Indice dei contenuti per 11 January 2024 in Landbouweekblad

Rubriek Leaf Services (Edms.) Bpk. is in 2016 as gevolmagtigde ingevolge die Wet op Landbouprodukstandaarde (Wet 119 van 1990) aangewys om graan en graanprodukte te inspekteer wat vir verkope op die plaaslike mark bestem is. Ná die deregulering van die beheerrade in 1995 is besluit om nie inspeksiedienste in te stel nie, maar daarop te konsentreer om belangriker funksies, soos die SA Graaninligtingsdiens (Sagis) en die SA Graanlaboratorium, wat belangrik is vir die werking van die vrye mark, in te stel. Die Wet op Landbouprodukstandaarde bevorder die handel in kommoditeite. Die graanwaardeketting pas die betrokke graderingsregulasies streng toe. Met die verhandeling van graan en oliesade maak verkopers en kopers tydens die lewering van die kommoditeit aan silo’s, die uitlaai uit silo’s en die lewering daarvan by verwerkers seker dat die…

Beurtkrag, swak padinfrastruktuur, sukkelende hawens en die wankelende spoornetwerk gaan waarskynlik nie in die nuwe jaar veel verbeter nie. Die landbousektor het klaar op ekonomiese vlak tekens van swaarkry begin toon. Statistieke Suid-Afrika (SSA) het byvoorbeeld in Desember bekend gemaak die land se bruto binnelandse produk (BBP) het in die derde kwartaal van 2023 met 0,2% gekrimp vergeleke met die vorige kwartaal. Vyf uit tien sektore het swakker presteer, en die landbousektor het die grootste daling van dié sektore aangeteken met ’n inkrimping van -9,6% vir die derde kwartaal. Volgens Wandile Sihlobo, hoofekonoom by Agbiz, het die Internasionale Monetêre Fonds (IMF) wêreldgroei van 3% vir 2023 voorspel wat 3,5% laer was as in 2022. ’n Verdere verlangsaming van 2,9% word vir 2024 verwag. “Dit is kommerwekkende groeivlakke en bly onder…

VOORUITSKOUING Water Die omskakeling van besproeiingsrade in watergebruikersverenigings duur vanjaar voort. Dit het verlede Mei begin nadat Senzo Mchunu, minister van water en sanitasie, rade ’n maand tevore in die Staatskoerant om hul omskakelingsvoorstelle gevra het. Teen einde 2023 is 33 besproeiingsrade in 13 watergebruikersverenigings omgeskakel, sê Janse Rabie, uitvoerende beampte vir wetgewing en beleid, asook hoof van natuurlike hulpbronne by Agri SA. Altesaam 26 rade se aansoeke moet nog deur die departement van water en sanitasie verwerk word en nóg 102 rade moet hul aansoeke indien. Die uitstel wat sekere rade gevra het, het in November verstryk. Nic Knoetze, uitvoerende hoof van die Suid-Afrikaanse vereniging van watergebruikersverenigings (SAAFWUA), sê hoewel die transformasieproses stadig verloop, is aansienlike vordering al gemaak. SAAFWUA was voortdurend in gesprek met die departement oor die…

Voerkoste verteenwoordig sowat 70% van die produksiekoste van ’n braaihoender en langdurige hoë vlakke van beurtkrag word ’n ál groter kostefaktor. Produsente hoop om vanjaar verligting met voerpryse te kry. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging, sê die uitbrekings van die hoogs aansteeklike voëlgriep verlede jaar het maatskappye se winsgewendheid onder nóg groot druk geplaas. In die braaihoenderbedryf is teelplase deur uitbrekings geraak. Braaihoenders self word op ’n jong ouderdom geslag en kry daarom nie voëlgriep nie. “Vanjaar sal dit ’n goeie scenario wees om gelyk te speel. ’n Mens moet onthou dat die groot verlies nie die hoenders self is nie, maar die feit dat produksie van sowat ’n jaar ook verloor is. Dit gaan in 2024 ’n wesenlike impak hê.” Inenting kan begin Die…

