Inhaltsverzeichnis für 10 October 2024 in Kuier

Soms voel dit die lewe raak by die dag net ál duurder: petrol, krag en groceries … Pryse bly skiet net die hoogte in. En hier by Kuier is ons ook nie gespaar nie. Ons kos nou R4 meer. Maar soos altyd wil ons seker maak jy kry waarde vir jou geld. En hierdie is 'n bielie van 'n uitgawe met 16 ekstra bladsye se leesgenot! By Kuier se Lentedag laas jaar het die Suidooster-aktrise en sangeres Jawaahier Petersen lesers in vervoering gehad met haar inspirerende praatjie. Ons artikelredakteur, Edna Ellman, het nog daai dag laat hoor: “Sjoe, Jawaahier moet 'n boek skryf oor haar lewe.“ My antwoord? “Nee, Kuier moet haar lewensverhaal skryf.“ En nou, 'n jaar later, sien dié passieprojek uiteindelik die lig. Oor die volgende vier uitgawes…

Die lewe gee 'n mens soms skewe klappe. Ek is self onlangs deur 'n geweldige uitdaging. Dit het my fondasie omtrént geruk. Baie dinge is uit plek geruk, en sommige het in plek geval. Wanneer jy deur so 'n dip gaan, dan kom jy gou agter wie jou mooiweersvriende is. En wat 'n eye-opener wanneer mense uiteindelik hul true colours vir jou wys! In die Bybel het selfs Job se vrou haar rug op haar man gedraai toe sy sê: “Volhard jy nog in jou vroomheid?” En ons almal weet mos: Aan die einde van sy foltering en al die stryde was Job oneindig meer geseënd as aan die begin. Het jy al opgelet hoe wonderlik sekere plante ná 'n veldbrand groei? Ja, vuur is soms noodsaaklik vir groei. Selfs…

Uit haar nederige wortels op 'n plaas in Agter-Paarl in die Boland het dié sakevrou moue opgerol om vandag ander te help om hul eie ondernemings na nuwe hoogtes te neem. Abigail Lombard (34), 'n baanbreker-entrepreneur wat met haar werk as onder meer 'n skills developer al meer as R4 miljoen se geleenthede in die Drakenstein-area geskep het, is die toonbeeld van wat kan gebeur as vasberadenheid, visie en innovasie in een mens ontmoet. Sy het reeds op 'n jong ouderdom besluit sy gaan hard werk en elke geleentheid wat oor haar pad kom, met albei hande aangryp. Abigail orden eers haar gedagtes voordat sy haar kinderjare herroep. “My journey tot sukses het maar rocky begin. Ek't soveel liefde en leed in my leeftyd ervaar. Dit het my alles aangespoor…

Hulp met mondsorg Dok, ek is raadop. My driejarige dogtertjie wil nie haar tande borsel nie. Ons is nou op die punt wat sy haar mond toedruk en botweg weier. Is dit 'n moet dat sy elke dag op haar ouderdom moet tande borsel? En is daar alternatiewe soos 'n mondspoel of iets? En hoe kan 'n mens dié aktiwiteit fun maak? RACHEL Antwoord BESTE RACHEL Ek het gaan aanklop by 'n kenner op die gebied van mondsorg, my tandarts-vriendin dr. Chanel Biljohn. Haar raad volg. HOEKOM IS MELKTANDE BELANGRIK? Baba- of melktandjies dien as plekhouers vir die permanente tande. Dus is dit goed as hulle inbly totdat hulle vanself “uitval” . As dit getrek moet word weens gaatjies, laat dit gapings, dan skuif die tande, wat weer die spasie…

Dis 'n vraag wat min paartjies ná die troue kan ontduik: ”Wanneer kom die baba?” En daarna: ”Wanneer kry Dbaba 'n maatjie?” Dis genoeg om enigeen te laat rooi sien – nie almal wil in 'n terloopse gesprek oor hul gesinsplanne praat nie. En hoe nog gemaak as julle as paartjie saam besluit het om nie kinders te hê nie? Dis 'n moeilike besluit en selfs moeiliker om aan naastes te verduidelik, en soveel meer pynlik en ongemaklik as vreemdelinge of kennisse probeer uitvis. Die Kaapse influencer en vlogger Le'Chelle Aldridge (31) het onlangs op TikTok in 'n video diep gedelf oor dié ervaring. Sy sê in haar video sy beskou dit as die grootste besluit wat jy kán maak – of jy kinders wil hê of nie. Dan vertel…

“Ek glo God het my gekies om jonk-jonk deur allerhande traumas te gaan. Soms het dit kompleet gevoel asof alles tegelyk op my neersak; dat ek voor 30 al deur meer is as wat ander hul hele lewe lank ervaar het. Ek glo nou daar was goeie rede. Hier is ek vandag, steeds op aarde om self my storie te kan vertel. Daar is nie iets soos 'n volmaakte lewe nie. En dit maak helaas nie saak wie jy is nie, slegte dinge gebeur. Maar ek kon deur al dié aaklighede weer opstaan. Ek het die moeilike pad gestap; soms het dit soos the pits of hell gevoel. Ek glo alles moes gebeur sodat ek vandag 'n lig vir ander kan wees. Die lewe gaan jou slaan, soms onverwags, en…

