Inhaltsverzeichnis für 11 December 2025 in Landbouweekblad

Biosekerheid Die G20 het vir die eerste keer ’n internasionale samewerkingsraamwerk vir biosekerheid opgestel. Dit is genoodsaak deur die klimaatkrisis, monitering in groot dele van Afrika wat nie voldoende befonds word nie en herhaaldelike siekte-uitbrekings wat voedselproduksie ontwrig. Dit gee erkenning daaraan dat toenemende bedreigings weens diere- en plantsiektes nie meer as ’n plaaslike probleem beskou kan word nie, maar op die internasionale agenda hoort. Dit is ’n deurbraak vir die landbousektor, en veral vir Suid-Afrika, wat die afgelope paar jaar onder veesiektes, soos bek-en-klouseer, voëlgriep, knopvelsiekte en Afrika-varkpes, deurloop. ’n Oorgrenssiektemoniteringsnetwerk met satellietdata en patogeen-genomika vir die vroeë waarneming van probleme in streke sal ingespan word. Dit sal vinniger waarskuwings, beter bewegingsbeheer en die minder skielike opheffing van veeverkope beteken.…

Uiteindelik kry Suid-Afrika toe rigting met die gestoei teen bek-en-klouseer (BKS) met John Steenhuisen, minister van landbou, se onlangse aankondiging dat die hele nasionale kudde nou teen die siekte ingeënt gaan word. Ja, daar’s nog baie vrae, maar ten minste weet ons nou in watter rigting almal moet trek. Daar’s hoop dat ons miskien die miljarde rande se verliese weens verlore uitvoer kan stuit. En dat boere rustigheid kan kry oor die vrees vir die siekte wat hulle nou al jare lank bekruip. Van die vrae is hoe huidige regulasies aangepas sal moet word sodat alle ingeënte diere nie geslag moet word nie. Waar gaan al die entstowwe vandaan kom? En hoe gaan die handjie vol staatsveeartse miljoene diere ingeënt kry? Ek onthou die dag by Landbouweekblad se Vee-akademie tydens…

WYSIGINGS moet aan protokolle en regulasies van die Suid-Afrikaanse rooivleisbedryf gemaak word om die nuwe strategie vir die bekamping van bek-en-klouseer, met ’n inentingsveldtog, te laat slaag. John Steenhuisen, minister van landbou, het einde November aangekondig dat Suid-Afrika wegbeweeg van ’n beleid van hoofsaaklik kwarantyn na ’n omvattende nasionale inentingsbeleid. Dewald Olivier, uitvoerende hoof van die rooivleisbedryfsdienste (RMIS), sê hy het navrae uit verskeie oorde gekry van wat die volgende stappe is en hoe só ’n ommeswaai bewerkstellig gaan word. “Vir nou is daar ’n 180 grade-ommeswaai aangekondig in wat ons tot dusver gedoen het.” ’n Vraag wat byvoorbeeld gevra word, is hoe abattoirs ingeënte diere moet hanteer. “As ’n abattoir ’n dier ontvang wat vir bek-en-klouseer ingeënt is, is dié dier dan positief vir bek-enklouseer? Natuurlik nie. Wat dit…

’N INVOERTARIEF van R616 per ton is op 27 November op koring ingestel. Die Staatskoerant-proses is deur die Suid-Afrikaanse graaninligtingsdiens (Sagis) van stapel gestuur. Dít volg op ’n gesamentlike voorlegging deur Graan SA en die graan-en-oliesadehandelsvereniging (Sacota) aan die internasionale handelskommissie (Itac) in Oktober ter ondersteuning van ’n aansoek om ’n aangepaste basisverwysingsprys en ’n outomatiese snellermeganisme, wat reeds in Junie 2024 ingedien is. In ’n verklaring sê Graan SA die huidige bedryfsomstandighede is ’n krisis wat onmiddellike ingryping verg. Richard Krige, voorsitter van Graan SA, sê die huidige prys- en kostestrukture is nie volhoubaar nie. Met produksiekoste van sowat R16 000 per hektaar en ’n gelykspeelpunt van minstens 3,4 t/ha is huidige markprysvlakke onvoldoende vir volhoubare produksie. “Brood is ’n stapelvoedsel vir miljoene Suid-Afrikaners, maar min mense besef dat…

