Inhaltsverzeichnis für 4 September 2025 in Landbouweekblad

Vaaldam bly stampvol Verlede jaar dié tyd was die Vaaldam 46,4% vol, maar vanjaar is dit 107,3%. Die departement van water en sanitasie sê hy het ’n proaktiewe benadering gebruik en die dam op volle kapasiteit gehou tot die begin van die somerreënseisoen. “Dié voorsorgmaatreël is deel van ’n breër strategie om watersekerheid te beveilig en vir moontlike droogtetoestande voor te berei.” Heelwat verder stroomaf, ná die samevloeiing van die Vaal- en Oranjerivier, maak besproeiingsboere gereed vir ’n laer riviervlak. Wilco Fourie, voorsitter van die Oranjerivier-landbou-unie, sê op ’n WhatsApp-groep aan boere dat die watervloei by Prieska begin afneem het en sy raad aan hulle is om waterpompe dop te hou. In die geïntegreerde Vaalrivierstelsel is die damvlakke soos volg: Grootdraaidam 98,6%; Sterkfonteindam 99,1%; en die Bloemhofdam 108,4% vergeleke met…

Manie het onlangs vir twee volle dae gesit en luister na tientalle sprekers wat deelgeneem het aan ’n byeenkoms wat deur die departement van landbou gereël is om te besin oor ’n beleidsraamwerk vir die bestuur van gewasbeskermingsmiddels in Suid-Afrika. Wat soos ’n paal bo water gestaan het, is dat die wysheid van ’n Salomo nodig gaan wees om by ’n oplossing uit te kom wat almal tevrede sal stel. Die kollokwium (die slim woord vir so ’n vergadering) is bygewoon deur verteenwoordigers van verskillende staatsdepartemente, provinsiale landboudepartemente, die georganiseerde landbou, bedryfsorganisasies, werkersorganisasies, akademici, navorsers en selfs buitelandse organisasies, soos die Wêreldhandelsorganisasie. Daar was drastiese verskille in die benaderings oor hoe die omstrede kwessie van ’n regulatoriese raamwerk vir die gebruik en bestuur van plaagdoders benader moet word met die…

Onlangs is ’n donker prentjie in ’n verslag van die Verenigde Nasies geskets oor hoe droogtes, vererger deur klimaatsverandering én heinings, ’n verwoestende tol op Afrika se wild eis. In dié verslag, “Drought Hotspots around the World 2023-2025”, word gewys op hoe droogtes en bestaande natuurbestuurspraktyke reeds tot regstreekse wildvrektes lei. Volgens dr. Henno Havenga van die Noordwes-Universiteit se departement van omgewingswetenskappe en -bestuur het heinings habitats gefragmenteer en die natuurlike migrasie in baie dele van die vasteland onmoontlik vir wild gemaak. “Daar was nog altyd droogtes, maar waar olifante eens duisende kilometers ver agter kos en water kon trek, word hulle nou in reservate vasgekeer. Dit bring ’n natuurlike aanpassingsmeganisme in konflik met mense.” Hy sê die meeste vrektes is nie net die gevolg van die natuur nie, maar…

Kleinjan Teubes (35) kan getuig dat min dinge so “lekker en goed” voel soos ’n stewige sweetsessie. Hy en sy jonger broer, J.A., boer tussen Vredendal en Klawer met wyndruiwe en rosyntjies, en lewer groentesaad aan Syngenta. Dit mag dalk lyk of die broers se sukses maklik gebeur het, maar hul pad was vol draaie en duwweltjies, sê Kleinjan. Een ding wat hulle in die moeilike tye laat oorleef het, was ’n oeroue vorm van terapie: oefening. Nadat die broers die boerdery in 2012 by hul pa, Andrew, gekoop het, het hulle die enorme taak gehad om die sukkelende boerdery te red, ou wingerde en toerusting te vervang, en die skuldlas te verminder. “Ons het nie eens ordentlike trekkers of bakkies gehad nie. Die boerdery was heeltyd onder druk,” sê…

