Indice dei contenuti per 2 March 2023 in Landbouweekblad

DIE beter as verwagte reënval vroeër in Februarie oor die grootste deel van die somergraangebied het droogtetoestande gedurende die belangrike pluimvorming- en saadvulstadium van veral mielies verlig. “Met die nat toestande tans behoort die meeste somergrane sonder veel verdere droogterisiko oesstadium te haal. Hoewel daar plek-plek weer versuiptoestande kan voorkom, behoort dit nie ernstig te wees nie, aangesien die grond redelik baie water kan opneem,” sê mnr. Johan van den Berg, onafhanklike landbouweerkundige. Hy meen egter verdere swaar reën ná druktyd kon probleme veroorsaak. Hy wys ook op ’n moontlike vloedrisiko in die Vaal-, Oranje- en Benede-Oranjeriviergebied. “Die invloei is tans redelik sterk in die damme van die Vaal- en die Oranjerivier. Die verwagting is egter dat dié riviere nie te hoë vlakke gaan bereik nie omdat die meeste reënval…

DIE finale opname onder hanteerders vir die 2022-makadamia-oes het bevestig dat Suid-Afrika steeds die wêreld se grootste produsent van makadamianeute is met ’n oes van 68 840 ton vir die jaar. Dit was ’n 28,5%-verbetering op die 2021-oes van 53 858 ton. Die makadamiabedryfsliggaam, Samac, finaliseer tans sy skatting vir die 2023-oes en vroeë aanduidings is dat dit weer ’n groot oes sal wees. Makadamiakwekers is bekommerd dat daar ná drie jaar van streng covid-19-inperkings in China, een van Suid-Afrika se grootste markte vir makadamianeute, ’n groot oorskot van die 2022-oes op die mark lê op die vooraand van die 2023-seisoen se oestyd. Mnr. Pierre Cronjé, voorsitter van Samac, het egter op ’n onlangse vergadering met finansiële instellings daarop gewys dat die oordragvoorraad deure oopmaak vir verwerkers om makadamianeute as…

Die belasting op suikerversoete drankies was teen druktyd (voor die 2023-begrotingsrede) 2,1c per gram suiker bo ’n drempel van 4 g/100 ml. Dit werk volgens BFAP uit op 10-11% per liter. Die heffing sluit tans vrugtesappe uit. Mnr. Enoch Godongwana, minister van finansies, het die belasting in sy 2022-begrotingsrede verhoog tot 2,31c/g, maar die inwerkingstelling daarvan is uitgestel danksy ’n moratorium wat ingevolge die meesterplan onderhandel is, ná die regering aangedui het daar moet breër gekonsulteer word oor dié styging en ander veranderinge aan die belasting. Volgens mnr. Trix Trikam, uitvoerende direkteur van die SASV, het dié konsultasies om onverklaarbare redes nooit plaasgevind nie. Teen druktyd het voorstelle ingesluit om die belasting ooreenkomstig inflasie te verhoog, om die belasbare drempel suikerinhoud in koeldranke te verlaag tot 2 g/100 ml suikerinhoud,…

INTERNASIONAAL: Die Chicagoprys het met 0,6%, of $1,61/t (R28,99/t), tot $267,69/t (R4 821/t) gestyg. Op ’n jaargrondslag is dit 4,9%, of $12,46/t (R224,38/t), hoër. Verwagte pryse: Maart – $266,76/t (R4 804/t), Mei – $266,76/t (R4 804/t). PLAASLIK: Die Safexprys van witmielies het met 1,4%, of R61/t, tot R4 481/t teenoor die vorige week gestyg. Die prys van geelmielies het met 2,5%, of R109/t, tot R4 520/t gestyg. Op ’n jaargrondslag is witmielies 23,3%, of R846/t, duurder, terwyl geelmielies 20,9%, of R780/t, duurder is. Verwagte witmieliepryse: Maart – R4 459/t, Mei – R4 358/t. Verwagte geelmieliepryse: Maart – R4 536/t, Mei – R4 460/t. INTERNASIONAAL: Die Chicagoprys het met 3,2%, of $8,82/t (R158,83/t), tot $286,47/t (R5 159/t) teenoor die vorige week gestyg. Op ’n jaargrondslag is dit 1,4%, of $4,16/t (R74,91/t),…