TEEN middel November was die see-oppervlaktemperature van die Stille Oseaan in al vier die belangrike Niño-gebiede 0,5 °C koeler as die gemiddelde sedert die winter. “ ’n La Niña-stelsel word gewoonlik geklassifiseer wanneer see-oppervlaktemperature minstens vyf maande agtereenvolgens 0,5 °C ondergemiddeld is. Die huidige ontwikkeling is egter sterk genoeg om as ’n ware La Niña-neiging geklassifiseer te word,” sê Johan van den Berg, onafhanklike landbouweerkundige. “Dit hou verband met die suidelike ossilasie-indeks (SOI) wat ook versterk.” Volgens Van den Berg is die SOI ’n baie goeie aanduider van die oorhoofse weerstelsels se reaksie op die see-oppervlaktemperature in die Niño-gebiede. Die indekswaarde was teen middel November die hoogste sedert April 2022. Voorspellings toon dat die La Niña-ontwikkeling teen Desember ’n draaipunt kan bereik. Dan kan die La Niña-neiging begin terugbeweeg na…

DR. FRIKKIE MARÉ, uitvoerende hoof van die Rooivleisprodusente-organisasie (RPO), sê die aankondiging dat Suid-Afrika ’n “progressiewe” pad gaan volg ten opsigte van die bekamping van bek-en-klouseer deur landwye voorkomende inenting te doen, “is die eerste tasbare stap in die regte rigting”. Hy sê die staat se bek-en-klouseer-bestuurstelsel wat tot dusver gegeld het, waaronder die kwarantyn van kuddes wat naby bevestigde uitbrekings van dié siekte is en voorkomend ingeënt word, het ’n enorme finansiële impak op die land se rooivleisprodusente gehad. “Voerkrale moet ook vir lang tydperke in kwarantyn wees, wat probleme in die mark veroorsaak en prysontwrigtings meebring. Die bedryf het desperaat ’n oplossing nodig omdat hierdie krisis die bedryf verlam.” Die RPO is verheug dat John Steenhuisen, minister van landbou, se aksieplan alle speenkalfprodusente in staat sal stel om…

Marko Grobler wou nog altyd net boer. As kind het hy gereeld by sy oupa Piet Fourie op sy klein plasie naby die Rooiwal-kragstasie buite Pretoria gaan kuier. Dit is daar waar sy liefde vir diere begin het. Hy het sy oupa naweke met die beeste gehelp en elke kans wat hy kon kry, het hy eerder plaas toe as skool toe gegaan, vertel Marko. Sy oupa is vroeg oorlede, maar dié tyd het ’n blywende indruk gelaat en die landbou vir hom ’n lewensideaal gemaak. Nadat hy aan die Hoërskool Wonderboom gematrikuleer het, het Marko vir ’n vriend van sy pa, Jaco Leicester, gaan werk. Jaco het ’n onderneming bedryf wat verantwoordelik was om die gras in die padreserwe langs die hoofweë kort te hou. “Dit was die naaste…

Ingevolge bestaande inkomste- en boedelbelastingwetgewing beland die waarde van die belang wat die oorledene in die onderneming besit het, onder die bestuur van die eksekuteur van die bestorwe boedel. Dit is ook die eksekuteur se verantwoordelikheid om die waarde van die belang te laat bepaal en as ’n bate by die bestorwe boedel in te sluit. Die afsterwe van die eienaar van ’n onderneming het verder direkte gevolge vir inkomste-, kapitaalwins- en boedelbelasting. Probleme met waardebepaling Die waardasieproses van ’n sakebelang is egter nie so eenvoudig nie. Dit gebeur dikwels dat die finansiële state van die onderneming nie behoorlik bygehou word nie. Indien iemand dus te sterwe kom, moet die eksekuteur eers die finansiële beampte van die onderneming opdrag gee om die finansiële state by te werk. Weer eens is…