Die boonste opvangsgebied van die Olifantsrivier in Mpumalanga, voedingsbron vir die Loskopdam en vir die tweede grootste besproeiingskema in Suid-Afrika, was in die vroeë 2000’s erg deur huishoudelike riool, nywerheids- en mynbou-afvalwater besoedel. ’n Gemeenskap wat saam oplossings gesoek het, het toe daarin geslaag om die Zaalklapspruit-vleiland deur ekologiese ingenieurswese te laat aanpas om weer sy belangrike watersuiweringstaak te kan verrig – ’n natuurlike filtreer- en bufferstelsel teen rivierbesoedeling. Verskeie belangegroepe trek voordeel hieruit, soos besproeiingsboere van die Loskopdam-besproeiingskema stroomaf van die Loskopdam. Die Zaalklapspruit is een van die Olifantsrivier se sytakke. Prof. Paul Oberholster, dekaan van natuurlike en landbouwetenskappe en direkteur van die Afrika-instituut vir ekologiese ingenieurswese aan die Universiteit van die Vrystaat (UV), was destyds betrokke by die projek om dié deel van die opvangsgebied as’t ware te…

R3,45 miljoen vir ’n enkele springbokram – vir sommige mense klink dit na waansin, maar vir Japie van Niekerk van Kalahari Genetics is dit ’n belegging in die toekoms van die Kalahari se erfenis. Dekades van selektiewe jag het die beste teelmateriaal uit die Kalahari se springbokbevolking verwyder, maar met die aankoop van ’n springbokram met die langste horings ter wêreld wil Japie die neiging omkeer. Dié ram se horings, soos gemeet deur ’n geakkrediteerde meter, is ’n allemintige 21⅜ duim (54 cm). Om dit in perspektief te stel: Rowland Ward-metings is die riglyn wat die meeste jagters in Suid-Afrika gebruik om horinglengtes te bepaal. Daarin word 14 duim (35,5 cm) as ’n trofeespringbok geklassifiseer. Die vorige springbok wat as die wêreldrekordhouer beskou is, se horings was 20 4/8 duim…

Die Wes-Kaap is Suid-Afrika se primêre wintergewasstreek, met gebiede soos die Swartland, Overberg en Suid-Kaap wat van die hoogste droëland-graanopbrengste behaal. Produsente daar pas uitsonderlike produksiepraktyke toe, ondanks die feit dat op reën gewag moet word. Met die klem op dié streek se spesifieke behoeftes het Bester sy infrastruktuur en administrasie aangepas en sodoende sterk vennootskappe met produsente en landboubesighede opgebou. ’n Voorbeeld is die belegging in die Moorreesburg-silosakdepot – die eerste in sy soort op die JSE. Met ’n kapasiteit van sowat 40 000 ton bied dit vinnige lewering in oestyd. Dries van Jaarsveld, wat die depot nougeset bestuur, en Attie Thomas, wat vanaf hierdie depot alle graanaankope in die Swartland koördineer, het saam daartoe bygedra dat Bester ’n sterk en blywende teenwoordigheid in die hart van die Swartland…

Met indrukwekkende wringkrag van 444 Nm, moderne afwerking en ’n waarborg wat kop en skouers bo die meeste ander uitstaan, is dit duidelik dat die JAC T9 nie net op papier indrukwekkend is nie, maar ook in die praktyk presteer. Goeie werkverrigting Die T9 is toegerus met ’n 2 liter-viersilinder-turbodieselenjin wat 125 kW en 444 Nmwringkrag lewer. Hierdie kraglewering is reeds teen lae revolusies per minuut beskikbaar, en maak die bakkie ideaal vir plaaswerk soos sleep, voer aanry en wildversorging. Die enjin werk in tandem met ’n outomatiese agtgang-ratkas wat krag glad en doeltreffend aan al vier wiele oordra. Die volwaardige 4x4-stelsel met laestrek maak dit moontlik om moeilike terrein soos los sand, modder en klipperige paaie met selfvertroue aan te pak. Boonop het die bakkie brandstofverbruik van 7,8 liter…

Met die klem op 50 jaar van suksesvolle produksie van TwinRotor-stropers en Braud-druiweoesmasjiene kan besoekers aan Nampo Kaap daarna uitsien om New Holland se betroubare staatmakers te besigtig. Nuwe CR10-stroper New Holland het in 1975 baanbrekerswerk gedoen met die gebruik van dubbelrotors vir dors en skeiding met die bekendstelling van Twin Rotor™-stropers. Vyftig jaar later het dié tegnologie die kenmerk geword van byna elke hoë-uitset-stroper. Die nuwe CR10-stroper is New Holland se antwoord op die boerdery-eise van vandag én môre. Dit is ontwerp om graanverliese te minimaliseer, graangehalte te beskerm, lopende koste laag te hou en die boer se landerye in die beste toestand te laat vir die volgende seisoen. Die manier waarop stropers ontwerp word, is heroorweeg en ’n heeltemal nuwe ontwerp en dryflyn is geskep. Die CR10 is…