Mnr. Hannes van den Berg Watter tegnologie is onmisbaar in jou boerdery? Genomiese Blup-teelwaardes wat deur die Logix-aantekeningstelsel verskaf word. Wat is die beste raad wat jy al gekry het? Vet is die mooiste kleur. Wie was jou mentor? Eerstens my pa, Ben, wat my geleer en aangespoor het. Ook wyle Danie Bosman wat tot met sy aftrede hoof van die nasionale vleisbeesprestasietoetsskema van die navorsingsinstituut vir vee- en suiwelkunde (later die diereproduksie-instituut op Irene) was, asook beskermheer van die Bonsmara. Ek het ook baie by baanbrekertelers soos dr. Louw Badenhorst, my oom, Frans van den Berg, Gray en Gordon Taute, en Rex Butler geleer.…

Die kalsiuminhoud van die grond op mnr. Danie Slabbert se plaas gedurende die vorige seisoen was hoog, maar weens te veel ammonium het die plante dit nie opgeneem nie, het mnr. GP Schoeman, hoofbestuurder van Agrisol, gesê. “Ons kon dus meer kalsium toedien of ons kon die ammonium in die grond verminder. Dit werk soos ’n wipplank: te veel ammonium en die kalsium-, magnesium- en kaliumopneembaarheid neem af, maar dien minder ammonium toe, en die elemente se opname verbeter weer. Daar is besluit om met minder ammonium te plant.” Ook swael was die vorige seisoen te hoog. Dit kan toegeskryf word aan die toediening van gips voor plant en kaliumsulfaat tydens die seisoen. Daar is baie fosfaat toegedien, maar die hoë swaelvlakke het die opname van fosfaat later in die…

Eens op ’n tyd het aarbeie op Dalewood gegroei en hul weg na kettingwinkels reg oor die land gevind, maar nou wei hier ’n geslote kudde Jerseys. Hoewel Rob se pa op groot skaal met aarbeie geboer het, het hy ook ’n klein kudde Jerseys op die plaas aangehou. Die kudde wat vandag op Dalewood wei, is uit dié oorspronklike kudde geteel. “Die Dalewood-kudde bestaan uit drie vroulike lyne, Liefie, Bella en Paulua. Dit is ’n geslote kudde en omdat teelmateriaal ontsettend belangrik is vir winsgewendheid, gebruik ons die dienste van ’n professionele genetikus om wêreldwyd die beste bulle vir ons teeldoeleindes te kies,” sê Rob. ’n Veearts besoek die plaas gereeld om kunsmatige inseminasie op die koeie uit te voer. Hy sê DNS-kodering speel ook ’n belangrik rol in…

VERBETER GRONDLEWE MET NATUURLIKE PRODUK Nutri-Soil is ’n natuurlike, vloeibare grondaktiveerder vol proteïen wat noodsaaklik is om die grondlewe te verbeter. Dit bevat ook voordelige grondensieme en koolstof- en planthormoonekstrakte in hul natuurlike vorm, en verseker beter opname van makro- en mikro-elemente deur die wortelstelsels. Die toediening van Nutri-Soil lei tot ’n toename in alle voordelige grondmikrobes (mikro-organismes), wat weer lei tot beter grondgesondheid en grondvrugbaarheid. In die proses word die ontwikkeling van skadelike en ongewenste bakterieë onderdruk. Verder word die natuurlike biologiese en metaboliese proses in die grond bevorder en die ontbinding van organiese materiaal (oesreste) bo en onder die grondoppervlakte word versnel. Die toedienings vroeg en gedurende die seisoen stimuleer die wortelontwikkeling, wat aanleiding gee tot ’n digte versameling haarwortels wat weer tot ’n aansienlike toename in worteloppervlak…

Waar het jul belangstelling in varkboerdery begin? Toe ons destyds die kleinhoewe gekoop het, wou ons meer selfvoorsienend wees. Dit is mos maar almal se droom, maar ons het gou besef ons sal die koste moet bestuur. Voor en gedurende covid-19 het mense al hoe meer daarin belang gestel om te weet waar hul vleis vandaan kom. Naspeurbaarheid en die plaas-tot-bord-beginsel het belangriker geword. Dit is ook hoe ons verkies het om te koop en te eet. Vyf jaar gelede het ons met vyf sôe begin boer, en langer as ses maande gewag voor ons met hulle begin teel het. Met watter ras boer julle? ’n Sandvelder-kruising. Ons doel was om te teel vir marmering en goeie vleis, maar ook ’n vark wat in die buitelug kan leef sonder om…

