Indice dei contenuti per 26 June 2025 in Landbouweekblad

Ná ’n nat herfs . . . Die Sneeubergreeks in die omgewing van Graaff-Reinet en Murraysburg het teen druktyd sy naam gestand gedoen. Die hele Suid-Afrika was die tweede week van Junie in ’n koue greep vasgevang. Volgens Jan-Hendrik Swiegers van die Leliefontein-boerdery by Murraysburg is minimum temperature van -3 °C tot-15 °C gedurende kouefronte nie ongewoon nie. Ná ’n nat herfs waar bogemiddelde reënval in groot dele van Suid-Afrika aangeteken is – en daar in Namibië stofstorms en temperature van bo 30 °C en hoër was – is die vooruitsigte vir die winter onseker. Weermodelle voorspel ondergemiddelde reënval oor groot dele van Suid-Afrika. Volgens Michelle du Plessis van Vox Weather, wat eksklusief vir Landbou.com ’n streeksweervoorspelling doen, is die voorspellingsvermoë laag. Kyk by rb.gy/8o4q29 na die voorspelling, met ’n…

Manie sien die storm woed voort oor Hermann Pretorius, hoof van strategiese kommunikasie van die Instituut vir Rasseverhoudinge, se gewraakte beskuldiging teen “Groot Landbou” (bedoelende AgriSA en Agbiz) dat hulle boere verraai met ’n lamsakkige houding teenoor die Onteieningswet. Hy het in ’n meningstuk in Rapport gesê hy sou wou sien dat dié organisasies hulle sterk uitspreek tydens ’n paneelgesprek daaroor op Nampo, en die roekelose gebreke van die wet uitwys. Johann Kotzé, uitvoerende hoof van AgriSA, sê in reaksie hulle bly weg van emosionele debatte oor die wet en volg die regsadvies van senior advokate daaroor. (Sien ook bl. 20 van dié uitgawe.) Hy gee die versekering dat AgriSA gekant is teen die Onteieningswet in sy huidige vorm en alle nodige hulpbronne ter verdediging van eiendomsreg sal inspan. Christo…

DIE inentingspan, bestaande uit spesialisveeartse van pluimvee aan die Universiteit van Pretoria en wetenskaplikes van die Landbounavorsingsraad, het ’n lys van plase ontvang wat hul hoenders wil inent. Die troppe in hoërisikogebiede en op kommersiële plase sal voorkeur kry om die verspreiding van die virus te voorkom, het Steenhuisen op die onlangse AVI Africa-konferensie in Kempton Park gesê. Dit sal die eerste keer wees dat Suid-Afrika op groot skaal teen voëlgriep inent. “Ons het ons entstofvoorsiening en kouekettingvermoë verseker en bou naspeurbaarheid en verslagdoeningsmeganismes in as deel van ons wyer gereedheidstrategie. “Ons het 50 dieregesondheidstegnici op kort termyn aangestel om met die inenting te help.” Steenhuisen het gesê die pluimveebedryf produseer sleutelbronne van proteïen vir Suid-Afrika en is ook ’n ekonomiese anker. “Sy bruto inkomste is ’n verstommende R79,95 miljard,…

Die Bonsmara-beestelersgenootskap het die afgelope paar jaar ’n merkbare toename in telers beleef. Daarom het die genootskap ’n paar jaar gelede met telersopleiding begin. “Die afgelope drie tot vier jaar het meer as 30 nuwe telers per jaar by die genootskap aangesluit. Hoewel ons drie tegniese beamptes het wat in die veld beweeg en basiese opleiding en administratiewe hulp bied, en telers ná hul aansluiting op hul plaas besoek, is daar steeds ’n behoefte aan indiepte-opleiding,” sê Louis Steyl, uitvoerende hoof van die Bonsmara-beestelersgenootskap. “Daarom het ons met telersopleiding begin. Die idee is dat ’n nuwe teler binne die eerste jaar ná aansluiting die opleiding moet deurloop.” Die eerste dag is op 29 Mei by Boshoff Bonsmara by Delmas gehou. Die volgende dag is op 26 Junie by Tambaraine Bonsmaras…

