Rapport -julkaisun 9/27/2020 -irtonumeron sisällysluettelo

Kort ná ’n dubbele plaasmoord in die noorde van KwaZulu-Natal ’n maand gelede het Bheki Cele, minister van polisie, op ’n vergadering na boere se probleme geluister, “sy hoed afgehaal”, en belowe om met oplossings terug te kom. Maar in plaas daarvan het hy gemoedere met sy uitbarsting op ’n imbizo Maandag verder opgesweep, sê wit, swart en Indiërboere by wie Rapport op hul plase besoek afgelê het. “Hy motiveer die slegte mense om by goeie mense te steel en hulle te vermoor. As mense aanhou om boere so te vermoor, gaan die kos opraak. Hongersnood kom,” sê Sipho Hadebe (62), wat sedert 1998 in die Normandien-omgewing boer. Dit is waar Glen en Vida Rafferty op 29 Augustus op hul plaas, Hanover, doodgeskiet is. Siyabonga Goodman Macu (29) doen môre…

Bo: President Donald Trump en Melania Trump, sy vrou, Donderdag by die kis van die ontslape regter Ruth Bader Ginsburg op die trappe van die Amerikaanse federale hooggeregshof in Washington, DC. Sy is verlede Vrydag dood. Trump sou na verwagting gisteraand die Demokrate die harnas in jaag deur die konserwatiewe regter Amy Coney Barrett (regs) te benoem om Ginsburg te vervang. As die senaat Barrett se benoeming bekragtig, sal die konserwatiewe meerderheid in dié hooggeregshof tot ses regters teen drie toeneem. Trump het die afgelope week liberale sowel as konserwatiewe Amerikaners na hul asem laat snak toe hy in stryd met dié land se tradisies gesê het hy sal geen nederlaag in die presidentsverkiesing op 3 November aanvaar wat veroorsaak word deur posstemme vir sy opponent, Joe Biden, nie. Miljoene…

Die voormalige meisie van Donovan Tooth (28), wat die land die harnas ingejaag het met sy tirade oor vet vroue, beweer hy het haar gereeld berispe oor kaar kalorieinname. Bee Dodds (25), ’n regsgeleerde, sê op Facebook sy het al haar selfvertroue verloor terwyl sy met Tooth in ’n verhouding was. Hy het glo elke kalorie getel wat sy geeet het. “Ek verstaan dit klink vir meeste mense belaglik dat ek met so ’n aaklige persoon kon uitgaan, maar ek het soveel selfvertroue verloor dat ek gedink het dit (die verhouding) is normaal,” skryf sy op Facebook. “Ek het gewens karma moet hom byt maar jitte, al wat toe nodig was vir dit om te gebeur was dat hy homself met sy selfoon moes opneem. Kry vir jou, Don,” lui…

Gemasker en gereinig is die rooi tapyt uitgerol om die beste in die Suid-Afrikaanse sepiebedryf by die Royalty Soapie-pryse aan te kondig. Kykers het eers gisteraand op SABC1 uitgevind wie die wenners is, maar die geleentheid is reeds op 5 September opgeneem. Die kategorieë sluit in dié vir akteurs, regisseurs, skrywers, grimeerkunstenaars, kostuumontwerpers en vervaardigers. 7de Laan, wat vanjaar 20 jaar op die kassie is, is in vyf kategorieë benoem. Dirk Stoltz het met dié sepie se enigste trofee weggestap toe hy as die grootste skurk aangewys is vir sy rol as DeWet Basson. Kykers sal Stoltz onthou toe hy destyds as Ben Cronjé verskyn het. Jare later is hy terug, en sy skelmstreke bly dieselfde. “Ben/DeWet het ’n groot gedaantewisseling ondergaan. Hy het intussen grootgeword, maar lelik grootgeword. So,…

Lirandzu Themba, Cele se woordvoerder, sê Cele het die nasionale kommissaris opdrag gegee om die klagtes teen die Normandien-polisiekantoor te ondersoek. “Min. Cele was in wisselwerking met georganiseerde strukture wat boere en plaaswerkers verteenwoordig en ook met verteenwoordigers van die gemeenskapspolisieringsforums.” Sy sê die eerste besoek was ’n kort vergadering. “Die minister het die mense verseker dat hy binne weke sou terugkeer om ’n groter skakeling met die gemeenskap te hê om hul vrese oor veiligheid te takel. Dit is presies wat toe gebeur het.” In antwoord op verdere vrae het sy Rapport na ’n video-opname van die dag en na die polisie in KwaZulu-Natal verwys. Brig. Jay Naicker, provinsiale woordvoerder, het versoek dat Rapport se vrae per e-pos gerig word, maar teen druktyd het die polisie nog nie daarop…

As dit nie vir ’n polisiebeampte se marathon-asem én -ingesteldheid was nie, sou ’n Weimaraner-teef haar laaste blaf in stropers se draadstrik teen die Magaliesberg gegee het. En toe hy haar eers ná ’n groot gesukkel losgekry het, moes hy die spartelende dier nog van die berg af kry. Lt.kol. Eric Brand (52) sê die Hoërskool Hartbeespoort aan die voet van die Magaliesberg het die plaaslike polisiekantoor, waar hy werk, voorverlede Vrydag gebel oor ’n hond wat in die berg blaf. “Die skool het gedink iemand het dalk met ’n hond gaan stap en die per-soon het seergekry. Die skool het mense gestuur om te gaan kyk, maar hulle kon niks kry nie.” Nadat hy 16:00 van die werk af gekom het, het hy besluit om te gaan kyk. Hy…

Die Suidelike Kings-rugbyspan het gisteroggend ’n aanlyn Back A Buddy-veldtog begin om sy spelers en personeel te kan betaal. Teen gistermiddag is R10 400 se skenkings reeds ontvang. Die Suidelike Kings-franchise is in vrywillige likwidasie geplaas en het R55 miljoen se skuld, het News24 verlede week berig. Die besluit om te likwideer is geneem, omdat daar geen vooruitsigte vir verdere inkomste vanjaar is nie. DispatchLIVE het berig spelers is verlede Saterdag by ’n vergadering by Imatu-huis deur André Rademan, president van die Oostelike Provinsierugbyunie, ingelig oor die likwidasiebesluit. Braam van Straaten, hulpafrigter, en van die spelers het gister video’s gelaai waarin hulle mense vra om hulle te steun. “Die likwidasie by die Kings is nie ’n droom nie; dis ons realiteit. Hierdie seuns het regtig jou hulp nodig. Skenk asseblief…

