskillende spesies se groeispitstye te balanseer sodat daar deurlopend gehaltevoer beskikbaar is. ’n Gebalanseerde…

Die versekeringsmakelaar Africa Provide is ’n baanbreker wat bekend is vir sy omvattende reeks korttermyn-versekeringsprodukte. Die lugvaartafdeling het ontstaan uit ’n persoonlike ervaring van Jannike Bester, ’n passievolle kommersiële vlieënier met 24 jaar ondervinding en die eienaar van ’n kommersiële huurvlugdiens- (charter) maatskappy wat ’n vloot private en kommersiële vliegtuie en helikopters bedryf. Só het dit begin Die oorsprong van hierdie gespesialiseerde afdeling weerspieël ’n storie wat nie ongewoon in die komplekse wêreld van lugvaartversekering is nie. In 2022 het Jannike met haar eerste uitdagende eiskwessie te doen gekry. Die versekeraar se aanvanklike huiwering om die eis te aanvaar, het tot ’n proses gelei wat lugvaartversekering sou transformeer. Op daardie tydstip was Jannike se ontevredenheid met haar makelaar se diens tasbaar. Waarom ’n makelaarsfirma hê wat in die oomblik van…

Data dui op die herstel van die landbousektor vanjaar. Daar is tekens van groei, wat meevallers waarskynlik maak. Hierdie vooruitsigte word egter aan bande gelê deur die onsekere internasionale handelsomgewing, geopolitiese spanning en beleidsrompslomp, asook die kommerwekkende uitbreking van dieresiektes, soos bek-enklouseer, wat ’n impak op die veesektore het. “Teen hierdie agtergrond behoort boere wat wil diversifiseer en hul welvaart wil bevorder – hetsy om hul risiko te versprei, hulle teen plaaslike onsekerhede te verskans of langtermynwelvaart te skep – belegging in die buiteland te oorweeg,” sê Lise-Mari Tredoux, medehoof van die fondsdistribusiespan by Allan Gray. “Buitelandse beleggings bied ’n manier om internasionale groeigeleenthede te benut en terselfdertyd die wins van ’n sterk seisoen plaaslik te beskerm.” Volgens haar kan buitelandse beleggings lonend wees wanneer ’n weloorwoë langtermynbenadering gevolg word.…

Die verskille in die droëmateriaalaanbod plek tot plek lei daartoe dat verskillende produksiestelsel gevolg word. Omdat voervloeiprogramme en produksiestelsels in verskillende kombinasies voorkom, moet aanvulling ooreenkomstig aangepas word. Die Molatek-reeks bied ’n verskeidenheid produkte om in hierdie uiteenlopende behoeftes te voorsien. In sy strewe na kostedoeltreffende aanvulling het Molatek ’n reeks proteïenaanvullingsprodukte vir die benutting van droë, onsmaaklike weiding binne spesifieke produksiestelsels ontwikkel. Dit sluit in produkte soos KONDISIELEK (reg.nr. V17730, Wet 36 van 1947), PROTEÏENLEK 40 (V16048), DRYVELD 46 (V20820), WINTERBLOCK 40 (V22501) en LICK MIX 87 KONSENTRAAT (V19783). Winter-uitblinker MOLATEK DRYVELD 46 is gedurende die winter in plaastoestande geëvalueer om te bevestig dat dít wat op papier bereken is, die gewenste resultate in die praktyk lewer. Die produk is geëvalueer in die somerreëngebied waar voervloei in die winter…

Landbouskoue speel ’n sleutelrol om die landbou en plaaslike ekonomieë op die platteland aan te wakker. Hierdie skoue is dekades gelede begin om gehalte-landbouprodukte, waaronder diere, te beoordeel, erkenning te gee en gemeenskappe te bou,” het Breyton Milford, hoofbestuurder van Agri-Expo, tydens Agri-Expo se ledeskouvergadering op Grabouw gesê. Hiertydens is Beaufort-Wes, Moorreesburg, Robertson, Loxton en Riversdal se skoue vereer vir hul bydraes op die gebied van onderskeidelik ontwikkeling van nuwe toetreders, jeugontwikkeling, gehalte-aanbieding, gemeenskapsbetrokkenheid en vernuwing. Volgens Dries Wiese, bekende Dorper-teler en skoubeoordelaar wat ook ’n eretoekenning vir sy lewenslange bydrae tot die skoubedryf gekry het, is daar die afgelope jare ’n oplewing in plattelandse landbouskoue. “Ek het baie jare geskou en is dankbaar vir die prestasies wat ek behaal het. My seun, wat nou op die plaas is, begin…

