Kuier -julkaisun 10 April 2025 -irtonumeron sisällysluettelo

Hierdie uitgawe is super-spesiaal, want ons wou lankal hulde bring aan van ons land se bekendste vroue-influencers. So, die idee was om vier uiteenlopende en invloedryke vroue uit eie reg te kies. En kyk net watter goud het ons raakgeboor met dié dinamiese viertal! Daar is “Glammy”, oftewel Lynn Forbes, wyle rapper AKA se ma, die gewilde TikTokker Semone Skosan, “antie Avril” Albetti, wat haar followers altyd laat skater met haar pittige sêgoed, en dan ook Jessica Daniels, wat onlangs by die Netwerk24 Smaakmakertoekennings as Kuier se Inspirasie-mens van die jaar aangewys is. Al vier vroue is toevallig die ma van twee seuns, en hulle het ‘n hond uit ‘n bos gekuier by ons voorblad-photoshoot in die Kaap. Jy gaan elke woord opslurp van hul inspirerende stories (bladsy 8). Nog…

Daar is min dinge in die wêreld wat ‘n mens so groot laat glimlag soos om die ergste te verwag maar die beste te kry – wanneer jy in iets ingaan en jou voorberei op hoe sleg dit gaan wees, en dan is dit die beste tyd van jou lewe. En ek dink dit was seker die ervaring op die Opstanding-Sondag, toe die vroue op pad was na Jesus se graf toe. Hulle is soontoe met baie lae verwagtinge. Hulle het gesien hoe hul Redder gemartel en gekruisig is. Hoe Hy gesterf het op die kruis van Golgota. Hulle het gesien hoe Hy toegedraai en in ’n graf neergelê is. Wat hulle nie geweet het, was dat die Fariseërs ná Jesus gesterf het, vir Pilatus gaan sê het hulle dink…

Dis enige ouer se grootste nagmerrie dat hul kind sal sterf. En Beronique von Wiling van ’n plaas in die Boland het gedink sy staar dié ondenkbare hartseer in die gesig toe sy haar seuntjie Keenan (9) op 25 Oktober laas jaar bebloed en bewegingloos in die pad sien lê het ná ’n taxi hom gestamp het. Sy lyfie is in die pad voor hul huis sowat 30 meter ver geslinger, en die taxi het nog sowat 30 meter verder tot stilstand gekom, vertel Beronique aan Kuier. Daar was talle insittendes in die voertuig, sê sy, en haar jongste, Quinlan (4), is ook amper raakgery. Keenan het daai dag begin om die grootste geveg van sy lewe te veg, ondanks etlike gebreekte bene, kop-trauma wat tans sy emosies en geheue…

Sy wou as kind al aktrise word. Maar Kayla Ahmed-Jardine (30) het gou besef: dit gaan nie genoeg wees nie, veral nie met ons land se wispelturige vermaakbedryf nie. Juis daarom het sy haarself rus-rus ingewurm by ’n plaaslike produksiemaatskappy om haar kennis ook agter die skerms op te skerp. En vandag pluk sy die vrugte daarvan: Kayla het pas haar heel eerste groot rolprent, Red Zone, vir e.tv se stroomdiens eVOD vervaardig met die akteur Christo Davids as regisseur, en dit wemel van bekende sterre soos die Spinners-akteur Cantona James en Kim Cloete van Arendsvlei. Red Zone fokus op die storie van die jong paramedikus Wade Williams, wat lewens red in die gevaarlike bendegeteisterde Westbury-buurt in Johannesburg. Kayla is boonop ook die medevervaardiger en skepper van die Amerikaanse televisiekanaal…

Wonder oor inentings My kind het vanjaar met skool begin en ek het ’n ander ouer ontmoet wat glad nie glo in vaccinations van enige aard nie. My kind is ses en ten volle ingeënt. Ek het nog nooit inenting bevraagteken nie, maar wou net graag weet wat presies beteken al die verskillende soorte in die verskillende stadiums tot op 6 jaar, en watter risiko’s is daar as jy dit nie doen nie? ANGELA Antwoord BESTE ANGELA Inenting maak die las van aansteeklike siektes wêreldwyd aansienlik baie ligter. Suid-Afrika is gelukkig om die meeste van die nodige entstowwe beskikbaar te hê. Die regering se uitgebreide immuniseringsprogram maak dit moontlik vir alle kinders om gratis teen siektes soos polio, masels, tuberkulose (TB), witseerkeel, en nog meer ingeënt te word. Wanneer ons…

