Indice dei contenuti per 8 August 2024 in Landbouweekblad

ONS GESELS MET... Annette steyn by die parlement kortná John Steenhuisen se eerste begrotingsrede as minis-ter van landbou. Twee en 'n half jaar nadat sy as LP bedank het,sit dié boer-vrou van venterstad in die Oos-kaap nou in die landbou-ministerie se enjinkamer. ONDERVINDING is een ding wat Annette Steyn beslis het. Sy het in Januarie 2022 as LP bedank nadat sy onder meer vir twee termyne as die DA se skaduminister van landbou, grondhervorming en landelike ontwikkeling gedien het. Sy boer saam met haar man, Abraham, buite Venterstad, en het op ’n plaas in die Vrystaat grootgeword. Wat behels jou rol? Dit is baie nuut vir my én die minister – ons was nog nooit in dié tipe rol binne die nasionale regering nie. Die raadgewer se werk behels om…

GEEN Amerikaanse president kan die Amerikaanse wet op groei en geleenthede (Agoa) sommer net van die tafel vee nie, sê Eckart Naumann, onafhanklike ekonoom en assosiaat van die Stellenbosse handelsregsentrum Tralac. ’n President kan wel die Amerikaanse kongres opdrag gee om dit te doen, maar dié moontlikheid is vergesog. Agoa bied groot tariefvoordele vir die uitvoer van produkte uit lande suid van die Sahara na Amerika. Sekere Suid-Afrikaanse landboubedrywe benut dit baie goed, soos die wyn-, sitrus- en neutbedryf. Lande moet egter aan sekere vereistes voldoen om hiervoor in aanmerking te kom. Suid-Afrika se voldoening kan al vóór die Amerikaanse presidentsverkiesing in November in die spervuur kom wanneer die Amerikaanse senaat moet besluit oor ’n wetsontwerp dat Amerika sy verhouding met Suid-Afrika moet hersien. ’n Ongunstige besluit kan beteken dat…

Die Suid-Afrikaanse vleismark bly onder druk met ’n swak ekonomie en verbruikers se besteebare inkomste wat per capita bly daal. Vleisboere mor oor die invoer van rooivleis, ook van lewende diere, veral uit Namibië. Die Rooivleisprodusente-organisasie (RPO) het met sy ontledings egter getoon dat vleisinvoer uit Namibië nog altyd deel van die Suid-Afrikaanse aanbod uitgemaak het en dat die invoer taamlik stabiel is. Dit is nie waar die druk in die vleisbedryf vandaan kom nie. Die afgelope tyd word goedkoper bevrore skaapvleis ook uit Australië ingevoer, maar weer eens is dit relatief klein volumes. Dit is wel waar dat Australië ’n ooraanbod van skaapvleis het en boere daar baie lae pryse realiseer weens die droogte. Nogtans is die prys hier, nadat die 40%-invoertarief bygetel is, taamlik in ooreenstemming met Suid-Afrikaanse…

Op die oomblik sit veeboerdery vasgevang in ’n knyptang. Eers die droogte, toe die vloede en, om alles te kroon, die lae pryse vir alle produkte wat veeboerdery bied, naamlik vleis én wol. Almal soek antwoorde. Ons gee die ander sektore in die produkketting die skuld – die abattoirs (hulle beweer die enigste wins is in die vyfde kwart), kalwers van Namibië (dit was nog altyd daar), voerkrale (hulle sê die voerkoste is hoog), en die kleinhandel (wat sê beurtkrag is die probleem en die vleis word nie verkoop nie). Die eindverbruiker skreeu die ekonomie is lam, die pryse is te hoog, en die vrou met die koopkrag van die beursie wend haar tot alternatiewe bronne van proteïene (nie rooivleis nie), want daar moet daagliks kos op die tafel wees.…

