Inhaltsverzeichnis für 13 February 2025 in Kuier

Soos ek hier sit en tik, lê my man en seuntjies al salig en slaap. My driejarige se armpie voel-voel om seker te maak sy mamma lê nog langs hom. Kort tevore het sy tweejarige kleinboet nog ewe laat hoor, “Love you, Mommy“, “sharp“ gewys met sy duimpie, en agter sy pa se rug verdwyn. Ek en my man spot gereeld ons wonder wanneer ons nou eintlik weer ons slaapkamer vir onsself gaan hê, want ons kon dit nog nie oor ons hart kry om ons kleingoed uit ons bed te sit nie. En ek ken so baie ouers wat in dieselfde bootjie is. My man het onlangs met ’n blink plan vorendag gekom: Hy gaan ’n dubbelbed koop om langs ons queen size-bed te sit, sodat ons al vier…

"Niemand het groter liefde as hierdie nie, dat iemand sy lewe opoffer ter wille van sy vriende,” lui Johannes 15:13. Ons vier die “maand van liefde”, en die winkelrakke is met rooi en wit gevul. En dis mooi – liefde is werd om gevier te word. Soms voel dit ek is die laaste een wat oor liefde moet praat. Of dalk is ek die ideale een vir dié gesprek. Een van my gunsteling-quotes wat op die liefde van toepassing kan wees, is: “We don’t inspire people with our perfection, we inspire people with how we handle our imperfections.” Ek het nie ’n fairytale-liefdesverhaal om te vertel nie. Allesbehalwe. My hart is al ’n paar keer gebreek. Verlede jaar – in die maand van liefde – toe stap ek uit die…

H aar lewe is in ’n oogwink verwoes deur die nuus dat sy ’n breingewas het. Want op 40 het Shene Gurling blink drome vir die toekoms gekoester, maar dít lê nou als aan skerwe. Sy glo die gewas, wat geheueverlies, blindheid in haar linkeroog en epileptiese toevalle veroorsaak, kon verhoed gewees het as sy bewus was van die moontlike risiko’s wat met haar voorbehoedmiddel verband hou. Dié ma van twee van Mitchells Plain in Kaapstad voel of haar lewe en drome van haar gesteel is. “Ek is in die prime van my lewe. Ek het pas begin om regtig goed te vaar by die werk. Ek en my gesin het drome gehad van vakansies hou en saamwees. Ek sit met ‘n paspoort wat ek nou nooit sal gebruik nie.…

TAMATIE-EN-BASIL-PRAWN-KELKIES MET MELBA TOAST Genoeg vir 2 mense BESTANDDELE Prawn-kelkies 200 g gaar prawns 2 pruimtamaties, pitte verwyder en in blokkies gesny 1 sundried tamatie, fyngekap 2 eetlepels mayonnaise 1 rooi chilli, pitte verwyder en fyngekap 1 klein rooi-ui, fyngekap gerasperde skil van 1 suurlemoen 1 eetlepel suurlemoensap ’n handvol vars basil, opgesnipper sout en varsgemaalde peper Afronding 4 kersietamaties, in kwarte gesny vars basil 4 snye bruschetta of melba toast METODE Prawn-kelkies ■ Hou 4 van die prawns eenkant. ■ Verwyder die sterte van die res en kap grof. ■ Meng die prawns en die res van die bestanddele goed deur en geur met die sout en peper. ■ Verdeel dié mengsel tussen 2 glase. Afronding ■ Rond die kelkies af met die heel sterte wat eenkant gehou is, kersietamaties en ekstra basil. ■ Sit voor saam met die…

Meer oor gout/jig Dok, ek het die afgelope maand diarree gekry en toe skielik die verskriklikste pyn in my voet. Ek het eers gedink ek het myself seergemaak toe ek gedraf het, maar toe sê die apteker die pyn wat ek beskryf, klink soos gout. Ek is ’n 36-jarige man wat redelik gesond leef. Kan dokter bietjie meer vertel oor gout, en kan ek dit heeltemal omswaai of oorwin? CLYDE Antwoord BESTE CLYDE Jig (gout), is ’n tipe inflammatoriese artritis wat pyn en swelling in jou gewrigte veroorsaak. Dit gebeur as uriensuur (uric acid) in jou liggaam opbou en naaldvormige kristalle in en om die gewrig vorm. Dié kristalle lei tot inflammasie en artritis van die gewrig. As die liggaam te veel uriensuur maak, of te min uitskei, bou dit…