Die TABEL toon ’n opsomming van grondtransaksies groter as 10 ha in die Wes-Kaap vir die 12 maande tot Augustus 2025. Oor dié tydperk is 524 ooreenkomste gesluit. In die proses is 247 085 ha teen altesaam R6,494 miljard verhandel. ’n Vergelyking per kategorie teenoor die vorige 12 maande toon die volgende: Grondverhandeling kleiner as 50 ha het afgeneem tot 31% (33%), terwyl dié van 50 ha tot 150 ha toegeneem het tot 24% (22%). Verkope van 150 ha tot 300 ha het toegeneem tot 14% (11%), en dié van 300 ha tot 450 ha het gedaal tot 7% (9%). Transaksies van 450 ha tot 600 ha het effens gestyg tot 6% (4%), en groter as 600 ha het gedaal tot 18% (21%). Altesaam 51% van die distrikte toon ’n…

SA uitvoerbedrywe Suid-Afrika se toegang tot die Amerikaanse mark is steeds onseker ná sen. John Kennedy se wetsontwerp einde September vir die hernuwing van Agoa (Amerika se wet op groei en geleenthede in Afrika) vir twee jaar — met die uitsluiting van Suid-Afrika. Die departement van handel, nywerheid en mededinging het die parlement in November ingelig dat onderhandelinge voortgaan en dat daar steun in Washington vir ’n beperkte hernuwing is. Die Withuis steun glo ’n verlenging van ’n jaar. Die departement meen ’n hernuwing sal die huidige voordelestruktuur vir die bestaande lede behou en dat Suid-Afrika teoreties aan boord kan bly. Dít is egter te betwyfel, want die beoogde verlenging is “net vir Afrikalande wat Amerika se belange steun”. Kennedy sê dit dien as teenvoeter vir China se groeiende invloed…

VERWOERD sê daar word al jare gewerk aan ’n model vir nasionale inenting teen bek-enklouseer as moontlike redding vir die rooivleisbedryf. “Dit is jammer dat die krisis tot by hierdie punt van ’n totale inploffing moes vorder vir genoeg mense om te besef waaroor dit regtig gaan. “Ons het al weke gelede die programme deur die ministeriële taakspanne en ander betrokkenes bespreek, maar die toepassing daarvan is ongelukkig vir ’n paar weke vertraag. Ons hoef nou nie meer planne te ontwikkel of uit te dink nie. Dit is alles al uitgewerk, en dit is hoekom ons opgewonde is.” Hy sê die proses moet begin op die plekke waar die vure hoër brand, soos in KwaZulu-Natal waar ’n totale inentingsprogram in die hele provinsie gou nodig is. Meervoudige inentings Verwoerd beklemtoon…

DIE departement van landbou sê hy is reeds besig met ingrypende stappe om die administrasie van Wet 36 van 1947 te moderniseer en die groot agterstande in die stelsel op te los. In ’n mediaverklaring sê die departement dat die oorgang na ’n volledig digitale registrasiestelsel nou momentum kry en dat die aanlyn platform vir aansoeke om die registrasie van landboumiddels amptelik beskikbaar is. Die nuwe stelsel, wat die afgelope 18 maande saam met belanghebbendes in die bedryf getoets en in fases ingestel word, stel maatskappye in staat om elektronies aansoek om die registrasie van produkte te doen, die vordering van aansoeke intyds te volg en outomaties terugvoer te ontvang. Die platform kan ook volledige lyste van geregistreerde middels verskaf wat vir die publiek toeganklik is. John Steenhuisen, minister van…

’N NUWE studie wat in die vaktydskrif Environmental Research Letters gepubliseer is, toon dat selfs gevorderde klimaatintervensiestrategieë dalk nie genoeg is om die toekoms van wyndruiwe, koffie en kakao te verseker nie. Dié gewasse is noodsaaklik vir ekonomieë en bied ’n bestaan vir baie boere oor die wêreld heen. Dit is egter toenemend kwesbaar vir die gevolge van klimaatsverandering. “Stygende temperature en veranderende reënvalpatrone veroorsaak groot wisselings in opbrengste van jaar tot jaar, wat beteken dat boere nie op die stabiliteit van hul oes kan staatmaak nie. Hul produkte is in gevaar,” sê dr. Ariel Morrison, een van die studieleiers. Die navorsers het spesifiek stratosferiese aërosol-inspuiting (SAI) ondersoek as ’n metode om klimaatsverandering te versag in die streke in Wes-Europa, Suid-Amerika en Wes-Afrika waar die beste druiwe, koffiebone en kakao…