Die Ovambo-hoender is ’n Afrikaras wat gemiddelde vleis- en eierproduksie lewer en die vermoë het om die omgewing teen parasiete en siektes te beskerm. Die wildkonsultant en veearts dr. Kobus du Toit sê danksy die werk van die Landbounavorsingsraad (LNR) by Irene en die toewyding van ’n veterinêre verpleegster hou hierdie inheemse, amper wilde hoenderras wel kommersiële waarde in. Jaqueline Rankin het as diereverpleegster van die Nasionale Dieretuin in Pretoria gewerk toe sy begin het om die ras op klein skaal te veredel deur onder meer te selekteer vir henne wat swaarder eiers – meer as 70 g – produseer. Sy het die hoenders as “plaashoenders” aangehou om eiers vir die huis te lewer, die tuin skoon te hou van insekte, en vleis vir die huis te produseer. In Ovamboland…

Suid-Afrikaanse boere is lugtig vir weerkundiges se voorspelling dat daar in die 2024-’25-seisoen ’n La Niña sal heers. Dit sal die nodige verligting bring ná die swak reënval in die 2023-’24-seisoen. Hoewel beter reënval in die volgende seisoen onmiddellike verligting kan bied, sal die gevolge van die droogte steeds ’n langdurige impak op Suider-Afrika hê. Met die onvoorspelbaarheid van die weer is dit altyd goed om in wateropgaarstrukture te belê. Staalboer het ’n reeks produkte wat die boer help om water op te gaar – van klein hoeveelhede tot 6 miljoen liter. Dié vervaardiger se staalkoepeldakke en opsies vir skadunetbedekking help waterverdamping tot die minimum beperk. Staalboer se koepeldakke, wat met ’n ruimte-raamstelsel ontwerp is, verseker ’n eweredige gewigverspreiding oor die hele struktuur, wat stewigheid aan die reservoir verleen. Staalboer…

Sowat 60% van die byna 14 miljoen beeste in Suid-Afrika behoort aan kommersiële boere, en die oorblywende 40% aan opkomende of kommunale boere wat dikwels nie die nodige ondersteuning in ’n hoogs mededingende omgewing kry nie. Daarom is met ’n nuwe projek begin om kleinboere te help om hul bedrywighede uit te brei om groter sukses te behaal. Owen Segano Modiradijo, ’n beesboer by Kuruman in die Noord-Kaap, is deel van Ambition Farms, ’n koöperasie van 12 boere met kuddes wat wissel van 20 tot 100 beeste. Aanvanklik is die koöperasie soos ’n beesstokvel bedryf, maar twee jaar gelede het hulle besef hulle moet vorentoe beweeg vir groei. “In daardie stadium was ons verkoopspunt hoofsaaklik by groepbyeenkomste, en ons het nie die pryse gekry wat ons vir ons beeste wou…

Sluitingsdatum: 22 Augustus 2024 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Kusstreek in SA. Lees op bl. 104 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 105 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of huul gesinne van Media24 en sy reklamemaatskappye mag deelneem nie. Die sluitingsdatum is 22 Augustus 2024. Geen…

Anderkant die reënboog 'n Vriend van die Swartland se vrou het hierdie wonderlike sêding: “Die heel mooiste landery is nie die een wat vol in aar staan nie, maar eerder een wat kaal gestroop is. Dan is die seisoen oor, die oes in en die stres klaar, en almal kan lekker Kerstyd op Yzerfontein gaan geniet.” Dít was ’n bietjie hoe ons almal gevoel het toe die 9de Wêreldkongres oor bewaringslandbou verby was met die laaste dag van proewe kyk op Landbouweekblad se mede-aanbieder — die Wes-Kaapse department van landbou — se Langgewens-proefplaas buite Malmesbury. Vir ons almal kom die kongres al jare aan, en ná ál die werk en stres was dit toe die moeite werd, want ons reken ons het darem weer ’n paar dinge vorentoe geneem. Al…

