Landbouweekblad -julkaisun 20 March 2025 -irtonumeron sisällysluettelo

Bewyse reg voor jou oë ... Tydens die praktiese dag van die Herlewingslandboukonferensie op Reitz het die Carnarvonse skaapboer en veldgids Ryan Tippett die biodiversiteit op Danie Slabbert se plaas, Van Rooyenswoning, geprys. “Ek het nog nooit sulke diverse veld gesien nie — van plante en insekte tot voëls, reptiele en ander diere.” Benewens topsprekers op dié tweedaagse konferensie, wat gevolg is deur die Hannes Otto-konferensie op Ottosdal, was daar besoeke aan ’n abattoir en Slabbert se vryloophoenderboerdery. Daar is nege jaar laas gif op die plaas se gesaaides gebruik, en bemesting vind teen ’n baie laer vlak as voorheen plaas. Tydens ’n paneelgesprek het Slabbert gesê: “Begin net, al begin jy klein. Geenbewerking is die begin. Dit is waaruit alles gegroei het. Wees net versigtig dat jy nie by…

Dit tref Manie nog altyd as bitter ironies. Hoe Suid-Afrika aan die een kant wêreldklasboere het wat nie net genoeg kos produseer vir ons sowat 60 miljoen mense nie, maar ook nog ’n rapsie meer as die helfte daarvan kan uitvoer. Aan die ander kant sterf kinders in die Butterworth-hospitaal in die voormalige Transkei van honger, terwyl 27% van kinders jonger as vyf jaar weens ’n tekort aan kos aan verpotting ly. Dieetverwante siektes is nou amptelik een van die grootste oorsake van sterftes in die land. Dié droewige realiteit word beaam deur ’n groepie Kaapse navorsers se bevindinge dat daar wel oorgenoeg kos in Suid-Afrika is, maar dat ten minste 15 miljoen mense dit nie kan bekostig om gesond te eet nie. Die navorsers maak allerhande voorstelle oor hoe…

“DIT is nog baie vroeg in die seisoen en heelwat veranderings kan nog voorkom. Die kans is tans redelik goed dat ’n La Niña-verskynsel nie volgende somer gaan voorkom nie, maar dat die toestande eerder na neutraal of El Niño kan neig,” sê Johan van den Berg, onafhanklike landbouweerkundige. Volgens hom behels langtermynneigings ongeveer ewe veel La Niña-, El Niño- en neutrale seisoene. Vanaf die 2010-’11-seisoen het sewe La Niña-neigende seisoene voorgekom, vier El Niño-neigende seisoene en vier neutrale seisoene. “In die tydperk tot 2025 het dus 47% La Niña-seisoene voorgekom en slegs sowat 26% El Niño- en neutrale seisoene elk. Hoewel klimaatsverandering ’n rol kan speel om meer La Niña-seisoene te veroorsaak, is dit onwaarskynlik en kan meer El Niño-seisoene in die volgende paar jaar verwag word.” Oneweredige reënverspreiding…

Die gronddebat se klem lê op die verkeerde plek. Aan die een kant word goeie vordering met grondoordragte gemaak (hoewel die proses nou erg gerem word), en aan die ander kant lê vrugbare landbougrond onbenut, terwyl mense honger ly. Met die oorgang na ’n demokratiese bedeling het Suid-Afrika in 1994 ’n nuwe tydvak binnegegaan, en vir die landboubedryf strek hierdie verandering veel verder as die geopolitieke verandering wat gevolg het. Soos met die onteieningsdebat se hoeveelste rondte gesien kan word, word dikwels geimpliseer dat plaasgrond in die visier is, maar die oplossing lê elders. Boonop is die grootste vordering met plaasgrond gemaak. Die doelwitte wat die regering vir grondhervorming gestel het, is haalbaar teen 2030, die mikpuntjaar. Meer as 84% van die mikpunt is reeds bereik. Die vordering sal in…

