Idees的December 2015目录

Toe ek meer as ’n jaar gelede ’n hoëvet-laekoolhidraatdieet my nuwe manier van eet gemaak het, was daar twee besonder heerlike pluspunte. Die eerste was die gereelde genot van brosgebraaide varkvet wat skuldvry kraak tussen my tande; elke keer as ons eet dat ons lippe sommer so blink, herhaal ek met ’n gelukkige glimlag: ‘Môre is ons weer ’n kilo af.’ En tweedens die bakke bessies wat deesdae in my yskas pronk – bloubessies en frambose om saam met jogurt en amandels vir ontbyt te eet, en aarbeie vir saam met room vir poeding op spesiale dae. Nodeloos om te sê het die twee kosartikels in hierdie uitgawe my sielsgelukkig gemaak. My hoofgereg vir Kersete is uitgesorteer en met ’n paar klein veranderinge die nagereg ook. Nou nog net die…

In plaas van ’n regte boom het ons ou koekblikke van groot na klein opmekaar gestapel om ’n toring vorm. Vir die ster het ons ’n ster-koekiedrukker gebruik wat groen gespuitverf is. Plak dit met wondergom vas. Koop 15-20 Kers-koekiedrukkers en spuitverf dit in die kleure van jou keuse nadat jy dit met ’n onderlaag vir spuitverf gespuit het. Ons het verskillende skakerings van groen gebruik. Laat dit droog word en maak dan die koekiedrukkers in ’n sirkelvorm aan mekaar vas met stukkies bakkerstou of dun lint. Die krans werk die beste plat op ’n tafel, maar as jy dit wil hang, moet jy bo en aan die kante klein spykertjies inkap om die vorm te behou. Ons het die lap vir ons projekte gefotostateer om as geskenkpapier te gebruik.…

Spekpatee Hierdie heerlike patee met sy rokerige spekgeur is maklik om te berei – en jy kan dit ’n dag of twee voor die tyd maak sodat jy dit oor die feestyd vinnig as ’n happie of voorgereg kan voorsit. Maak: omtrent 500 ml Bereidingstyd: 45 minute, plus weektyd Gaarmaaktyd: omtrent 20 minute 250 g hoenderlewertjies 100 ml melk 125 g botter 1 ui, gekap 2 knoffelhuisies, fyngedruk 250 g spek, gekap 80 ml droë sjerrie 125 ml room 5 ml suurlemoensap vars lourierblare omtrent 60 ml gesmelte botter 50 g fyngekapte bosbessies 50 g fyngekapte pistasieneute melbaroosterbrood of vars brood, om voor te sit 1 Kap die hoenderlewertjies in kleiner stukkies. Gooi dit in ’n bak en bedek dit met melk. Laat dit vir ’n uur week voor jy…

Hierdie satynrok met sy vloeiende lyne is ideaal vir ’n spesiale geleentheid. Rok (R1 100) van ALC by The Space. Oorbelle (R350) van Lulu Belle. Oorgooideken (R180) van Macaroon. Verander ’n gewone slooprok in ’n spesiale uitrusting deur ’n delikate top bo-oor te dra. Slooprok (R699) van Mango. Top (prys op versoek) en haarbykomstigheid (R2 500) van Stefania Morland. Aandsakkie (R449) en armband (R349) van Accessorize. Dra kant-items in lae oor mekaar om interessante teksture te verkry. Voeg ’n aandsakkie by as jy die aand uitgaan. Top (R392) van Non-European by The Space. Satynkamisool (R490) van Mango. Halssnoer (R1 299) van Miglio. Aandsakkie met kralewerk (R490) van Zara. ’n Sag geplooide top en pasjmina sal ’n tikkie romantiek by enige uitrusting voeg. Top (R459) van Zara. Pasjmina (R225) van Lulu…

Vou hierdie sterversierings in ’n paar maklike stappe. Jy benodig 2 x A4-velle wit papier (170-180 gsm) per ster, elk in ’n vierkant geknip gomgeweer alkant-plakband skêr, potlood en liniaal stoffeernaald koord Vou een papiervierkant horisontaal in die helfte en vou dit weer oop. Herhaal dit vertikaal. Vou die vierkant nou diagonaal in die helfte en vou dit weer oop. Herhaal dit na die ander kant toe. Knip halfpad deur elk van die middelste voulyne. Vou die flappies wat vorm in na die diagonale voulyne om vier punte te verkry. Vou elke punt se twee flappies oor mekaar en heg dit met ’n stukkie alkant-plakband. Ryg ’n stuk koord in ’n lus deur een van die punte en knoop dit aan die binnekant sodat dit nie uitglip nie. Maak nog…

