Indice dei contenuti per 1 January 2026 in Kuier

Ek kan nie glo hierdie is alweer die eerste uitgawe van 2026 nie! En dis netso opwindend om dié uitgawe te kan afskop met die aktrise Kim Syster, met wie Kuier al so ‘n lang pad stap. Kyk, toe dié Arendsvlei-ster in Augustus aanlyn die nuus breek dat haar klein Nikolas (2) ‘n “OuBoeta” word, het ons net daar besluit op ‘n voorblad met Kim en haar twee mannetjies. En kyk net hoe skattig is dié trotse ma met haar klein Luka en Nikolas op hul eerste voorblad saam! Hier by Kuier het ons 2025 met ‘n bang uitgegaan met ons sterbelaaide kalender vir 2026. As jy nog nie joune het nie, kan jy nog ons 4 Desember-uitgawe aanlyn bestel op media24shop.com – die kalender is daarin. Dan was daar…

Skaamte maak jou vinniger dood as enige ander siekte, en sy ken dié waarheid intiem. “Ek het dit 27 jaar gelede ná my MIV-diagnose geleer,” sê Criselda Kananda, stigter van die konsultasiefirma Positive Talk Services. “Nie die virus nie,” sê sy, “maar die stilte, die skaamte, die stories wat jy jouself vertel – dít maak jou werklik siek.” En vandag sien Criselda (56) steeds hoe stilte en selfhaat MIV-positiewe mense laat wag om hulp te kry en van hul geliefdes wegkruip en in eensaamheid ly. Dié ma van drie dogters sit in verskeie gemeenskaps- en ontwikkelingsrade, is ‘n ambassadeur van vroue-ontwikkelingsinisiatiewe, en sy glo in die krag van opvoeding en bemagtiging. En deur Positive Talk Services het sy ‘n gesondheids- en welstandsplatform wat fokus op MIV-onderrig, gemeenskapsbemagtiging en psigososiale ondersteuning.…

HEMDE KOOP SLIM Kyk uit vir unisex-items wat seuns én meisies kan dra. Só kan jou kinders items van mekaar erf en jy geld spaar. SKIRTS & BROEKE KRY GRASMERKE SÓ UIT Sit dadelik ‘n vlekverwyderaar aan vir sowat ‘n kwartier. Skrop dan die vlek met ‘n ou tandeborsel in warm water. Was dit dan daarna in die wasmasjien. TRUIE PASMAATS Koop jou kind se skoolklere ietwat groter, maar moet dit nie so groot koop dat dit sakkerig en ongemaklik sit nie. Die hempkragie moet lekker los sit. Nog ‘n opsie is om nie nou al winterklere te koop nie, want teen daai tyd is dit dalk al te klein. DASSE, SOKKIES & SKOENE WENK Dis die moeite werd om in goeie skoolskoene te belê. Dit help om jou kind…

Nr. 274 VOLTOOI: Matt Damon en watter akteur is weer saam as hoofkarakters te sien in die nuwe misdaadrillerfliek The Rip? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 21 Januarie 2026. SMS/R1,50. Die oplossing verskyn in die uitgawe van 12 Februarie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 21 JANUARIE 2026. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 208 raaigras radeloos radius radys rakelings ramenas rammelkas ranglys rankroos raps rebels reeds reeks refleks regsadvies regstreeks regulasies reisgids relaas rendezvous rentekoers reservis riffels rigtings rinitis rinkhals rioolplaas rissies ritualis ritus riviervis roekeloos roes roet rolmops rolskaats romanties rondrits rooikrans roosters rosyntjies rotskuns ruggelings ruimskoots ruimtereis rukos runderpes rusteloos rybewys ryskoekies OPLOSSING VERSKYN IN DIE UITGAWE VAN 15 JANUARIE 2026. SOEK VIR DIE SPELETJIENOMMER.…

