Inhaltsverzeichnis für Mar/Apr 2022 in SARIE

’n Modestorie maak vroeg in 2022 wêreldnuus. En dis Minnie Mouse wat die kollig gryp. Want dié kleurryke Disney-muis met haar rooi-en-wit polkakol-rokkie het ’n splinternuwe voorkoms. Ontwerp, nogal, deur topontwerper Stella McCartney. Alles vir Internasionale Vrouedag op 8 Maart en ter viering van die 30ste jaar van Disneyland in Parys. Minnie is my gunsteling-karakter. ’n Bondel onskuldige pret met ’n guitige strik bo-op die kop en oorgroot geel skoene wat van haar voete wil-wil afglip. Minnie met die avontuurlustige Mickey Mouse aan haar sy. Nou trek sy vir minstens Maart ’n blou polkakol-broekpak aan, dié keer met ’n blou strik en swart skoene, ewe groot. Minnie, wat volgens McCartney nog altyd stylvol was, is met haar nuwe volhoubaar-vervaardigde tuxedo ook ’n simbool van vooruitgang. Duidelik besef Minnie haar nuwe…

Dis Sondagmiddag. Soos gewoonlik sit ek voor my rekenaar, ek gesels met Erik in Nantes. Ek kan nie glo jy gebruik nog Skype nie, daar is soveel beter goed, sê Erik. Man, ek gaan nie rondspring vir elke nuwe ding wat hulle uitdink nie, jy kan my mos sien en hoor. Hoe gaan dit by Nathalie se nuwe werkplek? vra ek. Rof. Sy is histeries oor hoe al daai mense nog middagetes in plastiek koop. En sy sit die heeltyd die gange se ligte af. Hulle sal haar moet gewoond raak. En hoe gaan dit met die kinders? vra ek. Luccia is nou ’n tiener, sy dink net aan klere en niemand mag in haar kamer kom nie. Die kleintjie sê haar onderwyseres is nie emosioneel sterk genoeg vir die…

BERNICE WEST liedjieskrywer en sanger Watter uitdagings hou die stromingsera vir jou as musikant in? Die grootste uitdaging is om musiek te maak wat die mark bevredig en waarby hulle aanklank vind, sonder dat jy in die proses jou siel hoef te verkoop. Jy moet jou gehoor baie goed ken of leer ken en weet waar om die lyn te trek tussen kommersiële musiek en musiek wat vir jou as kunstenaar ook iets beteken en mooi is. As jy so gelukkig is om jou mark te verstaan, kan jy hulle en jouself terselfdertyd akkommodeer, sodat jou musiek gereeld en konstant gestroom word en nie net in groot maat vir kort tye nie. Ek leer nog. Die sosiale media het byna in ’n hofsaal ontaard waar almal deel is van die…

Herfs herinner ons dat tyd nie stilstaan nie. Die goud, geel en oranje vang die wisseling van seisoene betowerend vas. “Elke jaar hier teen einde Maart, wanneer die seisoen begin verander, draai daar ook iets in mý bors en word ek vreeslik nostalgies.” Dan hunker fotograaf Heinrich van den Berg na enige plek waar daar wild is. Op ’n fotosafari in Botswana het hy ’n luiperd in ’n mopanieboom gewaar. “Ek is mal oor mopaniebome in die herfs, wanneer die blare van kleur verwissel.” In plaas daarvan om die perfekte portretfoto te neem, was dit vir hom belangrik om die kyker visueel te stimuleer deur nie alles van die gekose onderwerp te wys nie. Die nabyskoot van die dier se elegante stert saam met die boom se kleurryke blare sagkens…

Mans sê baiekeer hulle droom nie, maar álmal droom. Ons vergeet net sowat 95% van ons drome, veral die eerste droom, want jy kan nie “so lank terug” onthou nie, sê Peet. Volgens prof. Solms kan enigiets wat slaap versteur, stres ingesluit, jou vermoë om te onthou verbeter en ook die inhoud van jou droom beïnvloed, soos met Covid-bekommernisse. Hoe jy wakker word, tel ook. Jy droom meestal in die laatoggend-ure van slaap. As jy later slaap, soos in die grendeltyd, en natuurlik wakker word (sonder ’n alarm), sal jy meer drome onthou. Dis die “laatoggendeffek”, sê die professor. Fokus op jou drome. Moenie jou aandag laat aflei deur onmiddellik uit die bed te spring nie. As jy nie dadelik jou droom onthou nie, vra watter emosie jy nou voel.…