“Worcester se Olimpiese trots”, 12 Sep. Ek is so trots op julle, Rogail Joseph en Francois Prinsloo. Baie geluk, seëninge en voorspoed vir julle twee. LEEU WIESE Uithou en aanhou … Opgee was nooit 'n opsie nie. So trots op julle! ELZAAN ZEEMAN “Nooit te laat vir nuwe seisoen”, 12 Sep. Elwira, ek is so dankbaar dat ek nou ook kan weet en sien wie jy is. Die kinders het altyd van jou gepraat. Toe my man tydens covid afsterf, het ek vir twee jaar getreur. Tot vanjaar, toe 'n vriendin sê dis nou genoeg. Maak 'n nuwe boek oop. Baie dankie vir jou boodskap, Elwira. PATRICIA BARON Wat 'n bemoedigende boodskap. Daar is baie wat aan hierdie woorde kan vashou. Dit is opbouend vir die siel. SUE-ELLEN SCHEEPERS “Olies…

GEESTELIK Our worth and our belonging are not negotiated with other people. We carry those inside of our hearts. – BRENÉ BROWN GEBED Vader, soms kom kruip vrees in ons hart soos 'n dief in die nag. En hy maak hom sommer behoorlik tuis en gemaklik. Dis vrees wat groei en teer op nóg vrees, en wat later onoorkombaar voel. Soveel só, dat ons vergeet Wie nou eintlik aan ons kant is en na Wie ons kan uitreik om hulp. Vandag kom vra ons U om nie net daardie vrees uit die weg te ruim nie, maar om vir ons 'n vrede te gee wat net U kan bied. Help ons om te onthou U is die uitweg deur innerlike én uiterlike storms. Dankie Heer, vir al die kere wat U…

As dit nie was vir sy hartstog en liefde vir die kunste nie, weet hy nie waar hy in die lewe sou opgeëindig het nie. Dié vurige dryfvere vir die kunste het gekeer dat hy in die strate dwaal en 'n slagoffer van sy omstandighede word, vertel die akteur Gershwin Mias (31) van Eersterivier in die Kaap. “Dis hoekom ek aanhou doen wat ek doen. Ek wil aan ander jongmense in ons gemeenskappe wys dat jou omstandighede glad nie jou eindbestemming bepaal nie. Slegs jý het daardie mag.” Gershwin het in 2016 bekendheid verwerf deur die film Noem My Skollie. Sedertdien het hy mense met sy akteurstalent oorrompel, en deesdae boer hy op ons kassies. Hy was onlangs te sien in die kykNETdramareeks Juffrou X, en hy laat mense skater…

Verslaafde vat oor Vraag DWELMS SKEUR FAMILIE My broerskind in haar 20's het in haar laat tienerjare begin dagga rook en is nou 'n addict. Ek weet nie wat sy als gebruik nie, maar die drug abuse veroorsaak talle ander probleme in die familie. Sy het dit al (onsuksesvol) probeer los. Om haar in 'n kliniek of rehab te laat opneem, is complicated weens die kostes. Ek wil haar ondersteun, maar dit voel soos 'n dead-end street. Haar dade skuif die ander kleinkinders se accomplishments of lewens op die background. RAADOP Antwoord BESTE RAADOP Behalwe die seer is daar nog talle ander faktore ook betrokke – van geestesgesondheid, mishandeling en neglect tot dwase of kriminele optrede. Die feit is: Almal wat daai een liefhet, voel die impak. Daar is gratis…

NR. 178 kaas kabel kabinet kafee kanselleer kantgordyn kategorie keiser klere koalisie kode koeël koejawel koeksoda koekvurkie koffie kokon koljander kollig kombinasie komies kommer kommunikeer konflik konfronteer konfyt kontak kontoer kontrei kontroversieel konvokasie konvooi konyn kookwater kopknik koraalrif koring korrelkop korsie kortliks kragstasie kranklik kuierplek kultivar kultuur kunsmatig kwartlyn kweek kwikstertjie kyker OPLOSSING VERSKYN IN DIE UITGAWE VAN 24 OKTOBER 2024. SOEK VIR DIE SPELETJIENOMMER.…

As laerskool-outjie het 'n asmabors hom van die sportveld weggehou. Op 'n dag het hy in die skoolbiblioteek deur 'n boek geblaai. Dit was die Guinness Book of World Records en die 11-jarige seun het vasgesteek by 'n skaatsplankrekord wat agter die naam van 'n Amerikaner, Tony Hawk, gestaan het. “Ek het aan daardie boek vasgehou en gedink: Eendag … ” En asof hy dit steeds skaars kan glo, sê Jean-Marc Johannes (33): “En kyk wat gebeur toe!” Dié Kapenaar het onlangs daai einste rekordboek gehaal: Sy naam is verewig in die 2024-uitgawe as die rekordhouer wat die meeste ollies ná mekaar doen. “Die kind in die biblioteek wat die rekordhouer in die boek gesien het, blaai nou om en daar's hy ook in die boek. “En 'n ollie is…