Die Voedsel-en-landbou-organisasie (VLO) van die Verenigde Nasies het pas ’n oorsig, Food Outlook, gepubliseer oor die stand van voedselproduksie in die wêreld, en daarmee saam ’n oorsig oor lande wat voedselhulp van buite benodig het om hul bevolking te voed. Dit word op 41 geraam – waarvan 31 in Afrika is. Landboumarkte is gevoelig vir weerveranderinge, wat die grootste aandrywer van aanbodskommelinge en dus pryswisselings is. Die jongste ontleding van die VLO dui daarop dat daar die afgelope jaar oor ’n wye spektrum ’n toename in die produksie van basiese voedsel wêreldwyd was. Dit het bygedra tot ’n aansienlike herstel in voorraadvlakke, wat as ’n buffer kan dien vir ’n swak jaar. Die VLO wys daarop dat handel baie belangrik is om landbouprodukte wêreldwyd van lande met surplusse na lande…

BOEGOE (Agathosma betulina), die hoodia-plant oftewel ghaap (Hoodia gordonii), en die aalwyn Aloe vera is onder die inheemse gewasse en medisinale plante wat nou op Suid-Afrika se lys van verklaarde landbouprodukte verskyn. Nog voorbeelde van nuwe plante op die lys is duiwelsklou (Harpagophytum procumbens), wilde-als (Artemisia afra), Afrika-aartappel (Hypoxis hemerocallidea), kankerbos (Lessertia frutescens) en kalwerbossie (Pelargonium sidoides). Dié plante word nou as landbouprodukte beskou vir die doeleindes van die Wet op die Bemarking van Landbouprodukte (Wet 47 van 1996). Die verteenwoordigende organisasies van hierdie produkte kan dus in die toekoms aansoek doen om statutêre maatreëls, soos heffings, sê die departement van landbou. John Steenhuisen, minister van landbou, het die insluiting van die inheemse gewasse en medisinale plante as landbouprodukte goedgekeur. Dié besluit gee nou formele erkenning aan ’n hoëpotensiaal-sektor met…

Elke keer wanneer iemand hom gelukwens met sy aanwysing as die wynkritikus Tim Atkin se Wingerdboukundige van die jaar, stuur Danie Carinus dié skietgebedjie op: “Here, dankie vir die erkenning, maar stel ons asseblief net in staat om volgende jaar steeds te kan boer.” Want, sê Danie van die plaas Bluegum Grove by Stellenbosch, die nare werklikheid is dat lae druiwepryse dit byna onmoontlik maak vir talle primêre produsente om kop bo water te hou met slegs wingerd. Van wingerdvervanging is daar nie eens sprake nie. Produksiekoste is in baie gevalle reeds tot op die been gesny, groot plase by Stellenbosch word verkoop of vir ander boerderytipes aangewend, en oorsese wynprodusente staan met sakke vol euro’s gretig nader om ’n deel van die Kaapse wyngebied te besit. “My vrou, Lisa,…

As blinkoog 21-jarige het Tania Bosch al haar eerste skaap geskandeer – en vandag, 24 jaar later – het sy al derduisende kilometer afgelê en pak jaarliks grondpad ná grondpad aan om op verafgeleë plase boere se Angora-bokke en skape vir dragtigheid te toets. Op haar besoeke het sy al baie dinge gesien en beleef, maar een ding wat 2025 se skanderings haar gewys het, was dat die besettingskoers van boere se kuddes nog nooit so hoog was soos vanjaar nie. Vertel meer van jouself en jou besigheid. Ek en my gesin woon in KwaNojoli (voorheen Somerset-Oos) in die Oos-Kaap en ek doen al die afgelope 24 jaar skandering van meestal Angora-bokke en skape. Ek is aanvanklik opgelei om in die perdebedryf te werk, maar toe my buurvrou, wat ’n…