’N NUWE roesagtige blaarvleksiekte by aartappels word in Suid-Afrika opgemerk, en kenners maan produsente om waaksaam te wees. Dit word veroorsaak deur die patogeen Colletotrichum coccodes en is voorheen slegs as ’n ná-oesprobleem beskou, maar word nou al hoe meer as ’n primêre blaarsiekte op lewende plante gesien. “Ons sien toenemend simptome wat soos vroeë blaarvlek lyk op groen stamme en blare, maar met geen Alternaria in die monsters nie – net Colletotrichum coccodes,” het dr. Elsie Cruywagen van die Landbounavorsingsraad (LNR) op die onlangse aartappel-innovasiesimposium van Aartappels SA in Pretoria gesê. Toetse vir patogene en verdere navorsing word nog gedoen. “Ons het nog nie al die inligting nie, maar die feit dat die patogeen nou op lewende plante voorkom, is vir ons ’n belangrike ontwikkeling.” Cruywagen het ook oor…

SA kan area onder sojabone maklik meer as verdubbel SUID-AFRIKA kan sy huidige sojaboonaanplanting van 800 000 ha tot 2 miljoen ha verhoog. Dié syfer is ambisieus, maar haalbaar, meen dr. Ferdi Meyer, direkteur van die buro vir voedsel- en landboubeleid (BFAP). Boere moet nie na sojabone as bloot ’n alleenstaande gewas kyk nie. Dit bevoordeel eintlik die produktiwiteit van ’n produsent se hele boedery-onderneming, het Meyer op die onlangse sojaboon-simposium op Nampo-park by Bothaville gesê. “Oor waar sojabone verbou behoort te word en wat die optimale sojaboon-area is, het ons satellietdata, klimaatdata en ekonomiese data gaan ontleed. Ons het bevind Suid-Afrika kan die area onder sojabone meer as verdubbel, en dit sal ekonomies optimaal wees.” Meyer het die klimaatsveerkragtigheid van sojabone beklemtoon en gewys op navorsing wat probeer bepaal…

Aasvoëlgetalle: Daar is lig in die tonnel WENBRIEF Op Dinsdag 1 Julie breek die dag aan waarop ek en my drie skoonseuns lank gewag het: Ons gaan jag! Die jagplaas is in die klipveld tussen Lichtenburg en Ottoshoop, nie ver van die Molopooog nie. Diegene wat meen dat blesbokjag maklik is, nooi ek graag saam om dit in die klipveld te voet te doen. Dit gaan betreklik goed. Twee van die manne skiet elkeen ’n bok. Die karkasse sal later deur die plaaseienaar opgelaai word. Die karkasse lê so 100 meter van mekaar. Ons agtervolg ’n troppie bokke wat weggebreek en na ’n ander kamp gehardloop het. So nou en dan sien ek ’n paar voëls in die lug bo die kamp waar die karkasse lê ek dink dis seker…

GEVALLE van bek-en-klouseer (BKS) wat in die eerste week van Augustus by Orkney in Noordwes, Bronkhorstspruit in Gauteng en by Devon in Mpumalanga bevestig is, asook die agterstand in die toetsing van bloedmonsters in laboratoriums, staan sentraal in die jongste uitbrekings in Suid-Afrika. Gevalle waar ’n moontlike uitbreking vermoed word, maar waarvan die bloedtoetse afgewag word, word met oranje sirkels op die stelsel gemerk. Bevestigde en aktiewe gevalle word in rooi gemerk. Begin Augustus is die moontlike voorkoms van die siekte naby Vergeleë en Ventersdorp in Noordwes, asook by Cullinan buite Pretoria in Gauteng aangedui. Verskeie moontlike gevalle is ook in die ooste van KwaZulu-Natal aangedui. Dewald Olivier, uitvoerende hoof van RMIS, het aan Landbouweekblad gesê hy het oproepe van bekommerde boere, asook belanghebbendes van voerkrale en abattoirs oor die…

Senwes het 116 jaar gelede met 24 boere tot stand gekom. Die besigheid het deur verskeie naamsveranderinge gegaan en is van ’n koöperasie tot ’n maatskappy omvorm waarvan sekere aandele verhandelbaar is. Senwes se beherende aandeelhouer is Agribel, met aandeelhouding van 68,7%, en boere hou 14% van die aandele. Agribel is ’n geslote groep beherende aandeelhouers waaroor daar min bekend is, maar wat skynbaar uit invloedryke beleggers en boere bestaan. Hulle oefen beheer uit deur die aanstel van die meeste direkteure. KLK, met sy hoofkantoor op Upington, het sowat ’n jaar of twee gelede deel van die Senwes-groep geword, wat tot gevolg het dat hy sy besigheid uitgebrei het na die skaapbedryf, waaronder abattoirs, asook rosynverwerking. Voor dit het Suidwes ook deel van die groep geword, met die gevolg dat…