SLIM WEGGEPAK Hoe kan ek my Kersversierings wegbêre sonder dat dit verniel? • Gebruik ’n groot, plat boks om kranse in weg te bêre, maar as jy nie die rakruimte vir ’n boks het nie, kan jy die krans in plastiek toedraai of in ’n swartsak sit en aan ’n haak hang op ’n plek wat uit die pad is, soos die garagemuur. • Keer dat feetjieliggies en ander stringe versierings verstrengel raak deur dit om leë kartonbuise te draai voordat jy dit wegpak. • Gebruik ’n kleresak met ’n ritssluiter om rolle geskenkpapier in te bêre en hang dit uit die pad uit op. • Kry ’n paar leë bokse by die drankwinkel. Dié met kartonverdelers in is ideaal om ornamente in te bêre. • Gebruik eierhouertjies, koekieblikke en…

Ligpunt in die hospitaal ’n Tyd gelede sit ek langs my slapende tweejarige in die hospitaal op Hermanus, besig om Idees se ‘Jul idees’ te lees. Wat ’n heerlikheid is die inspirasie en lekkerte waarmee almal met soveel entoesiasme hul idees deel. Welgedaan. Marlet Viljoen Jare terug was dit dit en nou is dit Idees maar steeds is dit lekker om deur te blaai en te lees. Ek was ook voor-… heen ’n intekenaar, maar nou druk die ekonomie ’n senior burger maar swaar. Deesdae koop my dogter die boek want sy is lief vir hekel en brei, maar gelukkig gee sy dit dan eerste vir my! In jul September 2015-uitgawe was die artikel ‘Klaar met opgaar’. Dáárin sien ek nog nie myself nie … dis só swaar, want die…

@home 0860 576 576 Abode 072 261 3540 Accessorize 021 447 7718 Biggie Best 021 534 8662 Call it Spring 021 551 1527, 031 584 7431 Chair Crazy 011 791 6512, 021 465 9991 Cotton Candy 082 460 0603 Die Smous 083 264 6026 Exclusive Books 011 798 0000 Game 011 427 3000, 021 555 7500 Ginger Ray 0861 333 624 In Good Company 079 041 8927 Kitchen Republic 021 946 1599 Lulu Belle 012 346 6424, 021 671 5728 Macaroon Collection 012 348 9077 Mango 011 783 7907 Melissa’s 021 888 2999 Merrypak 021 531 2244 Miglio Designer Jewellery 086 130 4050 Model Railroad Specialists 021 761 3070 Monkeybiz 021 426 0145 MRP Home 0800 21 25 35, 031 367 9304 My Pretty Vintage 021 551 2242 Nerf-af 084…

designbyclaire.co.za Claire Norden van KwaZulu-Natal is ’n opgeleide grafiese ontwerper wat bekend is vir haar kinderboekillustrasies en kleurvolle kunswerke. Sy is ook lief vir handwerk en reis. Hoewel sy pas begin blog het, is dit die moeite werd om gereeld te loer waarmee sy doenig is. Op haar blog deel sy boekillustrasies en die dinge wat haar inspireer of haar hart ’n loflied laat sing. Sy ontwerp ook digitale papier en partytjie-ontwerpe wat jy kan uitdruk en verander. local-lovely.com Die vryskut-kosskrywer, -tuiskok en -fotograaf Sophie Hansen en haar man boer met herte op hul plaas wes van Sydney. Hulle verkoop dié wildsvleis by plaasmarkte en aan sommige van Australië se toprestaurante. Sophie se blog is ’n versameling resepte en hulpbronne vir mense wat graag plaaslik wil eet. Sy deel ook…

Bessiekrans met sjokoladedoopsous Week ’n ring van bloemiste-oase vir ’n paar minute in koue water. Draai die hele ring toe met kleefplastiek. Steek aarbeie, frambose en bloubessies op die ring vas met tandestokkies. Rond dit af met ’n paar aarbeiblommetjies en een of twee anemone. Pak klein bakkies sjokoladedoopsous langs die bessiekrans uit sodat die gaste ná die feesmaal die bessies as nagereg kan geniet. Maak die doopsous deur 125 ml room in ’n glasbak te verhit bo ’n kastrol met water wat liggies prut. Breek ’n groot plak (150 g) Rolo-sjokolade in stukke, gooi dit by die warm room en roer dit tot die sous glad is. Laat dit afkoel voor jy dit in die bakkies skep. Trifle met bessiekaaskoek Genoeg vir: 10-12 Bereidingstyd: 40 minute, plus stoltyd 1…

