Inhaltsverzeichnis für May 2025 in Rooi Rose

Harmonie is 'n toestand van balans en vrede. Dit is wanneer jy in vrede met jouself, ander en die wêreld rondom jou leef. Harmonie begin by jouself. Dit beteken om jou eie waardes, oortuigings en behoeftes te ken. Dit maak van jou 'n gelukkiger mens. Is dit nie net die beste gevoel om vergenoegd te voel nie? Harmonie in jou verhoudings beteken om ander mense te respekteer, selfs al verskil hulle van jou. Dit kan gesonde verhoudings tot gevolg hê. Daar sal altyd daardie persoon wees met wie jy moet saamwerk of saamkuier wat jou verkeerd opvryf, maar om respekvol te wees, kan die vrede bewaar. Harmonie is iets om na te streef en word nie in 'n kits verkry nie, maar namate jy met sekere positiewe gewoontes volhou, sal…

Ek ontmoet vir Dorette by 'n koffiewinkel in Hermanus waar sy en haar gesin vakansie hou. Die 52-jarige aktrise, met haar lang blonde hare nog klam van die stort nadat sy gaan fietsry het, is geklee in 'n room-en-swart rok en sy's soos altyd hartlik, vol kwinkslae en 'n plesier om mee te gesels. Sy't begin fietsry, vertel Dorette, toe sy haar man, Hennie, met wie sy verlede jaar getroud is, ontmoet het. “Ons gaan in Junie in Italië fietsry, en dus moet ek seker maak dat ek fiks is. Dis nie grappies om aan die verkeerde kant van 50 te wees nie,” sê sy laggend. “Jy moet so versigtig wees, want alles vat soveel langer om gesond te raak,” sê Dorette en vertel dat sy verlede jaar een aand…

1 | Dacha Wellness Bushvelsorgreeks, VANAF R95, WWW.DACHAWELLNESS.COM Dacha Wellness is deur Shannon Smith, 'n voormalige welstandafrigter en voorstander van holistiese gesondheid, gestig. Elke produk in die Dacha-reeks is met eties verkrygbare bestanddele van hoë gehalte van ekovriendelike verskaffers vervaardig. Daar is aanvullings, superkosse, en velsorg. Dit sluit 'n liproom, SPF50 en weefselolie in, wat met natuurlike en organiese bestanddele, soos kremetart, maroela en Kalaharispanspeksaad vervaardig is, asook verskeie ander botters, vitamiene en natuurlike aktiewe bestanddele. 2 | Essence line n’ STAIN! Tattoo Lip Liner R59,95, CLICKS Lipomlyners gee dimensie en volume aan lippe. Jy moet dit egter 'n paar keer deur die dag aanwend, veral nadat jy geëet of gedrink het. Hierdie een werk egter soos 'n tatoe en “vlek” jou lippe as't ware om heelwat langer as 'n…

Die bekende Afrikaanse aanhaling “wie nie waag nie, wen nie” kry nuwe betekenis as 'n mens begin verstaan hoe die kriptowêreld funksioneer. Om te ontdek hoe dié geldeenhede ontstaan het en oor 'n paar jaar fenomenaal gegroei het, ontsluit nuwe perspektiewe vir die moontlike strukturering en inhoud van finansiële portefeuljes. Kriptogeld word egter as een van die wisselvalligste beleggingsopsies geag en daarom is dit belangrik om die agtergrond en werkswyse daarvan te verstaan voordat daar oorhaastige besluite geneem word. In die tradisionele bestuur van beleggings, word kriptogeldeenhede daarom as hoë risiko gesien om by 'n finansiële portefeulje in te sluit. Markverslae wys egter dat dit wel op die duur goeie opbrengste kan lewer, met die gevolg dat dié bateklas oorweeg kan word, as ekstra kapitaal beskikbaar is. Die voorwaarde sou…