Robotte wat sy aan sy met boere op plase werk, is glad nie so ver in die toekoms as wat ’n mens dalk mag dink nie, sê Karidas Tshintsholo, uitvoerende hoof van Khula!, ’n landboutegnologie-maatskappy. Volgens Tshintsholo, wat op die onlangse IFPA Fresh Solutions-vergadering in Mbombela gepraat het, is die integrasie van kunsmatige intelligensie (KI) in die landbousektor nie meer wetenskapsfiksie nie, maar ’n werklikheid wat besig is om boere se benadering tot hul daaglikse bedrywighede op ’n indrukwekkende wyse te verander. Hy meen die belangrikheid van groot hoeveelhede data vir die opleiding van KI-modelle bied waarskynlik minder probleme in die landbou as in sommige ander bedrywe. “Landbou is ’n data-intensiewe bedryf – van satellietbeelde en gronddata tot insette en opbrengsstatistieke – en ons beskik oor omvangryke inligting wat deur…

Boshoff het op die jaarkongres van die kunsmisvereniging van Suider-Afrika (Fertasa) in Pretoria gesê dit is nie dié wet wat die staat die reg gee om te onteien nie. “Hierdie reg bestaan rééds ingevolge die Grondwet, asook ingevolge verskeie ander wetgewing oor infrastruktuur, die mynwese en grondhervorming.” Om die wet te kan beoordeel, moet die volgende in gedagte gehou word: ■ Dit is die “Onteieningswet” en nie die “Wet op Onteiening sonder Vergoeding” nie. Enige onteiening is onderhewig aan artikel 25 van die Grondwet en die vergoeding moet regverdig en billik wees. ■ Aan die een kant is daar mense wat sê die wet beteken “die einde van private eiendom in Suid-Afrika, en die land gaan die roete van Venezuela of Zimbabwe volg”, en aan die ander kant (aan die…

Vertel meer oor jul nuwe beleggers en wat julle met die finansiering gaan doen. Die afgelope drie jaar kon ons besigheid groei danksy ’n vorige belegging van R83 miljoen deur Naspers Foundry. In die huidige ronde het AfricInvest, een van Afrika se grootste private ekwiteitsfondse, en die Nederlandse Ontwikkelingsbank saam sowat R200 miljoen belê. Ons is baie bly oor die internasionale finansiering, want dit gee vir ons perspektief oor wat in die wêreld aangaan. Die Nederlandse Ontwikkelingsbank belê heelwat in Indië, wat toonaangewend is in landboutegnologie. Ons kry ook deur die Nederlandse Ontwikkelingsbank toegang tot spesifieke finansiering wat die Europese regering beskikbaarstel vir nuwe tegnologiese projekte. Die landbou is ’n langtermynbedryf en nie iets wat jy in ’n oogwink kan ontwrig of verander nie. Dit verg tyd om vertroue te…

Met topramme soos Next Level en Formula One in hul kudde kan ’n mens skaars glo dat só min tyd verloop het sedert VEA Stud Breeders sy eerste Boerbokram, Coke (762-22-1014), en 13 besonderse ooie in Maart 2024 op die Black Tie Blue Blood-veiling aangekoop het. “Alles het feitlik oornag gebeur toe die Boerbokstalletjie van Gerrie Ferreira van Karoo Livestock Exports tydens Nampo Kaap 2023 een van ons direkteure se aandag getrek het. Hy het dadelik in die bedryf belang gestel,” sê William Smit, besturende direkteur van VEA Agri and Tourism. In daardie stadium was VEA Agri and Tourism op soek na ’n volhoubare kleinvee-eenheid om mee te boer op sy nuwe plaas, Goats Window Luxury Safari Lodge, tussen Stormsvlei en Bonnievale in die Wes-Kaap. “Ons het besef iets anders…

