Kuier的11 May 2023目录

Sy is daar wanneer jy jou eerste asemteug gee. In die jare wat volg, hou sy jou hand vas op jou lewenspad - deur die storms en die goeie en slegte dae . . . Vir dié wat nog gelukkig genoeg is om hul ma's in hul lewe te hê, is Moedersdag altyd ekstra spesiaal. Dis 'n dag om jou ma te vier, of enigeen wat 'n moederfiguur in jou lewe is, of dit nou 'n ouma of uitkyk-antie is. Ek is deur ’n enkelma grootgemaak. Soms wanneer ek en my man ons hande vol het met ons twee seuntjies, wonder ek altyd: Hoe dóén enkelma’s dit? Hoe maak hulle vrou-alleen‘n kind groot; wat nog te sê van twee, drie of vier kinders? Vir lank is dit doeke, melk, klere,…

Ek onthou uit my kinderdae die muurbehangsel met die woorde: "Wat is 'n huis sonder 'n Moeder?" Dis só waar, want sy is die gom wat haar gesin bymekaar hou. Wanneer sy tot sterwe kom, kan gesinsverbrokkelling plaasvind. Susters en broers kuier nie meer so gereeld by mekaar nie, of verloor selfs kontak. Jesaja 49:15 stel moederskap so mooi: “Kan ’n vrou haar suigeling vergeet, dat sy haar nie ontferm oor die seun van haar skoot nie?” As berader maak ek gereeld kennis met die lief en leed van ma’s oor hul kinders. Daar is ’n spreekwoord wat sê dat wanneer ’n vrou swanger is, trap haar kind in haar skoot, en as hy groot is, trap hy in haar hart (deur verkeerde keuses). Spreuke 6:20 sê:“My seun, verwerp die…

IN DIE NUUS Sy het alles gehad – skoonheid, intelligensie, sjarme, sukses. Toe gee sy dit oënskynlik alles prys, en dít om te vlug saam met een van Suid-Afrika se berugste misdadigers in onlangse jare. Hoe het dr. Nandi, soos Nandipha Magudumana eens bekendgestaan het, die pad só byster geraak? Haar naam is nou vervleg met dié van Thabo Bester, die voortvlugtige verkragter wat onlangs saam met haar (met ’n rits vervalste paspoorte) in Tanzanië vasgetrek is. En terwyl sy voorheen nog kon uithang in Sandton se malls – voor sy met die ontsnapte tronkvoël gevlug het – keer sy nou terug na‘n beskuldigdebank in ’n stampvol hofsaal. Op die foto’s wat onlangs in die hof van haar geneem is, kruip sy onder ’n hoodie weg. Weg is die makeup,…

Vanjaar het haar seerkrykarretjie ná jare se verdwaal en afdraaipaaie in die boendoes uiteindelik by sy regte bestemming aangeland. En net daar klim Lynelle Kenned (34) toe kop omhoog uit by ’n veilige hawe van selfaanvaarding – sonder voorbehoud of sorrie sê. Sy is uiteindelik nou op ’n plek waar sy weer haar outentieke self kan wees, sê dié operasanger, aktrise en TV-aanbieder. Daar waar die liefde altyd sal seëvier. “Ek het bitter hard gewerk om nie bitter te wees nie. Met ’n sin van hoop en openhartigheid en optimisme.” Vandag praat Lynelle openhartig oor die dinge wat jare lank aan haar siel bly knaag het en haar uiteindelik in ’n diep depressie laat verval het sedert haar ma, Christine, op 52-jarige ouderdom dood is in 2015. Daai jaar, kort…