DIE Amerikaanse wet op groei en geleenthede (Agoa) bied goeie uitvoergeleenthede vir onder meer landbouprodukte, maar Amerika se sanitêre en fitosanitêre vereistes is volgens ’n kenner van die hindernisse om dit beter te kan benut. Danksy Agoa en die feit dat baie produkte in elk geval tariefvry na Amerika uitgevoer kan word, is marktoegang nie die groot kwessie vir voornemende uitvoerders nie, maar eerder ander handelsversperrings, soos Amerika se vereiste standaarde vir produkte, het Eckart Naumann, onafhanklike ekonoom en assosiaat van die Stellenbosse handelsregsentrum Tralac, einde Julie as deel van ’n paneelbespreking in die Amerikaanse hoofstad Washington gesê. Die paneelbespreking was deel van die jaarlikse Agoa-forum, met die eerste dag wat gewy is aan kwessies wat die private sektor raak. Naumann het gesê danksy Agoa is daar in onder meer…

DIT is aan die burgerlike wetenskap te danke dat twee nuwe psigotropiese sampioenspesies in die Psilocybe-genus uit Suider-Afrika onlangs ontdek en beskryf is. In ’n artikel wat onlangs in die vaktydskrif Mycologia verskyn het, het navorsers van die Universiteit Stellenbosch (US) en burgerlike mikoloë die twee nuwe spesies as Psilocybe ingeli en Psilocybe maluti beskryf. Dié ontdekking bring die getal bekende spesies inheems tot Afrika op ses te staan. Psilocybe is van die bekendste en goed bestudeerde psigotropiese sampioenspesies waarvan ongeveer 140 spesies reeds beskryf is. Die spesie Psilocybe ma- luti is in 2021 vir die eerste keer op ’n Vrystaatse kleinhoewe gevind, en Psilocybe ingeli is in 2023 in ’n weiveld in Kwa-Zulu-Natal ontdek. In albei gevalle is hierdie ongewone sampioene daarna gestuur aan Breyten van der Merwe, ’n nagraadse…

Vra ’n mens ’n veeboer watter soorte lekke hy gebruik, is die antwoorde male sonder tal: ’n winterlek en ’n somerlek. Min boere wyk van hierdie gebruik af. ’n Beesboerdery in Noordwes behaal egter groot sukses met ’n wetenskaplike benadering wat sy reproduksie en balansstaat ’n stewige hupstoot gegee het. Die vennote in die Bonsmara-stoetery Sewe Ster wat op die plaas Rietfontein by Hartbeesfontein bedryf word, is ál vyf kundiges in hul ander of vorige beroepe. Hulle is Stanley Dewing, afgetrede besturende direkteur van die petroleummaatskappy Castrol, wat die boerdery sedert sy aftrede heeltyds bestuur, prof. Leon Prozesky, eienaar van Path Diagnostics Africa en voorheen ’n hoogleraar in patologie aan die Universiteit van Pretoria se fakulteit veeartsenykunde by Onderstepoort, sy broer, Freddie Prozesky, ’n finansiële raadgewer by die versekeraar Liberty,…

Niks, niemand en beslis nie ’n bul moet op sy baadjie (of onvolledige veilingskatalogus) getakseer word nie. Om teelmateriaal te kies wat ’n spesifieke kudde moet verbeter, kan moeilik wees. Die gebrek aan spesifieke teeldoelwitte kan lei tot die doellose seleksie van ’n teelbul, wat die genetiese meriete van ’n kudde gaan benadeel. Teeldoelwitte moet pasgemaak word vir elke kudde op grond van die omgewing, rastipe, markvereistes en produksiestelsel. Die korrekte interpretasie van die veilingskatalogus, veral vir eienskappe van ekonomiese belang, soos vrugbaarheid en groei, is ’n noodsaaklike hulpmiddel vir die stoetteler en veral die kommersiële beesvleisprodusent. Dit is ook hier dat opkomende boere leiding moet kry. Prestasiedata word in katalogusse aangebied om die teler te help besluit watter diere om te koop en hoeveel hy daarvoor wil betaal. Om…