Toe Domenico Dolce en Stefano Gabbana (foto regs) in 1982 ontmoet het, was dit die begin van hul pad om kuns op die loopplanke te skep. As Dolce & Gabbana is hulle veral bekend vir hul patrone, blommotiewe en liefde vir goue aksente. Nou het hulle die mikro-handsak, gewild sedert dit in 2019 die eerste keer sy verskyning gemaak het, in ’n goue juweelstuk verander. Gemaak van aluminium, glas en vintage geelkoper sal dié mikro-handsak (prys op aanvraag) met sy kwilteffek en ikoniese rynsteen-versierde kenteken beslis die kollig steel. Dolce & Gabbana is in Sandton City in Johannesburg en sedert Februarie vanjaar in die V&A Waterfront in Kaapstad. Vir meer kontak 011 326 7808 of besoek dolcegabbana.com Dié gesofistikeerde en verleidelike geur deur parfumeur Jordi Fernández vier hedonisme – om…

WAAR KOOP EK GOEIE HEUNING? HIIVE Die grootste keuse van Suid-Afrikaanse geure. Dis 100% rou en van volhoubare bronne afkomstig. Besoek hiive.co.za NATIVE NOSI Mokgadi Mabela is seker een van die mooiste byeboere in Gauteng. Haar Native Nosi verkoop ’n hele rits heuningprodukte asook plaaslike Afrika-bestanddele en -produkte. Besoek nativenosi.co.za RUSSIESE HEUNINGKOEK Dis nou ’n koek vir spog! Dit verg ’n bietjie moeite, soos meeste fyn dinge in die lewe. genoeg vir een 22 cm-koek KOEKLAE 290 g (250 ml) heuning 200 g (250 ml) strooisuiker 200 g (220 ml) botter 6 groot eiers 450 g (800 ml) koekmeel 12,5 ml bakpoeier 2 ml sout 5 ml fyn kaneel VERSIERSEL 300 g botter, in blokkies gesny 130 g (250 ml) versiersuiker 360 g-blik karamelkondensmelk Verhit oond tot 180 °C. Voer…

Op 10 Desember 2019 het Mart-Mari Breedt aangemeld vir haar laaste weegsessie by haar verslankingsgroep. Sowat 34 maande nadat sy daardie eerste dag die skaal op 165 kg laat trek het, het sy haar teikengewig van 85 kg bereik. Sy het 80 kg verloor. Die aand het sy teruggegaan huis toe en die dieetporsie berei wat sy die oggend reggesit het. Die volgende dag het sy opgestaan en haarself weer geweeg. En vir maande daarna nog elke liewe oggend . . . “Ek was obsessief, ek kon myself nie van die skaal wegskeur nie, ek was so bang ek sit die gewig weer aan. Ek het aanhou dieet en selfs geweier om my eetplan se byvoegings te inkorporeer. Ek het geen idee gehad hoe ek die vrees gaan oorwin nie,”…

Bysiendheid kan moontlik vererger tydens en ná die pandemie, het ’n ontleding van studies bevind wat in die American Journal of Ophthalmology gepubliseer is. En sowat ’n derde van Britte (31%) het in Junie verlede jaar gereken hul sig het tydens die pandemie versleg – ’n sprong vanaf 22% sedert Junie 2020, het navorsers van die College of Optometrists in die Verenigde Koninkryk bevind. Bysiendheid by kinders tussen ses en dertien het in 2020 tot drie keer toegeneem teenoor die tydperk 2015-’19, volgens ’n studie in die joernaal JAMA Ophthalmology met data van Feicheng, China. Interessant dat sesjariges se oë die meeste agteruitgegaan het. Aangesien ouer kinders meer tyd voor die skerm deurbring, kan dit dalk daarop dui dat jonger oë meer sensitief is. Volgens die navorsers is hul resultate…

jaloesie is ’n boksie vuurhoutjies ’n laaitjie vol herinneringe aan die ou laaie van die geliefde Uit die gedig “Wie met vuur speel” deur Daniel Hugo in die bundel Klinkklaar (Protea Boekhuis, R200) African Artists: From 1882 to Now Phaidon Editors (Phaidon, R1 440) Kunstenaars speel ’n onbetwisbare rol in hoe wêreldgebeure deur gewone mense gesien word. Sosiale kommentaar in kunswerke plaas dikwels gebeure in sosiaal-politieke konteks. Van die vroegste tyd af is Afrika gesien as ’n kontinent van eksotiese diere en mense, nie noodwendig as ’n bron van innovasie en ontwikkeling nie. Vandag geld dié Eurosentriese siening steeds, ook ten opsigte van Afrika-kunstenaars – ondanks die feit dat soveel al vir eeue ’n insiggewende bydrae tot wêreldkuns lewer. Min kry die erkenning wat hulle toekom. Die meer as 300…

