Inhaltsverzeichnis für Haf 2023 in Cara

Erbyn hyn dwi’n siŵr eich bod chi wedi clywed am CBD, boed hynny ar y teledu, gan ffrind i chi neu’ch bod chi wedi cerdded heibio siop sy’n gwerthu poteli bach â symbol y ddeilen werdd! Er mwyn osgoi dryswch, NID canabis yw CBD. Dydych chi ddim yn torri’r gyfraith wrth ddefnyddio cynnyrch CBD – fyddwch chi ddim yn siarad fel Bob Marley neu’n teimlo’n stoned ar ôl ei ddefnyddio. Felly beth yn gwmws yw CBD, a pham mae gymaint o bobl yn defnyddio cynnyrch CBD erbyn hyn? Cyn i ni gychwyn ar ein taith i fyd JOIO CBD, mae’n bwysig deall y gwahaniaeth rhwng THC a CBD. Mae tetrahydrocannabinol (THC) yn anghyfreithlon yn y Deyrnas Unedig achos ei fod yn elfen seicotropig sy’n achosi’r teimlad o fod yn feddw…

Dyma gofnod personol gan fenywod sydd wedi bod yn ymgyrchu dros yr iaith Gymraeg ers sefydlu Cymdeithas yr Iaith yn 1962, a gyhoeddir gan wasg menywod Cymru, Honno. Daeth yr ysbrydoliaeth ar gyfer y llyfr i Carol Jenkins, Ysgrifennydd Cyffredinol y Gymdeithas, o weld ffotograff gan Gwenllian Llwyd o rai o’r merched a garcharwyd dros yr iaith yn y 60au a’r 70au. Ac un o’r merched yn y llun, y Prif Lenor Angharad Tomos, oedd y dewis delfrydol fel golygydd y gyfrol. 60 MLYNEDD O YMGYRCHU Mae’n cynnwys cyfraniadau gan dros 30 o ferched yn eu geiriau eu hunain, gyda ffotograffau a dynnwyd ar y pryd, adroddiadau o bapurau newydd y cyfnod ac ymatebion creadigol i’w profiadau. Dechreua’r hanesion yn y 1960au, yng nghyfarfod busnes cyntaf y Gymdeithas pan ddewiswyd…

Wel, ma Besi fach wedi cyrraedd, ac ma bywyd yn blincin grêt eto – fi’n ca’l cwsg! A fi nawr yn fam hapus, brysur i ddwy ferch fach lysh. Nawr, sai isie cwyno, ond… Sut ma bod yn fam hunangyflogedig, sy’n talu hanner y morgais, heb fod yn berson stressed gyda to-do lists sydd byth, BYTH yn byrhau? Oes unrhyw un mas ’na’n llwyddo? Fi ddim yn mynd i sôn am logistics – sut i ffilmio, recordio, canu dros Gymru gyfan gyda babi sy’n bwydo ar y fron; sut i fforddio £140 y dydd i ga’l rhywun i warchod un plentyn mewn un lle a rhywun arall i warchod y llall tra’n dilyn dy fŵbs di o gwmpas. Sai’n mynd i sôn am y pethe ’ma oherwydd ma nhw jyst…

Beth yw dy hanes cynnar di? Dwi’n dod yn wreiddiol o bentref Glasinfryn, heb fod ymhell o Fangor. Athrawon oedd fy rhieni, ac mae’n debyg mai dyna pam y penderfynais i fod yn athrawes hefyd! Dwi’n cofio pan oeddwn yn fy arddegau, aeth fy rhieni â ni i ynys Creta ar ein gwyliau teuluol cyntaf dramor. Roeddwn wedi gwirioni yn syth ar deithio ac yn benderfynol ’mod i’n mynd i fyw dramor un diwrnod. Cefais fy nghyfareddu gan y ffordd Roegaidd o fyw, a dysgais Roeg sylfaenol i mi fy hun erbyn fy mod yn 16 oed. Es i ar fy nhaith unigol gyntaf yn haf 1990 ar ôl cwblhau fy arholiadau TGAU, i aros gyda fy pen pal Natassa yng Nghreta. A dydw i erioed wedi edrych yn ôl.…