Trekker vir ’n boer 3 Die John Deere 5075E, derde aan die beurt in die Trekker vir ’n boer-reeks, is ’n veelsydige, kragtige klein trekker (in die 55 kW-klas) wat juis om dié redes gewild onder boere is. Hy wys sy staal met vele plaastake – van veldwerk en hooiproduksie tot laaiwerk, wat hom ’n ware staatmaker maak. Boere van klein en mediumgrootte plase tot mega-ondernemings vind dié nutstrekker nommerpas vir daardie kleiner takies waarvoor ’n groot trekker te lomp is. Op Landbouweekblad se Trekker vir ’n boer-dag by die Broodsnyersplaas-boerevereniging buite Middelburg, Mpumalanga, het elf bestuurders, waaronder boere en landboustudente, die kans gekry om kleiner trekkers van vyf van Suid-Afrika se voorste fabrikate – Case IH, New Holland, John Deere, Deutz-Fahr en Kubota – te toetsbestuur. Hul take vir…

Sigorei is baie aktief in die lente, somer en herfs, maar die kultivar Commander is ook in die winter aktief. Dit groei dus regdeur die jaar goed. Sigorei floreer in vrugbare, goed gedreineerde grond en het ’n waterbehoefte van meer as 550 mm per jaar. Dit het ’n penwortelstelsel wat verseker dat die plant redelik droogtebestand is met ’n produktiewe leeftyd van twee tot drie jaar. Commander vestig baie vinnig en het vinnige hergroei ná elke beweiding. Dit maak dit ’n ideale komponent in mengsels vir intensiewe beweiding waar vinnige groei vereis word. Sigorei pas perfek in ’n weidingsrotasiestelsel van vier tot ses weke. Sigorei is ’n blaarryke voerkruid wat baie goed op stikstoftoediening reageer, of in kombinasie met ’n peulgewas. Dit het baie klein saadjies wat ’n fyn saadbedding…

Die vervaardiging van veevoer in Suid-Afrika is ’n groot en hoogs tegniese bedryf. Buiten ekstensiewe gebiede waar vee hoofsaaklik op veld aangehou word, bestaan alle ander produksiestelsels uit die een of ander aanvulling van lekke, byvoeding of volvoer waar alle voer vooraf saamgestel en vervaardig word volgens die spesifieke aard van die dier se behoeftes. Vir pluimvee- en varkvoer is die hoofbestanddeel gewoonlik mielies, verder aangevul met plantaardige proteïen (oliekoek) en semels. Die res van die bestanddele, soos minerale, aminosure, vitamiene, spoorelemente en medikasies, word alles ingevoer. ’n Gebrek aan noodsaaklike elemente, soos P, Mg, vitamien A en E en vele ander, kan die groei, produksie en vrugbaarheid van plaasvee en pluimvee ernstig en permanent skade aandoen en baie vrektes veroorsaak. Dit is dus noodsaaklik om ’n deurlopende voorsiening van…

Digitalisering se impak is duidelik in die landbou, waar ontwikkelinge soos kunsmatige intelligensie en outomatisering presisieboerdery aandryf. Dié manier van boer optimaliseer grondgehalte, oesopbrengste en produktiwiteit. Jan-Hendrik Botha, hoof van onderskrywing by Western, sê outomatisering en datagedrewe stelsels gee doeltreffendheid ’n hupstoot, maar bring ook nuwe struikelblokke en risiko’s mee. Moderne landbouwerktuie, soos stropers, maak staat op ingewikkelde elektroniese stelsels, waaronder GPS-navigasie, rekenaarstelsels en kameras. Binne 15 jaar het die aantal elektroniese beheerders in sommige stropers vyfvoudig toegeneem, wat die koste van dié werktuie tot meer as R1 miljoen opgestoot het. Hoewel hoë koste die ingebruikneming van hierdie werktuie in Suid-Afrika vertraag, neem dit geleidelik toe. Versekering moet bybly Tegnologies gevorderde werktuie is egter meer vatbaar vir risiko’s soos weerlig en brande. Jan-Hendrik verduidelik versekeringspolisse vir landbouvoertuie het ontwikkel van…

