Inhaltsverzeichnis für 27 June 2024 in Landbouweekblad

Op strooptog . . . Die stroperresies op die Du Preez-landgoed naby Grootpan in Noordwes lok jaarliks meer belangstelling. Vooraf is druk bespiegel oor of die CaseIH 8250 en New Holland CR6.80, verlede jaar se klas 8- en klas 6-wenners, weer sou seëvier, berig Gerrit Bezuidenhout. New Holland het sy vorige prestasie met vlieënde vaandels herhaal in klas 6, terwyl die Claas Lexion 8700 in klas 8 uitgetroon het. CaseIH se 6150 en 8250 was naaswenner in albei klasse, terwyl die Claas Trion 720 en die Fendt Ideal T8 onderskeidelik in die klas 6- en klas 8-afdelings derde geëindig het. Die stropers is beoordeel op grond van spoed (50%), gruis onder die sif (10%), gebreekte pitte bo sif (10%), vermorsing agter stroper (20%) en koppe gelos of geknip (10%). New…

Manie Elias Masilela, sakeleier, ekonoom en ’n voormalige senior amptenaar by onder meer die nasionale tesourie, het wyse woorde op Agbiz se kongres gehad, naamlik dat dit baie belangrik is dat die staatsdiens geprofessionaliseer moet word. Hy is ook ’n voormalige kommissaris van die nasionale beplanningskommissie, en meen die korrupsie wat ’n mens in die staatsdiens sien, kan aan onprofessionele amptenare toegeskryf word. Manie glo daar ís nog amptenare wat hul sout werd is en vir hulle is hy dankbaar. Wat om met die res te doen, is ’n tameletjie. Masilela self het nie eintlik veel raad gehad nie, buiten die kommissie se voorstel om ’n skool van regeerkunde te begin. Hy het ook sy mond uitgespoel oor die “honderde amptenare wat by die huis sit en al baie jare…

BYEBOERE is dankbaar vir die klein finansiële hupstoot wat hulle kan kry nadat die riglyntarief vir bestuiwingsdienste in die Wes-Kaap verhoog is. Die nuwe riglyntarief wat sedert 25 April van krag is, is R1 266,70 per korf, R145,70 per korf meer. Die Wes-Kaapse byebedryfsvereniging (WCBA) sê die besluit is geneem ná deeglike oorweging van verskeie faktore wat die byeboerderybedryf raak en is in ooreenstemming met die inflasiekoers. “Die bedryf het verlede jaar nie ’n riglyntarief gehad nie. Dit is goed om nou een te hê om mee te werk,” sê Jaco Wolfaardt, ’n kommersiële byeboer van Swellendam en ondervoorsitter van die Suid-Afrikaanse Byebedryfsorganisasie. “Maar dit is nooit genoeg nie. Vergeleke met Amerikaanse pryse van sowat $250 per korf – dit is sowat R4 670 – vir die bestuiwing van amandels,…

Seleksie vir veldaanpassing moet met akkurate rekordhouding gepaard gaan. Rudi en Hugo Lemcke van Ghanzi in Botswana voer dit só ver dat hulle die jaarlikse koste van ’n koei in hul reuse-beesboerdery bereken sodat hulle maklik kan besluit wanneer ’n koei nie langer haar kant bring nie. Twee faktore het ’n groot verbetering in kondisie op Lemcke Ranches meegebring. Die seleksie van beeste vir aanpassing en die ontbossing van plase is deurslaggewend om by Rudi se mikpunt uit te kom om uiteindelik 10 000 kalwers per jaar te speen. Hulle gebruik ’n boekhoustelsel wat hulle self deur die jare ontwerp het; eers met pen en papier, nou op rekenaar. Daarin teken hulle byvoorbeeld speengewigte aan, aantal diere per kamp en wanneer hulle ingespuit en gebrandmerk is. Genoeg weiding is die…

Brief uit die buiteland Om naby die kleinkinders te wees – dís vir hom die gróót lekkerte, vertel Piet Warren, wilden-beesmegaboer van Gravelotte nadat hy en sy vrou, Christine, sowat ’n jaar gelede na Australië verhuis het. Albei die Warrens se kinders, John en Zoi, woon al jare lank in Australië. John, hul oudste, het sy tersiêre studie daar gaan voltooi en gekwalifiseer as geoktrooieerde rekenmeester, maar sommer gou in sy pa se spore gevolg en begin boer – eers met vrugte, maar nou hoofsaaklik met makadamianeute teen die land se noordkus. Piet en Christine het hulle in die suidelike deelstaat Victoria gevestig op die dorp Shepparton. Dit is 180 km noord-noordoos van Melbourne, maar omtrent 300 km verder suid van die ewenaar as Kaapstad. “Dis koud en nat in…