VOORUITSKOUING Vesel Die herstel in die Chinese ekonomie – die grootste mark vir Suid-Afrikaanse wol – in 2023, was heelwat stadiger as wat kenners aanvanklik voorspel het. Dié land was tot aan die begin van 2023 steeds onderworpe aan streng covid-19-maatreëls wat sy ekonomie onder baie druk geplaas het. Gedurende die laaste weke van 2023 was daar egter gunstige tekens uit China vir die wolbedryf. Die Australiese mark het ’n goeie hupstoot gekry danksy uniformbestellings uit China wat die mark aanvanklik aangewakker het, gevolg deur beter vraag uit Indië en Italië, volgens Deon Saayman, uitvoerende hoof van Cape Wools. Hy waarsku egter indien die logistieke probleme by Transnet voortduur, kan dit dié beter markseine teenwerk. “Dit kan Suid-Afrika se woluitvoer ’n knou toedien en ons beeld as betroubare verskaffer skade…

Veeboerdery Tot op 36-jarige ouderdom het die Vrystaatse sterkman Daan Human sy teenstanders oral in die wêreld op die rugbyveld laat kreun – vir die Springbokke, Cheetahs, Stormers, Toulouse en Benetton – en net toe hy dink hy is klaar en kan heeltyds boer, hark die een provinsie ná die ander hom nader om hulle met hul skrums te help. En toe bel Rassie Erasmus hom. Die res is geskiedenis, want Daan het as skrumafrigter van die Springbokke ’n belangrike rol in die Bokke se suksesvolle deelname aan die Wêreldbeker-toernooi in Frankryk gespeel waar hulle verlede jaar die gesogte beker vir die vierde keer gebuit het. Die Suid-Afrikaanse vories se skrums was net een te veel vir hul teenstanders en hulle het menige skrumstrafskop gewen, wat telkemale in punte omskep…

’n Kapokhaantjie van ’n hyser Die Gehl R134-vurkhyser is baie gewild onder groot pluimveeboere. Hy is klein en werk maklik in hokke en vraghouers. Hy word aangedryf deur ’n Yanmar-enjin van 36 kW, kan 612 kg tot ’n hoogte van 2,2 m lig, en sy werkswydte is 1,3 m. PRYS: R621 000. NAVRAE: Dane Dearholm, ELB Equipment (Kaapstad), 076 278 0886. Kompos sonder sukkel Die Badger Bioturn 3000-komposdraaier meng kompos wat in windrye lê deur vir optimale kompostering. Dit werk vanaf ’n trekker van minstens 50 kW met ’n kruiprat. Dit het ’n hidrouliese disselboom waardeur alle aksies vanaf die trekker beheer kan word. Dit het twee wiele wat die raam oplig om byvoorbeeld oor ’n komposwindry te beweeg sonder om daaraan te raak. PRYS: R436 000. NAVRAE: Willem van…

Jag Toe dit ’n bietjie stiller op kantoor begin raak, het ek dadelik in die herlaaikamer besig geraak. Daar is honderde doppies wat deur die matryse gedruk, na lengte gesny en skoongemaak moet word. ’n Mens kry baie verskillende masjiene om jou doppies skoon te maak. Jare gelede het ek uit afvalmateriaal vir myself so ’n doppie-tuimelaar gebou. Dit het uitstekend gewerk tot nou die dag, toe die elektriese motortjie ’n paar vonke uitskiet, my huis se krag afskop en finaal gaan staan. Wat ’n ramp, want vir my moet ’n doppie blinkskoon wees voordat ek hom herlaai. Ek wou sommer in die bakkie spring om iewers ’n motortjie te gaan soek, maar het gou besef die hele kontrepsie is oud en der dagen sat. Toe ek vir my vrou…

