Indice dei contenuti per 15 June 2023 in Landbouweekblad

14,3% Voedselprysinflasie was in April 14,3%, feitlik onveranderd van Maart se 14,4%. Groenteprysstygings het verhoog van 20,5% in Maart tot 23,1% in April; dit was in albei maande die hoogste van al die voedselkategorieë. Brood en grane het die tweede grootste stygings getoon, van 20,3% in Maart tot 20,8% in April. Alle voedselprysstygings was hoër as die verbruikersprysindeks van 6,8%, buiten vrugte, waarvan die inflasiekoers 3,6% was. — Statistieke SA 75% Konsepregulasies wat swart bemagtiging van 25%-75% vereis by die uitreik van watergebruikslisensies kan die kredietwaardigheid van die kommersiële landbou vernietig en daarmee saam voedselsekerheid, waarsku Agri SA. Dit kan ook strydig wees met ’n 2012-hofuitspraak wat vereis dat breër kriteria oorweeg word, onder meer die openbare belang en maatskaplik-ekonomiese impak. — Business Day 30 jaar Dit gaan ongeveer 30…

Anderkant die reënboog Nog ’n week, nog ’n belaglikheid. Hoe anders om die nuutste voorstel te beskryf dat tot 75% swart eienaarskap verlang gaan word voor ’n watergebruikslisensie in die toekoms uitgereik sal word? Net nog ’n onsinnigheid in ’n land waarin ’n magdom onsinnighede ons nou begin inhaal en die ekonomie op sy knieë dwing. Hoef ’n mens enigsins verder te kyk as die sinlose verwoesting van beurtkrag? Klein besighede wat op strepe toemaak, vleispryse vir boere wat val, en kospryse wat styg. Die enorme hoeveelhede onbegrote geld wat uit die ekonomie gesuig word namate almal, van gewone huishoudings tot groot maatskappye, desperaat planne maak om hul eie krag (en ander dienste) te voorsien. Op Frankfort wek ’n sonplaas krag vir die dorp op. Op Koster kry die dorpsmense…

DIE wye en diep uitwerking van vanjaar se hoë vlakke van beurtkrag wys opnuut hoe geïntegreerd die voedselwaardeketting is. Wanneer die ketting by een skakel tot stilstand geruk word, bring dit duur rimpelings stroomop en stroomaf mee. Boere en voedselverwerkers is in ’n resies om hulself te probeer verskans teen hoër beurtkragfases, wat vir al hoe langer en byna daagliks voorkom. Landbouweekblad se span kyk hier hoe slegs ’n paar maatskappye en bedrywe deur beurtkrag geraak word. Op grondvlak is daar nog baie voorbeelde van die byna onmeetbare onregstreekse uitwerkings van ’n gebrek aan krag – veel wyer as bloot die koste van diesel om ’n kragopwekker te laat loop. Die koste kan selfs insluit dat plaaslike boere se produkte met dié van ander vervang kan word. Tiger Brands, Suid-Afrika…

Talle inisiatiewe bestaan reeds in die landbou om probleme binne die voedselstelsel te bowe te kom. Tegnologieheffings wat deur die Suid-Afrikaanse kultivar- en tegnologieagentskap (Sacta) ingevorder word op sojabone, koring, gars, lupiene en hawermout, word aangewend vir die ontwikkeling en regulatoriese goedkeuringsprosesse van nuwe kultivars wat beter aanpas by die veranderende klimaat en hoër opbrengste met kleiner insette lewer. Kennisoordrag vind plaas deur verskeie bemagtigingsprojekte binne die kommersiële landbousektor. Dit sluit in mentorskapprojekte binne Graan SA, Subtrop (die sambreelliggaam vir subtropiese vrugte), Samac (die makadamiakwekersvereniging), Aartappels SA, Katoen SA, Sitrus SA en die Nasionale Wolkwekersvereniging. Daar is ook vennootskapsinisiatiewe, soos SA PALS (Partners in Agri Land Solutions), en deur individuele boere, onder meer Sernick se vennootskapsprojek by Edenville in die Vrystaat, Agri Dwala wat opkomende graanboere by Napier in die…