Trots Suid-Afrikaans Die CenGen-laboratorium is gestig toe dr. Renée Prins, ’n plantgenetikus, in die wetenskap wou bly nadat sy en haar man Worcester toe verhuis het vir ’n nuwe werkgeleentheid vir hom. Die beste manier vir haar was om self ’n wetenskapwerkgeleentheid in die vorm van CenGen op dié dorp te skep. Dit was vir haar frustrerend om te sien watter voordele internasionale plantteeltprogramme kon ontsluit deur DNS-tegnologie te gebruik, en waaruit Suid-Afrikaanse boere nie kon voordeel trek nie. Al wat eintlik nodig was, was die kennis en wil om dit hier plaaslik toe te pas, sê sy. Renée, die direkteur van CenGen, en Francois Smit, bedryfsbestuurder, het Landbouweekblad meer van hul werk vertel. Hoe het jul onderneming die afgelope 20 jaar ontwikkel? Ons het gegroei van een persoon tot…

Die Val-boeredag is ’n geleentheid waar New Holland kan wys dat sy groot trekkers en unieke CR-dubbelrotorstroper hom wel van sy mededingers onderskei. Ná die demonstrasies kan boere dié werktuie ook self op die proef stel. New Holland voeg vanjaar die nuwe T7.315 HD-trekker by sy uitstalling. Dié trekker van 221 kW met sy Auto Command CVT-ratkas, voor- en kajuitsuspensie, LED-ligte, hoë hidrouliese vloei, hoë hyserkapasiteit en unieke Blue Power-kleurskema gaan beslis die koppe laat draai. As die New Holland-handelaar vir die gebied waarin Val geleë is, sal TWK weer die dag behartig en seker maak almal se vrae word beantwoord. Daar sal ook spesiale aanbiedinge wees. Sedert September 1995 het die Val-boeredag gegroei van agt uitstallers en ’n handjie vol boere tot 175 uitstallers en meer as 4 500…

Welkom by landbouvooruitgang! Die Kropz Elandsfontein-myn stel die boer graag bekend aan Nanophos, sy innoverende fosfaatproduk, en nooi jou uit om aan die fosfaat-innovasiekompetisie deel te neem. Sodoende het jy die kans om ’n blywende impak op die toekoms van jou boerdery te maak deur jou kundigheid met die revolusionêre Nanophos te kombineer vir die heel beste fosfaatoplossing. Innoverend Die Kropz Elandsfontein-myn, by Hopefield in die Wes-Kaap, is ’n baanbreker in volhoubare mynboupraktyke en fosfaatproduksie. Dié myn is toegewyd aan die doeltreffende ontginning en verwerking van fosfaatrots, wat van groot belang is vir wêreldwye landbouproduktiwiteit. Met ’n verbintenis tot omgewingsrentmeesterskap en innovasie is Kropz Elandsfontein die voorloper in die vervaardiging van hoëgehalte-, volhoubare fosfaatprodukte. Wat is Nanophos? Nanophos is ’n besondere fyn fosfaatrots (fyner as 38 mikron) wat deur gevorderde…

Wildbewaring Kleinwild speel ’n belangrike ekologiese rol op bees-, skaap-, bok- en wildplase, en is selfs gewild onder sommige trofeejagters wat net so gretig is om een van die “klein vyf” plat te trek as om groter wildsoorte te jag. Die natuurkundige Arnaud le Roux is al vir jare betrokke by die bewaring van die klein bokkies wat eens so talryk in Suider-Afrika was. Op sy plasie van 45 ha by Bela-Bela in Limpopo bedryf Arnaud, ook ’n raadgewer oor veldweidings, die bekamping van indringerbosse en natuurvriendelike parasietmiddels, sy Le Petit 5-kleinbokteelprojek. Arnaud moedig boere aan om hulle te beywer om kleinwild te help bewaar, maar “beslis nie in ‘hoenderhokkies’ in die agterplaas nie”. Hulle moet eerder in kampies aangehou word waar hulle darem sover moontlik soos in die natuur…

Veilings Die SA Vleismerino-stoetery Magetzane van Rowlen von Gericke het op 5 Junie sy jaarlikse produksieveiling op die plaas Gertruidas Rust by Marquard aangebied. Cobus van Coller van Viljoenskroon het die duurste ram (2140 RVG) op die veiling vir R20 000 gekoop. Altesaam 44 ramme is teen gemiddeld R9 716 verkoop en 15 jong stoetooie teen gemiddeld R2 500. Volgens die afslaer, Allan Sinclair, het dié teler van kampioene op die 2024-Bloemskou goeie, aanpasbare diere met goeie genetiese eienskappe teen bekostigbare pryse aangebied. Die veiling is onder beskerming van die SA Vleismerinotelersgenootskap deur Vleissentraal Bloemfontein aangebied, met die samewerking van SwiftVee.…

