Inhaltsverzeichnis für 2 November 2023 in Landbouweekblad

Skielik begin stedelinge die byt voel van betreklike tekorte aan en hoë pryse van voedsel. Dit is meestal te wyte aan die ANC-regering se onbeholpenheid om Suid-Afrika en die landbou reg te bestuur. Die jongste tekort aan eiers, met leë rakke en waarskuwings van braaihoenderprodusente van tekorte aan braaihoenders tot ná Kersfees, laat natuurlik pryse styg. Intussen het aartappelpryse ook rekordvlakke bereik weens ’n laer aanbod, onder meer as gevolg van beurtkrag en die koste om te besproei. Op sosiale media is oningeligte verbruikers woes besig om produsente en voorsieners te beskuldig van prysmanipulasie en dat boere ongeoorloofde winste maak. Van die argumente is verstommend onnosel. Die risiko is steeds daar dat die mededingingsowerhede gaan ingryp met maatreëls van prysbeheer. Hul vingers jeuk om dit te doen. Die betrokke minister…

Veeboerdery is ’n belangrike ekonomiese bedrywigheid in baie dele van Suid-Afrika, veral in die droë en halfdroë weste van die land. Een van die grootste struikelblokke vir boere daar is die beskikbaarheid van gehaltevoer vir hul vee, veral in gebiede met wisselvallige reënval en tydens droogte. Volgens tradisie het boere in daardie gebiede op jaargewasse, soos hawer, in droëlandomstandighede staat gemaak om die voergaping in die droë somer en herfs aan te vul. Die graanstoppels wat die vee in die droë seisoen benut, is in die algemeen nie baie voedsaam nie. Eweneens is die sukses met jaargewasse hoogs afhanklik van reën wat wisselvalliger word vanweë klimaatsverandering. En, omdat die grane elke jaar gesaai moet word, kan dit duur uitwerk. Die meerjarige opsies wat beskikbaar is, soos lusern, word onder besproeiing…

KI-boerdery, ook bekend as slimboerdery, kry ál meer vastrapplek namate talle boere ’n reeks vernuwende werktuie verwelkom wat deur kunsmatige intelligensie aangedryf word. Hierdie werktuie speel ’n sleutelrol om die landbou te transformeer en toegankliker te maak, en gee kleinboere toegang tot die kundigheid van landboukundiges en datawetenskaplikes. Dit help hulle om die prosesse van plant, besproei, bemes en oes te optimaliseer. Dit lei weer tot kostebesparing en verhoogde volhoubaarheid en mededingendheid. Talle lande hou die agtech-revolusie fyn dop namate regerings probeer om voedselproduksie te verhoog en groeiende bevolkings te voed, ten spyte van water- en grondhulpbronne wat uitgeput raak, en groter struikelblokke weens geopolitieke en ekonomiese woelinge. Wat behels KI-boerdery? Data-insameling. Die proses begin met die insameling van groot hoeveelhede data vanaf satellietbeelde, hommeltuie, weerstasies en sensors, asook werktuie…

Vandeesweek SA produk sit Britse siders ore aan . . . 78 Boere bring hoop deur die krag van kuns 82 Soet-en-taai brandrissiehoender Beslag ■ 125 ml mielieblom■ 125 ml koekmeel■ 10 ml sout■ 250 ml koue water■ 6-8 hoenderborsfilette sonder vel, in blokkies gesny■ 180 ml mielieblom Sous ■ 10 ml sojasous■ 60 ml heuning■ 30 ml witasyn■ 2 knoffelhuisies, fyngekap■ 15 ml fyngerasperde vars gemmer■ 15 ml soet brandrissiesous■ 1-2 rooi brandrissies, fyngekap■ Olie, vir diepbraai■ Sesamsaad en gesnipperde stingeluie, om af te rond Klits al die bestanddele vir die beslag saam tot glad en hou eenkant. Sit die hoenderblokkies en mielieblom in ’n plastieksakkie, knyp toe en skud die sakkie tot al die hoenderblokkies met ’n dun lagie mielieblom bedek is. Keer uit op ’n bord. Verhit…