Dit is nie net Suid-Afrikaanse boere wat as die beste ter wêreld beskou word omdat hulle met min staatsteun en dikwels in landbougrond wat nie ideaal is nie en met min reën steeds uitblink nie. Werkers in ander bedrywe is ook hoog in aanvraag in die buiteland. Marieta Visagie van CVPlacements, ’n plaaslike agentskap wat Suid-Afrikaners help om werk in die buiteland te kry, verduidelik hoe ’n mens te werk moet gaan en hoe ’n agentskap kan help om die meeste uit dié geleentheid te put. Waar in die buiteland kan Suid-Afrikaanse boere op plase gaan werk? Watter lande is veral gewild (of ongewild)? Die bekendste opsie is Amerika. Die gewildheid van die H-2A- seisoenale visumprogram, wat Amerikaners in staat stel om buitelandse landbouwerkers tydelik in diens te neem, neem…

Die Val-boeredag vier vanjaar sy 30ste bestaansjaar, met AFGRI as ’n trotse vennoot sedert 1995. Wat as ’n klein demonstrasie met vyftien boere begin het, het ontwikkel tot een van die grootste demonstrasiedae in Suid-Afrika. Dié dag word op die eerste Woensdag van Julie gehou, en vind vanjaar op 2 Julie by Val, Mpumalanga, plaas. “Ons is trots om steeds deel te wees van die Val-boeredag. Ons was daar van die begin af, en dit is wonderlik om te sien hoe dit gegroei het,” sê Etienne Meyer, bemarkingsbestuurder van AFGRI Equipment. Johan van Dyk, voorsitter van die Waterval-boerevereniging, onthou die nederige begin van die boeredag toe hy nog ’n skoolseun was. “Aanvanklik was dit baie meer beskeie. Dit was eers op ’n ander perseel en elke jaar moes die boerevereniging…

1 Junior kampioenooi. Eienaar: Willie Oosthuizen, Rossville, Vryburg (082 452 1520). Agter, van links, is Charl Reynders (Voermol), Rikus Strauss (medeteler), Willie, Bossie Clarke (stoetadviseur) en Piet Wessels (BKB). Voor is die hanteerder, Senki Chabalala. 2 Reserwe junior kampioenooi. Eienaars: Henning en Lindie van Tonder, Henlin-stoetery, Reitz (072 171 1573). Van links is Henning, Jimmy Monyobo (BKB) en Piet Wessels. 3 Senior en grootkampioenooi. Eienaars: Johnny (082 544 2336) en Mala Forbes, Vredesig, Darling. Van links is, agter: Shaun Miles (Molatek), Johnny, Dewald Linde (stoetmeester) en Piet Wessels; voor: Mala, Zané Hayes (Vredesig) en Samson Masonyane (hanteerder). 4 Reserwe senior en reserwe grootkampioenooi. Eienaars: Howard (082 410 2401) en Nicolene Hobson, Pinnacle-stoetery, Ladybrand. Van links is die Hobsons, Samson Masonyane en Piet Wessels. 5 Junior kampioenram. Eienaars: Bees (082 387…

Bouwerk aan Clanwilliam-dam vorder Bouwerk aan die Clanwilliamdam, wat onder meer die verhoging van die damwal met 13 meter insluit, is teen begin Junie 24% voltooi. Die minister van water en sanitasie, Pemmy Majodina, is tevrede met die vordering. Die projek van R5,7 miljard is voorheen telkemale vertraag. Die verwagte voltooiingsdatum is nou 2028. Plaaslike boere, huishoudings en opkomende boere sal die meeste voordeel uit die projek trek. Kobus Steenkamp, uitvoerende hoof van die Laer-Olifantsrivier-watergebruikersvereniging, sê die dam se opgaarkapasiteit sal aansienlik verhoog word van 123 miljoen m3 tot 344 miljoen m3. Dit is ’n bykomende 221 miljoen m3, oftewel twee derdes meer. — Carien Kruger Lugvaartbedryf op sy knieë weens strenger regulasies Die kommersiële private lugvaartbedryf, wat bedrywe soos toerisme, die landbou, natuurbewaring en brandbestryding ondersteun, is aan die…