In die ‘80's het ons, Somerset-Wes-leerders, met busse na die Athlone-stadion se atletiekbaan gereis om teen Kaapse skole deel te neem. Sport het ons as bruin gemeenskappe help saamsnoer. Van oor die Kaapse Vlakte het ons in dié klein stadion met sy ring van graswalle gehol, gespring en gegooi. Toe ek onlangs op 1 November in die opgegradeerde Athlone-stadion sit, was my siel gewoel – ‘n paar duisend mans het na die evangelisprediker Angus Buchan kom luister. Baie was uit daardie geslag van ‘80'skinders, en baie ook uit bendegeteisterde gebiede, waar die lewe van kinders byna niks tel nie soos bendekoeëls hulle afmaai. Die éíntlike gevaar skuil egter binne ons eie mure, meen ek. En die oortreder is byna altyd die man. Ek reken ‘n seer, vasgekeerde, desperate man is…

Vader, soos ‘n nuwe jaar ontvou, staanons op die drumpel van ‘n vars begin. Ons bring ons vorige foute na U vir vergifnis, en ons toekomshoop na U vir leiding. Skenk onsgenade om die laste van gister af te skud en wysheid om die kanse van môre te omhels. Ons bid vir ‘n hernude gees en ‘n duideliker visie in die komende jaar. Help ons om nader aan U te wandel, om te prioritiseer wat werklik saakmaak, en om lewens te lei wat U Naam eer. Mag die nuwe jaar gekenmerk word deur vrede in ons gemeenskappe, genesing in ons gesinne en families, en ‘n dieper toewyding aan die werke ter verheerliking van U koninkryk. Vader, ons bid dat elke leser, of hulle hierdie tydskrif in ‘n oomblik van vreugde…

Sy het op die kansel grootgeword, en het dit altyd as ‘n vertroostende plek ervaar, vertel Mingus. “Ek was van jongs af ‘n goeie spreker, maar ek het nooit geweet dat dit deel van my sending is om my gawe te gebruik nie. Dit was eers toe ek omtrent 16 jaar oud was dat die saad vir die eerste keer gemanifesteer het,”vertel sy. “My gesin en ek het na ‘n preek deur (die Amerikaanse) Bishop T.D. Jakes gekyk. En hierdie spesifieke preek gee hy aan sy dogter Sarah Jakes Roberts oor, en hy salf haar. Terwyl dit gebeur het, het die gees van die Here ons leefkamer gevul – so dik dat dit amper tasbaar was. Die Heilige Gees het net begin beweeg en my pa het my in sy…

Hy was een van die sorgsaamste, saggeaardste mense wat sy nog ooit geken het. Só beskryf Rochenke Adams (41) van Kaapstad haar seun, Caiden (6), wat op 16 Desember 2024 gesterf het. “Hy het ‘n hart van goud gehad en ‘n selfvertroue wat elke vertrek laat ophelder het sodra hy ingestap het. Hy het nie van geweld, lelike woorde of om lelik teenoor iemand te wees, gehou nie. Hy het altyd gesê mense wat so optree, het Jesus nodig in hulle lewe. “Hy was ongelooflik netjies, gehoorsaam en respekvol. Ek het nooit twee keer met hom hoef te praat nie. Hy het my lewe elke dag ligter gemaak, en die herinneringe aan sy liefdevolle, mooi gees dra ek soos ‘n skat in my hart.” Die aand van sy dood het…

“Die sleutel tot sukses in die lewe is om alles te doen om Hom te verheerlik … Moet nooit toelaat dat iemand se mening harder as die stem van God in jou lewe is nie.” – LERECIA Wat is jou vroegste herinneringe aan God en jou geloof? Lerecia: Ek onthou hoe my ouers my en my susters (Juanita en Bernicea) wakker gemaak het om gereed te maak vir kerk. Ek en my susters was deel van die kerk se band. Ek was heeltemal uit ritme by tye, maar het dit steeds gedoen oor my begeerte om in die kerk ons Here te dien. Juanita: My vroegste herinnering aan God is heeldag, elke dag! Ons vergeet om die klein dingetjies in ons alledaagse lewe te waardeer en te koester, en sien nie…

