Indice dei contenuti per 4 April 2024 in Landbouweekblad

POSBUS 1802, KAAPSTAD 8000; e-pos: lbw@landbou.com WENBRIEF LBW haar pa se ‘storieboek’ In November laas jaar is my pa skielik oorlede. Hy was jare lank ’n boer op Laingsburg en het elke uitgawe van Landbouweekblad gelees. LBW is amper sinoniem met hom, want dit is een van die min tydskrifte wat hy gelees het – van voor tot agter, nes ’n storieboek. Sy naam was Christoffel Hendrik van Zyl. Hy het met olywe, asook skape en uiesaad geboer op ons Karooplaas – eers Kleingeelbek en toe later verander na Makarios (dit beteken geseënd). My ouma het vir hom ingeteken om elke uitgawe van LBW te ontvang en sy boekrak was vol daarvan. In 2002 was daar in die tydskrif ’n artikel oor ’n uiesaadskoonmaker wat hy ontwerp en gebou het…

Geldbeplanning Die beginpunt by enige boedelbeplanning is dat jy ’n testament moet hê wat duidelik uiteensit hoe jou bates verdeel moet word by afsterwe. Waar daar nie ’n testament is nie, sal die bates ingevolge die intestate erfreg verdeel word, wat sake kan bemoeilik waar daar minderjarige erfgename is. Alle kontant wat ’n minderjarige uit die bestorwe boedel erf, moet aan die meester van die hooggeregshof se voogdyfonds oorbetaal word. Die geld word in ’n bankrekening inbetaal en tot en met die minderjarige 18 jaar oud is, sal die voog van die kind geregtig wees om inkomste uit die fonds te eis vir die versorging van die kind. Wanneer die kind meerderjarig word (18 jaar), kan hy of sy aansoek doen dat die erfenis uitbetaal word. Daar is geen manier…

Holistiese boerdery Klasloop in meganiese ingenieurswese het dalk minder aftrek gekry as sy stookbedrywighede in sy koshuiskamer, maar 25 jaar later werp dié praktiese kennis letterlik en figuurlik vrugte af. Wanneer Coetzer Hanekom tussen sy wingerde rondry en geesdriftig uiteensit hoe hy boer en alles benut word, hou hy kort-kort stil om ’n druiwetros, blomplant of voël te wys wat vir hom so belangrik in sy holistiese boerdery is. “Dit is belangrik om niks te doen wat die natuur kan skade berokken nie.” Op die Hanekoms se plaas, Die Mas, waar sy ouers, Vlok (81) en Welna (76), steeds hand bysit, produseer hulle alles wat op ’n druiweplaas moontlik is. Buiten rosyne, wat vir die grootste inkomste sorg, verkoop hulle ook tafeldruiwe en maak 12 soorte wyn – van rooi…

Boereplan Planttyd is ’n wedloop teen tyd. Om vinnig ’n trekker se brandstoftenk vol te maak sonder ’n kommersiële dieselwa, is vir Pierre du Plessis van die plaas Groot Zanddrift by Napier ’n voorrangsaak. Hy plant jaarliks sowat 750 ha koring, gars, hawer, kanola en lusern aan, maar dit regverdig nog nie die koop van ’n duur kommersiële dieselwa nie. Vir boere wat meer hektare beplant, maak dit sin, maar buiten die koste van sowat R30 000 moet die wa gelisensieer wees om wettig op hoofpaaie te ry om oral op die plaas te kom. Piere, wat geenbewerkingsplantwerk gewoonlik met net een trekker doen, het toe ’n kleiner stelsel geprakseer. “Daarmee kan ek maklik 350–400 liter diesel wat ek per werkdag – en dikwels ook snags – vir gemiddeld 50…

Kry pasgemaakte inligting vir jou plaas Agricol se nuwe selfoontoepassing bied saaiboere die geleentheid om akkurate kultivar- en bestuursinligting vir hul spesifieke ligging te verkry. Die toepassing is ontwikkel om in boere se behoefte aan meer inligting oor kultivarkeuses en tegniese inligting te voorsien. Nadat ’n boer die toepassing op sy slimfoon afgelaai en geregistreer het, laai hy besonderhede oor sy plaas daarop. Hy laai ook ’n foto van die plaas en kies die ligging. Al die inligting sal dan op die toepassing onder sy plaasnaam vasgevang word. Die toepassing stel inligting aan die boer beskikbaar wat op sy omgewing van toepassing is. Die inligting oor Agricol se mielie-, sojaboon-, sonneblomen koringreekse bestaan uit die kultivareienskappe en resultate van strookproewe, nasionale kultivarproewe en gemiddelde langtermynresultate. In die geval van die…