Baie spesiale Nuwejaarsgroete aan ons boere en ander mense oor die hele Suider-Afrika heen. Ons wens julle ’n baie voorspoedige 2024 toe en hoop julle het ’n baie geseënde Kersfees gehad. As ons terugkyk op die afgelope Kerstyd, is die Skrif in my gedagtes Lukas 2:16: “En hulle het met haas gegaan en Maria en Josef gevind en die Kindjie wat in die krip lê.” Ons sien dat die Meester in ’n stal gebore is en dat sy eerste bababedjie ’n krip was waarin diere voer gekry het. Sy ma en pa was baie nederige mense. Sy pa was ’n skrynwerker en sy ma ’n jong maagd. Só is die Here Jesus Christus in ’n landbou-omgewing gebore. Daar was diere in die stal. Die eerste mense wat die Baba aanbid…

GAUTENG CARLETONVILLE ELANDSVLEI (249), 31 ha, aan Eagles Rock Feed Mill (Edms.) Bpk., van Bartlet Poultry (Edms.) Bpk., R8 400 121. GOLDEN VALLEY (621), 21 ha, aan M.K. Mokotedi en B. Paul, van G.T. Molokwane, R2900000. HAASKRAAL (490), 42 ha, aan K2023671554 Suid-Afrika, (Edms.) Bpk., van Bosjac-trust, R2500000. WELTEVREDEN (16), 455 ha, aan Grey & Grey-boerdery BK, van A.E.E. Oberholzer, R4500000. WELTEVREDEN (357), 161 ha, aan De Akker-trust, van G.W.O. Molzahn, R1 600 000. NIGEL VISCHGAT (467), 1 430 ha, aan Riverside Ranch (Edms.) Bpk., van Quinhove Inv (Edms.) Bpk., R18 960 166. PRETORIA JAKHALSFONTEIN (528), 205 ha, aan Shipene Inv No 8 (Edms.) Bpk., van R.J.G. Janse van Rensburg, R7 000 000. VASTFONTEIN (271), 21 ha, aan Louwater Asset Management (Edms.) Bpk., van L. Louwrens, R1600000. KWAZULU-NATAL HARDING ELANDS…

AAN die einde van die COP28-klimaatberaad is ’n verklaring oor volhoubare landbou en veerkragtige voedselstelsels uitgereik. Florian Kroll, PhD-kandidaat by die instituut vir armoede, grond en landboustudies (Plaas), meen dit is heeltemal onvoldoende. ’n Beroep is op COP28-leiers gedoen om hulle daartoe te verbind om voedselstelsels te ontkoppel van die fossielbrandstowwe, antibiotika, preserveermiddels, plaag- en onkruiddoders en kunsmatige kunsmisstowwe waarom dit tans sentreer. Regerings behoort eerder plaaslike voedselproduksie met kort waardekettings te bevorder, asook die regverdige handel tussen Afrikalande. Regerings is aangemoedig om aansporings en ander finansiële bystand te ontwikkel om só transformasie te steun, en om seker te maak ontwikkelde lande met hoë koolstofgasvrystellings kanaliseer meer geld na ontwikkelende lande deur die fonds vir verliese en skade. Dié fonds behoort diegene wat erg deur klimaatsverandering geraak word, te vergoed.…

“AS ek rondom my kyk, sien ek mense wat moet eet en klere dra – dit is alles uit die landbou afkomstig. As ons dus in die toekoms van die landbou kan belê, kan die bedryf gesamentlik ’n verskil aan die lewensomstandighede van mense en gemeenskappe maak,” sê Johann Kotzé, nuwe uitvoerdende hoof van Agri SA. “En daarmee saam help ons bou aan ons land.” Die rol van boere Kotzé meen Suid-Afrikaanse boere verstaan die stelsel waarin die landbou en boerdery ’n strategiese en lewensondersteunende rol speel. Daarom meen hy kan boere nou voor vat om Suid-Afrika te help om vorentoe te beweeg. “Om dít te kan doen, sal ons die verlede moet agterlaat en innoverend begin dink. Ek het die vertroue dat die landbou ’n nuwe verhaal kan skryf…