Waardetoevoeging In ’n era waarin verbruikers plaaslike produkte bo ingevoerdes verkies, laat ’n Suid-Afrikaanse boetiek-appelsider Britse siders op hul neus kyk in hul eie supermarkte wat die koolstofspoor betref. Dit is danksy die soet appels uit die sonnige Elginvallei, wat geen suikerbyvoegings nodig het nie, asook omgewingslim produksie- en verspreidingsprosesse. Laura Clacey en haar man, Karol Ostaszewski, het tien jaar gelede die Sxollie-handelsmerk gestig vir hul sider wat gemaak word van sapgraad Golden Delicious-, Granny Smith- en Cripps Pink-appels wat deur Fruitways by Elgin in die Wes-Kaap verbou word. Die geparste appels word ’n klipgooi van die plaas af in Almenkerk se kelder met vonkelwyngis gegis voor dit in groot maat na die hawe in Liverpool, Brittanje, verskeep word. Digby dié hawe word dit gekarboneer en gebottel, in bottels wat…

Sluitingsdatum: 23 November 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Dorp in die Vrystaat. Lees op bl. 86 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 87 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 23 November 2023.…

Lourie Bosman van El-Rebos Brahmane by Newcastle is vereer vir sy 40 jaar toegewyde diens aan Suid-Afrika se Brahman-ras. Lood en Ida Lesch van Lesch Brahmane by Delmas is vereer vir hul 25 jaar diens aan die Brahman-ras. Jan van Zyl jr. van die Kroon Vee-boerdery by Vryburg en sy familie het die meesterbul-prys ontvang vir hul wit Brahman JVZ 16-438, wat 74 kalwers oor die afgelope 12 maande opgelewer het. Burnie Staal (links) van Bos Blanco Brahmane by Kroonstad en Linde du Plessis (regs) van die Brandwater Brahman-stoetery by Fouriesburg is in die SA Brahmangenootskap se Saal van Roem ingehuldig deur Wayne Porter (middel), president van die genootskap. Lewenslange erelidmaatskap van SA Brahman is oorhandig aan, van links, Bill van Lelyveld van die Clanwill- en Trapeda Brahman-stoeterye by Vryheid,…

Die nasionale Merino-veiling vanjaar het weer ’n topprys van R250 000 vir ’n Merinoram opgelewer, maar die veiling “was nie maklik nie”. Danie Strauss, afslaer wat die veiling namens BKB behartig het, sê daar was vir tien ramme geen aanbod nie, of die aanbod was laer as die vloerprys. “Ek sal graag wil sien dat die binnelandse telers die veiling meer ondersteun.” Die ram Monster van Mega Merino’s (Jacques en Andries Pienaar van Colesberg) is vir die hoogste prys van R250 000 aan ’n groep Lesotho-produsente verkoop. Nóg twee van Mega Merino’s se ramme is vir onderskeidelik R110 000 en R100 000 verkoop, terwyl hul vierde ram vir R70 000 verkoop is. Drie van Mega Merino’s se ramme is aan Lesotho-telers verkoop, met een ram wat aan Trump Merino’s verkoop…

Met ’n totale waarde van sowat R15 miljard en ’n jaarlikse omset van rondom R4 miljard staan Vaalharts sy plek vol in die Suid-Afrikaanse huishouding. Dit kan met reg op die titel van Suid-Afrika se kosmandjie aanspraak maak. Alfons Visser, boer, entrepreneur en eienaar van ondernemings wat verskeie produkte verwerk en uitvoer, bestempel die skema as ’n groot en belangrike voedselprodusent. Die besproeiingskema is een van die grootstes ter wêreld en beslaan 370 km², waarvan 33 000 ha besproeibare grond is. Sowat 400 boere boer op 1 450 individuele besproeiingspersele. Die skema verskaf 100 000 heeltydse en tot 200 000 tydelike werkgeleenthede. Vaalharts gaan vorentoe ’n nóg groter rol speel wanneer ’n ambisieuse plan ’n werklikheid word om hom heeltemal van Eskom te speen met ’n sonkragprojek van miljarde rand…