I zele van Blerk noem die Paarl huis en Narina Cloete weer Stellenbosch; en dis hier waar hulle hul wynmaakdrome uitleef en groot hoogtes bereik. Izele leef volgens die mantra “verwag die onverwagte”. Sy sê dit bied die stimulasie waarna sy streef en hou haar terselfdertyd op haar tone, om nog hoër te gaan. Dis juis daardie onverwagte wat haar in die wynbedryf laat beland het. Haar suksesvolle hoërskooltennisloopbaan het haar met 'n sportbeurs na die VSA geneem. Sy het ook pluimbal vir Suid-Afrika gespeel en is in graad 7 as Junior Sportvrou van die Jaar in Suid-Afrika benoem. 'n Besering het haar laat terugkeer huis toe en ná 'n BSc in wingerd-en-wynboukunde, het sy in 2009 by KWV begin werk. “My oorlede pa, Chris de Villiers, het wingerd-en-wynboukunde aan…

Pienk lekkerte Die Fairview Rose Quarts 2024 is 'n wyn wat van 48% cinsault, 35% grenache noir, 16% carignan en 1% mourvèdre gemaak is. Die cinsault en grenache is in vlekvryestaaltenks laat rus, terwyl die carignan in Franse eikehoutvate ontwikkel het. Die gevolg is 'n romerige tekstuur en 'n onverwagte kompleksiteit. Geniet hierdie wyn saam met seekos, slaai, kase en tapasdisse. Kry die wyn teen R130 per bottel by Fairview self of aanlyn by www.fairviewmarketplace.co.za/product/fairview-rose-quartz Vier kos en wyn 1-3 Mei | Fijnwyn en Vriende se kos-en-wyn-mark, Tiegerpoort, Pretoria-Oos, www.fijnwyn.co.za 24 Mei | North Side-wynfees, Umthunzi Hotel, Port Shepstone, www.quicket.co.za 30 Mei-1 Junie | Good Life Show (kos-en-drank-mark), Kaapstad Internasionale Konvensiesentrum, www.goodlifeshowafrica.com Sit voor met PEP Home PEP Home het omtrent mooi kombuisware en dekorprodukte. Kyk net na hierdie pragtige…

As jy onseker is oor wat om ná skool te doen, kan 'n gap-jaar (ook genoem 'n postmatriek- of wegbreekjaar) jou dalk van 'n verkeerde besluit red wat later tot spyt kan lei. Kyk jy na die uitvalsyfers van studente aan tersiêre instellings, is 'n konstruktiewe wegbreekjaar dalk net die ding. Nerine Erasmus, 'n programbestuurder by Equilibria School of Life, sê ouers wil dikwels hê hul kind moet ná matriek begin studeer om so gou moontlik te begin werk en 'n inkomste te verdien. “Die feit is 40% van huidige tersiêre studente verander van studierigting of staak hul studies binne hul eerste jaar. Selfkennis en lewensvaardighede is ongelukkig nie iets wat in ons skoolkurrikulums ingebou word nie. Die meeste matrikulante weet nog nie wie hulle is en watter tersiêre studies…

Jy het al 'n hand vol romans en ook kortverhale geskryf. Hoe, waar en wanneer het jy begin skryf? Vandat ek kan onthou, het woorde op papier my geboei − en het die pen in my hand of later die sleutelbord op die rekenaar my gelei. Opstelskryf was heerlik, kortverhale en agterbladartikels het eers in die jare tagtig oorgegaan in die groot stap om 'n roman te skryf. Boekarest se blomme het in 1993 verskyn. Jou boeke speel teen die agtergrond van Afrika af en word met geskiedenis verweef. In jou jongste roman As klippe kon praat word die Olifantsriver in die Laeveld 'n karakter. Waar kom jou liefde vir Afrika en geskiedenis vandaan? Afrika is my hartsplek – die helderheid van haar sonlig, die natuurskoon, die bome, die geskiedenis…

In 'n land soos Suid-Afrika waar finansiële ongelykheid nog so groot is, is dit 'n feit dat baie mense, waarskynlik die meeste mense, van openbare vervoer afhanklik is omdat hulle nie hul eie motors besit nie. Met ander woorde, as die openbare vervoer nie goed werk nie, kan dit verreikende implikasies op ons daaglikse lewe hê. Selfs dié van ons wat wel motors besit, kies dikwels openbare vervoer om elke dag werk toe en terug te gaan. Die enigste openbare vervoer wat ek gereeld gebruik, is vliegtuie. Daar gaan byna nie 'n maand verby sonder dat ek een of meer binnelandse vlug na Gauteng of die Vrystaat vang nie. Hoe betroubaar is ons vliegtuie? Laat ek dit só stel: Suid-Afrika is bevoorreg om 'n hele klomp baie betroubare private lugdienste…