As jy ’n paar keer “ja” op dié vrae antwoord, is dit dalk tyd vir selfondersoek, ’n gesprek met jou maat, of berading as ‘n paartjie. ■ Jy verkleineer, kritiseer of kraak jou maat af, hetsy in ’n geselskap of wanneer julle alleen is. ■ Jy beheer sy skedule en tyd in so ’n mate dat hy nooit of baie min sy vriende of familie sien, of geen tyd het vir sy eie belangstellings nie. ■ Jy sê nooit jammer nie – al was jy die verkeerde een in ’n situasie. ■ Jy aanvaar geen aanspreeklikheid vir julle probleme nie en vertel graag vir ander hoe sleg jou man is, sonder enige konteks oor waar jý en jou toedoen in die prentjie staan. ■ Jy klou vas aan resentment oor…

NR. 333 WEN R350 KONTANT! ? VOLTOOI: Sy is wyle Kiernan Forbes se ma, ‘n inspirasievrou en motiveringspreker. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 30 April 2025. SMS/R1,50. Die oplossing verskyn in die uitgawe van 22 Mei 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 30 APRIL 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Terwyl ek drieuur die oggend sit en my hart en siel in dié rubriek stort, word ek herinner aan die ontelbare kere wat ek al in myself getwyfel het. Die verwerpingsbrief van my droomskool bly steeds in my gedagtes, ’n konstante herinnering aan my skynbare inadequacy. Maar terwyl ek nadink oor die reis wat my tot hier gebring het, begin ek besef dat verwerping nie die einde is nie, maar eerder ’n trappie na iets groters. Die dae ná die verwerping was van die donkerste wat ek nóg beleef het. Ek het verlore gevoel. Alleen en onseker oor my toekoms. Die eindelose ure van studeer, die opofferings, die hoop – alles het soos ’n vermorsing gelyk. Ek kon nie anders as om myself te vergelyk met my vriende wat ingekom…

“Kinderstemme stilgemaak deur bendes se koeëls”, 13 Mrt. Ek is bitter jammer vir die mamma en pappa (Undean Koopman en Devon Africa) oor julle dubbele groot verlies. Mag God julle altyd in die palm van Sy hand hou. ALGENITA Die gemeenskap moet saam met die polisie werk. Ouers bly liewer stil want hulle wil nie hul kinders sien tronk toe gaan nie. CHARMAINE Dis die regering se skuld dat die geweld so handuit ruk. Hulle is te behep met wat in die buiteland aangaan. ANNATJIE Ek het in 2014 amper my seun (toe 12) verloor deur ’n dwaalkoeël wat hom in sy kop getref het. Vandag sit hy daagliks met kopseer, en ek vermoed hy het ongediagnoseerde Post-Traumatic Stress Disorder. Ek wens nie enige ma dié traumatiese ervaring toe nie.…

Die dag ná 21 Oktober laas jaar spook steeds by haar. Die vorige dag was ‘n doodgewone, maar vreugdevolle een, want haar tweelingkleindogters, Amina en Anika, het hul tweede verjaardag gevier met ’n lekker lunch by die Spur, omring deur familieliefde, geskenke en kinderlaggies, onthou hul ouma Rachmat Valentine (59) van die Strand buite Kaapstad. “Teen die tyd toe hulle moes huis toe gaan, het Amina egter geweier om saam met haar ouers te gaan. Sy het daarop aangedring om by my te bly – ’n versoek wat ek met ’n glimlag aanvaar het. Ek het haar styf vasgehou en haar verseker dat sy altyd welkom is. Wat ek egter nie geweet het nie, was dat dié gewone dag sou eindig in ’n beproewing wat my geloof, moed en hart…

Ons moet everyday heroes respekteer, en nie eers wag tot iemand in die kollig is nie. Want daar is grensverskuiwers in ons eie gemeenskappe en dis juis wat ons moet inspireer om ook daarna te streef, sê die aktrise Lorcia Cooper-Kumalo (46). Dit lyk sy spoeg vuur, so passievol spat daai woorde uit haar mond. Sy is vurig en doelgerig. En Lorcia mince nie haar woorde nie – ’n eienskap wat sy kry van haar ma, Avril Anthony, haar groot inspirasie en rolmodel. “Om anders te wees was nie noodwendig ’n maklike pad nie,” sê Lorcia, wat nou weer gesig wys in die tennisdramareeks Breekpunt op Showmax. “My ma was die eerste van nege kinders wat nie in ’n fabriek gewerk het nie. Sy is na ’n nursing college en…