Valkoog Dit is ’n vars, windlose lenteoggend wanneer ons die Karwyderskraalen Swartrivierpad tussen Hermanus en Botrivier aanpak. Die Overbergse graanstreek is deurkruis met baie paaie waar voëlkyk uitsonderlik kan wees. Saam met ons is ’n Britse egpaar wat die voëls van die streek wil besigtig. Sommer by die eerste bult op die Karwyderskraalpad begin die aksie met groot getalle wildemakoue wat in die pas geoeste landerye vreet. Die eerste van baie pare gewone bontrokkies jag insekte van die plaasdrade. Die kameras werk nou oortyd en ek is altyd verstom oor hoe hierdie pragtige klein voëltjies oorsese besoekers beïndruk. ’n Entjie verder stap ’n paar sekretarisvoëls op hul tipiese haastige, maar doelgerigte manier deur die veld. Die eerste hoogtepunt van die oggend is egter ’n veldpoumannetjie wat met sy belaglike wit…

Grondpryse in die Wes-Kaap het noemenswaardig herstel ná die covid-19-pandemie en die droogte voor dit. Altesaam 69% van die distrikte het in die 12 maande tot Januarie vanjaar gunstige prysneigings getoon teenoor 51% die vorige 12 maande. In talle distrikte het dit met meer as 10% gestyg. Dit sluit in Caledon (16,1%), Mosselbaai (14,2%), Bredasdorp (13,6%), Malmesbury (12,3%), Oudtshoorn (11,9%) en Calitzdorp (11,6%). Pryse het egter met 20,2% gedaal by Clanwilliam. Die TABEL gee ’n opsomming van grondtransaksies groter as 10 ha in die betrokke tyd. Altesaam 619 ooreenkomste is gesluit wat 249 655 ha teen R5,632 miljard behels het. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 37% (36%); 50-150…

VANUIT die sakegemeenskap is die boodskap duidelik: Politieke inmenging moet ophou as Eskom gered gaan word. “Sal (Eskom se) nuwe uitvoerende hoof meer kan doen as wat André de Ruyter kon … met een hand agter sy rug vasgemaak?” vra mnr. Jannie Durand, uitvoerende hoof van Remgro. Mnr. Chris Schutte, uitvoerende hoof van Astral Foods, sê die nuwe uitvoerende hoof kan nie ’n kader van die ANC wees nie, maar “behoort regte uitvoerende besluitnemingsmag te hê en beskerm te word teen politieke inmenging”. Mnr. Johnny Copelyn, uitvoerende hoof van Hosken Consolidated Investments, sê die nuwe aanstelling moet aandring op sekere waarborge van die staat. “Sal die staat betalings waarborg vir elektrisiteit wat aan munisipaliteite verkoop is? Wat is die verbintenis om infrastruktuur te skep vir die transmissie van elektrisiteit uit…

63 470 Meer as 63 000 mense het verlede maand se Fruit Logistica-handelskou in Berlyn, Duitsland, bygewoon. Die skou verteenwoordig die varsproduktewaardeketting met die klem op die nuutste neigings en innoverings in die wêreldwye handel in vars produkte. Nagenoeg 80% van deelnemers aan ’n opname het gesê hulle kon nuwe besigheidskontakte maak, en een in drie kon nuwe besigheid werf. Vier uit vyf besoekers was uit die buiteland. – Freshplaza 21,8% Die plaaslike inflasiekoers van brood en grane was in Januarie 21,8%, die hoogste van ál die voedselkategorieë in die verbruikersprysindeks. Dit is 1,4 persentasiepunt hoër as ’n maand tevore. Die inflasiekoers van alle voedselkategorieë buiten vrugte (3,6%) was hoër as die 6,9% algehele verbruikersprysinflasie. Die inflasiekoers van voedsel was 13,8%, 2 persentasiepunte hoër as in Desember 2022. Vir kos…