Die PP Mong-trust van Bertus Mong het op 4 Junie sy 30ste suksesvolle produksieveiling op die plaas Florina, Villiersdorp, aangebied. Die duurste Hereford-bul, lot 107, is vir R90 000 aan AS Isted van Barkly-Oos verkoop. Sewe bulle is teen gemiddelde R50 285,71 verkoop, vier vroulike diere teen gemiddeld R21 000 en agt kommersiële vroulike diere teen gemiddeld R16 500. Die duurste Dohne-Merino-ram, lot 1, is vir R26 000 aan Langhoogte-plase van Caledon verkoop. Altesaam 32 ramme is teen gemiddeld R12 968,75 verkoop. Die veiling is aangebied deur BKB Humansdorp, met Appie Maritz as afslaer.…

Kaapse graanseisoen in rat Die Wes-Kaapse graanseisoen is behoorlik aan die gang nadat goeie reën in die eerste week van Junie geval het. Anton Mouton, ’n boer van Eendekuil in die Swartland, sê hulle is verlig oor die 55-150 mm reën. “Die reën is betyds. Die grond is nog nie koud nie, so die graan gaan vinnig opkom. Alles sal seker ’n week of wat later as gewoonlik wees.” Hy meen egter die reën was ’n bietjie laat vir die kanola. Deon Basson van Onder-Klipgat in die distrik Moorreesburg sê hulle is baie dankbaar vir die 30-43 mm reën wat hulle gekry het. “Die koring kom op en die weidings skyn al groen, maar daar is nog nie kos vir die diere nie. ” — Amelia Genis ‘SA kan binne…

BAIE boere het hul sojabone en mielies reeds teen die tweede week van Junie klaar gestroop. In baie gevalle is gemiddelde tot ondergemiddelde oeste gestroop. Veral in Noordwes, waar die reën op kritieke tye weggebly het, was die oeste heelwat kleiner as gewoonlik. Noordwes se mielie-oes is vanjaar 45% oftewel 2,28 t/ha swakker as verlede jaar, sê dr. Werner Rossouw, direkteur en handelaar van Silostrat. “Verlede seisoen was die gemiddelde opbrengs van sojabone 2,55 t/ha in Noordwes. Vanjaar word dié provinsie se soja-opbrengs op 1,15 t/ha geskat.” Adam Barnard, akkerboubestuurder van die maatskappy SH Niemand en Seun-boerdery op Ventersdorp, sê hulle is amper klaar gestroop. “Dit is nie ’n goeie oes nie, maar ons sal darem ons oorhoofse koste dek met die hektare wat ons wel gestroop het.” Waar hulle…

EK het grootgeword as ’n verskriklike skaam kind op ’n plasie in die KwaZulu-Natalse Middelland. Ek kon skaars met mense praat, en toe stuur my ouers my na ’n seunskoshuis op Mooirivier. Vreesbevange vir alles en almal het ek probeer wegsmelt op die agtergrond. Ek het dit darem reggekry om deur die weermag te kom, en is toe universiteit toe in Pietermaritzburg, waar ek besluit het om ’n kans te waag om hierdie wedloop tussen Pietermaritzburg en Durban aan te pak. Op my skaam manier het ek by die atletiekklub aangesluit, en ’n paar van die kêrels – die ouer manne – het my aangemoedig, en ek het ’n keer of wat saam met hulle gedraf. Andersins het ek meestal op my eie geoefen, en kon daarin slaag om die…

Nuus Navorsing “DIT is ’n bietjie soos om die Wêreldbekerrugbytoernooi vir bewaringslandbou aan te bied, en die beste boere en wetenskaplikes van oor die wêreld heen sal in Kaapstad byeenkom om oor bewaringslandbou te praat.” Só beskryf Chris Burgess, redakteur van Landbouweekblad, die negende internasionale bewaringslandboukongres wat Landbouweekblad saam met die Wes-Kaapse departement van landbou aanbied. “Dit is die eerste keer dat Suid-Afrika gasheer sal wees vir dié uitgelese saamtrek, en dit is wonderlik om weer met ons ou vennote te kan saamwerk. “Dit is mense soos prof. Johann Strauss van die Wes-Kaapse departement van landbou, saam met wie ons al jare lank die Jack Human-bewaringslandbouweek aanbied, asook die meeste van ons boerevennote, soos die Riemland-studiegroep van Reitz en die Ottosdal No-till Club, saam met wie ons die jaarlikse herlewingslandboukonferensies…