Die omvattende projek wat die kapasiteit van die Vaalhartskanaalstelsel met meer as 10% kan verhoog, kan binne die volgende 12-24 maande begin sodra die nodige finansiering bekom is. Dit sal by voltooiing die produksiepotensiaal baie verbeter en die doeltreffendheid vergroot. Niel van Eeden, uitvoerende hoof van die Vaalhartswatergebruikersvereniging, sê die kernprobleme is die swak toestand van die kanaalstelsel omdat dit ná 85 jaar die einde van sy gebruikstyd bereik het, instandhouding wat nie meer met die agteruitgang tred hou nie, en die staat wat nie kan byhou met opgradering nie. Indien die probleme van lekkende kanale opgelos word, sal ’n bykomende 5 000 ha op Vaalharts en die aanliggende besproeiingskemas by Taung, Barkly-Wes en Spitskop besproei kan word. Pres. Cyril Ramaphosa het reeds in 2021 ’n projek aangekondig om twaalf…

‘Geen gemeenskap, dorp of skoolmeisie is te klein om ’n verskil in die wêreld te maak nie.’ Aan die woord is Snoekie Erasmus, sirkelpresident van die VLV vir die Kimberley-distrik. Hulle is geaffilieer by die Associated Country Women of the World (ACWW), wat sowat 9 miljoen lede in 84 lande en adviserende status by die Verenigde Nasies het. Die ACWW neem ook jaarliks deel aan die werksaamhede van die Commission on the Status of Women wanneer die vergaderings in New York, Amerika, plaasvind. Die VLV-tak van Hartswater het die voorreg gehad om een van die blokkies te maak wat in ’n banier gebruik is wat tydens die driejaarlikse konferensie in Kuala Lumpur, hoofstad van Maleisië, vertoon is. Op die jaarlikse ACWW Women Walk The Worldgeleentheid by die Hoërskool Hartswater het…

Die veteraan-voorligtingsbeampte Andries Zandberg wat boere reeds die afgelope 33 jaar van raad oor gewasverbouing bedien, vertel hoe belangrik kontantgewasse steeds is. Volgens hom behoort boere ’n derde van hul lande daaraan af te staan en twee oeste per jaar van die grond af te haal. Vroeër was koring, mielies, grondbone en katoen die hoofgewasse. Ertjies is ook verbou en lusern het ruim 25% van die oppervlakte beslaan. Die verbouing van kontantgewasse het egter die afgelope jare ten koste van pekanneute afgeneem. “Voedselproduksie is baie belangrik vir Suid-Afrika en boere moet dit onthou. Al produseer hulle dit op kleiner skaal, behoort hulle vol te hou. Handhaaf ’n balans tussen hierdie gewasse en boomgewasse en moenie te veel op een produk staatmaak nie,” is Andries se raad. Hy het 33 jaar…

PLAASLIKE kundiges ondersoek die teorie dat die huidige uitbreking van H7N6-voëlgriep ontstaan het toe ’n voëlgriepvirus met lae aansteeklikheid wat in wilde voëls voorgekom het sonder om die voëls siek te maak, gemuteer het in ’n hoogs aansteeklike stam wat hoenders ernstig siek gemaak het. Dié mutasie het in Suid-Afrika voorgekom. Mutasies van minder na hoogs aansteeklike voëlgriep is al in verskeie dele van die wêreld beskryf, maar daar is geglo dis minder waarskynlik as die H5-klas-voëlgriep soortgelyk aan vorige uitbrekings in Suid-Afrika, skryf dr. Shahn Bisschop, uitvoerende hoof van Avimune en veeartsenykundige konsultant aan die pluimveebedryf. H7N6 is goed aangepas vir hoenders – dit besmet hulle maklik en vermeerder doeltreffend eerder in hoenders as in ander voëlspesies. Dit versprei ook baie maklik tussen voëls en plase. ’n Geraamde 10…

AGRI SA en sy filiale moes die afgelope jare hul benadering drasties verander. “Voorheen het ons meer gekonsentreer op wat en hoe die regering sy werk moet verrig,” sê Willem Symington, nuutverkose voorsitter van Agri Noord-Kaap. “Die klem het verskuif oor wat ons self moet doen met die samewerking van die regering. Geslaagde openbare-privatevennootskappe kan verseker dat ons tyd en energie doeltreffender bestee word.” Van die suksesse wat die afgelope jare bereik is, sluit in droogtehulp, hulp met brande en brandbestryding, stelsels vir landelike veiligheid en samewerking met die staat om sprinkaanplae te bekamp. “Baie word gedoen om infrastruktuur te verbeter en natuurlik met Eskom oor beurtkrag te onderhandel. Die georganiseerde landbou is nou betrokke by waterbestuur en die regverdige beleid oor toekenning van waterlisensies. Ons kan die regering met…