Op facebook Kospryse in Suid-Afrika is besig om skerp te styg. Trouens, die koers waarteen dit nou verhoog, is 14 jaar laas, in 2009, op die hoogtepunt van die internasionale resessie beleef. Dít het aan die lig gekom toe Statistieke SA (SSA) sy jongste inflasiesyfers bekend gemaak het. Terwyl Suid-Afrika se inflasiekoers in Januarie 2023 effens gedaal het tot 6,9% teenoor die vorige maand se 7,2%, het die inflasiekoers vir voedsel en nie-alkoholiese drankies tot 13,6% op ’n jaargrondslag gestyg. Volgens SSA was ’n verlaging in die petrolprys ’n faktor wat Januarie se algehele verbruikersprysindeks effens afgedruk het teenoor Desember se meting. Maar voedselinflasie is besig om te versnel. Binne die voedselkategorie het sekere kossoorte se pryse ook drasties gestyg, toon SSA se indeks. Brood- en graankosse se prysindeks was…

Geldbeplanning Die belangrikheid van ’n goed deurdagte en behoorlik opgestelde testament is in verskeie vorige rubrieke bespreek. Daar is egter ’n paar bepalings wat jy nie noodwendig (net) in jou testament wil insluit nie. Daar is ’n paar punte wat problematies kan wees as dit deel van ’n mens se testament uitmaak, soos hieronder bespreek. Jou wense oor jou teraardebestelling. Talle kliënte beskryf hul wense oor hul teraardebestelling, hetsy ’n begrafnis, verassing of akwamasie, met groot omsigtigheid in hul testament. In die meeste gevalle sal die oorlewende familielede eers lank ná die plaasvind van hierdie gebeurtenis na die bepalings in die testament verwys, en dan is dit dalk te laat om uitvoering aan jou wense te gee. Maak seker dat jou naasbestaandes vooraf deeglik bewus is van jou wense, indien…

PRYSE en ander dinamika rakende varsprodukteboere se sleutelproduksiemiddele is een van die kwessies waarna die Mededingingskommissie in sy markondersoek na die varsproduktebedryf gaan kyk. Die kommissie het op 14 Februarie die raamwerk van sy ondersoek bekend gemaak en gesê die ondersoek sal binne 20 dae vanaf dié datum begin. Die markondersoek sal op spesifieke kwessies in elke laag van die waardeketting toegespits wees. Die omvang van die ondersoek sal aspekte dek vanaf die verkoop van vars produkte deur die boer aan ’n klant, soos ’n kleinhandelaar, verwerker of die uitvoermark. Mnr. Siyabulela Makunga, woordvoerder van die kommissie, het by navraag gesê twee dele van die ondersoek wat boere regstreeks kan raak, is waar die ondersoekspan gaan kyk na sleutelproduksiemiddele, soos saad, kunsmis en landbouchemikalieë, asook die doeltreffendheid van die geriewe…

1 DIEREGESONDHEID | Rooivleisbedryf wil staatsveeartse help Kommer heers in die rooivleisbedryf oor die effek wat Suid-Afrika se klein veeartskorps op dieregesondheid kan hê. Volgens die Suid-Afrikaanse veeartsenykundige raad is daar tans een geregistreerde veearts vir elke 21 000 produksiediere in die land. Dié syfer, gegrond op die 3 000 private veeartse wat by die raad geregistreer is en ’n geraamde 63 miljoen stuks vee (beeste, skape, bokke, varke en hoenders), sluit egter nie die geraamde 15 miljoen honde en katte, en 400 000 perde in Suid-Afrika in nie. Mnr. Dewald Olivier, hoofbestuurder van Red Meat Industry Services, wys voorts daarop dat staatsveeaartse nie die nodige ondersteuning kry om doeltreffend te funksioneer in gebiede waar hulle die nodigste is nie. “Die feit is dat daar nie genoeg veeartse is om…

MET die volle effek van beurtkrag wat teen middel Februarie nog nie eens binne die rooivleiswaardeketting verreken was nie, het die speenkalfprys op ’n droewe R35/kg gestaan, slagpryse sowat R55/kg vir klas A2/A3 en R48/kg vir klas C2/C3, volgens die landboumarkontleders AMT. Mnr. Dewald Olivier, uitvoerende hoof van Red Meat Industry Services (RMIS), sê die afwaartse druk op produsentepryse is grootliks weens ’n gebrek aan verbruikersaanvraag. “Ons het in Desember byvoorbeeld 100 000 minder beeste geslag, wat daarop dui dat daar nie ’n afset vir rooivleis is nie. Die verbruiker se finansiële posisie laat hom eenvoudig nie toe om soveel rooivleis as voorheen aan te koop nie, en dit het ’n uitkring-effek op die hele waardeketting, van abattoirs wat minder slag tot voerkrale wat minder diere aankoop, en uiteindelik het…