Dis 'n snikhete dag in die Kaap, maar in haar sitkamer poseer die pragtige Leah voor die kamera so koel soos 'n skoukomkommer. Langs haar sit haar ma, Christa, en die twee lag vir Lila (11) en Muggie (14), die twee Jack Russells wat sonder sukses 'n koeltekol soek. Ná afloop van die fotosessie gaan kruip die uwe, Leah en haar ma in die slaapkamer weg waar die enigste lugreëling is. Ma en dogter maak hul tuis op die dubbelbed, terwyl Lila (nie baie grasieus nie) bene in die lug op haar ma se skoot lê. “Hulle is my kinders,” bieg Leah en vertel van die keer toe Lila een stormagtige nag die pad gevat het. “Ek was vir 'n TV-opname in die Magaliesberg toe Hennie bel en sê Lila…

SKEP 'N TUISSPA Skoonheid is een van die beste aspekte van selfversorging. Wanneer ons 'n blaaskans nodig het, is 'n skoonheidsritueel 'n lekker manier om jouself te pamperlang. Hier is 'n paar maniere hoe jy jou roetine kan opkikker: Begin skoon Kry die gevoel van 'n spa by die huis deur jouself te pamperlang. Dit beteken sagte reinigers wat jy kan inmasseer, soos die Eau Thermale Avè Gentle Milk Cleanser R348,75, Clicks, wat 'n fluweelsagte tekstuur het en van grimering en die dag se oortollige produkte ontslae raak. Om die ondervinding meer sensories te maak, kan jy ook produkte kies wat 'n oliebasis het, lekker ruik, of 'n ligte skropmiddel bevat. Vat jou tyd om die produk deeglik in jou vel in te werk, en neem 'n oomblik om diep…

Antjie Krog verbreek grense met Die binnerym van bloed – 'n diep persoonlike verhaal oor liefde, veroudering en nalatenskap. R360, BESKIKBAAR BY JOU NAASTE BOEKWINKEL OF AANLYN ‘n Stylvolle, gewatteerde sak wat elegansie, duursaamheid en genoeg plek bied om alledaagse benodigdhede in te bêre. R190, WWW.CONTEMPOSHOP.CO.ZA Gee vir Ma 'n helder vel met die Multi Collagen Radiance wat vir 'n jeugdige, lewendige gloed sal sorg. R859, BESKIKBAAR BY WWW.HARVESTTABLE.CO.ZA Blaas nuwe lewe in haar skoonheid. Gee vog 'n hupstoot, verminder plooie, bevorder elastisiteit. Die resultaat is 'n vel wat gevoed is, sterker hare en gesonder naels. R649, BESKIKBAAR BY WWW.HARVESTTABLE.CO.ZA Ma kan tuin op haar balkon maak met die GARDENA City Gardening Balcony Box R923,99, WWW.GARDENA.COM Hou jou ma van 'n glasie wyn, maar die sulfiete daarin laat haar gou…

Hierdie eiervrugballetjies sal baie lekker in 'n pitabroodjie of wrap wees, en kan selfs saam met 'n doopsous as 'n partytjiehappie geniet word Eiervrugballetjies met spaghetti 6 porsies 1 eiervrug, geskil en grofgekap 30 ml (2 e) groente-olie 400 g-blik kekerertjies, gedreineer en afgespoel 1 rooi-ui, fyngekap 2 knoffelhuisies, fyngemaak  15 ml (1 e) vars roosmarynblare, fyngekap 80 g parmesaankaas, fyngerasper plus ekstra vir opdiening 375 ml (1½ k) broodkrummels groente-olie, vir vlak braai 375 g spaghetti 700 g-bottel tamatiepastasous 30 ml (2 e) basiliekruidblare 1. Voorverhit oond tot 200 °C. 2. Plaas eiervrug op gevoerde bakplaat en sprinkel olyfolie oor. Rooster vir 25 minute of tot goudbruin en sag. 3. Verpulp eiervrug, kekerertjies, ui, knoffel, roosmaryn en parmesaan in voedselverwerker tot gemeng; geur goed na smaak. 4. Voeg 1 k broodkrummels by en pols tot gemeng. Rol gelyke eetlepels…

