Weg!的August 2017目录

Elke maand se Weg-stories kronkel soos wandelpaaie deur ons grootse landskap en partykeer – per toeval – ontmoet hulle mekaar by ’n onverwagte plek voordat hulle weer elkeen sy rigting inslaan. Baiekeer neem ’n mens skaars kennis van die toevallige kennismaking. In Weg #152 verskyn ’n kleinbyvreter voor in die boek en 50 bladsye later fladder daar wrintiewaar weer een, nee twee, kleinbyvreters in die fotoportefeulje! Die kleinbyvreter is ’n mooi voëltjie en seker geregtig op 15 minute van roem nes die meer flambojante visarend, maar die feit dat drie byvreters in een uitgawe verskyn, gaan grootliks ongemerk verby. Maar daar is ’n toeval waarby jy wil talm, asof jy ’n gedenkteken by die ontmoeting van twee stories wil oprig omdat dit iets binne-in jou roer. Dit was vandeesmaand die…

Waarom is gedenkplekke belangrik? Die grafte en standbeelde van spesifieke individue herinner ons aan mense uit die verlede met wie ons dalk ’n emosionele of biologiese verbintenis het. Monumente kan ‘n mens opnuut laat besin oor jou identiteit. Waar het jou belangstelling in gedenkplekke ontstaan? Ek was van kleins af en is steeds geïnteresseerd in geskiedenis – nie net Suid-Afrikaanse geskiedenis nie, maar alle geskiedenis. Van my oudste herinneringe was toe ek nog ’n kleuter was en saam met my gesin die Vrouemonument in Bloemfontein besoek het. Jou boek gaan oor vele reise oor jare heen. Sou ’n landsreis na gedenkplekke werk? Absoluut, maar dit sal vanweë die grootte van ons land heelwat ryery behels. Begin in Kaapstad en ry dan na Stellenbosch, Swellendam, Mosselbaai, Port Elizabeth, Grahamstad, Cradock, Graaff-Reinet,…

Jan en Marie Schreuder, Hermanus “Sedert die laat jare tagtig was ek al 21 keer in Namibië, meestal om te gaan visvang by Henties rond. Marie was al ’n slag saam op ’n treintoer ook, maar op hierdie Kaokolandtoer kon ons saam die diversiteit van die landskap waardeer. “Ons het nooit besef hoeveel water in die Kunenerivier af vloei nie, en was verstom deur die grootte van die bome. Ook die Epupawaterval is enige dag so indrukwekkend soos die Victoriawaterval.” Sybil Smit, Kuilsrivier “Ek bestuur graag self, maar vir die Kaokoveld se paaie is my kar te lig. Ek moes dus ’n ander plan maak, en gelukkig kon ek in een van Rey-hulle se bakkies saamry. Dit was veral lekker om in hierdie harde wêreld alle besluite en voorbereiding oor…

Romerige pastagebak Vir 6 Voorbereityd 5 minute Gaarmaaktyd 1 uur Die toetsspan was gaande oor hierdie gereg – ons het letterlik oor die laaste bakkie baklei. Jy kan enige maalvleis gebruik en dit na smaak geur. Jy benodig Só maak jy 1 Verhit die olie en braai die ui daarin tot sag en geurig. Voeg die maalvleis saam met die knoffel by die pan. Roerbraai vir 5 minute – gebruik ’n lepel om die vleis te breek. Geur na smaak met sout, swartpeper en rissievlokkies. 2 Voeg die passata by en laat vir 10 minute prut. Voeg dan die room by. 3 Verhit die oond tot 180 ºC. Kook intussen die pasta volgens die instruksies op die pakkie…

LITTLE HOTTIES-VOETVERWARMERS Sodra jy die plastieklaag aftrek, ontstaan ’n chemiese reaksie wat hierdie kussinkies heerlik warm maak. Trek jou sokkies aan en plak die plakkers op die sole – jou tone sal vir vyf uur dankbaar wees. R40 by Outdoor Warehouse (ook beskikbaar vir hande) NOODKOMBERS ’n Noodkombers is in waarskynlik elke ultramarathonatleet se rugsak te vind, want hy weeg feitlik niks nie. Hy neem minder plek as ’n sakdoek in beslag, maar tog kan dit keer dat jy in ysige weer verkluim. R18 by Clicks FIRST ASCENT ICE BREAKER-SLAAPSAK Hierdie slaapsak sal jou lewend hou in -18 °C (en gemaklik in -3 °C). Die kappie het ’n koord sodat jy dit styf om jou kop kan trek. Daar is ook ’n sakkie aan die binnekant vir ’n selfoon en…