Om brande vanuit ’n helikopter te blus, verg jare se ervaring en tegniek. “Jy gooi nie net water op vlamme nie. As dit ’n grasvuur is, vlieg jy vinnig sodat jy die water kan versprei, want dit gaan nie so intens brand nie. In ’n bosbrand vlieg jy heelwat stadiger, sodat die water kan indring. Jy wil ook bokant die wind afgooi, want ’n brand suig lug van die kant af in en jy wil hê dit moet die water intrek. “Dit is slegs deur oefening en ervaring wat jy dit leer. On the job,” vertel Egg van Dyk, ’n Huey-vlieënier wat al jare lank by brandbestryding betrokke is. Mark Jackson sê al het ’n vlieënier tienduisend vlugure, kan hy nie noodwendig brande bestry nie. “Wanneer ons opstyg, is dit…

Aartappel-enspek-chowder Chowder is die naam vir ’n dik, ryk en romerige sop waarvan aartappels meestal die hoofbestanddeel is. ■ 6 repe spekvleis, fyngesnipper■ 45 ml botter■ 1 ui, fyngekap■ 3 knoffelhuisies, fyngekap■ 45 ml koekmeel■ 1 kg aartappels, geskil en in baie klein blokkies gesny■ 1 liter goeie hoenderaftreksel■ 125 ml room■ 400 ml melk■ Sout en witpeper na smaak■ Ektra spek (bros gebraai), gesnipperde grasuie, suurroom en gerasperde beleë cheddarkaas, om voor te sit Braai die spek in ’n groot swaarboomkastrol in die botter tot gaar. Voeg die ui en knoffel by en braai verder tot die ui baie sag is. Sprinkel die koekmeel oor en roer, terwyl die mengsel borrel. Voeg die aartappels en hoenderaftreksel by. Verhit tot kookpunt en prut tot die aartappels amper sag is, terwyl…

’n Verleentheid Suid-Afrika is die enigste Afrikaland wat nie ’n naspeurbaarheidstelsel vir sy lewende hawe het nie. “Tot Zimbabwe het ’n naspeurbaarheidstelsel,” het Willie Clack, medevoorsitter van Livestock Identification and Traceability System (Lits-SA), onlangs op die Rooivleisprodusente-organisasie se Noordwes-kongres op Lichtenburg gesê. Dit beïnvloed volgens hom die pryse wat boere vir die uitvoer van hul vleis kry. “Namibië kry tans byvoorbeeld baie beter pryse as Suid-Afrika, want dié land het ’n naspeurbaarheidstelsel. Suid-Afrika se pryse sal ook verbeter as ons só ’n stelsel in werking gestel kry.” Volgens Clack is toetse vir Lits-SA wat die afgelope ses jaar met die samewerking van die departement van landbou, grondhervorming en landelike ontwikkeling ontwikkel is, nou afgehandel en die stelsel is gereed vir toepassing by kommersiële boere. Daar is egter vertragings aan die…

Magtigingsprosesse vir skaliegasontginning sal etlike jare, selfs ’n dekade, duur voor fisieke skaliegasproduksie sal kan plaasvind, “mits die korrekte wetgewing volledig daargestel en in werking is, wat nie tans die geval is nie,” sê Janse Rabie, hoof van natuurlike hulpbronne by Agri SA. Die aansoekproses verloop as volg. Eksplorasie sonder omgewingsversteuring 1. Omgewingsmagtiging (sonder boorwerk of versteurende aktiwiteite): Minstens 197 dae 2. Appèl: 90 dae 3. Hersieningsaansoek (hooggeregshof): Kan etlike jare duur Fisieke eksplorasie 1. Voorgeskrewe eksplorasiereg-aansoek ingevolge die Wet op Minerale en Petroleumhulpbronontwikkeling (MPRDA, Wet 28 van 2002). 2. ’n Volledige omgewingsimpakstudie ingevolge die Wet op Nasionale Omgewingsbestuur (Nema, Wet 107 van 1998), asook (moontlik) ’n aansoek om ’n afvalbestuurslisensie (ingevolge die Nemawet op Afval, Wet 59 van 2008). 3. ’n Atmosferiese vrystellinglisensie (ingevolge die Nemawet op Luggehalte, Wet…