MAKRO- en mikrominerale lewer ’n noodsaaklike bydrae tot groei, ensiemaktiwiteit en immuunfunksies by mak herkouers, naamlik beeste, skape en bokke. Hoewel dié diere die meeste van hul mineraalbehoeftes verkry uit die plante wat hulle vreet, moet vee-eienaars soms geskikte mineraallekke verskaf om mineraaltekorte in dié voerbron aan te vul. Hierdie bestuurspraktyk is ook van toepassing wanneer mak herkouers gereeld die blare vreet van Searsia lancea (kareeboom), S. pyroides en ander taaibosspesies in die inheemse Searsia-genus wat algemeen oor Suid-Afrika heen voorkom. Taaibos is verteerbare voer wat veral waardevol is wanneer veldgrasse skaars is, soos tydens droë seisoene. Volgens Onke Hawu en sy medenavorsers aan Noordwes-Universiteit se fakulteit natuurwetenskappe en landbou wissel die konsentrasies van makro- en mikrominerale in taaibos van seisoen tot seisoen en as gevolg van veranderlikes soos grondtipe…

Die vloedwater het skielik op hulle afgekom. Daar was nie tyd om die wild te red, voertuie en trekkers na veiligheid te bring en elektriese toerusting op spilpunte te verwyder nie. Die skrikwekkende gevolge was vloedskade van R100 miljoen vir Lourens du Plessis van Thabazimbi se Louma-boerdery. Die aarde was reeds deurdrenk ná ongewone swaar reën gedurende Februarie. Sowat 400 mm reën het binne enkele weke op Lourens se plase uitgesak; die laaste ongeveer 180 mm binne 24 uur. Alles kon nog hanteer word, maar toe breek twee damme naby die plaas – eers die Swartklipdam in die Bierspruit op myngrond en toe ’n kleiner dam verder af in die spruit. Binne drie uur het die watervlak vertikaal met 1-1,5 meter gestyg en ’n vloedgolf het alles voor hom begin…

’n Paar dekades gelede was dit goed genoeg om gemiddeld te wees en die meeste maatskappye het oorleef deur jaar ná jaar dieselfde strategie te volg. Vandag verander die wêreld net té vinnig, en maatskappye wat ’n mentaliteit van gemiddeldheid en business as usual het, verkeer in gevaar en sal nie oorleef nie. Maatskappye wat egter verandering aanvaar en selfs aanmoedig, oorleef nie net in ’n taai omgewing nie, maar floreer en bly winsgewend ondanks negatiewe eksterne faktore. 7 insigte van suksesvolle maatskappye Suksesvolle maatskappye dink globaal om buite hul onmiddellike of plaaslike omgewing produkte kostedoeltreffender te vervaardig of in te voer. Dink maar aan Chinese maatskappye se beleggings in Suid-Afrika omdat hulle ’n goeie opbrengs hier kan kry. In ’n mededingende mark wil internasionale maatskappye ook deesdae die beste…

Telehanteerder speel klaar met vele plaastake Faresin se teleskopiese hanteerders (telehandlers), wat hoofsaaklik in die bou- en mynbedryf gebruik word, wys ál meer hul staal in die landbou. Danksy die beknopte ontwerp en verbeterde grondvryhoogte kan dié hanteerder in klein ruimtes en op smal plaaspaaie gebruik word. Dit is veelsydig met verskeie koppelstukke, en kan byvoorbeeld gebruik word om swaar saadsakke op te tel, bale op mekaar te stapel of voerkrale skoon te maak. Alistair Bennett, besturende direkteur van SkyJacks, die amptelike verspreider van Faresin in Suider-Afrika, sê vir boere beteken dit hulle kan méér werk met minder toerusting op die plaas verrig. Die wye reeks koppelstukke waarmee die telehanteerder gebruik kan word, sluit in naald- en misvurke, standaard- en gespesialiseerde emmers, vurkbare lepels, grootsakhanteerders, kuilvoerskrapers, graanstootlepels met hidrouliese openinge,…

Die Hexriviervallei was destyds die laaste stop waar reisigers uit die Kaap na die Karoo en verder noord vars water en kos kon kry. Namate reisigers meer dikwels na die binneland gereis het, het die Hexvalleipas in die 1800’s ontwikkel, en ’n behoorlik begaanbare pad vir voertuie is in 1939 gebou. Een van die legendes oor die oorsprong van die vallei se naam is dat die rivier bonatuurlike kragte sou hê wanneer dit sterk afkom – veral in die winter. Dan was dit gevaarlik vir reisigers om deur die vallei te reis. Die rivier is met ’n heks vergelyk wanneer dit sÓ sterk afgekom het – en dit is moontlik waar die vallei sy naam gekry het, sê Francois Rossouw jr. van die Mooigezicht-landgoed. Landbouweekblad het onlangs by Francois en…