Die Suid-Afrikaanse Poskantoor (Sapo) skarrel om kontant bymekaar te maak om sy 16 112 werknemers se salarisse te betaal. Boonop word van dié sukkelende staatsinstelling se krediteure nie betaal nie en Sapo is ’n paar maande agterstallig met die oorbetaling van sy werknemers se pensioen aan die Poskantoorpensioenfonds. Intussen beskuldig die pensioenfonds die Poskantoor daarvan dat hy die werkers se bydraes van hul salarisse aftrek en dit nie oorbetaal nie omdat die Poskantoor “homself wil help”. Die hooggeregshof in Pretoria het vroeër vandeesmaand die fonds se dringende aansoek afgewys om die pensioen met rente aan hom oorbetaal te kry. Regter Elizabeth Kubushi het gesê as die Poskantoor gedwing sou word om die agterstallige bydraes van R121 miljoen te betaal en om die maandelikse bydraes van R40 miljoen betyds oor te…

Twee topamptenare van die Gautengse gesondheidsdepartement wat by die skandaal oor persoonlike beskermende toerusting (PPE) betrek word, is beveel om byna R30 miljoen aan die staat terug te betaal. Boonop is die departementshoof, Mkhululi Lukhele, en voormalige finansiële hoof, Kabelo Lehloenya, se pensioengeld bevries. Die spesiale ondersoekeenheid (SOE) se spesiale tribunaal voer aan dié geld is onregmatig aan die maatskappy Ledla Structural Development betaal. Volgens die SOE moet Lehloenya en Lukhele daarvoor aanspreeklik gehou word; nie die LUR, dr. Bandile Masuku, nie. Rapport se susterkoerant, City Press, het ’n dagvaarding van die SOE-tribunaal gesien wat lui Lehloenya het ook pryse van die maatskappy Royal Bhaca Projects se PPE-kwotasie aangepas. Een voorbeeld is die prys van spesiale vullissakke wat van 95c tot R7 elk verhoog is. Royal Bhaca behoort aan Thandisizwe…

Krieket INDIESE PREMIERLIGA (Abu Dhabi) Sunrisers Hyderabad 142/4 in 20 bbe. (Vanesh Pandey 51, David Warner 36, Wriddham Saha 31; Andre Russell 1/16, Pat Cummins 1/19, Chakravarthy Varun 1/25). Kolkata Knights Riders 142/3 in 18 bbe. (Shubman Gill 70*, Eion Morgan 42*; Rashid Khan 1/25, Thangaraso Naturajan 1/27). ■ Kolkata Knight Riders wen met sewe paaltjies. Gholf IERSE OPE (Ballymena, Ierland) Voorste tellings ná die derde ronde: 202-Aaron Rai (Eng) 65 70 67; 203- Maverick Antcliff (Aus) 70 65 68; 204-Dean Burmester (SA) 65 71 68, Jazz Janewattananond (Thai) 68 70 66, Oscar Lengden (Swe) 67 71 66; 205-Lucas Herbert (Aus) 71 67 67, Toby Tree (Eng) 66 70 69; 206-John Catlin (VSA) 67 70 69, Justin Harding (SA) 68 69 69, Jordan L Smith (Eng) 65 71 70. Ander…

Nes die kies van die Groen- en die Goud-span ’n fees was, verwag Swys de Bruin, voormalige Leeus-afrigter, dat Saterdag se tweestryd tussen dié Springbok-proefspanne ook ’n fees op die veld gaan wees. De Bruin, wat tot voor verlede jaar se Wêreldbekertoernooi ’n Springbok-konsultant was, is opgewonde oor die jongelinge wat deur Jacques Nienaber, Bok-afrigter, en Rassie Erasmus, SA Rugby se direkteur van rugby, ’n kans gegee word. “Rassie-hulle het nou wel die swaarder ouens en hulle gaan die lynstane probeer oorheers, maar dit lyk of albei spanne die kombinasies reg gekry het,” het De Bruin gesê. “Veral as jy die min tyd wat hulle het om voor te berei vir die wedstryd in gedagte hou. Die meeste van hulle is ou, gesoute kombinasies wat al sedert hul junior dae…

Van die mooiste goed in Afrikaans is die name wat aan plante en voëls gegee is: kinkelbossie, magrietjie, gansbos, gonna; en tiptol, nimmersat, bontrokkie, drawwertjie . . . Dis of jy elkeen kan sien soos die woord van jou tong afrol. Dis ook een van die redes waarom ek dit so geniet het om deur twee nuwe natuurgidse, Fynbos en Voëls van Suider-Afrika (albei deur Struik Nature by Penguin Random House Suid-Afrika uitgegee), te blaai. Selfs wanneer jy nie in die veld is nie, neem dit jou op ’n natuurreis. Veral Kapenaars kan waarskynlik die fynbosgids gebruik om die blomme in hul tuin te identifiseer. En ’n staptog in die veld kan met hierdie ligte boekie ’n opvoedkundige ervaring word. Die foto’s is pragtig. Die vyfde hersiene uitgawe van Sasol…

In die paleis se weelderige blomkamer wag Heksie en Blommie vir die koning. Matewis spring op Heksie se skouer en hulle kyk na die pragtige Silwer Roos wat daar staan. Die Silwer Roos is Blommeland se mooiste blom. As dit ooit sou wegraak, sal al die blomme in Blommeland doodgaan en koning Rosekrans en sy kabouters en Heksie sal nie meer blyplek hê nie. Daarom moet daar altyd ’n kabouter by die Roos waghou. – Uit Liewe Heksie en die Silwer Roos South African Airways, which last made a profit almost a decade ago and has been reliant on state bailouts to survive, has been in administration since December. Finance Minister Tito Mboweni has long argued that the government can’t continue funding the national carrier, putting him at odds with…

In ’n onlangse hofsaak het die appèlhof honde-eienaars baie stof tot nadenke verskaf oor die mate waartoe jy aanspreeklik is vir skade as jou hond iemand byt – selfs al was jy glad nie nalatig nie. Die vraag is egter: Het die hof hierdie keer te ver gegaan? Kom ons vertel eers die storie. Op ’n Saterdagmiddag in 2017 loop Gerald Cloete met sy rommelwaentjie in Rowanstraat in Port Elizabeth. Uit die bloute word hy aangeval deur drie pitbull-tipe honde. Die aanval duur lank en is só erg dat hy sy bewussyn en uiteindelik sy arm verloor. Hy dagvaar toe die eienaar van die honde, Christiaan van Meyeren, vir sy skade. Tydens die verhoor blyk dit dat Van Meyeren nie tydens die aanval tuis was nie – om die waarheid…

