WegRy的June 2017目录

Ons het in Augustus 2015 op ’n reis deur Botswana en Namibië vertrek. Ons groep het bestaan uit ’n Hilux, ’n Jimny en ’n Discovery, ses mense altesaam. Ná ’n paar dae op die pad het die kamerakaarte begin volraak, en moes ons eers foto’s op die tablet aflaai voor ons kon aanstryk Rundu toe. (Les 1: Neem genoeg datakaarte saam op vakansie.) By Rundu het ons mense ontmoet by wie se woonwa ingebreek is. Die diewe is weg met die motorsleutels en hulle duplikaatsleutels het in Suid-Afrika by die huis agtergebly. (Les 2: Los ’n stel motorsleutels by iemand in jou geselskap.) By die Kunene verloor die Discovery ’n band. Tussen die fotonemery by Epupa laat ons die papwiel in ’n mate herstel, en ná drie pogings het die…

JUNIE CALITZDORPWINTERFEES WAAR: Calitzdorp, Klein-Karoo WANNEER: 16 tot 18 Junie HOEKOM JY MOET GAAN: Dié dorp, wat as Suid-Afrika se porthoofstad beskou word, is woelig gedurende die fees met ’n program wat musiek- en dansvertonings, bergfietsry en natuurlik wynproeë insluit. Calitzdorp lê ook in die hartjie van die Klein-Karoo met pragtige bergpasse, soos die Seweweekspoort, Swartberg en Gamkaskloof, net om die draai. MEER INLIGTING: www.calitzdorpwinterfestival. BRAY-JULY WAAR: Bray (220km noord van Mahikeng, Noordwes) WANNEER: Gewoonlik einde Junie HOEKOM MOET JY GAAN: Dis ’n perderesies, maar sonder die verspotte modes. Die resies is deur die rugbylegende Frik du Preez begin as ’n geleentheid waar plaaslike inwoners meegeding het, maar deesdae is dit ’n volwaardige perderesies met internasionale deelnemers. MEER INLIGTING: www.facebook.com/BrayJulySA KIRKWOODWILDSFEES WAAR: Kirkwood, Oos-Kaap WANNEER: 30 Junie tot 2 Julie…

WAAR HET JULLE GEKAMP? Buiten Flamingo Lodge en Tunda Vala Wild Camping het ons wild gekamp. Live the Journey het spesiale toe stemming van die plaaslike sobas (stamhoofde) om die wilde kampeerplekke te gebruik. Kontak Flamingo Lodge by flamingo@aasafaris.com. Bespreek by Dionisio Manso vir Tunda Vala Wild Camping by +244 93 712 9952 (stuur ’n Whatsapp boodskap) of e pos na otchitanda. investimentos@gmail.com. MOET EK PORTUGEES KAN PRAAT? Nee, maar dit sal kommunikasie aansienlik makliker maak as minstens een persoon in jou groep ’n basiese begrip van Portugees het. Ons het byna niemand teëgekom wat Engels behoorlik ver staan nie en alles word in Portugees geskryf. HET EK ’N VISUM NODIG? Ja. Jy moet per soonlik vir ’n toeristevisum by die konsulaat in Pretoria, Johannesburg, Durban of Kaapstad aansoek doen.…

Naaste dorp: Yzerfontein GPS: S33.264264 E18.224331 Hoe lyk die roetes? Buffelsfontein se sand roete lê in ’n sirkel oor dié natuurreservaat. Behalwe vir ’n bult of twee in ’n sandspeelput is daar nie spesifieke hindernisse nie. In die droë maande is die sand egter so los dat byna die hele roete ’n hindernis word. Het ek ’n 4x4 nodig? Wanneer die sand baie droog en los is, sal jy ’n 4x4 met laestrek nodig hê om nie vas te val nie. ’n Ag terste ewenaarslot sal dan ook baie help. Die sand hou geen risiko vir bande in nie, maar as jy met padbande kom ry, moet jy mooi kyk vir die droë takke wat plek plek gevaarlik uit die sand steek. In die wintermaande ná die reën sal die…

