Inhaltsverzeichnis für 12 June 2025 in Landbouweekblad

Kat(sedam)water nie van die baan Onderhoudswerk aan die tonnel vanaf die Katsedam na Suid-Afrika het heelwat langer geneem as beplan – hoofsaaklik weens vertragings aan Lesotho se kant – maar dié dam se water is uiteindelik weer beskikbaar in die Vaalrivierstelsel. Ná meer as sewe en ’n half maande se onderhoudswerk het die water einde Mei by die Asrivier-uitvalpunt van die Katsedam naby Clarens in die Oos-Vrystaat gevloei. Isaac Sello Seitlholo, adjunkminister van water en sanitasie, het onlangs gesê hulle is bewus van die probleme wat die tydelike sluiting van die pypleiding veroorsaak het vir onder meer dorpe in die Oos-Vrystaat, sowel as vir boere wat van dié water afhanklik is. Besproeiingsboere het weens die swak beplanning probleme ervaar, veral gedurende droë tye in die afgelope somer. Die departement van…

Aan watter vergaderings het julle deelgeneem? Daar was drie verskillende vergaderings of samekomste. Die eerste was ’n vergadering met ambassadeur Jamieson Greer, die handelsverteenwoordiger van Amerika. Die volgende dag het ons die vergadering met pres. Donald Trump en sy span by die Withuis gehad, en ná die tyd was daar ’n amptelike middagete wat die twee spanne saam bygewoon het. Wat was die gemoedstoestand van die afvaardiging op pad na die vergadering in die Withuis? Ek het vir Ernie (Els) op die bus op pad Withuis toe gesê: Jeepers, ek dink ek weet nou hoe die Springbokke voel op pad na ’n stadion voor ’n groot wedstryd. Ons het geweet dit gaan nie ’n maklike vergadering wees nie. Ons het beslis geweet dit gaan nie ’n cake walk wees nie,…

Terwyl pres. Donald Trump van Amerika byna daagliks sorg vir nuus wat die wêreld op hol het, meen plaaslike kenners pres. Cyril Ramaphosa en sy afvaardiging het onlangs verbasend goed gevaar in seker die belangrikste vergadering nóg vir Suid-Afrika in die Withuis. Hulle glo egter dit sal ’n groter poging verg om Trump te oortuig dat die landbou in die land nié onder beleg is nie. Theo Venter, politieke ontleder verbonde aan die Universiteit van Johannesburg, sê dit staan soos ’n paal bo water dat die persepsie van volksmoord en die wrede wegjaag van boere van hul plase af baie diep in Trump se gemoed ingeëts is. Die vrae oor Suid-Afrika het hoofsaaklik oor plaasmoorde, onteiening en verwante sake gegaan. Die verwagte politieke hinderlaag het gekom toe Trump die video-samestelling…

SOLLY MALATSI, Suid-Afrika se minister van kommunikasie, het pas ’n beleidswysiging voorgestel wat die pad vir Starlink se toetrede tot die plaaslike mark kan vergemaklik. Daar was tot nou toe ’n skaakmat-situasie tussen Starlink en die Suid-Afrikaanse regering omdat Elon Musk, die onderneming se eienaar, weier om aan die vereistes vir swart ekonomiese bemagtiging (SEB) te voldoen deur 30% van sy maatskappy aan swart eienaarskap af te staan. Die Suid-Afrikaanse sakereus Johann Rupert het op die onlangse vergadering tussen pres. Cyril Ramaphosa en pres. Donald Trump van Amerika in die Withuis in Washington gesê tegnologie, en spesifiek Starlink, kan ’n enorme rol speel om misdaad in Suid-Afrika te bekamp. Elke landelike polisiekantoor behoort ’n Starlink-verbinding te hê, het hy aan Musk gesê. Douw Pelser, voorsitter van Limpopo se landelike veiligheidsforum,…