Op sewentig sit Cedwyn Joel heel lekker in sy eie vel. Hy is chilled oor die lewe; daar's nie issues nie. Nes dit seker ook 'n gesoute akteur betaam wat ná byna 40 jaar in die vermaakbedryf die leisels net so effe loslaat. “En ’n bietjie laat slaap!”grinnik hy. Die hele land kom nog tot verhaal nadat “Ruiterbosch”se geliefde apteker en gesinsman, AB Samsodien, sommer netso voor ons oë weggeruk is – die slagoffer van ’n genadelose sluipskutter. Maar selfs al het Cedwyn die Suidooster-span al ’n rukkie gelede verlaat, sit die ganse span (voor én agter die skerms), steeds diep binne-in sy hart vas. “Ek mis hulle almal al klaar, maar ek sal altyd weer gaan inloer om te groet. Ek wil altyd hê elkeen van hulle moet oukei…

Knoppe op tong Vraag WATSE BUMPS IS DIÉ? Ek het bumps/knoppe agter op my tong al vir die afgelope ses maande. Ek was by ’n kliniek-dokter. Ek het Fluconazole en suspension gekry, maar daar’s geen verbetering nie. Ek het dit ge-Google en afgekom op“cobblestone throat”. Help asseblief. EUNICE Antwoord BESTE EUNICE Dis nie ongewoon om bekommerd te wees oor knoppies agter op die tong nie, maar dis gelukkig meestal skadeloos en geneeslik. Baie mense het sigbare of vergrote knoppies op die agterkant van die tong wat skielik opgemerk word, maar altyd daar was. Dit blyk dat die dokter jou behandel het vir ’n swaminfeksie op die tong genaamd orale candida. Dit word meestal gekenmerk deur dik, wit plaak of kolle op die tong en selfs die binnekant van die wange. Dit…

Moenie ’n geliefde wat volgens jou verslaaf is aan werk trompop loop met eise en verwyte nie.“As jy konfronterend is, gaan hulle verdedigend wees, en dit gaan nie help nie,”sê Reinette. Soek eerder ’n compromise ná jy begrip getoon het vir hul siening. “Probeer dan dat hulle na die ander perspektief kyk, soos watter voordele dit inhou as hulle meer by vriende kuier, meer tyd saam met hul kinders deurbring en meer stokperdjies het.” Kies jou woorde versigtig deur byvoorbeeld te sê:“Ek is baie lief vir jou, maar ek is bekommerd oor jou lang werkure en die implikasies daarvan op jou gesondheid en kinders – en ek mis jou.” Probeer ooreenkom op klein veranderings, soos om te vra dat julle saans saam eet, al gaan dinge dol, of dat die…

Jy kan hartseer, alleen en gebroke voel van verdriet wanneer ’n hegte vriendskap eindig. Werk só deur die verlies: 1. Gun jouself al jou emosies Laat jouself toe om jou emosies van onder meer woede, verwarring, frustrasie en hartseer te voel, sê Nicole Sbordone, ’n terapeut en skrywer van die boek Surviving Female Friendships: The Good, The Bad and The Ugly. As jy sukkel om deur jou gevoelens te werk, skryf ’n brief aan jou vriendin. Skeur dit dan op. Só kan jy op ’n eerlike manier jou gevoelens uitdruk sonder om bekommerd te wees dat iemand dit gaan lees. 2. Prioritiseer jouself Wees sag op jouself. Doen dinge wat jou verheug: lees, luister na musiek, mediteer, gaan stap in die natuur – solank dit jou goed laat voel. 3.…

NR. 260 WEN R350 KONTANT! VRAAG: Wat is die naam van die tiende Bybelboek? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 31 Mei 2023. SMS/R1,50. Die oplossing verskyn in die uitgawe van 22 Junie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 31 MEI 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

BEEF Teen dié tyd het jy seker al êrens aanlyn of by iemand van dié nuwe donker komediereeks gehoor. So, waaroor gaan dit? Die 10 episodes draai om die suksesvolle entrepreneur Amy Lau, en Danny Cho, ’n mislukte kontrakteur wat by ’n padwoedevoorval betrokke raak. Dinge ruk later handuit tussen die twee en hul vete ontspoor hul lewens en verhoudings. Die reeks is só goed dat resensente dit 98% op die resensiewebwerf Rotten Tomatoes gee. Die Amerikaanse aktrise Ali Wong (41) is al twee dekades in die vermaakbedryf, maar dis haar spel as Amy in Beef wat mense laat regop sit. Sy was baie opgewonde om teenoor Steven Yeun (39) van die zombie-trefferreeks The Walking Dead te speel, sê Ali.“Ek was ook baie geïntimideerd, want hy is vir ’n Oscar…