BFAP hou dié scenario’s voor van die effek van werkverliese binne die waardeketting. SCENARIO 1 In ’n huishouding met twee heeltydse werkers in die suikerbedryf en twee maandelikse kindertoelaes beloop die inkomste altesaam R9 953 per maand. Dit is genoeg om BFAP se spaarsamige voedselmandjie vir twee volwassenes en twee kinders te kan bekostig. Dié mandjie het teen druktyd R4 479 per maand gekos. Indien een van die twee werkers hul werk sou verloor, sal hierdie huishouding se inkomste onmiddellik R1 409 per maand te min wees om dié kosmandjie te bekostig. SCENARIO 2 In ’n huishouding met een heeltydse werker in die suikerbedryf en twee kindertoelaes per maand, is die huishouding se inkomste altesaam R4 977 per maand. Indien dié werkers net deeltyds kan werk, sal die algehele inkomste…

Rubriek Die vraag na oliesade groei voortdurend wêreldwyd, veral wat sojabone aanbetref. Terselfdertyd word Suid-Amerika (veral Brasilië en Argentinië) die wêreld se hoofvoorsiener van mielies en sojabone, terwyl Rusland die hoofuitvoerder van koring geword het. Amerika is stadig maar seker besig om sy oorheersende posisie as voorsiener van graan en oliesade aan die wêreld te verloor. In Amerika en Suid-Amerika is mielies en sojabone die twee oorheersende gewasse. Hulle word meestal in rotasie verbou. In Suid-Afrika ondergaan akkerbou dieselfde ontwikkeling. Die produksie van oliesade bly groei. Die afgelope jaar het Suid-Afrika ’n rekordoliesade-oes gehad en in die komende jaar kan daardie rekord oortref word. Die produksie van veral sojabone en kanola neem toe. Sonneblomproduksie bly redelik konstant, terwyl grondboonproduksie stagneer. Akkerbou in Suid-Afrika het in die afgelope paar jaar ontwikkel…

Die vraag na heuning as voedselaanvulling en ander gebruike bly hoog. Suid-Afrikaanse produsente het die afgelope somer met sy gunstige toestande ’n goeie produksietyd beleef. Dr. Arend de Waal, een van Bloemfontein se byeboere, en sy dogter, me. Helena de Waal, bied maandeliks praatjies aan oor die bedrywighede van bye. Hulle bespreek die moets en moenies van onverwerkte heuning, heuningkoek en sagte was. De Waal besing die deugde van heuningkoek wat suiwer heuning bevat wat onveranderd deur die bye vervaardig is en nie deur menslike toedoen verander kan word nie. Dit is dikwels duur, skaars en gesog. Hy gebruik sonhitte om die was te smelt en die heuning daarin vir byestroop te herwin. Volgens De Waal is die heuningby ’n wonderlike insek wat in groepe tot 2 miljoen blomme moet…

FINSE navorsers is besig om ’n vliëende soort minirobot te ontwikkel wat danksy lig en windkrag werk. Hulle meen hul klein Fairy (Flying Aero-robots based on Light Responsive Materials Assembly), ’n stukkie tegnologie met kunsmatige spiere, sal ingespan kan word om stuifmeel te dra en eetbare plante te bestuif, indien dit ooit gebeur dat bye en ander bestuiwers van die aardbol af verdwyn. Dié piepklein robot weeg slegs 1,2 mg en dryf maklik in die wind. Dit is van uiters gevorderde soorte polimere gemaak en word beheer deur ’n ligbron soos ’n laserstraal of ’n LED-lig. In die volgende fase van ontwikkeling wil die navorsingspan die struktuur verder verbeter sodat dit sterk genoeg is om mikro-elektroniese toestelle soos GPS en sensors te dra. Volgens ScienceDaily.com word die werk deur die…