Die skoonheidsbedryf in Suid-Afrika sal vanjaar R83,7 miljard ($4,5 bn) laat inrol. En daar word ’n jaarlikse groei van 4% verwag, berig data- en statistiekkenners. Twee jong vroue van Atlantis naby Kaapstad werk hard om húl deel van dié beauty pie tot in die stratosfeer te neem. Hulle het hul kragte en vaardighede met grimering, naels en hare saamgevoeg in werksessies wat hulle vir vroue in die gemeenskap aanbied om hulle te bemagtig met kennis oor haar-, nael- en grimeringtuisversorging. Só spaar die vroue tyd en geld, sê Jorgina Heugh (32), eienaar van Adore Her by G, en Rejean Booysen (28), eienaar van Glitter Hair & Make-up. Jorgina se lashes het al ’n paar bekendes, soos die sangeres Salome en Elwira Standili van Koortjies-faam se ogies tot op die TV…

Nr. 252 VOLTOOI: Sy was die Demokrate se presidentskandidaat en Donald Trump se opponent in die 2024-presidentskapveldtog. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 5 Maart 2025. SMS/R1,50. Die oplossing verskyn in die uitgawe van 27 Maart 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 5 MAART 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR. 186 Soek al 50 woorde op die lys langsaan in die tabel hieronder. Hulle lê horisontaal, vertikaal en diagonaal. aandag aangetrokke aanvaar afhaak band begeerte beskerm besorgdheid betrokke bewondering drukkie eerlik emosies empatie gedagtes gelukkig gemaklik getrou gevoelens grense hormone hulp huwelik intimiteit kansel konneksie liefde liefkoos lojaliteit luister meningsverskil misverstand omgee ondersteun paartjie platonies praat pret respek romanse saamwerk selfvertroue sielsmaat soen troetel verbintenis vertroue vriendskap waardeer wederhelf OPLOSSING VERSKYN IN DIE UITGAWE VAN 27 FEBRUARIE 2025. SOEK VIR DIE SPELETJIENOMMER.…

Hoeveel keer het jy al daarvan gedroom om jou eie besigheid te begin? Net om ietsie ekstra te maak sodat jy jou salaris kan aanvul. Ek het sedert my skooldae verskeie planne beraam om die pitte te laat inrol. Op laerskool het ek vetkoeke by die skool verkoop vir ekstra bucks. Daai plan het vinnig in die hek geduik, omdat kerrievetkoek nie heeldag vars kan bly in Namakwaland se son nie. Ook het ek geleer dat jy nie vetkoek aan jou werklose klasmaats op skuld kan verkoop nie. Ek het oorgeskuif na die meer winsgewende, maar onwettige, los entjie-bedryf. My ma het ’n winkeltjie gehad waar ons moes uithelp, en daar het ek my voorraad gegaps. Dis eintlik snaaks om te dink dat ek destyds 20 sent per sigaret gevra…

"Klink 'n glasie op Kiara", 30 Jan. Baie geluk aan Kiara Scott Farmer met haar prestasie in die wynbedryf. Mag God jou aanhou seën in alles wat jy doen. ANGELA GOLIATH Dis lekker om een van ons eie te sien wen. TINASHE MUSORA "My genadejare met my lieflingdogter", 30 Jan. Danielle Booysen was ’n vegter en dan het sy nog modelwerk ook gedoen. Sy en haar familie moes baie deurmaak in haar kort tyd op aarde. Vlieg hoog, engel. En rus sag. Alle sterkte aan haar familie wat vashou aan hul geloof, want aan die einde van die dag is dit ál wat ’n mens dra. AUDREY MAY CUNNINGHAM Ek was bevoorreg om haar voor my te sien grootword. En sy was ’n ware klein vegter. Rus in vrede, engel.…

Hy is nou self ‘n getroude pa van twee seuns en ‘n dogtertjie (4, 2 en 4 maande). En sy bloedjies mag nooit, ooit aan dieselfde trauma blootgestel word waarmee hy sewe jaar lank stil-stil gewroeg het nie. Kyle Daries (25) wil nie meer stilbly oor die jare lange abuse aan die hand van ‘n bekende in musiekkringe nie, wat al begin het toe hy maar 13 jaar oud was, sê dié finansiële beplanner. En toe alles op die lappe kom in 2020, is die man in hegtenis geneem, maar kort daarna vrygelaat op borgtog. Hy is aangekla van die verkragting en seksuele aanranding van ‘n minderjarige en sexual grooming. Dié persoon se lewe gaan voort in die buitewêreld, hoewel die saak steeds hangende is. Die musiekman werk glo ook…

