Inhaltsverzeichnis für June 2016 in Idees

Ons het die laaste maande meer as een keer verwys na die tendens om minder besittings te hê, maar meer ondervindings. Ook hoe dit belangriker raak dat die min goed wat ons wel het, meer betekenis vir ons het én hoe daar agter alles ’n storie skuil. Ek kon nooit so vinnig uitgooi soos wat Marie Kondo in haar blitsverkoper The life­changing magic of tidying up aanraai nie. Met my gaan dit een dag flink en die volgende teen ’n slakkepas ­ gewoonlik omdat ek iets raakloop waaroor ek stroperig sentimenteel voel. Toe ek ’n ruk gelede my klerekas takel, was ek so begeester dat ek nou nog na stukke soek wat duidelik óók in die liefdadigheidstas beland het. Wat my uiteindelik tot stilstand gebring het, was ’n fyn sy­nagrokkie…

Elsbeth Eksteen voel soos ’n ou bekende. Ons ken haar van Hellohart.com, die hekelblog wat sy saam met Cornel Strydom en Anisa du Plessis doen, ons ken haar as @elsiedear, wat die allermooiste gebreide poppies op Instagram wys, en ons ken haar as Elsbeth art op Facebook. Om die waarheid te sê, ons ken haar van oral behalwe in lewende lywe. En vir hierdie eerste, propperse ontmoeting gaan kuier ons in haar ‘multi-purpose-huis’, soos sy haar handmooigemaakte huis beskryf. ‘Hier moet ek werk, ontspan en my batterye herlaai,’ sê sy. ‘Dis vir my soos my nessie. Ek het nog altyd die goed in my huis self gemaak. As ek geld wil bestee, doen ek dit eerder op materiaal wat ek weer kan verkoop. Dit gaan nooit in die huis in…

SKEP DIE PRENTJIE Hou ’n gesellige Vadersdagete met al die bederfgoed waarvan Pa hou. Dek die tafel informeel en sit ’n handgemaakte kaartjie en geskenk in ’n strikdassakkie by sy plek neer. Versier die plek waar julle eet met allerlei sentimentele detail soos ’n ‘Gelukkige Vadersdag’-banier en ankersimbole om die dag spesiaal te maak. WYS JOU PA HOEVEEL HY VIR JOU BETEKEN MET ’N SPESIALE MIDDAGETE EN ’N BORD KOS WAT HOM BREED SAL LAAT GLIMLAG. LUUKSE HOENDERBURGERS MET BROS UIERINGE Genoeg vir: 4 Bereidingstyd: 40 minute, plus staantyd Gaarmaaktyd: 30 minute JY BENODIG • 2 groot hoenderborsfilette • 150 ml koekmeel • 5 ml elk fyn koljander, komyn en paprika • 2 groot eiers, liggies geklits • 200 ml droë broodkrummels • sonneblomolie, vir diepbraai • 100 ml mayonnaise…

RISSIE-EN-LEMMET JIE-VARKFILET MET SALSA Genoeg vir: 4 Bereidingstyd: 30 minute, plus marineertyd Gaarmaaktyd: 25 minute Oondtemperatuur: 200 ºC • sonneblomolie • 15 ml vars lemmetjiesap • 5 ml gerasperde lemmetjieskil • 5 ml chipotle-rissiesmeer (’n smeer van gerookte jalapeño-rissies) • 1 habanerorissie (baie warm), pitte verwyder en fyngekap • 5 ml fyn komyn • ’n knypie fyn kaneel • 5 ml paprika • 5 ml bruinsuiker • 800 g varkfilet • lemmetjiewiggies en meeltortillas, om voor te sit • salsa (resepte hieronder) en guacamole, om voor te sit 1 Meng 15 ml olie, die lemmetjiesap en -skil, rissiesmeer, rissie, speserye en suiker saam. Gooi die sous oor die varkfilet en laat dit vir ’n uur of langer marineer. 2 Verhit ’n (leë) oondroosterpan in die oond. Wag tot dit vuurwarm…