Diagnoses vir dragtigheid en die klassifisering van koeie volgens liggaamskondisietelling is twee belangrike bestuursinstrumente vir die beesboer om ’n plan vir die komende maande op te stel. Koeie moet tydens dragtigheidsondersoeke volgens liggaamskondisietelling geklassifiseer word. Met ’n kondisietelling van minder as 2 moet hulle dadelik ’n lek ontvang om hulle deur die winter te help. Sodra koeie as dragtig geïdentifiseer is, gee hulle ’n Dundee-lek (soos dit op die Dundee-navorsingstasie ontwikkel is) sodat dit hulle kan help om kondisie te behou en te verseker die rumen bly in ’n goeie toestand. Die Dundee-lek kan op die plaas gemeng word (aangedui in sakke van 50 kg): 8 sakke seesout, 3 sakke mieliemeel, 2 sakke ureum en 1 sak Kimtrafos 6 Grandé (V23311) of Kimtrafos 12 Grandé (V18670). In gebiede wat arm…

Dirk de Beer, wat dekades gelede sy eie boerderye tussen Bloemhof en Hoopstad op die been gebring het, sê Pannar Saad se uitstekende mieliebasters pas goed in by hul rotasiestelsel en is ’n integrale deel van hul besluitnemingsproses. Die Dirlyn-boerdery behels die besproeiingsgedeelte, en op droëland is die Dirk de Beer-boerdery bedrywig. Op die besproeiingslande word hoofsaaklik Pannar se mielies aangeplant. Dit word opgevolg met koring van Pannar, na gelang van die weerstoestande. Hul ander hoofgewas is grondbone. “Ons verbou ook springmielies, lusern, pekanneute, wortels, aartappels, erte en suikerbone in ’n wisselboustelsel. Die boerdery het ook ’n grondboonverwerkingsaanleg,” sê Dirk. Sy dogter, Janine de Beer, is verantwoordelik vir die pekanneute en finansies. Vir die keuse van basters bestudeer hulle die data van die betrokke mieliebasters. Dié data sluit opbrengsstabiliteit en…

As jy vanjaar een van die verwagte 4 500 besoekers aan die Val-boeredag in Mpumalanga wil wees, moet jy solank jou vellies afstof, jou hoed uit die kas haal en 3 Julie op jou kalender afmerk, want dit beloof om een van die beste boeredae nóg te wees. Elke jaar probeer verskaffers van landboutoerusting hul jongste en tegnologies gevorderdste oplossings op die Val-boeredag wys. En vanjaar is geen uitsondering nie. Benewens al die topvervaardigers wat hul werktuie gaan demonstreer, is daar ook statiese uitstallers. Die vervaardigers wat vanjaar vir boere gaan wys wat hul trekkers en werktuie bied, sluit in John Deere, Landini, McCormick, Claas, Case IH, New Holland, Massey Ferguson en Mahindra. Daar gaan ook demonstrasies van veteraantrekkers wees, sê Johan van Dyk, voorsitter van die Waterval-boerevereniging. “Die trekkers…

Verco Energy is in 2006 gestig deur Awie Vermaas, uitvoerende hoof, wat ’n behoefte geïdentifiseer het vir die lewering van hoëgehalte-brandstof en uitstekende diens aan klante. Verco Energy is ’n geregistreerde groothandel-brandstofverskaffer – daarom kan die maatskappy aankope in groot maat doen en só beter pryse beding. Sodoende kan hy ’n mededingender prys aan sy klante, hoofsaaklik in die mynbou-, vervoer-, bou-, landbou- en bosboubedryf, asook kleinhandelvulstasies bied. Die maatskappy behartig die installering van tenks en pompstelle vir sy kommersiële klante en hou dit in stand. Logistiek Deur sy eie diesel op die perseel aan te hou, kan Verco Energy vinnig op sy klante se bestellings reageer en binne 24 uur lewer. Hy kan tot 2 miljoen liter by sy depot op Charl Cilliers, Mpumalanga, opberg. Vlootinstandhouding Verco Energy het…