Okkerneutbrood met peer en bloukaas ■ 1 kg witbroodmeel■ 10 ml sout■ 1 pakkie (10 g) kitsgis■ 625 ml warm water■ 100 ml olyfolie■ 15 ml heuning■ 200 g (2 pakkies) okkerneute, gekap■ 50 g bloukaas, in dun skyfies gesny■ 1 ryp peer, gehalveer, ontkern en in dun wiggies gesny Smeer twee bakplate liggies en besprinkel met meel. Meng die meel, sout en gis, en maak ’n holte in die middel. Klits die water, olie en heuning saam en voeg dit bietjie vir bietjie by die droë bestanddele. Maak aan tot ’n deeg vorm. Knie die deeg vir sowat 10 minute op ’n meelbestrooide oppervlak. Vou die okkerneute in die deeg toe en knie vir nóg 10 minute. Sit die deeg in ’n mengbak wat met olie gesmeer is en…

In Gauteng en Limpopo het die pryse van grondtransaksies redelik stabiel gebly, maar in KwaZulu-Natal is ’n verswakking in byna driekwart van die distrikte opmerklik. In Gauteng was daar altesaam 503 transaksies waar 83 221 ha teen ’n totale waarde van R3 573 miljard verhandel is. In 75% van die distrikte is positiewe prysneigings opgemerk. Carletonville dui op stram pryse. In dieselfde tydperk is 311 transaksies in 13 distrikte van KwaZulu-Natal gesluit. Altesaam 84 297 ha is verhandel teen R2 520 miljard. In 61% van die distrikte is negatiewe prysneigings waargeneem. Die grootste dalings was by St. Lucia (-20,1%) en Jozini (-15,6%). In distrikte soos Kokstad, Pietermaritzburg, Ladysmith, Port Shepstone, Helpmekaar en Ballito het pryse ook gedaal. In Limpopo is in dié tydperk 553 transaksies in 12 distrikte gesluit. In…

Hoekom sal ’n verkoper verkies om ’n plaas op veiling te verkoop of ’n koper ’n plaasveiling bywoon? ’n Veiling is die enigste verkoopsmetode wat meer as een koper op dieselfde tyd en plek bymekaar bring. Dit is ook die vinnigste manier om die prys te behaal wat die mark bereid is om te betaal. Wanneer is die regte tyd om jou plaas te verkoop? Die grootste bepalende faktor agter enige verkoop van ’n plaas bly die prys wat verlang word. Normaalweg is die mark egter aktiewer in die somer – markontledings wys dit ook. Daar is geen tegniese rede daarvoor nie, maar ek dink dit kan toegeskryf word aan die feit dat die sentrale deel van Suid-Afrika, waar die meeste landbouaktiwiteit is, somerreënval kry. Mense het ’n lekkerder gemoed…

En toe gebeur dit … Ons het dit verwag en gesien kom. Die afgelope vier jaar was my siening hoe gouer alles in Suid Afrika in duie stort, hoe vinniger gaan ons herstel. Want dít is hoe die land werk. Alles moet eers ’n krisis word voordat daar iets gebeur. En toe gebeur dit. Die ANC se steun val tot 40% en hy is verplig om ’n regering van nasionale eenheid (RNE) saam te stel. En pres. Cyril Ramaphosa kies die regte bedmaats. Nou sit ons met die grootste kabinet ter wêreld, maar die president moet krediet gegee word dat hy dit reggekry het te midde van hewige teenkanting uit eie geledere. Ná my eie ontleding van die RNE is ek uiters opgewonde oor die toekoms van Suid-Afrika en veral…

As ’n langslewende gade nie onderhou word nie vanweë die bepalings in die testament of indien die testateur intestaat (sonder ’n testament) sterf, kan die langslewende gade ’n eis teen die boedel instel ingevolge die Wet op Onderhoud van Langslewende Gades (Wet 27 van 1990). Aanvanklik was ’n onderhoudseis beperk tot gades wat wettig getroud was. Derhalwe kon slegs ’n gade wat met die oorledene getroud was, ’n eis instel. Die hof het in die Volks vs. Robinson-saak bevind dat gades ’n keuse het of hulle in die huwelik wil tree of nie, en as hulle gekies het om nie te trou nie, kan hulle nie op hierdie wet vir beskerming staatmaak nie. Lewensmaats het dus geen beskerming ingevolge die wet geniet nie. Die Konstitusionele Hof het egter einde 2021…