Rubriek Vanjaar het die potensiaal om ’n paar skokke op te lewer. Dit strek van El Niño en klimaatonstabiliteit tot konflikte in verskeie wêrelddele wat vinnig kan eskaleer, en potensiële skokke op die finansiële mark. Die feit dat die goudprys einde 2023 vinnig ’n nuwe algehele rekordvlak bereik het, is ’n gevaarlig dat internasionale beleggers baie senuweeagtig is. Suid-Afrika gaan ’n rowwe jaar ervaar met gekke politieke uitsprake van die ANC in aanloop tot die verkiesing. ’n Mens sien dit reeds met verskeie voorgestelde wette en regulasies, en beskuldigings wat ANC-kamerade na die private sektor slinger. Hierdie rubriek se doel is om neigings uit te lig sodat die leser daaroor kan besin en sy besigheid daarop kan voorberei. Dit is veral belangrik om te probeer om ’n robuuste besigheid te…

Vir die ANC is 2024 ’n maak-ofbreek verkiesing – gaan hy 50% haal in die nasionale en provinsiale verkiesing, of dalk selfs meer kry? Theo Venter, politieke ontleder, sê op grond van 2019 se nasionale en provinsiale verkiesing, 2021 se plaaslikeregeringsverkiesing, meningsopnames en tussenverkiesings is die ANC se steun wel besig om af te neem en dit kan selfs tot onder 50% daal. “Die ANC én die DA is besig om steun te verloor en daardie steun word deur onderskeidelik die EFF en Action SA opgeneem.” Mpumelelo Mkhabela, politieke kommentator en skrywer van The enemy within: How the ANC lost the battle against corruption (Tafelberg), stem saam met Venter. “Opnames wys tot dusver die ANC se politieke steun is besig om te daal. Dit is egter nie nuut nie en…

VOORUITSKOUING Wintergraan Wintergraanboere sal vanjaar weer deurslaggewende besluite oor wisselbou en produksiemiddele moet neem, veral omdat die baie nat 2023 ’n verskeidenheid onkruidsoorte laat groei het en graanpryse heelwat laer is. Uiteindelik het die weer die laaste sê, meen Koos Blanckenberg, ’n boer van Klipheuwel en Graan SA-bestuurslid. “Ek het opnuut besef daar is ’n klomp dinge wat mense gedoen het om te probeer om beter oeste te behaal. Uiteindelik is die weer die grootste betrokkene in ons hele bedryf en dit is die een antwoord wat ons nou nie het nie. “ ’n Mens bly optimisties oor die jaar wat voorlê. Dit is mos nóg ’n kans wat jy kry.” Nuwe koringkultivars wink Met Sensako/Syngenta wat ’n toegewyde teelprojek vir die Wes-Kaap het en nuwe toetreders wat nuwe kultivars…

VOORUITSKOUING Vrugte Hoewel die appel- en peerbedryf sedert 2021 vele struikelblokke trotseer, glo Roelf Pienaar, besturende direkteur van Tru-Cape Fruit Marketing, nes die meeste belanghebbendes in die vrugtebedryf, daar is rede om versigtig optimisties te wees dat dit aan die verander is. “As ons in ag neem hoe die vloei van vrugte en vraag uit die Verre en Midde-Ooste tans is, lyk dit na ’n gunstige prentjie. Voorraadvlakke in Europa is tans ook onder beheer, al kan faktore soos die wisselkoers en politiek dié prentjie verander. Soos sake nou staan, verwag ons egter dat die eerste ses maande van vanjaar gunstig gaan wees.” Hoewel dit nog baie vroeg in die seisoen is, word ’n normale oes verwag. “Terugvoer sover vanaf Elgin, Grabouw, Villiersdorp en Vyeboom is dat volume ietwat laer…