Finansiering in die landbou speel ’n belangrike rol in die ondersteuning van boere en landboubesighede deur die nodige kapitaal vir die aankoop van toerusting en bedryfsuitbreiding te voorsien. Landboufinansiering is geskoei op die basiese beginsels van die breë spektrum van finansiering, maar daar is ’n paar belangrike verskille wat spesifiek op die landbou van toepassing is. Afgesien van alledaagse faktore, soos politieke, ekonomiese en maatskaplike omstandighede, het die landboubedryf bykomende kwessies wat besigheid kan beïnvloed. Weerpatrone speel natuurlik ook ’n belangrike rol, juis omdat dit onvoorspelbaar is. Die groot vraag is dus: Hoe kies jy as boer jou voorkeurvennoot vir landboufinansiering? Praat dieselfde taal In die landbou is dit noodsaaklik dat jou finansier jóú wêreld moet verstaan. John Deere Financial is só ’n finansier – ’n betroubare handelsvennoot wat jóú…

Aktueel Voedselveiligheid Die ergste nagmerrie wat enigiemand in die voedselwaardeketting kan tref, is ’n voedselveiligheidsvoorval wat ’n boer of vervaardiger dwing om ’n produk te herroep, sê Suenita Mackay, voedselveiligheidbestuurder by MiChem Dynamics, ’n konsultasiemaatskappy wat spesialiseer in die ontwikkeling en inwerkingstelling van bestuurstelsels vir voedselveiligheid. Suenita het op ’n onlangse Fresh Solutions-vergadering van die internasionale varsprodukte-organisasie gesê dit is baie moeilik om markaandeel terug te wen as ’n mens dit oor só ’n voorval verloor het. “As mense jou produk ophou koop en ’n plaasvervanger moes soek, koop hulle daarna eerder dit. Hulle het vertroue in jou produk of handelsmerk verloor.” Juis daarom moet die stelsel waardeur ’n boer of vervaardiger voedselveiligheid bestuur, proaktief wees. “Jy moet kyk wat verkeerd kan gaan. Wat is ’n potensiële risiko? Wat is…

Skraap paaie lag-lag ’n Padskraper sonder hidrouliese fieterjasies is die jongste yster uit die werkwinkel van die bekende planmaker Jannie Myburgh van Ermelo. Myburgh Toerusting bou al ’n dekade lank werktuie, en sy slim boereplanne lei male sonder tal tot alternatiewe vir noodsaaklike plaastoerusting. Die padskraper haak aan ’n trekker en is maklik om te gebruik. Jannie vertel hy werk al jare lank aan ’n prototipe, en het deurentyd boere se terugvoer gevra en hul aanbevelings ingewerk. Jannie het die koste laag gehou en verkoop dit goedkoper as ander soortgelyke werktuie op die mark. PRYS: R150 000. NAVRAE: 082 417 0175, e-pos: mybtoer@gmail.com Spuitwerk makliker én akkurater Met die hoogloopspuit van Terratill Implemente kan die boer spuitwerk heelwat makliker en akkurater gedoen kry. Dié spuit, die Horsch Leeb 6.280VL, het…

Trekkerstories Die oorspronklike kolonies in Australië, sommige strafkolonies, was merendeels op die landbou ingestel en het vir naastenby ’n eeu afsonderlik ontwikkel voordat die federale staat soos ons dit vandag ken, in 1901 tot stand gekom het. Toe was daar reeds talle boerderye wat op groot skaal onder meer graan en suikerriet verbou het. Meganiese trekkrag was dus in aanvraag. Soos oral in die koloniale tyd die geval was, is werktuie en onderdele oorspronklik van die “moederland” na die kolonie en later die nuwe staat ingevoer, dus meestal uit Brittanje, maar ook uit Amerika. Soos te wagte, moes aanpassings bedink word vir die totaal vreemde grond en klimaat. Die vervoerkoste en tyd het ook ’n rol gespeel in die ondernemende ingenieurs en handelaars se besluite. Meganisering is ook genoodsaak deur…

Veilings NFS22-71 was een van drie twee jaar oue bulle wat op Sernick se 46ste produksieveiling aangebied is, “en toe skiet hy die ligte uit” deur vir R2,2 miljoen opgeveil te word. “Ek was dit nie te wagte nie, maar ek was ook nie heeltemal verras oor dié bul wat so goed gevaar het nie,” vertel die legendariese Bonsmara-boer Nick Serfontein van die Sernick-boerdery by Edenville in die Vrystaat. NFS22-71 is ’n bul wat ál die regte teelwaardes het, asook uitstaande is wat sy vleiswaarde en fenotipe betref. “En hy kom uit ’n baie goeie moederlyn. Hy is alles wat jy in ’n bul wil hê. As hy só goed gedoen het op twee jaar oud, kan ek my amper nie indink hoe goed hy gaan doen as hy drie…

