Inhaltsverzeichnis für Apr/May 2024 in Weg! Ry & Sleep

REDAKTEURSBRIEF Dit verstom my al hoe meer hoe vinnig die tyd deesdae verbyflits. Is dit net ek of het ons net nou die dag nog vir mekaar ’n voorspoedige nuwe jaar toegewens? Nou is die eerste amptelike blaaskans vir die jaar al op ons... As jy slim was en ’n bietjie vooruit beplan het, het jy waarskynlik gebruik gemaak van al die vakansiedae hierdie tyd van die jaar – en met net vyf verlofdae vir jou ’n wegbreek van twee weke bewerkstellig. Welgedaan dus as jy nou onder jou stoeptent sit en asemskep. Jy verdien dit. Ek wonder die laaste ruk nogal baie oor hoekom dit voel of daar elke jaar ’n bietjie minder tyd is. En in my soeke na ’n antwoord het ek op interessante navorsing afgekom deur…

BMW X2 Die X2 is sedert Maart vanjaar beskikbaar en daar is altesame vier modelle: Die volledig elektriese iX2, die vlagskip-M35i xDrive, die sDrive 19i en die dieselaangedrewe sDrive 18d. Die iX2 gaan nie in Suid-Afrika verkoop word nie, en volgens BMW se webblad ook nie die dieselmodel nie. Citroën C3 Aircross Die nuwe C3 Aircross sal na verwagting teen die einde van 2024 bekend gestel word. Daar is nog geen amptelike foto’s van die nuweling nie; die foto hierbo is van die gewone C3 wat ook nog op pad is. Daar word bespiegel dat die C3 Aircross ’n raps langer gaan wees as die gewone C3 vir ekstra pakplek. Mitsubishi Triton Die sesde geslag Triton word sedert Januarie vanjaar in die Filippyne verkoop en ons behoort hom eersdaags te…

Die park is veral bekend vir sy groot olifantbevolking van ongeveer 10 000. In die suidoostelike hoek van Zimbabwe lê die Gonarezhou- nasionale park van 5 053 km2. Dit is naas Hwange (14 650 km2) die grootste park in die land en vorm boonop deel van een van Afrika se grootste bewareas, die Groter Limpopo-oorgrenspark. Dié enorme 35 000 km2-gebied verbind die Krugerwildtuin en Mosambiek se Limpopo- nasionale park met Gonarezhou sodat wild vrylik tussen die drie lande kan beweeg. Die park is veral bekend vir sy groot olifantbevolking van ongeveer 10 000 – Gonarezhou is immers ’n Shonawoord wat “plek van die olifante” beteken – maar jy sal ook die res van die Groot Vyf hier aantref. Bring beslis jou verkyker en ’n bondige aftiklysie, want verder is hier…

Die N8-deurpad tussen Kimberley en Bloemfontein laat die wêreld vinnig verbyflits, maar ry gerus eendag die Koffiefonteinpad oor nedersettings soos Oppermansdorp en ’n staalbrug oor die boloop van die Kalkfonteindam. Jy gaan dit aansienlik meer geniet. Net mooi 55 km suid van Kimberley, langs die N12-snelweg, staan ’n doodgewone padpredikant (S29.20104 E24.53573) wat jou nooi om links te draai na Heuningkloof. Mieliebelaaide vragmotors rammel heen en weer tussen Hopetown en Kimberley terwyl ons afdraai op dié S121-plaaspad. ’n Halwe kilometer later ry ons oor ’n treinspoor, en by die eerste T-aansluiting draai ons regs in die rigting van Luckhoff. Maar ná skaars ’n kilometer vurk die pad (S29.23265 E24.58661) en ons swenk links – hier ís ’n padteken, maar die name het só verdof dat ’n mens nie kan uitmaak…

Hierdie soort bakkies het verskeie name: Toyota noem syne ’n Xtra Cab, Isuzu het ’n Extended Cab, Nissan het ’n King Cab (hy is egter nie in SA te koop nie) en Ford s’n heet die Super Cab. Daar is natuurlik voordele rondom so ’n verlengde-enkelkajuitbakkie. Jy het nie net veilige pakplek binnelangs vir waardevolle items soos kameratoerusting nie – ’n dubbelkajuit bied wel dieselfde – maar daar is ook belastingsvoordele, net soos met ’n gewone enkelkajuitbakkie. Volgens die wet op belasting op toegevoegde waarde word ’n dubbelkajuitbakkie beskou as ’n “motorkar” en dit is dus nie belastingaftrekbaar nie. Daarteenoor beskou dieselfde wet ’n voertuig waarvan die agterkant van die binneruim hoofsaaklik ontwerp is vir die vervoer van vrag as ’n afleweringsvoertuig, en dié is inderdaad belastingaftrekbaar. Jy kan dus…