Die Suid-Afrikaanse ekonomie ervaar probleme en dit werk ernstig deur na die landbousektor, waar markomstandighede die afgelope ses maande erg verswak het. Die gesaghebbende The Economist berig in ’n hoofartikel dat die mening besig is om oor ’n wye front pos te vat dat Suid-Afrika op pad is om ’n mislukte staat te word en dat sakeleiers meen die bestuur van die ekonomie kan nie meer aan ANC-politici oorgelaat word nie. Die wêreldekonomie is tans in ’n daalfase en rentekoerse is in ’n stygfase. Suid-Afrika word saamgesleep deur die groot siklusse, maar die plaaslike situasie word vererger deur wanbestuur deur die regering. Ongelukkig beïnvloed die makro-ekonomiese siklusse ook die landbou se marksiklusse direk. Daarby moet die landbou ook die klimaatsiklusse in ag neem. Die sikliese aard van die landbou is…

Aktueel Droogte Die winterreëngebied van Namakwaland het in die laaste week van Mei reën gekry, op baie plekke meer as ’n outydse duim. Maar sonder gereelde opvolgreën tot in September beteken dit ongelukkig nie die einde van die droogte wat al vir ses jaar daar heers nie. Dit bring darem hoop en doen wondere vir boere se gemoed, sê Johan Coetzee van Doornkraal, Garies. Hy hoop die reën wat verder voorspel word, realiseer. Soos vele ander boere in Namakwaland wat hul vee in die somer na plase in die Boesmanland neem, was dit nie die afgelope somer vir hom ’n opsie nie. “Óf die Boesmanland het ons deurgedruk óf Namakwaland, maar hierdie klompie jare is dit alkant wat hy so lyk.” Hy sê dit is moeilik om te glo hoeveel…

Prof. Peet van der Merwe van die Noordwes-Universiteit is tans besig met ’n studie oor die jongste bestedingsneigings van jagters. Intussen is die mees onlangse data wat beskikbaar is, uit navorsing wat in 2016 bekend gemaak is. Daarvolgens bestee buitelandse jagters sowat R3 miljard per jaar aan die jag van Suid-Afrikaanse wild. Dries van Coller wys daarop dat hierdie data net statistieke van provinsiale omgewingsdepartemente in ag geneem het, en dat die werklike syfer heelwat hoër kan wees. Plaaslike jagters bestee luidens die 2016-studie sowat R14 miljard per jaar in die jagveld. Dit was ook plaaslike jagters wat die jagbedryf gedurende die covid-19-pandemie en gevolglike reisbeperkings aan die gang gehou het toe daar vir minstens een hele jagseisoen geen internasionale jagters in Suid-Afrika kon kom jag het nie. Dít het…

Dale Nortjé, bestuurder van die Wynlandse brandbeskermingsvereniging, sê as ’n boer die volgende op sy of haar plaas gereed het, kan dit die risiko vir brande en die potensiaal vir skade verminder. 1. Skep en onderhou brandpaaie op jou grense. 2. Gebruik opgeleide personeel om brande op jou plaas te bestry. 3. Hou genoegsame en geskikte brandbestrydingstoerusting byderhand. 4. Maak die areas rondom geboue en infrastruktuur skoon en hou dit skoon om dit teen skade weens veldbrande te beskerm. 5. As daar ’n brandbestrydingsvereniging in jou omgewing is, sluit daarby aan.…