Toe sy sowat twee jaar gelede by die dood omgedraai het weens haar gewig, was dit ook die wekroep om haar lewe te verander. Terwyl Alexzine Kroukamp (32) in die hospitaal aan masjiene gekoppel was, het die dokter haar man, Leste (34), meegedeel sy is besig om te sterf. Haar immuunstelsel het haar liggaam begin aanval en sy is met al wat ‘n chroniese siekte is, gediagnoseer: hoë én lae bloeddruk, diabetes, hoë cholesterol en ‘n ystertekort. Dit het Alexzine se liggaam begin aftakel en selfs haar mooi bos hare laat uitval. Daai tydperk was die laagste nóg wat sy gevoel het, en sy't vir haarself gesê sy's moeg van siek en moeg wees. Net daar het sy besluit om haar lewe handomkeer te verander. Maar vir Alexzine was dit…

“Van die beste raad wat ek al gekry het was van my pa en my ouma. My pa het my geleer; ‘Listening is a skill’. Baie mense hoor jou, maar hulle lúíster nie regtig nie. Dieselfde geld vir jouself. Jy hoor wat mense sê, maar lúíster jy na hulle? Hy‘t dit oor die jare by my ingeprent. Jy hoef ook nie almal se raad te vat nie. Wees baie discerning met mense raad.” “Ek het dié raad gekry: ‘Jonathan, probeer alles om die beste pa te wees vir jou kinders. Jy kan ‘n hero wees vir almal, maar as jy nie ‘n hero is vir jou kinders nie, wat baat dit jou? Onthou, mense gaan jou liefhê solank as wat jy doen soos hulle wil hê jy moet doen, maar…

Sy geniet omtrent die buzz van Los Angeles, maar dit beteken nie dat Dawn Matthews noodwendig hunker na die kollig nie. Nee wat. Ma-wees, om gemeenskappe te bou en betekenisvolle digitale inhoud te skep, lê veel nader aan dié Suid-Afrikaanse aktrise se hart. En al is sy nie juis meer op die kassie nie, het sy genoeg wat haar besig hou, vertel die gebore Oudtshoorniet in ‘n foongesprek met Kuier vanuit Amerika, waar sy en haar gesin al 10 jaar lank nesskop. Toe sy in 2015 haar karakter Shakira op e.tv se gewilde reeks Scandal! groet, is Dawn, haar dogter Jesse (13), en Amerikaanse draaiboekskrywer-man, Charlie Sapadin (52), sak en pak Amerika toe – sonder verwagtings of rolle wat wag. “Ons het geweet ons wou Jesse hier in Amerika grootmaak.…

As iets groot nie deur die jaar gebeur nie, voel dit mos asof ons daai jaar gemors het. Maar het jy staande gebly deur die jaar met al sy dinge wat jou kant toe gegooi is? Aangekap sodat jy daar kon wees vir ander? Aangehou veg, al wou jy soms net in ‘n donker kamer gaan lê en van die wêreld vergeet? Daai is ook ‘n goeie, grênd jaar. Jy hoef nie altyd iets groots te gedoen of bereik het nie. As jy net daar was vir jouself en jou medemens, het jy al meer as genoeg gedoen en bereik. Dalk kan ek help sodat jy in al jou fasette die beste uit 2026 kan haal. JOUSELF Vanjaar wil ek hê jy moet een woord vir jouself kies: “genoeg”. Dis…