SEDERT ’n storm losgebars het nadat bek-en-klouseer in die wêreld se grootste voerkraal bevestig is, wys die vingers na die staat en word ernstige vrae gestel oor die omstandighede rakende die voortgesette verspreiding van bek-en-klouseer in Suid-Afrika. Die departement van landbou en Red Meat Industry Services (RMIS) het in reaksie hierop gesê groter samewerking is nou ononderhandelbaar om voorkeur te gee aan Suid-Afrika se ongeveer 190 oop bek-en-klouseeruitbrekings in vier provinsies, en om die verdere verspreiding van dié ekonomies verwoestende siekte hok te slaan. Die RMIS se bedryfsentrum by sy hoofkantoor in Pretoria is onmiddellik in werking gestel, en werk saam met die kundiges van die landwye bek-en-klouseerwerkgroep. Dewald Olivier, uitvoerende hoof van die RMIS, sê die samewerking van die bedryfsentrum en die werkgroep is ’n proaktiewe en aanvullende maatreël…

BAIE van die boere ervaar tans lae tot baie lae opbrengste vir sonneblomme, en die nasionale oesskattingskomitee (NOK) het sy skatting vir dié gewas afwaarts aangepas, sê Graan SA in sy jongste verslag oor die lewering van graan en oliesade. Volgens die NOK se produksievooruitskatting vir 2025-’26 kan sowat 727 800 ton sonneblomsaad vanjaar geproduseer word. Die produksieskatting is met sowat 15 000 ton verminder, maar bly steeds 95 800 ton meer as die totale produksie van die vorige seisoen. Dr. Lisa Rothmann, senior navorser in plantpatologie aan die Universiteit van die Vrystaat en voorsitter van die navorsingsnetwerk vir Sclerotinia, sê wat sonneblomme betref, is daar proewe by Groblersdal in Limpopo en Delmas in Mpumalanga. Wanneer hulle die afgelope tyd van Bloemfontein af daarheen gery het, het hulle boere gesien…

Liefhebbers van wild kan uitsien na ’n besonderse ervaring wanneer Goat’s Window Safari Lodge en -wildplaas eersdaags onder die VEA Destinations- en VEA Agri and Tourism-sambreel open. “Veral in die Wes-Kaap is daar min wildplase wat hulle op die teling van wild, asook agritoerisme toespits. Ons wil daardie uitsonderlike ervaring bied aan potensiële kopers wat op soek is na spesifieke genetiese eienskappe of teelmateriaal vir trofeejag,” sê William Smit, besturende direkteur van VEA Agri and Tourism. Die naam VEA is afkomstig van “visie”. Hoewel die groep alles wat hy aanpak, uit ’n besigheidsoogpunt doen, word geleenthede gewoonlik deur passie aangevuur. Soos met die wildplaas, het die gogga om met buffels te boer, in Februarie vanjaar gebyt op ’n wildveiling buite Albertinia in die Suid-Kaap (sien ook die artikel “Stoetery plaas…

IS dit nie so dat mense meer geneig is om iets te beskerm waarvoor hulle ’n naam het nie? Daarom het ’n span wetenskaplikes aan die Noordwes-Universiteit (NWU) ’n studie aangepak om ’n omvattende lys van inheemse name vir paddas, akkedisse, slange en ander reptiele op te stel om inklusiewe bewaring te bevorder. Die studie, “Naming South African frogs and reptiles in nine indigenous languages”, onder leiding van dr. Fortunate Phaka van hierdie universiteit, is in samewerking met medewerkers oor Suid-Afrika heen asook in België gedoen. Sodoende is ’n leemte binne die Suid-Afrikaanse wetenskap uitgeskakel, naamlik die gebrek aan name vir paddas en reptiele in die land se nege amptelike inheemse tale. Volgens Phaka is die insluiting van inheemse name in die biodiversiteitsliteratuur nie net goeie wetenskap nie, maar ook…