Soetsuur Oosterse varkfrikkadelletjies Genoeg vir: 4 Bereidingstyd: 40 minute Gaarmaaktyd: 30 minute 500 g varkmaalvleis 1 knoffelhuisie, fyngedruk 5 ml gerasperde vars gemmer 2 sprietuie, fyngekap 1 groot eier, liggies geklits 80 ml vars witbroodkrummels koekmeel, vir oorsprinkel grondboon- of sonneblomolie, vir vlakbraai vars koljanderblare en geroosterde pynappelskywe, om voor te sit Sous 2 knoffelhuisies, fyngedruk 8 cm-stuk vars gemmer, geskil en in julienne-repies gesny 30 ml mielieblom 40 ml tamatiesous 250 ml vars pynappelsap 30 ml rysasyn 30 ml bruinsuiker 15 ml oestersous 15 ml sojasous 2 brandrissies, in die lengte middeldeur gesny (opsioneel) 4 sprietuie, in julienne-repies gesny 2 stele sitroengras, in juliennerepies gesny 1 Meng die maalvleis, knoffel, gemmer, sprietui, eier en broodkrummels. Geur dit met sout en rol dit in hapgrootte bolletjies. 2 Rol elke bolletjie…

Hier teen die einde van die jaar is dit gepas om ’n bestekopname te doen van die produkte en prosedures in die skoonheidsbedryf wat ons lewe makliker en doeltreffender maak en ons vel mooier en jeugdiger laat lyk. Navorsers in die wêreld se toonaangewende laboratoriums in die VSA, Europa en ook hier in Suid-Afrika verspil geen tyd, geld of energie om vorendag te kom met revolusionêre bestanddele vir hul handelsmerk nie. Soos die ontwikkeling van velsorgprodukte vorder kan ’n mens maklik oorweldig raak deur al die nuwighede. Hoe kies jy produkte en bestanddele wat regtig werk? Wat het jou vel werklik nodig? Dis belangrik om te verstaan dat daar nie ’n enkele wonderbestanddeel is wat op sigself in al die vel se teenverouderingsbehoeftes voldoen nie – dis eerder ’n kombinasie…

Jy benodig • resepte vir gemmerkoekies en harde versiersel op die regterkantste bladsy • suiker • versiersuiker • glasflesse • versiersak • nr. 1-spuitstuk • koekroller • klein siffie • skerp mes • liniaal Meet die glasflesse en werk die maksimum grootte van die gemmerbrood-huisies daarvolgens uit. Lekkergoed-glasflesse (vanaf R199,95) van Kitchen Republic. Rol die deeg uit op ’n oppervlak wat liggies met meel bestrooi is. Sny die huisies met ’n skerp mes en liniaal uit – hou die grootte van die fles in gedagte. Bak die koekies tot dit net-net begin bruin word om die rande. Meng die harde versiersel – dit moet taamlik dik wees, maar steeds loperig sodat dit sal ‘saamsmelt’ wanneer jy dit spuit. Skep die versiersel in ’n klein versiersak met ’n nr. 1-spuitstuk en…

Skryf aan Ideesen stuur jou brief per e-pos aan ideesred@media24.com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n geskenkpak van Chocolat Frey ter waarde van R1 500. Chocolat Frey – Switserland se mees geliefde sjokolade – is landwyd in Suid-Afrika te kry by uitgesoekte takke van Makro, Pick n Pay, Checkers, SPAR en OK Foods. Hul produkreeks sluit van Supreme Truffle Balls tot Chocobloc Minis en Chocolate Slabs in. Vir die feestyd het hulle ook sjokoladetakbokke, Prestige Finest Assorted Pralines, Prestige Selection Finest Assorted Biscuits en Freylini in pragtig versierde boksies. Gaan na www.chocolatfrey.co.za vir nog inligting.…

Toe dié pragtige foto’s van Marion van der Vliet se huis in ons kantoor land, was ons dadelik dolverlief op haar delikate, romantiese aanslag. Marion besit die Nederlandse aanlynwinkel brocant-elle.nl, en omdat mooi ou meubels en versierings haar brood en botter is, voeg sy elke jaar net slim detail by om haar huis vir die feestyd mooi te maak: Eenvoudige groen takkies vorm ’n krans bo die kombuisdeur of ’n klein versiering op ’n stoel, terwyl detail soos pienk fluweellint weer ’n feëverhaal-voorkoms en -gevoel verleen. ‘Ek is mal oor Franse meubels,’ sê Marion. ‘Ek gee nie om as goed oud en afgeleef is nie. Kant en verbleikte kleure is wonderlik om mee te werk. Ek maak elke naweek ’n draai by die vlooimarkte om mooi goed te soek vir…