Om met ’n tent te kamp het maar sy uitdagings, veral as ’n klomp mense saam probeer ontspan. En meer as een tent langs mekaar én dan nog ’n gazebo kan in ’n oogwink ’n groot trek veroorsaak wat pakplek in jou voertuig opslurp. Sommige kampplekeienaars gaan boonop dalk ’n wenkbrou lig oor die nedersetting wat jy kom neerplak. Die antwoord is voor die hand liggend: ’n Alles-in-een. Falkson se Family Camper het twee aparte en private kamers met ’n stoepdak wat alles maklik in ’n Golf se bagasiebak pas. Jou kampgoed staan nie die wêreld vol nie en neem minder plek op as ’n paar losstaande tente. Die Family Camper se afmetings is 6,6 x 3,2 m en hy neem minder as die helfte van die ruimte op op…

KAMPBESTEMMING Daar is ’n tyd en plek vir alles. Soms is dit lekker om die kinders te bederf en by ’n oord in te trek met hemelhoë waterwurms, interessante minigholfbane en warm swembaddens. Ander kere is ’n mens nie in die luim vir dié soort uitbundigheid nie; dan trek jou hart ’n punt na ’n wegkruipplek diep in die bos. Dis net die regte medisyne, veral as jou alledaagse bestaan jou so stukkie vir stukkie begin onderkry. Dieselfde soort medisyne kry jy as jy op ’n plaas kamp. Die stille natuur is waarna jy die meeste smag en as daar iets te doen is, doen jy dit saam met jou hartsmense. By albei die plekke waar ons ingeloer het, het ’n paar van die kampeerders mekaar geken en dit was…

MY WIELE Deon het sy Suzuki Jimny ’n ruk gelede verkoop en sleep nou sy selfgeboude klein woonwa met ’n stalmaat van die Jimny, die Ignis. Hy was op soek na ’n ekonomiese voertuig waarmee hy wettig kan sleep, maar wat nie ’n plaas se geld kos nie. Hy sê hy was nogal skepties oor die Ignis se 1,2 ℓ-enjin en het gewonder of hy ewe bekwaam sou wees as die Jimny. ’n Naweekbesoek aan die Addo-olifantpark van St. Francisbaai af was egter genoeg om hom te oortuig die Ignis en die waentjie sou ’n langer reis kon oorleef. Selfs in die wind het die Ignis sy staal gewys – Deon meen hy het die Jimny oortref teen die bulte en by die vulstasie. Hy vertel. Om die vakansiegangers aan…

Die Enkulu 3 is Infanta se vlagskipmodel en gemik op paartjies of selfs ’n gesin van vier. Met die prototipe wat ons onder hande gehad het, kan jy vir dae aaneen iewers ver weg van alles en almal in die grootste gemak ontspan, want jy word bederf met geriewe soos ’n warm stort in die wa, ’n buitekombuis waarin enige kampsjef soos ’n vis in water sal voel, en genoeg pakplek. Die eethoekie wat in ’n dubbelbed kan verander, verdien veral vermelding, want dit is iets wat ’n mens in enige wa sal wil sien. Eerste dinge eerste Die Enkulu 3 het ’n afswaaistut op elke hoek, maar om die wa verder kampgereed te kry moet jy die dak lig en die hoofbed uit trek. Die dak lig met vier…

WOONWASKOU Die Woonwaskou by die Gallagher-konferensiesentrum in Midrand het hom oor die jare gevestig as dié geleentheid waar nuwe woonwaens bekend gestel word. En wat vervaardigers betref, was vanjaar se skou die grootste tot nog toe, sê die skoudirekteur, Hampie de Kock. Meer as 40 van die land se 60 of wat vervaardigers het met hulle modelle kom spog, en Hampie-hulle moes ’n derde saal byvoeg vir ’n totale vertoonoppervlakte van 17 000 m². By die 27 000 mense het vanjaar se skou besoek – heelwat meer as die gemiddelde 22 000 van vorige jare. Vir vervaardigers is ’n groot voordeel van die skou dat hulle eerstehands die publiek se reaksie op hulle nuwe produkte kan sien. Een model wat die oog getref het, was Berg Off-Road se unieke boswoonwa,…