Ten spyte van ’n baie moeilike seisoen het Ernst Jonker van die plaas Katdoornkraal by Makwassie in Noordwes ’n uitmuntende sonneblomoes behaal. Sy wenopbrengs van 3,33 t/ha het hom nie net die titel as Graan SA se Groei vir Goud-wenner in die sonneblom-kategorie besorg nie, maar sy Agricol AGSUN 5106CLP het ook goud verower vir ’n olie-opbrengs van 1,38 t/ha teen ’n olie-inhoud van 41,3%. Ernst is die derde geslag in Lor & Ernst Jonker Boerdery en hy boer al 26 jaar in ’n streek waar sonneblom tradisioneel goed presteer. “Ek het grootgeword met sonneblom. Ons gebruik dit steeds vir wisselbou saam met mielies en sojabone.” Die gemiddelde opbrengs op lang termyn in die omgewing is sowat 2 t/ha, en Ernst meen met die voordeel dat dit laat geplant kan…

Sjokoladebruintjies Die perfekte bruintjie is bros en krakerig bo-op en sag en baie klam binne. Dié bruintjies is onweerstaanbaar. 250 ml witsuiker 60 ml klam bruinsuiker 100 g botter, gesmelt 2 ekstragroot eiers 10 ml vanieljegeursel 60 ml olie 2 ml sout 2 ml koeksoda 125 ml koekmeel 25 ml mielieblom 180 ml kakao 120 g donker sjokolade, gekap Voorverhit die oond tot 180 °C en voer ’n vierkantige koekpan van 20 cm met bakpapier uit. Smeer goed of spuit met kleefwerende kossproei. Klits die witsuiker, bruinsuiker, gesmelte botter, eiers, vanieljegeursel en olie baie goed saam – vir minstens 10 minute. Sif die droë bestanddele oor en vou dit versigtig saam met die gekapte sjokolade in. Skep die mengsel in die voorbereide pan, smeer gelyk en bak vir 25-30 minute…

Toe God sy skeppingsprogram voltooi het, het Hy aan die mens ’n opdrag gegee wat hom (die mens) bo alle ander skepsels laat uitstyg het. Soos dit altyd met God die geval is, het Hy saam met die opdrag die toerusting voorsien wat die mens in staat sou stel om te doen wat van hom verwag word. Dit is hier waar die woord verantwoordelikheid sy besondere betekenis kry. Die mens ontvang bestuursverantwoordelikheid en word dan toegerus daarvoor, soos met ’n redelike en sedelike bewussyn saam met ’n stukkie goddelike natuur wat in die beeld van God gestalte sou kry. Dít is wat die mens so radikaal anders maak as die res van die skepping. Hiervan lees ons in Gen. 1:26: “Toe het God gesê: ‘Kom Ons maak die mens as…

GAUTENG CARLETONVILLE DOORNFONTEIN (522) 23 ha, aan Barry Van Wyk Trust, van J.C. Keyser, R3 200 000. RIETFONTEIN (519) 259 ha, aan Barry Van Wyk Trust, van J.C. Keyser, R4 300 000. NIGEL YZERVARKFONTEIN (194) 21 ha, aan A J X Inv (Edms.) Bpk., van Oobridge (Edms.) Bpk., R2 450 000. PRETORIA NOOITGEDACHT (333) 11 ha, aan Reformatted Prop (Edms.) Bpk., van Huxley Trading 2 (Edms.) Bpk., R7 000 000. RIETFONTEIN (395) 16 ha, aan W.J. Jansen van Rensburg, van J.H. Jansen van Rensburg, R907000. ROODEPLAAT (293) 10 ha, aan Eggbert Eggs (Edms.) Bpk., van Bartlet Poultry (Edms.) Bpk., R11 902 429. KWAZULU-NATAL LADYSMITH KEEVERS FONTEIN (1268) 570 ha, aan Keeversfontein Boerdery (Edms.) Bpk., van D.J.J. Cilliers, R4 500 000. PIETERMARITZBURG INGOMANKULU (14135) 19 ha, aan The Ingomankulu Trust, van…