Waarom is Douglas ’n goeie aartappel- en uieproduksiestreek? Dit is danksy ons klimaat. Ons streek is droog, en ons hoef dus minder teen swamme te spuit. Aartappels en uie hou ook van sanderige grond. Ons doen baie van die werk meganies, veral met aartappels, en sanderige grond maak die oesproses baie makliker. Hoekom vul die twee gewasse mekaar goed aan in ’n boerdery? Baie van die werktuie en die pakstelsels stem ooreen. Ons oes aartappels gewoonlik in die winter en uie in die somer, dus werk my pakskuur elf maande per jaar. Vertel meer van die meganisasiemoontlikhede. Ons oes, knip en sorteer uie deesdae weer met die hand, want die voorafverpakte mark wil nie uie met langer lowwe hê nie. Aartappels haal ons meganies uit. Dit kom met die wa…

As ons die Woord van die Here reg verstaan, is Christus se liefde vir sy kinders nie ’n komen-wegbly-verhouding nie. Dit bly konstant. Dit hou aan tot die einde toe – waar die einde ook al kan wees. ’n Voorbeeld hiervan gee die apostel Johannes in sy evangelie soos volg weer: “Hy (Jesus) het sy eie mense wat in die wêreld is, liefgehad. Hy het hulle tot die einde toe liefgehad” (Joh. 13:1). Sommige Bybelvertalers vertaal die woordjie “einde” met “uiterste”. Wat wel saak maak, is dat hier sprake is van ’n deurlopende liefde. Ons moet goed verstaan dat die waarborg vir deurlopenheid nie in die gedrag van mense geleë is nie, maar in Christus. Dit is Hý wat die liefde volhoubaar maak – nie ons nie. Ons bydrae tot…

DIE herlewingslandbouwêreld het een van sy voorste kampioene verloor met die dood van Dave Brandt (foto), herlewingsboer van die Amerikaanse deelstaat Ohio. Local Millers, ’n maatskappy wat meel van antieke graan en graan wat nie geneties gemodifiseer is nie maal en verkoop, skryf in sy huldeblyk dat Brandt (76) herlewingslandbou toegepas en bevorder het lank voordat daar so ’n woord was. Landbouweekblad het in 2017 geskryf Brandt was lid van ’n “losse groep” boere en wetenskaplikes wat “die wêreld oor reis om op versoek die boodskap van herlewingslandbou en grondherstel onder boere te verkondig en te demonstreer”. Brandt was een van die Amerikaanse boere wat ’n groep Suid-Afrikaners ontmoet het toe hulle in 2018 ’n herlewingslandboutoer onder leiding van Willie Pretorius, deesdae van Ward Laboratories, meegemaak het. Brandt en sy…

In die Vrystaat het grondpryse in 53% van die distrikte ’n gunstige prysneiging getoon in die 12 maande tot April vanjaar. In 1% van die distrikte was daar geen transaksies nie vergeleke met 8% die vorige 12 maande. Pryse het heelwat gestyg by Boshof (15,2%), Heilbron (13,5%), Bloemfontein (13%), Vredefort (12,8%) en Rouxville (11,7%). By Edenburg (-13,2%) en Reddersburg (-11,9%) het dit egter skerp gedaal. In die tabel is ’n opsomming van grondtransaksies groter as 10 ha in die betrokke tyd. Altesaam 683 ooreenkomste is in 41 distrikte gesluit. Dié proses het 312 103 ha teen R4,228 miljard behels. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, is 9% (11%); 50-150…

Regering besef nie erns van Rusland-sage DIE regering se verwarrende houding jeens Rusland hou nie net die risiko in om Westerse handelsvennote iewers in die toekoms te vervreem nie; dit het reeds uiters kommerwekkende en nadelige uitkomste. Die Reserwebank se verslag oor finansiële stabiliteit waarsku indien sekondêre sanksies teen Suid-Afrika ingestel word, sal dit “onmoontlik wees om enige handel- of beleggingsvloei te finansier, of om enige betalings te maak of te ontvang van korrespondentebanke in Amerikaanse dollar. Daar is ook die risiko dat sulke sanksies uitgebrei kan word om betalings in euro en die Britse pond in te sluit. Dit sal katastrofies wees vir die ekonomie en het die onvermydelike potensiaal om ’n finansiële krisis te skep…” Suid-Afrika se insluiting op die internasionale finansiële aksietaakmag se gryslys het reeds buitelandse…