G’N STIL BLOU Maak jou reg vir ’n nuwe kleur. Very Peri is Pantone se skakering vir 2022. Moenie ’n stil blou verwag nie, eerder ’n lewendige blou met rooi ondertone wat passie en energie bring. Ons toekoms is steeds onseker, ja, maar stilstaan kan ons nie meer nie. Dís Very Peri se boodskap. Geen wonder Minnie se broekpak is bloupers nie! KYK SO VIR MINNIE! Spesiaal vir Internasionale Vrouedag op 8 Maart verruil dié Disney-karakter haar rooi kolletjiesrok vir ’n in-die-mode broekpak met ’n bypassende strik en swart skoene. Alles ontwerp deur die wêreldbekende Stella McCartney wat glo nog altyd Minnie se stylvolheid bewonder het. Met haar nuwe tuxedo (McCartney se bekende blou tuxedo wass die inspirasie) maak ’n moderne Minnie haar merk in 2022. Sy laat haar…

Watter slim planne het jy met oorskiet-lamsboud? Mari van Staden Haywood Lam-pita met roket, rosatamaties en aïolimayonnaise. Wilna Paynter Doop boudvleis in slap deeg en diepbraai. Heerlik! Cathy le Roux Braaibroodjies met appelkoos- of perskeblatjang. Helesti Daye-Fourie Wat is oorskiet-lamsboud? Verna Pretorius Lam-rogan josh. Watter liedjie deur die Beatles is jou gunsteling? Jeannette van Doorn “When I’m Sixty-Four” . . . Ken al die woorde uit my kop sedert die 70’s af. Kan nie wag om dit op my volgende b-day te speel nie. Andrew Crawshay-Hall Jude is my kleine kleinseun se naam, so ek noem hom graag “Hey Jude” en sing dan die frase vir hom. Marinda Wilmans “In My Life”, “Something” en baie ander.…

Ek het net gesê, ek doen dit my way. Ek en jy laat self goed gebeur, ons wag nie vir die foon nie, ons werk agter die skerms, is betrokke by allesPatricia oor haar en Nataniël Ons het mekaar jare laas gesien, maar ons praat oor die foon en sy stuur gereeld ’n pienk hart as sy van iets op my Instagram-nuusbrief hou. Ek stuur ’n stemboodskap: Lewis, dis Le Roux, ons gesels om presies tweeuur, stuur asseblief jou Skype-naam! Ek gaan soek onmiddellik ’n pikswart uitrusting en ’n borsspeld, vir vyftien minute sukkel ek om my beligting reg te kry. Ek ken haar, die grimering en omgewing gaan perfek wees, ek sal ook ’n prentjie moet maak. Uiteindelik verskyn sy op my skerm. My skat! lag sy en lyk…

’n Intieme tuintroue in die hart van Stellenbosch. Met net hul naastes teenwoordig, 11 gaste in totaal, het aktrise Greteli Fincham en die videograaf Juan de Swardt in Valentynsmaand trou aan mekaar beloof. ’n Geleentheid van oordaad was dit nie, eerder ’n knus bruilof deurweef met nostalgie. Hy deftig in sy aandpak wat hy spesiaal laat maak het, haar rok vir dié groot dag haar ma se noupassende trourok met pragtige pêrel-detail. “Ek voel ongelooflik vroulik en elegant, ek is mal daaroor en daar is niks wat ek daaraan sou wou verander nie,” het Greteli op haar troudag gesê. “Tydloosheid is altyd die beste keuse vir ’n trourok. Dis so spesiaal dat Greteli se ma se rok meer as twee dekades gelede so ’n klassieke styl was. Dit pas haar…