Meer as 70 vernuwende idees is vanjaar ingeskryf vir Flia, Fruit Logistica se innovasie- en tegnologiepryse, waaruit ’n paneel kundiges tien finaliste (vyf in die innovasie-afdeling en vyf in die tegnologie-afdeling) gekies het. Uiteindelik moes die meer as 91 000 besoekers aan die Fruit Logistica-ekspo in Berlyn, Duitsland, vir hul gunsteling stem. “Die weninskrywings word gekenmerk deur baanbrekereienskappe en stel nuwe standaarde vir die vrugte- en groentebedryf,” luidens ’n mediaverklaring deur Fruit Logistica. ’n Uitsonderlike tweekleurige lemoenmutasie wat lyk of dit van ’n Boergondiese rooiwynkleur tot ’n helder, vlammende oranje uitstraal, het besoekers só in vervoering gehad dat hulle dit as die wenner aangewys het. In die tegnologie-afdeling het Fermata Technology van Israel meer as die helfte van die stemme gekry vir sy Croptimusbeeldanalisetegnologie. Dit stel boere in staat om…

Hoe lank is die Oddo-familie al by die wynbedryf betrokke? My een oupa het ’n klein wynplaas in Bordeaux, Frankryk, besit, maar dit was nie ’n goeie sakemodel nie. Boere in Bordeaux is aan négociants uitgelewer, wat in goeie jare wyn koop teen minder as wat dit gekos het om te produseer. Dit was ons familie se eerste proesel van die wynbedryf, en ek sal nie sê dit was ’n goeie ervaring nie! My pa, Pascal, was sy lewe lank in die bank- en beleggingswese. Hy het sý pa se onderneming bestuur. Ek en my broer het by hom aangesluit om ’n familiebesigheid te skep, waar ons verskeie aktiwiteite bedryf. Ek is verantwoordelik vir die wynbelange, terwyl my broer by bosbou en hernieubare energie betrokke is. My pa het ’n…

Die landbouverenigings van Moorreesburg en Piketberg bied saam met Landbouweekblad ’n eendagkonferensie aan om oplossings vir boere van die Swartland te bied. Kom luister op Woensdag 19 Maart na wetenskaplikes, medeboere en landboukundiges en kry raad om jou graan- en veeboerdery deur tegnologie en volhoubare praktyke winsgewender en veerkragtiger te maak. Boere stem nie altyd saam oor die waarde van gemengde graan- en veeboerdery nie. Die navorsing van prof. Pieter Swanepoel, voorsitter van die departement agronomie aan die Universiteit Stellenbosch (US), en medewetenskaplikes toon egter dat peulgewasse en vee gewasproduksie bevorder en die koolstofspoor van die landbousektor verlaag. Verskeie navorsers het bevind dat bewaringsboerderystelsels wat gewasse en vee integreer, die veerkragtigheid van boerdery in Mediterreense streke aanhelp deur biodiversiteit te bevorder, grondgesondheid te verbeter en afhanklikheid van landbouchemiese middels te…

Africa Agri Tech (AAT), wat van 18 tot 20 Maart in die WNNR-konferensiesentrum in Pretoria plaasvind, bied toegang tot die jongste deurbrake in landboutegnologie. Dit is die derde jaar wat dié konferensie en ekspo aangebied word, en bring die beste vakkundiges byeen om die tegnologie te ontsluit wat die grootste impak sal hê op hoe voedsel in die huidige en die volgende eeu geproduseer sal word. “Die grootste kwessies waarmee voedselprodusente vandag te doen het – stygende insetkoste, wisselvallige weer, diefstal en logistieke ontwrigtings – het almal een ding gemeen: Tegnologie kan dit oplos. As jy jou besigheid toekomsgereed wil maak, moet jy hierdie geleentheid nie misloop nie,” sê Anlie Hattingh, woordvoerder van AAT. AAT skep ’n enkele platform om die innoverendste tegnologie rakende voedselproduksie ten toon te stel. Die…

