Idees -julkaisun Jul/August 2019 -irtonumeron sisällysluettelo

Dit is nou twee en ’n half jaar dat ons ons eie potjie krap, soos die oumense sou sê. En daarom dat ek uitgawe vir uitgawe hierdie brief in my tuiskantoor sit en skryf. Wanneer mense my vra of dit nie ’n eensame lewe is nie, wys ek hulle altyd daarop dat ek onverstoord kan werk, dat ek met ’n kombers oor my bene kan sit sonder dat enigeen vir my kyk, en dat ek my verwarmer tot styf teen my kan trek sonder om ’n brandgevaar vir die maatskappy in te hou. Ook dat ek darem gereeld ander spanmaats sien. Maar ja, dit is nie die mees sosiale lewe nie en ek mis dit soms om sommerso oor die koffiekan idees uit te ruil en te hoor en sien…

Fiksie ’n Spook in die huis – François Loots (Umuzi, R260) Die spook in sy huis kry die alleenloper Paul nie verdryf nie, al probeer hy hoe hard om met ingewikkelde resepte sy dae om te bak. Sy lewe verander onomkeerbaar wanneer hy by ’n moord ingesleep word. Nou is sy lewe ook ’n koerantopskrif, nes dié wat hy elke nag bekook vir die Shrien Dewani-saak by die nuuskantoor waar hy werk. ’n Skaduwêreld kom tydens die Dewani-ondersoek aan die lig: ’n wêreld goed bekend aan die ander hoofkarakter, die staatswerker Div. Fisieke pyn is hoe hy vergeet van sy afgetakelde pa en sy junkiebroer. As die gedaante van die vermoorde Anni lewensgroot aan Div verskyn, besef hy dat dít wat by hom spook nie slegs metafories is nie. Wat…

SÊ AMEN VIR AVO Die plaaslike avokadoseisoen bereik sy hoogtepunt in die winter, maar vanjaar is dié gesonde vrug boonop groot nuus in koskringe. Bevrore avokadonageregte pryk op verskeie voorspellers se 2019-tendenslysie, met die groot dryfkrag daaragter die opbloei in plantgebaseerde kos. Avokado’s ry behoorlik dié ‘vleisvrye golf’ en is ook ’n gewilde bestanddeel in groentebakkies, snoepborde en allerlei vegetariese weergawes van klassieke vleisgeregte. Gerief is vanjaar een van die groot gonswoorde in koskringe: Gesonde kitskos, happies en maaltydvervangers laat nie net besige verbruikers se hongerpyne wyk nie, maar sorg ook dat hulle steeds hope voedingstowwe inkry. Avokado’s kan net so uit die skil geëet word – ’n vinnige, maklike en volledig ‘mobiele’ maaltyd vir ontbyt, skoolkosblikke, middagete op kantoor of aandete – boonop in ’n mooi, volledig herwinbare ‘verpakking’…

SPESIALE GESKENK Draai ’n geskenk in linne toe. Was ’n oorskietstuk suiwer linnemateriaal ’n paar keer in warm water en knip dit om ruim om die geskenk te pas. Draai dit om die geskenk, bind ’n stuk tou om en sit ’n gedroogde olyftakkie daarby – dit werk mooi saam met die natuurlike lap. LASLAPPE Dié linnetafeldoek is in werklikheid net ’n aantal los linnelappe. Die kontras tussen uitgerafelde rande teenoor netjiese rande, dig geweef teenoor deurskynend maak dit so treffend. Sodoende kan jy ook die houttafelblad plek-plek deur die materiaal sien. So maak jy Jy het ’n verskeidenheid soorte linnemateriaal nodig, soos wit, deurskynend en natuurlik. Gebruik ’n materiaalskêr om ’n klompie vierkantige en reghoekige lappe van verskillende groottes te knip en rangskik dit in lae op die tafel…

Nie almal kan al hulle passies gelyk uitleef nie. Maar dié 23-jarige Kaapse kunstenaar het presies dít reggekry. ‘Ek het my liefde vir die kunste, koffie en mense in ’n besigheid omskep deur groepe in ’n alternatiewe medium te leer verf,’ vertel sy. ‘Hoewel ek meestal met olie- en akrielverf werk en muurskilderye doen, het ek onlangs werksessies begin aanbied waar ek mense leer hoe om met kitskoffie en water te verf.’ Die doel is nie soseer om deelnemers se tegniek te verbeter nie, maar eerder om hulle te nooi om kreatief tyd saam met vriende en ’n lekker koppie koffie te geniet. ‘Koffiewinkels reg oor die Kaap verskaf die venue, koffie en versnaperinge terwyl ek die kunsmateriaal voorsien en die werksessies aanbied. Die opwinding lê in die sosiale interaksie,…