Ná ’n kleiner as verwagte 2023-oes van sowat 23 000 ton neute in die dop, dui alle tekens daarop dat 2024 weer ’n groot pekanneut-oes vir Suid-Afrika gaan oplewer. Die jongste oesskatting van die SA Pekanneutprodusentevereniging is tussen 28 000 ton en 32 000 ton, wat beskou word as een van grootste oeste nóg. Die bestaande rekordoes, in 2022, is 31 849 ton. Pekanneutbome wissel tussen aan- en af-jare: 2023 was ’n af-jaar, terwyl 2022 ’n aan-jaar was. Hoewel opbrengs in ’n afjaar minder as in ’n aan-jaar is, is daar ’n duidelike verskil in die gehalte van die neute. ’n Laer opbrengs beteken ’n laer vergoedingsgewig vir die boer, maar beter gehalte behaal ’n hoër gemiddelde prys. Die gehalte van pekanneute word gemeet volgens eetbare kern en die neutgrootte.…

Jag Nadat ek en Toby weer kontak gemaak het, is ’n kuier gou gereël. Nou moet ek sommer dadelik sê dat wat ek van gewere en jag weet, hy lankal vergeet het. Hy is ’n boer en ’n beroepsjagter met baie kliënte en die Vyf Grotes agter sy naam. Op die plaas in die Oos-Kaap aangekom, het ons heerlik koffie gedrink en hy het my ’n pragtig gebreide vel gewys. Dit het dadelik vir my na die een of ander soort kat gelyk, en toe ek na die kloue kyk, is my vermoede bevestig. My raaiskoot was dat dit nie in Suid-Afrika voorkom nie. Dit is toe ’n bobcat wat Toby in Noord-Amerika geskiet het. Pragtige ding. Die groot lekkerte het egter nog voorgelê. Toe Toby die sleutel in die…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Musiek-instrument. Lees op bl. 90 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 25 April 2024. Geen posstukke word meer as inskrywing…

GAUTENG CARLETONVILLE VYFHOEK (428), 134 ha, aan Mooivallei-boerdery (Edms.) Bpk., van Lakersvale-trust, R4502239. VYFHOEK (428), 159 ha, aan Mooivallei-boerdery (Edms.) Bpk., van BPBV-trust, R8550158. PRETORIA MARLOO (522), 65 ha, aan Steller Inv (Edms.) Bpk., van H.A.W. Venter, R3 000 000. NOOITGEDACHT (333), 21 ha, aan J. en L.C. Lombard, van J.P. en M.S. Janse van Rensburg, R2 150 000. KWAZULU-NATAL HELPMEKAAR ALLETTA (4350), 547 ha, aan Sompisi-gemeenskapseiendomsvereniging, van G.H. Comins, R3 000 000. LADYSMITH ERASMUS DAM (1050), 202 ha, aan Bondesio Properties (Edms.) Bpk., van Rijkmarietrust, R21 000 000. POORTJE (964), 161 ha, aan Sizathina-gemeenskapseiendomsvereniging, van Poortjie Farm (Edms.) Bpk., R1 432 550. LOUWSBURG PONGOLA (61), 17 ha, aan Robyn-trust, van Hot Valleytrust, R5 589 000. PIETERMARITZBURG CLUNY PARK (14809), 23 ha, aan Burra Props (Edms.) Bpk., van T.P. Gwetu,…