VIR die makadamia- en die Wes- en Noord-Kaapse sitrusbedryf bied Agoa belangrike voordele wat hul mededingendheid verhoog. Volgens Alex Whyte, hoof van bemarking van Green & Gold Macadamias, is Amerika naas China die grootste mark vir Suid-Afrikaanse uitvoer van makadamias. “Amerika koop hoofsaaklik gedopte neute, terwyl China die neute in die dop koop. Die Amerikaanse mark is dus belangrik omdat uitkraakfabrieke duisende mense in Suid-Afrika in diens neem.” Hy reken daar is baie ruimte vir groei in verbruik in Amerika. “Amerikaners hou baie van makadamias, danksy die sterk verbintenis met Hawaii. “Indien Suid-Afrika sy Agoa-status verloor, sal die Amerikaanse invoerder van makadamias in effek prys vir Suid-Afrika makadamias betaal. D sal ons in ’n benadeeld posisie plaas teenoor ander makadamiaproduserende lande, soos Malawi en Kenia, wat waarskynlik nie hul Agoa-status…

Die onteieningswetsontwerp dien tans voor die nasionale raad van provinsies (NRP) vir verwerking nadat die nasionale vergadering (NV) dit verlede jaar goedgekeur het. Ná die NRP die voorleggings oorweeg en sy veranderinge aangebring het, volg ’n stemming om die wet te aanvaar, waarna pres. Cyril Ramaphosa dit moet onderteken. Annelize Crosby (foto regs), hoof van regsintelligensie by die landbousakekamer Agbiz, sê die weergawe wat die NV goedgekeur het, bevat ’n aantal verbeteringe vergeleke met die een wat aanvanklik ingedien is. Dit maak nou onder meer voorsiening dat verbandhouers kennis moet kry van elke stap wat verband hou met onteiening. “Aan die gunstige kant moet die wetsontwerp steeds aan artikel 25 van die Grondwet voldoen, wat onveranderd is. Daar is baie beskerming ingebou vir grondeienaars, verbandhouers en ander houers van geregistreerde…

Die Wet op die Onderverdeling van Landbougrond (Wet 70 van 1970) verbied die registrasie van landbougrond in meer as een persoon se naam. ’n Aansoek kan wel by die minister van landbou, grondhervorming en landelike ontwikkeling ingedien word om artikel 3 van die wet te omseil, maar sulke aansoeke slaag selde. Gestel ’n boer besit verskeie plase en ander bates van groot waarde in die vorm van werktuie en lewende hawe. Aangesien hy en sy vrou kinderloos is, word die bates by albei se afsterwe aan verskeie persone van belang bemaak. Daar bestaan geen aanduiding in die testament dat dit hul wens is om die bates te verkoop en dan te verdeel nie. Aangesien die boerdery as ’n eenheid bedryf word, is dit boonop onprakties en die gevolg sal wees…

Gee jou plaas batterywoema! Al ooit gewens jy kan jou battery-aangedrewe gholfkarretjie aanpas vir plaaswerk? Die Quad Bakkie Xtreme van E-Tec Alternative Energy Solutions is dalk net die ding vir jou. Dit is die ideale voertuig om heinings te patrolleer, om vir herstel- en instandhoudingstake op plase of oorde in te span, en vir die vervoer van veevoer, vullisverwydering, huishoudelike dienste, tuindienste en nog meer. Hierdie kragtige werkesel van 2 000 W kan tot 400 kg in sy ruim laaibak laai en het uitstekende voorvering vir enige terrein. Dit het ’n indrukwekkende 30 °-hellingsvermoë met die nuwe hoë- en laestrekhefboom. Die elektriese motor van die Quad Bakkie Xtreme sorg vir stil werkverrigting en onmiddellike wringkrag wanneer nodig. Dit verg min onderhoud met minimale onderdele en diensvereistes. Alle onderdele is plaaslik…