Veilings Stabra SB21111 (lot 12) is op Saterdag 8 Junie vir R180 000 verkoop op die tiende nasionale Braford-veiling — net R35 000 minder as die huidige rekordprys van R215 000 vir ’n bul van dié ras. Stapelberg Broers van Piet Retief het Stabra SB21111 aan Thiele Holdings van Paulpietersburg verkoop. R180 000 is wel die hoogste prys nóg wat op ’n nasionale Brafordveiling behaal is. Vleissentraal het die veiling in die Afridome op Parys aangebied. PM Swart was die afslaer, en PJ Budler, voormalige Suid-Afrikaner wat deesdae in Texas woon, was die beoordelaar. Kopers kon op 13 koeie en kalwers, 17 bulle, 80 dragtige verse, ’n dragtige koei en haar kalf, asook 160 strooitjies semen bie. Die duurste vroulike dier op die veiling was lot 57, ’n dragtige vers…

HIERDIE is gewis nie ’n vergelyking van appels met appels nie, maar nietemin ’n grafiek wat ’n mens aan die dink kan sit. “Om ’n kommoditeitsprys met ’n aandeelprys van ’n maatskappy te vergelyk, is soos ’n vergelyking tussen appels en ’n Vrydag, en ’n mens moet beslis geen beleggingsbesluite op grond hiervan neem nie,” sê dr. Tobias Doyer, uitvoerende hoof van Graan SA. “John Deere-toerusting en die kommoditeite wat daarmee verbou word, is verskillende produkkategorieë wat wesenlik verskil in hul kenmerke en die markte waarin hulle ’n rol speel.” ’n John Deere is ’n hoogs gesofistikeerde produk met baie waardetoevoeging wat benut word om graan as ’n kommoditeit te verbou. Graan is in wese ’n homogene produk wat in massa verbou word en nie in kenmerke verskil nie. “Wanneer…

POSBUS 1802, KAAPSTAD 8000; e-pos: lbw@landbou.com Die goeie dinge van die ou dae ... WENBRIEF Waar ek in die voormalige Wes-Transvaal grootgeword het, het elke plaas ’n roomafskeier gehad. Ons het almal gepraat van die seperator. Ons s’n was ’n Domo, so ’n rooie wat ek vermoed in Engeland of Italië vervaardig is. Dit was op ’n groot houtstomp in die rondawel vasgebout. Ons was vyf seuns, en namate ons opgegroei het, het elkeen geleer om die roomafskeier aanmekaar te sit en die melk af te room. Die vars melk is in ’n groot bak bo die roomafskeier deur ’n doek gegooi. As jy een fout met die aanmekaarsit gemaak of die masjien te stadig of te vinnig gedraai het, was die room melkerig of die afgeroomde melk was romerig.…

NuusHandel en infrastruktuur RUDI DICKS, hoof van die projekbestuurskantoor in die presidensie, het landbousakelui op Agbiz se onlangse kongres verseker dat Operasie Vulindlela nie stopgesit sal word wanneer die nuwe regering sy werk begin nie. Die program is gemik op strukturele hervorming, onder meer in die krag- en vervoersektor, om só ekonomiese groei en werkskepping te bevorder. “Ons het ver genoeg gevorder en voer uit wat ons moet,” het hy tydens ’n paneelbespreking in antwoord op ’n vraag deur Theo Boshoff, uitvoerende hoof van Agbiz, gesê. “Ons is immers professionele staatsamptenare, en ’n professionele staatsamptenaar het die vermoë om ’n bestaande program uit te voer.” Die nasionale logistiekkrisiskomitee sal sy werk voortsit en al sou die komitee oor vyf of ses jaar nie meer bestaan nie, bly samewerking tussen die…

GEEN spesifieke weerpatroon kan gekoppel word aan wat in die res van winter kan volg wanneer gekyk word na die goeie reën wat in die eerste tien dae van Junie oor dele van Suid-Afrika geval het nie. Die meeste reën het in die Suid-Kaap, Klein-Karoo, Tuinroete en die Oos-Kaap voorgekom. Dit is veroorsaak deur die gesamentlike uitwerking van ’n afsnylaagdrukstelsel wat warm, vogtige lug vanuit die noordweste en koue lug uit die suidweste ingevoer het, tesame met ’n kouefront. Die swaar neerslae het tot groot skade op plekke gelei. Die goeie neerslae van tot 50 mm of meer saam met redelik swaar sneeuneerslae oor die Suid-Vrystaat, die suidooste van die Noord-Kaap, byna die hele Oos-Kaap en die Klein- en Groot-Karoo het egter ’n gunstige uitwerking op die grondvog vir veral…