Die Amerikaanse presidentsverkiesing kom Dinsdagaand (03:00 Woensdagoggend in Suid-Afrika) in volle gang wanneer pres. Donald Trump en sy uitdager, Joe Biden, mekaar in Ohio in hul eerste debat pak. Oor die wêreld heen word die twee se veldtogte angstig dopgehou, want daar was nog nooit soveel kommer dat emosies die VSA – die wêreld se magtigste land en grootste ekonomie – kan destabiliseer soos in hierdie verkiesing nie. Die Demokrate agter Biden glo die Amerikaanse demokrasie sal in gedrang kom as Trump herkies word. Hulle gaan dit nog lank onthou dat Hillary Clinton in 2016 teen Trump verloor het, al het sy 3 miljoen stemme meer as hy gekry. Maar wat hierdie verkiesing vir hulle ’n kruistog maak, is dat Trump se lojale ondersteuners die werklik keiharde konserwatiewes en selfs…

Theunie Kirsten, Pretoria, skryf: Geordin Hill-Lewis skryf verlede week dat dit tyd is om te erken dat ’n rasbehepte samelewing ons nêrens gaan bring nie. Soos wat die DA predik. Die meerderheid Suid-Afrikaners is eerder familie-, vriend- en kaderbehep. In die proses speel ras natuurlik ’n rol. Dié wat aan die ontvangkant van apartheid was, het ’n dwingende behoefte om ten alle koste ’n beter lewe te help skep vir dié die naaste aan hulle: familie, vriende en kaders. Dít maak dat katastrofiese aanstellings met die grootste gemak gedoen word: polisiehoofde wat inherent skelm is, ingenieurs met bittermin kennis van ingenieurswese, boekhouers wat sukkel met syfers en onderwysers wat vere voel vir kinders. Dié wat hierdie destruktiewe aanstellings maak, staan telkens self verstom oor die vernietigende impak wat hul aanstellings…

Theo Basson skryf per e-pos: Ek verwys na die berig in Sake verlede week oor lae rentekoerse. Vir die afgelope aantal maande word slegs ’n gedeelte van die samelewing oor rentekoerse aangespreek. Hoekom word daar so baie simpatie met mense wat bo hul vermoëns leef betoon? Dis mense wat net gedurig koop en koop sonder om ooit iets te spaar. Dit is die persone wat lekker leef. Wat van die ander kant van hierdie munt? Ek sal dit waardeer as u dit ’n slag in u koerant hanteer. Mense met beleggings by die bank ontvang nou minder rente as voorheen. Waar sal hulle nou hulp kry? Ons het vir jare binne ons begroting geleef en gespaar. Vir ons was dit nie maklik nie. Etes en uitgaan is goed be-plan voordat…

Neels van die Paarl skryf: Ek verwys na die pleidooi van Vrystaat se 1976-Curriebekerkampioene vir ’n plek vir die Cheetahs onder die topvier-Suid-Afrikaanse spanne vir die komende Pro14-reeks. Sekerlik sal onbevooroordeelde rugbykenners saamstem dat die Cheetahs ’n plek verdien onder die topvier-spanne. Gerugte uit die raadsaal van Nuweland wil dit egter as wensdenkery voorhou. Wat egter baie lig op die saak sal werp, is as Rassie Erasmus (hy ken immers Vrystaat-rugby soos die palm van sy hand), en/of Saru en/of Jurie Roux die rugbypubliek inlig watter norme gebruik gaan word vir die bepaling van die top-vier vir die Pro14-reeks. Die rugbypubliek wil graag weet of die keuses vol-gens meriete gaan geskied. Indien wel, sal niemand kan kla nie.…

Toe pres. Cyril Ramaphosa in Maart ’n grendelstaat van drie weke aangekondig het, was betroubare Covid-19-data nog bra skrams. Die Wêreldgesondheidsorganisasie (WGO) het geglo 3,4% van mense wat die virus opdoen, sterf. Dié syfer, asook sprake van massagrafte oorsee, het paniek gesaai. Baie lande het inderhaas inperkings ingestel – iets wat nog nooit deur die WGO as ’n geskikte maatreël teen pandemies beskou is nie. Suid-Afrika se inperking was een van die strafstes. Miljoene Suid-Afrikaners, veral armes wat nie die opsie gehad het om van die huis af te werk nie, is verbied om te werk, om sterwende familie te besoek, om te rook en drink, om buite te oefen, en om braaihoender of skoene met oop tone te koop. Baie mense het dit gelate aanvaar. ’n Groep wetenskaplikes het…

DA-amptenare in die kamp van Mbali Ntuli sê die party se besluit om haar versoek te weier vir ’n openbare debat met John Steenhuisen gaan haar veldtog nadelig beïnvloed. Boonop mag Ntuli en Steenhuisen, die kandidate vir die DA-leierskap, ook nie meer hul veldtog in die media voer nie. “Hierdie besluit is ook voordelig vir John,” sê ’n DA-LPW wat Ntuli ondersteun en op voorwaarde van anonimiteit praat. “Ons glo nie John sal sy posisie as tussentydse leier misbruik om sy veldtog so te voer nie, maar dis ’n feit dat die tussentydse leier baie meer aandag in die media kry as ’n LPW.” Ntuli is ’n LPW en die DA se woordvoerder vir die departement van samewerkende regering en tradisionele sake in KwaZulu-Natal. Die DA se federale raad, die…

Lugdienste se voorstel dat alle passasiers in die ure voordat hulle internasionaal vlieg ’n Covid-19-toets doen, is riskant, sê medici. Die Internasionale Lugvervoervereniging (Iata) het die afgelope week op ’n aanlyn mediakonferensie gevra dat regerings wêreldwyd op ’n standaard-toetsprosedure vir Covid-19 op lughawens ooreenkom. Alexandre de Juniac, direkteur-generaal van Iata, het gesê die vooruitsig om eers by jou aankoms getoets en dalk in kwarantyn gedwing te word, ontmoedig mense van reis. “Maar as passasiers vóór hul internasionale reis getoets word, kan lande hul grense veilig oopmaak sonder kwarantyn. “Dit sal passasiers ook gerusstel dat hulle nie bekommerd hoef te wees dat die land waarheen hulle reis reëls op die nippertjie verander nie.” De Juniac het gesê die ontwikkeling van bekostigbare, akkurate kitstoetse vir Covid-19 vorder vinnig en bruikbare toetse word…