JAPANSE NOEDEL-ETE Hou ’n noedel-ete met ramen, ’n stapelkos in Japan. Ramen is ’n diep bakkie vol noedels wat dryf in ’n geurige aftreksel en afgerond word met verskeie interessante bestanddele. Dit is baie gesond en in die winter die perfekte maaltyd om met ander te deel. Een of meer mense kan elkeen ’n groot kastrol dun sop berei en die ander sorg dan vir die noedels of ’n bolaag wat reg is om bo-oor te strooi. BASIESE AFTREKSEL ’n Behoorlik gegeurde aftreksel of dun beensop is noodsaaklik. Die beste manier is om vark-, bees- of hoenderbene lank te prut sodat jy al die geur en heilsaamheid kan onttrek. Maak ’n groot kastrol vol en vries die res wat te veel is. Maak: 1 groot kastrol Bereidingstyd: 30 minute Gaarmaaktyd:…

Neem jou blokkie, ’n materiaalpen en liniaal. Sit die liniaal plat op die lap neer en merk met die pen elke 3 cm aan die bo- en onderkant van die liniaal, sodat jou lyne altyd reguit is. Merk dit tot aan die einde van die lap. Ignoreer eers die eerste vertikale lyn kolletjies. Dis makliker om ’n bietjie dieper te begin, dus by die derde kolletjie. Gebruik gewone gare, steek jou naald deur die derde kolletjie, heg die gare met twee stekies vas en gaan dan na die tweede kolletjie. Maak seker die lap maak ’n voutjie en werk dit dan so vas met drie stekies. Druk die naald deur na agter, werk dit vas en knip die gare af. Herhaal die hele proses, maar slaan die tweede ry horisontale…

SO WERK DIT Soek ’n mooi kunsprent en druk dit uit in die verlangde grootte. Sny die uitgedrukte prent in ewe groot blokkies, sodat daar vir elke lid van die groep een of twee is. Knip wit kunspapier in blokkies van dieselfde grootte. Gee vir elkeen ’n blokkie van die kunsprent en ’n blokkie skoon kunspapier en vra hulle om hulle deel van die kunsprent op die skoon papier te verf. Wanneer almal klaar is en die verf heeltemal droog, kan jy die geverfde blokkies rangskik om die oorspronklike prent te herskep. Plak die blokkies met breë kleefband aan mekaar vas en raam die prent.…

MOEILIKHEIDsGRAAD: maklik TYD: 1 uur per bakkie, plus droogtyd JY BENODIG gipsverband ballon, opgeblaas in die grootte wat jy die bakkie wil hê gare in die kleur van jou keuse naald latekshandskoene Knip die gipsverband in stukkies en vul dan ’n bakkie met louwarm water. Trek jou latekshandskoene aan (anders gaan die gips op jou hande saamkoek), neem ’n stukkie gipsverband en trek dit vir so 3-5 sekondes deur die water sodat dit goed deurweek is en die gipspoeier met die water reageer. Sit die stukkie gipsverband op die opgeblaasde ballon neer en vryf dit met jou vingers glad. Herhaal die proses met die volgende stukkie gipsverband en plak dit op die ballon vas sodat dit effens oorvleuel met die eerste stukkie. Hou so aan om stukkies gipsverband met water…

Só skep jy ’n beton-koekafwerking in drie maklike stappe. JY BENODIG 2-3 ronde koeke wit botterversiersel swart jelkoskleursel 2 koekborde waterpas plastiekskraper of groot paletmes draaitafel (opsioneel) Gebruik die swart jelkleursel om die versiersel liggrys te kleur. Plaas die koeke op mekaar op ’n koekbord met versiersel tussenin. Smeer ’n krummellaag versiersel oor die hele koek en sit dit vir 30 minute in die yskas. Bedek die bokant van die koek met ’n rojale laag versiersel en druk dan die tweede koekbord bo-op die koek. Gebruik ’n waterpas om seker te maak die bokant is gelyk. Smeer ’n rojale laag versiersel om die kant van die koek. Maak seker die twee koekborde is mooi in lyn en gebruik dit as jou gids om die koek al om die kant te…