As jou kind angstig oor skool is, is daar ‘n paar dinge wat jy kan doen om hulle emosioneel voor te berei. Van die algemeenste bekommernisse wat kinders het, is ‘n vrees vir die onbekende, akademiese druk, onsekerheid oor nuwe vriende maak, nuwe onderwysers en “moeilike” nuwe vakke. Luister net “Luister na jou kind se vrese en bekommernisse,” sê Elretha. “Moenie vir hulle sê hulle moenie so voel nie – maak net seker hulle voel jy luister na hulle en stel hulle gerus. Jy kan byvoorbeeld sê: ‘Ek verstaan dat jy bang is wiskunde gaan vanjaar moeilik wees. Dis normaal om aan die begin van die jaar so te voel.’” Bring alleentyd met jou kind deur Bestee gehaltetyd saam met jou kind in die dae voor die skool heropen, is…

NR. 326 WEN R350 KONTANT! ? VRAAG: Wat is die Latynse naam vir die “Onse Vader”-gebed? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 21 Januarie 2026. SMS/R1,50. Die oplossing verskyn in die uitgawe van 12 Februarie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 21 JANUARIE 2026. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

In een van my gunstelingprysliedere, “Die Seën”, word gesing hoe God se vrede jou vooruitgaan, agter jou staan, langs jou staan en jou omring. Wat ‘n vertroostende gedagte! En soms is daar letterlike voorbeelde hiervan. Soos die dag toe ek as ‘n graad 3'tjie (toe nog Standerd 1) met my splinternuwe Bybel wat ons by die skool kon koop, terug na my klas toe gehardloop het – kinders kan mos nie stap nie, hulle hardloop alewig. Toe ek die draai na my klas vat, koop ek grond en seil oor die sement. Raai wat breek my val? Daai einste splinternuwe Bybel. Ek was baie ontsteld dat dit krapmerke opgehad het nog voor ek dit kon oopslaan. Maar dit sou my jare later tref dat God ons vangnet is. Soms letterlik,…

Ek hoop jy leer … dat mense nie altyd van jou sal hou nie. My raad aan jou is: Wees nog altyd lief vir hulle. Ek hoop jy kry … genoeg uit die lewe uit. Reis soveel as wat jy kan. Verken die wêreld en sy mense. Ek hoop jy ervaar … ouerskap eendag, sodat jy dalk mag verstaan hoe baie ek jou liefhet. Ek hoop jy respekteer … God, jouself en ander mense. Ek hoop jy word … nie te vinnig groot nie. Ek hoop jy raak lief vir … board games! Mamma soek pairies om mee te speel! Ek hoop jy kry my … uithouvermoë. Ek hoop jy kry jou pa … se geduld. Ek hoop jy vergeet nooit … dis oukei om foute te maak nie. Ons…

Maandag Onthou, jy is ‘n kind van God Begin die nuwe week met ‘n dankbare hart en die wete dat God aan jou kant is. Verander jou ingesteldheid oor die dinge wat jou oorweldig – is dit nie dalk die einste dinge waarvoor ‘n vorige weergawe van jou gebid het nie? Bybelvers: “Want ons is Sy maaksel, geskape in Christus Jesus tot goeie werke wat God voorberei het, sodat ons daarin kan wandel.” (Efesiërs 2:10) Dinsdag Los die skaarsheid-mindset Oorvloed is iets waarop jy ingestel is, nie wat jy bekom nie, sê die Amerikaanse skrywer en motiveringspreker Wayne Dyer. Wat beteken dit in jou alledaagse lewe? Dit beteken dat ‘n oorvloed blydskap, rus, liefde of sukses nie in jou skoot gaan val nie. Leef eerder asof jy dit reeds het, en…

Angelo Johnson (23) kuier weeksaande op ons skerms as CJ Marais in die daaglikse drama Kelders van Geheime. Agter dié dwarstrekkerkarakter staan daar ‘n man wat elke dag opnuut kies om God eerste te stel. Maar, laat hoor hy, “Ek wil nie hê mense moet dink ek is perfek nie.” Dié Malmesbury-boorling het ná matriek gesukkel om sy voete te vind en by tye het die toekoms onseker gelyk. Alles het omgeswaai die dag toe hy sy hele lewe aan God oorgegee het, vertel Angelo, wat nou sy plek in die vermaakbedryf volstaan as ‘n sanger en liedjieskrywer en ‘n akteur in ‘n gewilde TV-reeks. Maar eers moes hy ‘n toets deurgaan wat die deur na sy drome oopgemaak het … Hy was amper klaar met sy rol in Arendsvlei…