As jy ’n paar woorde in Standaard-, Griekwa-, Nama- of Kaapse Afrikaans in Arabies-Afrikaans of Jawiese skrif kan skryf, kan jy ’n paar duisend rand wen in ’n kompetisie van die Afrikaanse Taalmuseum en -monument (ATM). Arabies-Afrikaans, oftewel Afrikaans wat in die Arabiese alfabet geskryf is, word algemeen aanvaar as die eerste geskrewe vorm van Afrikaans. Jawies is Arabies wat aangepas is om spesifieke Afrikaanse klanke weer te gee. Die kompetisie maak deel uit van die ATM se 45ste verjaardagen Erfenismaandviering. Die wenner sal R5 000 kontant kry en die twee naaswenners R2 500 elk, geborg deur die Historium-trust. Die 12 beste inskrywings sal uitgestal word in die buiteluggalery van die monument wat op 1 Oktober weer vir die publiek open. Michael Jonas, direkteur van die Taalmonument, sê hulle wil…

Wat doen die spoorversterkingseenheid, ’n projek deur die Wes-Kaapse departement van vervoer en openbare werke, Prasa en die Kaapse stadsraad, om die misdaadkrisis te takel? In die jaar tot 30 Junie is . . . ■ 37 000 individue voorgekeer en deursoek; ■ 4 000 patrollies gedoen by brandpunte; ■ 424 verdagtes aangekeer; ■ 2 000 m gesteelde koper- en aluminiumkabels herwin; ■ 4 107 inspeksies van brandpunte en skrootwerwe gedoen; en ■ talle gevaarlike wapens en vervalste treinkaartjies gekonfiskeer.…

Groot onreëlmatighede met die toewys van staatsgrond in KwaZulu-Natal is blootgelê in ’n forensiese ondersoek na die afsetting van ’n opkomende swart boer van Kokstad van sy grond in Februarie vanjaar. Dit is die jongste in ’n reeks ondersoeke na korrupsie met landbougrond wat deur die staat aangekoop is vir grondhervorming en herverdeling. Bykomende onreëlmatighede is ontdek. Die besonderhede daarvan is vervat in ’n verslag wat opgestel is deur Bonile Stokwe, ’n forensiese ondersoeker wat as direkteur in die department van landbou, grondsake en landelike ontwikkeling werk. Die ondersoek is deur Thoko Didiza, minister van landbou en grondsake, van stapel gestuur nadat Annette Steyn, DA-woordvoerder oor landbou en grondsake, die lot van Vuyani Zigana van Kokstad in die parlement aan die groot klok gehang het. Rapport het verlede maand oor…

Die bestuurders van ’n skema wat volgens “Christelike beginsels” bestuur word en glo miljoene rande aan 3 165 begunstigdes moet uitbetaal, het aan begunstigdes gesê die uitbetalingsproses kan deur die Reserwebank vertraag word. Die Reserwebank het egter aan Rapport bevestig hulle het geen inligting van enige kontak met die Kingdom Grant-program óf Universal Holdings Capital (UHC), wat die program bestuur nie. Rapport het onlangs berig mense wat ’n “registrasiegeld” van R3 500 betaal het aan die skema wat beloof het om sy lede “finansieel onafhanklik” te maak, wag al jare vir hul geld. Hulle is glo veronderstel om R5 miljoen te kry vir elke eenheid wat hulle geregistreer het. In gereelde omsendbriewe wat die bestuur van die skema aan lede uitstuur, word hulle gemaan om aan te hou bid vir…

‘Ek het gedroom dit gebeur. Ek het viér keer gedroom presies hoe my pa koelbloedig tereggestel word. In die een scenario is ek saam met hom in die kar, ek jaag met hom hospitaal toe. “In die ander drome is hy klaar dood en ek kan niks vir hom doen nie.” Verlede Vrydag het Carlisle Kinnear (24) se nagmerrie waar geword. Sy pa, lt.kol. Charl Kinnear, speurhoof in die Wes-Kaapse teenbende-eenheid, is koelbloedig voor sy huis in Bishop La-vis vermoor. Terwyl Carlisle praat, knik Nicky Kin-near en Casleigh (19) kyk grond toe en sê dan: “Ek het gedroom ek kom uit ’n winkelsentrum, my pa wag in die kar, kopskoot . . .” Nicolette: “Ek droom ek huil bitterlik in die hospitaal, want Charl is oorlede.” Carlisle: “Eers ná my…

Die energiereguleerder, Nersa, het ’n geheime skikking bereik met Chris Forlee, wat in Maart as sy uitvoerende hoof geskors is. Forlee se laaste werkdag was reeds op 31 Julie, maar Nersa het belanghebbendes nou eers in ’n nota ingelig dat sy administrasie leierloos is. Nie een van die twee partye wou Vrydag sê of Forlee betaal is vir die res van sy kontraktermyn nie. Dit verstryk eers einde volgende jaar. Die skikking is volgens hulle vertroulik. Ná Forlee se skorsing het Nersa klagte aan hom gestel oor bewerings dat hy self sy salaris verhoog en op sy eie 36 kleinskaalse groenkragprojekte goedgekeur het. Voor die tugverhoor kon plaasvind, het die twee egter ’n skikking bereik en Forlee is vort met ’n skoon prestasiegeskiedenis. Volgens Nersa sal hy met die werwing…

Verlede week is ’n foto op sosiale media verprei om te wys, gaats, dié Springbok het dan ’n tjoepie. Beswaarlik aardskuddend, in ag genome die Springbok was Frans Malherbe. Hy het met daai tjoepie en al die wêreld bang geskrum toe dit verlede jaar in Japan saak gemaak het. Wyle Tommie Laubscher het ook ’n tjoepie gehad en sy kritici het ook gemeen dat dit nie by ’n moderne rugbyspeler pas nie, maar die waarheid is natuurlik dat vaskopstut nie so ’n moderne posisie is as die meeste nie. Tommie het maar selde aan die bal geraak. Maar sy skrumwerk het daarvoor gesorg dat die ander span meestal in die tweede helfte met ’n voos geskrumde loskopstut, vierslot en oopkantflank moes klaarkom. Malherbe is een van die beste vaskopstutte ter…

Daar is ’n gesegde dat wanneer die olifante baklei, dit die gras is wat daaronder ly. En dis presies wat tans met die Proteas-krieketspan aan die gebeur is. Terwyl die besluitnemers in die raadsale veg, is dit die krieketspan wat vertrap word en internasionaal daarvoor boet. Dís die mening van Dave Nos-worthy, voormalige Suid-Afrikaanse A- en Titans-afrigter, oor die stand van krieket in Suid-Afrika en by die Proteas. “Natuurlik kan jy nie al die blaam vir die Proteas se misoes internasionaal op die onmin in die raadsale blameer nie, maar dit dra baie by tot waar ons ons tans bevind,” sê Nosworthy. Die Proteas is tans agtste op ranglys van die Internasionale Krieketraad se toetskampioenskap. Dít nadat die span nog net twee reekse gespeel het. Elk van die topvyf-spanne het…