PECAN NUT-KONDENSMELKKOEK Lewer 1 mediumgroot ringkoek BESTANDDELE Koek 250 g sagte margarien ½ koppie ligbruinsuiker ½ koppie kondensmelk 1 teelepel vanilla essence 4 eiers 2 koppies bruismeel 1 teelepel fyn kaneel 1 teelepel fyn gemmer ½ teelepel sout ½ koppie melk Bolaag 1 koppie room ½ koppie kondensmelk 100 g pecan nuts, fyngekap METODE Voorverhit die oond tot 180°C. Smeer 'n 20 cm-ring-koekpan (Bundt-koekpan) goed met margarien of botter en bestrooi met 'n bietjie koekmeel. Koek ■ Klits die margarien en suiker tot lig en romerig. Voeg die kondensmelk en vanilla essence by en klits tot glad. Klits die eiers een-een by. ■ Sif die bruismeel, kaneel, gemmer en sout saam en voeg by die eiermengsel. Meng liggies en voeg die melk by. Meng tot 'n gladde beslag en skep in die bereide koekpan. ■ Bak die koek 40-45 minute in die…

Die sonskynweer por mos dié tyd van die jaar baie mense aan om gesonder te leef en eet. Baie draf en lê weg aan slaaie want “summer bodies are made in” … wel, die winter was te koud. Maar jy kan steeds lekker soepel raak. Muurpilates en somatiese oefeninge kan jou hiermee help. Dié oefeninge is nie net goed vir jou liggaam nie, maar dit doen ook wonders vir ontspanning en die gemoed. Die beste deel? Jy't nie duur toerusting nodig nie. Net 'n muur, joga-mat en die nodige wilskrag. En ná 'n paar sessies sal jy al 'n verskil voel! Muurpilates en somatiese oefeninge is supergewild, en jy't dalk al iemand op social media raakge-scroll wat dit probeer. Pilates is strekoefeninge wat jy stadig en herhaaldelik doen. Anders as…

Onder die ouderdom van twee Fokus op asseblief en dankie. Gebruik self dié woorde sodat jou kinders dit kan navolg, of doen dit met behulp van rolspel. Dit vat tyd vir kinders om goeie tafelmaniere aan te leer, so jy kan dit 'n speletjie maak waar hulle vir jou hul borde en eetgerei moet aangee as hulle klaar is. Tussen twee en vyf jaar Soos wat hulle taal ontwikkel en kinders meer tyd deurbring saam met ander kinders en grootmense buite die familie, is dit 'n goeie tyd om te begin oefen aan die uitdrukkings wat hulle gebruik. Help hulle om ander te groet en hulself voor te stel, en om hallo en koebaai te sê as hulle die skool of 'n maatjie se huis verlaat. Op dié ouderdom kan…

VRAAG: Watter akteur speel die Marvel-karakter Venom? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 30 Oktober 2024. SMS/R1,50. Die oplossing verskyn in die uitgawe van 21 November 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 30 OKTOBER 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

STER-BLOKRAAI NR. 241 VRAAG: Watter Duits-Amerikaanse aktrise het rolle in die TV-reeks Atlanta en die flieks Joker en Deadpool 2 gehad? WENNER: STER-BLOKRAAI NR. 241 Vida Munro, Brackenfell SPELETJIES SOEK-SOEK BO-AANSIG VIND DIE PAD BLOM-SUDOKU FOTOBLOKRAAI NR. 319 VRAAG: Hy en Juan de Jongh bied 'n gewilde podcast aan oor rugby en sport. WENNER: FOTOBLOKRAAI NR. 319 Danie Fourie, Bloemfontein BYBEL-BLOKRAAI NR. 293 VRAAG: In Islam is dit die negende maand, oftewel die tyd van die groot vas. WENNER: BYBEL-BLOKRAAI NR. 293 Dina Jacobs, Richardsbaai BLOKRAAI NR. 379 Dwars: 1. Karos; 6. Egmaat; 12. Liere; 13. Koers; 14. Aksie; 15. Ou; 16. Kim; 17. Rome; 19. Sneeu; 20. Ab; 21. Inent; 22. Plato; 24. Nat; 25. T emas; 27. Ree; 28. Eter; 31. Riskeer; 33. T oe; 34. Ewenaar; 38.…

Die mens is nou maar eenmaal 'n fassinerende wese, elkeen met hul eie manier van doen en gewoontes. My ma het geglo daar is net één manier van doen, en dit is háár manier. My skoonma glo dieselfde. Sus Valerie het 'n baie spesifieke manier hoe haar skottelgoed gewas moet word, en ek het my verkyk aan hoe skoonsus Charlotte 'n baba se doek omruil. Ek is self skuldig aan 'n hele paar giere en geite – daarvan kan my man, Bertie, en my kinders sekerlik getuig! Ek het wel later tou opgegooi en die kinders se kamers uitgelos ter wille van die vrede. 'n Mens moet darem iewers jou eie ding kan doen. Natuurlik het kinders reëls en dissipline nodig, maar in 'n stadium moet jy besef dat jou…