Geduld is nie passief nie. Inteendeel, dit is aktief, gekonsentreerde krag. As boere moet ons die uiterste geduld aan die dag lê, veral in hierdie moeilike tye waarin ons ons bevind. Rom. 5:3-4 sê: “Dit is egter nie al nie. Ons verheug ons ook in die swaarkry, want ons weet: swaarkry kweek volharding, en volharding kweek egtheid van geloof, en egtheid van geloof kweek hoop.” Selfs al beleef ons moeilike tye, moet ons een ding besef, en dit is dat God vir my en vir jou deur hierdie beproewinge leer om geduldig te wees. Onthou, moeilike tye hou nie vir altyd aan nie, maar sterk boere hou uit. Moeilike tye hou nie vir altyd aan nie, maar sterk boere hou uit. As daar een ding is wat boerdery my die…

GAUTENG CARLETONVILLE DROOGEHEUVEL (251), 529 ha, aan Droogeheuwel Lifestyle Estate (Edms.) Bpk., van Randfontein Estates Bpk., R20 000 000. GROOTFONTEIN (466), 102 ha, aan African Wealth Holdings (Edms.) Bpk., van E.M.E. Swanepoel, R1 516 062. KOESTERSFONTEIN (45), 108 ha, aan G.N. Nkabinde en N.Y. Nkabinde, van First Property-trust, R2 300 000. TYGERFONTEIN (488), 372 ha, aan DJ van der Merweboerderytrust, van D.J. van der Merwe, R3 088 619. WITKOP (475), 140 ha, aan F. van Niekerk, van FVN-familietrust, R2 160 000. PRETORIA BOEKENHOUTSKLOOF (284), 57 ha, aan Boekenhoutskloof 34 (Edms.) Bpk., van Woodlands Lodge & Conference Centre BK, R8 500 000. DE WAGENDRIFT (417), 21 ha, aan M. Msebenzi, van S.M. Steenkamp, R950 000. KAMEELDRIFT (313), 30 ha, aan M. en T. Hohowsky, van I.P. de Villiers, R900 000. KLIPEILAND…

‘Ons het in Desember byvoorbeeld 100 000 minder beeste geslag, wat daarop dui dat daar nie ’n afset vir rooivleis is nie.’ MNR. DEWALD OLIVIER, uitvoerende hoof van Red Meat Industry Services, oor redes vir die lae speenkalfprys. Bl. 21 ‘Miskien moet dit vir alle boere, groot én klein, verpligtend wees om aan sulke akkreditasieliggame te behoort.’ MNR. ANDRÉ SWART, aarbeiboer van George, oor lidmaatskap aan internasionale akkreditasieliggame wat onder meer waterdienste aan grondbewoners verpligtend maak. Bl. 24 ‘Ons is reeds op vlak 6 en niemand in die ekonomie sal op vlak 7 wil gaan net om ’n ander sektor op fase 5 te akkommodeer nie.’ MNR. NICOL JANSEN, ondervoorsitter van Agri SA, oor die haalbaarheid daarvan om die landbou tegemoet te kom oor beurtkrag. Bl. 14 ‘Skepe kon by…

Anderkant die reënboog Ek sukkel deesdae om nuus te lees. Die allewige herbesoek van ou probleme en altyd die afwesigheid van enige noemenswaardige oplossings. Dit is net bloot te frustrerend. Ek dink nie die mens is gebou om probleme nié te kan oplos nie en om só vas te haak by ou dinge soos wat tans die geval in Suid-Afrika is. Sedert ons oervoorvaders die eerste keer ’n vuur aangesteek en die wonder van braaivleis ontdek het, en ook ’n goeie nagrus kon geniet toe vlamme vir die heel eerste keer sabeltandkatte uit hul grotte kon hou, is die mensdom op ’n nimmereindige reis van probleemoplossing — om die lewe te verbeter en gemakliker te maak. Van die uitvinding van die wiel tot die splyting van die atoom en die…

Mnr. Hannes van den Berg, Bonsmara-teler van Reivilo, Noordwes, is die eienaar van die vierde oudste Bonsmara-kudde in Suid-Afrika. Dit bestaan reeds ’n halwe eeu. Lees op bl. 38 waaraan hy hul sukses toeskryf. Vertel van jou gesin. Ek en Carien het twee seuns, Johan en Jaco, en ’n dogter, Anel. Het jy ná skool gestudeer? Ja. BSc Landbou (diereproduksie) aan die Universiteit van Pretoria en ’n honneursgraad in veekunde aan die Universiteit Stellenbosch. Waar hou jy vakansie? Ons toer graag in Suid-Afrika, Namibië en Botswana pleks van om op een plek vakansie te hou. Watter sportspanne ondersteun jy? Ek kyk graag rugby, veral die Springbokke en die Griekwas.…