Hoe kan 'n man so wreed wees om 'n vrou vir wie hy lief is, só grusaam te vermoor? ("Skokmoord ruk Bonnievale", 13 April 2023.) Hy is selfsugtig en gemeen. Mag hy lewenslank gestraf word. Ons as ouers moet let op hoe ons ons seuns grootmaak; wat ons doen en wat ons praat voor hulle. Strenger strawwe moet in plek gesit word vir genderbased violence. ANONIEM Ek kon nie anders as om bitterlik te huil met die lees van die artikel“Ons is verlore” (27 April 2023) nie. Soveel hartseer het ek lanklaas gevoel. Ek was ook al in ’n ongeluk waar die motor gerol en ek uitgesny moes word. Ek bid vir al die gesinne. Sterkte. DANIE TYAMBETYU AKA se artikel (“Nee, ek’s nié okay”, 27 April 2023) klink hartseer.…

Daar is talle faktore wat moontlik in die Thabo Bester-sage ’n rol kon speel in hoekom ’n intelligente vrou vir ’n misdadiger sou val, sê prof. Dap Louw, buitengewone professor in sielkunde aan die Universiteit van die Vrystaat. Daar is ’n sielkundige verskynsel wat as“folie à deux”bekend staan, sê hy. “Dit is ’n psigiese versteuring, of sielkundige eienskappe, wat gedeel word deur twee of meer persone wat in ’n hegte verhouding is. Dis baie sterker as blote beïnvloeding,”sê hy. “Daar’s gewoonlik een persoon wat dié verskynsel by die ander persoon laat vlam vat. Daar is altyd ’n baie sterk manipulasie van die een [in hierdie geval Thabo] oor die ander.” Louis Awerbuck, ’n kliniese sielkundige van Stellenbosch, sê persoonlikheidsversteurings kan moontlik ook ter sprake wees.‘n Voorbeeld hiervan is afhanklikheid-persoonlikheidseienskappe, sê…

ONTBYT MUESLIBAKKIES Lewer sowat 12 bakkies BESTANDDELE Vulsel METODE Meng die botter en heuning in 'n glasbak en microwave tot gesmelt. Meng die muesli by. Plaas papierbakkies in die holtes van 'n muffinpan. Druk die mueslimengsel vas op die bodem en teen die kante van die bakkies. Verkoel oornag. Vulsel Meng die yoghurt met heuning tot soet na smaak. Skep in die bereide bakkies en skep 'n verskeidenheid vars vrugte bo-op. Verkoel. WENK Dis belangrik om botter te gebruik en nie margarine nie, want die botter stol, so dit sal die mueslimengsel bymekaar hou. MINIFRITTATAS Lewer sowat 6 minifrittatas BESTANDDELE Vlamengsel Salsa METODE Voorverhit die oond tot 180°C. Bespuit 6 langwerpige minitertpannetjies (losboom) goed…

Kry hierdie bestanddele in jou kombuis en gee jou ma se vel die bederf wat dit nodig het. VIR PIGMENTASIE Bestanddele 1eetlepelborrie 1eetlepelsuurlemoensap 1eetlepelheuning waterindiennodig MAAK SÓ Meng alles tot dit ’n pasta vorm. Gebruik ’n skoon makeup-kwas of weggooibare handskoene en sit die masker op ’n skoon vel. Los dit vir 3 minute aan en spoel dan af. VIR PLOOITJIES Bestanddele nhalwe ryp piesang 1eetlepelheuning 1eetlepelgewoneyoghurt nknippie borrie MAAK SÓ Maak die piesang met ’n vurk fyn; voeg die ander bestanddele by en meng. Sit dit met jou vingers aan die gesig en los dit vir 10 minute aan voor jy dit eers met kombuispapier afvee, en dan afspoel.…