Dis moeilik om te glo die Land Rover Discovery is al 28 jaar met ons. Hy was ’n aardigheid toe hy in 1989 bekend gestel is. Hier was ’n ryding wat luukser was as die Land Rover (wat die maatskappy na die Defender moes herdoop), maar heelwat meer bekostigbaar as die luukse en veel duurder Range Rover. Sedertdien het die maatskappy met meer modelle vorendag gekom as ’n weergawe van Vogue, wat gelei het tot rygoed soos die Freelander, Range Rover Sport, Range Rover Evoque en die Discovery Sport. Laasgenoemde – wat ’n jaar of drie gelede bekend gestel is – se ontwerptaal sal dadelik in die nuwe Discovery herken word. Maar dis omtrent waar dit ophou. Want waar die Discovery Sport eintlik maar die plaasvervanger vir die Freelander is,…

‘Fraserburg was on the road to nowhere, and for that reason it missed – or escaped – various forms of excitement.” Só haal die skrywer Lawrence Green ’n inwoner van dié dorpie aan in sy boek Karoo (1955). Meer as ses dekades later geld hierdie woorde steeds. Fraserburg bly een van die Karoo se mees outentieke dorpe: Die kerktoring troon hoog bo al die ander geboue uit en die enkele breë strate het meestal ou Victoriaanse wonings, sandsteenhuise en selfs ’n paar tipiese platdak-Karoohuise. Hier is twee algemene handelaars en ’n paar kafees, en behalwe Pep is hier nie juis kettingwinkels nie. Die dorp het een bank en geen prokureur nie, en ’n dokter van Williston kom lê elke tweede week besoek af. Iets eie aan die dorp is die…

Hierdie is daai foto wat enigiemand wat in Afrika reis, in sy album wil hê. Toast Coetzer, Weg se reisredakteur, gaan draai gereeld in Botswana en die Caprivi – hy lei fotosafari’s saam met Mpafa (sien bl. 56) – en dié keer was hy op ’n sonsondergangvaart op die Okavangorivier, naby Ngepi Camp. As jy al ooit op so ’n vaart op ’n wilde Afrika-rivier was, weet jy hoe sake verloop: In die verte sak die son sak stadig en wankelrig af na ’n plat horison; dit word geleidelik minder rond namate die stowwerige atmosfeer dit insluk. In die riete daar naby het ’n paar bosluisvoëls begin regmaak vir die nag. Ook wewers, saam met ’n laaste paar duikers wat laag oor die water huis toe gevlieg het.…

Reën het altyd die grootste sê in die Kalahari. Dis soos krieket: Jou kanse om die laaste paaltjie te sien val raak skraler as die wolke begin saampak, en daar is nie veel wat jy daaraan kan doen nie. Ek het ’n lang lys saamgestel van blyplekke waar ek graag wou inloer, maar in die week voor my vertrek het die weervoorspelling duidelik gewys die Kalahari het ander planne gemaak: Daar was gróót reën op pad. Dis ’n sonde om te kla oor reën in die Kalahari – veral in ’n droogte – maar dié groentjiefotograaf se moed was in haar skoene. Foto’s neem is moeilik genoeg, maar foto’s neem as dit die hele tyd stortreën? Onmoontlik. Ek was skaars deur Upington toe tref die eerste druppels my voorruit. By…

Konyne is maar net ’n ander naam vir hase, of hoe? Nee, eintlik is daar duidelike verskille tussen konyne en hase. Hase bly bo die grond terwyl konyne skuiling soek in splete en ander ondergrondse gate. Omdat hase nie skuiling teen roofdiere het nie, moet hulle op spoed staatmaak. Daarom het hulle lang agterbene waarmee hulle vinnig kan weghardloop van enige bedreiging af. Konyne se bene is heelwat korter, wat help wanneer hulle by die smal tonnel van ’n gat wil afhardloop. Hase se ore is ook langer (soos die kolhaas op die foto hierbo s’n) en dié diere is minder sosiaal as konyne. Hase maak nie ’n nes of lêplek nie en kry hulle kleintjies bo die grond. Dié kleintjies is met geboorte heeltemal met pels bedek en het…