Die veebedryf is die enkel grootste landbousektor met ’n bydrae van sowat 42% tot die landbou se produksiewaarde van R435 miljard in 2022-’23. Vleis verteenwoordig die grootste deel van die waarde, maar is die bedryf in die landbousektor wat die stadigste groei. Die totale produksiewaarde van die landbou het in die afgelope tien jaar met 140% gegroei (in randwaarde). Akkerbou en tuinbou het met onderskeidelik 150% en 170% gegroei, teenoor 110% van die veebedryf. Ondanks ’n groeiende ekonomie en bevolking — en ander bedrywe wat sterk groei — stagneer die veebedryf. Dit is welbekend dat skaapen beesvleispryse (speenkalwers) die afgelope paar jaar nie veel gestyg het nie. Inteendeel . . . In vorige artikels in dié reeks rubrieke is die verskillende uitvoergerigte bedrywe bespreek. Die meeste toon sterk groei. Ook…

Mense dink meestal aan koolsuurgas as kweekhuisgasse se rol in klimaatsverandering ter sprake kom. Tog is distikstofmonoksied (N2O, laggas) se verwarmingsvermoë 300 keer meer as dié van koolsuurgas. Boonop bly dit vir gemiddeld 116 jaar in die atmosfeer. Gewoonlik vernietig sonstraling stikstofgas in die boonste lae van die atmosfeer, maar omdat menslike aktiwiteite die gas vinniger vrystel as wat dit vernietig kan word, hoop dit in die atmosfeer op. Navorsers aan die Universiteit van Lewenswetenskap in Noorweë kon wys deur gewasse met afval van die biogasproduksieproses te bemes, kan N2O-vrystelling noemenswaardig verlaag word. Hulle skryf in die artikel “Unlocking bacterial potential to reduce farmland N2O emissions” in Nature as die bakterie Cloacibacterium sp. CB-01 aërobies tot 6 miljard selle per millimeter gegroei het, N2O-vrystellings met 50% tot 95% verlaag kan…

Hulle wou al baie meer vermag het, maar deur te begin met dít wat hulle gehad het, is hy en sy vennote stadig maar seker besig om ’n boerdery staan te maak wat ’n beter toekoms vir hul kinders kan beteken, vertel Johannes Kamfer, terwyl hy na die vrugtebome by Tierberg Nurseries kyk. Johannes is saam met Bernard Engelbrecht, Dawid “Duimpie” Steenkamp en Shirley Engelbrecht die vier begunstigdes van Ceres Tierberg Boerdery, ’n vrugte-engroenteboerdery in die Koue-Bokkeveld wat met die hulp van Ceres Remhoogte Boerdery “happie vir happie, soos ’n mens ’n olifant eet”, op die been gebring word. Ceres Remhoogte Boerdery is in 1895 begin. Die vyfde geslag van die Du Toit-familie, Heinie du Toit en sy suster en swaer, Nonna en Stokkies Hanekom, boer vandag daar. “Ons waardes,…

Bemesting Swartbrakgrond word met swak waterindringing, deurlugting, oppervlak-korsvorming en erosie verbind. Dié toestande kan plantvoedingstoftekorte, die verdwerging van plante en lae opbrengste veroorsaak. Die ophoping van natrium in grond word veroorsaak deur die verwering van natriumryke moedermateriaal en mensgemaakte versouting. Dit het ’n nadelige uitwerking op die grondstruktuur en die voedingstofbalans in die grond. Die toediening van gips (kalsiumsulfaat) is ’n kostedoeltreffende oplossing vir swartbrakgrond, en gips is algemeen beskikbaar. Navorsing toon dat gipstoediening voordele soos die verlaging van uitruilbare natriumpersentasie (UNP) en grondsuurheid (pH) inhou, asook die gemak waarmee water deur die grond beweeg, verbeter. Hoe oplosbaar is SA gips? Hoewel gips algemeen in die landbou gebruik word, is die oplosbaarheid van talle gipsbronne wat tans in Suid-Afrika beskikbaar is, nog nie ondersoek nie. Om dié leemte te vul,…

Aalwurms het vanjaar gefloreer in die hitte en droogtetoestande in die somerreëngebied en baie van die skade aan sojabone en mielies in die westelike dele kan voor die deur van dié wurms gelê word. Chris Schoonwinkel, wat tussen Wesselsbron en Hoopstad boer, sê sy waarneming as boer is dat opbrengsverliese nie net aan die droogte toegeskryf kan word nie, maar dat aalwurms ’n groot aandeel daaraan gehad het. “As daar nie ’n behoorlike wortelstelsel is nie, kan die plant mos nie produseer nie.” Hy sê dit was veral ’n probleem in distrikte soos Bothaville, Wesselsbron, Hoopstad en Bultfontein. Hy glo meer navorsing is nodig oor kultivars en hul weerstand teen aalwurms. “Daar was goeie navorsing oor mieliekultivars en hul vatbaarheid vir verskillende siektes, maar ons het nie só iets vir…