DIE voorspelbaarheid van veral reën in die komende somerreënseisoen is baie swak, sê Johan van den Berg, onafhanklike landbouweerkundige. Die beste voorspelling tans vir die volgende seisoen is ’n sowat 50/50-kans vir bogemiddelde of ondergemiddelde reën in die seisoen as geheel, gegrond op die data uit die Enso. Meer plaaslike faktore, soos omringende oseane en veral die Indiese Oseaan se see-oppervlaktemperature, kan in die komende seisoen ’n belangriker rol speel. Wat reënvalverspreiding betref, is neutrale Enso-toestande meer geneig tot ’n droër winter, lente en eerste deel van die somer in die somerreëngebied. “Die tweede deel sal dus meer na normale tot bo-normale reënval neig.” ’n Neutrale Enso is ook dikwels geneig tot ondergemiddelde reënval oor dele van die winterreëngebied in die winterreënseisoen. “Hoewel voorspellings eers gedui het op ’n droër…

Namate dit droër word, verander grondmikrobes die funksies wat hulle volgens hul genetiese samestelling veronderstel is om uit te voer. Uit navorsing wat op die voorpublikasieplatform Research Square gepubliseer is, blyk dit dat die funksie van mikrobegene wat organiese materiaal afbreek, verskuif na prosesse waarin groei oorheers. Aangesien die afbreking van organiese materiaal deur mikrobes onderdruk word in droë toestande, kan die omskepping van organiese materiaal in organiese koolstof in die grond verminder word. Dit kan ook groter mikrobegroei veroorsaak. In die navorsing is ook bevind dat droogheid biogeochemiese siklusse ontwrig deur die verhouding tussen elemente soos koolstof, stikstof en fosfor te verander. Die wanbalanse tussen elemente veroorsaak dat mikrobes die funksies van hul gene en metabolisme aanpas. Prof. Fernando Tomás Maestre Gil van die King Abdullah-universiteit vir wetenskap en…

DIE wêreld erken die afgelope 21 jaar die verskrikking van verwoestyning met ’n “dag teen verwoestyning en droogte” op 17 Junie. Die tema van vanjaar se dag is “herstel grond en ontsluit geleenthede” en beklemtoon die vele voordele verbonde daaraan om grond te herstel of te verhoed dat dit verswak. Die doel van die dag is om mense van die gevare van verwoestyning en droogte bewus te maak en ook hoe verwoestyning voorkom kan word en hoe van droogte herstel kan word. Verwoestyning, klimaatsverandering en die verlies aan biodiversiteit is in 1992 op die aardeberaad in Rio de Janeiro, Brasilië, as een van die grootste bedreigings vir volhoubare ontwikkeling uitgewys. Volgens die Verenigde Nasies se omgewingsprogram (UNAP) is daar verskillende maniere waarop grond herstel, verwoestyning gestop en droogte teengewerk kan…

Wanneer ’n mens aan boere dink, sien jy dikwels hardwerkende mense wat hul gewasse, vee en grond versorg om kos aan ’n nasie te voorsien. Wat die meeste mense nié sien nie, is die geestelike en emosionele impak wat hierdie bestaan op hulle kan hê. Vir sommige Suid-Afrikaanse boere kan eenvoudige daaglikse bedrywighede op die plaas ’n opdraande stryd word – nie net finansieel en fisiek nie, maar ook geestelik. Studies toon depressie, angs en selfs gedagtes oor selfdood kom ál meer onder boere voor – nie nét in Suid-Afrika nie, maar oor die wêreld heen. Hoewel daar nog geen noemenswaardige navorsing gedoen is oor depressie of selfdood onder Suid-Afrikaanse boere nie, vertel plaaslike kundiges en boere hul eie stories van ’n krisis wat nie meer geïgnoreer kan word nie.…