Wild Tienie Bamberger het 25 jaar gelede sy jagbesigheid begin met ’n droom, ’n hand vol pamflette en ’n verdienste uit sy selfoonbesigheid in Pretoria. Deesdae bedryf WRSA se Wildboer van die Jaar vir 2023 sy boerdery en trofeejagbesigheid, Warthog Safaris, op 10 000 ha en hy brei uit ondanks die wetgewingswaard wat oor groot dele van die jagbedryf hang. Tienie draai nie doekies om nie. “Ek streef na winsgewendheid. Die feit dat ek habitat vir my wild bewaar, is ’n uitvloeisel daarvan.” Eers ses jaar ná ’n wankelrige begin kon hy sy eerste plaas, ’n klein stukkie grond van 189 ha op Steenbokpan naby Lephalale in Limpopo, bekom. Vandag is dit deel van die byna 10 000 ha waarop hy Warthog Safaris saam met sy vrou, Ananja, bedryf. Sy…

Die tema van wêreldgronddag 2023 wat op 5 Desember gevier is, naamlik “Grond: Waar kos begin”, omvat die belangrikheid van hierdie natuurlike hulpbron. Die statistieke is ontsagwekkend én vreesaanjaend, en toon duidelik die verband tussen grondgesondheid, voedselsekerheid en klimaatsverandering. ■ Slegs sowat 7,5% van die aarde se oppervlak bestaan uit landbougrond waarop kos verbou kan word. Hierdie fraksie ding mee met die mensdom se ander behoeftes en begeertes, wat wissel van behuising tot vermaak, nywerhede, militêre komplekse en stortingsterreine. ■ Sowat 95% van ons kos kom uit die grond. ■ Landbouproduksie sal met 60% moet toeneem om in die wêreldwye vraag na voedsel teen 2050 te voorsien. Volhoubare grondbestuur kan tot 58% meer kos lewer. ■ Grond verskaf 15 van die 18 chemiese elemente wat natuurlik voorkom en noodsaaklik vir…

Romerige chorizopasta met gebarste tamaties ■ 1 chorizowors■ 125 ml olyfolie■ 4 knoffelhuisies, dungesny■ 750 g kersie- of klein rosatamaties■ 125 ml room■ Sout en varsgemaalde swartpeper na smaak■ 1 pak (500 g) spaghetti of ander lintnoedels■ 45 ml grofgeskeurde basiliekruidblare■ Parmesaanskaafsels, om af te rond Trek die velletjie van die chorizowors af en kap die worsvleis fyn. Verhit 45 ml van die olie in ’n diep pan en braai die chorizo daarin tot bros en geurig. Voeg die knoffel by en braai verder tot die knoffel sag, maar nie bruin is nie. Skep die mengsel in ’n bakkie uit en hou eenkant. Giet die orige olyfolie in die pan en verhit tot warm. Voeg die kersietamaties by en braai tot die skille bars. Verwyder van die hitte en voeg…

Sluitingsdatum: 1 Februarie 2024 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Vrug. Lees op bl. 90 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 1 Februarie 2024. Geen posstukke…

In die TABEL is ’n ontleding van grondtransaksies groter as 10 ha in Gauteng, KwaZulu-Natal en Limpopo vanaf November 2022 tot Oktober 2023. Al die distrikte in Gauteng toon dalende prysneigings. Pryse by Pretoria het met 12,2% gedaal. Daar was 528 transaksies en 77 939 ha is vir R4,041 miljard verhandel. Daar was 321 transaksies in 13 distrikte in KwaZulu-Natal. Altesaam 83 953 ha is vir R2,822 miljard verhandel. In 53% van die distrikte is gunstige prysneigings waargeneem. Pryse het veral gestyg by Jozini (9,8%). Altesaam 530 ooreenkomste is in 12 distrikte in Limpopo gesluit. Dit het 206 817 ha teen R3,128 miljard behels. By 41% van die distrikte is grondprysstygings opmerklik. Pryse het skerp gedaal by Lephalale (-23,3%), Musina (-16,6%) en Dendron (-15,7%). By Thabazimbi het dit met 17,5%…