Hulle is bewus van die probleme en groot ekonomiese druk waarmee kleingraanprodusente tans te kampe het, sê Hendrik van Staden, eenheidshoof van Syngenta se saadafdeling in sub-Sahara-Afrika. Daarom is die maatskappy besig om saam met produsente en die bedryf langtermynoplossings te vind wat die bedryf nie net sal laat oorleef nie, maar ook sal help om vorentoe te beweeg. “Nampo Kaap bied aan ons die geleentheid om met produsente te gesels en planne uit te ruil sodat ons gesamentlik na oplossings kan soek wat aan hul behoeftes en verwagtinge voldoen. Ons wil graag met produsente praat oor die waarde van die sinergie tussen al Syngenta se produkte. “Op Nampo Kaap is dit moontlik om saam met produsente deur ons proefperseel te stap en hierdie oplossings aan die hand van praktiese…

Die Suid-Afrikaanse landbousektor is veerkragtig, maar word steeds deur onvoorspelbare weerstoestande, stygende insetkoste en die dringende behoefte aan goeie plaagen siektebekamping in die gesig gestaar. Om te floreer, benodig boere doeltreffende, presiese en betroubare toerusting. STIHL se Farmers Rangereeks bied ’n omvattende oplossing wat plaaslike produsente kan help om volhoubaar te bly voortboer. Doeltreffende spuitwerk is deurslaggewend. Met hoë insetkoste lei ondoeltreffende spuitwerk tot vermorste chemiese middels, ongelyke bedekking en moontlike gewasskade, wat ’n nadelige uitwerking op winsgewendheid het. Boere kan nie hierdie verliese bekostig nie. Die stygende pryse van kunsmis, plaagdoders en brandstof beteken dat elke druppel bydra tot sukses. Newelblasers en spuite Dit is waar STIHL se newelblasers (mist blowers) en spuite ’n belangrike rol speel in die gesondheid van die boer se oes. Hierdie toerusting help met…

Bykans tien jaar gelede het Francois Baird, ’n Suid-Afrikaner wat op die Amerikaanse dorpie Fredericksburg woon, ’n e-pos aan ’n paar vriende gestuur waarin hy sy plan uiteengesit het vir ’n wynklub wat Suid-Afrikaanse wyn invoer. Ses het laat weet hulle stel belang en hy kan maar die wyn bestel. “Die klub het gegroei van sewe tot 138 lede en almal, buiten ek, is Amerikaners,” sê Francois in ’n WhatsApp-oproep terwyl hy na sy kantoor in Washington DC ry. Hy is die stigter en voorsitter van Baird’s CMC, ’n internasionale kommunikasiebestuurskonsultasiefirma, en het ook FairPlay begin, ’n organisasie wat hom teen storting en roofhandel beywer. Hy is ook die stigter van die Good Hope Wine Club in Amerika. François, ’n Klerksdorper van oorsprong, woon sedert 1998 in Amerika toe hy…

Slakke nie stadig in kanolalande . . . Daar staan vanjaar ’n rekordkanola-oes op landerye in die Suid-Kaap en die Swartland. Die Suid-Kaap ervaar egter ’n skadelike inval van slakke, naakslakke en toringslakke. Piet Lombard, wetenskaplike tegnikus in agronomie in die Wes-Kaapse departement van landbou, sê ’n diepgaande studie oor die plae se gewoontes en voorkeurhabitats toon hoe boere dit doeltreffend kan bestry. Volgens hom moet boere vroegoggend die geraakte landerye besoek om dié peste bo die grond te betrap om uit te vind of dit slakke, naakslakke, toringslakke of dalk wurms is wat die skade veroorsaak. Verskillende soorte slakke reageer verskillend op slakpille wat gif bevat en die algemeenste manier is om dit te bestry. Lombard sê die pille is smaaklik en aantreklik en dit is belangrik dat dit…