Koel, skoon water is noodsaaklik vir goeie rantsoeninname en metaboliese funksies. Kleinvee is herkouers, en die herkou-aksie bevorder vertering en voorkom asidose. ’n Ruvoerkomponent van minstens 15% is nodig om herkou te stimuleer en gesonde vertering te verseker. Op natuurlik gespaarde droë winterveld met ’n proteïeninhoud van 4% kan kleinvee tot 10% proteïen selekteer. Navorsing toon dat swak ruvoer, soos gemaalde mieliereste, ’n 10% laer inname en 25% swakker ekonomiese prestasie as lusern bied. Ruvoer van goeie gehalte verbeter nie net smaaklikheid nie, maar dra ook by tot ’n beter voeromsettingsverhouding en diereprestasie. Rantsoensamestelling Die vermindering van ruvoer in die finale fase van lamafronding of ramvoorbereiding word nie aanbeveel nie, aangesien vesel noodsaaklik bly om subkliniese asidose te voorkom. Dit is eerder die proteïen-energie-verhouding wat aangepas word. Melasse kan stof…

GOEIE vrugte-oeste, tesame met die herstel van die mark vir lewendehawe en die goeie oorstaanvoorraad van graan, het tot die groei in uitvoer bygedra. Volgens data van Trade Map was uitvoer 3% hoër as in die vorige jaar. Die groei geld vir die hoeveelheid produkte wat meer was, sowel as hoër pryse vir sommige produkte. Wandile Sihlobo, hoofekonoom van Agbiz, sê die vernaamste uitvoerprodukte in waarde sluit sitrus, druiwe, mielies, appels, pere, wyn, neute, vrugtesappe, suiker, bessies, dadels, pynappels, avokado’s, wol, appelkose, perskes, appelwyn en beesvleis in. Met 44% van die totale waarde was Afrika verreweg Suid-Afrika se grootste bestemming vir landbou-uitvoer. Die produkte het mielies, mieliemeel, koring, suiker, vrugte, wyn, sonneblom- en sojaboonolie en rys ingesluit. Asië en die Midde-Ooste was saam die tweede grootste uitvoerbestemming (21%) met produkte…

DIT is nie altyd maklik om vanuit ’n risiko-oogpunt te sien wáár jou grootste bedreigings lê nie, het hy gesê. “Gebeure soos haelstorms kom eerste in jou gedagtes op as jy aan risiko’s dink. Maar dit is ook ’n risiko om nie ’n oes in die grond te kan kry nie, om hoë insetkoste te hê en om te boer in ’n internasionale omgewing wat van koers verander.” Die boer se werk is om stadig en oor tyd heen soveel risiko’s as moontlik te versag. “Die wiel draai stadig, maar draai onvermydelik. Ons sal moet innoveer, en dit is nie meer goed genoeg om net volhoubaar te bly nie, want dan bly jy nét waar jy is.” Pleks daarvan om hul boerdery se winsgewendheid met meer hektare uit te bou,…

EEN van die mees omstrede aspekte van die nuwe Onteieningswet (Wet 13 van 2024) is dat dit die staat magtig om eiendom teen “geen- (nul-)vergoeding” te onteien. Artikel 12(3) verklaar dat dit regverdig én billik mag wees om nul-vergoeding te betaal waar grond in die openbare belang onteien word, met inagneming van alle tersaaklike omstandighede. Luidens artikel 25(4)(a) van die Grondwet, asook artikel 1(1) van die Onteieningswet, is grondhervorming in die openbare belang en kan OSV dus hiervoor aangewend word. Artikel 12(3) bevat ’n lys van bepaalde omstandighede waarbinne OSV mag plaasvind: ■ Waar die grond ter sprake nie benut word nie, en dit nie die eienaar se hoofoogmerk is om die grond te ontwikkel of ’n inkomste daaruit te verdien nie, maar slegs om voordeel uit die groei in…