Wanneer jy droom, speel sensasies, emosies, idees en beelde onwillekeurig in jou kop af. Die “storie” is chronologies en realisties, of abstrak. “Ons droom meestal in die REM-fase [vinnige oogbeweging of Rapid Eye Movement] van slaap wanneer die brein meer aktief is,” sê Peet Vermaak, ’n kliniese neurofisioloog en stigter van die slaapklinieke in Mbombela (Nelspruit) en Pretoria. Ons bestee sowat 20% van ons slaaptyd aan droom. Prof. Solms, wat vasgestel het hoe die brein tydens die droomproses werk, sê drie breinaktiwiteite is betrokke: Die frontale lobbe, wat logiese en rasionele denke bepaal, skakel af. Die limbiese stelsel, wat emosies, motivering en outobiografiese geheue beheer, word geaktiveer en inhibisies verdwyn. Die deel aan die agterkant van jou brein, wat verantwoordelik is vir jou sig- en hoorvermoë, word tot op die…

KLOKPYPE Dis belangrik dat jeans goed pas, neem dus jou tyd om die regte een te vind. Boonop sal ’n goeie denimbroek jou ’n paar jaar se dra bied. Vanjaar se moet-hê-styl is uitklokpype. TEKKIEGERIEF Wie van ons hou nie van gemak nie en wat beter as tekkies vir jou voete? Duursame leertekkies bly ’n goeie belegging om die wêreld mee plat te loop. LEERSKOOL ’n Leerhandsak gaan jou beslis ’n rand of twee meer uit die sak jaag as een van kunsleer, maar dit is die moeite werd. Leer is duursaam en leef ook mooier in as enige ander materiaal. SERP-FLAIR Met ’n serp gee jy dadelik ’n tikkie flair aan ’n uitrusting. Of jy dit om jou kop of jou middel bind, om jou nek dra, of selfs…

1 SPROETE Die eerste tekens van abnormale pigmentasie weens sonblootstelling. 2 SONVLEKKE Die gevolg van te veel blootstelling aan UV-strale. Dié individuele vlekke wissel in grootte en kom hoofsaaklik voor op die agterkant van jou hande en op jou gesig, skouers en bo-rug. 3 MELASMA Word veroorsaak deur hitte, blou lig en hormoonveranderinge in jou lyf soos wanneer jy die Pil gebruik of swanger is. Dit kom gewoonlik voor as groot, oneweredige vlekke eerder as individuele kolle. Jy sien dit veral op jou wange, bolip, neusbrug en voorkop. 4 POST-INFLAMMATORIESE PIGMENTASIE Klein bruin vlekkies of ’n donker letsel wat vorm wanneer te veel melanien afgeskei word as ’n natuurlike reaksie op vel-inflammasie of -beserings, soos in die geval van diep snye, erge aknee of ekseem.…

Tyd vlieg. Dit voel soos gister dat beplanning vir die kompetisie SARIE Nuwe Gesig vir ons jonger lesers gedoen is – en hier soek ons nou al die derde Nuwe Gesig! Dit is ook tyd om die 14de* wenner van SARIE Voorbladgesig te vind. Sedert die kompetisie in 2011 begin is, het lesers vir ons gewys hulle glo in die mantra #JyIsGenoeg deur in hul duisende in te skryf. Hierdie is ’n geleentheid om jou storie te deel en ander te inspireer. Skryf in, jy is dit werd. * Twee jaar, 2016 en 2017, het elk twee wenners opgelewer. SKRYF IN VIR SARIE VOORBLADGESIG Jy moet minstens 18 wees en matriek voltooi het (nie in 2022 in matriek wees nie) ’n SA of Namibiese burger wees en in een van…

HEUNING IN DIE POT Hou ’n potjie rou heuning byderhand in hierdie glashouer van @home wat soos ’n byekorf lyk. Dit kom met ’n houtlepel waarmee jy maklik heuning oor jou kos of in drankies soos tee kan drup. R159 vir die stel MARZANNE HOU VAN Bee’s Wrap is ’n natuurlike alternatief vir kleefplastiek. Dit word gemaak van byewas, organiese katoen, jojoba-olie en boomhars. Dis herbruikbaar, bio-afbreekbaar en kan tot kompos verwerk word. Die brooddoek is ideaal om vars brood in toe te draai en ook groot genoeg om ’n skottel te bedek. R209 vir ’n doek van 43 x 58 cm. Beskikbaar by Yuppiechef ROMERIG SOET Woolworths se geroomde heuning is ’n 100% Suid-Afrikaanse produk. Gebruik dit om gebak of drankies mee te versoet. Ook heerlik op roosterbrood, skons,…