DAAR was ’n wolk van omstredenheid oor die vertrek van Boyce Lloyd, die KWV se voormalige uitvoerende hoof, ná sy vrou, Anita, se verskyning op ’n omstrede televisieprogram. Loomes wil hom egter nie uitlaat oor gerugte dat Lloyd vroeër sy vertrek geneem het weens sy vrou se streke nie. “My fokus is nou om KWV te lei en sy groei en toekomstige sukses te stuur." Wat is jou vooruitsigte vir die maatskappy? Ek glo die KWV sal betekenisvol bly en groei in die wyn- en spiritualieëbedryf, hier en op die internasionale verhoog. Ons wil bestaande en nuwe besigheid gebruik as ’n grondslag van waar ons kan uitbrei. Dit sal nuwe wêrelddele, kanale en produkte insluit, met ons eie en moontlik ook agentskapshandelsmerke. Maar dit sal voortydig wees om meer besonderhede…

DIE wisselkoers, verpakkingskwessies en ’n stukkende vriesdroogmasjien was van die redes wat OBP voorgehou het vir vertragings en tekorte met entstowwe die afgelope maande. Tog het die stellings van Luvuyo Mabombo, waarnemende uitvoerende hoof, en dr. Jacob Modumo, produksie-, bemarkings- en skakelhoof, in baie gevalle meer vrae as antwoorde gelaat by vier kenners by wie Landbouweekblad dié stellings getoets het na afloop van dié ongewone mediadag. Die kenners, veeartse van Gauteng, Noordwes en Mpumalanga, asook ’n dieregesondheidswetenskaplike wat in die entstofbedryf werk, het gevra om anoniem te bly omdat hulle steeds van OBP afhanklik is vir sekere entstowwe en dienste en nie hul kans daarop wil verbeur nie. OBP het ’n monopolie op entstowwe teen slenkdalkoors, bloutong en Afrika-perdesiekte op die plaaslike mark. (Sy monopolie op bloutong-entstof kom eersdaags tot…

Suid-Afrika geniet op nasionale vlak voedselsekerheid, met ander woorde daar is volumegewys genoeg voedsel binne Suid-Afrika se grense. Op huishoudelike vlak beleef ons egter kommerwekkend hoë vlakke van voedselonsekerheid. Hongersnood in landelike en stedelike gebiede is wyd versprei. Dit word bewys deur groeibelemmering, wegkwyning en tekorte aan mikrovoedingstowwe by kinders. Die eerste Suid-Afrikaanse gesondheids- en voedingsondersoekopname (SANHANES1), wat reeds tien jaar gelede uitgereik is, het bevind net 45,6% van die Suid-Afrikaanse bevolking het voedselsekerheid. Voedsel- en voedingsekerheid behels meer as net kilojoule-inname. Die konsep van voedingsekerheid moet afsonderlik beskou word van voedselsekerheid. Goeie voeding behels ’n voedsame en gebalanseerde dieet. Voedingsekerheid in geheel behels ’n dieet met voldoende voedingstowwe, gekombineer met gereelde oefening, ’n skoon omgewing en voldoende gesondheidsdienste, kennis en sorg. Suid-Afrika se huishoudelike voedselonsekerheidsprobleem word hoofsaaklik deur wydverspreide…

HARNEKKIGE blaarskroei by mielies bly ’n erge kopseer, en hoewel dit komplekse oorsake het, lyk dit ál meer of dit wel uiteindelik doeltreffend bekamp sal word. Dít is een van die hoopvolle bevindings van navorsers aan die Noordwes-Universiteit wat hierdie plantsiekte op hul proefplaas Molelwane by Mahikeng ondersoek. Die navorsing toon die siekte fnuik talle bekampingsmaatreëls juis omdat dit deur veelvuldige organismes veroorsaak en versprei kan word. Veldproewe word nog gedoen, maar dit blyk dat sekere metodes, soos die gebruik van bismutsulfied-nanodeeltjies, die siekte op breëspektrum kan bekamp, sê prof. Olubukola Oluranti Babalola, hoofondersoeker van die span. Met morfologiese en molekulêre protokolle kon die span bepaal dat die siekte deur verskillende swamgenusse, wat uit verskeie spesies bestaan, ontstaan. Die skadelikste van hierdie organismes is Bipolaris zeicola, Phoma herbarum, Epicoccun nigrum,…