DIE korrekte siektediagnose by beeste en ander vee is belangrik om die regte behandeling betyds toe te pas en om vrektes te beperk. Deur siektes betyds te diagnoseer, kan boere ook ’n fortuin bespaar. “Suid-Afrika lewer speenkalwers van hoë gehalte, wat baie belangrik is, veral vir uitvoer. Daarom is dit noodsaaklik om deurlopend hoë standaarde te handhaaf wat dieregesondheid betref,” het prof. Leon Prozesky tydens ’n diereproduksieseminaar by Malmesbury gesê. Prozesky, bekende in veeartsenykunde en dierepatologie, was ’n genooide spreker tydens dié seminaar wat deur die diereproduksie-en-voedingsmaatskappy Octavoscene aangebied is. Tog het die bekamping en monitering van veesiektes in Suid-Afrika die afgelope paar jaar agteruitgegaan. Voedselveiligheid is belangriker as ooit, en dít maak die monitering van veesiektes dringender. “Dit gebeur dikwels dat boere kla deeglike siektemonitering is te duur, maar…

Getrou aan sy aard, het Andries Marx op sy boeredag praktiese raad uit sy jare lange ervaring met die gehoor gedeel. “Boerdery is eenvoudig, jy moet net die eenvoudige reg doen,” is sy leuse. Daarmee saam herinner hy boere altyd dat hulle nie veel kan doen om hul insette te verlaag nie, “maar ons kan iets doen om ’n premie vir ons produkte te kry en goeie teeldiere vir die mark te produseer”. Hier is vyf van Andries se vele waardevolle wenke: 1 Dít is wat jong boere moet doen My raad aan die jong manne is om sover moontlik alles op die plaas self te doen en te bou. Leer hoe om draad te span, krale te bou en jou veld te bestuur. Die eerste paar jaar toe ek…

Was dit nie daarvoor dat universiteitsowerhede ’n stokkie gesteek het voor hul eerste beroepskeuses ná skool nie, was Streicher en Hella Coetzee vandag vir die landbou verlore. Hella wou ’n fisioterapeut of grafiese ontwerper word, en Streicher was sterk op pad om ’n veearts te word. Hulle is nou gelyke vennote wat dieselfde uitkyk het en op die plaas Omantumba 20 km noord van Hochfeld boer. Hulle boer op 8 000 ha eie grond en 4 000 ha huurgrond met ’n Bonsmara-stoetery en ’n kommersiële kudde. Skape, gesaaides en wild sorg vir ’n kleiner inkomste, maar speel ook ’n belangrike rol in die boerdery. Nadat hulle die Namibiese Landbou-unie (NLU), die Lewendehaweprodusente-organisasie (LPO) en Toyota se toekenning as Veeprodusent van die Jaar in Windhoek ontvang het, het Hella vertel dat…

Die sesde geslag Van der Hoffs boer tans op die plaas Doornfontein by Coligny, met pa en seun wat saamboer. Pieter sê hy het van 1987 tot 2008 saam met sy pa, Koos, geboer. “Nou boer ek saam met my seun, Cobus, wat sowat 14 jaar gelede heeltyds by die boerdery aangesluit het.” “Ek boer eintlik al vandat ek kan onthou,” sê Cobus. En Cobus se seun, Janu, wat skaars kniehoogte is, loop al saam in die mielielande. Die Van der Hoffs boer nog al die jare met skape, beeste en mielies. Deesdae bestaan hul vertakkings uit wit- en geelmielies, sonneblomme, grondbone, koring, wild, skape (SA Vleismerino’s en Dorpers) en beeste (Beefmasters). Pieter se vrou, Adele, is in beheer van die beesen skaapboerdery. Sowat 120 hektaar van die saaiboerdery is…