Hy kan nie presies onthou wanneer dit was nie. Die tyd en datum, en waarom hy besluit het om op dié dag in sy bakkie te klim – dít kan hy ook nie sê nie. Dit was drie of dalk vier jaar gelede, sê hy. Maar op daardie dag het Weeber Truter agter die stuurwiel ingeklim, sy bakkie aangeskakel, voor hom uitgekyk en hard op die petrolpedaal getrap . . . “Ek weet nie wat gebeur het nie. Ek kan jou steeds nie sê nie. Maar ek het met die bakkie in die rigting van Oudtshoorn gery, en ek het besluit om reguit in ’n lorrie vas te ry.” Weeber wou op daardie dag ’n einde aan sy lewe maak. Alles het net te veel vir hom geword, vertel hy…

Janru Smith werk hard. Wanneer hy nie plant, stroop of na die beeste omsien nie, doen hy kontrakwerk vir ander boere. “Ek ken min mense wat so hard werk soos hy. Wanneer dit strooityd is, werk hy deur die dag op die familiegrond en in die nag klim hy op die trekker om kalk of kunsmis te strooi. Dan slaap hy vir drie uur en werk weer,” sê Jacques Lubbe, Pannar se verteenwoordiger in die Coligny-distrik in Noordwes. Janru boer op die plaas Leliespan saam met sy oupa Chris, pa, Phillip, en sy pa se broer, Wian, onder die naam Smith Boerdery. Hulle bedryf ’n saaiboerdery en boer kommersieel met Bonsmaras en Beefmasters. Janru se werketiek beteken dat hy ook mielie- en sonneblombasters wil plant wat hard werk. Dít het…

Toe Jeep die Gladiator in Suid-Afrika bekend gestel het, was dit duidelik dat dié model nie bloot probeer meeding met ander dubbelkajuitbakkies nie – hy maak sy eie reëls. Met sy oorsprong in Jeep se ikoniese Wrangler en die toevoeging van ’n funksionele bak vir werk en vrag is die Gladiator Rubicon meer as net ’n mooi gesig met vierwielaandrywing. Hy is gebou vir avontuur, maar met sleep- en vragvermoë wat selfs ’n boer sal laat kopknik. Landbouweekblad het agt boere uit verskillende agtergronde genooi om die Gladiator oor twee dae op sy Dubbelkajuitbakkie vir ’n boer-geleentheid op die Sondela-wildplaas-en-spa in Limpopo te toets. Die doel was om te bepaal of dié Amerikaanse 4x4 nie net mooi op papier lyk nie, maar werklik ’n werkvennoot in die veld kan wees.…

Die Val-boeredag in Mpumalanga vier vanjaar sy 30ste bestaansjaar – ’n groot mylpaal vir ’n byeenkoms wat oor drie dekades heen ’n integrale deel van boere se jaarprogram geword het. Die eerste boeredag is in 1995 gehou, en dit het jaar ná jaar in omvang en waarde gegroei. Vanjaar se geleentheid op 2 Julie bring weer boere, landbouhandelaars, insetverskaffers en kenners byeen vir ’n dag van demonstrasies en blootstelling aan die jongste in landboutegnologie en -praktyke, en om te leer en netwerke te bou. Die organiseerders beloof ’n propvol program en ’n dag om te onthou.…

Bertus Goosen van Botswana, ’n staatmaker wat die kompetisie al baie jare ondersteun, ontvang een van sy pryse. Hy was eerste en derde met onderskeidelik vlotterkleppe en ’n kleinveenekklamp in die afdeling vir gemodifiseerde masjinerie, implemente en landboutoerusting, eerste met ’n hoëdrukpasstuk-moersleutel in die gereedskapsafdeling, en derde met sy dompelpompbeskermer in die afdeling vir nuwe masjinerie, implemente en landboutoerusting. Van links is Richard Krige, voorsitter van Graan SA, Chris Burgess, redakteur van Landbouweekblad, Goosen en Louis Strydom, bemarkingsbestuurder van Omnia Kunsmis. Nico Jacobsz was tweede in die afdeling vir nuwe masjinerie, implemente en landboutoerusting met ’n outomatiese drukgang. Van links is Richard Krige, Jacobsz, Chris Burgess en Louis Strydom. (’n Video van dié plan is op Landbou.com te sien – skandeer die QR-kode regs in. Nico het reeds baie reaksie…