Die Mentis-familie se pad na staalreus en megaboerdery het sowat 75 jaar gelede in Johannesburg begin, kort ná die Tweede Wêreldoorlog. Andrew Mentis – of oom Andrew, soos hy bekend gestaan het – het die geleentheid raakgesien om staalprodukte te vervaardig wat dringend nodig was in die Suid-Afrikaanse nywerheidswese. Aangespoor deur ’n passie vir ingenieurswese en ’n sterk ondernemingsgees, het hy in sy motorhuis begin eksperimenteer met nuwe idees en tegnieke. “Oom Andrew het self masjinerie ontwerp waarmee hy staal kon buig, sweis en in bruikbare strukture omskep,” vertel Coenie Scheepers, bestuurder van die Mentis Groep se boerdery by Hoedspruit in Limpopo. “Hy was uiters vindingryk en sy bydrae het die grondslag gelê vir ’n familie-erfenis van innovasie en groei.” Vandag is Mentis Africa steeds ’n florerende staalvervaardigingsonderneming in Johannesburg…

As herlewingslandbou werklik die wêreld gaan verander, moet dit op groot skaal gedoen kan word, meen Jeff O’Neill, eienaar van O’Neill Vintners and Distillers in die Paso Robles-gebied in Kalifornië, Amerika. Daarom het dié wynmakery, wat 250 000 ton druiwe van 220 Kaliforniese en Washingtonse wynboere pars en een van die tien grootstes in Amerika is, vyf jaar gelede besluit om ’n studie op sy Robert Hall-landgoed by Paso Robles te doen om konvensionele druifboerdery met herlewingswingerdbou te vergelyk. “Ons vereis dat alle boere wat druiwe aan ons lewer, volhoubaar gesertifiseer moet wees, maar die afgelope jare praat ons baie oor herlewingslandbou en hoe ons verder kan gaan as om net volhoubaar op die grond te boer,” het Caine Thompson, hoof van volhoubaarheid by O’Neill Vintners and Distillers en besturende…

Skuiling vir jagters en fotograwe Binne-in hierdie wegkruipplek kan jagters – veral diegene wat graag met ’n boog skiet – ongesiens wag totdat die bok naby genoeg is om met vertroue te kan aanlê. Peter Rademan van die bemarker, Pellet-Guns.com van Benoni, sê dit is van gekamoefleerde eenrigtingsigmateriaal gemaak. Die jagter kan dus na buite kyk, maar die dier kan hom nie daarbinne raaksien nie. Die skuiling is ook ideaal vir fotograwe wat ’n wilde dier eerder op kamera wil vaslê en nie self ’n dier wil oes om biltong en droëwors te maak nie. PRYS: R5 300. NAVRAE: 082 874 9989; web: www.pellet-guns.com Skiet dooierus vanuit jagbakkie Om te voet te jag is vir fynproewers die beste vorm van jagkuns, maar dit is nie almal beskore nie. Ouer persone…

Bredasdorp Park word elke September omskep in ’n lewendige bymekaarkomplek waar trekkers dreun, perde skitter en boere oor nuwighede gesels. Nampo Kaap belowe om vanjaar van 10 tot 13 September nóg groter en omvangryker te wees – met nuwe trekpleisters wat besoekers van vroegdag tot laat besig gaan hou. Dis asof die organiseerders vir hulself gesê het: “Kom ons doen vanjaar van alles ’n bietjie meer.” Meer parkering, meer teelmateriaal, meer vermaak en selfs ’n paar luukshede vir diegene wat hul tentpenne letterlik in Bredasdorp se grond wil inslaan. Ruimtes vir die menigte Die skou lok jaarliks meer besoekers en die parkeerterrein is tot 13 ha uitgebrei. ’n Nuwe ingang naby die ou Neptune-saal beteken ook dat besoekers vinniger kan uitkom sonder om te lank te wag. Hier kom perde!…

Sorghums is bekend as droogteverdraagsame gewasse en kan van Oktober tot Desember in die somerreënstreke gevestig word. Hoewel sorghumplante blousuurvergifting kan veroorsaak in toestande waar hulle stres ervaar, kan dit met die korrekte bestuur oorkom word. Voersorghum Bargrazer-voersorghum bied weiding van goeie gehalte en is geskik vir gebiede met seisoenale reënval van 500 mm en hoër. Goeie hergroei maak dit ideaal vir herhaaldelike beweiding, asook vir hooimaak. Die gehalte kan ’n hupstoot gegee word deur noukeurige bemesting. Hoewel Bargrazer in ’n wye verskeidenheid grondtipes aangeplant kan word, is dit gevoelig vir versuiptoestande. Barchoice is ’n veelsydige staatmaker-voersorghum wat geskik is vir beweiding, hooimaak of kuilvoermaak. Dit groei vinnig, met sterk hergroeipotensiaal. Met ’n uitstekende blaar-tot-stingel-verhouding lewer dit uitsonderlik smaaklike benuttingsgeleenthede binne die seisoen. Wanneer dit goed gevestig is, bied Barchoice…