Die landbou het ’n lang geskiedenis van aanhou boer tot net nuttelose kaal grond oorbly, wat selfs bygedra het tot die ondergang van beskawings. Ontblote grond lei tot verskeie kwessies, soos dat dit geneig is tot winden watererosie, temperatuur- en voguiterstes, reënvalverdigting en versouting. Baie keer weerspieël dit die verval in die koolstofsiklus. Die grond wat ons vandag het, is nie deur hierdie soort bestuurstelsels geskep nie. Inteendeel, ons grond is hoofsaaklik oor geologiese tyd geskep deur elemente soos meerjarige grasvelde en woude, mikrobes, herkouende diere en roofdiere, met hier en daar ’n gletser en vulkaan. Grond is die koppelvlak van die atmosfeer (grondlug), biosfeer (organiese materiaal en biomassa), litosfeer (gronddeeltjies) en die hidrosfeer (grondwater), volgens die publikasie The Nature and Properties of Soils. Die belangrikheid van grond kan nie…

Die Nampo-oesdag het vanjaar weer bewys hoekom dit die mekka van die Suid-Afrikaanse landbou is. Van wêreldleiers in mega-werktuie tot plaaslike ingenieursvernuf is in Mei op die uitstalterrein by Bothaville byeengebring. Die jongste ontwikkelings in trekkragtegnologie, planterinnovasies en presisiewerktuie het boere en landbou-ondernemings uit alle uithoeke gelok. New Holland: 50 jaar van rotorrevolusie Derick Coetzee, produkspesialis van New Holland, het die 50-jaar-mylpaal van New Holland se Twin Rotor-stropers trots gevier. Twee nuwe modelle is op Nampo bekendgestel: die CR7.9 met rusperbande en die CR9.9 – die vlagdraer in die reeks. Albei stropers spog met sowat 20 opgraderings elk, waaronder verbeterde opbrengsmonitering, doeltreffender rotorwerking en verhoogde kapasiteit. Equalizer: Plaaslike vindingrykheid wat internasionale standaarde oortref Equalizer het hom as een van Suid-Afrika se grootste plaaslike vervaardigers van planters gevestig. Gideon Schreuder, besturende…

Basterkeuse speel ’n groot rol in winsgewendheid, maar wat produksiepraktyke betref, is dit belangrik om grondtemperature tydens en in die eerste paar dae ná plant dop te hou, sê Charles Basson, somergewasontwikkelingsbestuurder van Syngenta Saad. Tydens ontkieming en gedurende die eerste paar weke van die mielieplant se ontwikkeling is onkruidbestryding ook baie belangrik. Syngenta Saad lê klem op basters wat produsente in staat stel om binne hul bepaalde omstandighede mielies volhoubaar te produseer. Daarom plant die maatskappy proewe oor ál die mielieproduksiegebiede in Suid-Afrika. Volgens Charles het die laat reën vanjaar die Syngenta-navorsingspan se werk bemoeilik. “Ons is nog besig om van die Sensako-mielieproewe te stroop en kon dus nog nie al die data ontleed nie. Tog lyk die kommersiële proewe goed, en die terugvoering uit die veld staaf dit.…

Wynand Retief, wat die Van Loveren-handelsmerk in 1980 saam met sy broer, Nico, met net 500 kissies Premier Grand Cru-wyn begin het, het in Mei sy tagtigste verjaardag saam met sy familie op Agulhas gevier. Hy en Nico het destyds saam met hul pa, Hennie, op “ ’n 25 ha-plasie” in die Robertson-vallei geboer en mettertyd nog grond bygekoop. In daardie tyd het hulle sowat 1 000 ton druiwe gepars; vanjaar het Van Loveren sowat 17 000 ton druiwe ingeneem. “Ons het die wyn op 25 Oktober 1980 bekend gestel. Dit was my pa se verjaardag, en ons was gelukkig dat hy daarna nog twee jaar saam met ons kon wees voordat hy oorlede is,” sê hy. Wynand, wat wyn gemaak en bemark het terwyl Nico geboer het, lag as…