Waar het jou geloofsreis begin? Ek het op 25 tot bekering gekom by ‘n jeugaand waar iemand die bemoediging gedoen het oor Psalm 91 wat praat van as jy die Here jou skuilplek maak, sal Hy jou ten alle tye beskerm. Vandag loop ek nog steeds in daardie belofte van Psalm 91. Dit maak nie saak waardeur ek gaan nie, solank ek die Here in my lewe het, sal Hy my ten alle tye beskerm en my liefhê, en Sy engele opdrag gee om my en my huishouding te beskerm. Al val daar duisende langs my, sal niks my tref nie, want die Here is met my. Dit is hoe ek my lewe elke dag lei. Hoe lyk jou daaglikse geestelike roetine? Ek is ‘n mamma van twee kinders, vrou,…

• Gee jouself die tyd om te treur, en erken dat pyn ‘n natuurlike deel van die proses is. Moenie haastig probeer “regmaak” wat nie reggemaak kan word nie. • Soek ondersteuning, deel jou hart met mense wat verstaan, en vertrou dat daar steeds lig en genesing is, selfs al lyk dit onmoontlik. • Hou vas aan die klein tekens van hoop, en laat jou geloof en jou herinneringe aan jou kind jou dra. • Rou is nie iets wat jy kan beplan nie – moenie worry oor wat mense dink as jy nie iets wil doen of by ‘n geleentheid wil wees nie. • Spandeer tyd met die Here. Soms voel jy nie om te bid nie, maar, glo my, dit help. Selfs al lê jy net daar met…

Daar word vertel van ‘n verbitterde pa wat sy vierjarige seuntjie ‘n “lewensles” wou leer. Hy't die kind op ‘n tafel laat staan met sy armpies breed uitgestrek, en vir hom gesê: “Spring.” Die seuntjie, soos kinders maar is, vol eenvoudige vertroue, het gespring sonder huiwering in sy pa se rigting. Maar net toe hy spring, vat die pa ‘n tree terug. Die kind het hard op die grond geval. Toe die huil bedaar, het die pa koelweg gesê: “Daar het jy dit nou. In hierdie lewe kan jy niemand vertrou nie.” Wanneer ons dié storie hoor, ruk iets in ons binneste. Want ons wéét dis verkeerd. Ons wéét dis ‘n misbruik van vertroue, en dat die seuntjie nie ‘n les oor die wêreld geleer het nie, maar eerder ‘n…

Vir jare het sy stilgebly oor die trauma wat sy in haar kinderjare beleef het. Maar vandag praat die borrelende Juanita van Niekerk (35) van Ashton in die Wes-Kaap kaalvuis oor dié dinge wat ‘n diep impak op haar lewe gehad het, en dít vanuit ‘n plek van oorwinning. Sy glo haar storie, wat in gebrokenheid begin en in liefde en aanvaarding eindig, kan vir ander hoop gee. Juanita, ‘n onnie, gesels kort voor die skoolvakansie met Kuier vanuit haar Graad R-klaskamer by Wakkerstroom-Wes Primêr in Robertson, waar sy skoolhou. Sy leef tans haar liefde vir kinders en sport so saam-saam uit, vertel dié skooljuffrou en netbalafrigter. Juanita glo haar liefde en empatie met kinders en jongmense spruit uit haar eie swaar grootwordjare, wat gekenmerk word deur gesinsgeweld en drankmisbruik.…