Kort jou kroon ’n bietjie ekstra liefde en versorging? Dan is haarolie ’n goeie opsie. Dié eeue oue roetine is deesdae weer groot nuus as dit kom by natuurlike haarsorg. Dis ’n blink manier om jou kopvel te voed, glans aan jou hare te gee en ’n gesonder bos hare te bevorder. Dit maak nie saak of jy haargroei wil aanhelp, skilfers wil behandel of net bietjie met jou haarsorg wil ontspan nie – die gebruik van haarolies het baie voordele. WENK Begin met klein hoeveelhede olie en kyk hoe jou hare daarop reageer. Hou moed en toets ‘n paar olies totdat jy die regte een vir jou hare vind. HOE WERK 'N HAAROLIE? Dis eenvoudig en min moeite. Dit behels dat jy die olie aan jou hare en kopvel…

Die ergste slagting op ons paaie vind plaas oor feestye soos oor Paasfees, wanneer geliefdes en gelowiges hul pad maak na eindbestemmings waar dit gevier sal word. Duisende maak dit egter nie, selfs al is daar gebid vir reisgenade. Vir dié wat padongelukke oorleef en die naaste hospitaal haal, is daar baiekeer één ding wat, benewens bekwame mediese personeel, bepaal of iemand leef of sterf: kosbare bloed. Dis noodsaaklik by geboortes en miskrame. Op operasietafels, in spreekkamers, en selfs in tye van oorlog in veldhospitale, en dit tref geen onderskeid oor wie dit benodig nie. En raai wat? Die oortappings wat die lewens red, kom alles van skenkings. Maar hoe bou hospitale dié universele lewensreddende noodhulpmiddel se voorraad op? Iemand soos die bekende Australiër James Harrison, wat in Februarie vanjaar…

Het jy al ooit ’n blaaskans gevat maar ná die tyd net so moeg soos vooraf gevoel? Jou lyf het dalk fisiek gerus, maar jy het nie broodnodige emosionele of sosiale rus ook ingekry nie. Dalk het jy eintlik geestelike, sintuiglike of kreatiewe rus nodig gehad. Jip, daar’s sewe verskillende soorte rus, sê die beradingsielkundige Jogini Packery. En al kry jy genoeg van een soort, kan ’n tekort aan die res jou steeds pootuit laat voel. Jou welsyn is soos ’n bankrekening, sê Jogini, die kampushoof van die South African College of Applied Psychology in Joburg. Wanneer jy rus, maak jy ‘n deposito. Wanneer jy aktief is of iets uitdagends doen, onttrek jy. Uitbranding is wanneer jy oor ’n lang tydperk gedurig onttrekkings maak – emosioneel, intellektueel of fisiek. “As…

NR. 256 VRAAG: Wie speel die vroulike hoofrol teenoor Chris Pratt in die fliek The Electric State? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 30 April 2025. SMS/R1,50. Die oplossing verskyn in die uitgawe van 22 Mei 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 30 APRIL 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR.190 boomgom embleem emmer homoniem kamermaat komkommer lammetjie maksimaal mallemeule mamba mamma mammoet Mammon mampoer mannemoed marmer medemens memorandum memoriseer menigmale mimiek mimosa minimum mismaak mismoedig Mohammed molm mombakkies momentum mompel monument mooimaak morfeem Mormoon mummie mymer omarm omkom ommekeer palmboom ruimteman saamsmelt samarium samoem simptoom slampamper somermôre swemdam timmerman vermom OPLOSSING VERSKYN IN DIE UITGAWE VAN 24 APRIL 2025. SOEK VIR DIE SPELETJIENOMMER.…

G20 Waaroor gaan dit? Viola Davis is terug, en sy’s groter, sterker en meer presidensieel as ooit! En sy‘s bevry van daai ekstra-hoë, lastige hakskoene van haar karakter Annalise Keating in How To Get Away With Murder. In dié nuwe aksieriller klim sy in die skoene van die vegter-president Danielle Sutton. Die Oscar-bekroonde Viola vertolk die rol van ‘n voormalige militêre veteraan en moet haar weermag-ervaring inspan om haar familie, ander staatshoofde én die wêreld te verdedig wanneer terroriste op die G20-beraad in Kaapstad toeslaan, Jip, jy’t reg gelees – die fliek is in die Moederstad geskiet! “Danielle Sutton is heeltemal fiktief en gebore uit die verbeelding van verskeie skrywers,” vertel Viola. “Sy is die soort karakter wat jy verbeel as ’n kind – jy speel net die heldhaftigste karakter…