Gaan Wokini SA se grootste koedoebul nóg wees? ’n Jong koedoebul van Wokini Wildlife Breeders naby Rustenburg kan teen sy huidige groeikoers binnekort Suid-Afrika se volgende superkoedoe wees. Op slegs vier jaar en drie maande oud het Wokini reeds ’n indrukwekkende 65 6/8 duim gemeet, ’n horinglengte wat selfs vir volwasse bulle uitsonderlik is. Die geslote teelkudde waaruit hy kom, het reeds drie agtereenvolgende geslagte van 60 duim-plus-bulle opgelewer. Twee koeie uit hierdie kudde, dragtig van Trojan, ’n 62 6/8 duim-bul, het onlangs op die Royal Castle-wildveiling by Castle de Wildt elk R40 000 onder die hamer behaal. Wokini is ’n kleinseun van Ignite, ’n legendariese bul wat op ’n jong ouderdom reeds 61 4/8 duim gemeet het. — Jasper Raats Koringtarief styg, maar sloering met afkondiging laat bitter smaak…

INTUSSEN het twee van Suid-Afrika se voorste ekonomiese denkers die ontwrigting wat die Trump-tariewe op wêreldhandel kan hê, in oënskou geneem. Onbewus van die hofbeslissings wat skaars ’n paar uur ná hul aanbiedinge sou volg, het dr. Martin Cameron van die Noordwes-Universiteit en Emile du Plessis, ’n senior ekonoom verbonde aan Standard Bank, die tariewe in konteks probeer plaas vir afgevaardigdes op die internasionale varsproduktevereniging (IFPA) se onlangse Fresh Solutions-vergadering in Mbombela. Hulle het raad gegee oor wat gedoen kan word indien die tariewe wel ingestel word, en voorspellings gewaag oor wat Suid-Afrikaners te wagte kan wees. Cameron het nie doekies omgedraai in sy ontleding van die tariewe nie. “Tariewe is in wese regressief en inflasionêr, en kan juis die nywerhede benadeel wat hulle probeer beskerm.” Hy het verwys na…

’nDeurtastende veldtog om biosekerheid tot op die hoogste vlak toe te pas, is deur Rustin Shawe, Voermol se Beesboer van die Jaar vir 2024, aangepak om seker te maak dat verwoestende dieresiektes doeltreffend bekamp word. Hy en sy vrou, Monick, boer by Utrecht in KwaZulu-Natal met ’n Droughtmaster-stoetery, ’n kommersiële Grassfieldsbeeskudde, mielies vir kuilvoer en graan, en gebruik aangeplante weiding om die natuurlike veld aan te vul en maak hooibale op vleilande vir die winter. Hul seuns, Jayden (16) en Donovan (12), stel albei baie in boerdery belang. Die Bees- en Skaapboer van die Jaar word jaarliks deur Voermol met die samewerking van Landbouweekblad, FNB, Zoetis, die Nasionale Wolkwekersvereniging en die Rooivleisprodusente-organisasie aangewys, waarna boeredae op die wenners se plase gehou word. Op die boeredag wat op Grassfields, Rustin se…

TUSSEN die trekkers, hommeltuie en presisiesensors op vanjaar se Nampo-oesdag het Omnia stil-stil daarop gewys dat die ware revolusie in slim-landbou dikwels agter die skerms plaasvind – in die laboratorium. Volgens Edna Laubscher, kwaliteitsbestuurder en laboratoriumspesialis van Omnia, speel landbou-laboratoriums ’n ál meer strategiese rol in moderne boerdery. “Ons sien dikwels dat slim-landbou verbind word met presisie-aanplantings of datamonitering, maar dit is die ontledings agter die data wat uiteindelik daartoe lei dat produsente vinniger en slimmer besluite kan neem.” Deur die gebruik van kunsmatige intelligensie en outomatisering het Omnia se span die verwerkingstye van grond- en plantweefselontledings drasties verkort – van vyf werkdae tot net 47 sekondes. Sap-ontledings wat vroeër twee dae geneem het, word nou binne ’n minuut afgehandel. “Hierdie sprong in doeltreffendheid beteken boere kan binne minute, en…