VS-Cheetahs hol Griekwas dronk Die Vrystaat-Cheetahs het hul terugkeer tot die rugbyveld met ’n klinkende oorwinning oor Griekwas afgeskop en hul afrigter, Hawies Fourie, sommer breed laat glimlag. Die Cheetahs het gister in Kimberley ’n oorwinning van 40-7 oor die tuisspan behaal nadat hulle rustyd reeds met 33-0 voor was. “Ons het baie goed begin. Die tempo en die uitvoering was in die eerste 40 of 45 minute soos ons wou gehad het dit moet wees,” sê Fourie. Vir die Poubloues se afrigter, Scott Mathie, was daar ’n duidelike sug van verligting om eindelik sy span op die veld te kry. “Om ná soveel maande van geen kontak nie só baie te verdedig, is hard op die spelers se lywe,” sê Mathie. – Marnus Kok Van der Breggen verf Imola…

Die kans dat die Springbokke later vanjaar aan die Rugbykampioenskap in Australië gaan deelneem, word by die dag skraler. Bokke se reputasie kan in slag bly in Australië. Sanzaar het dié week die loting vir die Rugbykampioenskap bekend gemaak. Daarvolgens moet die Bokke op 7 November (Argentinië in Brisbane), 14 November (Wallabies in Sydney), 21 November (All Blacks in Sydney), 28 November (All Blacks in Newcastle), 5 Desember (Wallabies in Sydney) en 12 Desember (Argentinië in Sydney) speel. Dis egter onwaarskynlik dat die Bokke in die vliegtuig vir ’n veldtog sal klim waar hulle al die goeie werk wat Siya Kolisi-hulle in 2019 op die speelveld verrig het ongedaan kan maak. Neem SA Rugby slegs ’n rugbybesluit, maak dit geen sin dat die Bokke ná die ontwrigting wat die koronavirus…

Bierbrouers in München het hul vaatjies volgetap vir ’n mini-Oktoberfees omdat die ware Jakob, soos bykans alle ander legendariese vierings wêreldwyd, ook weens die Covid-19-pandemie afgestel moes word. In meer as 50 Duitse kroeë in München het kelners uitgevat in tradisionele lederhosen en dirndls verlede naweek spesiale brousels aan klante op tafeltjies ver uitmekaar of in die buitelug bedien. “Dis ’n billike alternatief, want minstens kan ons nog so ’n bietjie Oktoberfees hou. Maar dis nie dieselfde nie,” het Christine Bachmeier gesê by ’n tafel wat onder die literbekers kreun by die beroemde Hofbräuhaus. Dié besadigde viering is wêrelde verwyder van die massiewe tradisionele Oktoberfees wat jaarliks 6 miljoen besoekers van oor die hele wêreld lok. Die feesgangers sit gewoonlik aan by ellelange tafels in enorme tente waar hulle bier…

The High Note Jy onthou Dakota Johnson dalk met minder klere in die Fifty Shades of Grey-reeks as die byderwetse uitrustings wat sy hier dra. Die storie is nie oorspronklik nie en herinner aan A Star is Born (2018). In The High Note is Maggie die persoonlike assistent van ’n selfsugtige diva-sangeres Grace (Tracee Ellis Ross) wat haar net gebruik om haar vuilwerk te doen. Maar Maggie wil ’n bestuurder word en musiek vervaardig. Dié vermaaklike, gemaklike en onderhoudende lekkerkykfliek handel oor haar stryd om haarself te bewys. Dit is ’n verhaal oor ambisie, liefde, teleurstelling en struikelblokke wat bewys: as jy talent het en jou gees is gemotiveer, sal jy enigiets regkry. In fliekteaters. On the Basis of Sex Met die dood van Ruth Bader Ginsburg is hierdie uitstekende…

Dit is ’n storie waaroor mens in ’n weggooihoekie lees, maar wat eintlik op die voorblad hoort. Terwyl ons Erfenismaand vier, behoort Suid-Afrikaners die blou horriepiep te kry dat die Chinese regering se “skenking” van miljarde rande die Suid-Afrikaanse regering oorgehaal het tot planne vir ’n nywerheidsaanleg in die Limpopo-kom. Die aanleg sal ’n growwe skending wees van Suid-Afrika se verbintenis tot die Parys-klimaatsooreenkoms en ’n minagting van omgewingskonsultante se waarskuwings oor rampspoedige ekologiese skade. Gelukkig is daar iemand soos Makoma Lekalakala. Sy eis antwoorde en sy sal nie rus totdat sy dit gekry het nie. Onder meer dring sy daarop aan dat pres. Cyril Ramaphosa en die Limpopo-regering “hul boeke oopgooi” en verklaar wat presies hul ooreenkoms met die Chinese behels. En sy baklei al die pad vir die…

Die ekonomiese historici Daron Acemoglu en James Robinson voer in hul boek Why Nations Fail (2012) aan dat inklusiewe politieke en ekonomiese instellings aan die wortel van ’n staat se sukses lê. Dit is ’n vreesaanjaende relaas. Weens die toevallige lanings en draaie wat die geskiedenis maak (pleks van die “Hegeliaanse, voorafbepaalde voortstuwing”, soos filosofiestudente wysgemaak word) neem rolspelers in gemeenskappe sekere besluite wat neig om politieke insae en ekonomiese hulpbronne aan ’n breer segment van die samelewing beskikbaar te stel. Meer mense kry dus toegang tot die voordele wat gemeenskapsinstellings bied, wat ’n teenvoeter is vir arbitrêre en uitbuitende stelsels. Soos ek lees, sien ek hoe die skrywers se kernargumente Suid-Afrika soms tot op die haarwortel beskryf. Universiteite, veral openbare universiteite, tel veral onder die instellings wat politieke mag…

Peet Visser, Wellington, skryf: Ek vou Rapport oop. Ek lees weer eens, soos reeds dag ná dag, week ná week, kritiek met die ANC as teiken. Die kernfeite verander nooit nie, net die datums. Ek voel dis ’n geval van “geen ANC geen nuus”. Ek lees dat die ekonomie ondergaan, dat die ANC straffeloos steel, dat korrupsie toeneem en dat die son môreoggend weer sal skyn. Ek lees van AfriForum, ’n totaal nuttelose entiteit in die politieke arena, wat opgehemel word as die nuwe redders van die wit mense. Ek lees van die DA se koersaanpassing en ek, ’n stigterslid van die DP in Ceres in 1989, voel die DA is ná 30 jaar weer terug op sy oorspronklike spoor. Ons moet meer vloeibaar wees, meer tegemoetkomend, minder krities, en…