Maak: 1 koek van 15 cm in deursnee (verdubbel die resep as jy ’n 20 cm-koek wil bak) Bereidingstyd: 25 minute Baktyd: 30-35 minute Oondtemperatuur: 170o C KLAPPERKOEK MET WITSJOKOLADE-GANACHE • 180 g sagte botter • 110 g Huletts Castor Sugar • 5 ml vanieljegeursel • 3 groot eiers • 300 g koekmeel • 15 ml bakpoeier • 75 g fyn droë klapper • 200 ml klappermelk (onthou om die blikkie goed te skud voordat jy dit oopsny) • fondant in die kleur van jou keuse • Huletts Icing Sugar, om oor te sif • suiker-peonie, vir versiering (aanwysings op bladsy 63) WITSJOKOLADE-GANACHE • 450 g witsjokolade, gekap • 150 ml vars room 1 Klits die botter en strooisuiker saam tot dit lig en donsig is. Voeg die vanieljegeursel by.…

DUIMHANDSKOENE Met hierdie lang duimhandskoene kan jy jou hande en arms warm hou terwyl jy aan die werk is. JY BENODIG • 1 x 100 g-bol bont chunky breidraad • 8 mm-hekelpen AFKORTINGS beg begin gls glipsteek her herhaal kb kortbeen ks kettingsteek lb langbeen pat patroon rdte rondte st(e) steek(steke) vermeer vermeerder vlg volgende VOOR JY BEGIN • Die breidraad wat vir dié projekte gebruik is, is Noro Obi, ’n Japannese gekleurde woldraad wat chunky-dikte is. Daar is nou verskeie bont chunky breidrade beskikbaar, soos Funky Stripes, maar as jy nie ’n bont chunky breidraad kan kry nie, gebruik al jou chunky oorskietbreidrade en hekel twee of drie rondtes in verskillende kleure. • Probeer breidrade gebruik wat eenders was en dra. • Al die bykomstighede, behalwe die mus, is…

JY HET DIE VOLGENDE NODIG OM JOU EIE INSPIRASIEJOERNAAL TE BEGIN: Gebruik jou gunstelingaanhalings en mooi papier om jou eie boek vol inspirerende aanhalings te skep met oorgenoeg plek waar jy jou gedagtes en drome kan neerskryf. ONS HET ONS JOERNAAL ONTWERP SODAT DIT IN DIE SAKKIES VAN ’N PLAKBOEKLÊER VAN 31 X 31 CM PAS, MAAR JY KAN OOK ’N NOTABOEK GEBRUIK. OF MAAK ’N DRAAI OP EEN VAN DIÉ WEBWERWE AS JY EERDER JOU EIE DIGITALE PLAKBOEK WIL MAAK: designerdigitals.com/digital-scrapbooking/ GettingStarted.pdf smilebox.com/digital-scrapbooking.html Kies ’n ontwerp waarvan jy hou en pas dit na hartelus aan volgens jou persoonlike smaak. mixbook.com/online-scrapbooking Jy kan binne sekondes ’n aanlynplakboek of spesiale fotoboeke skep. mymemories.com Digitale plakboeke is maklik en hope pret met MyMemories-sagteware en -stelle; jy kan party gratis aflaai of pragtige…

MERK JOU SLEUTELS MOOI V Ek wil graag my sleutels merk sodat dit ook mooi lyk. Het julle idees? A Hier is ’n paar kreatiewe maniere om jou sleutels te merk: 1 Merk die sleutels met verskillende kleure borduurgare. JY BENODIG • oorskietstukkies borduurgare • gom • skêr SO MAAK JY Smeer ’n dun lagie gom om die sleutel. Knip ’n stuk borduurgare van 20-25 cm af, vind die middelpunt van die gare en draai dit van die middel af om en om die sleutel. Plak die twee punte stewig vas. 2 Maak sleutelhouers van plastiekdiertjies. JY BENODIG • plastiekdiertjies • spuitverf • inskroefhakies • sleutelringe SO MAAK JY Spuitverf die plastiekdiertjies in die kleur van jou keuse en laat dit heeltemal droog word. Skroef ’n inskroefhakie in elke diertjie…