Op die plaas Elandsvlei buite Calvinia in die Noord-Kaap is Koos Junior gebore aan Jacoba “Vroutjie” Saulse en haar man, Koos. Vroutjie het vroeg al geweet haar jongste is soos sy twee sussies. Hy wou ook rokkies dra, met meisies speel, sy lang haartjies gevleg of ingedraai hê, en pophuis speel. Die plaasmense het gepraat van Vroutjie se seun wat net meisiedinge wou doen. Eendag, toe klein Koos agt jaar oud en in graad 2 was, het hy vir die heel eerste keer in sy lewe besef sy manier van doen – wat vir hom doodnormaal was tot toe – was vir ander ’n snaaksigheid. Dit sou dekades van vyandigheid, vernedering en uiteindelike selfaanvaarding kos voordat Koos Jnr. sy hele wese sou verander, en soos ’n vlinder transformeer in die…

GEURIGE BRUINGE-BRAAIDE PAASLAM Genoeg vir 8 mense BESTANDDELE 1 lamsboud of -blad sout 1 teelepel fyn komyn 3 stukke steranys 1 teelepel swartpeperkorrels 1 eetlepel anyssaad ’n handvol tiemietakkies ½ teelepel droë chilli flakes ¼ teelepel nutmeg 3 lourierblare sout, na smaak 1 steel seldery 2 wortels, skoongeskraap 1 ui, geskil 2 cm vars gemmer 4 koppies groenteof hoenderstock Tiemiesout gelyke dele seesoutflakes, tiemieblaartjies en ’n bietjie ge- maalde gemengde peperkorrels METODE Voorverhit die oond tot 120°C. ■ Sny die velkant van die vleis kruis en dwars in. Geur goed met die sout en vryf die vleis in met die fyn komyn. ■ Plaas die res van die bestanddele saam met die vleis in ’n oondpan, bedek met die stock en ‘n stuk foil, en bak vir sowat 3-4 uur (tot sag). ■ Verwyder die foil, verhoog die temperatuur tot 200°C en oondbraai…

Bang vir hul sexy toys Vraag STOUT SPEELGOED Antie, ek en my man het besluit om bietjie speelgoed in die slaapkamer in te bring. Dis ’n nuwe ding vir ons en ons het nog nie veel daaroor opgelees nie. Ek is nervous, want wat as ons dit begin gebruik en ek hou nie daarvan nie, maar dit werk dalk vir hom? Dit lê op die oomblik nog in ’n boks onderin die klerekas. Wat sou antie doen? ANONIEM Antwoord BESTE ANONIEM Dis altyd verfrissend as ’n paartjie kommunikeer en saam besluit om iets nuuts te probeer om intimiteit op te kikker. Baie gaan kyk mos buite, so ek applaud julle. Vir baie is seksspeelgoed taboe, en party dink dis vir singles of losbandiges. Wel, dit is nie. Dis vir doodnormale…

As jy enige vrou in jou vriendekring sou vra wat is “toxic masculinity” is daar ’n goeie kans dat hulle ’n rits dinge sal kan opnoem: Dis iemand wat anti-feminism is, aggressief en dominerend optree, entitled voel tot vroue se liggaam, hul gedrag regverdig met “boys will be boys”, en hul gevoelens begrawe en onderdruk eerder as om te kommunikeer. Die lys gaan aan en aan . . . Vra jy dieselfde groep vroue wat is “toxic femininity”, word jy waarskynlik begroet met ’n doodse stilte. (Crickets.) Kan dit wees dat vroue in hul strewe na gelykheid en onafhanklikheid die einste eienskappe waaronder vroue jare lank onderdruk was, begin uitleef – dié keer teenoor mans? Bygesê, toxic femininity het verskillende definisies afhangende van wie jy vra, maar kan lyk soos…

NR. 308 WEN R350 KONTANT! ? VOLTOOI: Dié derde koning van Israel was bekend vir sy wysheid en horde vroue. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 30 April 2025. SMS/R1,50. Die oplossing verskyn in die uitgawe van 22 Mei 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 30 APRIL 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Die ander dag kom my buurman na my toe. Ons praat toe hiervan en daarvan en voor hy loop, gooi hy dié ene: “Manlike menopouse is ’n werklikheid, want ek ervaar dit tans.” Manlike wát? “Menopouse,” herhaal hy, en gee voorbeelde van hom en sy broer wat nou op onderskeidelik 50 en 47 hard getref word. “Ons is baie emosioneel en huil maklik. Dis maar één van die simptome. Jy sal nog sien,” waarsku my buurman, wat pas sy 50ste gevier het. Nou, ek sal lieg as ek sê ek het nooit gewonder oor wat dan nou in manlike “oorgangsjare” gebeur nie, maar ek het nog nooit van manlike menopouse gehoor nie. Ek het nie die geselsie lank aan die gang gehou nie, want ek was maar skepties oor die…