KONFERENSIES 17 APRIL: Landbouweekblad se Herlewingslandboukonferensie op Ottosdal. Ottosdal-skouterrein. R800 (vroeëkaartjieprys); R950 (normale prys). Kaartjies: Quicket. E-pos: events@landbou.com 23-25 APRIL: A-Z Pekankonferensie, Orania. Navrae: 087 092 6618; az@pekan.co.za 22-25 JULIE: Negende Wêreldkongres oor bewaringslandbou, aangebied deur John Deere, Landbouweekblad en die Wes-Kaapse departement van landbou. Kaapstadse Internasionale Konvensiesentrum. Talle topsprekers oor hoe bewaringslandbou die landbou se veerkragtigheid kan versterk. E-pos: events@landbou.com; nog inligting by wcca9.org SKOUE 10-13 APRIL: Clanwilliam. Heinie Nieuwoudt, 073 969 2272; Ann-Marie van der Merwe, 072 353 1170; e-pos: heinie. nieuwoudt@sfpadvice.co.za 25 APRIL-4 MEI: Bloemskou. Elmarie Prinsloo, 051 448 9894; e-pos: info@bloemskou.co.za; web: www.bloemskou.co.za 14-17 MEI: Nampo, Bothaville. Wim Venter, wim@grainsa.co.za 26-27 JUNIE: Sugarfest, ‘n handelskou vir die Suid-Afrikaanse suiker- en makadamiabedryf, Mtunzini. Boere, vervaardigers en ander belanghebbendes kan die nuutste in boerderytoerusting bekyk. Tel. 060 452 7525…

DIE wysigingswetsontwerp oor elektrisiteitsregulering is op 14 Maart in ’n stemming deur die nasionale vergadering aanvaar, wat die weg baan vir ’n elektrisiteitsverhandelingsmark. Gwede Mantashe, minister van minerale hulpbronne en energie, het gesê die wetsontwerp was nie gemik op die privatisering van Eskom nie. Die wysigings sal onder meer ’n regsraamwerk stel vir die stigting en inwerkingstelling van die nasionale transmissiemaatskappy van Suid-Afrika, en later die operateur van die transmissiestelsel – twee noodsaaklike stappe vir die liberalisering van die energiemark. ’n Onafhanklike operateur sal die kragnetwerk bestuur en ’n platform skep vir die mededingende kontraktering en verhandeling van elektrisiteit. Die stigting van die operateur sal ook die handelsplatform isoleer van Eskom se belang in kragopwekking, en só die botsende belange verwyder waardeur Eskom ’n opwekker, eienaar en operateur van ’n…

AL lyk ’n afname van 2,1% in veediefstalgevalle bemoedigend, móét dit binne die breër landboukonteks beskou word. Veediefstal bly ’n knaende en diepgaande las. Die groot finansiële verliese wat dit veroorsaak, bedreig produsente en hul afhanklikes se lewensbestaan, asook voedselsekerheid en die maatskaplike samehang van landelike gemeenskappe. Die afname in aangemelde veediefstalgevalle weerspieël waarskynlik ook nie die werklike omvang van die probleem nie. Minder aanmeldings as gevolg van onder meer wantroue in die wetstoepassing, vrees vir vergelding van misdadige netwerke en burokratiese struikelblokke in die aanmeldingsprosedures is ’n goed gedokumenteerde verskynsel. Die amptelike syfers verteenwoordig dus waarskynlik slegs ’n breukdeel van die werklike gevalle, wat ’n verwronge persepsie skep van hoe ernstig die probleem is. Boonop toon ’n ontleding van die aantal gesteelde diere ’n heeltemal ander prentjie. Minder gevalle,…

Rubriek Die ekonomiese groeikoers van 0,1% in die vierde kwartaal van 2023 was so na aan nul as demmit aan ’n vloekwoord. Dit volg op die vorige kwartaal se groeisyfer van -0,1%. Vir die jaar in geheel het die bruto binnelandse produk (BBP) met 0,6% gegroei. Wat vir die landbou belangrik is, is dat die groei in huishoudelike verbruikersbesteding (die grootste deel gaan aan voedsel) slegs 0,1% in die vierde kwartaal was nadat dit in die derde kwartaal met 0,1% gedaal het. Besteding aan voedsel het volgens die statistieke ook nie gegroei nie. Boonop is die bydrae van uitvoer tot ekonomiese groei besig om te krimp. Die plaaslike mark is steeds vir sowat 50% van die landbou se inkomste verantwoordelik. Die sektor is dus direk afhanklik van ekonomiese groei, verbruikersbesteding…