1-5 Junie Kamers, ’n toonvenster vir unieke handgemaakte produkte, word by die Kasteel in Kaapstad gehou. Meer inligting: kamersvol.com of facebook.com/kamersvol. GEWILDE MARKTE • Walkerville Farmer’s Market Maak Saterdae tussen 9 vm. en 3 nm. ’n draai by Hoofweg 112 in Walkerville (tussen Southgate en Vereeniging) om heerlike vars produkte te koop – van eiers, heuning, biltong, kaas en boetiekbier tot juweliersware, kuns, handwerk, boeke, plante en nog meer. Kinders en honde is welkom! Soek ‘Walkerville Farmers Market’ op Facebook vir meer inligting. • Harties-mark Dié sjarmante ouwêreldse mark word elke Saterdag tussen 9 vm. en 3 nm. aan die voet van die Magaliesberg gehou. Lê weg aan lekkernye soos gerookte varklies, Marokkaanse geregte, vetkoek en calamari, of koop mooi handwerk en kuns. Dit is ook ’n lieflike plek om…

melkkos-merlot.co.za Die Kapenaar Lizet Hartley het ‘’n obsessie met kos en wyn’ en Merlot is haar kat. Sy het níks van kosmaak geweet nie en leer kook deur self agter die kospotte in te skuif, te proe, kookklasse te neem en natuurlik baie na te lees. ‘Ek maak sielskos, trooskos en … goedkoop kos.’ Pro-beer haar ouma se hoenderpastei, souskluitjies of roomys met ingedampte melk, of eksperimenteer met maklike Franse ‘blitsgeregte’ wat proe of jy jou heeldag afgesloof het. Die blog kan in Afrikaans of Engels gelees word. simplygrove.com Die interieurstilis Kirsten Grove het op nege haar hart verloor op interieurontwerp toe sy haar slaapkamer na hartelus kon versier. Destyds het sy ’n palet van reënboë, polkakolle en strepe gekies, maar vandag is haar Simply Grove-blog ’n kreatiewe uitlaatklep vir…

MACRAMÉ - RUGLEUNING Gebruik ’n macramétegniek om die stukkende rugkant van ’n stoel te vervang. Volg ons stappe om die macramé te doen op bladsy 30. JY BENODIG • 6 mm-katoenkoord (sien stap 1 op bladsy 30 om die lengtes van die koorde te bereken) • 2 klampe • kramgeweer TWEEDE LEWE MOEILIKHEIDSGRAAD: gemiddeld TYD: 8 uur Hoe gemaak met ’n stoel waarvan die rottangrugkant stukkend is, ’n ou sy-nagrokkie uit Italië wat beter dae geken het, en ’n romp van mooi lap wat jou twee keer jou grootte laat lyk? Die mooi motief op die romp het sy lê op die stoel se kussing gekry, terwyl die onderste val van die nagrok nou die kussing se rand vorm. En die voos rottang wat voorheen die stoel se rugkant was,…

STRIKDASSAKKIE Vul die sakkie met biltong of ander eetgoed vir Pa. JY BENODIG • prent van jou keuse (of gebruik ons ankerpatroon op die oorkantste bladsy) • bruinpapiersakkie • plakboekpapier • A4-vel mediumgewig-karton • alkant-plakband • kleeflint Maak eers ’n drukstuk van jou prent en boodskap op ’n gewone A4-vel rekenaarpapier. Dit sal jou help met die plasing van die prent op die sakkie. Besluit waar jy die prent op die sakkie wil plaas. Posisioneer die sakkie dienooreenkomstig op die A4-vel karton en plak dit aan die bo- en onderkant daarop vas met kleeflint. Die karton help dat die sakkie deur die drukker gaan sonder om op te frommel. Gebruik nou die drukstuk wat jy in stap 1 gemaak het en kopieer dit op die sakkie. Verwyder die sakkie van…

Ons onthou soveel meer van eet as net die maaltyd wat voorgesit is. Ons onthou die omgewing, saam met wie ons dit geniet en hoe ons gevoel het. Die trend-voorspeller Li Edelkoort sê die verskynsel van eet as ’n ritueel is aan die terugkeer. Die tradisionele familie-ete of ’n laatontbyt oor ’n naweek het sinoniem geword met die idee om gehaltetyd saam deur te bring. ‘Daar is beslis ’n groter gevoel van samesyn en ’n geneigdheid om kos te deel. Selfs ons tafels het smaller geword om hierdie gemeenskaplike eetervaring te akkommodeer.’ Die kombuis as teater ‘Mense is moeg vir restaurante,’ sê Edelkoort. ‘Die musiek is te hard, jy eet jou vol aan brood nog voordat die kos kom, en dan is daar die ellelange spyskaarte … ’ Sy sê…