Waterverwante risiko’s het ’n groot impak op plaasbestuur en die volhoubaarheid en winsgewendheid van boerderye, en het ’n maatskaplike invloed. Só sê Cobus de Bruyn en Mark Boshoff van Nedbank Handelsbankwese, onderskeidelik hoof van waarde-aanbod vir landboukliënte en hoof van strategie vir klimaatsweerstandigheid en volhoubaarheid. Beplanning rakende water as hulpbron is daarom noodsaaklik, sê Cobus. Landbou-ondernemings behoort ingelig te wees oor die invloed van die klimaat en natuur op waterbeskikbaarheid en hul boerderypraktyke daarby aan te pas. Hy moedig boere onder meer aan om vol te hou met kultivars wat by hul klimaat aangepas is, en meer geskikte kultivars te oorweeg. Kennis van toepaslike wetgewing en die impak daarvan op boerdery-ondernemings is ook belangrik. Volgens Cobus is die onderstaande die belangrikste waterverwante risiko’s: ■ Waterskaarste weens onvoldoende reënval vir damme…

Boerdery in Suid-Afrika stel heelwat eise – van hoë instandhoudingskoste van toerusting tot deurlopende tydsdruk. Met soveel dinge buite ’n boer se beheer, is die behoefte aan ’n betroubare, hardwerkende voertuig duidelik. Die Ford Ranger XLT is die antwoord vir boere. Dié bakkie kan allerlei take op die plaas aanpak, en is die ideale oplossing vir boere wat hul bedrywighede gladder en produktiewer wil laat verloop. Vyf redes waarom boere die Ranger XLT kies 1. Dit help jou alle terreine met selfvertroue aandurf. Moenie toelaat dat moeilike paaie jou spoed breek nie. Die Ranger XLT se 4x4-vermoë, keuse van ritmodusse en hoë grondvryhoogte sal jou help om enige terrein vinnig en doeltreffend aan te durf – van modderige landerye en klipperige grondpaaie tot ongelyke, heuwelagtige grond – sonder om bekommerd…

DIE daaglikse internasionale omvang van die see-ys-vlakke, wat dié van beide poolstreke kombineer, het vroeg in Februarie 2025 ’n nuwe laagtepunt bereik en die res van die maand onder die vorige rekordvlak van Februarie 2023 gebly. So lui ’n verklaring deur die Copernicus Climate Change Service (C3S). Dié diens word deur die Europese sentrum vir mediumtermyn-weervoorspellings (ECMWF) namens die Europese Kommissie en met befondsing deur die Europese Unie (EU) gelewer. Die C3S publiseer maandelikse bulletins oor klimaatsveranderinge in die wêreldwye oppervlaklug- en seetemperature, asook oor see-ys-bedekkings en hidrologiese veranderlikes wat waargeneem word. Die meeste van die bevindings is gegrond op die ERA5-herontledingsdatastel, wat miljarde metings van satelliete, asook van skepe, vliegtuie en weerstasies oor die wêreld heen gebruik. Volgens C3S was die Arktiese see-ys-vlakke 8% onder die gemiddelde vlakke. Dit…

Case IH bemark twee stropertafels wat oor die jongste tegnologie beskik, in Suid-Afrika, naamlik Geringhoff se bekende stropertafels, asook die Argentynse Franco Fabril-stropertafels wat al langer as 45 jaar hul staal in Suid-Amerikaanse graanstrooptoestande toon. Duitse tegnologie vir die SA boer Die Duitse ingenieursbedryf is bekend om sy vervaardiging van landboutoerusting van die hoogste gehalte. Geringhoff, gerekende vervaardiger van sulke toerusting, se geskiedenis strek oor net meer as 140 jaar. “Die stropertafels wat uit Geringhoff se fabriek kom, is betroubaar, deurlopend aan die voorpunt van die jongste tegnologie en bekend om hul optimale graanverwerking,” sê Daniel Dames, sakebestuurder by NMI. Case IH se Geringhoff-aanbod bestaan uit mielie-, sonneblom- en fyngraantafels. “Die sonneblomtafels is beskikbaar vanaf 30 vt. (9,1 m) en groter, en mielietafels vanaf 4 rye tot 24 rye. Opvoubare…