Hoe het vanjaar se sagtevrugteuitvoerseisoen verloop? Is daar produkte wat veral goed presteer of ’n moeilike seisoen beleef het? Die sagtevrugte-uitvoerseisoen het goed verloop, maar uitvoerders en boere kon ’n beter en suksesvoller seisoen beleef het indien ons hawens goed presteer het. Voorlopige teoretiese markontleding voor die seisoen het getoon dat Suid-Afrika in ’n uiters voordelige posisie was om uitstekende verdienste tydens 2023-’24 se tafeldruifuitvoerseisoen te behaal. Ons kyk na wêreldwye tafeldruifaanwysers en bring invoer, uitvoer, produksie en verbruik van die betrokke lande in berekening. Gegewe die makro-ekonomiese benadering wat gevolg word, het ons ’n beduidende afwaartse aanpassing gesien in die vernaamste Europese tafeldruif-produksieareas. Italië, wat ongeveer ’n 47%-aandeel in die Europese Unie (EU) se tafeldruiwemark het, se produksiesyfers was 30% laer vergeleke met verlede jaar. Spanje, wat aanvanklik ’n…

Hoewel die meesterplan vir die landbou en landbouverwerking, soos vervat in hoofstuk ses van die nasionale ontwikkelingsplan, beperkinge het, kán die raamwerk werk. Dit moet net tot aksie oorgaan. “Ons het nie nóg ’n plan nodig nie, ons het nodig dat die meesterplan tot uitvoering kom. Die verskil tussen die vorige en huidige bedeling is dat die huidige bedeling ’n bewese geskiedenis van uitvoering het. Ons het ’n minister van landbou (John Steenhuisen) wie se etos dit is om beleid toe te pas. Ons moet dringendheid skep om die hervormings wat die plan voorstel, te versnel,” sê Sean Walsh, voorsitter van Agbiz en uitvoerende hoof van die KAL Groep, vanuit sy kantoor op die oewer van die Bergrivier in die Paarl. Dit is kort nadat John in sy begrotingsrede beklemtoon…

As jy ’n werk in die landbou het, het jy werk vir die res van jou lewe, het Arno du Plessis, hoof van handelsmerken naverkopediens by CNH in Afrika suid van die Sahara, se oupa altyd gesê. Boere moet egter kan aanpas by ontwikkelings, soos tegnologie wat bly verander en verbeter. Dieselfde kan gesê word van ’n maatskappy soos Case IH, wat sorg dat hy bybly en goeie diens lewer. Landbouweekblad het Arno uitgevra oor wat Case IH doen om aan die voorpunt te bly en wat dit verg om as tegnici by dié landboumaatskappy te werk. Om ’n boer tevrede te hou, verg meer as net ’n gereelde plaasbesoek van sy verteenwoordiger by Case IH. Wat behels dit alles? My span behartig naverkopediens in Afrika suid van die Sahara.…

Okkerneute is nie ’n gewas wat ’n mens dikwels in Suid-Afrika teëkom nie. Hoekom boer julle daarmee? Ek skat daar is nagenoeg 1 000 ha bome in die bedryf, ten spyte daarvan dat okkerneute naas amandels die grootste boomneut ter wêreld is. Nadat ek lank in die buiteland gewoon het, het ek met my terugkeer by die okkerneutbedryf betrokke geraak en nou saam met Rotondo gewerk. Sowat drie jaar gelede het ek en my vennoot, Chris Edwards, die besigheid by die Nywerheidsontwikkelingskorporasie (NOK) gekoop. Hoekom Maletswai (voorheen Aliwal-Noord)? Die NOK het op dié ligging besluit omdat die diep, gedreineerde grond, voldoende koue-eenhede in die winter en genoeg water voldoen aan die vereistes om ’n okkerneutboord te vestig. Hoe gou kom die bome in produksie? In Suid-Afrika verwag ons ons eerste oes…