BYEENKOMSTE 19-22 JANUARIE 2026: Combined Congress, aangebied deur die grondwetenskapvereniging van SA, die Suider-Afrikaanse vereniging vir tuinbouwetenskappe en SA vereniging vir gewasproduksie. Noordwes-Universiteit, Potchefstroom. E-pos: combinedcongress@gmail.com. Web: combinedcongress.org.za 3-4 MAART 2026: Landbouweekblad se herlewingslandboukonferensie. Reitz. E-pos: events@landbou.com 3-5 MAART 2026: Africa Energy Indaba. Kaapstadse Internasionale Konvensiesentrum. Navrae: 011 463 9184, e-pos: info@energyindaba.co.za 10-12 MAART 2026: African Wild Dogs United 2026. Virtuele internasionale konferensie oor die bewaring van wildehonde. Web: wilddogs.org 11-13 MAART 2026: Graintech Africa. Gallagher-konferensiesentrum, Johannesburg. Registreer op: sa.graintechafrica.com 11-13 MAART 2026: Iplex Africa. Internasionale pluimvee- en veeuitstalling. Gallagher-konferensiesentrum, Johannesburg. Registreer op: iplexafrica.com 12-13 MAART 2026: 90ste jaarvergadering en kongres van die Meulenaarskamer. Pezula Nature Retreat, Knysna. Meer inligting op: grainmilling.org.za 24-25 MAART 2026: Simposium van die Graanhanteringsorganisasie van SA. Diaz-hotel, Mosselbaai. Web: grainorgsa.co.za 26-27 MAART 2026: African Farming-imbizo. Pretoria. Navrae:…

WILLIE AUCAMP, nuwe minister van bosbou, visserye en die omgewing, belowe om ’n balans te vind tussen natuurbewaring en ekonomiese bedrywighede, en stuur daarmee ’n subtiele boodskap aan opponerende groepe dat hy sy besluite op feite gaan grond. “Ek is oortuig daarvan dat ons wel ’n balans sal kan vind tussen gemeenskapsbelange en ekonomiese bedrywighede en natuurbewaring, asook dat daardie balans in só ’n mate gehandhaaf kan word dat die natuur en die omgewing volhoubaar beskerm word. “Ons kan nie mense dinge op kort termyn laat doen en oor vyf jaar is daardie bron uitgeput nie,” sê hy. Aucamp se standpunt kom teen die agtergrond van klagtes deur organisasies wat die jagen wildbedryf verteenwoordig, dat hulle nie goeie kommunikasiekanale met sy voorganger, dr. Dion George, gehad het nie. Richard York…

Ons rabbedoe Sonja maak ogies vir die boer op die buurplaas. Sy wil haarself graag aan hom bewys as ’n vroueboer (én boervrou) wie se hande vir niks verkeerd staan nie. Met ’n oranje strik op die kop, gepantser met inligting uit haar gunsteling-tydskrif en ’n uitgawe van laasgenoemde in haar agtersak is sy slaggereed om hom te help boer. Ons boer weet nie wat hom tref nie. Hy probeer die vrou uitpluis wat so langs sy bakkie hardloop en so gretig is om plaashekke oop te maak. Anél Wood en Cindy Swanepoel (wat ook die rol van Sonja vertolk) van Swan-Dive Productions het met die konsep vir die veldtog vorendag gekom. “Enigiemand wat al op ’n plaas was, weet daar is plaashekke wat oop- en toegemaak moet word. Dis…

“ONS het ’n baie goeie span gehad. ’n Mens slaap min, so drie ure per nag, maar jy is toegewyd, het ’n passie vir die werk en is ook trots op jou werk,” sê Schreuder. Hy was in 2000 in die weermag toe hy gevra is om die voorsitter van die gesamentlike bedryfsentrum te wees vanwaar die veldtog bestuur en gekoördineer is om die bek-en-klouseer-uitbreking in KwaZulu-Natal te stuit. Dit is binne drie maande onder beheer gebring, danksy streng bewegingsbeheer en inenting. Hy is later ook gevra om in Mpumalanga en Limpopo met die beheer van uitbrekings te gaan help. Schreuder is vandag die sekuriteitshoof in Afrika suid van die Sahara van ’n internasionale logistieke sake-onderneming nadat hy op vroeë pensioen in die weermag gegaan het. Hy onthou nog goed…