Noem iemand die naam Mike Bosch, dink die beesboere aan sy Boschveld Beefmaster-stoetery, terwyl hoenderboere se gedagtes na die inheemse Boschveld-hoender neig wat hy vir Afrika-toestande geteel het. Sedert die staat sy plaas by Pienaarsrivier, Mantsole, in 2010 uitgekoop het, boer Mike Bosch op twee hoewes van 70 ha by Bela-Bela. Aanvanklik het hy nog ’n kernkudde Beefmasters behou en ’n voerkraal bedryf, maar hy het daarvan ontslae geraak en op die hoenders gekonsentreer. Sy seun, Pieter, wat in 2023 saam begin boer het, het weer ’n kommersiële beesboerdery begin en ’n nuwe projek met Hampshire Down-skape aangepak. Verder groei hul pekanneutbome fluks en hulle het al ’n eerste klein oes afgehaal. Hulle produseer ook heuning. Soos Mike altyd grappenderwys sê: “Jou planne, vriende en ys mag nooit opraak nie.”…

Sekere kwalifikasies is soos ’n paspoort met ’n geldige visum: Jy kan oral daarmee reis. As jy boonop van kleins af droom om ander lande te gaan verken, is dit beslis die beste manier. Vir Pierre Wiese is die graad in keldertegnologie wat hy aan die Kaapse Instituut vir Landbou-opleiding op Elsenburg verwerf het, só ’n universele vaardigheid. Pierre het op Garies grootgeword, op Vredendal in die Olifantsrivier-wyngebied skoolgegaan, en maak nou wyn in die provinsie Otago in Nieu-Seeland. Hy het in 2015 en 2016 by Spier gepars en kort voor die einde van 2016 se parstyd Nieu-Seeland toe gegaan, waar hy in die Marlborough-omgewing gepars het. Daarna het hy in Duitsland – eers in Rynland-Palts by Bad Bergzabern en toe in die Moselvallei by Bremm – gepars. In 2019…

In ’n tyd waarin boere gekonfronteer word met stygende insetkoste, wisselende weerstoestande en ekonomiese druk, bied Beyond the Field ’n platform waar kundigheid en praktyk mekaar ontmoet. Met Anrich Herbst as aanbieder bring dit leiers uit die landbousektor bymekaar om oor oplossings te besin en moontlikhede te beklemtoon. Wat hierdie video-aanbieding (vodcast) so uitsonderlik maak, is dat dit nie net klem lê op die landboubedryf nie, maar op boerdery as ’n dinamiese besigheid wat finansiering as die sleutel tot volhoubare vooruitgang sien. Kundigheid om een tafel Die paneellede sluit ’n groep kundiges in wat elkeen ’n spesifieke perspektief tot die gesprek bydra. Antois van der Westhuizen, besturende direkteur van John Deere Financial, word bygestaan deur sy kollega Pieter Pienaar, wat kredietverkope en bemarking behartig. Corné Louw, landbou-ekonoom van Graan SA,…

Met sy kragtige 2,8 liter-GD-6-enjin en GR-afwerking is Toyota se Hilux GR-Sport nie net ’n stylvolle werkesel nie, maar ook ’n robuuste veldmaat. Werkperd met sportiewe stamboom Die Toyota Hilux 2.8 GD-6 GR-Sport is nie bloot ’n opgekikkerde weergawe van die bekende Hilux nie – dit is ’n doelgerigte kombinasie van krag, tegnologie en styl, spesiaal aangepas vir bestuurders wat hul bakkie op die teerpad én in rowwe veldtoestande gebruik. Met die GR-naam – kort vir Toyota se prestasie-afdeling, Gazoo Racing – is dit duidelik dat sportiewe dinamika ’n sleutelrol in die ontwerp gespeel het. Tog bly sy werkvermoë die kern van hierdie bakkie. Onder die kap is ’n viersilinder-turbodieselenjin van 2,8 liter wat 165 kW teen 3 000 r/min. lewer en ’n stewige 550 Nm wringkrag teen 1 600-2…