Haar stem is bekend op Jacaranda FM, en gesig op TV as aanbieder van programme soos Besigheid wat saak maak, 1, 2, 3, Ouers! en Kopskuif op VIA. Dan is sy ook nog die trotse eienaar van haar eie produksiemaatskappy, Rozanne McKenzie Media, wat onder meer die TV-program Omgeeengele vervaardig het. Rozanne (42) se glimlag is warm, en haar entoesiasme vir die lewe aansteeklik. Sy gesels met Kuier vanuit haar huis in Roodepoort, Johannesburg, op ’n snikhete Saterdagoggend – 13 jaar ná ons eerste onderhoud met haar. Sedertdien het daar al emmersvol water in die see geloop: Sy’s getroud met haar droomman, die musikant Chris Bishop (45), en hulle het twee pragtige spruite, James (10) en Fallon (7). Haar produksiemaatskappy groei van krag tot krag en sy het ook weer…

Aandjie uit LOOK 1 VIR HAAR Elke vrou moet ’n sexy swart nommertjie in hul klerekas hê. ’n Eenskouer-opsie soos dié wat die reality TV-ster NeNe Leakes (57) hier dra, is ’n stylwenner. Rond dit af met ’n swart handsakkie en sandals, en jy’s reg vir die naglewe! WENK: As jy ’n bietjie blieng by jou look wil voeg kan jy diamant-detail inbring in jou skoene en handsak. VIR HOM Maak seker jou liefie pas perfek by jou swart look in dié combo van ‘n wynrooi streephemp met ‘n swart broek. Die akteur Isaiah Mustafa (51) kies tekkies by sy look, maar loafers sal dat jy punte kry vir ekstra-cool lyk. LOOK 2 VIR HAAR Rooi is gewaagd en sal seker maak dat alle oë – en veral jou geliefde s’n…

Die klein goedjies is eintlik die groot dinge. Daai koffie/tee wat jy met sorg en liefde oor al die jare maak, word ’n leeftyd van geliefd voel vir die ander persoon. Hier is nog ’n paar voorbeelde van “klein dingetjies” wat jou lewensmaat baie spesiaal kan laat voel. ■ Eerstens, kry die gegroetery reg. Vermy dit om mekaar net so by-theway te groet soggens en saans. Daar is in ’n studie van 10 jaar bevind mans wat hul vroue vir ses sekondes lank soen, leef langer. Met soene van ses sekondes en langer word goedvoelhormone vrygestel en dit verminder stres, berig The Gottman Institute. Dieselfde geld vir hande vashou. ■ Fake it till you make it. As julle mekaar ná ’n lang en moeilike dag sien, is dit so maklik…

NR. 304 WEN R350 KONTANT! ¿ VRAAG: Wat word die seremonie genoem waarin Moslemkinders hul naam kry? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 5 Maart 2025. SMS/R1,50. Die oplossing verskyn in die uitgawe van 27 Maart 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 5 MAART 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Rosie is my miniatuur-worshondjie, en Fiona my Jack Russel. Ek het die tweestuks in 2016 saam by ’n pet shop in Gqeberha gekoop. Alhoewel hulle uiteenlopende rasse is, was “Ro(u)Ro(u)” en “Ouna” – soos ek hulle nou nog geliefd noem – onafskeidbaar. Hulle het alles saamgedoen, tot saam uit een kosbak geëet, al was daar vir elkeen ’n bak. In ’n stadium het ek vir hulle ’n pienk opstopvarkie by die pet shop gekoop. Dié het hulle saam vir die pret aan flarde geskeur. Dan was daar die rektou wat hulle oor-en-weer getrek het. Hulle sou mekaar tot in hul hok jaag tot jy ’n slag hoor. Daar was ook een spesifieke voëltjie wat gereeld vir hulle kom kuier het. Hy het hulle meer geterg as enigiets anders omdat hy…

Hulle is twee susters met ’n hart vir hul gemeenskap. Dié higher purpose is immers al van kleins af by drs. Sonja (48) en haar jonger sus, Laurika Lewis (44), ingeprent deur deernisvolle ouers wat self hul gemeenskap bedien het. Deesdae bedryf die Lewis-sibbe ’n praktyk in Kuilsrivier in die Kaap waar Sonja haar ding as tandarts doen, terwyl Laurika as fisioterapeut werk. Vir pa William, ’n predikant, en ma Rachel, ’n teatersuster en sendelingverpleegster, was gemeenskapswerk ononderhandelbaar. “Ons het al van kleins af gehelp by my ouers se sopkombuise in dorpies wat my pa bedien het oor die jare heen, soos Calvinia, Oudtshoorn en Worcester,“ vertel Laurika. Nadat Sonja in 2003 as tandarts gekwalifiseer het, was sy al verskeie kere in haar persoonlike hoedanigheid betrokke by uitreikklinieke van die…

