Weg!的October 2017目录

Boeremeisies vat ook soms ’n blaaskans Ek is n dosent by die Grootfontein-landboukollege op Middelburg in die Oos-Kaap en ook ’n fotograaf. Ek was saam met Toast Coetzer en Sam Reinders op een van Weg se fotoslypskole. Die vrouestudente breek ook soms “weg” van die akademie en sport en maak dan ’n spesiale tydjie om saam hulle gunsteling-tydskrifte in die Karoolug te lees. Boeremeisies se lewe begin mos waar die teerpad eindig en hulle maak reeds planne vir hulle volgende wegbreek! Agter van links sit: Pink (Carli Kotze), Kardoes (Annerie van Schalkwyk), Blommie (Nanette van Staden), Flokkie (Chené de Swardt), Muskiet (Nicole Thirion), Pikkewyn (Jo-Lise Vermaak) en Bessie (Marine Lourens). Links staan Volksie (Marelize Bezuidenhout) en regs Meerkat (Tanya Hechter), Dipsy (Annique Visser) en Dassie (Kristen Opperman). Voor sit Stokkies…

Die Robberg-skiereiland steek ’n toon in die Indiese Oseaan net suid van Plettenbergbaai – net daar waar branders teen ’n muur van rots en fynbos breek. Die grootste deel van die skiereiland is ’n natuurreservaat en dis een van die beste voetslaanplekke in die Tuinroete. ’n Instagram-naweek is aangebied om die dorp te vier. Vir hierdie foto het Gavin douvoordag na Die Eiland gestap – dis omtrent halfpad na die punt van die skiereiland – en gewag totdat die son opkom. Sy foto is 2 507 keer op Instagram ge-like!…

Van waar die liefde vir die buitelewe? My ma was ’n ywerige stapper en het my dikwels oor naweke saamgesleep berge toe. As ’n mens ure deurbring op rotswande of tussen fynbos in die Wes-Kaap, is dit byna onmoontlik om nie passievol te voel oor die omgewing nie. Ná skool het ek deur Afrika gereis van Kaapstad tot in Londen, deur 17 lande – en ek het wonderlike natuurervarings gehad. Die hoogland in Ethiopië was ’n hoogtepunt: Die berge, die mense en die gelada-bobbejane was iets om te aanskou. Hoe het Greenpop ontstaan? Ek en ’n span rolprentmakers het regoor die wêreld gevlieg om ’n sokkerdokumentêr vir Volkswagen te maak. Ons het sowat 360 000 km gevlieg tussen 12 lande op 4 vastelande, en wou iets doen om dié koolstofvoetspoor…

‘Wakker word!” roep Philip Gumede, die assistentstaptoerveldwagter, buite die tent. Dis 5.30 vm.in die Kruger, maar ek is lankal wakker. ’n Skopsuiltjie se padda-agtige “prrup” en die ge-tjie-tjie-tjie van blouapies weerklink al van donkeroggend af deur die boskamp. En ’n leeu het gebrul. Dit het naby geklink. Té naby na my sin. Een vir een kom die stappers uit hulle tente en mik vir die boskamp se “eetkamer”. Ná ’n vinnige koffie en koekie staan Adri Visser, ’n fisioterapeut van Somerset-Wes, Gert en Estelle van Dyk, boere van Napier, Anelenie en Albert Smit, pensioentrekkers van Pretoria en Charlotte en Richard Mayne, twee Ierse toeriste, reg by die hek van die boskamp. Ons het gistermiddag aangemeld by die Satara-ruskamp vir die drie dae lange Mathikithi-wildernisstaproete, die jongste een in die wildtuin…

DIE TOERPRYS SLUIT IN • ’n Toerleier en veldgids • Alle verblyf • Alle parktariewe • Drie heerlike etes per dag • Beddegoed en handdoeke • Tweerigtingradio’s WAARVOOR SORG EK? • ’n 4x2 met goeie grondvryhoogte en ’n ewenaarslot is piekfyn, asook ’n sportnutsvoertuig met ’n viertrekstelsel • Brandstof • Drankies en snoepgoed • Persoonlike toerusting TOERINLIGTING Datums 10-16 Maart 2018 Hoe lank is die toer? 7 dae, 6 nagte. Van waar vertrek die toer? Rhodes, Oos-Kaap. Eindpunt Lusikisiki, Oos-Kaap. Waar slaap ons? Beach-lodge-en-gastehuis. Prys R12 950 p.p. (30% ekstra vir enkelbesprekings) DIE TOER IN ’N NEUTEDOP Dag 1 Ons kry mekaar laatmiddag by die Walkerbouts Inn op Rhodes. Dag 2 Ons verken die valleie in die omgewing en ry ook verby die Tiffindell-ski-oord. Dag 3 Ons mik na die Wildekus, en…