Winter. Die blou seisoen. Hierdie tyd van die jaar is sekerlik vir die meeste mense met ’n agt-tot-vyf-werkdag ’n uitdaging… ek is beslis een van hulle! Hoe sien jy die positiewe in die winter as dit soggens nog donker is wanneer jy opstaan en jy dit ná werk tuis weer so aantref? Jou dag begin met die wekker wat lui, buite roer nog geen voëltjie nie en die vensters wys net swart terug. Dit kan sekerlik nie gesond of natuurlik wees om in die winter nié te hiberneer nie, dink ek dikwels. Ek wens ek kan nog ’n bietjie slaap, net so ’n lekkie meer son op my vel voel. Laatmiddag op pad huis toe sit ek in die verkeer in ’n resies teen die koue donkernag wat toesak. Dit…

Ek het altyd gedink sneeu is wit. Maar toe sê ’n vriend van my wat al baie in Antarktika was, dat die sneeu daar meestal blou en pienk is, net soos spookasem, met blou lug op die horison en bokant dit pienk. Dit moet mooi wees, dink ek, want hier rondom ons sien ons meestal net die gewone wit sneeu op die bergpieke, met blou of grys lug rondom dit. Die kleur van sneeu laat my toe dink aan die lens waardeur ek die lewe bekyk. ’n Ruk gelede was daar geen kleur waarneembaar nie, alles was byna deurskynend, soos niks. Ek het toe ook niks gevoel nie, behalwe as daar ’n bietjie grys by was. Dan was ek hartseer oor alles wat moeilik is en my lyf lam. Stadig.…

• VIR ’N JAA RLIKSE INTEKENING V AN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* • TEKEN OP ENIGE VAN DIÉ MANIERE IN: • SKAKEL 087 353 1307 (MAANDAGTOT VRYDAG 8 VM. TOT 4.30 NM). • STUUR JOU NAAM EN KONT AKBESONDER HEDE PER E-POS AAN SUBS@IDEASFACTORY.CO.ZA.** • SMS ‘INTEKEN IDEES ’ NA 33153. (SMS ’E KOS R 1,50 ELK.)** •AS JY ’N DIGITALE EKSEMPLAAR WIL KOOP OF OP DIE DIGITALETYDSKRIF WIL INTEKEN, GAAN NA WWW.MAGSATHOMEDIGITAL.CO.ZA. KOOP ’N ENKELE DIGITALE EKSEMPLAAR TEENR 60 OF TEKEN OP DIE DIGITALE TYDSKRIF IN VIR R 330. VIR NAVRAE, STUUR ASSEBLIEF ’N E-POS AAN DIGITALSUPPORT@MAGSATHOME.CO.ZA OF SKAKEL 087 405 2222. ONS IS OOK OP ZINIO (za.zinio.com) BEPALINGS EN VOORWAARDES • Jou intekening is vooruitbetaalbaar. • Die aanbod geld…

Lost dog - Kate Spicer (Ebury Press, R396) Die Britse leefstyljoernalis Kate Spicer is ’n middeljarige vrou wat halt probeer roep in ’n lewe wat besig is om te ontspoor. Wanneer sy Wolfy, die ontredderde brak, by ’n hondeskut aanneem, raak hy háár redding. Maar dan verdwyn hy en Kate vaar die strate van Londen in om hom te gaan soek. Soos sy straatop en straataf na hom roep in die skamele hoop om hom te vind, kruis haar pad met dié van ander mense, hulle landskappe en lewens. Sy vind bondgenote in sieners, bloggers en misterieuse middernagtelike drawwers. Die soektog na Wolfy plaas druk op haar verhouding en beproef haar geestelike gesondheid – en in die proses begin sy dink oor haar lewe en waar dinge vir haar begin skeefloop…

‘Dit was vreesaanjaend,’ sê Sarah Pratt oor die aanvanklike ervaring om te verhuis van ’n klein huisie in die Kaapse voorstad Observatory na die enorme Woodstock All Saints Anglikaanse kerksaal van 420 m2. ‘Andrew moes sy ateljee verskuif en ons het oral gesoek na ’n plek waar hy kon werk én ons kon leef. Ons het na ’n paar plekke in die stad gaan kyk, maar die meeste het te industrieel gevoel en boonop was toegang ’n probleem. ’n Vriend van my wat ’n verhuringsagent is, het toevallig ’n kerksaal beskikbaar gehad en ons het onmiddellik ’n kontrak geteken. Maar eers toe ons intrek, het die werklikheid tot ons deurgedring: Daar was geen warm water, bad of geiser nie en daarby was dit regtig ’n kollosale plek. Nadat ons al…