Unistel en SA Stamboek se genetiese Melkbeeskuddes van die Jaar is ook aangewys. Van links is Tatolo Maboya (Janvos-landgoed, SA Friesland), Thalia Brahmeld namens AJ Schoonwinkel (Jersey), dr. Bernice Mostert (SA Stamboek), Leonora Theart (Unistel) en Jason Reding, namens Jan Wessels (Meesuid Ayrshire). SA Stamboek, Unistel en Plaasmedia se nasionale Elite-diamantbul-prysontvangers is, van links, Frikkie Kruger (Kruger Bonsmara, WAT 180277), André Höll (Anko Bonsmara, KAN 170060), dr. Helena Theron (SA Stamboek), Leonora Theart (Unistel), Deidré Louw (Plaasmedia), Louis Steyl namens JA Pienaar (huidige eienaar) en Chris Visser (teler van CRV 180389), en Fourie Scheepers (Zinabos Bonsmara, bulle CEF 180495 en CEF 180520. Stamboek en Unistel se Ontwikkelende Stoetteler van die Jaar is Stephen Mkwanazi, wat sy Bonsmara-stoetery op 450 ha soetveld naby Sentrum by Thabazimbi bedryf. Hy het sy eerste…

Rekordhoë temperature volgende vyf jaar verwag WÊRELDWYE klimaatvoorspellings toon dat die rekordhoë temperature in die volgende vyf jaar kan voortduur, luidens ’n nuwe verslag van die Wêreld- Meteorologiese Organisasie (WMO). Dié situasie kan die klimaatrisiko’s en die impak daarvan op samelewings, ekonomieë en volhoubare ontwikkeling verhoog. Die verslag voorspel dat die jaarlikse gemiddelde temperatuur naby die aardoppervlak wêreldwyd van 2025 tot 2029 sowat 1,2 °C tot 1,9 °C hoër kan wees as oor die tydperk van 1850 tot 1900. “Daar is ’n 80%-kans dat minstens een jaar van 2025 tot 2029 warmer as die warmste jaar tot dusver sal wees. Daar is ook ’n 86%-kans dat minstens een jaar méér as 1,5 °C warmer sal wees as die voornywerheidsvlak,” lui die verslag. Wêreldwye voorspellings vir individuele jare word nie in…

DAMVLAKKE in die Wes-Kaap is tans sowat 3% laer as dieselfde tyd verlede jaar. Volgens inligting wat die departement van water en sanitasie op 26 Mei bekend gemaak het, is die provinsie se damme tans 54,9% vol, teenoor 54,7% die vorige week. Verlede jaar dié tyd het die provinsie se damvlakke op 57,2% gestaan. Die damme wat buite die winterreënseisoen reënwater kry, was teen druktyd 72,4% vol, en die damme wat winterreën kry, was 51,9% vol. Jannie Strydom, uitvoerende hoof van Agri Wes-Kaap, sê volgens die jongste inligting is die damvlakke in die Olifants- en die Doornrivier-opvangsgebied 10% beter as verlede jaar. Die Gouritz- en Breederivier se vlakke is onderskeidelik 14% en 2% laer. Die Bergrivier is op ongeveer op dieselfde vlak. Volgens Strydom is die vlakke van die damme…

DIE minister van indiensneming en arbeid, Nomakhosazana Meth, het die regulasies met die betrokke teikens op 15 April vanjaar gepubliseer. Annelize Crosby, Agbiz se hoof van regsintelligensie, sê dit is deur gebrekkige raadpleging voorafgegaan en weerspieël geen van die voorstelle of besware in Agbiz se geskrewe voorleggings en briewe aan die departement nie. “Vir die landbou is die teikens só onrealisties en onbereikbaar dat selfs groot landbou-ondernemings dit nie binne vyf jaar sal kan bereik nie. Byvoorbeeld, dit is baie moeilik vir landbou-ondernemings om professionele mense uit die aangewese groepe vir plattelandse gebiede, selfs na groot dorpe en stede, te werf.” Sy sê dit is die eerste keer dat daar spesifieke teikens per sektor is. Die landbou is saam met bosbou en visserye in ’n groepering geplaas. “Dit maak glad…