Mae dibyniaeth yn cyffwrdd â bywydau nifer fawr o bobl ledled Cymru, ac mae prosiect arbennig ar y gweill sy’n cynnig llesiant trwy greadigrwydd a’r celfyddydau. Prosiect rhwng Theatr Genedlaethol Cymru a’r artist arweiniol Iola Ynyr yw Ar y Dibyn, mewn partneriaeth â Llenyddiaeth Cymru gyda chefnogaeth gan Fwrdd Cynllunio Camddefnyddio Sylweddau Gogledd Cymru. Mae wedi bod yn cynnig cyfresi o weithdai creadigol i gefnogi rhai sydd wedi’u heffeithio gan ddibyniaeth. Trwy gynnig gofod diogel i gyfranogwyr fynegi eu hunain yn rhydd a heb feirniadaeth, mae’r prosiect yn annog creadigrwydd fel modd i brosesu profiadau bywyd gyda gweithdai a gweithgareddau creadigol. Hyd yma, mae’r prosiect wedi esgor ar waith pwerus, dewr ac uchelgeisiol, gan gynnwys gwaith ysgrifenedig, gwaith celf, podlediad a ffilm arbennig; oll yn seiliedig ar brofiadau a theimladau…

Mae Dionne Bennett yn gantores aml-genre sy’n arbenigo mewn ffurfiau cerddorol sy’n perthyn i’r diwylliant Afro. Dechreuodd ei gyrfa yn y byd theatr gerdd, gyda’r sioe The Official Blues Brothers a deithiodd ledled Ewrop am 18 mis. Ers hynny, mae wedi cyhoeddi nifer o draciau unigol ac wedi rhyddhau albwm, Sugar Hip Ya Ya, yn 2021. Mae hi wedi perfformio fel aelod o’r grŵp The Peth, gyda Rhys Ifans, a chefnogi Oasis a Super Furry Animals ar lwyfannau mawr. Mae hi’n ddarlithydd llais ac yn cadeirio’r Grŵp Cynghori ar Amrywiaeth yng Ngholeg Brenhinol Cerdd a Drama Cymru. Mae hi hefyd yn un o sylfaenwyr Ladies of Rage, sef rhwydwaith i gefnogi menywod yn y sin gerddoriaeth electronig ar draws Cymru. Beth yw dy hanes di? Cefais fy ngeni yng Nghaerdydd…

Mae priodasau Pacistanaidd yn enwog am fod yn gysylltiedig ag enfys o liw, adloniant gwych, bwyd blasus, dillad hardd a dathliadau di-stop… Fel rhywun Pacistanaidd fy hun, gallaf eich sicrhau bod hynny’n wir! I rai nad ydynt yn gyfarwydd â dathliadau priodas Bacistanaidd, gall y cyfan ymddangos yn llethol. Fodd bynnag, yn yr erthygl hon byddaf yn dadansoddi rhai o’r digwyddiadau allweddol a’u dibenion yn y seremonïau. Cyn inni fynd ymlaen, dylwn nodi bod amrywiadau rhanbarthol a chrefyddol ar gyfer priodasau ym Mhacistan. Yn ogystal â hyn, mae yna lawer o debygrwydd diwylliannol neu grefyddol rhwng priodasau ar draws De Asia. Ond fan hyn, byddaf yn canolbwyntio ar briodasau cyffredin o’r math dwi’n gyfarwydd â nhw, fel person Pacistanaidd a Mwslemaidd. Dholki Mae priodasau Pacistanaidd yn dechrau gyda digwyddiad o’r…

Bardd a chyfreithiwr Indiaidd oedd Dorothy Noel ‘Dorf’ Bonarjee (1894–1983), a ddaeth i amlygrwydd drwy ennill cadair eisteddfodol tra oedd hi’n fyfyrwraig yng Ngholeg Prifysgol Aberystwyth, ac am mai hi oedd y fenyw gyntaf i gael gradd fewnol yn y gyfraith gan Goleg Prifysgol Llundain. Fe’i ganed yn Bareilly ger Delhi yng ngogledd India, ond yn ddeng mlwydd oed symudodd hi a’i theulu i Lundain er mwyn addysg y plant, a bu ‘Dorf’ yn astudio yn y Dulwich High School for Girls, cyn dewis astudio Ffrangeg ym Mhrifysgol Cymru, Aberystwyth yn 1912. Bu’n preswylio ar y prom yn Neuadd Alexander, sef y neuadd breswyl bwrpasol gyntaf i ferched ym Mhrydain. Bu hi hefyd yn ddiwyd gyda chymdeithasau llenyddol a chyhoeddwyd nifer o’i cherddi yng nghylchgrawn y myfyrwyr, The Dragon, ac…

