Cara Gwanwyn 2022

Efallai mai ystrydeb yw dweud bod y gwanwyn yn dod â bywyd newydd, ond mae gweld y dyddiau’n ymestyn fesul cam ceiliog bob amser yn falm, yn enwedig yn ystod y cyfnod cythryblus hwn. Ac mae sawl peth newydd i godi’ch calon yn Cara y tro hwn. Mae Bethan Sayed, y cyn-Aelod o’r Senedd, yn ymuno â ni fel colofnydd rheolaidd gyda’i cholofn ‘Byd Bethan’. Trowch i dudalen 40 i ddarllen ei neges ysbrydoledig am y cyfryngau cymdeithasol. A byddwn yn cyhoeddi cyfuniad o gelf a llenyddiaeth gan Luned Aaron ym mhob rhifyn o Cara eleni. Ewch i dudalen 64 i gael gwledd i’r llygad ac i’r meddwl! Ydych chi wedi dyweddïo dros y cyfnod clo ond heb gynnal y diwrnod mawr eto? Rydyn ni yma i’ch helpu! Diolch i…

Maddeuwch i fi, ond dwi ar fin dechre trafod pwnc sy’n bendant yn fwy dilys fel pwnc traethawd hir. Ond gallwch chi ddefnyddio fy ugain ceiniog fach i fan hyn fel sbardun i gynnal sgwrs ymysg eich gilydd. Ydy bod yn tactile yn rhywbeth sy’n rhan o dy natur di neu a yw e’n ca’l ei feithrin? A ddylai rhiant annog ei blentyn i ‘roi sws’ neu ‘roi cwtsh’ i rywun? Pan ti’n holi’r cwestiwn yn blwmp fel’na, mae’r ateb yn teimlo’n syml. Na ddylset. Mae’n cymylu dealltwriaeth plentyn o gydsynio. Gad i’r plentyn ddewis rhoi sws neu gwtsh i rywun, oherwydd pan mae’n neud hynny o’i wirfodd mae’n golygu mwy iddo fe ac i’r person sy’n derbyn y cariad. Pendroni ydw i a ges i fy meithrin gan Mam…

Os ydych chi wedi bod yn siopa’n ddiweddar, mae’n bosib i chi sylwi bod nwyddau sy’n cael eu gwerthu fel rhai ‘i ddynion’ yn rhatach na rhai ‘i fenywod’. Fe all hyn gynnwys pethau mor amrywiol â chynnyrch gofal a harddwch a dillad ac esgidiau. Mae ambell wasanaeth yn ddrutach hefyd, gyda menywod yn talu mwy am dorri’u gwallt na dynion. Ar yr wyneb mae hynny’n hollol annheg. Mae hyd yn oed y syniad bod nwyddau yn cael eu targedu yn uniongyrchol at fenywod neu ddynion braidd yn hynafol mewn oes pan mae hunaniaeth rhywedd yn bwnc sy’n cael ei drafod yn fwy agored. Mae cynnydd mewn cwmnïau sy’n creu dillad a chynnyrch harddwch sy’n addas i bob rhywedd ac sy’n brandio a hyrwyddo eu nwyddau fel rhai niwtral o…

Geneth o Langefni, Ynys Môn, ydw i’n wreiddiol, ond ar ôl byw mewn tipyn o wledydd gwahanol rydw i wedi setlo yn Nigeria gyda fy nheulu bach fy hun. Dwi heb fyw adref ers pan oeddwn i’n 18 a dwi wedi bod yn ddigon ffodus i gael nifer o gyfleoedd i astudio, ymchwilio a gweithio dramor – o Fryste i Hong Kong ac i Wlad yr Iâ. Alla i ddim meddwl am unrhyw ffordd well o dreulio fy ugeiniau. Ond rŵan, mae fy nhraed a ’nghalon yn Nigeria. Roeddwn i wedi bod i Tanzania yn 16 oed, ac wrth fy modd ag Affrica ers hynny. Yn bedair oed ddeudais i wrth Nain fy mod am fyw yno – er nad oedd gen i syniad lle roedd Affrica bryd hynny! Cefais…

• Dinas fwyaf Nigeria, a’r ail ddinas fwyaf poblog ar gyfandir Affrica, gyda 15.3 miliwn o bobl. • Un o borthladdoedd mwyaf a phrysuraf Affrica. • Eko oedd enw’r ddinas cyn i’r Portiwgeaid ei henwi’n Lagos (lagos = llynnoedd). • Mae dwy brif ynys a thros 12 o draethau yn Lagos. • Y Third Mainland Bridge, un o’r pontydd sy’n cysylltu’r ynysoedd â’r tir mawr, oedd pont hiraf Affrica tan 1996. Mae’n 11.8km o hyd. • Yma mae’r nifer uchaf o filiwnyddion Nigeria, a’r trydydd uchaf yn Affrica (yn dilyn Cairo a Johannesburg). • Mae’n enwog am ei sin gerddoriaeth ac am nifer fawr o wyliau o bob math. • Yn Lagos mae adeilad uchaf Gorllewin Affrica, sef tŵr NECOM House. • Mae’n enwog am ei stondinau bwyd, yn enwedig…

Y cyfnod clo. Gweithio o adref. Dyma ddau ffactor sydd wedi ein gorfodi i dreulio cymaint mwy o amser yn y cartref yn ystod y ddwy flynedd ddiwethaf, ac i addasu’r ffordd rydyn ni’n defnyddio ein stafelloedd. Sawl un ohonoch chi sydd wedi newid y stafell sbâr yn swyddfa dros dro? Y stafell fyw yn stafell chwarae? Neu hyd yn oed y bwrdd bwyd yn ddesg gynadledda? Ychwanegwch ffactorau eraill i’r gymysgedd, megis dathliadau tymhorol a bwrlwm cyffredinol bywyd, a hawdd iawn fyddai gweld anhrefn llwyr ar hyd y lle. Felly, gyda’r gwanwyn yn ei ôl, y dydd yn ymestyn a’r byd yn deffro o drwmgwsg y gaeaf, beth am gael spring clean go iawn? Eleni, mae APDO (Association of Professional Declutterers and Organisers) yn cynnal eu hymgyrch Spring Clearing…