Die 27 km lange Swartbergpas tussen Oudtshoorn en Prins Albert is een van die indrukwekkendste stukke bouwerk ter wêreld: Dis is ’n grondpad wat 1 583 m bo seespieël sigsag met van die mooiste uitsigte om elke haarnaalddraai. Dié pas is die werk van die meesterpadbouer Thomas Bain, wat ook Meiringspoort en talle ander passe in Suid-Afrika gebou het. Dis in 1888 voltooi, en van die handgepakte klipmuurstene is steeds in plek. Die Swartbergpas is ’n nasionale gedenkwaardigheid en dele van die omringende bergreeks ’n Unesco-Wêrelderfenisterrein. Op 9 April vanjaar het ’n fratsvloed ’n deel van die pas aan die Prins Albert-kant weggespoel. Dit sal maande – dalk jare – neem om te herbou aangesien die pas aan Unesco-standaarde sal moet voldoen om Bain se styl na te volg. Hopelik…

SHAKABARKER-FIETSTOER, ST. LUCIA Muishonde skarrel bos-in langs die pad terwyl ons deur St. Lucia se lowergroen woonbuurte trap. Siyabonga Dube, ons gids, trek af onder ’n yslike blinkblaarwag-’n-bietjie en spits sy ore vir voëlgeluide. In die Kaap is jy gelukkig as jy iets anders as ’n hadida of duif hoor. Hier baljaar loeries en neushoringvoëls sommer in tuine. Voordat ons weer in die pad val, vertel Siyabonga ons ’n paar stories oor die Zoeloekultuur: Blykbaar glo Zoeloes die geeste van die oorledenes bly in die blare en takke van die blinkblaar-wag-’n-bietjie. As iemand ’n spesifieke oorledene in die vorm van ’n tak wil vervoer, moet hulle vir ’n ekstra sitplek in ’n taxi betaal! Ons trap ’n groot lus deur die woonbuurte, al langs die monding en af na die…

Dié een gaan nie wegkom nie! Ons was onlangs vir die tweede keer in die Pilanesberg- nasionale park. Ons het by die Mankwedam gaan sit om voëls af te neem. Hierdie was die eerste keer dat ek gesien het hoe ’n bontvisvanger sy prooi verloor én hom weer vang. Die foto is geneem met ’n Canon EOS 7D Mk. II met ’n sluiterspoed van 1/6 400ste van ’n sekonde. Dit wys jou net hoe blitsvinnig hierdie voëls werklik is! SKRYF AAN ONS EN WEN! Nick wen ’n Jolly Trolly ter waarde van R2 500. Dié trollie is taai, weeg net 12 kg en kan tot 65 kg dra. Die sterk seilmateriaal kan maklik afgehaal word om te was. Vou dit op en neem dit saam as julle gaan kamp, markie…

Jy hoor hulle nog voordat jy hulle sien, en wanneer jy hulle sien, is dit onmoontlik om weg te kyk. Ek staan sowat 5m bo die grond op ’n houtstellasie. Die geruis begin tussen die digte moerasvybome wat die rivieroewer byna verdring. Tussen die bome – hierdie soort woud word ’n mushituwoud genoem – vlieg groot vlermuise. Vir eers net honderde, en hulle vlieg net kort entjies, asof hulle litte losmaak. Maar terwyl die son sak en die tropiese hitte in die mushitu wegsypel, is dit asof hulle meer energiek raak. Hulle begin saamswerm en mekaar opsweep. Die geraas raak harder: ’n Kombinasie van klappende vlerke en fluisterende vlermuistonge. Gou word dit ’n skellerige gepittel, dan ’n ruisende gekwetter. ’n See van vlerke wat vorm aanneem. Al meer vlermuise tuimel…