“Ek wil hê mense moet met gewone 4x4-voertuie hier by ons kan kom ry en die natuurskoon van die omgewing geniet.” Johan Roux is die eienaar van Leeuwenboschfontein-gasteplaas. Hierdie gasteplaas tussen De Doorns en Montagu is ’n gewilde uitspanplek en 4x4-roete sowat twee uur se ry vanaf Kaapstad. Wanneer jy ongeveer 22 km ná De Doorns suid op die R318, in die rigting van die plaas draai, is dit pure Klein-Karoo om jou. Sowat 27 km later draai jy links op ’n lang, reguit grondpad tot by die ingang, waar bruin renosterbos buite die truspieëls lê. Leeuwenboschfontein lyk soos ’n klein oase as jy by die hek inry. ’n Grasgroen lusernland strek voor jou uit, die beddings en grasperke tussen die chalets en staanplekke staan ewe groen en die plaasdamme…

Naaste dorp: Citrusdal GPS: S32.439717 E18.942517 Hoe lyk die roete? Die 4x4 roete is ’n klipperige pad wat teen die kruine van die omringende berge uitklim, met ’n sandspeel plek aan die onderkant. Het ek ’n 4x4 nodig? ’n 4x4 met laestrek en goeie grondvryhoogte is ’n vereiste. Sagte of laeprofielbande en treeplanke gaan ook heel waarskynlik skade tussen die klippe op doen. Die roete is egter geskik vir beginners, aangesien daar ontsnaproetes om die ergste hindernisse is. Waar kan ek bly? Marcuskraal het ’n netjiese, groen kampterrein, ses selfsorgka mers, asook twee luukse chalets met drie slaapkamers elk. Wat kan ons nog doen? Dit is ’n wer kende familieplaas en hier is nie ’n kroeg of restaurant op die eiendom nie. Citrusdal en Clanwilliam is egter albei sowat ’n…

DÍS WAT JY KAN VERWAG: DAG 1 Ons ontmoet mekaar by die Mvoti Ultra City, sowat 70km noord van Durban. Dis ’n kort rit van hier tot by die eerste slagveld van die Anglo-Zoeloe-oorlog. Ons volg die verloop van die gevegte verder op pad na Eshowe, waar ons die aand deurbring. DAG 2 Ná ontbyt besoek ons die geboorteplek van die Zoeloes en leer oor hulle dinastieë van omtrent 1560 tot vandag. Dan besoek ons die uMgungundlovukultuurmuseum en Dingaan se nedersetting (waar Piet Retief en sy geselskap vermoor is). Teen die einde van die dag sal ons ook van die einde van die oorlog geleer en die plek besoek het waar dit plaasgevind het. Ons kuier om ’n kampvuur en slaap in Ulundi. DAG 3 Ons besoek die Ondini-kultuurmuseum en…

FOTO VAN DIE MAAND GRANT BEVERLEY Nikon D7100 en Nikon 70-300 mm-lens (instellings: f/6.3, 1/400 sec, ISO800) “Ek is ’n wildehondnavorser en is so gelukkig om die meeste dae van die week in die Krugerwildtuin te wees. Ek het hierdie foto in Desember verlede jaar langs die H3 tussen die Afsaal-piekniekplek en die Malelane-hek geneem, toe dit warmer as 40°C was. “Hierdie jongeling het in die skadu van die Afrikahuilboom teen die hitte geskuil. Dis nogal moeilik om wildehonde af te neem omdat hulle altyd aan die beweeg is, maar met hierdie een het ek baie tyd gehad.” VILLIERS SÊ: As ek fotografieklasse aanbied, sê my studente dikwels: “My onderwerp moet mos aan die kant wees en nie in die middel nie, nè?” Dan antwoord ek gewoonlik: “Wel, dit hang…