Reeds as agtjarige het hy al geweet hy wil eendag ‘n dokter wees. Maar dié droom is nie gebore uit ‘n sprokie nie – dit het begin in een van die donkerste tye van sy kinderjare. Dit het alles vir dr. Craig Burns (32) begin in 2001 in die neonatale intensiewe eenheid van die Groote Schuurhospitaal in Kaapstad. Craig, oorspronklik van Mitchells Plain op die Kaapse Vlakte, se jonger sussie, Brittany (24), is vroeggebore en het skaars 800 g geweeg. Haar longe was onderontwikkeld en haar hart klein en broos. Elke dag was ‘n geveg teen tyd. Saam met sy ouers, Ian en Jacqueline (albei 59), het Craig – toe in graad drie – dae in die hospitaal deurgebring. Hy onthou elke monitor wat gepiep het, sy ma se trane,…

YSLOLLIES Lewer 6-8 lollies BESTANDDELE 1½ koppies vars of gevriesde blueberries 1 koppie vars of gevriesde strawberries ¼ koppie strooisuiker 2 koppies double thick yoghurt 1 koppie room, melk of klappermelk 1 teelepel vanilla essence fyngerasperde skil van 1 suurlemoen METODE Hou 6-8 yslollievorms en hul stokkies byderhand. 1 Plaas die blueberries, strawberries en strooisuiker in ‘n klein kastrol en verhit tot die suiker gesmelt is. Verwyder van die hitte en laat eenkant afkoel. 2 Plaas die berry-mengsel in die bak van ‘n food processor en pols tot fyn. Voeg die res van die bestanddele by en pols tot glad en goed gemeng. 3 Verdeel die mengsel tussen die vorms, steek die stokkies in en vries vir 4 ure, of tot die lollies heeltemal gevries is. Vir voorsit 4 Haal…

Meer oor ileus Dokter, my buurvrou (64) het onlangs in die hospitaal beland met ‘n toestand genaamd ileus. Sy het niks daarvan geweet nie en is behandel daarvoor. Wat is dit en hoe kan dit voorkom word? LIEZEL Antwoord BESTE LIEZEL Die dun- en dikderm is sowat 7,5-8,5 m lank, wat beteken die kos wat jy eet het ‘n lang pad om te reis voordat dit volledig verteer is en uitgeskei word. “Ileus” (ook genoem “paralitiese ileus” of “adinamiese ileus”) is ‘n toestand waar die normale golfagtige spiersametrekkings van die ingewande, peristalse, tydelik vertraag word of stop, wat verhoed dat voedsel, vloeistowwe en gasse deur die spysverteringskanaal beweeg. Dis ‘n funksionele probleem van die spiere en senuwees, en nie ‘n fisiese blokkasie (meganiese obstruksie) nie. WAT WORD BESKOU AS SIMPTOME?…

Só kan jy jou gemeenskap een klein stap op ‘n slag help bou en behou, sê Lucinda: 1 Begin met een verhouding. Moenie probeer om al jou verhoudings te hervorm nie. Kies een persoon waar dieper verbintenis vir jou saakmaak en fokus daarop. 2 Onthou, jy hoef nie almal se krisisberader te word nie. Begin met reageer op boodskappe binne 24 uur, daag op wanneer jy jou tot iets verbind het en inisieer kontak maandeliks. Klein, volgehoue stappe klop groot gebare. 3 Beplan jou tyd met die persoon soos jy jou werk sou prioritiseer, en maak dit deel van jou kalender. “Koffie saam met Sarah, Dinsdag, 16:00.” As dit nie geskeduleer is nie, sal gerief altyd wen. 4 Doodgewone herhalings is hoe ware bande vorm; nie opwindende, eenmalige gebeurtenisse nie.…