NUWE RYGOED Great Wall Motor – of dan GWM – vier vanjaar sy 17de bestaansjaar in Suid-Afrika. Dié private maatskappy is die grootste vervaardiger van bakkies en sportnutsvoertuie in China en wys behoorlik sy staal teen voertuigvervaardigers soos BAIC en Chery wat in staatsbesit is. Trouens, GWM is aanvanklik deur die Chinese regering verbied om sedanmotors te bou, en dit het hom aangespoor om op bakkies en sportnutse te fokus. Deesdae is GWM op agt na die grootste voertuigvervaardiger ter wêreld, met ses handelsname waarvan vier in Suid-Afrika verkoop word: GWM-bakkies, Haval-kruisnutse, ORA- elektriese voertuie, en nou sy Tank-sportnutse. Die eerste Tank-produk wat hier aangeland het, is die Tank 300. Hy’s ’n middelgewig sportnutsvoertuig en die kleinboet van die effens groter Tank 500 wat binnekort aanland. ’n Derde model, die…

Wie sou ooit kon dink jy sal so lekker in ’n appelkoosboord kuier... Ja, dit is presies wat die Montagu-woonwapark is – of dan eerder 33 jaar gelede was toe die eienaar, Antonette Kotze, ’n plasie op dié skilderagtige Bolandse dorp op ’n veiling gekoop en in ’n kampplek begin omskep het. Meer as drie dekades, twee enorme oorstromings, lang werkure en duur lesse later is die Montagu-woonwapark een van die gewildste bestemmings in die Wes-Kaap. En dis skaars twee uur se ry uit Kaapstad tot hier. Die rede, op die oog af, is voor die hand liggend. Dit is ’n netjiese plek. Dis skoon, daar is eersteklas geriewe, die personeel is vriendelik en hulpvaardig, en hier is twee hande vol aktiwiteite om oud en jonk besig te hou. Neem…

KAMP & KATROL VISVANGOORD STOMPIES-OORD KRY STAAN AAN WAL Die Stompies-oord lê langs die Stompdriftdam, die grootste dam in die Klein-Karoo met ’n oewer van 25 km. Die dam in die Olifantsrivier is teen 1965 voltooi en die wal staan ’n allemintige 37 m hoog en 400 m lank. Die water word hoofsaaklik vir besproeiing gebruik. Die dam en geriewe vir kampeerders en dagbesoekers word deur die Stompdrift Kammanassie-watergebruikersvereniging namens die departement van waterwese en sanitasie bestuur, verduidelik die oordbestuurder, Dolly du Plessis. Dolly sien ook om na die besprekings. ’n Mens kan hier kamp, hengel, ski en swem. Hengelaars kom soek hoofsaaklik karp en baber, en ons verneem soetdeeg met heuningmielie is die aaskombinasie wat goed werk hier. As jy saam met jou hengelaarvriende kamp en ’n ander voorliefde…

4X4-PROFESSOR Weens bek-en-klouseer, patogene voëlgriep en verskeie plantsiektes is daar tans beperkings op die uitvoer van verskeie Suid-Afrikaanse kossoorte na ál ons buurlande. Suid-Afrika worstel tans met twee soorte voëlgriep: die H5N1-virus wat dekades lank reeds moeilikheid maak, en die H7N6-virus wat meer onlangs kop uitgesteek het. Bek-enklouseer word deur die virus Picornaviridae veroorsaak, en wat plantsiektes betref, is daar té veel om hier te noem. Ons buurlande beskuldig die Suid-Afrikaanse regering daarvan dat hy halfhartig te werk gaan om die siektes te bestry, en die gevolg is dat Suid-Afrikaanse uitvoere dramaties afgeneem het. Netwerk24 berig Botswana het in 2022 groente ter waarde van meer as R860 miljoen ingevoer, maar weens die verbod het daardie rekening gedaal tot minder as R250 miljoen in 2023. Vir Suid-Afrikaners is dit ’n verlies…