Koringprodusente in die Noord-Kaapse besproeiingsgebied langs die Oranjerivier en die kanaalstelsels van die Vaalrivier ondervind vanjaar groot finansiële druk vanweë die laagste opbrengs in baie jare. Mnr. Nicol Jansen, voorsitter van Agri Noord-Kaap, sê dié provinsie se landelike ekonomie kan ’n verlies van sowat R800 miljoen rand ly vanweë die swak koringopbrengs en -gehalte. “Dié berekening hou verband met ’n verlies aan inkomste op die sowat 50 000 ha besproeiingsgrond in die omgewing van die Vanderkloofdam waarop vanjaar koring verbou is, wat gemiddeld 2,5 t/ha minder as ander jare oplewer.” ’n Groot deel van die koringoes is afgegradeer tot voergraad vanweë die klein pitte en lae valgetal. Jansen sê dit kan toegeskryf word aan die warm weer einde September en begin Oktober, gevolg deur koeler toestande in Oktober en November…

Die grafieke hieronder toon hoe die Bonsmara-bedryf se getal geregistreerde vroulike diere die afgelope tien jaar (2011 tot 2022) verander het: ■ Vroulike diere jonger as twee jaar: van 45 911 tot 27 934 ( GRAFIEK 1 ). ■ Getal produserende vroulike diere (twee jaar en ouer): van 59 319 tot 57 494 ( GRAFIEK 1 ). ■ Totaal van geregistreerde vroulike diere: van 105 230 tot 85 428 ( GRAFIEK 2 ). ■ Getal kuddes (telers): van 402 tot 319 ( GRAFIEK 3 ). Mnr. Louis Steyl (REGS), uitvoerende hoof van Bonsmara SA, sê die rede vir die daling in getalle was die klem deur die Bonsmara-genootskap en -telers om gestand te doen aan die Bonsmara-stelsel deur 100% prestasietoetsing te handhaaf. Daarom is maatreëls ingestel om te verseker dat…

Mnr. Rob Visser het ná skool suiweltegnologie op Elsenburg studeer en ná sy studie sy rugsak gepak en deur Europa gaan toer. Hy het in Frankryk so tussen die leer en proe besef daar is ’n geleentheid om in Suid-Afrika ’n groter verskeidenheid kaas te maak. Hy het begin om self kaasresepte te ontwikkel en gevestigde tradisionele kaasresepte aangepas om meer Suid-Afrikaanse smake te kry. Hy het al verskeie van Dalewood se spesialiskase, soos die Dalewood Boland, self ontwikkel. Dié semi-harde kaas het al talle internasionale toekennings, pryse en medaljes ontvang. Die kaas se oorspronklike resep strek terug na die 1800’s toe monnike dit in Frankryk gemaak het. Dié gewilde kaas het ’n romerige tekstuur en op jou tong wissel die smaak tussen soet én sout.…

Mnr. Henri Viljoen (regs) van Afgri sê dit sal die boer loon om sy winterlammers met kruipvoer en afrondkorrels aan te help. Afgri-veevoer was die borg van so ’n proef van die Vrystaatse jongooiklub (Sien TABELLE ). Die lammers het ’n gemiddelde slaggewig van 43 kg ná ’n voertydperk van 152 dae bereik. Die winterlammers van die jongooiproef stel altyd baie eise, maar met die regte voer kan die boer steeds winsgewend voer, sê hy. “Die mikpunt was om te kyk of ons in vyf maande ’n lam van geboorte af tot slagtyd in die Vrystaatse winter winsgewend kon produseer. Daarvoor was goeie byvoeding (lek en kruipvoer) nodig, asook behoorlike afronding in die kraal. ’n Mens moet in ag neem dit was ’n ekstensiewe proef op die veld in ’n…

Kos VARKVLEIS-BOLOGNESE Die vetinhoud en geur van gemaalde varkvleis maak dit die beste keuse vir ryk vleissouse wat lank en stadig geprut moet word. Vra die slagter by jou supermark om dit vir jou te maak as jy sukkel om dit op die rak te kry. ■ 1 pak (250 g) spekvleis, fyngesnipper ■ 2 uie, fyngekap ■ 2 knoffelhuisies, fyngekap ■ 45 ml olyfolie ■ 1 kg gemaalde varkvleis ■ 60 ml tamatiepasta ■ 2 blikke (410 g elk) tamatiepuree (fyn tamaties) ■ Ongeveer 500 ml water ■ Sout, peper en suiker na smaak ■ 15 ml fyngekapte vars oreganum ■ 5 ml droë Italiaanse kruie Braai die spek, uie en knoffel stadig saam in die olyfolie in ’n groot kastrol tot die spek gaar en die uie sag…