Mlcolm Mostert is 'n hotel- en gastehuiseienaar en sy vrou, Retha, is 'n dieetkundige. Die paartjie en hul twee seuns, MC (14) en Luhann (12), woon op Springbok, omring deur die dorp se bekende klipkoppies. Die Mosterts deel hul huis met twee katte, Sniper en Simba (die seuns het hul name gekies!) en 'n hond, Whitey, 'n aanneemhondjie uit Okiep. Retha vertel dat hul huisbouery onverwags 'n huiskopery geword het: “In 2015 het ons besluit om uit Okiep na Springbok te verhuis omdat die kinders moes skool toe en die op-en-af-ryery te veel begin word het. Ons het 'n erf in Springbok gekoop en argiteksplanne vir ons droomhuis laat teken. “Twee weke voor die planne by die munisipaliteit ingedien sou word, het Malcolm 'n oproep van die eienaar van hierdie…

BEKENDES EN BLOMME ONS VOORBLADSTER “Ek sou jok as ek sê ek het 'n hand met 'n plant, maar ek en my man, David, is baie lief vir plante en het heelwat in ons huis en tuin,” vertel Nadia Beukes. “Ek probeer altyd my bes om so goed as moontlik na hulle om te sien, hoewel ek dit nie altyd regkry nie.” Nadia en David het twee woelige seuntjies wat graag buite speel en daarom is sy dankbaar vir 'n stukkie grasperk waar hulle baie tyd deurbring. “Die gras op sigself was vir my die afgelope jaar, ná ons bouery, 'n groot uitdaging. Ons het alles probeer tot ons uiteindelik op Guanoboost afgekom het. Dit is 'n organiese bemestingmiddel wat veilig vir ons kinders en hondjie is. Ons het ook…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS 1. Agteraf praat (7) 4. Vloeibare kos (3) 6. Eggenoot (4) 7. Verbonde aan gebou (6) 9. Toneelspeeister (7) 12. Meerminne (7) 14. Ringe van blomme (6) 15. Ot (4) 17. 'n Knaagdier (3) 18. Arbeídsvermoë (7) AF 1. Kerm en kla (3) 2. Inhoudsopgawe (6) 3. Een van die Groot Vyf (8) 4. Slegsê (4) 5. Briewehouer (ó) 8. Kunstenaars (8) 10. Kwaadaardige en vretende geswel (6) 11, Swanger wees (6) 13. Vriend (4) 16. Gebore (3) BLOKRAAI 6 LEIDRADE DWARS 1. In kennis stel (9) 8. By se steekorgaan (5) 9. Kíeliebak (5) 10. Olm (3) 11. Geseën (5) 13. OT Bybelboek (5) 15. Rigting (5) 18. In beslag neem (5) 21. Duif se geluid (3) 22. Velkwaal (5) 23. Watersug (5) 24. Afneem (9) AF 2. Seraf (5) 3. Geil (5) 4. Keerkringe (5) 5. Bydrae (5) 6. Nek (4) 7. Bok se geluid (4) 12. Dublin-inwoner (3) 14. Oseaan (3) 15.…

VEEARTS BEANTWOORD VRAE VERLIES My pa is onlangs oorlede en sy golden retriever treur verskriklik oor hom. Hy het skoon sy aptyt verloor. Sy hond woon nou by ons, wat kan ek doen om hom te help? Afsterwe in die familie is baie traumaties vir almal betrokke. Wat min mense besef, is dat diere ook 'n soortgelyke traumatiese ervaring beleef. Net soos mense, kan diere rou en in 'n depressie verval. Wees op die uitkyk na tekens soos skeidingsangs, lusteloosheid, aptytverlies en onttrekking van alledaagse aktiwiteite soos speel en sosiale interaksies. Studies dui daarop dat so 'n routyd enigiets van twee maande tot 'n paar jaar kan duur. Jy kan die volgende probeer: • Gee ekstra liefde en aandag. Bestee gehaltetyd saam met die hond. • Behou normale roetines om…