Case IH beoog om vanjaar een van die indrukwekkendste tentoonstellings op Nampo Kaap te hê. Van kompakte nutstrekkers en die nuutste modelle met hoë kW-lewering tot selfaangedrewe spuite – die rooi handelsmerk se teenwoordigheid sal onmiskenbaar wees. André Olwagen van Case IH sê die klem is nie net op indrukwekkende ysters nie, maar op hoe tegnologie en praktiese oplossings boere help om winsgewend te bly in ’n wisselvallige klimaat. “Met elke nuwe model is daar verbeterings wat ’n verskil op die plaas kan maak. Moeder Natuur is deesdae onvoorspelbaar – die spuittydperk wat vroeër vier weke was, kan nou net twee weke wees. Ons werktuie en toerusting moet dus altyd ’n stap of twee voor wees.” Trekkers vir alle take In die middel van die tentoonstelling sal die betroubare JX45T…

Fosfaat is ’n noodsaaklike bousteen van die lewe en voorsien fosfor – een van die drie kernvoedingstowwe tesame met stikstof en kalium – wat gewasse benodig. Dit spoor fotosintese, wortelontwikkeling, blom- en saadvorming en algehele plantgesondheid aan. Daarsonder is gewasse gestrem en opbrengste daal, en voedselsekerheid kom in die gedrang. Suid-Afrika se grond is dikwels natuurlik arm aan fosfor, wat bemesting noodsaaklik maak. Anders as stikstof en kalium, wat meestal ingevoer word vir kunsmisproduksie, kan fosfaat plaaslik ontgin en verwerk word. Die land se reserwes is groot genoeg om in die plaaslike vraag te voorsien. Fosfaat in SA Die ryk geskiedenis van fosfaat het al in 1652 begin, toe vroeë Nederlandse setlaars die gebruik van mis as bemesting aangeteken het. Teen die laat 1800’s het kommersiële boerdery uitgebrei, en chemiese…

Suid-Afrikaners is bevoorreg met aanbod van vleis SUID-AFRIKAANSE vleisprodusente vaar beter as die wêreldgemiddelde en bied ’n stewige aanbod van diereproteïen. Dr. Jan C. Greyling, landbou-ekonoom aan die Universiteit Stellenbosch se fakulteit agriwetenskappe, het tydens die nasionale kongres van die Rooivleisprodusente-organisasie in Pretoria gesê indien die daaglikse aanbod van proteïen van dierlike afkoms deur die getal landsburgers gedeel word, is daar aan elke Suid-Afrikaner 40 g/dag beskikbaar. Dit is heelwat meer as die minder as 15 g/persoon/dag in Afrika suid van die Sahara en sedert 2004-’06 ook deurlopend effens hoër as die wêreldgemiddelde. Indien ’n mens na die aanbod van grane en ander styselryke voedsel kyk as deel van die totale aanbod van kalorieë aan Suid-Afrikaners, is dit in Suid-Afrika 45%, vergeleke met 65% in Afrika suid van die Sahara…

NADAT die eerste BKS-uitbreking nóg op 30 April verlede jaar op ’n plaas in die Oos-Kaap aangemeld is, moes boere in die Humansdorp-distrik planne maak om dit onder beheer te bring. Die siekte het uiteindelik na 31 plase – 26 melkplase en vyf vleis- en versplase – versprei en etlike miljoene rande se skade veroorsaak. Daarna is inenting op ál 31 plase, asook voorkomende inenting op ’n verdere 18 plase gedoen. Cilliers verduidelik dat ’n plaas vir 12 maande onder kwarantyn moet wees nadat die diere teen BKS ingeënt is. Om weer uit kwarantyn te kom, kan ’n lang proses wees. Daar is verskillende kategorieë van kwarantyn. Die eerste kategorie is vir boere wat nie hul diere teen BKS ingeënt het nie en negatief gebly het. Dié boere mag diere…