Waar het jy grootgeword en wat het jou belangstelling in die afslaersbedryf geprikkel? Ek het op ’n beesplaas naby Estcourt in KwaZulu-Natal grootgeword waar my familie die Boran Genetics-stoetery, asook ’n kommersiële kudde bedryf. My belangstelling in die afslaersbedryf is deur my pa, Simon, aangewakker wat gesê het hy dink dit is iets waarin ek goed kan wees en moet nastreef. Ek het nog altyd ’n groot waardering vir dié beroep gehad omdat ek baie stoet- en kommersiële veilings saam met my pa bygewoon het. Watter opleiding het jy ontvang? Ek het besluit dat as ek suksesvol wil wees, moet ek goeie opleiding ontvang en het in 2019 die Missouri Auction School in Amerika bygewoon. Dit was ’n wonderlike platform om die beginsels van die afslaersbedryf te leer en ’n…

Anderkant die reënboog Dis ’n impulsiewe besluit. Maar een wat ’n slag goed uitwerk. Dis vroeg Woensdagaand en ek staan in die parkeerterrein voor die Wildmill Casino in Bloemfontein. Die prysuitdelingsdinee vir Voermol se Beesen Skaapboer van die Jaar begin amper, maar ek antwoord eers ’n oproep van ’n boerepêl. Hy het vroeër laat weet dit is baie dringend. “Die tuna loop in die Kaap,” verduidelik hy. “As ons wil gaan, moet dit dié naweek wees.” Ons praat al ’n paar jaar lank daaroor om tuna in die koue Atlantiese Oseaan te gaan vang. Sowat 60 seemyl (111 km) uit Houtbaai. Langvin, geelvin en, wie weet, selfs ’n skaars monster-blouvintuna. Daardie adelvis van die oopsee. Om nou verskonings te begin maak, gaan net slapgat lyk (en wees)! Dit besef ons…

Ondanks El Niño dui boere se plantvoornemens aan die begin van die seisoen daarop dat hulle die meeste somergewasse in dekades wil aanplant. Volgens die nasionale oesskattingskomitee was boere van voorneme om 4,468 miljoen ha somergewasse aan te plant, waarvan 2,637 miljoen ha mielies sal wees. Dit is ’n 2%-toename in die totale oppervlakte onder mielies. Die eerste aanduidings van hoe na aan die kol hierdie syfers is, sal wees wanneer die komitee op 30 Januarie sy voorlopige oppervlakteskatting bekend maak. Dr. Werner Rossouw, direkteur van Silostrat, het einde 2023 gesê hy is verras oor die voorneme om só baie mielies aan te plant, maar goeie pryse en nat grond beteken vir boere hulle moet plant. Hy wys op interessante syfers van die verlede: Die eerste keer dat Suid-Afrika sowat…

Geldbeplanning Ek is nie spyt dat ek my vlieglisensie gekry het nie en ek geniet elke oomblik in die vliegtuig, maar dinge werk nie uit soos die droom nie. Gelukkig het dit my ook weer ’n hele paar lesse geleer. En as jy iets leer, is dit altyd die moeite werd. Ek praat gereeld by boereverenigings en op vergaderings oor Suid-Afrika en ek het gedink dat dit ideaal sou wees om na hierdie vergaderings te kon vlieg. Ongelukkig het die weer met die eerste drie geleenthede nie saamgespeel nie. Twee keer was ek reeds in die vliegtuig toe ek besluit om inderhaas in die motor te spring en deur te jaag. Baie van die vlieëniers het nou al vir my gesê: As jy haastig is, gaan per motor. Dit het…