Kos ■ 8 ontbeende hoenderdye of -borsies, in blokkies gesny Marinade ■ Sap van ’n halwe suurlemoen■ 1 brandrissie, fyngekap■ 125 ml dik volroomjogurt■ 5 ml sout■ 2 knoffelhuisies, fyngekap■ 15 ml garam masala■ 45 ml gesmelte botter■ 5 cm-stuk vars gemmer, geskil en fyngerasper■ 10 ml komyn Tamatiekerriesous ■ 15 ml botter■ 5 ml elk olyfolie, gerasperde vars gemmer, gekapte vars knoffel en garam masala■ 1 groen brandrissie, fyngekap■ 15 ml tamatiepasta■ 1 blik (410 g) tamatiepuree■ Sout en suiker na smaak■ Natuurlike jogurt, vars suurlemoen en koljanderblare, om af te rond Pak die hoender in ’n enkellaag in ’n nie-metaalbak. Meng die marinadebestanddele, giet oor die hoender en maak seker al die porsies is met marinade bedek. Bedek en verkoel vir 3-4 uur of oornag in die yskas.…

Inspirasie Wanneer Wynne Smith van Eston in die KwaZulu-Natalse Middelland in hul distrik rondry, word sy oral begroet met waaiende, glimlaggende kinders wat van die skool af huis toe stap. “Dit is vir my so lekker. Dit voel of ek ’n verskil maak in kinders se lewe, én ek is bevoorreg om in daardie skole te kan werk,” gesels sy telefonies oor die Eston-uitreikaksie wat sy in 2020 saam met Robyn Armstrong begin het. “Ek glo daaraan dat liefde die wêreld gaan verander. As ons nie met mense connect nie, gaan ons nooit verandering sien nie,” verduidelik sy haar filosofie. Saam met ’n groep van sowat 25 vrywilligers, almal boere se vroue uit die omgewing, bied hulle kunsklasse aan by vier laerskole – Hope Valley Primêre Skool, Fairleigh Primêre Skool,…

DIE Weidingsvereniging van Suider-Afrika (WVSA) het hulde gebring aan prof. NEIL TAINTON, pionier van volhoubare weidingsbestuur en grasveldnavorsing. Hy was ’n stigterslid van die vereniging. Tainton is op 11 September in die ouderdom van 89 jaar in sy huis in Pietermaritzburg oorlede. Tainton was sameroeper van die departement weidingswetenskap aan die Universiteit van KwaZulu-Natal van 1978 tot sy aftrede in 1994. Hy sal veral onthou word vir sy boek Veld and Pasture Management in South Africa, wat in 1981 verskyn het en waarvan daar al verskeie hersiene uitgawes verskyn het. Dié boek word as die “groen bybel” van veld- en weidingsbestuur in Suid-Afrika beskou. Dit is al dekades lank ’n noodsaaklike verwysingswerk vir studente, navorsers, landbouraadgewers en boere. “Hy het die grondslag gelê vir ons huidige begrip van Suid-Afrika se…

In die TABEL is ’n ontleding van grondtransaksies groter as 10 ha vir die 12 maande tot September vanjaar in Gauteng, KwaZulu-Natal en Limpopo. Daar was 528 transaksies in Gauteng en 76 708 ha is vir R3,973 miljard verhandel. Ál die distrikte toon dalende prysneigings, met die grootste daling by Carletonville (-10,2%). In KwaZulu-Natal is 297 transaksies in 13 distrikte gesluit. Dit het 76 821 ha teen R2,346 miljard behels. In 61% van die distrikte het pryse gestyg, veral by Jozini (18,8%) en Ulundi (14,2%). Altesaam 520 ooreenkomste is in 12 distrikte in Limpopo gesluit. Dit het 196 092 ha teen R2,980 miljard behels. In 41% van die distrikte in die provinsie is grondprysverbeterings opmerklik. Pryse het egter aansienlik gedaal by Usutu (-21,4%), Musina (-16,6%) en Lephalale (-16,3%). Statistieke vir…