Hoeveel eiers eet jy? Wêreld klop SA DIE gemiddelde Suid-Afrikaner het in 2023 sowat 120 eiers per jaar geëet. Dit is byna twee dosyn minder as die wêreldgemiddelde van 150 eiers per persoon per jaar (sowat ’n halwe eier per persoon per dag). Aan die ander kant van die Atlantiese Oseaan slaag Colombia met ’n langtermynplan daarin om die hoeveelheid eiers wat sy burgers eet, sodanig te verhoog dat hulle waarskynlik vanjaar die hoogste verbruik ter wêreld sal hê met meer as 365 eiers per persoon per jaar, het Julian Madeley, direkteur-generaal van die wêreldeierorganisasie, op die AVI Africa-pluimveekonferensie in Kempton Park gesê. Die organisasie wil die internasionale gemiddelde tot een eier per dag verhoog, maar teen die spoed wat verbruik tans groei, sal dit 25 jaar duur, het Madeley…

Tyd vir aksie nadat parlement plaasaanvalle erken Op 21 Mei is ’n gesamentlike parlementêre komiteeverslag oor plaasmoorde aanvaar. Vir die eerste keer het twee sleutelportefeuljekomitees – landbou en polisie – die werklikheid van plaasaanvalle, die toenemende voorkoms daarvan en die behoefte aan dringende ingryping erken. Hoewel dit ’n stap in die regte rigting is, is erkenning sonder aksie betekenisloos. Dit is noodsaaklik dat die DA se tienpuntplan in werking gestel word. Verslae herstel nie lewens nie en voedsel word nie in supermarkte geproduseer nie – dit word deur die hande van boere en plaaswerkers gekweek, waarvan baie daagliks in vrees leef. Wanneer Suid-Afrika se plase bedreig word, word die land se voedselsekerheid bedreig. Die strafsaak rakende die moord op die 81-jarige Noord-Kaapse boer Hendrik Venter is ’n skreiende voorbeeld van…

SUID-AFRIKAANSE boere moet daagliks talle probleme trotseer – van die voortdurende bedreiging van plaasaanvalle tot ernstige finansiële druk, asook onvoorspelbare weerstoestande. Daarom het ds. Thinus van Staden, ’n predikant van Pretoria, besluit om TraumaNetwerk op die been te bring. Dit is ’n inisiatief wat daarop gemik is om boere en landelike gemeenskappe gedurende traumatiese tye te ondersteun. Van Staden het op die onlangse kongres van AgriMpumalanga op Witrivier vertel hoe hy, uit sy eie stryd met trauma en depressie, ’n passie ontwikkel het om geestesgesondheid in landelike gemeenskappe te ondersteun. Hy het gesê boere word deur verskeie gebeure getraumatiseer, van diefstal en misdaad – waaronder plaasaanvalle wat voortdurend in boere se gedagtes is – tot probleme wat tot depressie en geestelike nood kan lei. “Ons het ’n platform geskep waarop…

DIE plaaslike tafeldruifbedryf kan tevrede wees met nog ’n goeie seisoen wat minder probleme as vorige jare opgelewer het, sê Alwyn Dippenaar, voorsitter van die Suid-Afrikaanse tafeldruifbedryf (Sati). Die tafeldruifoes in vier van die land se vyf produksiestreke was na verwagting of het die verwagtinge oortref. Landwyd is altesaam 78,9 miljoen kartonhouers (4,5 kg elk) vir uitvoer geïnspekteer, 4% meer as in die vorige seisoen en ’n rekordvolume vir die bedryf. Slegs die noordelike provinsies het met 4,8 miljoen kartonhouers minder verpak vergeleke met 6 miljoen kartonhouers die vorige seisoen. Dié daling kan waarskynlik toegeskryf word aan minder hektaar onder tafeldruiwe weens stygende insetkoste en ’n voorkeur vir winsgewender gewasse. Die Hexrivierstreek het 25,3 miljoen kartonhouers verpak, 9% meer as die vorige seisoen, terwyl die Oranjerivierstreek 25 miljoen kartonhouers verpak…