DIE Suid-Afrikaanse stelsel van varsproduktemarkte is moontlik een van die landboubedryf se bes bewaarde geheime en ’n model van mededingende doeltreffendheid wat wêreldwyd skaars geëwenaar word. Só het Jaco Oosthuizen, uitvoerende hoof van die RSA Groep, onlangs gesê op die IFPA Fresh Solutions-vergadering in Mbombela. “Dít was die kern van my boodskap toe ek onlangs die wêreldunie vir groothandelsmarkte se konferensie in Johannesburg toegespreek het. “Ek het aanvanklik gewonder wat ek kan vertel vir mense wat self kenners is. Wat maak ons uniek? Toe vertel ek hulle van ons selfonderhoudende, oop en betroubare markstelsel.” Volgens Oosthuizen verskaf die Suid-Afrikaanse markstelsel nie net toegang tot markte aan boere nie, maar dit stel hulle ook in staat om risiko’s te bestuur en te produseer. “In ander Afrikalande is daar nie altyd marksekerheid…

Die feit dat China alle beesvleisinvoer uit Suid-Afrika opgeskort het as gevolg van die verdere uitbrekings van bek-en-klouseer gaan plaaslike vleisbeesboere miljoene rande kos weens die verlies aan ’n uitvoermark. Die tonnemaat wat nou noodgedwonge in die binneland gaan bly, is noemenswaardig. In 2024 het China altesaam 6 000 ton Suid-Afrikaanse beesvleis aangekoop. Red Meat Industry Services (RMIS) noem dat die waarde van daardie vleis bykans R400 miljoen was. Die uitvoer na China het die afgelope jaar op ’n kwartaalgrondslag bly groei. Sommige kommentators meen die verlies van die Chinese mark is nie ’n groot probleem nie, want daar is mos ander markte. Dit is egter nie ’n goeie standpunt nie. Dalk moet hulle eerder vir die beesboere vertel watter daadwerklike stappe gedoen word om die uitbrekings van bek-en-klouseer onder…

Enkele faktore maak of breek ’n boer se sojaboonoes, naamlik die weer of klimaat, vrugbaarheid of bemesting, kultivarkeuse, saadbehandeling, plantbeskerming, rywydte en blaarvoeding. Daarom moet hy deeglike aandag aan die volgende gee: beplanning, grondvoorbereiding, die planter, chemiese middels/bespuitings, blaarmonitering en die oesproses, het Danie Bester, voorste boer en kenner van sojaboonproduksie van Balfour, gesê op die sojaboonboeredag wat hy elke twee jaar op sy plaas, Rietbult, in Mpumalanga aanbied. Vanjaar het sowat 700 mense, onder wie verreweg die meeste boere is, dit bygewoon en aandagtig na die lesings geluister. Die sprekers het vier boere ingesluit, naamlik Danie, DJ van der Linde van Vierfontein en Viljoenskroon, Tyson Zunckel van Bergville en Greg McLure, voormalige houer van die wêreldopbrengsrekord vir sojabone van Illinois in Amerika, wat virtueel met die boere gepraat het.…

Die Dust Bowl van die 1930’s is sekerlik die grootste ekologiese en landbouramp wat Amerika en Kanada tot nou toe getref het. Dit het boerdery op die groot grasvlaktes van die Prairies uitgewis. ’n Langdurige droogte is gevolg deur ernstige stofstorms wat die vrugbare bogrond weggevoer en oeste vernietig het. Duisende boere is van hul grond af gedwing en moes elders ’n bestaan gaan soek, veral in Kalifornië. Die verwoesting is vererger deur groot dele ongerepte grasvlakte met ’n geploeg en ander praktyke te bewerk wat die inheemse grasse, wat die bogrond gestabiliseer het, uitgewis het. Die grond is tot stof afgebreek, wat dit uiters kwesbaar vir erosie gemaak het. Toe die Groot Depressie boonop toeslaan, het die oorblywende boere se finansiële ellende tot só ’n mate vererger dat dit…