Dries Terblanche, Pretoria, skryf: Ek verwys na die debat tussen die ekonome Roelof Botha en Dawie Roodt op dié blaaie verlede week. Die skrywe van Botha het oorgekom as objektief, hoopvol en goed verwoord. Behalwe vir sy verwysing na Ysland se kanse om die Rugbywêreldbeker te wen – wat my laat dink het aan die emosie van ’n lekeprediker wat sy aanhoorders emosioneel probeer aanhits – was die balans van sy skrywe weldeurdag met baie om aan te herkou. Die laaste paragraaf – en die verwysing na “skouer aan die wiel en met genade van Bo” was egter ’n koue ontnugtering. Genade van Bo kan ’n aansporing wees, maar wanneer dit met ’n hoof-letter gespel word, moet mens begin wonder. Die vraag is hoekom is die “Bo”, sonder om dit…

Markie is dai laaste stukkie slime wat survive annie einde vannie horror movie. Dai stukkie slime wat die sequel vannie movie opset. Markie isse sequel, vanne sequel vanne sequel, Toxic Masculinity IV: The Confrontation. Toe ek klein was het ek ’n Markie geken, noudat ek groot is ken ekke Markie. Hulle gan nooit weggie. Hulle wôd net updated virre modern audience. Die eeste Markies was blunt instruments soes dai eeste Terminator. Die niewe Markies lyk soes ek en jy. Soes dai liquid Terminator. Maa wat maak ’n Markie ’n Markie? ’n Markie maggie veby ’n vrou loep sône om kommentaar te maakie. Dai is sy main characteristic. Eintlik kan hy veby niemand stap sône om iets te sê nie. As hy byvoorbeeld veby ’n klein kaalvoet, arm laaitie stap, gan…

’NVleisverwerkingsaanleg in Witbank waarvan pres. Cyril Ramaphosa die enigste direkteur is, het sy deure tydelik weens “swak marktoestande” gesluit. Ben Molotsi, bedryfshoof van ’n groep filiale waaronder Witbank Meat Processors val, sê die onderneming het verlede Vrydag tydelik toegemaak omdat daar ’n tekort is aan beeste “teen die regte prys”. Die aanleg slag en verwerk beeste van Ramaphosa se plaas Ntaba Nyoni, naby eManzana (Badplaas), in Mpumalanga, sowel as beeste wat van ander voerkrale afkomstig is. Ramaphosa is die direkteur van die onderneming waar hy in belang van die familietrust optree, sê Molotsi. Hy sê Ramaphosa se belang in die onderneming is in die parlementêre register van ledebelange verklaar as deel van sy beesboerdery. Luidens die kommissie vir maatskappye en intellektuele eiendom se databasis is Ramaphosa die enigste direkteur van…

Nog twee provinsiale leiers van die DA het aangedui hulle is nie meer beskikbaar om in hul poste herkies te word nie, hoewel albei aanbly in die party. Joe McGluwa, DA-leier in Noordwes, en Patricia Kopane, DA-leier in die Vrystaat, het op Facebook geskryf dat hulle ná twee termyne van vier jaar as provinsiale leiers voel die tyd is ryp vir “vars idees”. Die aankondiging volg kort nadat die KwaZulu-Natalse leier van die DA, Zwakele Mncwango, bekend gemaak het dat ook hy nie weer verkiesbaar sal wees nie. Hy wil sy studie voortsit. John Moodey, Gautengse DA-leier, het vroeër vandeesmaand uit die party bedank en onder meer die verkiesing van Helen Zille tot voorsitter van die DA se federale raad en ’n dissiplinêre klag teen hom as redes voorgehou. Die…

Die krane in Port Alfred kan oor 60 dae leegloop nadat die hooggeregshof in die Oos-Kaap bouwerk aan ’n ontsoutingsaanleg stopgesit het. Die hof het bevind die tenderspesifikasies vir die bou van die aanleg is in die geheim verander nadat die sperdatum vir die indien van tenders verstryk het. Boonop is R20 miljoen aan die maatskappy Quality Filtration Systems (QFS) oorbetaal nog voordat hy die kontrak vir die aanleg onderteken het. Dit was veronderstel om 5 miljoen liter water per dag aan die kusdorp te lewer. Die Sarel Hayward-dam wat die dorp van drinkwater voorsien, is net 6% vol, sê Ray Schenk, DA-leier in die munisipaliteit. “Port Alfred is in ’n helse krisis. Dag Zero gaan oor twee maande aanbreek as ons nie binnekort reën kry nie.” Schenk sê dit…

■ Emirates sal op 1 Oktober na Johannesburg, Kaapstad en Harare begin vlieg; na Mauritius op 3 Oktober en na Durban op 4 Oktober. ■ Air France vlieg van 24 Oktober tussen Johannesburg en Parys en van 4 Desember tussen Kaapstad en Parys. ■ KLM sal van vroeg in Oktober tussen Johannesburg en Amsterdam begin vlieg en van Desember tussen Kaapstad en Amsterdam. ■ Lufthansa sal van vroeg Oktober drie vlugte weekliks tussen Johannesburg en Frankfurt instel en ’n weeklikse vlug tussen Johannesburg en Zürich op Swiss International Air Lines. Later in Oktober sal Lufthansa twee keer per week regstreeks tussen Kaapstad en Frankfurt vlieg.…

Dit raak hoe al makliker vir misdadigers om mense soos lt.kol Charl Kin-near se selfoondata te misbruik, sê kenners. Die private speurder Mike Bolhuis verduidelik dat selfoontegnologie dikwels aangewend word om iemand se ligging te bepaal. “Ons praat van ping en poling. Dis ’n stelsel wat spesiaal ontwerp is om iemand op te spoor as jy sy selfoonnommer het,” verduidelik hy. Dit word gedoen deur die afstand van die toestel van verskeie selfoontorings te bepaal en só ’n redelike akkurate ligging van die toestel te bepaal. Die toerusting mag net gebruik word deur wetstoepassers en sekere ander operateurs wat wetlike toestemming het. “Die probleem is egter dat die toe-rusting al hoe makliker bekombaar is en al hoe meer deur die verkeerde mense vir die verkeerde redes gebruik word,” sê Bolhuis.…