Die monetêre beleidskomitee (MBK) van die Reserwebankhet op 29 Mei besluit om die repo-rentekoers met 0,25 persentasiepunte te verlaag en dus die prima rentekoers tot 10,75%. Gegewe ’n skuldlas van R222 miljard einde 2024 beteken dit op ’n jaargrondslag dat die landbou sowat R550 miljoen aan rentebetalings bespaar. ’n Hoër rentekoers verhoog nie net die koste van landbouproduksie en dus voedselpryse nie, maar plaas ook onnodige druk op boerderye se finansies en kontantvloei. Die ironie is dat die jongste inflasiesyfer van 2,8% met die skrywe hiervan vir die tweede maand agtereenvolgens onder die 3-6%-teikenband van die Reserwebank is. Reële rentekoerse (nadat inflasie in ag geneem is) is tans die hoogste in meer as twee dekades. In sy verklaring noem die MBK dat ekonomiese groeivooruitsigte wêreldwyd — ook in Suid-Afrika —…

Internasionaal is varkvleis van die gewildste soorte vleis, maar in Suid-Afrika staan dit agter hoender- en beesvleis in die ry. ’n Nuwe veldtog wil mites verder nekomdraai en help om dié vleis onder gesondheidsbewustes en atlete te bevorder. Christian Zimelka, Savpo se hoof van verbruikersopvoeding, het op dié organisasie se mediadag in Pretoria gesê die doelwitte van ’n studie saam met die Tim Noakes-stigting is om te bepaal of opvoeding oor voedingswaarde atlete se opvattings oor varkvleis kan verander. Verder wil hulle vasstel of varkvleis as ’n haalbare, proteïenryke voedselsoort vir optimale prestasie beskou kan word en hoe die opvattings oor versadigde vet en vleisgehalte verbruikerskeuses vorm. Die studie word in twee fases gedoen. Uithou-atlete en atlete wat meer op hul krag moet staatmaak, asook hul afrigters en ondersteuningspanne se…

Gegewe die toenemende voedselonsekerheid in Suid-Afrika (byna 20% van huishoudings het in 2023 matige tot ernstige voedselonsekerheid ervaar) en die belangrikheid van die landbousektor vir die bruto binnelandse produk (BBP), moet die gevalle van beken-klouseer (BKS) wat by ’n voerkraal van Karan Beef in Gauteng geïsoleer is, gesien word as ’n krisis wat aandag vereis – nie net planne nie, maar optrede. (Die landbou se bydrae tot die BBP die afgelope kwartaal het verseker dat die ekonomie met 0,1% gegroei, pleks van gekrimp het.) Karan Beef, een van die mees professioneel bestuurde voerkrale ter wêreld, hou 120 000 beeste aan en produseer jaarliks sowat 100 000 ton beesvleis. BKS, spesifiek die Eurasiese vorm, is ’n hoogs aansteeklike virussiekte by diere met gesplete kloue. Weens die ernstige impak daarvan op die…

Boere moet elke dag besluite neem wat met die winsgewendheid en toekoms van die plaas te make het. Partymaal is die besluit reg, maar dit word nie korrek toegepas nie. Indringer- en verdigtingsplante besorg baie boere hoofbrekens en hulle weet nie altyd hoe om die probleem aan te pak nie. Indringerplante is opportunistiese uitheemse of inheemse plantspesies wat ekologiese skade kan aanrig. Verdigtingsplante is inheems, maar word ’n probleem omdat hulle natuurlike ekologiese prosesse versteur. Dink maar aan die probleme wat inheemse spesies soos die swarthaak (Senegalia mellifera), sekelbos (Dichrostachys cinerea) en soetdoring (Vachellia karroo) kan veroorsaak, of indringers soos rooikrans en lantana-spesies. Albei tipes verg bestuur vir ekologiese balans en volhoubare grondgebruik. Volgens dr. Hugo Bezuidenhout, ’n spesialisplantekoloog wat vir 35 jaar by Sanparke gewerk het, lê die sukses…