Dit kan moeilik wees om eerlik te antwoord. Die Bergen-werkverslawingskaal kan hiermee help. Dit is deur die Noorweegse kliniese sielkundige dr. Cecilie Andreassen geskep ná navorsing onder werkers in dié land. DOEN DIE TOETS SÓ Kyk na elk van die volgende stellings. Gee dit ’n telling van 1 tot 5 om te bepaal of jy‘n werkverslaaf is. As jy op vier of meer van dié stellings 4 of 5 as antwoord gegee het, is jy dalk ’n werkslaaf.…

SOEK DIE VERSKILLE Daar is 10 verskille tussen die twee prente. Soek en omkring dit. REGTE ROETE Kleur elke garedraadjie verder in om te sien waar elke tolletjie opeindig. VIND DIE PAD Hoe gaan jy van die een kant van die doolhof tot by die ander kant uitkom? VIND DIE WAARDES In die prentjies hieronder het elke dier ’n syferwaarde. Kan jy uitreken wat dit is? OPLOSSINGS OP BLADSY 58.…

NR. 287 WEN R350 KONTANT! VRAAG: Wat is die van van die bekendste TV-'huisvrou'van die Wynlande? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 31 Mei 2023. SMS/R1,50. Die oplossing verskyn in die uitgawe van 22 Junie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 31 MEI 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

VOORBLADSTORIE Daar was maar nog altyd‘n onbreekbare koesterband tussen hulle. Gemaklik en openhartig; daar vir mekaar deur dik en dun wanneer die storms van die lewe oor hulle breek. En toe die Expresso-aanbieder en KFM-omroeper Zoë Brown (33) as 19-jarige in Amerika gaan au pair-werk doen, was haar ma, Fredeline (64), knap teenaan. Selfs al wás sy duisende kilometers ver op‘n ander kontinent. Destyds het dié TV- en radio- vrou ‘n gap-jaar gekies voor haar studies en Fredeline se voorwaarde was duidelik: Skype – drie keer per week – sy wil op hoogte bly van alles wat in haar kind se lewe doer ver gebeur. Desjare was dit nogal woes om na drie klein woelwaters onder vier jaar om te sien, vertel Zoë oor die au pair-werk in Amerika. Juis…

WARE LEWENSDRAMA "My kind, ek is jammer ek laat julle nou in die steek,”is al wat Lina Swart (72) sukkelend kon uitkry nadat sy in September 2021 ná ’n ernstige beroerte in die hospitaal se ongevalle-afdeling beland het. En dít sê alles van hierdie matriarg, wat saam met haar man, Piet (76), hul familie oor baie jare heen in ’n beskermingskokon toegevou het, ná vele struikelblokke hulle tot die uiterste toe beproef het. Lina is sedert die beroerte aan ’n rolstoel gekluister. Kort daarna het Piet ook in ’n rolstoel beland toe hy sy een been weens diabetes verloor het. Maar selfs met dié nuwe uitdaging bly hulle blymoedig. En die res van die familie staan hulle by soos wat hierdie ouerpaar húlle nog altyd bygestaan het. Mens luister in…

DIE SOSIALE VLINDER Of sy nou die winkels invaar of ’n glansgeleentheid bywoon, JO-ANN STRAUSS kan altyd deur ’n ring getrek word. Hier wys sy pers en blou is ’n wenkombinasie. Lyk elegant soos dié voormalige Mej. Suid-Afrika vir ’n aandjie uit in ’n high-waisted broek en bloes. Dié ma van vier dra ’n bloes van Democratic Republic met ’n Zara-broek, en rond dit af met Christian Louboutin-hakke en ’n Prada-handsak vir ’n uitstappie na haar gunstelingboetiek, die Something Pretty Boutique, in Kaapstad. DIE AAN-DIE-GANG MA Rokke en tekkies is gemaklik en ’n moet vir enige bedrywige ma wat gereeld op die pad is. Hierdie gemaklike, cool babydollroken-tekkie-kombinasie van die radio- en TV-persoonlikheid ELANA AFRIKA-BREDENKAMP is perfek om die kinders vinnig by die skool te gaan op- of aflaai, of…