HEIN GROENEWALD BARMHARTIGE SAMARITAAN Hein het dalk nie vandeesmaand ’n storie tot die tydskrif bygedra nie, maar dié barmhartige Samaritaan verdien ’n spesiale dankie. As dit nie vir sy hulp aan Evan was toe twee bande van sy voertuig in die Karoo gebars het nie, was daar dalk nie vandeesmaand ’n storie oor Angola in die tydskrif nie! Wat is jou eerste toerherinnering? ’n Reis van Bellville na die Etosha-panne saam met my ouers in 1972. Die lekkerste plek in die bos waar jy al was? Mosambiek – ek’s mal oor die warm water. Wat is die beste reiswenk wat jy tot nog toe gekry het? Vat genoeg spaarwiele en water saam. (Ek dink Evan kan ook daarby baat vind!) Toer jy blindelings, of beplan jy jou reis? Ek reis…

Ná amper 18 jaar se skryf oor rygoed, het ek letterlik al duisende voertuie bestuur, in uiteenlopende toestande. Plekke soos die Nürburgringrenbaan in Duitsland, die Namib-woestyn en diep water in Moremi, tot die snerpende koue van Ysland (daar is ’n rede waarom hulle dit nie “Sonland” noem nie). Uiteindelik begin jy iets van rygoed af weet. Nie baie nie, maar darem meer as die gemiddelde ou wat in sy plakkies gaan brood en sieghrêts koop. Dis altyd lekker om met mense te gesels wat iets wil weet. Maar raai wat? Soms wil ek eenvoudig nie oor rygoed praat nie. Die ergste is ’n braai by iemand anders. In teenstelling met wat sommige mense mag dink, stel ek nie eksklusief in 4x4’s of rygoed belang nie. Ek hou ook van jag,…

Toe ons voorverlede jaar (WegRy #67) ondersoek na die wettigheid van LED-ligstawe op jou 4x4 ingestel het, het daar heelwat onduidelikheid op 4x4-internetforums en Facebook-blaaie oor die verbod daarop geheers. Wat presies het die wet gesê, hoe streng is dit toegepas en was daar enige tekens van voorgestelde wysigings aan ons verouderde padregulasies? Die antwoord destyds van kenners, soos Alta Swanepoel, ’n Pretoriase prokureur wat spesialiseer in padverkeerswette, en Darren Magerman, Wes-Kaapse streeksbestuurder vir Dekra Automotive, was dat ’n ligstaaf op jou voertuig jou beslis ’n boete kan besorg. Adam Eiseb, verkeershoof vir die Namibiese verkeersdienste in Windhoek, het ook bevestig dis dieselfde in dié buurland. Vir talle voertuigeienaars is sake egter ewe vaag rondom die aanbring van ánder bykomende ekstra ligte op hulle voertuie. En met ligtegnologie wat by…

• Geduld is jou beste vriend as dit kom by die grenspos, interaksies met polisie en padblokkades. • Moenie onnodig foto’s neem van regeringsgeboue, veral die blou geverfde polisiestasies en pienk geverfde munisipale kantore, nie. Dit word nie toegelaat nie. • Dit help om ’n basiese begrip van Portugees te hê, want bitter min mense verstaan Engels. Dis goed om ’n paar basiese be-grippe, soos hoe om te groet, bedrae geld en die woorde vir petrol en diesel, te leer. • Berei jouself sielkundig voor om aan die ander kant van die pad te ry, want by kruisings en verkeersirkels draai ’n mens maklik uit gewoonte in die verkeerde rigting. • Beplan jou roete báie goed, want oorslaapplekke is skaars en as jy teëspoed kry, kan dinge gevaarlik raak. •…