Vandag se voorspoed is te danke aan die pioniers se rugbreekwerk, bloedsweet en deursettingsvermoë om ’n sukses van die Vaalharts-projek te maak en ’n einde te bring aan die armblankevraagstuk wat ontstaan het ná die moeilike jare wat op oorloë, depressie en droogtes gevolg het. Nou kan die boere met groot dankbaarheid en erkenning terugkyk na die destydse regering se besluit om die Vaalharts-staatswaterskema in die Hartsriviervallei halfpad tussen Kimberley en Vryburg te ontwikkel. Die gebied is ideaal vir besproeiing danksy die gelyk, vrugbare grond, asook die ligging van die Vaalrivier van waar die besproeiingswater na Vaalharts vloei. ’n Keerwal is by Veertien Strome, Warrenton, gebou en is 136 m hoër as die Hartsriviervallei sodat die water met swaartekrag daarheen vloei om elke besproeiingsperseel van ongeveer 25 ha met ’n…

Anderkant die reënboog Teen die tyd dat u hierdie brief lees, is Suid-Afrika se lot in die Rugbywêreldbeker seker reeds bekend. Ek wil tog net ’n opmerking maak oor die kwarteindstryd teen Frankryk en daardie lelike halfeindstryd teen Engeland. Ons moes albei wedstryde verloor het as ’n mens net na die statistieke kyk, maar met onverbiddelike verdediging en vasbyt kon die Bokke toe albei met een enkele punt deurhak. Oor die jare het dit maar deel geraak van Suid-Afrikaner wees: Om verby die punt van kla te kom en probleme eerder maar net stil-stil op te los. Dinge is tans maar ’n bietjie taai in die landbou. Van ons ekstensiewe veeboere wat kwaai onder druk is, tot die onrusbarende El Niño wat vir die komende plantseisoen wink. En dan natuurlik…

Opbrengsbestuur Met net ’n bietjie aandag kan ’n afskeepgewas baie potensiaal ontsluit. Waar dr. Eric Winans in Illinois in Amerika woon, word sojabone, soos in Suid-Afrika, dikwels net as wisselbougewas ingespan om stikstof in die grond te bind wat tot beter mielie-opbrengste lei. Tog glo Winans, ’n spesialis oor graanproduksie en hoofnavorser by Brandt se navorsingsplaas by Springfield in Illinois, boere kan heelwat wins uit hul sojabone maak deur ’n bietjie meer aandag daaraan te gee. Hy het die geheime van rekordopbrengste aan Suid-Afrikaanse mielie- en sojaboonboere kom oordra op Elim Kunsmis, Brandt en Landbouweekblad se onlangse mielie-en-sojaboonkongres by Sun City. Alex Harrell van Smithville, Georgia, se gemiddelde opbrengs van 206,79 skepels per acre (13,91 t/ha) was die eerste wat die 200-kerf oorskry het. Randy Dowdy se rekord in 2019…

Dit is nie goed genoeg om bloot slim te boer om as veeboer staande te bly nie. Vooruitgang is immers noodsaaklik in die hedendaagse kookpot waarin die veebedryf hom bevind weens hoë insetkoste, droogtes, veesiektes en ’n stroom propaganda teen vee en rooivleis. Daarom span die egpaar Heinz en Almut Gruhn, seningtaai Namibiese veeboere wat pas as die Lewendehawe-registrerende Federasie (LRF) en Molatek se Suider-Afrikaanse Stoetteler van die Jaar bekroon is, ál die wetenskaplike hulpmiddels tot hul beskikking in om teelvordering te kan maak. Hulle boer op die plaas Otongovi, 135 km noordoos van Windhoek, waar hulle die Otongovi Hereford-stoetery saam met ’n os-, kleinvee- en vryloop-eierboerdery bedryf. Hul kudde se genetiese koppeling met ander voorloperkuddes van Suid-Afrika, Australië en Kanada stel Breedplan in staat om maandeliks teelwaardebepalings te doen,…