As ek ’n krismisroos sien, is ek weer vyf en binne-in my ouma se tuin. En ek soek feetjies. Ek onthou teetyd in Pietermaritzburg waar ons hertzoggies, melktert en kleinkoekies geëet het, en ruik weer die katjiepiering in ’n kristalpotjie op Ouma se spieëltafel. En ek stap in my gedagtes saam met Oupa waar hy sy groot, rooi tamaties en bete wys wat hy trots uit sy groentetuin trek. Op 53 maak dié gedagtes my steeds gelukkig. Die woorde van die Mexikaanse digter Víctor Téran beskryf die gevoel so mooi: ‘Nostalgie lê soos ’n hangmat in my hart.’ Dít is daardie plek waar ons veilig voel, waarheen almal se koppe en harte soms ver draaie loop. Na tuisgebakte brood uit jou tannie se plaaskombuis, die snoesige komberse wat jou ma…

Ons kon tog nie hierdie spesiale seksie met saamwerkprojekte saamstel sonder om self een aan te pak nie, of hoe? Dit is présies wat ons gedoen het: Vir dié groepspoging het ons vir ’n paar van ons kreatiewe medewerkers en agter-die-skerms-werkersbye ’n blokkie of twee sagte gewaste linne gegee om te versier. Die eindresultaat is ’n mengsel van handborduur-, appliek-, bleik-, oordrag- en vouwerk wat danksy die keuse van kleure en lap almal mooi bymekaar inskakel. Hoewel elke blokkie die persoonlike stempel dra van die maker, het ’n paar basiese reëls gesorg vir die afgeronde voorkoms van die finale laslapdeken. Maar die voordele van die projek strek natuurlik veel verder as die eindproduk. Deur vir ’n paar uur met naald en gare saam te kuier het ons gehelp om vir…

GEVOU MET KRUISSTEKIES 1 Neem jou blokkie en merk met ’n materiaalpen kolletjies elke 2 cm. Vou die lap in ’n vou na links, begin by kolletjie 3 en werk terug na kolletjie 1. Hou aan vou, begin elke keer jou volgende vou by die tweede kolletjie van die vou. Speld elke vou met kopspelde vas, van bo tot onder, sodat dit stewig is. Hou aan vou tot die hele lap gevou is. 2 Maak nou met jou gare ’n klein kruisstekie elke 2 cm om die voue aan mekaar vas te werk. Herhaal die proses tot die hele lap vol kruisstekies is. Haal jou kopspelde uit sover as wat jy die voue vaswerk. GEBLEIK EN GEBORDUUR Teken ’n borduurontwerp met bleikmiddel op jou blokkie. Verdun die bleikmiddel 50:50 met…

In die Victoriaanse era was silhoeëtte vir die gewone mense ’n manier om ’n portret te laat maak. Selfs in die laat 1800’s was hierdie kunsvorm nog gewild by kermisse en feeste danksy die nostalgie daarvan – iets moois en oorspronkliks vir diegene wat dalk minder welgesteld was. MOEILIKHEIDSGRAAD: maklik TYD: omtrent 1 uur (dit hang van jou vriende af!) JY BENODIG(maak 4 portrette) ♥ drie 8 x 44 x 3 000 mm-houtstroke, in 16 lengtes van 450 mm gesaag ♥ vier 140 GSM-gemengdemedia-velle papier in A3-grootte ♥ 16 x M4 x 20 mm-skroewe met moere ♥ 4 x 400 mm-stukke tou ♥ swart akrielverf ♥ kunskwassies ♥ boor met 4 mm-boorpunt ♥ fyn skuurpapier ♥ maskeerband ♥ maatband of liniaal ♥ potlood SKADUKUNS Plak ’n vel 140 GSM-papier met…