Baie boere in Suid-Afrika is in ’n penarie, want die ekonomiese druk en insetkoste-spook laat korttermyndenke aanloklik lyk. Boere word egter elke dag met die vraag gekonfronteer oor hoe om ’n volhoubare, gesonde plaas te bestuur en steeds geld te hê vir al die verpligtinge wat daar is. Hoewel geld belangrik is, dwing dit ons dikwels om korttermynbesluite te neem, wat meestal nie op lang termyn volhoubaar is nie. Volgens dr. Hugo Bezuidenhout, spesialisplant-ekoloog wat 35 jaar lank vir Sanparke gewerk het, behoort daar nie ’n verskil tussen plaasbestuur (landboubestuur) en natuurbestuur (ekologiese bestuur) te wees nie. “Iemand wat vir die lang termyn boer, moet die natuur op sy plaas só bestuur dat gesonde ekostelsels bevorder en gehandhaaf word,” sê Bezuidenhout. Die twee moet mekaar aanvul, want as hulle saamwerk,…

Suid-Afrikaanse boere het danksy Case IH se besigheidsafdeling, Northmec Implemente (NMI), nou toegang tot twee reekse stropertafels wat skoon stroop, oor die jongste tegnologie beskik en die graan plaas waar dit hoort – in die graantenk. Betroubare Duitse tegnologie Geringhoff, met sy hoofkantoor in Ahlen in die noordweste van Duitsland, het ’n geskiedenis in die vervaardiging van landboutoerusting wat oor net meer as 140 jaar strek. “Die stropertafels wat uit Geringhoff se fabriek kom, is betroubaar, deurlopend aan die voorpunt van tegnologie en bekend om hul optimale graanverwerking. Case IH bied hiermee ’n produk wat moeilik geklop kan word,” sê Daniel Dames, hoof van taktiese bemarking by NMI. NMI se Geringhoff-aanbod bestaan uit mielie-, sonneblomen fyngraantafels. “Die sonneblomtafels is vanaf 9,14 m (30 voet) en groter beskikbaar, en die mielietafels…

Verseker jou toekoms met dié sonkragoplossings AdSolarTech bied hoëprestasie-sonenergie-oplossings vir die landbou, mynbou en besighede. Sy kundigheid verseker kostedoeltreffende installasies wat energievryheid verbeter en bedryfskoste verlaag. Vir die landbou voorsien dié maatskappy betroubare krag vir besproeiing, koelopberging, melkplase, kweekhuise en verwerkingsaanlegte sodat produksie selfs tydens beurtkrag aan die gang bly. Of jy ’n graan-, bees- of pluimveeboer is, dié doeltreffende sonkragoplossings verminder afhanklikheid van die kragnetwerk en verhoog winsgewendheid. Die maatskappy se dienste is beskikbaar in Limpopo, Mpumalanga, Gauteng, Noordwes, die Noord-Kaap en die Vrystaat. PRYS: Die grootte van die sonkragstelsel sal die koste bepaal. NAVRAE: Schalk Jacobs, streekverkoopsbestuurder, 065 391 8214; e-pos: rsm@adsolartech.com Optimaliseer jou veevoer Ecovite Drimol (reg.nr. V34430, Wet 36 van 1947) is ’n voedingstofryke produk wat ’n matige vlak van energie bevat, en proteïene, minerale, spoorminerale…

Elke jaar in die laatwinter skud Namakwalandse dorpe hul vere reg vir die blommeseisoen. Dit is wanneer koffiewinkels, eetplekke en markte so vinnig en kortstondig soos die mooi blomme opskiet en ná ’n paar maande weer rus tot volgende jaar. Die Kamieskroon-plaasmark wat in die blommeseisoen van 2018 begin het, is egter nie net vir toeriste nie. Dit is vir die gemeenskap en dit word elke maand gehou, al gebeur wat ook al. Christine Beukes en Malinda Gardiner, wat die mark begin het en steeds organiseer, is beskeie oor die mark se prestasie, en sê sonder die ondersteuning van plaaslike mense, familie en vriende sou dit nie só ’n sukses gewees het nie. Die plan vir die mark kom van Engela Visser, Malinda se suster. Buiten Christine en Malinda was…