Beau Constantia kon binne twee jaar sy omset met 30% verhoog deur moeite te doen om veral millenniërs (gebore tussen 1981 en 1996) en generasie Z-verbruikers (gebore in die middel 1990’s tot 2010’s) na dié wynlandgoed in die Constantiavallei te lok. “Ek wonder hoeveel mense weet regtig wat daardie mark verteenwoordig. Altesaam 66% van ons bevolking is jonger as 35, en dit is ’n mark wat eintlik nog braak lê in ’n tyd wat ons met winsgewendheid sukkel,” sê Megan van der Merwe, self ’n millenniër en wynmaker en wingerdboukundige van Beau Constantia. Van der Merwe het in 2019 by Beau Constantia – “ ’n pragtige plaas met gesonde wingerde en uitstekende wyne” – begin werk, maar sy het gedink hul bemarkingstrategie is kortsigtig. Sy was toe 26 jaar oud,…

Greg McClure is nie net ’n boer wat indrukwekkende resultate behaal nie – hy dra sy kennis graag oor aan ander boere wat hul oeste wil verbeter. Sy benadering wys dat hoë opbrengste nie net oor teelmateriaal gaan nie, maar ook oor hoe ’n boer elke aspek van sy landerye en die plante bestuur. Van ‘gewone’ boer tot baanbreker Greg, ’n sojaboonprodusent in die Amerikaanse deelstaat Illinois, se benadering het in 2017 momentum gekry toe hy besluit het om sy sojabone beter te bestuur, en begin eksperimenteer het met tegnieke om sojaboonopbrengste te verhoog. Hy kon toe binne ’n paar jaar opbrengsgrense aansienlik verbeter en meer ton per hektaar behaal. Greg se baanbrekerswerk het hom in aanraking gebring met boere en navorsers oor die wêreld heen, waaronder Suid-Afrika. Hier deel…

Ruben van Namibië het ’n groot teenwoordigheid op sosiale media danksy sy gesin se vreemde versameling troeteldiere op hul plaas buite Windhoek. Daar is ’n bejaarde bobbejaanwyfie wat hawermoutpap met ’n lepel gevoer word. Verder is daar mak meerkatte, vlakvarke, muishonde en selfs ’n jong ystervarkie. Almal leef in harmonie saam soos net op ’n plaas in Afrika kan gebeur. En oorsese stadsmense vergaap hulle aan die video’s en al die diere se manewales. Hier op Schuinshoogte het ons deur die jare ’n verskeidenheid diere grootgemaak en versorg, en bittere trane gehuil wanneer hulle doodgaan. Die moeilikheid is dat die liewe Vader mense gemaak het om baie lank te leef, terwyl die meeste diere ’n baie korter leeftyd het. Gevolglik moet ons uiteindelik al dié diere begrawe wat ons met…

Rustin Shawe (naasregs) en sy oudste seun, Jayden (regs), saam met besoekers aan die boeredag. Hulle is, van links, Marius Barkhuizen (namens Droughtmaster SA), Chris Burgess (redakteur van Landbouweekblad) en Kenny Crampton (waarnemende hoof van Voermol). Janco Prinsloo (regs), ’n boer van Volksrust, saam met dr. Schabort Froneman, tegniese bestuurder vir vleisbeeste en voerkrale by Zoetis. Van links is Markus Greeff (FNB), Kenny Crampton (Voermol), Dawie Maree (FNB), Dirk van Dyk (FNB) en Neels van der Merwe (boer van Volksrust). Marinda en Nic Joubert (naasregs en regs) van Groenkloof, Rustin Shawe se skoonouers, drink tee saam met Pierre en Maryna du Plessis, wat by Volksrust boer. Gerhard Potgieter (links), skeeradviseur van BKB, gesels met Simon Adams van Zoetis op Dundee. Rustin Shawe (links) saam met mense wat die boeredag bygewoon…