JY BENODIG portretraam breidraad: ’n dunner katoenbreidraad vir die skering en ’n dikker breidraad vir die weefwerk tappenstok, gesaag om in die raam te pas 2 houtvurke wat met ’n gomgeweer aan mekaar gelym is ekstra vurk (of kam) presisieskêr liniaal Knoop jou dun breidraad (ons het ’n breidraad in ’n ander kleur gebruik) aan die een kant vas en draai dit oor die raam om jou basis te maak (bekend as die skering). Maak seker jy hou die spanning styf terwyl jy die breidraad om die raam draai. Gebruik die vurke wat jy aan mekaar gelym het as jou weefspoel en draai die dikker breidraad waarmee jy gaan weef, om dit. Weef die tappenstok deur die bokant van die skering. Dit gee ekstra spanning wanneer jy weef. Gebruik jou…

Loper vir jou bed Die patroon is net vir ’n loper vir die bed, maar herhaal die patroon en jy kan ’n volbedkombers hê. Jy kan die loper ook as ’n oorgooideken op jou sofa gebruik. MOEILIKHEIDSGRAAD: redelik maklik TYD: 1 maand JY BENODIG MoYa 100% Organic Cotton Bulky Plush (80 g-bolle): 18 bolle in Natasha (191) MoYa 100% Cotton Timu (50 g-bolle): 8 bolle in Rice (162) 10 mm- en 5 mm-hekelpenne tapisserienaald GROOTTE Breedte = 185 cm. Lengte tot die onderkant van die driehoeke = 110 cm. AFKORTINGS beg – begin dies – dieselfde dr – draai gls – glipsteek h/af – heg af her – herhaal kb – kortbeen ks – kettingsteek lb – langbeen rdte – rondte RK – regte kant sp – spasie st(e) –…

MOEILIKHEIDSGRAAD: gemiddeld TYD: 2-3 dae, droogtyd ingesluit JY BENODIG diagramme op bladsye 120-121 MATERIAAL hout (ons het meranti gebruik) 95 mm x 95 mm x 12 mm dik (deel 1) 500 mm x 70 mm x 20 mm dik (dele 2-5) 600 mm x 20 mm x 20 mm dik (dele 6-9) 175 mm x 110 mm x 20 mm dik (dele 10 en 11) houtskroewe (versink) 4 x M3.5 x 30 mm selfsnyskroewe 3 x M2 x 10 mm houtlym (ultra) mat wit spuitverf 1 x lampkoord met skakelaar en 15-amp-3-tandprop LED-nislig L-CL-0107 7W. WXX103 houtvuller (meranti) GEREEDSKAP handboor staanboor (indien beskikbaar) 2,5 mm- en 1,5 mm-boorpunte versinkboorpunt handsaag versteksnyer (indien beskikbaar) kurwesaag 36 mm- of 38 mm-gatsnyer halfronde vyl gleuf- en sterskroewedraaiers skuurpapier: 100- en 150-grint houtklampe SO…

Kruie: Grasuie, kappertjies, laventel, lourierblare, marjolein, meerjarige basilie, ment, origanum, perdeblom, roket, roosmaryn, salie, sitroengras, tiemie, vinkel. Groente: Aartappels, aspersies, beet, blaarkool, blaarslaai, blomkool, boerbone, broccoli, brusselse spruite, ertjies, komkommer, kool, pampoen, preie, radyse, rape, sampioene, seldery, skorsies, soetrissies, spinasiebeet, sprietuie, tamaties, uie, witwortels, wortels. Vrugte: Appelliefies, appels, avokado, grenadellas, kiwivrug, koejawels, koemkwats, lemmetjies, lemoene, lukwarte, nartjies, papajas, piesangs, pomelo’s, pynappel, suurlemoene. Blomme: Affodille, anemone, angeliere, aronskelke, barbertonse madeliefies en dwergmadeliefies, bergbruidjies, erikas, freesias, geelbos, gipskruid, goudroede, gousblomme, heide, inkalelies, irisse, kangaroepote, krisante, leeubekkies, Oosterse lelies, orgideë, papierblomme, pronkertjies, pronkridderspore, proteas, ranonkels, ridderspore, sintjosefslelies, soetemaling, speldekussings, sterretjies, stokrose, strelitzias, tjienkerientjees, tulpe.…

@MAJASMANUFAKTUR Arvika, Swede @DIEKAALKONYN Stellenbosch, Suid-Afrika @MATANNAKATZ Kaapstad, Suid-Afrika…