SOPHIE’S BISTRO, MBOMBELA Dis byna ’n sonde om deur Mbombela (voorheen Nelspruit) te ry en nié by Hall’s se Padstal te stop nie – dis immers hier sedert die jare vyftig. Deesdae is hier ook die Fever Treekwekery, ’n winkel met perdegerei, en ’n nuwe eetplek, Sophie’s Bistro. Dis hier by Sophie’s waar jy jou maklik kan voorstel jy’s in Mosambiek en het op die een of ander manier die grenspos-ergernis vrygespring. Sowat 20 jaar lank het Dries en Elize van Rooyen verskeie eetplekke in Maputo en omstreke bedryf. Nou is hulle diékant van die Lebomboberg met hulle kenmerkende periperi-sous, waarin jy as voorgereg jou pão (Portugese broodjie) kan doop terwyl jy wag vir jou moelas (hoendermagies, R50) of Portugese hoenderlewer (R55). ’n Mens wil nie eintlik oor die garnale…

Port Elizabeth se ou sakekern lyk deesdae gans anders uit die Donkin-vuurtoring. Heelwat van die swierige ou geboue is gesloop, maar ’n goeie klompie het behoue gebly. Die Stadsaal (1) op die markplein (nou die Vuyisile Mini-plein) is in 1861 geopen. Dit het in 1977 afgebrand, maar restourasiewerk het die gebou tot sy eertydse glorie herstel; deesdae huisves dit munisipale kantore en die openbare biblioteek. Die hoofbiblioteek (2) was vroeër jare ’n losstaande gebou op die plein. Dié is in 1902 met ’n terracotta-fasade versier wat in Engeland gebou, in stukke verskeep en hier weer aanmekaargesit is. Neffens die stadsaal staan die ou Phoenix-hotel (3), geopen in 1837 en genoem na ’n stoomskip wat tussen PE en Kaapstad gevaar het. ’n 1849-advertensie spog dat die Phoenix “a first rate billiard…

PIET VAN STAADEN van Welgelegen skryf: Ek het dié diertjie afgeneem in die Mapungubwe- nasionale park. Nadat ek ’n paar bronne geraadpleeg het, dink ek dis ’n boomdassie. Maar volgens my verwysings kom hulle nie in daardie omgewing voor nie. Kan iemand help? LETSIE COETZEE van die Mapungubwenasionale park antwoord: Dankie vir die mooi foto, Piet. Dit is wel ’n geelkoldassie en nie ’n boomdassie nie. Dié spesie het groot individuele kleurverskille. En daar is drie breë kleurvorme vir die verskillende streke waarin hulle voorkom. Die grys voorkoms met wit maag – soos op die foto – is byvoorbeeld meer kenmerkend van die “Zimbabwe”-kleurvorm. Die wit kolle bo die oë is ook ’n kenmerk van die geelkoldassie, maar nie van die klip- of boomdassie nie. ’n Boomdassie het ’n wit…

Daar is geen tekort aan oulike aftrekplekke op die R60-pad tussen Swellendam en Worcester nie, maar draai tog af wanneer dié vrolike groen-en-geel sinkpadstal jou net duskant Ashton nader wink – jy sal nie spyt wees nie. Mosaïektrappies lei jou na ’n kuierstoep en groen grasperk waar jy vir ’n oomblik kan asem skep en vergeet van padvarke en slaggate. Sit op die rusbank op die stoep of by ’n piekniektafel op die gras en tuur oor die Langeberg in die verte terwyl jy wag vir jou Oreo-melkskommel (R35). Die padstalkombuis maak heerlike ligte etes soos ’n geroosterde toebroodjie met spek, eier en kaas (R40) of quiche met slaai (R35). Loer na die swartbord op die stoep vir die spyskaart – jy kan ook ’n wegneemete bestel. As die kinders…

‘Ek kan dink dat ’n siek man uit die Stille Oseaan opsien na ballingskap in die Arktiese Sirkel.’ Ons is op die oopsee iewers suid van Groenland. Wit branders breek oor die boeg. Die jag sidder soos wat energie vrygelaat word deur die ongenaakbare Noord-Atlantiese Oseaan. Die son skyn en die lug is blou, maar niemand waag dit op die dek nie. Op die brug is kaptein Dalby en sy offisiere besig om somme te maak. Ons het reeds ’n ompad van 200 seemyl voltooi. Die see woed reeds dae lank. Die oorvaart – wat in Reykjavík begin het – neem langer as beplan. Ons steek die Noord-Atlantiese Oseaan oor, verby Groenland na die Kanadese Poolsirkel. Die plan was om vlak teen Kaap Vaarwel, die suidpunt van Groenland, verby te…