In haar rooi rok en met 'n suiwer stem het Nadia Beukes teatergangers verlede jaar as The Sound of Music se barones op hul voete gehad. (Dit moet in haar DNS wees, want haar pa is immers Rouel Beukes, die Suid-Afrikaanse operasanger.) In die telenovelle Diepe waters was sy vir die eerste keer ná vyf jaar terug op die kassie. Die kykers het haar geháát as die intimiderende Michelle en was verlig toe sy ná 'n skoot in die bors gesterf het. Dit nadat sy pas weer in Binnelanders was om die rol van Anya te vertolk, 'n kankerpasiënt wat haar lewe moes herbou nadat sy letterlik van huis en haard ontslae geraak het. Dit is alles uitdagende rolle wat haar veelsydigheid as sangeres en aktrise benadruk. Ons ontmoet op…

Therese Bam het diep in kykers se harte gekruip toe sy in 2003 in Song vir Katryn die dokter se hart gesteel het. Sy was ook in 7de Laan, Villa Rosa, Skilpoppe, Dryfsand Kampterrein, Suidooster, Kompleks en Wyfie te sien, maar dis die rol van Cherise van Tonder in Home Affairs, wat haar Golden Horn- en Safta-toekennings vir beste ondersteunende aktrise in 'n TV-dramareeks besorg het. Therese het in 2014 van Gauteng na die Kaap verhuis en is al 18 jaar by Homebrew Films se joernaalprogram Kwêla, wat vanjaar sy 26ste verjaardag op die kassie vier. Met ons laaste gesels in 2017 oor'n koffie in Kloofstraat in Kaapstad het sy nog 'n droomverlore kyk in haar oë gehad nadat Christian Bam enkele weke tevore 'n knewel aan haar ringvinger gesteek…

En net so is die blare besig om in die mooiste skakerings van bruin en geel te verander. Ek moet bieg, ek is nie mal daaroor as ek sien die son sak vroeër in die aande nie. Ek is maar 'n sonbesie. Ek het wel baie om te vier. Die laaste twee maande was ek elke naweek in 'n ander dorp vir Makeup Masterclasses en die vroue het dit gate uit geniet. Selfs al kom jy net om die dag saam met al jou vriendinne deur te bring, word daar gelag, gesing en baie geleer! Ek het 'n draai by die Paarl-vallei se Spice Route gaan maak. En om dinge soveel beter te maak, het my ma saam kom kuier – betyds om haar verjaardag ook sommer te kon vier.…

6 teenverouderingswenke vir die delikate ooggedeeltes HANNON BOTHMA Voorkomskenner en aanbieder van Glam Guru op kykNET 1 | Kies die regte reiniger. Kies 'n nie-irriterende reiniger om grimering en vuilheid rondom die oë te verwyder. 2 | Bevogtig. Hou die vel rondom jou oë goed bevog deur 'n oogroom of serum te gebruik wat hialuronsuur, gliserien, of ander bestanddele bevat. Dit sal help om fyn lyntjies op te vul en uitdroging te voorkom. 3 | Beskerm met SPF. Wend 'n breë-spektrum-sonroom wat olievry is aan, want dan kan dit tot teenaan die oë aangesmeer word sonder dat irritasie veroorsaak word. Sonblootstelling kan veroudering versnel en tot die ontwikkeling van fyn lyntjies en donker kringe bydra. 4 | Werk sagkens. Hanteer die delikate vel rondom jou oë met sorg. Vermy hardhandige…

Verpleegpersoneel is die hartklop van 'n hospitaal. Dié wat tussen die meet van koors, die toedien van medikasie, bloed en trane onverpoos werk om lewens te red en te versorg. Vier verpleegsusters deel hul stories asook die uitdagings en vreugdes van hul beroep. Cora-Marie Nelson, 'n verpleegkundige by 'n ongevalle-eenheid van 'n privaat hospitaal in die Suid-Kaap. Vandat sy kan onthou, wou Cora-Marie Nelson 'n dokter of 'n verpleegster geword het. “Ek en 'n maatjie het altyd hospitaal-hospitaal gespeel. Ek het uiteindelik 'n verpleegsuster geword.” Cora het in 2001 haar opleiding begin en in 2005 as verpleegsuster by 'n groot hospitaal se noodeenheid begin werk. In 2008 het sy haar diploma in trauma en noodverpleging voltooi. Ná tien jaar in trauma het sy 'n blaaskans gevat, maar die hospitaal het…