Ystervarkies Met ’n varsgebakte lamington kan jy menige mens in ’n wip vang. ’n Moet by enige basaar, kermis of koekverkoping. Plaatkoek ■ 230 g sagte botter■ 310 ml suiker■ 10 ml vanieljegeursel■ 3 ekstragroot eiers■ 750 ml koekmeel■ 10 ml bakpoeier■ ’n Knippie sout■ 250 ml melk Sjokoladesous ■ 80 ml kakao■ 375 ml water■ 750 ml ligbruinsuiker■ 30 ml botter■ 750 ml fyn klapper, vir rol Voorverhit die oond tot 190 °C en voer ’n reghoekige middelslag-koekpan met bakpapier uit. Bespuit liggies met kleefwerende kossproei. Koek: Verroom die botter en suiker goed en klits die vanieljegeursel en eiers by. Sif die meel, bakpoeier en sout oor. Roer ’n paar keer en voeg die melk by. Meng verder tot ’n dik, gladde beslag vorm. Skep in die voorbereide pan,…

In 2006 het ek en Soldaat 027 (vir sy eie veiligheid onthul ek liewer nie sy naam nie) Afrika se hoogste spits aangedurf én oorwin. Kilimandjaro. Ek en Soldaat 027, ’n ooggetuie van die Britse menseslagting in 1972 in Noord-Ierland (bekend as Bloody Sunday toe 14 burgerlikes afgemaai is), het mekaar in ’n kroeg raakgeloop. Ek het onmiddellik van hom gehou. “Do you like adventure?” het ek hom gevra. Ses weke later het ons op Uhuru-piek gestaan. Ek woon aan die suidpunt van Afrika. Afrika se suidelikste seereddingstasie is stasie 30 op Struisbaai. En toe dra ek die Nasionale Seereddingsinstituut (NSRI) se vlag van die een uiterste na die volgende uiterste – van waar Afrika begin tot by sy hoogste bergpiek. Jy klim vier dae lank. Op dag drie het…

Treinplan vorder, effens Belanghebbendes in die vervoerbedryf was min beïndruk met Transnet Freight Rail se beoogde tariewe vir derdeparty-operateurs op Suid-Afrika se spoorlyne. Tog hoop verteenwoordigers van graanverskepers dat die openbare konsultasieproses wat op die bekendmaking van dié tariewe gaan volg, ’n beter bedeling sal oplewer as die vorige veilingsronde vir spoorlyn-tydgleuwe, waarin daar geen belangstelling was nie. Volgens Brendon Hubbard, ontleder by Clucasgray Investment Management, het die bedryf ’n vervoertarief van 8c per ton per kilometer (nettogewig) verwag, maar die huidige plan maak voorsiening vir 19,79c per ton per kilometer (brutogewig), berig Business Day. Operateurs loop ook die risiko om hul gebruiksreg te verloor indien hulle nie hul volle toegewese lyn-allokasie kan gebruik nie (sonder ’n geldige force majeure). Dié voorstelle sal private spoorvervoer vir myn- en landbougebruikers onekonomies…

Anderkant die reënboog Ons waardeer nie wat ons het tot dit nie meer daar is nie. Só het die voormalige Russiese president Boris Jeltsin ietwat verlig gesê nadat hy amper uit die kussings gelig is tydens ’n mislukte staatsgreep. “Dit is maar hoe vryheid is. Dis soos suurstof. Wanneer jy dit het, kom jy dit nie eens agter nie.” Is dit nie ook maar die geval met Suid-Afrika se georganiseerde landbou nie? Gaan ons dit eers werklik waardeer wanneer dit nie meer daar is nie of, ten minste, wanneer dit nie meer werk soos dit moet nie? Die eerste saadjies van die georganiseerde landbou is geplant met daardie vroeë pogings om Suid-Afrika se landbou te kommersialiseer ná die verwoesting van die Anglo-Boereoorlog, toe groot dele van die land se plase…