Vertel meer van jul boerdery. Exotic Chillies SA het drie jaar gelede met sowat 100 plante in ’n stedelike tuin ontstaan toe ek rissieplante vir gesondheidsdoeleindes begin kweek het. Toe ek eers begin, was daar geen keer aan my nie! Ons het nou 1 300 rissieplante en 14 produkte in ons reeks, wat die eerste Reaper-biltong (superwarm biltong!) in Suid-Afrika insluit. Ek glo in die konsep van saad tot sous — daarom verkoop ons alles, van rissiesaad tot grond, plante, souse en rissiepeule. Watter tipes verbou julle? Meestal skaars, superwarm rissies. Ek het saad vir meer as 600 kultivars en verbou tans 100 verskillende kultivars. Dit hang van die mark se neigings en behoeftes af. Daar is enigiets van Carolina Reaper, die warmste rissie ter wêreld, tot Ghost Chilli Pepper…

Hoe kan ’n mens weet of jy genoeg gebid het? Is dit moontlik om genoeg te bid? Dit wil voorkom of sommige gebede dit nie juis veel verder bring as versoeke nie. Miskien sal dit goed wees om mekaar daaraan te herinner dat nog elemente in berekening gebring moet word, soos dankie sê, lofprysing en skuldbelydenis. Sou ’n mens ooit by ’n punt kom waar jy kan sê: “Ek dink ek het nou genoeg dankie gesê?” Of: “Ek het seker my skuld genoeg bely?” Moet ’n gelowige dit nog oor en oor bely? Is dit dan nie ’n miskenning van die vergifnis wat jy ontvang het nie? Maar teenoor die gedagte van “genoeg gebid” verskyn daar ook ander opdragte wat die volharding van die gebed onderstreep (vgl. Kol. 4:2, Rom.…

AWIE HORN, legende in boerdery- en onderwyskringe, is in Julie, ná ’n lang siekte, in die ouderdom van 81 jaar op De Aar oorlede. Hy het die laaste jare van sy lewe aan Parkinsonsiekte gely. Awie was lank aan die onderwys verbonde en het ook deeltyds op die plaas Hartebeeshoek by De Aar met Dorpers geboer. Ná sy uittrede uit die onderwys het hy al sy aandag aan sy boerdery gewy. Sy Albian Dorper-stoetery is een van die oudstes en bestes in die land. Dit het twaalf Suid-Afrikaanse kampioene en toppryse op veilings opgelewer. Hy ook sy merk in die bokbedryf op nasionale en internasionale vlak gemaak. Danksy sy kennis van diere en teelmateriaal het hy ’n sleutelrol gespeel in die ontwikkeling en registrasie van twee nuwe bokrasse, naamlik die…

GAUTENG CARLETONVILLE MCKAY (602), 33 ha, aan Bloufontein Wildlife (Edms.) Bpk., van J.P.D. van Greune, R8000000. PRETORIA ZWARTKOPPIES (364), 681 ha, aan Cosmopolitan Projects Tshwane (Edms.) Bpk., van Snowy Owl Prop 90 (Edms.) Bpk., R91 710 216. KWAZULU-NATAL HELPMEKAAR BURNSIDE (3287), 93 ha, aan Emerald Sky Trading 756 (Edms.) Bpk., van K.W. Schroeder, R1 595 883. LADYSMITH ERASMUS DAM (1050), 282 ha, aan Erasmusdam-boerdery (Edms.) Bpk., van J. Mostert, R25 000 000. NOODHULP (1240), 360 ha, aan Noodhulp-boerdery (Edms.) Bpk., van J. Mostert, R25 000 000. PIETERMARITZBURG ENDEAVOUR (16289), 152 ha, aan Evangelies-Lutherse Kerk in Suider-Afrika, van Bracken Timbers (Edms.) Bpk., R3500000. UNDERBERG GREENDALE (16450), 278 ha, en GREENVALE (5076), 212 ha, aan Emerald Dale Farms (Edms.) Bpk., van Noblogging (Edms.) Bpk., R20 000 000. JACKALS KOP (12769), 20 ha,…