Swamdoders word dikwels eers toegedien nadat siektes die eerste keer opgemerk word, of die drempelvlak van besmetting in die landery bereik is. In gebiede waar swamsiektes voortdurend voorkom, is dit raadsaam om eerder voorkomend as korrektief te bespuit. ’n Paar swamsiektes wat voortdurend by verskillende gewasse kop uitsteek, sluit in: Mielie-moleste ■ Noordelike mielieblaarskroei (Exserohilum turcicum), wat in ernstige gevalle opbrengste met tot 90% kan verminder as dit nie bekamp word nie. ■ Grysblaarvlek (Cercospora zeina), wat meestal voorkom waar geenbewerkingspraktyke toegepas word en opbrengste aansienlik beïnvloed. ■ Roes (Puccinia sorghi), wat in ’n later stadium van gewasgroei ontwikkel, met potensiële opbrengsverliese van tot 25%. Sojaboon- en sonneblomstruikelblokke ■ Sojaboonroes (Phakopsora pachyrhizi) veroorsaak letsels in die plantweefsel wat die plant kan laat vrek. ■ Alternaria-blaarvlek (Alternaria helianthi, A. zinniae en…

Dorper-ooie Wit Dorper-ooie 6 Kampioenooi (40-50 kg) en reserwe junior kampioen. Eienaar: Abrie Badenhorst (agter, 082 496 0680), Ketubah-Dorpers, Driehoekspan, Hopetown. By hom is Attie en Talitha Badenhorst. Voor is Wilikus Badenhorst en Aubrey Rooifontein (hanteerder). 7 Kampioenooi (sestand), senior kampioen- en grootkampioenooi. Eienaars: Dr. Corrie Avenant (082 338 5906) en Colene van der Merwe (084 491 7171), Atka-stoetery, Rietfontein, Williston. Links is Lubbe Jacobs (Lubern) en naaslinks Isak Brow (Atka). Voor is die hanteerders, Adriaan Koopman en Brian Lukas. Dorper-ramme 10 Kampioenram (swaarder as 60 kg) en reserwe junior kampioen. Eienaars: Johan en Jannie Visagie (082 788 5510), Leeupan, Petrusburg. Voor, is die hanteerders, Elrico Kaptein, Barend Marola, Willem Berends en Edmond Leeuw. Wit Dorper-ramme…

Veilings ’n Miniatuurdonkie, MMC D 23/08, wat deur die MMC-stoetery van Marina en Chris van der Merwe van Potchefstroom geteel is, het stof in die oë van die Miniatuurperde geskop op die vyfde produksieveiling van Gawie Naudé en sy seun Willem se Eduan-stoetery by Barkly-Oos. Dié hingsie het die hoogste prys van R35 000 behaal. Die koper, Vincent Mulder van Randfontein, het ook die ander MMC-donkie op die veiling teen R12 500 aangeskaf. Volgens Marina van der Merwe het die vraag na klein donkies ná die afgelope Nampo-oesdag dermate toegeneem dat sy ’n waglys moes opstel. ’n Miniatuurperd, die merrie MMC Buck’s 100’s & 1000’s, van die Van der Merwes is teen R28 000 aan Johan Enslin van Durbanville verkoop. Hy het op die 2023-produksieveiling R100 000 vir die kampioenhings…

Ondanks Suid-Afrika se moeilike ekonomiese toestande het die onlangse gekombineerde produksieveiling van die Droughtmasterstoeterye Waterford en Chan-Té-Mar sterk gemiddelde pryse en selfs ’n paar hoogtepunte opgelewer. Die algehele topprys van die dag, onder die hamer van afslaer Hennie Goosen, was R550 000 vir lot 4, die agtjarige en agt maande dragtige Considerata SA Covergirl (CSA 160024). Sy is deur Johan Dannhauser van die Considerata SA Droughtmasterstoetery by Parys gekoop en deur Gert Barnard van Chan-Té-Mar by Humansdorp geteel. Die duurste bul was die drie jaar oue Waterford TMasters 21-0030WBT, gekoop deur John Leonard van Kroonstad en geteel deur Carl Crous van Waterford by Viljoenskroon. Die veiling is deur Meerkat- aanlyn veilings aangebied. * Lees die volledige berig op Landbou.com…