ANDRÉ DU PLESSIS @andredup_photographer Canon EOS 7D Canon 70-200 mm-lens ANDRÉ VERTEL: Ons was een Desember op die Choberivier in Botswana. Dit was net ek en my vrou op ’n bespreekte bootrit. Ek wou al lankal ’n nabyskoot van ’n visarend neem. Met ons naderkom het die arend besluit om te vlieg, maar ek was gelukkig om steeds dié aksiefoto te kry. TOAST SÊ: Op die Choberivier is visarende so algemeen soos kiewiete op die dorp se rugbyveld – daarom is dit een van die beste plekke vir aksiefoto’s van hierdie ikoniese Afrika-arende. André se vinnige sluiterspoed van 1/3 200 sek. is wat jy nodig het vir ’n vlymskerp aksieskoot. Sy f-stop was net f2.8, wat beteken dat sy velddiepte baie vlak kon wees – die agtergrond is dus uit…

Trooskos en ’n bottel goeie rooiwyn is die beste bestanddele vir ’n winteraand tuis. Sit nog ’n paar vriende en bordspeletjies daarby en ek twyfel of ek ooit my neus by die deur sal uitsteek! Vandeesmaand kyk ons na drie cabernet sauvignons van regoor die prysspektrum om saam met Aletta se smaaklike pasta te geniet. Hopelik kry jy die regte kombinasie – een wat jou pasta én jou sak pas! Ons begin met die duurste wyn – hoewel R128 eintlik ’n baie redelike prys vir rooiwyn van dié gehalte is... Die Kleine Zalze Vineyard Selection 2015 Cabernet Sauvignon is sag en ryp, met heelwat fluweelsagte tannien wat die wyn ruggraat gee. Dit sal die beste werk saam met ’n vleispasta – die suurheid sal deur ’n ryk sous sny en…

Waar kom jou groot liefde vir die buitelewe vandaan? Ek het in Australië grootgeword, waar die meeste kinders buite speel in vars lug. Ek het my somervakansies by die strand deurgebring. Om in so ’n omgewing groot te word – nes in Suid-Afrika, raai ek – gee ’n mens ’n gesonde liefde en waardering vir die omgewing. Jy leer gou dat “huis” nie net die vier mure van ’n gebou is nie, maar alles wat in jou onmiddellike omgewing bestaan. Het jy nog jou lewe lank omgegee oor bewaringskwessies? Ja, vir so lank as wat ek kan onthou. Toe ek ’n prokureur geword het, was ek – al het ek nie in dié rigting gewerk nie – besorg oor goed soos ontbossing. Ek kon nie verstaan hoekom ons woude verwoes…

Vanmôre groet Namibië ons swierig met die eerste sonstrale wat die wolke bo die kranse aan die oorkant van die Oranjerivier oranje verf. Dit lyk amper soos die noorderligte – die auroras. Maar ons is net hier by Noordoewer, die grenspos wat jou inlaat Namibië toe as jy van die Kaap se kant af reis. ’n Reënboog dans die prentjie binne, en almal haal selfone uit en begin foto’s neem. Ek is hier saam met Rey Janse van Rensburg, ’n bekende 4x4-gids van Springbok. Rey reël een keer per jaar ’n toer na die Kaokoveld en het my genooi – vir die volgende 15 dae sit ek links voor saam in sy Cruiser. Die plan lyk só: Eers haas ons met die hoofweë noorde toe, na die Kunene, dan raak…