Gebruik pruime met 'n bloedrooi binnekant pleks van geles vir hierdie resep aangesien hulle beter hul vorm behou en minder waterig is Pruim-en-lourierblaarcrostata met heuning 12 porsies DEEG 500 ml (2 k) meel 125 g koue botter, in blokkies 30 ml (2 e) strooisuiker 2 ml (¼ t) seesout 2 eiers, liggies geklop PRUIM-EN-LOURIERBLAAR-CROSTATA 900 g pruime 15 ml (1 e) meel 80 ml (⅓ k) amandelmeel 80 ml (⅓ k) strooisuiker 60 ml (¼ k) heuning 30 g botter, gesmelt 5 lourierblare 1 eier, liggies geklop 15 ml (1 e) strooisuiker, ekstra DEEG 1. Meng meel, botter, suiker en sout saam in voedselverwerker tot fyn krummels. Voeg eiers by en pols tot gemeng. Voeg eetlepel koue water by, indien nodig. Keer mengsel op skoon oppervlak uit en vorm in groot skyf. Draai in kleefplastiek toe en hou vir 1 uur in…

Ilse Verster se blitsverkoper So lyk 'n vrou (2022) oor mishandeling deur 'n gewelddadige eggenoot gryp jou aan die keel. In 'n Vrou staan op, wat verlede jaar verskyn het, vertel Ilse van die nuwe hoofstuk in haar lewe. Ná 'n uitmergelende egskeiding wat haar byna bankrot gelaat het, het sy Kaap toe getrek om perspektief te kry op 'n lewe waarin sy nie meer 'n slagoffer is nie. Toe gebeur 'n wonderwerk. Sy het vir Francois ontmoet en hulle het besluit om te trou. Uiteindelik is die geluk, vrede en veiligheid waarna sy haar lewe lank gehunker het, haar beskore. Maar haar stryd was nog lank nie verby nie. Posttraumatiese stres, 'n onbekende omgewing en nuwe verhoudings bring onverwagse uitdagings. In dié opvolgboek deel Ilse haar ervarings oor die…

Afkortings aw – aweregs d-ms – dubbele mossteek ks – koussteek r – regs rs – reksteek rVa – regs voor en agter in dieselfde steek om te vermeerder st(e) – steek (steke) weersk – weerskante WAT HET JY NODIG? CHARITY Seriously Chunky (150 g) 1 bal elk Lemon, Teaberry, Cloud Blue, Tiger Lime 2 balle Silver Grey OF kleur/kleure van jou keuse 8 mm-breinaalde Steekhouer GROOTTE Pas klein en medium, maar kan maklik aangepas word. Dis lospassend met 'n kort lyf. Steekverduideliking Dubbele mossteek Ry 1 | r1, aw1 tot einde. Ry 2 |brei die steke soos hulle voorkom. Ry 3 | aw1, r1, tot einde. Ry 4 | brei die steke soos hulle voorkom. Herh ry 1 tot 4. Reksteek Brei elke ry regs. Koussteek Ry 1 | r. Ry 2 | aw. Herh ry…

Dames, ek weet nie wat is die ergste nie - wanneer jou sogenaamde betroubare (ou) kêrel jou verneuk, of wanneer jou sogenaamde betroubare jare kêrel verneuk. Alle kante toe is ewe ontnugterend. Dis 'n dubbeldoorpyn - 'n mes wat met twee lemme deur jou reeds geskeide (ouer) hart sny. Ek kan die uitlander, Nikolai, se dinge nog laat gaan. Let wel - nie vergewe nie, maar net die volksvreemde man uit my boeremeisiehart vrylaat om in sy maai in te gaan vlieg - hopenlik al die pad tot in 'n ysige igloe in Moskou. My hartsbelegging was gelukkig nog nie te diep met die Rus nie, weens die langafstand tussen Johannesburg en Moskou en die kommunikasieprobleme weens sy onverstaanbare Russiese gebrabbel gemeng met gebroke Engels en twee woorde Afrikaans, “lakker”…