DIE vraag na gedopte makadamianeute het die afgelope maand effens gedaal ná die hoë pryse wat einde verlede jaar en begin Januarie vir heel neute aangebied is, het Cobus Kok, besturende direkteur van die aanlyn platform Macadamia Services Management, in sy onlangse nuusbrief gesê. Kok meen die goeie pryse wat gedopte neute verlede jaar behaal het, het meer produsente aangespoor om ’n groter deel van die huidige oes vir verwerking te stuur. Dit is veral opmerklik namate die prysverskil tussen gedopte en ongedopte neute (die sogenoemde nut-inshell oftewel NIS) vergroot, aangesien die styging in NIS-pryse minder indrukwekkend was. Ná die Nuwejaarsvieringe in China en Viëtnam het die mark vir ongedopte neute min beweging getoon. China se kleinhandelmark het sy beste feestyd sedert die pandemie beleef, met ’n verbetering in die…

In die begrotingsoorsig wat die nasionale tesourie in Februarie bekend gemaak het, is ’n deel afgestaan aan beleggingsvermenigvuldigers. Dit kom kortliks neer op die spesifieke vermenigvuldigingseffek vir elke R1 miljoen wat belê word. Die ideaal sou wees dat die staat, as hy ernstig is om die ekonomie te laat groei, die geld belê waar dit die grootste groei-impak op die ekonomie sal hê. Dit geld ook private beleggings. Afgesien daarvan dat die vermenigvuldigers ’n goeie aanwyser vir staatsbelegging is (mits dit produktief is), dui dit aan in watter sektor die regering ’n aanmoedigende produksie- of beleggingsbeleidsomgewing moet skep om die meeste groei te bewerkstellig. In die begrotingsoorsig word dit gebruik om te motiveer in watter sektor belê moet word om groei te stimuleer, en word die bousektor byvoorbeeld genoem. GRAFIEK…

DIE eerste wildrehabilitasiesentrum in die Wes-Kaap het onlangs sy deure op Bettysbaai geopen en bied reeds intensiewe behandeling vir verskeie wild- en voëlspesies. Dit is die eerste sentrum in die provinsie wat toegelaat word om inheemse voëls, soogdiere en reptiele te rehabiliteer en weer in die natuur vry laat om herintegrasie in hul natuurlike habitat te verseker. Dit is ook ’n belangrike toevlugsoord vir wees en beseerde bloukraanvoëls. Die opening van die sentrum vir wildredding en opleiding maak deel uit van dié provinsie se voortgesette pogings om natuurbewaring te verbeter en sorg aan beseerde en verplaaste wild te bied. Dit wil ook die toenemende impak van menslike aktiwiteite op die streek se biodiversiteit verlig. Die sentrum word gehuisves in die Kogelberg-biosfeer, die oudste in Suid-Afrika, wat in 1998 as ’n…

Chinese invoerders het op ’n onlangse webinaar van die internasionale varsprodukteorganisasie (IFPA) die lof van Suid-Afrikaanse avokado’s besing en die land se boere vir die gehalte van hul produkte geprys. Die doel van die webinaar was juis om die dinamika van die Chinese avokadomark te belig en Suid-Afrikaanse boere die geleentheid te gee om te hoor hoe Suid-Afrika se produkte, geleenthede en probleme in hierdie mark met dié van ander uitvoerders vergelyk. Die Chinese avokadomark het die afgelope paar jaar groot veranderings ondergaan. Mabel Zhuang van IFPA China het in haar voorlegging insigte oor dié mark verskaf en vertel van die probleme waarmee dit tans te kampe het. Rekordinvoer van 65 000 ton is in 2023 behaal, waarna daar in 2024 ’n afname was tot sowat 49 000 ton. Volgens…