“Hierdie is ’n ‘blinkkarroete’. Ouens wat hulle voertuie dus tydens die week werk toe ry, kan naweke hier ook kom ry.” Stephen Burger, eienaar van Klein Tafelberg WegRy het ’n paar jaar gelede Klein Tafelberg as een van die land se top 10-roetes aangewys en niks het sedertdien verander nie. Dié poskaartmooi roete word steeds elke Saterdag onder begeleiding van die plaaseienaar, Stephen Burger, gery. Stephen se 4x4-roete is perfek vir gesinne en groepe wat ’n dag in die natuur wil deurbring en ’n veldroete wil ry. Hy laat nie pypkarre of hoogs gemodifiseerde voertuie hier toe nie, want dit is eerder ’n natuurroete, as ’n speelplek, sê hy. Klein Tafelberg doen dié idee gestand. Die 20 km-lange veldroete is hoofsaaklik ’n rustige, sanderige tweespoor wat jou teen ’n kop…

Naaste dorp: De Doorns GPS: S33.558412 E19.967041 Hoe lyk die roetes? Loop 1 is meestal ’n goeie tweespoorgrondpad tot by ’n uitkyk punt, maar met ’n paar steil klipbulte wat jy moet klim. Loop 2 is effens moeiliker met meer tegniese kliphindernisse. Het ek ’n 4x4 nodig? Slegs 4x4’s met laestrekratte is geskik vir dié roetes, maar jy kan Loop 1 met padbande en lae treeplanke aanpak. Waar kan ek bly? Hier is ’n lang lys ver blyfopsies, van ’n mooi kampterrein geskik vir woonwaens, tot boskampe, basiese selfsorgeenhede, permanente woonwaens en ruim chalets. Wat kan ons nog doen? Jy kan bergfiets ry, visvang, voëls kyk en stap. Die plaas is ook gewild onder sterrekykers. Koste: Roetes Dagbesoekers: R150 per voertuig tot by die uitkykpunt of R290 vir die hele…

“Die ouens hou baie daarvan dat hulle so naby aan die stad hulle 4x4’s kan kom geniet.Jy voltooi die roete binne twee of drie uur, dan’s jy reg vir ’n lekker braai in die kampterrein.” Jean Bonthuys bestuur en onderhou die Welgelegen-4x4-roete. Welgelegen-4x4 lê ’n skrale 10 km van die noordelike voorstad Brackenfell af, op die Bottelarypad in die rigting van Stellenbosch. Maak egter seker jy gooi ’n draai by Die Vleiswinkel (Kruisstraat 31, Brackenfell) vir ’n ordentlike sak biltong terwyl jy op pad is, want hier is hindernisse wat jou energie behoorlik gaan tap. Welgelegen se roete is sowat 9 km lank, met hindernisse wat op en af in die Bottelary-heuwels loop. Jy trek weg teen ’n stywe bult met ’n lekker asknoper as jy nie jou lyn mooi…

SPORE DEUR SPANJE ELDERS DEUR ERNS GRUNDLING UITGEWER QUEILLERIE PRYS R250 Kan ’n boek oor een ou se staptog van meer as 1 000 km deur die Europese platteland interessant en opwindend wees? Dit lyk my die antwoord is ja. Erns Grundling, ’n bekroonde joernalis van WegRy se sustertydskrif Weg!, het in 2015 die bekende Camino-staptog in Spanje aangepak. Nou as jy al ooit een van dié joernalis se reisstories in Weg! gelees het, sal jy weet hy kan nogal ’n paar woorde aanmekaarflans. Maar wat Elders dalk so ’n goeie boek maak, is juis die feit dat hy glad nie daaroor wou skryf toe hy dié pelgrimstog aangepak het nie. Hy’s in ’n oomblik van sy lewe wat talle van ons al te goed ken wanneer hy die reis…