Fluweel versus satyn – dís hoe jy moet dink oor die jongste grimeermodes. Maar waar die somer oorheers is deur ’n glimmende satynglans, vereis die winter ’n sagte, warm, gloeiende fluweelvoorkoms: dousagte, mat lippe soos ’n gekneusde donkerrooi roosblaar en ’n ragfyn gelaat met nie ’n porie of blink neus in sig nie. TEKSTUUR Daar is ’n mat golf wat tans oor die grimeerwêreld spoel. Dit begin met hoe jou vel lyk: Dit moet mat wees, maar steeds stralend en lewendig lyk. Die geheim lê daarin om jou vel voor te berei met ’n basislaag (primer) wat olie in bedwang hou en die oppervlak pragtig glad en egalig en porieë feitlik onsigbaar maak. Volg dit op met ’n onderlaag wat olievry is. PROBEER DIE JONGSTE ONDERLAAGPRODUKTE: Chanel Les Beiges Healthy…

CHINESE BLOMLIGTE Versier Chinese papierlanterns met swart-en-wit blomme vir ’n moderne, grafiese effek. JY BENODIG • Chinese papierlanterns, groot en medium • blom- en blaartekeninge (jy kan ons s’n op bladsy 86 as voorbeeld gebruik) • dun swart karton • gewone wit rekenaarpapier • swart papierraffia • wit potlood • kleurlose gom • sirkelpapierpons • tapisserienaald SO MAAK JY Groot lig 1 Kopieer jou blom- en blaartekeninge in die verlangde grootte (ons groot blomme is omtrent 11 cm dwarsoor) op die wit rekenaarpapier en knip dit net buitekant die swart buitelyne uit. Rangskik al die uitgeknipte vorms in twee hopies, een vir die groot blomme en een vir al die blare en kleiner blomme. Jy moet agt groot blomme hê. 2 Knip omtrent 100 x 15 cm-lengtes swart raffia. Dit…

'Die ideaal is dat fone, soos jasse, by die deur geneem en weggepak word as teken dat die gaste bly is om daar te wees en van plan is om 'n rukkie te bly.' Nadat ek onlangs besluit het om my balkon van ’n uitkykpunt vir die hondjies in ’n intieme kuierplek vir die huismense te verander, het ek ook sommer ’n reël of twee vir dié nuwe ruimte neergelê. Die belangrikste is dat geen selfone hier toegelaat word nie. Selfs voor die nuwe stoepgordyne en stoeloortreksels het ek en my seun, Anton, graag hier kom sit en kyk hoe die son ondergaan. En wanneer hy soms uit die bloute sê ‘Kom ons kry ’n glas wyn en gaan gesels op jou balkon’, het ek nog altyd geweet hy het…

Môre Idees Ek wonder altyd waar kom die pragtige foto’s vandaan wat julle in die tydskrif plaas. Ek deel so ’n stukkie van my huis en is trots om te sê dat Idees se voorblaaie altyd deel uitmaak van My stukkie Parys-tema… Julle is welkom om my huis te kom afneem as julle ’n ligpienk en Franse uitgawe in gedagte het. Dit is ’n goeie IDEE. Gunstelingtydskrif-groete Tanya Venter Só het Tanya haar en haar huis aan ons bekend gestel, en met ons volgende kuier in die noorde het ons besluit om te gaan inloer. En sy het ook nie gejok nie – Idees was inderdaad oral te sien. Sommer in die voorportaal al is Hannes se sketsies in klein silwer raampies, by haar lekkergoedpotjie een van ons seëlontwerpe in…