Die hele Boesmanland is kritiek droog, sê Sybil Visagie, wat al jare by droogtehulp betrokke is en self nog ’n boerdery tussen Sutherland en Calvinia aan die gang hou. “Dele het nog so ’n bietjie veld en droë gras, maar die algemene toestand is benard. Die skaapgetalle in die dele wat die swaarste trek, is net 20% tot 30% van die oorspronklike kuddes. “Daar is oral boere wat hul vee verkoop en hul plaashekke toemaak. In Kenhardt se droogste deel het drie boere reeds besluit om vir eers op te hou met hul boerderybedrywighede. Daar is nog sulke boere by Williston, wat aan Boesmanland grens.” Die droogte begin ook knaag aan ander distrikte, soos Sutherland, Calvinia en Van Wyksvlei. Dit begin ook tande wys vir Steynsburg in die Oos-Kaap. Namakwaland…

Ná ’n paar maande se wag en duisende inskrywings het Pierre Vercueil uiteindelik agter die stuur van ’n splinternuwe New Holland TT3.45-trekker ingeskuif. In dié kompetisie, wat van Oktober tot Desember 2024 gestrek het, is boere aangemoedig om R10 000 of meer aan egte onderdele te bestee om hul toerusting in topvorm te hou. Elke R10 000 het een inskrywing beteken, en met meer as 1 000 inskrywings was die belangstelling groot. Groot dag vir boerdery By die oorhandiging het plaaslike New Holland-verteenwoordigers, handelaars en CNH Parts & Service-bestuurders byeengekom om die wenner geluk te wens. “Toe iemand vir my sê ek het ’n trekker gewen, het ek gewonder of dit ’n Dinky Toy is,” het Pierre skertsend gesê. “Dit is ’n groot geskenk wat onverwags gekom het. Ek boer…

Met bouwerk en uitgrawings is betroubare werktuie noodsaaklik. Die regte bande verseker vastrap, stabiliteit en duursaamheid, wat produktiwiteit, brandstofverbruik en veiligheid direk verbeter. Daarom stel Reivilo nou Trailmore TH-803-bande bekend – ’n bandhandelsmerk spesifiek vir TLB’s (veeldoelige laaigrawe) en uitgrawers. Hier is sewe redes waarom Trailmore TH-803-bande die beste keuse vir die boer is: 1. Groter kontakarea vir beter stabiliteit. Trailmore TH-803-bande het ’n breër kontakarea, wat gewig eweredig versprei en vastrap verbeter. 2. Optimale kantgreep vir beweeglikheid. Die kantgreep-tegnologie verseker uitstekende stabiliteit teen hellings en op los gruis en nat grond, wat presiese hantering en veiligheid verhoog. 3. Nie-rigtinggewende loopvlakpatroon. Hierdie patroon verbeter trekkrag in vorentoeén tru-bewegings, wat bedryfsvertragings verminder en werkverrigting verhoog. 4. Selfskoonmakende loopvlak. Modder en puin kan vastrap verminder, maar Trailmore TH-803 se selfskoonmakende loopvlak verwyder…

Wanneer jy ’n lamstjop op die kole braai, weet jy regtig waar dit vandaan kom? Het jy al die boer ontmoet wat nagte in die skaapkraal deurbring om ’n siek lammetjie deur te help? Het jy al gehoor van die jong vrou wat haar oupa se plaas oorgeneem het omdat sy in sy droom glo? Dít is die stories wat Lamb Champs aan kykers bring – die mense agter die vleis wat Suid-Afrikaners so geniet. Lamb Champs: Die hart en siel van skaapboerdery is ’n nuwe TV-reeks op kykNET wat ses toegewyde skaapboere van regoor Suid-Afrika volg. Hierdie boere vertel van hul probleme, oorwinnings en, belangriker, hul passie vir skaapboerdery. Dit is ’n huldeblyk aan familieboerdery en die mense wat alles inspan om ’n produk van wêreldgehalte te lewer. Verbintenis…