SOOS talle belanghebbendes in die veesektor wil die herkouerveterinêre vereniging van Suid-Afrika (Ruvasa) weet waarmee Suid-Afrika se hele beeskudde nou teen bek-en-klouseer ingeënt gaan word nadat John Steenhuisen, minister van landbou, aangekondig het dat dít die manier is waarop Suid-Afrika die siekte gaan hokslaan. “Ons 354 lede, wat praktiserende veeartse op die platteland is, staan gereed om te help, maar ons mag nog nie en selfs al mag ons, weet ons nie hoe nie,” sê dr. Dave Midgley, wat aan die hoof van Ruvasa staan. Die ministeriële bek-enklouseertaakspan onder leiding van dr. Emily Mogajane het in Oktober gevra of Ruvasa sal help omdat daar ’n tekort aan mannekrag in die direktoraat veeartsenydienste is. “Ruvasa het dadelik gereageer en in ’n voorstel aan die taakspan uiteengesit hoe private veeartse kan help,…

“ONTWRIGTINGS weens die wind en mis by die vragterminaal vroeg in die seisoen onderstreep hoe dringend dit is dat die herstelprosesse ná sterk wind in die hawe verbeter word,” sê die Suid-Afrikaanse tafeldruifbedryf Sati) in sy jongste nuusbrief. Die windverwante vertragings was heelwat hoër as die vierjaargemiddelde van 148 uur vir November, sê Antoinette van Heerden, bestuurder van logistieke sake van die varsprodukte-uitvoerdersforum (FPEF). Tot week 46 is net meer as 958 000 kartonhouers tafeldruiwe (van 4,5 kg elk) uit die noordelike provinsies en die Oranjerivierstreek vir uitvoerdoeleindes gepak en geïnspekteer. Dit is sowat 24% meer as verlede jaar, maar weens die probleme in die hawe kon slegs 29 300 kartonhouers teen druktyd uitgevoer word – hoofsaaklik na die Europese Unie. Denene Erasmus, bestuurder van markontwikkeling en kommunikasie by Sati,…

DIE nuwe maatskappy wat deur SA Stamboek en die LRF gestig is, staan bekend as Stud Breeders Federation (SBF). Albei stigtersorganisasies bly egter onafhanklik voortbestaan en gaan voort met hul onderskeie bedrywighede, sê Kobus Bester, voorsitter van SBF en direkteur van die LRF. Dié samewerking is deur die krisis rondom die voortgesette bek-en-klouseeruitbrekings genoodsaak. “SBF is gestig omdat ons bedryf, spesifiek ons lede en hul kliënte, dus stoettelers en die gebruikers van stoetdiere, beter verteenwoordiging in die groter rooivleisbedryf vereis. “Ons wil ons bedryf deur SBF op nasionale vlak verteenwoordig. Dit sal skakeling insluit met die departement van landbou en Red Meat Industry Services (RMIS), asook ander belanghebbendes, soos die Melkprodusente-organisasie en die Rooivleisprodusente-organisasie, universiteite, die voerkraalen abattoirverenigings en enige ander instelling wat hom vir die rooivleisvisie vir 2030 beywer.”…

DIE Du Roi-laboratorium op Letsitele het ’n nuwe piesangplant ontwikkel wat veldgereed is en in grootmaat na boere in afgeleë gebiede vervoer kan word. Van dié torpedo-piesangplante, soos dit bekend staan, is reeds by Chirundu in Zambië, Moamba in Mosambiek en by Tzaneen in Limpopo in proewe aangeplant en presteer goed. Die plant is so groot soos plante wat gewoonlik in 1,5 liter-plantsakke vervoer word, maar danksy ’n slim kweektegniek word die wortels in ’n kompakte planthouer gehou, terwyl die plant tot veldgereedheid uitgroei. Daarna kan dit sonder ’n plantsak in ’n torpedo- of kegelvorm met ’n volume van sowat 250 ml vervoer word. Voorheen moes boere wat plante bestel en oor lang afstande laat aflewer het, sogenoemde in vivo-plante aankoop. Sulke 5 cm-grootte piesangplante is reeds afgespeen, maar moet…