Berge in die see Kaapstad Digte mis vou soos ’n kombers om Seepunt en Vlaeberg. Dié mis is adveksiemis, wat vorm wanneer warm, klam lug oor die yskoue Atlantiese Oseaan beweeg. HOE? Nikon D4; 28-300 mm-lens; sluiterspoed 1/400ste van ’n sekonde; lensopening f11; ISO 200. Maalstroom Milnerton ’n Groepie branderplankryers word verdwerg langs ’n trekstroom naby Woodbridge Island, Milnerton. Branderplankryers gebruik só ’n stroom om weer agter die branders te kom. Kyk mooi, swemmers: Die stroom raak uiteindelik minder sterk. As jy in een vasgevang word, moenie teen die stroom baklei nie – ry saam totdat jy aan die kant kan uitswem – en swem dán eers terug kus toe. HOE? Nikon D4; 28-300 mm-lens; sluiterspoed 1/1 600ste van ’n sekonde; lensopening f9; ISO 1000. Strandlint Tafelberg- nasionale park Strome…

VIR VROUE 1 FIRST ASCENT ESSENCE-OORTREKTRUI ’n Aangename eienskap van mikropluisstof is dat dit sag genoeg is om direk op jou vel te dra. Die termodinamiese materiaal laat sweet verdamp, maar hou jou liggaamshitte binne. ’n Pluspunt is die skelhelder pienk! R400 by Outdoor Warehouse en firstascent.co.za 2 K-WAY WILLOW-PLUISSTOFBAADJIE Die hoë kraag en trekkoord sal kil wind van jou nek afhou terwyl die opgestopte bors- en skouerpanele ’n ekstra laag isolasie bied. Die baadjie se vleiende snit volg die kurwes van jou bolyf. R1000 by Cape Union Mart 3 K-WAY ELSA-DONSBAADJIE Hierdie wind- en waterbestande baadjie is gevul met egte gansdons sodat jy knus sal bly selfs al val sneeuvlokkies rondom jou. Dit weeg verbasend min en vou redelik klein op. Daar is twee buitesakke en een…

As jy lief is vir Namibië, ken jy waarskynlik die gewilde bewaringsreeks Groen op kykNET. Groen is van Julie af terug op die lug vir seisoen 3, en die reeks se borg, Windhoek Lager, het ons genooi om by die aanbieders op hulle wildreservaat N/a’an ku sê, net buite Windhoek, te gaan inloer. Oor middagete by die lodge vertel die twee aanbieders, dr. Rudie en Marlice van Vuuren, dat seisoen 3 van Groen vir die eerste keer ook in Suid-Afrika verfilm is. Die span moet byvoorbeeld in een van die episodes leeus by Buffelsdrift naby Oudtshoorn bevry, en draai ook by die Drakensteinpark buite die Paarl. Die reeks word gelyktydig in Afrikaans en Engels geskiet. Elke toneel word eers in die een taal geskiet, en dan word alles in die…

1 Augrabies- nasionale park Die Augrabies- nasionale park is soos ’n verrassingspakkie. Van ver af lyk die granietlandskap dor en leeg, maar sodra jy dit van nader bekyk, sien jy dit wemel van lewe rondom jou: Dassies en akkedisse bak in die son, bleekvlerkspreeus wip blinkoog nader wanneer die kelner jou bordjie tjips voor jou neersit in die restaurant, en die Oranjerivier bulder in die kloof af – en val 56 m! Volgens oorlewering is die kolkgat onder die waterval die tuiste van reuse-babers en genoeg spoeldiamante om jou skatryk te laat. Die selfsorghuisies is stapafstand van die waterval af en die plankiespaaie vat jou na ses platforms wat oor die ravyn uitkyk (van die roetes is rolstoelvriendelik). As jy hier bly of as dagbesoeker aandete by die Quiver Tree-restaurant…

Adam Tas is in 1668 in Amsterdam gebore en het as ’n 29-jarige Vryburger na die Kaap gekom. Hy word ’n sekretaris op sy oom Henning Hüsing se plaas Meerlust ’n ent buite Stellenbosch. Teen dié tyd was daar al sowat 100 plasies in dié distrik. Een hiervan was Libertas, ’n stuk grond van 44 morg (37 hektaar) aan die voet van die Papegaaiberg, wat eers aan Jan Cornelisz (ook bekend as Jan Bombam) behoort het en in 1692 deur Hans Jurgen Grimpe oorgekoop is. Toe Grimpe ’n paar jaar later oorlede is, het Adam Tas met sy weduwee, Elisabeth van Brakel, getrou en sodoende ook die grond bekom. Dit was ’n paar jaar nadat Willem Adriaan van der Stel die goewerneurskap by sy pa, Simon, oorgeneem het – ’n…