“Hoewel die Navara se agterste kronkelvere groot nuus was in die bakkiebedryf,is dit nie die eerste nutsvoertuig wat hiermee toegerus is nie.” Die nuwe Nissan D23 Navara is onlangs te midde van groot belangstelling in Suid-Afrika bekendgestel. Op sosiale media het dit gegons met positiewe en negatiewe kommentaar oor die Navara. Baie van die gesprekke gaan oor die feit dat die Navara ’n gesamentlike Nissan-Renaultprojek is. Dit lyk asof min mense besef dat Nissan al vir amper ’n dekade en ’n half deur Renault besit word, en dat die maatskappy al vir járe saamwerk om produkte te ontwikkel en voertuigplatforms te deel oor ’n breë spektrum van modelle. Blykbaar besef nóg minder mense dat Renault sedert 1999 Dacia Automotive besit, met verskeie Dacia-voertuie wat op Suid-Afrikaanse paaie met Nissan- en…

• As enige van die hoofligte nie op 150 m duidelik sigbaar is in situasies waar voetgangers en voertuie nie op dié afstand gesien kan word nie (bv. in die donker); • as enige enkele lig 75W oorskry; • as enige van die ligte gedeeltelik of heeltemal deur ’n deel van jou voertuig versteek word – jy kan dus geen ligte só rondom jou sierrooster monteer dat hulle net halfpad agter jou bosbreker uitsteek nie; • as enige van jou ligte laer as 450 mm of hoër as 1,4 m van die grond af is; as jy jou voertuig gelig het, sal jy dus weer moet gaan kyk of jou ligte se hoogte steeds binne die regulasies val; • enige van jou hoofligte verder as 500 mm van die voorkant…

• Jou paspoort • ’n Geldige besoekersvisum • ’n Geelkoorssertifikaat • Jou rybewys • ’n Uitnodigingsbrief van ’n Angolese burger of instansie soos ’n hotel of lodge. Hierdie brief is deel van jou visumaansoek, maar bring dit nogtans grens toe ook. • Jou voertuig se registrasiedokumente en ’n toestemmingsbrief van die bank of verhuringsmaatskappy as die voertuig nie aan jou behoort nie. • Kontant in die Angolese geldeenheid kwanza vir padbelasting van KZ6 336 (sowat R530). • Afdrukke van al bogenoemde dokumente. Bring sommer ’n hele paar en die afdrukke moet verkieslik in wit en swart pleks van kleur wees. Moenie enige selfverdedigingsartikels, soos pepersproei, skokstokke, buitengewoon groot jagmesse, ens., deur die Angolese grens bring nie. Dit word as wapens gesien en kan afgevat word of vir jou moeilikheid veroorsaak.…

“Die mense hou baie daarvan dat die roete so naby aan die stad is en dat hulle lekker in die sand kan speel.” Willem van Rensburg, een van Buffelsfontein se wildbewaarders, het saamgery. As jy al ooit Weskus Nasionale Park toe gery het of die N7 noord teen die Weskus op is, het jy beslis al by Buffelsfontein verbygery. Maar min mense weet hier skuil ’n lekker 4x4-roete, want Buffelsfontein word meestal as ’n natuurreservaat, konferensiesentrum en troubestemming bemark. ’n Entjie die duine in, agter al dié netjiese geriewe, lê daar egter ’n sandroete wat vir vet pret skaars ’n uur buite die stad vir jou en ’n paar pêlle sal sorg. Dis “net” ’n graad 2- tot 3-roete, maar teen die einde van die Wes-Kaap se kurkdroë somer is Buffelsfontein…

Naaste dorp: Redelinghuys GPS: S32.556667 E27.980113 Hoe lyk die roete? ’n Mooi roete van sowat 18 km deur die Sandveld, meestal op sand met ’n paar kliphindernisse. Die hindernisse is meestal nie baie tegnies nie, maar daar is wel ’n paar goeie uitdagings. Die roete word slegs onder begeleiding aangebied. Het ek ’n 4x4 nodig? Ja, met laestrek, maar dit hoef nie meer as dít gemodifiseer te wees nie. Waar kan ek bly? Hier is ’n netjiese kamp terrein, asook selfsorgeenhede. Wat kan ons nog doen? Jy kan ’n uitda gende staproete van 4 5 uur aanpak en hier is ’n groot lapa vir ’n groepsbraai, asook ’n swembad. Koste: R250 per voertuig vir die roete. R700 per aand vir ’n selfsorgeenheid en R250 per voertuig en twee mense om…