Om aan die eise van voedselproduksie te voldoen en die pyn van die kosteknyptang te verlig, moet Hansie Viljoen (62) van Leeudoringstad in Noordwes nie net voortdurend veerkragtig bly en vernuwend dink nie, maar ook planne maak om die toekoms met vertroue tegemoet te gaan. Boonop moet hy sy voorgangers se groot voetspore volstaan. Sy omvangryke boerdery en ondernemings strek van Noordwes, met Cyferbult as die hoofplaas, tot grond in die Vrystaat en by Ghanzi in Botswana, en ’n voerfabriek. Sy vrou, Wilmarie, en hul drie seuns, Dihan, Henrikus en Kobus, was aan sy sy toe hy Graan SA en Syngenta se toekenning as Graanprodusent van die Jaar ontvang het. Dié familie se storie kom al meer as ’n halfeeu aan. Hansie se pa, Boetie, is op 86 nog gesond…

Wat is die stand van roofdierbestuur in Suid-Afrika? Dit lyk of Australië se regering meer doen om boere by te staan, onder meer deur subsidies, en dat dié land en Amerika minder ag slaan op diereregtegroepe. Suid-Afrika se roofdierbestuur het in ’n erge beleidsvakuum verval, met ernstige gevolge vir die rooivleis-, wol- en wildbedryf. Waar Australië en Amerika boere aktief ondersteun met subsidies, vergoedingstelsels en gesofistikeerde roofdierbestuur, dra Suid-Afrikaanse boere die volle koste van heinings en alle vorme van bestuur en voorkomingsmaatreëls. Permitstelsels is inkonsekwent, departemente het min kundigheid, en geen staatsprogram bestaan wat boere stabiliteit, tegniese riglyne of finansiële ondersteuning bied nie.Beleidsbesluite in Suid-Afrika word toenemend beïnvloed deur diereregtegroepe pleks van deur die werklikheid op plase en wetenskaplike beginsels. Wanneer aktivisme die debat oor roofdierbestuur oorheers sonder begrip en…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Op die strand Lees op bl. 98 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 99 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 25 Desember 2025. Geen posstukke word meer as…

DIE inmaakvrugteverwerker op Ashton, Langeberg Foods, oor wie se toekoms daar groot onsekerheid was, het vandeesweek die eerste appelkose onder sy nuwe vaandel ingeneem. “Daar is groot opgewondenheid in die fabriek. ’n Mens sal binnekort ook van buite af kan sien daar is nuwe energie in die lug wanneer ons handelsmerk op die gebou aangebring word,” sê Edwin Kriel, uitvoerende hoof van Langeberg Foods. Die knoop vir die transaksie is op die nippertjie van die vrugteseisoen deurgehak. “Baie moes in dié kort tydjie gebeur voordat die seisoen aangebreek het, maar die fabriek is nou op dreef,” sê Kriel oor die appelkoos-oes wat ingeneem is. “Die oes is gemiddeld, maar dit lyk of die perskeen peer-oes belofte inhou.” Langeberg Foods, voorheen bekend as Langeberg & Ashton Foods, is onlangs deur Tiger…

BRAHMAN Brahman-bul behaal R280 000 op nasionale veiling ’n Goeie prys van R280 000 is vir ’n bul betaal op die nasionale Brahmanveiling, ondanks ’n groot verandering wat op die nippertjie weens die gevaar van bek-en-klouseer in werking gestel — die veiling kon slegs aanlyn plaasvind. Hierdie prys — die hoogste op die veiling — is betaal vir die bul SB 20-17 Schlebusch Nicolaas wat deur Jaco Schlebusch van Delareyville aan Nikkie Fourie van die VTV-boerderygroep van Christiana verkoop is. Die koei SB 20-16, ook van Schlebusch, is saam met haar bulkalf SB 25-4 vir R70 000 verkoop, ook aan die VTV-boerdery. Die veiling is aanlyn deur BKB vanuit die Koöperasie-restaurant in Potchefstroom op Meerkat se veilingsplatform aangebied. Gareth Hughes het as afslaer opgetree. Oos-Kaapse wildveiling wys wildbedryf het nog…