Kruie: Knoffelgrasuie, lourierblaar, marjolein, origanum, pietersielie, roket, roosmaryn, sitroengras, vinkel. Groente: Aartappels, artisjokke, aspersies, beet, blaarkool, blomkool, broccoli, ertjies, kool, murgpampoentjies, pampoen, preie, sampioene, seldery, spinasie, witwortels, wortels. Vrugte: Appelliefies, appels, avokado’s, koejawels, lemmetjies, lemoene, nartjies, papajas, pere, pomelo’s suurlemoene. BLOMME BESKIKBAAR IN JUNIE Affodille, angeliere, aronskelke, baardangeliere, barbertonse madeliefies, goueroede, gousblomme, Ierse klokkies, inkalelies, irisse, krisante, leeubekkies, Oosterse lelies, orgideë, papierblomme, pronkertjies, pronkridderspore, protea- en fynbossoorte soos speldekussings, heide en erikas, ridderspore, sintjanskruid, sintjosefslelies, strelitzias, stokrose, tjienkerientjees, tuberose, tulpe.…

DEEL JOU NUUS! Nuwe winkels & handwerk: Dala Watts (dwatts@media24.com) Kosnuus: Louisa Holst (ideasmagazinefood@gmail.com) Dekor- en modenuus: Carin Smith (carin.smith@media24.com) LIKEUR IN ’N NUWE JAS Bederf jou pa op Vadersdag met ’n bottel likeur. Hy sal mal wees oor The Four Cousins Marula Flavoured Cream Liqueur met sy eg Suid-Afrikaanse smaak danksy die vrugte van die inheemse Afrikamaroelaboom. Daar is ook ’n lipleklekker Strawberry Flavoured Cream Liqueur en albei spog met ’n vrolike nuwe shwe-shwegeïnspireerde verpakking. • Die likeurs is beskikbaar by drankwinkels en kos sowat R90 per bottel. MODERNISME IN DIE BO-KAAP The New Modernist in die Urban Hub in die Bo-Kaap is ’n kruising tussen ’n galery en vintage-winkel wat fokus op pragtig gerestoureerde modernistiese versamelmeubels en Skandinawiese retro-stukke. Emma de Crespigny, ’n kenner van modernistiese ontwerp, herskep…

KURKPROP - MUURHAAK Gebruik ou kurkproppe om hakies te maak wat met mooi knope versier is. Maak ’n klein gaatjie aan die bokant van die kurkprop waardeur die agterkant van die knoop sal pas. Meng ’n bietjie epoksigom, wend dit met ’n tandestokkie agterop die knoop aan en plak dit op die kurkprop vas. Ons het ons versierde kurkproppe aan ’n plank vasgeskroef om die muurhaak te maak. Geraamde prent van Recreate. MAGNEETBORD Skep jou eie notabord deur ou hout- of plastiekgaretolletjies in magnete te verander en gebruik dit dan om notas vas te maak aan ’n metaalskinkbord. Meng ’n bietjie epoksigom, wend dit met ’n tandestokkie aan die onderkant van die tolletjie aan en druk ’n gekoopte magneet daarteen vas. Laat die gom droog word voordat jy die magneet…

STADIGGESMOORDE VARKBLAD MET KAPOKPATAT Genoeg vir: 6 Bereidingstyd: 45 minute Gaarmaaktyd: 4 uur Oondtemperatuur: 150 ºC • 1,5 kg varkblad-roosterstuk • 10 ml koljandersaad • 5 ml komynsaad • 30 ml sonneblomolie • 2 uie, middeldeur en in dun skywe gesny • 8 knoffelhuisies, in skyfies gesny • 2 bottels (375 ml elk) appelbier (of gebruik appelsap) • 250 ml hoenderaftreksel • 2 selderystele, in skyfies gesny • 1 vinkelbol, in skyfies gesny • gaar murgpampoentjies of groenbone, om voor te sit Kapokpatat • 3 middelslag-patats • 2 aartappels • 30 ml botter • 30-50 ml room of melk 1 Rooster die koljander- en komynsaad in ’n droë pan tot dit ligbruin en geurig is. Skep dit oor in ’n stamper en vysel en maak dit fyn. Hou dit eenkant.…