Maak ’n voorskoot Knip vir die hoofdeel van die voorskoot ’n reghoek in die verlangde grootte uit die materiaal van jou keuse. Knip ook twee stroke vir die bande. Kap die rafelrande van die voorskootdeel net aan die borand en aan die twee syrande om en laat die onderrand onafgewerk. Merk waar jou gedig op die voorskootdeel moet kom en stryk ’n stuk aanstryktussenvoering aan die verkeerde kant van die materiaal vas. Trek die gedig op die materiaal na en borduur dit in stamsteek met drie draadjies borduurgare. Borduur die rande om die gedig met kettingsteek en Franse knopies. Stik soompies aan die syrande in. Maak die bande en speld dit aan die syrande van die voorskoot vas, ver genoeg van die borand af om toe te laat vir die…

HEILSAME BEES-EN-SAMPIOENPASTEI Koffie word as aftreksel gebruik in hierdie resep en versterk só die ryk, vleiserige geur – ware trooskos vir die koue wintermaande! Genoeg vir: 4-6 Bereidingstyd: 45 minute Gaarmaaktyd: 1½ uur Oondtemperatuur: 180 ºC ♥ 30 ml olyfolie♥ 1 ui, gekap♥ 2 knoffelhuisies, fyngedruk♥ 1 selderysteel, gekap♥ 600 g maer beesmaalvleis♥ 250 g sampioene, in stukke gesny♥ 50 ml meel♥ 350 ml sterk gebroude koffie♥ 2 wortels, geskil en gerasper♥ 15 ml worcestersous♥ 15 ml tamatiepasta♥ 3 ml droë tiemie♥ 2 lourierblare♥ 1 rol gekoopte blaardeeg♥ 1 eier, liggies geklits met ’n bietjie melk♥ slaptjips of rys, om voor te sit 1 Verhit die olyfolie in ’n groot kastrol. Voeg die ui by en soteer dit vir 5 minute oor lae hitte. Voeg die knoffel en seldery by…

Vir Helen Gibbs van die handgemaakte klere-en-bykomstighedereeks Helon Melon is interaksie met kreatiewe vriende en kennisse ononderhandelbaar. Sy bestee baie tyd aan die bestuur van haar besigheid, en dis hoekom dié kreatiewe vrou by ’n weeklikse pottebakkersgroep aangesluit het waar sy haar hande behoorlik kan vuilsmeer. ‘Om met my hande te werk en iets moois en tasbaars te maak skep ’n balans in my lewe. Dis waarskynlik die enigste tyd in die week wat ek nié vier goed gelyk doen nie!’ vertel sy. ‘Ek is gelukkig om ’n netwerk van talentvolle, kreatiewe vriende en kennisse te hê op wie se nommer ek kan druk vir terugvoer as ek nuwe idees het. Daarna kan ek weer oopkop en doelgerig werk. Wanneer kreatiewe mense saamwerk, kry hulle baie daaruit; my hele gemoed…

• Die kleisteenmuur is afgewit deur Tjhoko-verf in onderskeidelik die kleure Vinia Stone en Cloud White met ’n klam lap op die muur te vryf. • Die sementvloer is met ’n patroonstensil en Stencil of Paris gestensil. Daarna is dit in die kleure Vinia Stone en Cloud White ‘gewas’. • Die twee ligbehangsels is met ’n paar lae Tjhoko-verf in onderskeidelik Sherif’s Stone (die houtskoolkleur) en Simon Says (geel) geverf. • Die kunsleer-uitskopstoel, wat oorspronklik wynrooi was, is met Sherif’s Stone vernuwe. • Die kussing is in Sherif’s Stone en Simon Says gestensil. • Die leer agter die stoel is in Matt Black geverf. • Die sytafeltjies is in Don’s Wash geverf en die pote met Matt Black en Simon Says afgerond. • Die knypborde is almal in Matt Black…

SPATSELS PIENK EN PERS Maak klein ruikertjies met pienk en pers blomme om die tafel op verskillende maniere te versier. Jy kan dit in bypassende keramiekhouers of glasvase rangskik of die stele baie kort afknip en in teeligkershouers uitstal – wissel die blom me af met kerse. SJOKOLADE IS ÁLTYD DIE ANTWOORD Begin deur ons uitnodigings met ’n sjokoladetema uit te druk en vul dan die detail van jou partytjie in: die datum, tyd, plek en, die heel belangrikste, onthou om jou gaste te vra om hulle gunstelingdrankie saam te bring. TERRAZZO- GEDEKTE PLEKKE Vir die persoonlike gedekte plekke het ons swart borde, ligpienk glase en ons terrazzopatroon-plekkaartjies (wat jy kan uitdruk) gebruik sodat elke gas weet waar hulle moet aansit. Bitter min van jou vriende gaan ’n uitnodiging na…