KRY DIT HIER BIONIKE en SKIN REPUBLIC by DIS-CHEM: 0860-347-243, of DERMALOGICA by SORBET, POND’S en THE BODY SHOP by CLICKS: 0860-254-257, of KOMBUCHA-JELMASKER by WOOLWORTHS: 0860-022-002, of…

NR. 208 VRAAG: Hy is Brad en Angie se oudste kind. Wie is hy? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 31 Mei 2023. SMS/R1,50. Die oplossing verskyn in die uitgawe 22 Junie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 31 MEI 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. WEN R1 000!…

NR. 142 Alabama Alaska Arizona Arkansas Colorado Connecticut Delaware Florida Georgia Idaho Illinois Indiana Iowa Kaliforni Kansas Kentucky Louisiana Massachusetts Michigan Minnesota Mississippi Missouri Montana Nebraska Nevada NewJersey Nieu-Mexiko NewYork Noord-Carolina Ohio Oklahoma Oregon Pennsilvani Suid-Dakota Tennessee Texas Utah Vermont Washington Wes-Virgini Wisconsin Wyoming OPLOSSING VERSKYN IN DIE UITGAWE VAN 25 MEI 2023. SOEK VIR DIE SPELETJIENOMMER.…

As jy mal was oor die historiese dramareeks Bridgerton sal jy nie dié reeks wil misloop nie. Ons het in 2020 koningin Charlotte (Golda Rosheuvel) as een van die ondersteunende karakters in hierdie stomende reeks leer ken. Tog was sy nooit skaam om aandag te soek met haar uitspattige uitrustings en pittige sêgoed nie - en nou is sy eindelik die middelpunt van alle aandag in haar eie reeks. Queen Charlotte: A Bridgerton Story gaan oor haar lewe en opgang as koningin. Die reeks fokus op die verhaal van die jong Charlotte se opgang, haar romanse en huwelik met koning George (James Fleet) en die grondverskuiwende sosiale veranderinge wat dit geskep het – dus die aanloop na die wêreld wat ons in die gewilde reeks Bridgerton leer ken het. Shonda…

My ma is besig om al hoe dieper in die“Groot Vergeet”in te verdwyn. Elke keer as ek haar sien, besef ek dat daar ’n dag sal kom wanneer sy niks meer sal onthou nie. ‘n Dag wat ek maar net nóg ’n mens sal wees, en nie haar jongste seun nie. Ek sidder om daaraan te dink. En hoe meer my ma vergeet, hoe meer probeer ek onthou. Of, anders gestel, ek probeer oomblikke in herinnering roep van die dae toe my ma nog die matriarg van ons gesin was. Die dae toe alles in ons huis by haar begin en geëindig het. Sy was álles vir ons, en ’n uitstaanvrou in haar gemeenskap. Die vrou wat kon motor bestuur toe dit nog nie ’n algemene ding in ons klein…

D aar is niks glamourous aan werkloosheid nie. Agterstallige rekeninge, 'n minus in jou bankbalans, afskaling van jou leefstyl, en die ergste: om vir jou kinders te moet sê daar is nie nou nie. Géén glam. En dis allesbehalwe ’n“soft life”. (In dieselfde asem is dit nou ook nie maanskyn en rose om aan of uit te hou by ’n plek of in ‘n verhouding waar jy wéét jou tyd het uitgeloop nie.) ’n Jaar ná ek klaar was met skool het my tannie van haar eerste man geskei. Hy: ’n dikding by die myn waar hy gewerk het. Sy: ’n skoolverlater wat nog nooit gewerk het nie, omdat sy nooit hoef te gewerk het nie. Sy was in matriek toe sy swanger word met hul eerste kind. Kort hierna…