Die lugdiens Mango moes gister skarrel om in die lug te bly te midde van verwikkelinge wat moontlik die doodskoot van dié lugdiens en die Suid-Afrikaanse Lugdiens (SAL) kan wees. SAL Tegnies (SAAT), ook deel van die SALgroep, het die lugdienste in kennis gestel dat hy sy dienste gaan opskort weens wanbetaling. Dít nadat SAAT se sowat 1 300 werkers Vrydag net ’n kwart van hul salarisse ontvang het. Sonder ’n tegniese diensverskaffer kan die lugdiens nie lugwaardig wees nie. Mango het gister in ’n verklaring gepaai dat “sensitiewe gesprekke” met SAAT aan die gang is en dat hulle verbind bly daartoe om “alle passasiers na hul onderskeie bestemmings te vlieg, veral hierdie naweek.” Die SAL, wat in sakeredding is, het nie tans geskeduleerde vlugte nie, maar wel repatriasieen huurvlugte.…

D it is “skokkend” dat die Inkomstediens (SAID) steeds weier om voormalige werknemers wat destyds onregmatig van wandade daar beskuldig is, om verskoning te vra, sê Johann van Loggerenberg, die voormalige hoof van ondersoeke by die belastinggaarder. Hy is deesdae sameroeper van die ondersteuningsgroep Survivors of State Capture at SARS. Rapport het Van Loggerenberg om kommentaar genader nadat die ouditfirma KPMG aangekondig het dat hy huidige en voormalige SAID-werknemers sal vergoed wie se reputasies skade berokken is in sy omstrede verslag oor die SAID se geheime ondersoekeenheid (rogue unit). Prof. Wiseman Nkuhlu, voorsitter van KPMG Suid-Afrika, het verlede Vrydag met die bekendstelling van sy outobiografie gesê KPMG het met die SAID ooreengekom dat hy ’n bydrae moet lewer om vergoeding te betaal aan werknemers wat skade gely het weens sy…

Lindiwe Sisulu, minister van menslike nedersettings, het ’n inspekteur van binnelandse sake uitgetrap omdat dié met ’n ondersoek begin het na die burgerskap van die #FeesMust-Fall-voorbok Mcebo Dlamini. Dlamini, wat in eSwatini gebore is, se burgerskap is onder die vergrootglas sedert hy verlede jaar aan openbare geweld skuldig bevind is weens die betogings by die Universiteit van die Witwatersrand. Dlamini het tydens sy vonnisoplegging be-weer hy is die liefdeskind van Zwelakhe Sisulu, Lindiwe se broer. Dlamini het ook Sisulu se kandidatuur vir die ANC-presidentskap gesteun en in 2017 aan ’n gehoor in die Oos-Kaap gesê Sisulu is “die enigste per-soon wat die land uit sy verknorsing kan kry”. Adv. Amanda Ledwaba, direkteur van wetstoepassing en spesiale ondersoeke by die departement van binnelandse sake se immigrasie-inspektoraat, sluk oënskynlik swaar aan Dlamini…

Die man wat Vrydag twee mense met ’n vleisbyl in Parys, Frankryk, aangeval het, sê sy teiken was die satiriese tydskrif Charlie Hebdo, aldus ’n polisiebron. Die aanval het voor die gebou plaasgevind waar 12 mense, onder wie werknemers van Charlie Hebdo, in 2015 doodgeskiet is weens die publikasie van spotprente van die profeet Mohammed. Die verhoor van 14 beskuldigdes weens dié aanval is aan die gang. Op die vooraand van die verhoor het Charlie Hebdo weer die spotprente gepubliseer. Die tydskrif word nie meer van die betrokke gebou uitgegee nie. ’n Televisieproduksiehuis gebruik nou die kantore. Twee werknemers van die produksiehuis wat buite gaan rook het, is in die jongste aanval beseer. Benewens die vermeende aanvaller was nog ses mense gister in aanhouding weens die voorval.…

Nedlac, die forum waarop die regering en die arbeiden sakesektors verlede week op ’n ekonomiese herstelplan ooreengekom het wat Suid-Afrika uit die Covid-19-as moet laat herrys, is volgens kenners eintlik ’n windeier wat min vertroue inboesem. Kritici beskryf Nedlac as ’n “kultus” wat ondemokraties en ondeursigtig is. Nedlac is 1994 gestig as ’n forum waarop die regering, georganiseerde arbeid en die sakesektor ekonomiese en arbeidskwessies deurtrap en ooreenkom oor planne en wetgewing vir ekonomiese groei, maar kritici sê deesdae verteenwoordig dit net sekere gevestigde belange. Wat het Ned-lac gedoen om beleid te vorm vir vryer sake? Die herstelplan waarop Nedlac vroeër die maand ooreengekom het om die land ná Covid-19 op ’n vinnige ekonomiese groeitrajek te plaas, is reeds die 18de weergawe. Die klem val op volhoubare, inklusiewe groei en…

Moenie dink buitelandse blootstelling in ’n beleggingsportefeulje is net diegene beskore wat ’n halfmiljoen of meer het wat rondlê nie. Maria Smit, finansiële adviseur by Brenthurst Wealth Pretoria, sê teen so min as R1 000 per maand is dit moontlik om geld landuit te neem. Hetsy jy op aftrede staan, diskresionêre geld tot jou beskikking het of net begin werk, daar is verskeie maniere om buitelandse blootstelling in jou portefeulje in te sluit – ongeag die grootte of hoe lank jy die portefeulje al het. Individue wie se belastingsake in orde is, kan R10 miljoen per persoon per jaar as regstreekse buitelandse belegging landuit neem met die toestemming van die Suid-Afrikaanse Reserwebank (SARB). Dan is nog R1 miljoen toelaatbaar vir reis en ander doeleindes wat so gebruik kan word (en…

Lewis Hamilton het homself gister die grootste moontlike kans gegee om vandag Michael Schumacher se rekord van 91 oorwinnings in ’n Formule Een-motor te ewenaar. Hy het vir ’n ongelooflike 96ste keer in sy loopbaan die vinnigste gekwalifiseer om heel voor weg te spring. Dit is ook die agtste keer vanjaar dat hy dit regkry en die vyfde keer opeenvolgend. Sy spanmaat, Valtteri Bottas, is egter vandag die wegspringplek langs Hamilton kwyt waaraan hy vanjaar so gewoond geraak het. Max Verstappen (Red Bull) het met ’n skitterende laaste rondte tydens kwalifisering sy neus net-net voor gekry om tweede weg te spring. Daarna volg Bottas op die tweede ry, met Sergio Pérez (Racing Point) langs hom. Hamilton se beste tyd was wel meer as ’n halfsekonde vinniger as Verstappen s’n en…