Fedra i ddim dweud enw’r dre heb adrodd yr hen rigwm adnabyddus. Does gen i ddim syniad pwy biau’r geiriau hyn, ond maen nhw wedi eu naddu’n ddwfn yn y cof ers fy mhlentyndod cynnar. O ran enw’r dre ei hun, dwi wrth fy modd efo fo. Mi fedra i glywed y tonnau yn poeri ewyn yn yr enw, fel codi cragen i’r glust. Mi fedra i hyd yn oed flasu’r môr yn yr enw. Ac mae jyst yn gwneud synnwyr, dydy? Ers talwm, pwll o halen yn llythrennol oedd y dre, am fod y rhan fwya o’r tir, ar un cyfnod, o dan yr eigion. Mae’r môr yn rhan mor bwysig o hanes, treftadaeth a chymeriad Pwllheli. Oherwydd ei lleoliad, datblygodd diwydiannau pysgota, adeiladu llongau, yr harbwr ac, wrth…

Ffeithiau • Mae Marrakech yn un o bedair dinas imperialaidd Moroco – Fez, Meknes a Rabat (y brifddinas) yw’r lleill.• Poblogaeth – bron miliwn.• Y Ddinas Goch – red ochre yw lliw’r adeiladau i gyd.• Ieithoedd – Arabeg, Ffrangeg ac Amazigh (iaith y trigolion Berber).• Arian – dirham, sy’n arian caeedig, felly allwch chi ddim eu cyfnewid cyn mynd. Mae’n bosib defnyddio ewros hefyd fel arian parod mewn rhai llefydd.• Tymheredd – tua 32 gradd ym mis Mai.• Crefydd – 98% o boblogaeth Moroco yn dilyn crefydd Islam.• Amser – yr un peth â Chymru. Ar ôl i Cara gysylltu ag Elen cawson ni gyngor gwych ganddi, sef aros mewn dau le – riad traddodiadol yn y Medina (yr hen dref o fewn y muriau) a gwesty mwy moethus gyda…

A fyddai’n adfail hardd? ‘Would it make a beautiful ruin?’ Dyna gwestiwn y byddai’r pensaer John Soane (1753–1837) yn ei ofyn iddo’i hun. Ei athroniaeth bensaernïol oedd holi a fyddai’r adeiladau yr oedd yn eu dylunio – a’i waddol, etifeddiaeth y dyfodol – yn gwneud adfeilion hardd. Roedd Syr Basil Spence (1907–1976), pensaer byd-enwog arall, yn wynebu’r un cwestiwn; dyma’r pensaer a ddyluniodd Eglwys Gadeiriol Coventry, a’r Te Whare Mīere (neu’r Cwch Gwenyn), estyniad i’r Senedd-dy yn Seland Newydd. Ond adeilad tra gwahanol sydd ganddo ym Mharc Cenedlaethol Eryri, sef adeilad a allai gynhyrchu digon o ynni i bweru dinas o faint Manceinion: Atomfa Niwclear Trawsfynydd. Roedd yr 1960au yn adeg bwysig ar gyfer cynhyrchu ynni. Comisiynwyd dwy atomfa yng ngogledd Cymru: Trawsfynydd yn 1959, ac Wylfa (A) a agorwyd…

Mae Lily Beau yn gantores-gyfansoddwraig 22 oed o Gaerdydd. Byddai jazz yn cael ei ganu yn ei chartref ar foreau Sul, a’r ystafell fyw yn cael ei throi’n sinema ar nos Wener. Yn 16 oed penderfynodd Lily symud i Lundain i astudio cerddoriaeth, a arweiniodd at yrfa ym maes A&R (Artists and Repertoire). Mae hi wedi perfformio yn Lovebox, gŵyl WHY?, y Southbank a Stadiwm Dinas Caerdydd, wedi ysgrifennu a pherfformio’r arwyddgan ar gyfer gŵyl ffilm IRIS a chefnogi Jack Savoretti. Fe’i gwahoddwyd hefyd i gymryd rhan yn Tony Visconti’s Unsigned Heroes ar Sky Arts, gyda Stewart Copeland a Bob Geldof. Ar ôl symud yn ôl i Gymru yn ddiweddar, yn ogystal â pharatoi i ryddhau cerddoriaeth ddwyieithog newydd mae Lily wedi dechrau actio, a’i gwaith hyd yma yn cynnwys…