Afrika is nie vir sissies nie. Cowboy country. Wat nie doodmaak nie, maak sterk... Dié sêgoed draal deur my kop terwyl ek en my toermaats uitkyk oor die Indiese Oseaan iewers op ’n afgeleë kol langs die Wildekus. Links van ons strek groen kusveld van die Transkei so ver soos die oog kan sien – sonder ’n mens in sig. Regs van ons kom ’n verdwaalde bees eensaam oor die rotse aangesukkel. Voor ons gaap die bek van ’n mensgemaakte tonnel wat onder die rotse in verdwyn. Geroeste brokstukke van ’n stokou stoomenjin lê rondom gestrooi. Onstuimige branders slaan teen die rotse asof dit met die klip baklei. En doer agter die branders lê die wrak (en volgens oorlewering allerhande skatte) van die Grosvenor – ’n Britse vragskip – wat…

MYLES SHARP @myles_greggo_sharp Nikon D3200 Sigma 70-300 mm-lens MYLES VERTEL: Vroeër die jaar, sowat ’n week ná die Knysna-brande, was ek en my pa teen sonsondergang op die Knysnakoppe toe ons ’n helikopter hoor aankom. Ek het my zoemlens aangesit en dadelik begin skiet. Die geluk was aan my kant – ek was op die regte tyd op die regte plek. TOAST SÊ: Myles is net 16 jaar oud, maar het duidelik ’n oog vir ’n sterk foto – gaan loer gerus op sy Instagram-profiel na nog puik foto’s elders in Suid-Afrika. Daar was nog net-net genoeg lig in die dag vir hierdie foto. ’n Halfuur later sou dit te donker gewees het, want dan sou Myles nie ’n vinnig genoeg sluiterspoed kon gebruik om die haastige helikopter in vlug…

Karoopasse en -poorte Dié toer behels ’n kombinasie van die Swartbergpas, Red Stone Hills, Meiringspoort, Herold, Montagupas. Dit sluit uitstappies soos wyn- en olyfproe, ’n watervalbesoek en swemkans in. TOERINLIGTING  Datums 7-11 September 2017; 9-13 November 2017 Hoe lank is die toer? 5 dae, 4 nagte Gemiddelde daaglikse afstande 30-50 km Vertrekpunt Queen’s Hotel, Oudtshoorn Blyplek Hotelle, gastehuise en kampterreine Tariewe R8 495 p.p. wat deel; R4 250 per kind jonger as 12 wat deel; R10 995 per enkelreisiger Tuinroete Die roete loop onder meer verby die Homtinien Gounapas, Kom-se-Pad, die Knysnawoud, Diepwalle, die Bloukranspas, Nature’s Valley, en al die pad tot by Tsitsikamma. Die toer sluit ook uitstappies soos wynproe, piekniekmiddagetes en ’n private toer van ’n mikrobierbrouery in. TOERINLIGTING  Datums 12-16 September 2017; 14-18 November 2017 Hoe lank…

Hoe werk dit? Dit is ’n ordentlike slenterstap oor vyf dae en vier nagte saam met kundige gidse. Die stapgroepe is klein – nie meer as 14 mense nie. Jy bring net jou klere, stapskoene en -stok, kamera, verkyker en dagsak. Ons sorg vir die res: verblyf, alle etes, toegangstariewe vir die natuurreservate en vervoer tussen die verskillende staproetes. As jy tot op Plettenbergbaai vlieg (Cem Air het daagliks direkte vlugte uit Johannesburg en Kaapstad) pik ons jou by die lughawe op. Kies tussen twee verblyfopsies: 1 LUUKSE KAMP Ons slaan twee aande in die Diepwallewoud kamp op en twee aande langs die Keurboomsrivier. Ons sorg vir luukse tente, beddens, linne en handdoeke, en daar is ablusiegeriewe by elke kampterrein. Koste R8 950 p.p. wat deel (enkelreisigers betaal R11 635…

Die fotojoernalis Willem van der Berg het vroeër vanjaar die Pilanesberg- nasionale park besoek. Sy grootste wens was om ’n mooi foto van ’n luiperd te neem. En drie dae lank het hy vergeefs rondgery. Een middag beduie ’n toeris in ’n karretjie vir hom hy moet stilhou en beduie Willem in die rigting van klipperige rantjies. ’n Luiperd het pas oor die pad gehardloop en in dié einste rantjies weggeraak. Willem het sowat 45 minute geduldig gewag voordat die luiperd van onder ’n bos uit verskyn en bo-op ’n groot klip gaan staan. Die kolkat het vlugtig in sy rigting geloer en verdwyn – soos ’n skim.…