Geldbeplanning As daar een aspek is waarteen die meeste kenners waarsku, is dit om in moeilike omstandighede wanneer ’n mens se belegging in waarde val, alles te verkoop en in kontant te plaas. Die val in die mark in Maart 2020 toe covid-19 op die toneel verskyn het, was een van die beste voorbeelde nóg van die risiko van só ’n strategie. Nadat die mark in minder as ’n week met meer as 30% geval het, het dit net so vinnig herstel en daarna van die beste groei in ’n lang tyd gelewer. Enigiemand wat in daardie week na kontant geskuif het, het steeds nie hul oorspronklike belegging teruggekry nie, selfs al het hulle ’n maand later weer belê. Steinhoff is egter weer ’n sprekende voorbeeld van die skade wat…

Vat so, jou stinkbesie! “Om die tweekolstinkbesie se skade in boorde te bestuur, moet ’n mens maar chemikalieë gebruik.” Dít is gewoonlik die antwoord wanneer makadamiakwekers oor hul afhanklikheid van chemiese produkte vir plaagbestryding praat. ’n Maatskappy van Limpopo, Agnito Technologies, bied nou ’n biologiese hulpmiddel om die gebruik van chemiese plaagdoders aansienlik te verminder in ’n geïntegreerde plaagbestrydingprogram. Dit is ’n parasitiese wesp wat haar eiers in dié van die stinkbesie lê en is as Trissolcus sp. 1 geïdentifiseer. Dit is geïsoleer vanuit makadamiaboorde by Tzaneen, maar kom ook in Mpumalanga en KwaZulu-Natal voor. Binne twee dae nadat die wyfie haar bevrugte eiers in die stinkbesie-eiers gelê het, broei die larwe uit en teer op die onontwikkelde stinkbesie. Ná 14-15 dae kom die volwasse wesp te voorskyn en begin…

Brandbestryding Sowat ’n paar jaar gelede het Mark Jackson, vlieënier en eienaar van Leading Edge Aviation, ’n benoude oproep van ’n plaaseienaar by Grabouw gekry. Daar het ’n brand in die omgewing gewoed en ten spyte van brandbestryders – ook helikopters – se harde werk, het die brand hul huis begin bedreig. Die eienaar het, met haar versekeraar se goedkeuring, Mark en sy span gevra om te kom help. “Dit het my aan die dink gesit,” sê Mark. Leading Edge Aviation is een van waarskynlik net twee in Suid-Afrika wat heeljaar lank brande bestry en agter die brandtye aan “verhuis”. Veral in die Wes-Kaap, waar die koppelvlak tussen veld, plase en bewoonde gebiede groot is, ruk brande té dikwels hand uit en veroorsaak dit meer skade aan eiendom as wat…

Hoe het julle in Mosambiek beland? Dit was altyd ons droom om ’n plaas van nuuts af te begin en ons is altyd gereed vir ’n avontuur. Ons het in Suid-Afrika vir my vrou, Leanne, se pa, Gordon Cornish, van Savuka Bonsmaras by Klerksdorp geboer. Die familie het gegroei, dus moes die besigheid ook groei. In Suid-Afrika kon ons nie verder uitbrei nie, want mense om ons wou nie grond verkoop nie. Toe my skoonpa vir ons die geleentheid bied om in Mosambiek te kom boer, het ons dit aangegryp. Ons het destyds na ander plekke ook gekyk, maar Mosambiek het vir ons die beste groeigeleenthede gebied. Dit verg tyd en moeite en is dalk nie so maklik nie, maar enige onderneming sal werk hier, juis omdat hier nog niks…