Die Suid-Afrikaanse sitrusbedryf het die afgelope dekade sterk gegroei en daar is nog heelwat boorde wat besig is om in volle produksie te kom. Sitrus is die land se enkel grootste landbou-uitvoerbedryf en verdien jaarliks sowat R28 miljard met uitvoer. Uitvoer toon steeds ’n stygende neiging met boorde wat gevestig word en nuwe boorde wat begin dra. Die fiasko met verskeping in 2021-’22 en die skerp daling in pryse is besig om omgekeer te word. Ongelukkig het baie boere groot geldelike verliese gely, wat ’n paar jaar gaan duur in te haal. Die Kaapstad- en die Durban-hawe bly ’n knelpunt. Gelukkig is Ngqura, wat die Oos-Kaap bedien, en selfs Maputo in Mosambiek, besig om goed op dreef te kom. Verskepingskoste het aansienlik gedaal tot meer normale vlakke, wat help om…

Kortliks MIN studies het tot dusver die mededinging en oorlewing van organismes in biobemesting ondersoek wanneer dit in die praktyk ingespan word. “Die meeste studies word in kweekhuise gedoen, dus weet ons nie hoe goed die organismes vaar wanneer hulle in die werklike wêreld gebruik word nie,” het prof. Don Cowan van die Universiteit van Pretoria op Landbouweekblad se herlewingslandboukonferensie op Somerset-Wes gesê. Biobemestingstowwe bevat biologies aktiewe mikrobes en kan as vloeistof of vaste stof toegedien word. Volgens Cowan is dit eksperimenteel kompleks en duur om vas te stel watter dele van grondmikrobiome werklik bydra tot plante se gesondheid en prestasie. “Teenwoordigheid is nie ’n bewys van funksie nie.” Hy het gesê daar is beperkings op die beskikbare biobemestingsprodukte, maar dat hulle wel hul werk doen. “Van die beperkings sluit…

RubriekKLIMAAT Sedert 2022 het betogers teen klimaatsverandering 38 wêreldberoemde skilderye gevandaliseer. In die mees onlangse voorval is daar sop gegooi na die Mona Lisa van Leonardo da Vinci in die Louvre in Parys. Gelukkig is die skildery agter koeëlvaste akriel beskerm. Die lys van oënskynlik bisarre optrede deur klimaataktiviste is lank – en kan enigiets insluit van hulself aan ’n vliegtuig vasgom tot om hulle aan paaie vas te sement. Dit is moeilik om te onderskei tussen ernstige aktiviste en bloot onopgevoede moeilikheidmakers. ’n Deel van dié vandale se “evangelie” is dat mense minder beesvleis moet eet, minder met motors moet ry en moet ophou vlieg. Doemprofete is alomteenwoordig. Reeds in 1980 is voorspel dat Kaapstad en ander kusstede onder seewater sou wees namate die pole se ys smelt. Heelwat…

In 2023 moes baie besighede wat die ruggraat van die Suid-Afrikaanse ekonomie vorm, struikelblokke oorkom wat die gemiddelde verbruiker ook direk beïnvloed het. Die inflasiekoers het in Januarie verlede jaar 6,9% bereik en in Desember tot 5,1% gedaal – die laagste vlak in die laaste vier maande van 2023. Gedurende die jaar het hoë inflasie die prys van voedsel en nie-alkoholiese drank beinvloed, waaronder die prys van stapelvoedsel, soos groente, brood, graan, olie, vette en suiker. In Desember was daar ’n bietjie welkome nuus vir die vervoerbedryf en die motoris toe koste minder as in vorige maande gestyg het danksy ’n daling in brandstofpryse. Ten spyte hiervan het die verkope van nuwe voertuie volgens die nasionale vereniging vir voertuigvervaardigers van Suid-Afrika (Naamsa) in Desember vir die vyfde agtereenvolgende maand op…

Die Angus is die grootste beesras ter wêreld. Die eerste beeste van dié Skotse ras is meer as honderd jaar gelede (in 1895) na Suid-Afrika ingevoer, juis met die doel om die inheemse beesrasse se vleisgehalte te verbeter. “Ons klem was nog altyd die gehalte van die vleis, maar ons moet ook beeste teel wat aangepas is by ons omstandighede. Ná meer as honderd jaar kan niemand meer stry dat die Angus, wat ’n goeie mate van gehardheid het, uitstekend aangepas is in Afrika nie,” sê Danie Dames, rasadviseur vir die SA Angusbeestelersgenootskap. Danksy al die aandag wat telers aan die vleisgehalte gegee het, is Angus-vleis bekend om sy goeie marmering – hoe die vet tussen die spiere van die vleis versprei is. Dit gee smaak, sagtheid en sappigheid aan…