SKOUE 3-4 NOVEMBER: Philippolis. GB Pienaar, 083 548 7483, of Colette Loock, 083 286 8412. 10-11 NOVEMBER: Uniondalelandbouskou. Saalperd- en Boerperd-streekskou, Merino’s, Boerbokke, jeugskou, uitstallings, stalletjies, skoudans. Pieter-Matt Stemmet, 083 272 8858, e-pos: pieter-matt@mzlg.co.za 7-8 DESEMBER: Loxton-skou. Navrae:shorturl.at/cyGQ8 7-10 FEBRUARIE 2024: Heidelberg. Vic Brand, 063 995 3294; Sarah Koch, 082 725 4091; e-pos: sarah.val@gmail.com 9-10 FEBRUARIE: Victoria-Wes. Jaco Olivier, 083 410 5603; Adri Gerber, 082 940 8231; e-pos: vicweslandbou@gmail.com 14-18 FEBRUARIE: Riversdal. Pieter van Wyk, 082 494 0631; Ansie du Buisson, 072 651 7148; e-pos: riversdalskou@gmail.com 22-24 FEBRUARIE: Williston. Keith Coetzee, 082 825 3889; Klara Steenkamp, 060 580 7480; e-pos: willistonskou3@gmail.com 29 FEBRUARIE-2 MAART: Swellendam. Suzaan Smit, 072 309 7531; Danitsa Badenhorst, 082 093 1780; e-pos: swellendam.skou@gmail.com 7-9 MAART: Beaufort-Wes. Johan Botes, 063 688 8973; Samantha Megan Smit, 079 396…

Grieta en haar man, Alfred, het in 1951 op Vaalharts aangekom: sy ’n brose 17 jaar, en hy 29 jaar oud. Alfred het tot in daardie stadium by Windsorton geboer. “Voor die troue het ek vir hom ‘oom’ gesê. Toe word hy ‘liefie’.” Hulle het 400 pond vir ’n perseel betaal en moes die bome uithaal sodat hulle gewasse kon plant. Alfred het saam met ’n helper die takke gesaag en stompe uitgehaal. Grieta het die takke op ’n hoop gesleep om verbrand te word. Van die dikker takke is ’n kraal vir die muile gebou. Die volgende jaar het hael hul eerste koringoes weggeslaan nadat hulle slegs ses sakke kon oes. Die egpaar kon darem met ’n staatstoelaag van twee pond tien sjielings oorleef en het saad en kunsmis…

Die jaarlikse produksie van pekanneute op Vaalharts beloop sowat 15 000 ton, sê Hardus du Toit, senior tegniese beampte van die SA pekanneutprodusentevereniging (Sappa). Dié skema lewer in die algemeen 55% van Suid-Afrika se pekanneute en dit styg soms tot 60%. Die oppervlakte onder pekanneute beslaan reeds 16 500 ha, die helfte van die skema se besproeibare oppervlakte van 32 000 ha. Dit maak Vaalharts die enkel grootste produksiegebied in Suid-Afrika. Min van die grondeienaars boer nie met hierdie permanente gewas nie, sê Hardus. Die totale Suid-Afrikaanse pekanneutoes vir 2022 het 31 000 ton beloop. Pekanneute op proefbasis Die Landbounavorsingsraad (LNR) het in 1970 pekanneutbome op ’n proefbasis aan boere geskenk in sy soeke na alternatiewe gewasse vir die groot aantal kontantgewasse, soos mielies, koring, grondbone en katoen, wat op…

Die maatskapy BMG weet hoe belangrik dit vir boere is om verseker en gerus te wees wat betref betroubare toerusting, toegang tot vervangingsonderdele, die beste tegniese vaardighede en volgehoue ondersteuning. “Dit is waarom ons voortdurend ons produkaanbod en ondersteuningsdienste aanpas sodat ons in die veranderende vraag van ons kliënte in die landbou-omgewing kan voorsien,” sê Carlo Beukes, bedryfsontwikkelingsbestuurder van BMG vir die land bou-, motor- en smeermiddel-afdeling. “In reaksie op die vraag van kliënte het ons onlangs ons dienste uitgebrei om spesialisbesproeiingsoplossings te bied wat produktiwiteit verbeter, energiedoeltreffendheid optimaliseer en bedryfskoste verminder. “Hierdie dienste sluit in die voorsiening en ondersteuning van onlangs verbeterde Pivotgehaltemotore en -ratkaste, asook Synergy-veranderlikespoedaandrywings (VSD).” BMG se landboukundiges beveel die installering van Synergy-VSD aan om energiebesparing te optimaliseer, beheer oor prosesse te verbeter en die gebruiksduur…