Die leerproses waarvoor ons almal te staan kom, is meestal daarop ingestel om mense te wys watter weg om te bewandel en hoe om gehoorsaam en volhardend daarop te wandel. Daar is ook die ander kant van die munt — die een wat vir jou sê wat jy nie moet doen nie. ’n Skokkende voorbeeld hiervan is ’n man wat teen die aand van sy lewe in die truspieël gekyk en gesê het: “Daar was op my lewenspad meer mense wat aan my ’n voorbeeld gestel het van verkeerd lewe.” Inderdaad is dit waar dat die wrakke langs die pad ook hul boodskap het. Jy maak ’n fout as jy nie ook daarvan kennis neem nie. Soms spreek dit harder as die vloeiende verkeer op die snelweë. Deur goeie opvoeding…

Grondverhandeling in Gauteng, KwaZulu-Natal en Limpopo: Mei 2023 tot April 2024 GAUTENG CARLETONVILLE BOSCHHOEK (393) 64 ha, aan L.F. Bezuidenhout en S.M. Bezuidenhout, van J.E. Ngobese en P.S. Ngobese, R2 300 000. KLIPDRIFT (422) 11 ha, aan Agritrac (Edms.) Bpk., van O D J Lubbe-trust, R550 000. ROOIPOORTJE (453) 35 ha, aan J P Eiendomstrust, van M.C. Erasmus, R1 000 000. ROOIPOORTJE (453) 69 ha, aan Seswahla Inv (Edms.) Bpk., van J P Eiendomstrust, R4000000. TURFFONTEIN (126) 36 ha, aan Elite Bouine Beleggings (Edms.) Bpk., van H.J. Jansen van Rensburg, R1 150 000. WITFONTEIN (262) 15 ha, aan Juste Du Poulet (Edms.) Bpk., van N.G. van Breda, R5800000. KWAZULU-NATAL PIETERMARITZBURG KOPERBULT (1407) 180 ha, aan Mthethwa Farming (Edms.) Bpk., van H.A. Gevers, R9 000 000. KOPERBULT (1407) 183 ha, aan…

BYEENKOMSTE 7-8 AUGUSTUS: Vrystaat Landbou-kongres, Bloemfontein. E-pos: cynthia@vslandbou.co.za of elana@vslandbou.co.za 9-10 AUGUSTUS: Alpakkaseminaar, aangebied deur die Suid-Afrikaanse Alpakkavereniging. Villiersdorp. Alison Notley, 082 662 9670, alpacas@helderstroom.co.za 14 AUGUSTUS: Hidroponika-simposium. Stias-navorsingsentrum, Stellenbosch. E-pos: symposium@southerncrosstrust.com 21-23 AUGUSTUS: Wagyukonferensie en -jaarvergadering, Bloemfontein. Tel. 051 492 1852; office@wagyu.org.za 9-11 SEPTEMBER: 61ste jaarlikse konferensie van die Landbouekonomievereniging van Suid-Afrika. Boardwalk-konfensiesentrum, Gqeberha.Web: aeasa.org.za 18 SEPTEMBER: Fertasa se grondvrugbaarheids- en plantvoedingsimposium. CSIR- internasionale konvensiesentrum, Pretoria. fertasa.co.za/fertasa-events/symposium/ 1-3 OKTOBER: Windaba 2024, aangebied deur Sawea. Kaapstadse Internasionale Konferensiesentrum. Web: sawea.org.za/windaba 9-10 OKTOBER: AgriSA-landboukongres, V&A Waterfront, Kaapstad. Web: agrisa.org.za 9-11 OKTOBER: LRF-veeskool. Aldam, Ventersburg. LRF-kantoor, 081 844 4853, office@lrf.co.za FEESTE, EKSPO’S 9-10 AUGUSTUS: Wes-Kaapse Landbou-veterane-ekspo, Villiersdorp. Kobus Kuyler, 082 334 5665, e-pos: weskaapveteraanklub@gmail.com 14 AUGUSTUS: Nasionale Meatmaster-ekspo, Bloemfonteinskouterrein. Charles Freeme, 074 207 0007; Naledi Roberts, 082 925 5910. 30-31 AUGUSTUS: Hantam-vleisfees,…