“Die grootste dinge van die roete wat vir ons uitstaan, is die natuurskoon en die lekker uitdagings wat bestuurders kan hê.” Christi Mouton en sy seun Chrisjan besit en bestuur die plaas Marcuskraal en sy 4x4-roete. Moenie by Marcuskraal-4x4 opdaag met padbande of lae treeplanke nie. Jy sal gou iets beskadig, want dié klipperige bergroete is nie ’n mak een nie. Ons het dit wel met gemak in ’n standaard-Ford Ranger met veelterreinbande voltooi, maar goeie grondvryhoogte en laestrek is ’n moet en ’n agterste ewenaarslot gaan jou baie sukkel spaar. Die roete, net anderkant Citrusdal, is omtrent 24km lank en sal vir vier uur vol goeie tegniese uitdagings sorg, waar jy jou ryvernuf mooi tussen die klippe sal moet ken. Die roete wikkel homself in ’n sirkel om die plaas…

Naaste dorp: Kaapstad GPS: S33.898867 E18.781717 Hoe lyk die roetes? Welgelegen is ’n sirkelroete. Daar is ’n groot verskeidenheid hindernisse vir enigiets van ’n standard 4x4 tot ’n hoogs gemodifiseerde Jeep Wrangler. Die hindernisse lê rondom ’n groot kop en sluit dus heelwat bulte en kliphellings in, maar ook erosieslote en ’n mooi grondpad na ’n uitkykpunt met niks meer as ’n steil bult of twee nie. Het ek ’n 4x4 nodig? Jy sal heelparty van die bulte en slote met ’n gewone 4x4 met ’n ewenaarslot kan baasraak, maar sommige van die hindernisse is uitsluitlik vir “speel voertuie” met baie groot bande en spesiale vering bedoel. Wees versigtig as jy treeplanke het. Hulle sal skade tussen die klippe opdoen en kan jou dus verhoed om al die hindernisse te…

Hoe belangrik is dit om die buitetemperatuur in ag te neem wanneer jy jou bande se druk meet, veral aan die uiterste kante van die spektrum? “Saamgeperste lug bevat waterdampe. Dit het daarom ’n groter variasie in lugdruk danksy die toename in volume wanneer die temperatuur styg. Daarom word dit aanbeveel dat jy jou banddruk neem wanneer dit nog koud is, voordat dit beïnvloed kan word deur verhitting deur die son en hitte wat gegenereer word deur die wrywing van die pad. Dit raak nóg belangriker teen hoë banddrukvlakke. Dis daarom dat vervaardigers ’n maksimum banddruk op die sywand van die band aanbring, en dit moet nooit oorskry word nie.” Hoe gebeur dit dat bande vanself lugdruk verloor en hoe gereeld moet ’n mens jou voertuie se banddruk nagaan? “Bande…

Dis skemer en ons ry ’n laaste draaitjie voor die Krokodilbrug-ruskamp se hek sluit. Ons kyk vir oulaas na ’n trop olifante, maar net voordat ons weer kan wegtrek, kom ’n wit Toyota Prado aangejaag. Dis net flitsende ligte en toeters wat blêr. ’n Jong knaap hang halflyf by die venster uit en roep luidkeels “Oom! Oom!” terwyl hy met sy arm waai. “Ekskuus dat ek so skreeu, Oom, maar ek het ’n pap wiel.”Voor ek kan antwoord, kom ’n opgewonde vrouestem uit sy motor: “Dis ’n cool kar dié, jy sien sommer op die dash watter band is pap!” So groet ek toe maar weer waarna die kêrel sy dilemma aan my verduidelik. Die Prado het blykbaar laat weet hulle het ’n pap wiel terwyl hulle ’n trop olifante…