Die afgelope twee seisoene het die baster P1225 goed presteer in opbrengsproewe. Dié baster besit baie goeie droëlanden besproeiingseienskappe. Die meer gematigde klimaat van die Suid-Vrystaat kan met dié van die Oos-Vrystaat vergelyk word. Dit is daarom geen verrassing nie dat P1225 goed aangepas is in die Suid-Vrystaat. In die 2021-’22-seisoen is P1225 vir die eerste keer in ’n besproeiingsproef tussen Smithfield en Rouxville aangeplant. Die proef het ’n wenopbrengs van 18,6 t/ha (GRAFIEK 1) gelewer. Gewoonlik sal basters sonder tegnologie nie direk vergelyk word met tegnologiebasters nie; dit is as gevolg van Busseola fusca-vreetskade op die basiskultivars. Die proef is egter goed bestuur en vreetskade is uitgeskakel. Die plantestand was 85 000/ha en die plantdatum 18 November 2021. In die seisoen 2022-’23 is nog ’n proef op dieselfde plek…

Só sê ’n tamatieboer Byron Booysen is ’n tamatie-engroenteboer wat in tonnels naby Kaapstad boer. Hy vertel van die struikelblokke en voordele van ’n hidroponiese stelsel. Hoe het ’n sportwetenskaplike ’n tamatieboer geword? Ek wou nie vir iemand anders werk nie en het begin soek na ’n bedryf waar ek baie met mense te doen sal hê. Ek het nog altyd groen vingers gehad en is lief daarvoor om met plante te werk. In my navorsing oor hidroponika het ek besef ek kan ’n goeie bestaan maak as ek tonnels en infrastruktuur oprig. Hoe groot is jou boerdery? Ek het sewe tonnels van altesaam 3 700 m2. Ek kan sowat 25 000 tamatieplante op een slag daarin verbou, maar pas eerder wisselbou toe en plant ’n kombinasie van tamaties, groenbone…

Hoe stem jou grootwordjare op ’n piesangplaas by Tzaneen ooreen met die verhaal in Die melkweg en die miskruier? Alles is nie outobiografies nie, maar baie van Sabine se besonderhede stem ooreen met my besonderhede. Ek het ons plaas, Deer Park, in die boek Donkerhoek genoem. Donkerhoek lê presies waar Deer Park gelê het. Aan die oorkant van die rivier is koningin Modjadji, die reënkoningin, wie se troon nou in die hof bestry word. Die Balobedu het in die begin 1800’s uit Zimbabwe gemigreer, en my familie het daar gekom in die laat 1800’s. Ek kon nooit uitvind of Deer Park gekoop is en of dit ’n okkupasieplaas was nie; net soos Donkerhoek. Ons was vier geslagte daar, maar die plaas is nou die Balpedu se eiendom ná ’n geslaagde…

SKOUE 2 FEBRUARIE 2024: Murraysburg-landbouskou. Veldmerino’s: Carel van der Merwe, 076 840 2931. Angoras: Theronnie van der Merwe, 076 949 7707. Navrae: Christa van Heerden, 072 798 3218. 7-10 FEBRUARIE: Heidelberg. Vic Brand, 063 995 3294; Sarah Koch, 082 725 4091; e-pos: sarah.val@gmail.com 9-10 FEBRUARIE: Victoria-Wes. Jaco Olivier, 083 410 5603; Adri Gerber, 082 940 8231; e-pos: vicweslandbou@gmail.com 14-18 FEBRUARIE: Riversdal. Pieter van Wyk, 082 494 0631; Ansie du Buisson, 072 651 7148; e-pos: riversdalskou@gmail.com 22-24 FEBRUARIE: Williston. Keith Coetzee, 082 825 3889; Klara Steenkamp, 060 580 7480; e-pos: willistonskou3@gmail.com 29 FEBRUARIE-2 MAART:Swellendam. Suzaan Smit, 072 309 7531; Danitsa Badenhorst, 082 093 1780; e-pos: swellendam.skou@gmail.com 7-9 MAART: Beaufort-Wes. Johan Botes, 063 688 8973; Samantha Megan Smit, 079 396 3531, e-pos: samanthamegansmit04@gmail.com 10-13 APRIL: Clanwilliam. Heinie Nieuwoudt, 073 969 2272; Ann-Marie…