IN SAMEWERKING MET HULETTS JY BENODIG • polistireenbol (ons s’n is 60 mm in deursnee, maar jy kan ’n kleiner bol gebruik om ’n kleiner blom te maak) • dik bloemistedraad • bloemiste-kleeflint • gompasta in die kleur van jou keuse (beskikbaar by bakwinkels, of maak jou eie) • vier hartvormige koekiedrukkers in verskillende groottes (ons het die middelste vier groottes in ons stel gebruik) • bol-vormstuk • skuimmatjie • snymat (of gebruik mielieblom) • koekroller • stukke plastiekvel of plastiekkoeverte • klein verfkwassie Buig ’n stuk draad in die helfte en vorm ’n haak aan die punt. Buig dit weer sodat dit ’n lus vorm onder die haak met sowat ’n sentimeter ekstra oor. Draai bloemiste-kleeflint om die draad, maar los die haak oop. Verhit die haak met ’n…

GEBREIDE LAE Dra breistowwe laag op laag, maar hou by dun items sodat jy nie opgestop voel nie. Top met aangewerkte trui (R459) en romp (R559) van Zara. Halssnoer (R475) van Lulu Belle. WARM HOED Dra ’n oorgroot trui met ’n hoed om jou voorkoms af te rond en terselfdertyd jou kop warm te hou. Trui (R1 299) van Trenery. Vilt-fedorahoed (R299) van Poetry. KNUS KABELS Belê in ’n bonkig gebreide oorvoutrui met ’n kabelpatroon as ’n moderner weergawe van ’n klassieke Aran-oortrektrui. Trui (prys op versoek) van Kelly-Mae. Langbroek (R699) van Trenery. Enkelstewels met veters (R699) van Call It Spring. SJIEK SILHOEËT Kyk uit vir gebreide items met die jongste silhoeëtte, soos hierdie top met sy uitklokmoue en Coco Chanel-styl afwerking. Baret (R499) van Accessorize. Top (R459) van Zara.…

Alle kinders moet ’n spesiale plekkie hê waar hulle kan speel en fantaseer. Nou kan jy hulle drome laat waar word met prettige, kleurryke speelgoed wat jy self kan maak. Watter kind hou nie van ’n tent nie? Maak ’n helderkleurige tent met drie sterk pale, ’n stuk materiaal en jou betroubare Bernina. Bernina-masjiene is veelsydig en toegerus om verskillende diktes materiaal te stik, van seildoek vir die tent tot dun materiaal vir die gordyne. Danksy ’n wye reeks toebehore en moderne tegnologie sal jy ook pragtige en prettige bykomstighede kan maak om jou kind se speelruimte in te rig. Kinders speel graag bordspeletjies. Waarom nie jou eie slangetjies-en-leertjies maak nie? Gebruik net vilt en Bernina se Walking-drukvoet vir ’n skepping wat vir ure se pret sal sorg. Lees kan…

Ons ding almal mee om ons produkte te verkoop en ’n lekker wins te maak – dis tog die punt, of hoe? Die tradisionele sakemodel was vir lank ’n rits sentrale winkels wat meeding om die ‘vier P’s’ (prys, posisie, plek en produk). ‘Markaandeel’ en ‘trefwydte’ is bepaal deur ’n geografiese ‘sfeer van invloed’ waarin geen mededinger natuurlik te vertrou was nie. Al hierdie dinge is besig om te verander namate dienste en produkte saamsmelt, ál meer transaksies aanlyn gesluit word en markaandeel globaal vergroot kan word – maak nie saak hoe groot of klein die besigheid is nie. Al hoe meer besighede kies ook die digitale roete, doen sake uit degesentraliseerde, informele ruimtes en is gedurig op soek na nuwe maniere om hul produkte en dienste in ’n oorvol…

Vanaf Vrydagmiddag 10 Junie tot Sondagmiddag 12 Junie trek ons in ouwêreldse styl saam op die dorpie Boston in die KwaZulu-Natalse Middelland, omring deur pragtige natuurskoon. Om hierdie naweek propvol lekker kuier, hekel en kreatiewe inspirasie ten volle te benut moet jy ten minste die basiese hekelsteke ken of saam met iemand kom wat jou touwys kan maak soos ons aangaan. Die naweek, met alle etes en materiaal ingesluit (jy is welkom om ook jou eie wol saam te bring as jy wil), kos R2 400 vir ’n enkelkamer en R2 100 as julle deel. Nooi ’n vriendin, suster of dogter saam en bespreek julle plek. Ons het net plek vir 30 mense in ons groep – maak seker jy is daar! JOU NAWeeKPAKKET SLUIT IN: Twee nagte in die…