“DIT is ’n baie onseker jaar – meer onseker as gewoonlik. Hierdie onsekerheid raak toenemend deel van hoe ondernemings en regerings elke dag bedryf word,” het Katrien Smuts, ekonoom van die buro vir voedsel- en landboubeleid (BFAP), op die Wes-Kaapse bekendstelling van dié organisasie se vooruitskouing tot 2034 op Stellenbosch gesê. As een van Suid-Afrika se mees uitvoergeörienteerde bedrywe word bykans die helfte van plaaslike landbouprodukte (in waardeterme) oorsee verkoop, wat boere aan internasionale skommelinge blootstel. Donker wolke pak op die horison saam vir die internasionale vraag na voedselprodukte as gevolg van groei in Amerika wat afkoel, die Europese ekonomie wat sukkel om kop op te tel en Chinese verbruikers wat die gordels stywer intrek. “Wêreldwye groei het in 2023 en 2024 verswak en die verwagtinge vir 2025 is laer…

Die maatskappy NWK Beperk, of, soos dit algemeen bekend is, Noordwes Koöperasie, het in 1909 ontstaan nadat ’n paar kleiner koöperasies saamgesmelt het. Daar is tans ’n houermaatskappy waarvan die aandele verhandel kan word op die Kaapstadse aandelebeurs (CTSE), en daarvolgens het hy ’n markkapitalisasie van sowat R6,2 miljard. Aandele het in 2018 begin verhandel en meestal sywaarts beweeg oor die afgelope paar jaar, en is tans sowat R5,60 tot R6 per aandeel. Die maatskappy word hoofsaaklik in Noordwes bedryf, en konsentreer op graan en die voedselwaardeketting, asook insetverskaffing, tegnologie, en advies en finansieringsdienste aan die landbou deur ’n aantal filiaalmaatskappye en gesamentlike ondernemings. NWK is ook by ’n aantal besighede betrokke as mede-aandeelhouer, wat kalkproduksie insluit. Die jongste finansiële resultate vir die jaar geëindig 30 April 2025 toon die…

JORDAN Siebert, ’n student aan die Universiteit van Pretoria (UP), wil in haar doktorale navorsing die kollig laat val op die ekologiese belangrikheid van erdvarkgate vir die landboubedryf. Maar om dit te doen, het sy boere se hulp nodig. Haar navorsing ondersoek erdvarkgate, spesifiek hoe dit ’n ekologiese toevlug bied, waaronder van ander dierespesies, hoe die betrokke gate grondtoestande vir ander landbewonende spesies verbeter en hoe hierdie gate gematigde mikroklimate bied, sê Siebert. Volgens haar was sy nog altyd aangetrokke tot die kruispunt van bewaring en landskappe wat deur mense aangepas is – veral hoe om biodiversiteitsbeskerming in omgewings soos landbougrond beter te integreer. “Met die uitbreiding van landbou-aktiwiteite wat toenemende druk op natuurlike ekostelsels plaas, glo ek dat dit belangrik is om te verstaan of – en hoe –…

Al die geleenthede, selfs vir mense wat nie grond besit nie, is een van die dinge wat die landbou so aantreklik maak. Enige jong mens wat vasberade genoeg is, kan op ’n plaas uitkom en ’n groot verskil maak. Christoff Lourens, bestuurder van Schietpad Merino’s by Napier, is een van hulle. Sy werkgewer is André Wessels, ’n dinamiese jong boer wat ook ’n verteenwoordiger vir ’n landbouchemiese maatskappy is. Vandat Christoff in 2018 by Schietpad Merino’s aangesluit het, het hulle met ’n Merino-stoetery begin. Christoff het lamhokkies vir die skape begin gebruik en laparoskopie ingebring sodat die ooie meer egalig kan lam en die skaapboerdery vinniger vooruit kan gaan. Hy het ook BKB se DSS-stelsel wat alles toets en meet, begin gebruik sodat die swakker ooie uitgeskakel word om die…

Vir ’n boer is ’n vliegtuig meer as net ’n luukse. Op groot of afgeleë plase of in wildboerderye waar elke kilometer tel, kan ’n vliegtuig die verskil maak tussen ure se rondry op grondpaaie en ’n paar minute in die lug. Van wildtellings en vee-inspeksies tot drade nagaan, damme monitor en selfs teenstropery – ’n ligte, kortstrookvliegtuig kan ’n onontbeerlike werktuig wees. Die Safari Mk3, plaaslik vervaardig deur KFA, is presies só ’n hulpmiddel: robuus, lig op brandstof, maklik om te vlieg en gebou om te werk waar ’n boer hom nodig het. Waarom vliegtuie? Boerdery in Suid-Afrika strek dikwels oor groot afstande. Dit geld veral wild- of ekstensiewe veeplase. Om drade of waterpunte op ’n plaas van 10 000 ha of meer te monitor, kan ure duur met…