Januarie • Verwyder dooie blomkoppe. Snoei dooie en siek hout en stokkerige takke uit. Knip in ‘n V-vorm om sonlig by die middel van die plant te laat kom. • Maak drie keer ‘n week nat. • Gebruik ‘n swamme-voorkomende spuit volgens die aanwysings op die verpakking. • Gee voeding volgens die aanwysings op die verpakking. Jy kan afwissel tussen produkte met baie stikstof en produkte met kalsium. Februarie • Verwyder steeds dooie blomkoppe. • Maak drie keer per week nat. • Namate nuwe blomknoppe ontwikkel, voed met ‘n voedingryke 5:1:5- of 8:1:5-korrelkunsmis volgens die aanwysings op die verpakking. • Gebruik Rose Protector, Rose Guard, Rosecare 3 of ‘n soortgelyke produk om insekte of swamme te bestry en die plant teen suig-insekte te beskerm. Maart • Hou aan om dooie…

NR. 350 WEN R350 KONTANT! ? VOLTOOI: Dié Robert Burns-gedig word wêreldwyd gesing wanneer‘n nuwe jaar afskop. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 21 Januarie 2026. SMS/R1,50. Die oplossing verskyn in die uitgawe van 12 Februarie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 21 JANUARIE 2026. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Ek sien ouens post op sosiale media met ‘n blink nuwe motor en verkondig dat dit “‘n blessing” is. Dan wonder ek, is die feit dat jy werk en ‘n kar kan bekostig die “blessing” of is die kar self die “blessing”? Ek is altyd saam met mense bly as hulle iets bekom, bereik of aanskaf. Die lewe is bitter genoeg hierbuite om níé mekaar se seges te vier nie. Dis net ‘n mens wat ongelukkig met sy eie lewe is wat nie hande klap vir ander nie. Maar hoekom dan, kan jy vra, vind ek die alewige “blessings”-plasings irriterend? My rede is omdat dit meestal met materiële dinge te make het. Dit kom vir my meer as spog en “engagement farming” voor. Wat is die Afrikaans vir “engagement farming?”…

Soms tref ‘n moegheid jou wat nie net in jou liggaam sit nie, maar in jou siel. Ons begin die jaar met energie, planne en gebede, maar later voel dit asof ons in ‘n emosionele marathon is, met die eindstreep wat net nie wil kom nie. Rondom ons glimlag mense, maar hulle dra swaar. Hulle wys op sosiale media hul beste oomblikke, maar huil in stilte. En juis híér, waar jy kragteloos voel, kom Paulus met dié woorde: “Moenie moeg word om goed te doen nie.” Paulus, ek ís moeg. Maar hy sê nie ons mág nie moeg word nie. Hy sê: Moenie moeg word “om goed te dóén nie”. In ons leefwêreld moet als mos vinnig gebeur: As jy iets saai, wil jy môre die oes sien. As jy…

1 Vergewe Haatdraend wees en mental notes maak van wie jou te na gekom het, is nie net geestelik aftakelend nie, maar verhinder ook ware vergifnis vir jouself voor God. Hoe kan Hy jou sondes vergewe as jy met ‘n lysie van wandade in jou kop leef? As jy jouself betrap waar jy iemand verwens, of seergemaak voel oor hul optrede, bid dat God jou sal help om dit te verwerk. “Vergifnis is om die deur oop te sluit om iemand vry te maak, en te besef dat jy die gevangene was.” – MAX LUCADO Skrywer en prediker 2 Bid As jy aan gebed dink as ‘n ewige gesprek met jou Skepper, wen jy laglag die gebeds-Olympics! Jy sal aldag en heeldag met Hom gesels, en die beste van alles? Jou innerlike critic…

Hoe voel jy 10 jaar later oor daai tydperk? Vandag is ek baie, baie dankbaar vir die Here dat Brody gesond is. As ek terugdink aan 2015, kan ek nie glo so iets het met ons gesin gebeur nie. Ek en my man, Wesley (42), was net twee jaar getroud en moes dit as ‘n jong paartjie verwerk, maar vandag is ons huwelik sterker as ooit en God is die middelpunt van ons lewe. Wat vertel jy vir jou seuns daaroor? Brody (12) verjaar in September, dieselfde maand waarin ons sy kankervryheid herdenk. Dis ook kinderkankermaand. Hierdie mylpaal is altyd vir my groot. Ek sal hulle altyd herinner dat hulle die Here moet bedank vir hul gesondheid. Ook dat elke nuwe dag een is wat ons gespaar is en dat…