Mannetjies Roux stuur groete. Vanaf die 200 jaar oue familieplaas Noblesfontein naby Victoria-Wes, wat nou voltyds deur sy seun, Pieter (57), ’n voormalige Springbok-atleet, bedryf word. Roux (81) is die verpersoonliking van ’n Springbok-ikoon, en het selfs ’n ikoniese liedjie wat na hom genoem is. Hoe dan anders as ’n man met sulke sprankelspel die Bokke tot reeks-oorwinnings gehelp het oor spanne soos die Britse en Ierse Leeus en die All Blacks. Een van Roux se grootste mylpale was egter toe hy sy geliefde Griekwas tot ’n skokoorwinning oor die magtige Noord-Transvaal gelei het in die Curriebekereindstryd van 1970 – ’n drama wat hom gister presies 50 jaar gelede in Kimberley afgespeel het. Roux en Charlotte, sy wederhelfte van bykans 60 jaar, woon die afgelope ses jaar reeds in Constantia,…

Een goeie ding vir krieket in Suid-Afrika weens die Covid–19-pandemie is dat die Suid-Afrikaanse Krieketspelersvereniging (Saca) plaaslike krieketspelers weer aan die studeer gekry het. In die tyd waarin krieket vir die res van die seisoen sedert Maart vanjaar opgeskort was, het Saca sowat 100 beurse aan sy lede uitgedeel om hul studies in verskillende rigtings voort te sit. Daarmee het die liggaam seker gemaak dat spelers nie net fokus om terug op die speelveld te kom nie, maar ook om hulself behoorlik voor te berei vir die dag wanneer hulle krieket vaarwel toeroep en ’n nu-we loopbaan moet betree. “Ons het aan die spelers gesê hulle moet van hierdie tyd (waar daar geen krieket is nie) gebruik maak om verder te studeer,” het Andrew Breetzke, uitvoerende hoof van Saca, gesê.…

8 Kurt-Lee Arendse: Die Blitsbok-aanwins van die Bulle het menige keer die Haaie-verdedigers na lug laat gryp soos hy met sy vaart die doellyn opgesoek het. As die spasie teen die kantlyn toegemaak is, het hy afgetrap na die binnekant en so verdedigers geklop. Hy word welverdiend met twee drieë in sy eerste senior wedstryd vir die Bulle beloon. 8 Werner Kok: Vleuel, senter en skrumskakel. Watter posisie in die agterlyn kan dié blondekop-Blitsbok nie dek nie? Kok was oral op die veld vir sy span en het strykdeur die tyd wat hy gespeel het sy veelsydigheid onderstreep deur op te duik waar ander spelers nie sou nie. Hy verdedig puik en wys ook sy deugde op die aanval met ’n paar kragtige lopies.…

My kinderjare is verweef met Oos-Vrystaatse smake en geure en vandag koester ek Ma Babs se warm mieliebrood wat sy in haar wit enemmel blik gestoom het. Dit was goudgeel, het ’n growwe tekstuur gehad (sy het dit met harde groen mielies gemaak) en ons het dit dan met plaasbotter en Lyle’s-gouestroop geëet. Dan het Ma se kerriefrikkadelle met pie-sangs altyd op haar buffettafel gepryk wanneer hulle ’n lekker 1970’s opskop gehou het. En mense, my tannie Miena van Harrismith se donkerpers nastergalkonfyt op ’n stukkie warm plaasbrood en haar geel krummelmieliepap met louwarm melk en suiker! Dié smake en geure kon ek nooit weer raak proe nie . . . tot anderdag en ek was sprakeloos en baie diep geraak. Omvou in ’n shweshwe-lappieskombers het Myhardt Joubert van Stasiestraat…

■ Boet van der Merwe (88), geliefde apteker van Bloemfontein en later Worcester, is onlangs in Johannesburg oorlede. Hy was op sy dag ook voorsitter van die SA Aptekersvereniging. In Bloemfontein was hy ’n vioolspeler in die simfonieorkes. Sy eggenote, Etta, wat 12 jaar gelede in Johannesburg dood is, was ’n onderwyseres by die Meisieskool Oranje en Eunice. ■ Ds. Donnie Koordom (43), ’n dominee van die VGK-gemeente in Klawer, is aan Covid-19-verwante oorsake dood. Sy gemeentelede is diep bedroef en bied steun aan sy weduwee, Jo-Ann. ■ Sir Terence Conran, bewonder vir sy gesofistikeerde ontwerpe en top-eetplekke, is op 12 September in die ouderdom van 88 dood. Hy was veral bekend vir sy voorliefde vir doodgewone goed soos ’n glas, ’n tafel en braai-hoender. Conran kon geniepsig wees. Toe…

Glen Snyman, People Against Race Classification, skryf: Christo van der Rheede is op 18 September aangestel as die nuwe uitvoerende direkteur van Agri SA. Op Business Day en Food for Mzansi se webtuistes het hulle na Van der Rhee-de verwys as die eerste swart uitvoerende direkteur. Ons almal weet dat Van der Rheede kultureel as ’n bruin man beskou word. Hoekom dan, wanneer bruin mense hoë hoogtes bereik, word daar na hulle verwys as swart mense? Maar wanneer dit kom by die regering se werkskeppingsprogramme, bevordering en hulpfondse-uitdelery word hulle as bruin mense en kleurlinge beskou? Dieselfde het gebeur met wyle prof. Russel Botman en Chester Williams, asook Peter de Villiers en Wayde van Niekerk. Hoe werk dit? Jessie Duarte, die sekretaris-generaal van die ANC, het verlede jaar in ’n…

Meer as een keer het sy al gedink dis die einde van haar perfekte wêreld. Soos die keer in die hoërskool toe ’n ouer meisie in die badkamer vir haar sê haar kêrel gril vir meisies met rooi hare. Dit het gevoel asof iemand letterlik en figuurlik haar wind uitgeskop het. Vandag weet sy die vroumens was net gemeen, maar destyds het dit haar reeds brose tienerselfbeeld ’n lelike knou toegedien. Vandag sou sy vir haar gesê het, ja, en mý kêrel sê jou asem ruik na fish paste. Doerie tyd was sy nie so dapper nie. ’n Enigste kind wat dikwels gevoel het dat sy nie regtig iewers in-pas nie, altyd so half op die kantlyn, maar tog ook honger vir erkenning. En tog so ’n ou dun velletjie.…