Kaaskoek-nagereg met bessies in lemmetjiestroop Maak: 8-10 Bereidingstyd: 30 minute, plus stoltyd 185 ml vars lemoensap 20 ml (1 sakkie) gelatien 15 ml lemmetjie- of suurlemoensap 500 g Lancewood Smooth Cottage Cheese 1 blik (497 g) kondensmelk 250 ml room 125 ml suiker 30 ml lemmetjie- of suurlemoensap fyngerasperde skil van 1 lemmetjie of klein suurlemoen 250 ml gemengde vars bessies 1 Gooi die lemoensap in ’n klein kastrolletjie en roer die gelatien by. Laat dit vir vyf minute week en verhit dit dan oor lae hitte tot die gelatien gesmelt het. Roer die lemmetjie- of suurlemoensap by en haal dit van die plaat af om af te koel. 2 Klits die maaskaas tot dit glad is. Klits dan eers die kondensmelk en dan die lemoensap-engelatienmengsel by. Klits die room…

Ball se reeks inmaakprodukte is nou in Suid-Afrika beskikbaar. Dié lieflike inmaakflesse, -stelle en -bykomstighede is nét wat jy nodig het om enigiets tuis in te maak en dis boonop mooi genoeg om as geskenke weg te gee. Die reeks is landwyd te koop – gaan na freshpreserving.co.za vir meer inligting. GRASIEUSE GLASE Le Creuset het ’n elegante nuwe versameling glase in vyf verskillende vorms bekend gestel. Die glase word gemaak van helder, loodvrye kristalagtige glas wat duursaam is en in die skottelgoedwasser gewas kan word. Dit kos vanaf R650 vir ’n stel van vier. Loer op die sak waarin aartappels verkoop word vir die naam van die variëteit en kies volgende keer Avalanche, veral vir oondgeroosterde aartappels. Dié variëteit is baie veelsydig en kan op enige manier gaargemaak word.…

Verf ’n stuk materiaal in presies die skakering wat jy soek en gebruik dit as jou tafeldoek. Ons het ’n onafgewerkte stuk wit buldenim gebruik wat ons vooraf gepars het. Kies ’n goeie PVA-verf en verf die materiaal rofweg sodat ’n mens die kwashale en kleur en tekstuur van die materiaal onder dit nog kan sien. Ons het die rand wit gelaat en ’n kleiner reghoek uit die een hoek geknip om as ’n ekstra laag op die tafel te gebruik. Die onderste laag is ’n moeseliendoek. Die geverfde buldenim vorm pragtige hoeke. Stoel (prys op versoek) van Chair Crazy. Glasware van Melissa’s. Vrolik die tafel op met ’n moderne ligmontering wat jy self gemaak het. Jy benodig 9 mm-Supawood, in die volgende groottes gesaag:– twee 1 100 x 91…

Grootmens of kind, almal is mal oor sneeukoepels. Maak jou eie van gewone flesse: Soek miniatuur-Kersversierings soos ’n Kersvader, spitsdakhuisie of Kersboompie en plak dit aan die binnekant van die fles se deksel vas. Gooi ’n bietjie wit poeier, meel of fop-sneeu (te kry by handwerk- en partytjiewinkels) in die fles en skroef die deksel op. Draai die fles onderstebo sodat dit ‘sneeu’. Ons het ’n klein naaldboom as Kersboom gebruik en dit met blink en dowwe Kersballe, linte, feetjieliggies en fop-sneeu versier. WENK As jy ’n boomtak gebruik, sit dit iewers waar dit nie in die son sal staan nie – dit sal dan baie langer hou. Miniatuur-boompies van Model Railroad Specialists. Kersballe en feetjieliggies van Merrypak, Super Floral en Woolworths. Metaalemmer van Super Floral. Kis met touhandvatsels van…

Maak: 20-30 koekies na gelang van die grootte Bereidingstyd: 1 uur, plus afkoeltyd Baktyd: 8-12 minute Oondtemperatuur: 200o C 125 g botter 100 g Huletts SunSweet Brown Sugar 130 g Huletts Golden Syrup 20 g donker melasse (blackstrap molasses) 300 g koekmeel 5 ml koeksoda 5-10 ml fyn gemmer 2,5 ml gemengde speserye 1 Smelt die botter, Huletts-bruinsuiker, Huletts-gouestroop en die melasse in ’n klein kastrolletjie. 2 Sif die orige bestanddele saam en maak ’n holte in die middel. Gooi die bottermengsel in die holte en roer dit met ’n houtlepel om die droë bestanddele geleidelik te inkorporeer tot dit goed gemeng is. 3 Knie die deeg met jou hande vir omtrent een minuut. 4 Verdeel die deeg in stukke en rol dit uit op ’n werkoppervlak wat liggies met…