Sojaboonopbrengste van 4 ton per hektaar in die oostelike Hoëveld is maklik om te behaal, mits die boer die regte praktyke volg. Nico Barnard, Pannar-landboukundige vir die Sentraal-Hoëveld, het op vanjaar se Pannar Extravaganza op Val in Mpumalanga ’n paar geheime aan boere oorgedra oor hoe om opbrengste in sojabone na te jaag. Volgens Nico is daar drie groot aandrywers vir opbrengste, naamlik plante per hektaar, pitte per plant en pitgewig. 1 Sojaboonstand “Plante per hektaar dra 30% by tot sojaboonoeste,” sê Nico, “en by plantestand speel plantdatum, grondvoedingstatus en temperatuur in die eerste vier weke ná plant ’n groot rol.” Vir sojaboonboere in die oostelike streek is die planttydgleuf kleiner as in die weste, maar Nico beveel aan dat hulle so vroeg moontlik plant. In dié streek word alles…

Aartappelslaai met uie-en-knoffelmayonnaise Wat is ’n braai sonder aartappelslaai? Daar is soveel variasies van dié goue gunsteling, maar hierdie uie-en-knoffelmayonnaise maak vir my een van die lekkerste aartappelslaaie en dit pas by enige soort vleis. ■ 6 groot aartappels, gehalveer■ Water en sout Sous ■ 3 uie, geskil en fyngesny■ 100 g botter■ 5 knoffelhuisies, fyngekap■ Sout, peper en ’n klein bietjie suiker na smaak■ 500 ml mayonnaise (of ’n mengsel van mayonnaise en dik jogurt)■ ’n Skeut melk■ 3-4 piekeluitjies, baie dun gesny■ Vars koljander of pietersielie, om af te rond Kook die aartappels met skil en al in ’n kastrol met water en ’n lepel sout tot sag en gaar. Dreineer en laat afkoel tot kamertemperatuur. Trek die aartappels se skille af en sny die aartappels in blokkies.…

Jag Op die internet kry ek ’n definisie vir ’n kokkedoor: “Iemand van aansien met wie gespot word omdat hy grootdoenerig is.” Dit is nie heeltemal wat ek met die woord wil sê nie, want met hierdie ou grotes spot niemand nie. My verklarende woordeboek van 50 jaar oud gee my die woord waarna ek soek: grootmeneer. Inderdaad. Hierdie menere is nie grootdoenerig nie, hulle is net baie groot, of soos ’n vriendin graag gesê het van alles wat haar beïndruk het: formidabel. Vier op die pond koeëls, .577- kaliber, en dit in ’n rewolwer, die .460 Weatherby wat ’n 500 grein-koeël teen 2 700 voet per sekonde aanjaag en, les bes, die .700 Nitro Express met ’n 1 000 grein-koeël en terugskop van 160 voetpond. ’n Gewone 30-06 met…

Sluitingsdatum: 8 Julie 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Tradisionele gereg. Lees op bl. 84 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 85 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 8 Julie 2023. Geen…

’N MAN wat met ’n gevatte kwinkslag en ’n vonkel in die oog ’n spannende vergadering kon ontlont, ’n ware staatmaker en ’n lojale vriend. Só onthou tydgenote en vriende van Hendrik van Zyl (foto, 76), ’n voormalige direkteur van BKB, ondervoorsitter van die Nasionale Wolkwekersvereniging (NWKV) en voorsitter van Cape Wools, dié wolboer van Cradock. Hy is op 26 Mei ná ’n lang siekte oorlede. “My pa was in die landbou en in my lewe ’n held,” het sy seun, Billy, tans voorsitter van NWKV, dié merkwaardige man se nalatenskap opgesom. Hendrik het in 1964 aan die Hoër Landbouskool Marlow gematrikuleer en sy landboudiploma in 1966 aan die Landboukollege Grootfontein verwerf. Sy eerste NWKV-vergadering het hy in 1986 bygewoon en hy het mettertyd voorsitter van die Oos-Kaapse NWKV geword.…