Ydach chi ’rioed wedi cael anrheg pen-blwydd sydd wedi newid eich bywyd? Wel, mi ges i yn 1992 pan oeddwn i’n 30 oed. Mi brynodd fy chwaer Caren daleb i mi, taleb i fynd i gael gwneud fy lliwiau. Doedd gen i ddim syniad be i’w ddisgwyl pan es i i weld ymgynghorydd lliw mewn pentre bach ger Wrecsam, ond un peth alla i ddweud ydy – mi wnaeth y profiad hwnnw newid fy mywyd. Ar ôl dwyawr, roeddwn wedi syfrdanu i weld a dallt sut oedd un lliw yn gallu gwneud i mi edrych yn iach, a lliw arall yn gallu gwneud i mi edrych yn llwyd ac yn wael. Mi es ati i glirio fy wardrob a chynllunio beth oeddwn i am ei brynu gyntaf yn fy lliwiau…

Helô! ’Nes i ddechrau fel ymchwilydd i’r cwmni ddwy flynedd yn ôl wedi cyfnod o weithio fel Cynhyrchydd Cynnwys Digidol i Hansh, ac yna bod yn ddigon ffodus i gael cynnig gohebu. ’Nes i ’rioed ddychmygu y basa breuddwyd oes yn cael ei gwireddu fel hyn. Yn aml iawn, pan fydda i’n ffilmio gyda phobl, mi fydda i’n anghofio fy mod i’n gweithio am fy mod i’n mwynhau gymaint, oherwydd bod efo pobl ydy fy niléit i. Mae pobl yn gweld cysur mewn cael rhannu eu stori ac mae’n fraint iddyn nhw ymddangos ar Heno a Prynhawn Da, ac mae ’na deimlad anhygoel mewn gallu cynnig hynny i bobl eraill. Yn y gogledd mae fy swyddfa i, lle dwi’n gweithio gyda chynhyrchwyr, ymchwilwyr, criw ffilmio, sain a golygwyr ac, wrth…

Hwrdd (Mawrth 21–Ebrill 19) O ddiwedd Awst ymlaen byddwch chi’n llawn syniadau newydd a beiddgar, a gyda digon o egni i’w gwireddu. Ewch amdani – chewch chi ddim gwell cyfle, a byddwch chi hefyd yn frwdfrydig dros hwyluso’r gwaith. Mae pwyslais ar eich gyrfa ar hyn o bryd, ac er bod pethau’n ymddangos yn lletchwith ac yn anodd yn y gwaith, daw eto haul ar fryn. Mae un person sy’n dân ar eich croen. Da chi, peidiwch â cholli’ch limpin gyda nhw! Tarw (Ebrill 20–Mai 20) Mae’r blaned Wranws, sydd wrthi’n gwyrdroi eich bywyd yn gyfan gwbl, yn dal i symud yn araf trwy eich arwydd. Os ydych chi am wneud newidadau sylfaenol i’ch bywyd byddai’n well i chi eu gwneud cyn diwedd mis Awst, oherwydd wedi hynny bydd Wranws…

YN GALW AM HYSBYSEBWYR Dyma’ch cyfle i hysbysebu mewn cylchgrawn llawn lliw a sglein! Erthyglau difyr am iechyd, ffasiwn, gwyliau, bwyd, teithio, materion cyfoes, chwaraeon, colur, y celfyddydau, steil cartref a llawer mwy! Mae’n cael ei ddosbarthu dros Gymru gyfan gyda photensial gwerthiant o 1000+. Cyfle i chi gyrraedd cynulleidfa newydd. Ein nod yw hyrwyddo busnesau a mentrau o bob cwr o Gymru sy’n adlewyrchu diddordebau ein darllenwyr ac ethos y cylchgrawn. FFORMAT YR HYSBYSEBION: Anfonwch yr hysbyseb wedi’i dylunio’n barod ar ffurf pdf o ansawdd uchel, llawn lliw, yn y maint cywir, gyda 5mm o waedu bob ochr. Tudalen lawn: 200mm x 260mm Hanner tudalen: 200mm x 128mm (llorweddol) NEU 98mm x 260mm (fertigol) Chwarter tudalen: 98mm x 128mm (fertigol) Clawr ôl £250 Tudalen ddwbl £300 Tudalen lawn £200…