Die lewe op ’n Suid-Afrikaanse plaas is nooit stil nie. Dit is vroeë oggende, laat aande, lang paaie en ’n daaglikse mengsel van deursettingsvermoë, harde werk en verantwoordelikheid. Dit is ook ’n lewe van vryheid, geleenthede en ’n diep verbintenis met jou grond. Om hierdie lewe regtig te lééf, benodig jy ’n bakkie wat die pas kan volhou. Dít is hoekom boere oor Suid-Afrika heen op Ford Ranger staatmaak. Of jy nou iets sleep, laai of op pad is om te verken – elke model in die Ranger-reeks is ontwerp om jou take te vergemaklik. Gebou vir werk wat nooit ophou nie Die ruggraat van ’n boerdery is harde werk, en die Ford Ranger XL, beskikbaar in enkel-, superof dubbelkajuit, is daarvoor gebou. Met ’n taai en stewige ontwerp, ’n…

Syngenta kondig met trots ’n baanbrekende nuwe oplossing vir Suid-Afrikaanse sojaboonprodusente aan – ’n saadbehandeling wat kragtige beskerming en gevorderde biologiese tegnologie in ’n enkele, omvattende pakket kombineer. Drievoudige voordeel As deel van ’n strategiese, wêreldwye vennootskap tussen Syngenta en Rizobacter het Suid-Afrikaanse produsente nou toegang tot Cruiser Ultimate (aangedryf deur ATUVA) – ’n revolusionêre saadbehandeling wat drievoudige beskerming met geoptimaliseerde stikstofbenutting in een kragtige oplossing integreer. Dié baanbrekersontwikkeling is in pas met Syngenta Seedcare se verbintenis tot geteikende oplossings wat gewasse help gedy, produsente help om wins te maak en terselfdertyd grondgesondheid bewaar. Puik beskerming en biologiese vernuf Cruiser Ultimate (aangedryf deur ATUVA) bied ’n kragtige kombinasie: ■ Uitmuntende beskerming. Die betroubare trio van APRON® XL (reg.nr. L6837, Wet 36 van 1947), CELEST® XL (L6353) en CRUISER® (L7546) bied…

In ’n landbousektor wat voortdurend verander, met uiterste weerstoestande, stygende insetkoste en ’n jonger geslag wat nie altyd terugkeer plaas toe nie, bied JDF die gespreksreeks Beyond the Field aan. ’n Paneel kundiges uit die bedryf gesels oor die kwessies en moontlikhede waarmee Suid-Afrikaanse boere daagliks te doen kry. Paneellede van JDF, Absa, Graan SA, Senwes Equipment en AFGRI Equipment gee praktiese, eerlike insigte oor die toekoms van boerdery. Beyond the Field wys hoe die landbou suksesvol kan wees wanneer finansiële en tegnologiese oplossings danksy ondersteuning en vennootskappe aangegryp kan word. Kontant nie altyd koning Kontant bly belangrik, maar vir boere is finansiering dikwels die sleutel om aan te pas by die eise van ’n veranderende landbousektor. “Finansiering is iets wat altyd nodig gaan wees,” sê Antois van der Westhuizen,…

Daar is ’n opvallende ooreenkomby die oorsprong van trekkerfabrikate, naamlik ’n werkswinkel vol yster, staal en vuur. Dink maar aan John Deere, James Oliver, Massey en Harris – almal ystersmede. Maar nie Fendt nie. Die stigter van dié maatskappy was Sylvester Fendt, wat ’n horlosiemaker was in ’n dorp suid van München in Duitsland in die jare nog voordat Jan van Riebeeck in die Kaap aan wal gekom het. Sy familie het sowat drie eeue lank Fendt-horlosies vir onder meer kerktorings gemaak, en hul produkreeks uitgebrei na viole, slotte en ander metaalprodukte, soos loodstroke wat die gekleurde glas van kerkvensters in posisie hou. Dit was dus allesbehalwe smidswerk. Die Fendts het later nóg meer uitgebrei en begin om plaasgereedskap en werktuie te vervaardig en te herstel. Teen 1898 het hulle…