"Ka-sie!” roep die vrou in die rooi rok na die vinnige toddler’tjie met sy bruin krulkop nes hare, hier waar hy tussen die grootmense deurdartel. Daai “Klasie”, oftewel Nikolas Andréas Samuel Lategan, is die skattige 18 maande oue reënboogseuntjie van die Binnelanders-en Arendsvlei-ster Kim Syster en haar man, Chris Lategan. Nikolas het pas wakker geskrik uit ’n lekker nap en ontdooi nog uit die slaap, min gespin oor die klomp grootmense wat so ’n bohaai oor hom maak. Maar gou wil hulle hom eers in hierdie pose en dan daai een laat sit, terwyl hy eintlik net in vrede Cocomelon op die foon wil kyk. Vir Kuier is dié fotosessie hier in dié Kaapse voorstad naby die see ’n groot saak: Dis Chris (37) en Nikolas se heel eerste mediaonderhoud…

Hul paadjies het die eerste keer as studente gekruis in die laat ‘80’s, en ‘n mens kan nie anders as om te glo dit was só bestem nie. Want 30-plus jaar later is professors Salim en Quarraisha Abdool Karim van Durban vandag albei internasionaal erkende én bekroonde epidemioloë wat al dodelike infeksies soos MIV/vigs, tuberkulose (TB) en die coronavirus help teenwerk het. Vandag is albei PRO-visekanseliers (PVC’s), oftewel senior akademiese administrateurs, van die Universiteit van KwaZulu-Natal (UKZN), die einste plek waar hul paaie in 1987 in die departement van virologie gekruis het. Die egpaar het ook laas jaar die gesogte Lasker-toekenning gewen vir baanbrekersnavorsing in TB, covid-19 en a-pokke (monkey pox). Dié prys word vir mediese navorsing toegeken en word beskryf as die Amerikaanse eweknie van die Nobelprys vir wetenskap.…

My kind het 'skoolsiek' Vraag KIND HAAT SKOOL My kind sleep omtrent voete oor skool toe gaan. Dit kom al van laas jaar aan. Ek begin wonder en oorweeg dit om haar te homeschool, want ek werk van die huis af. Sy’s in graad 9 en ’n kombinasie van goed maak skoolgaan vir haar ’n nagmerrie: Sy’t nie juis vriende nie en daar is vakke waarin die onnies nie sukkelende leerders veel support nie, sê sy. Ons kan ook spaar op dinge soos vervoer, die skooluniform, ensovoorts as ons homeschool. My enigste concern is dat sy te afgesonderd kan raak as ons daarmee voortgaan. NELLA Antwoord BESTE NELLA Wat is die onderliggende probleem? Julle kan haar tuis onderrig, maar hoekom wil sy werklik nie skoolgaan nie? Is dit dalk oor…

Dié oefeninge kan help om die gevolge van dooieboudsindroom teen te werk. Dit sal ideaal wees om dit daagliks te doen, maar drie keer per week is beter as om dit glad nie te doen nie, sê Chantelle. Gee aandag aan jou vorm om dit doeltreffend te doen en die risiko vir beserings te verminder, sê Nicole. As jy onseker is oor jou tegniek of pyn voel, klop by ’n biokinetikus of fisioterapeut aan vir hulp. BRUGOEFENING Lê op jou rug op die grond met jou knieë gebuig en jou voete heupwydte uitmekaar. Plaas jou arms langs jou sye. Trek jou kern- en boudspiere saam en lig dan jou heupe van die vloer af op. Hou dié posisie vir vyf sekondes. Laat sak jou sitvlak stadig grond toe en ontspan.…

Een van die eerste dinge wat ons op skool leer, is hoe om die tyd te lees. Ons leer ook dis belangrik om betyds te wees. Die onderwyser vertel ons ook hoe kalenders werk, want daar is belangrike datums deur die jaar wat ons help om ons lewe te beplan. Dink maar aan jou verjaardag – dis mos vir jou ’n baie belangrike dag van die jaar. As jy nie weet watter dag dit op die kalender is nie, kan jy dalk jou eie partytjie misloop! Baie lank gelede was daar wel ’n tyd toe daar geen horlosies en kalenders was nie. So, waar kom dit dan vandaan? ◗ VROEGSTE VORME VAN TYDMETING Argeoloë (geskiedkundiges wat opgrawings doen) het bewyse gevind dat die Babiloniërs en Egiptenare meer as 5 000…

NR. 329 WEN R350 KONTANT! ¿VOLTOOI: Dié SA sangeres (sy’s 23) ryg die pryse in en het al ‘n Grammy gewen. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 5 Maart 2025. SMS/R1,50. Die oplossing verskyn in die uitgawe van 27 Maart 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 5 MAART 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…