In ’n vorige rubriek het ons die vraag probeer beantwoord: Wat beteken dit om in die waarheid te leef? Om reg te leef, moet ’n mens minstens drie dinge in berekening bring, naamlik reg dink, reg besluit en reg doen. Só kan jy die heiligheid van die waarheid beskerm. Dit is by hierdie punt waar ons verder moet gesels oor: Wat is die waarheid omtrent die waarheid? Veronderstel hierdie vraag die moontlikheid dat daar ook leuens oor die waarheid kan wees? Ja, inderdaad is dit so. Die wêreldgeskiedenis is deurspek met leuens op leuens op leuens. Verbaas dit ons dan nog dat dinge só aaklig skeef geloop het? Ons het reeds daarop gewys dat God self die volledige en suiwere openbaring van die waarheid is – trouens, Hy ís immers…

1 Junior kampioen-wolram, 2054 KIN. Eienaar: Joe Wilkinson (072 146 0467), Vereeniging. Op die foto is Elmarie Wilkinson saam met Joseph Mashangura. 2 Senior kampioen-wolram, 2015 GU. Eienaars: Jan en Thomas Uys (links, 082 375 9217), Steynsrus. Hanteerder: Jan Malebu. 3 Kampioen-superlam, 3092 WD. Eienaar: Wouter du Plooy (links, 079 887 0123), Bultfontein. Hanteerder: Seuntjie Likhoele. 4 Kampioen- ligte ramlam, 3006 PR. Eienaar: Willie Geldenhuys (links, 079 516 4999), Ventersdorp. Hanteerder: Faantjie Mangadi. 5 Kampioen- swaar ramlam, 3053 PR. Eienaar: Willie Geldenhuys (links), Ventersdorp. Hanteerder: Jan Mantsho. 6 Junior kampioenram, 2034 WD. Eienaar: Wouter du Plooy (links), Bultfontein. By hom is Danie du Plooy (middel) en David Pitso (hanteerder). 7 Senior kampioenram, 2160 GU. Eienaars: Jan en Thomas Uys (links), Steynsrus. Hanteerder: Simon Mofokeng. 8 Kampioen-teelram, 2086 LT. Eienaars: Manie…

Die volgende ontleding van grondverkope in Suid-Afrika is van transaksies vir grond groter as 10 ha in Mpumalanga, die Noord-Kaap en Noordwes van Januarie 2023 tot Februarie vanjaar. In Mpumalanga was daar 337 transaksies in ses distrikte. Dit het 81 364 ha vir R2,277 miljard behels. Negatiewe prysneigings kom in al die distrikte voor. Pryse by Acornhoek het met 17,1% gedaal. Daar was altesaam 231 transaksies in 20 distrikte in die Noord-Kaap. Dit het 608 420 ha vir R1,566 miljard behels. In 60% van die distrikte is gunstige prysneigings waargeneem. Daar is droogte in groot dele van die provinsie en vleispryse maak dinge moeilik. Pryse by Hanover het met 14,7% gestyg. In Noordwes was daar 710 transaksies in 12 distrikte, en 217 377 ha is vir R3,092 miljard verhandel. ’n…

Die meeste beestelers wat nog nie volstoom veilings onder die beskerming van hul telersgenootskappe aanbied nie, hou hul asem op oor die sukses daarvan. Die verwagting is dat vroulike diere vanjaar goedkoper kan wees aangesien produsente weens ongunstige toestande nie voldoende weiding vir die winter sal hê nie. ’n Bydraende faktor wat veilingspryse wipplank kan laat ry, is die heersende betreklik lae speenkalfpryse wat tot R2 500 minder vir kalwers oplewer. Danie Dames van die Angusbeestelersgenootskap verwag dat gehaltediere steeds hoë pryse sal behaal. Sowat 25 Angus-veilings begin vanaf 30 Mei landwyd. Die uitslae van die eerste Beefmaster-veilings vanjaar was nie na wense nie. Dié ras se produksieveilings begin in Julie vanjaar. Op die Majesto-veiling van Theo Coetzee by Derby het stoetbulle gemiddeld R69 400 behaal, dragtige koeie met kalwers…