MOEILIKHEID SGRAAD: gemiddeld TYD: 3 dae, ingesluit die tyd benodig om die beton te laat bind JY BENODIG hout (ons het superwood gebruik) sement en sand vir die daghavoormengsel dekoratiewe gietystervorm fyn hoenderdraad 1 mm-draad 10 x M4 x 60 mm-houtskroewe (versink) 14 mm-houttappen handboor 3 mm- en 1 mm-boorpunte 14 mm-klipboorpunt skuurverseëlaar epoksielym 25 mm-verfkwas hoekslyper sterskroewedraaier langbektang sykniptang rubberhandskoene kleefwerende kossproei MAAK VAN DIE VORMS Maak ’n boksvormige vorm in die verlangde grootte van jou tafelblad (ons s’n het ’n binnemaat van 310 x 310 x 40 mm). Boor 3 mm-gate en skroef die sykante aan die bodem vas met M4 x 60 mm-houtskroewe. Wend ’n laag skuurverseëlaar aan (dit sal die hoeke verseël en die hout teen vog beskerm). VOORBEREIDING EN GIETING Spuit ’n laag kleefwerende kossproei…

Twee van die mees afgeskeepte produkte in velsorg is reinigers en maskers. Doen hierdie twee stappe reg en gereeld, en jy sal minder hoef te bestee aan salonne om jou vel op te kikker. Hoekom reinigers? Die behoorlike reiniging van jou vel is die eerste en een van die belangrikste stappe in velsorg. ’n Doeltreffende reiniger verwyder nie net grimering van jou gesig af nie, maar ook onsuiwerhede, bakterieë en aanpaksels van gifstowwe waaraan jou vel deur dag blootgestel was. Dr. Janine Ellenberger, wat die GR8SKN-velsorgreeks geformuleer het, sê as jou vel kon praat, sou dit gesê het: ‘Beskerm my, sodat ek jou kan beskerm.’ Reiniger is die heel belangrikste produk wat jy kan koop, glo dr. Ellenberger. Gebruik jy die verkeerde (of geen!) reiniger, word jou vel se beskermende…

Wanneer ’n mens Megan Rodseth uitvra oor haar pad met veganisme, borrel sy behoorlik oor van entoesiasme. Vir haar gaan dit immers oor soveel meer as net die kos wat jy eet – om ’n vegan te wees is eerder ’n bewustelike manier van leef waar jy probeer om te alle tye attent te wees op wat jy verbruik. Hierdie leefstyl kan met klein treetjies begin, soos Meatfree Mondays en om plaaslike besighede te ondersteun, sê sy. The Gypsy Kitchen, die veganbakkery wat Megan in 2018 begin het nadat sy dit eers ’n jaar uit haar huis bedryf het, is ’n droom wat waar geword het. ‘Ek is ’n passievolle en baie kreatiewe mens wat mal is daaroor om ander mense te help. Wanneer ek iets wil hê, doen ek…

SKRYF VIR ONS & WEN! Die skrywer van ons wenbrief, Adèl Meyburgh-Filmalter, ontvang ’n geskenkpak met skoonheidsprodukte van Le Naturel, ’n reeks van natuurlike inheemse olies en bestanddele. Le Naturel word in klein hoeveelhede met die hand gemeng. Al die produkte is vry van petrochemiese stowwe, parabene, sulfate en kunsmatige geur- en kleurmiddels. Besoek www.lenaturel.co.za vir meer inligting. WENBRIEF REËNBOOGVROU My buurvrou het ’n hart van goud. Sy verf die mooiste reënboogkleure in haar medemens se hart. Rooi, oranje, geel, groen, blou, pers… almal op haar kunstenaarspalet. Rooi vir liefde en omgee, oranje vir borrelende kreatiwiteit. Geel vir vrede en geluk, groen vir goedhartigheid, en blou en pers vir barmhartigheid. Nie net is sy ’n formidabele vrou nie, maar ook ’n liefdes- en omgeemens, kranige tuinier en boonop ’n plaasvrou…