As jy van dié wenke in jou dieet insluit, sal dit jou gesondheid op alle vlakke beïnvloed. Volg dit só: ■ Liesl se raad is om ‘n 90/10%beginsel na te streef: As jy vir 90% van die tyd kan hou by jou gekose dieet, kan jy die ander 10% ‘n bietjie kroek. As jy só leef, is sukses meer bereikbaar. ■ Sy voeg by as jy met ‘n gesonde leefstyl begin, behoort jy binne twee of drie weke resultate te begin sien: jou vel se tekstuur verbeter, jou hare begin blink, jou naels voel sterker, en jy mag dalk rustiger voel en beter slaap. ■ Maar, waarsku sy, as jy ‘n baie ongesonde leefstyl leef, sal jou liggaam dalk vir die eerste paar dae in skok wees en detoks, wat…

Die Liefde wat sê: Alles is moontlik. Matteus 19:26 En Jesus het reguit na hulle gekyk en gesê: ”Vir mense is dit onmoontlik, maar vir God is alles moontlik.” “Regdeur die Bybel sien ons soveel bewyse van hoe God die onmoontlike moontlik gemaak het. Een ding wat ek nog altyd begeer het, was dat ons ‘n huis van ons eie moes hê; gedurende my kinder- en tienerjare in Gauteng het ons soveel keer getrek dat ek opgehou tel het. Nadat ons in 2002 na Kaapstad verhuis het, het ons nog agt keer getrek. Soms was dit in huise, soms in mense se garage. Een keer was dit in ‘n skuiling vir mishandelde vroue en kinders en selfs een keer in ‘n kamer in ‘n bos waar die toilet onder ‘n…

LÊ JOU KOP NEER Dié kussingsloop van katoen en linne is net die regte geskenk vir ‘n vriendin, suster of ma wat hou van haarself omring met mooi dekordinge. Daar is ‘n verskeidenheid te kry by Hartsgoed se aanlyn winkel. ■ Grys linne-kussingsloop R275, Hartsgoed BYBELHOUERS VIR HOM & HAAR Dra die Woord in styl, of gee dit as ‘n geskenk. Die houers is beskikbaar in groot, medium en ekstragroot. ■ Genade in Oorvloed -Bybelsak van Kunsleer R299, Cum Books ■ Crown of Thorns -Bybelsak van Kunsleer R299, Cum Books LES JOU DORS ‘n Praktiese en mooi geskenk vir die bedrywige vrou wat haar daaglikse kwota water moet inkry. Ook ‘n slim geskenk vir skooljuffroue of tienerdogters. Dié een hou warm of koue drinkgoed se temperatuur nét reg. ■ Waterbottel…

1 Van watter afkoms was Jesus? A Egipties B Joods C Grieks 2 Wat was die eerste wonderwerk wat Jesus verrig het? 3 Wie was die oudste man in die Bybel? A Moses B Metusalem C Farao 4 Wie het die ark op God se bevel gebou om die Groot Vloed te oorleef? A Moses B Noag C Judas 5 Hoeveel dae en nagte het dit tydens die Groot Vloed gereën? A 40 dae en 40 nagte B 20 dae en 20 nagte C 60 dae en 60 nagte 6 Watter sigbare teken het God gegee as belofte om nooit deur die aarde deur ‘n vloed te vernietig nie? A ‘n wit duif B kalm waters C ‘n reënboog 7 Wie het die reus Goliat met ‘n slinger en klip oorwin? A Adam B Dawid C Josef 8 Watter supersterk man het sy…