Wat is Pure Karoo Gifts? Dit is ’n aanlyn geskenkwinkel wat uit twaalf reekse met handgemaakte Karoo-produkte bestaan. Een van hierdie reekse, Pure, is my eie. Ek lê produkte in, kook konfyt en maak uiemarmelade. Ons wil dit makliker maak om ’n spesiale geskenk te kan gee. Mense kry dus die kans om op ons webwerf ’n geskenkboks met verskillende produkte te bestel. Jy kan ook self jou boks saamstel of die produkreeks koop sonder ’n boks. Daar is lekker bederfprodukte, soos lyfrome of -skrop, juwele, en dekor- en leerprodukte. Daar is iets vir vroue én mans. Ons produkreeks is uniek met slegs handgemaakte produkte uit die Karoo. Die voorskote en vadoeke spog byvoorbeeld met foto’s van die mooiste Karoo-tonele wat ’n vrou op Beaufort-Wes neem. Jy sal dit nêrens…

Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 83 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 23 Maart 2023. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 108 Deur Gerda Engelbrecht Voltooi die rooster sodat elke ry dwars, elke kolom af en…

Twee nuwe toetreders tot die Dohne-Merino-bedryf, mnre. Henry en Stephan du Plessis van die Dohne-Merino-stoetery Kouga, Kareedouw, se ram is vanjaar vir die hoogste prys van R115 000 op die nasionale Dohne Merino-veiling verkoop. Die veiling is vanjaar by die botaniese tuin op Graaff-Reinet gehou. Volgens mnr. Gert Jordaan, BKB se afslaer vir die veiling, het Kouga Dohnes baie eenvormige ramme aangebied. “Dit is lekker om te sien dat nuwe verkopers goed op die nasionale veiling presteer. Ek is opgewonde om te sien wat hulle volgende jaar bring.” Die ram is aan ’n groep telers, mnre. Boeta en Jurie Wessels van Weska Dohnes, Wynand du Toit van Suidplaas Dohnes en John Morris van Terra Vino Dohnes (Universiteit Stellenbosch), verkoop. Die naashoogste prys van R80 000 is betaal vir ’n ram…

BOEREDAE 18 APRIL: Inligtingsdag oor optimale vleisbeesproduksie. Huntersvlei, Viljoenskroon. Claire Evans-Anderson, 082 805 5688; claire@re.co.za; www.re.co.za 23 APRIL: Drakensbergerbeestelersgenootskap: Suidelike Hoëveld-studiegroep. Piet de Villiers, 073 143 3985. SKOUE 2-4 MAART: Swellendam. Danitsa Badenhorst, 082 093 1780; skou.reception@gmail.com of skouborge@gmail.com 2-4 MAART: Kÿto Karoofees, De Aar. Navrae: 053 631 3691; info@karoofees.org 3-4 MAART: Tarkastad. Leon Goosen, 082 555 5530; skoustalletjies@gmail.com 3-4 MAART: Plaaskultuurfees, Clocolan. Veteraantrekker-enenjin-uitstalling met demonstrasies. Valencia Pieterse, 082 775 1675; vpieterse64@gmail.com 8-11 MAART: Beaufort-Wes. Samantha Smit, 079 396 3531; samanthamegansmit04@gmail.com 11 MAART: Goliat van Gatpampoenfees, Pretoria. TLU SA, 012 804 8031; Henri 082 552 9428. 30 MAART-2 APRIL: Bathurstlandbouskou. Navrae: 063 685 5117, bas@bathurstshow.co.za 13-15 APRIL: Clanwilliam. Wilna Nieuwoudt, 083 685 4356; info@clanwilliamexpo.co.za 27 APRIL-6 MEI: Bloemskou. Elmarie Prinsloo, 051 448 9894; info@bloemskou.co.za 4 MEI: Nasionale kampioenskapskou, Charolais-beestelersgenootskap, Bloemfontein.…