GAUTENG PRETORIA BOEKENHOUTSKLOOFDRIFT(286), 21 ha, aan De Kokerfamilietrust, van Picaro 105 BK,R2850000.ELANDSFONTEIN (412),160 ha, aan Dorstfonteinboerdery (Edms.) Bpk., vanA.D.O. Jardim, R14 000 000. KWAZULU-NATAL PIETERMARITZBURG KEEROM (1190), 21 ha, aanAmajobjob (Edms.) Bpk., vanC.L. Ross, R3 000 000.MOUNT VERDE (18081), 31 ha, aan Umtombeni-trust, van AltRural Energy BK, R2 995 000.MOUNT VICTORIA (2202), 109 ha, aan LRSA Projects &Construction (Edms.) Bpk., van M.G. Rich, R9 775 000. LIMPOPO ALLDAYS DAVENHAM (740), 1 112 ha, aanErna-boerdery (Edms.) Bpk., van Iso-Q Consulting (Edms.)Bpk., R5 113 892. ICELAND (292), 465 ha, aanRMR Construction & Civils (Edms.) Bpk., van Lukas Steynfamilietrust, R2 500 000. BURGERSFORT PARSONS (155), 21 ha, aanGalcosys (Edms.) Bpk., vanSN Wildlife (Edms.) Bpk., R1400000.UITKOMST (515), 133 ha, aanSunram-boerdery (Edms.)Bpk., van A.S. van den Berg enJ.H. van den Berg, R2 185 000.WITGATBOOM (316),…

Die kampioen-Miniatuurhings MMC At Senor Hotspots (foto regs) van die Eduan-stoetery van Buttermead, Barkly-Oos, het die hoogste prys van R100 000 op die vierde produksieveiling van Gawie Naudé en sy seun Willem behaal. Die koper was Johan Enslin van Durbanville, ’n nuweling in die bedryf, wat ook die hoogste prys van R34 000 vir ’n merrie, Eduan Vindicator’s Nirvana, betaal het. Hy het ook twee dogters van Hotspots aangeskaf. MMC At Senor Hotspots is deur Chris en Marina van der Merwe van die MMC-stoetery van Potchefstroom geteel en is op die afgelope kampioenskap op die Bloemskou as senior en reserwegrootkampioenhings aangewys. Van die skoukampioene uit sy nageslag is Eduan HS Carmen, wat as merrievulkampioen en reserwe-grootkampioenmerrie op die Bloemskou aangewys is. ’n Ongeregistreerde merrie en vul van die Naudés het…

VERGADERINGS 13 JUNIE: Jaarvergadering, SA Braford-genootskap. Davel. Navrae: 072 594 4500, info@braford.co.za 21 JUNIE: Jaarvergadering, Drakensberger-genootskap. Parys. Ronandé Wiese, 082 218 5497, drakensberger@studbook.co.za 5 JULIE: Jaarvergadering, Beefmaster-genootskap. Parys. Navrae: 051 410 0935, beefmastersa@stemma.co.za 17 AUGUSTUS: Jaarvergadering, Charolais-beestelersgenootskap, Monté Bello-landgoed, Bloemfontein. June Wiid, 051 410 0953. 6-8 SEPTEMBER: Jaarvergadering en kongres, Wagyu SA. Navrae: office@wagyu.org.za KONFERENSIES 18-20 JULIE: Aartappels SA se navorsingsimposium, Parys. Navrae: lethea@first-choice.co.za 26-28 JULIE: Konferensie oor koolstofneutrale boerdery, grondbewaring en nuwe tegnologie. Holiday Inn, Sandton, en aanlyn. Buhle Ndokweni, 011 862 4001, buhle@mathema.co.za 29-30 AUGUSTUS: Nasionale mielie-en-sojaboonkongres, Sun Park-sentrum, Sun City. Die hoofspreker is Randy Dowdy, wêreldrekordhouer vir sojaboonopbrengs onder besproeiing. Vermaak deur Ricus Nel en Pietman Geldenhuys. Elim, 012 252 4455, e-pos: info@elimfertiliser.co.za 30-31 AUGUSTUS: 29ste konferensie en kongres, Rooivleisprodusente-organisasie. Tema: Die impak van die makro-ekonomiese omgewing…