LAP het ons almal uit ons gemaksone geruk Isabella Niehaus , koskenner, stilis, blogger en sakevrou Die Weskus-duinegodin, noem haar vriende haar, want sy gló in en skep “magical moments”. Dít, vinnige besluite, harde werk en ’n siel wat sing as sy mense gelukkig kan maak, is wat Isabella (Bella vir vriende) help om naatloos van een projek na die volgende te beweeg. Sy is bekend daarvoor dat sy alles goed doen. Noem maar op: modestilering vir televisieprogramme soos Pasella of tydskrifte soos die destydse Femina en Elle; “plaasmarkte in die stad” wat tot Market at the Palms in Woodstock gelei het; haar gewilde Langtafels op die Duin; plus lekkerlees-blogs, kos- en fotografieklasse. Almal suksesverhale. Sy was op haar dag ook moderedakteur van SARIE. Haar nuutste projek noem sy LAP.…

DILEMMA  Ek is doodseker my vriendin se man het ’n affair, maar sy is onbewus daarvan. Moet ek haar vertel? Gaan dit nie die einde van ons vriendskap beteken nie? Marlize Heppell, kliniese sielkundige van Klerksdorp, antwoord: Om “doodseker” te wees beteken steeds nie dat die affair wel bestaan nie. Jou sekerheid is dalk op hoorsê of ’n aanname gebaseer, en jy beskik nie oor die agtergrondinligting rakende sy betrokkenheid by enigiemand nie. Dit kan onskuldig wees. Indien jy vir jou vriendin daarvan vertel, kan jy maklik as ’n nuusdraer gebrandmerk word, en indien dit nie waar is nie, kan dit jul vriendskap versuur. As haar man wel ’n affair het, is die kans goed dat sy in elk geval daarvan te wete sal kom. Ek sou baie versigtig wees…

As jy angstig is, sal jy dit weet, nie waar nie? Nie noodwendig nie. Baie angstige mense is nie seker wat hulle voel nie. Om emosies te herken en ’n naam te gee is ’n vaardigheid wat jy moet aanleer en nie almal is goed daarmee nie. Dr. Evan Parks, ’n Amerikaanse sielkundige, se belangstelling in ons vermoë om ons emosies te vermom spruit uit sy werk met pasiënte met chroniese pyn.(Besoek painrehabsource.com.) “Baie pynlyers begin ons rehabilitasieprogram met die standaardvraag: ‘Wat gaan aan? Hoekom het ek aanmekaar pyn?’ Hoewel die neurowetenskap ons ’n goeie algemene verduideliking gee, het elke mens ’n unieke storie wat ’n bietjie meer werk verg om te ontbloot,” sê hy in ’n artikel op psychologytoday.com. Hy gee ses tekens dat jy angstig is, maar nie…

Droomboom , Marie Spruyt (Lapa Uitgewers, R250) Mariaan verlaat Suid-Afrika vir ’n sabbatsjaar in Killaloe, Ierland. Sy gaan daar werk en probeer om die trauma uit haar verlede te verwerk. Op die veerboot na die eiland gewaar sy ’n aantreklike vreemdeling, min wetend dat dié broeiende man ’n groot impak op haar bestaan gaan hê. Die onstuimige politiek van Ierland het Declan se ouers jare gelede na die VSA laat uitwyk. Nou keer hy terug na sy geboorteland, want ná sy egskeiding is sy eks en sy dogter saam met ’n nuwe man na Suid-Korea. Mariaan huur ’n huis by Declan se suster. Dis onvermydelik dat hul paaie sal kruis. ’n Tentatiewe vriendskap ontstaan tussen hulle, maar al twee sukkel met vertroue en om hul vrese openhartig met mekaar…

Sollie sal veel eerder in Bloemfontein wil bly om sy huwelik te red. Hy en sy vrou, Nyandi, is vervreem nadat sy hom beskuldig het van ’n verhouding met die patoloog wat saam met hom aan sy misdaadsake werk. Hy verstaan nie dat sy meer in hul WhatsApp-boodskappe lees as blote kollegialiteit nie. Kaptein Maartin Brummels dring aan hy moet Parys toe sodat die stof kan gaan lê nadat Nyandi ’n scene by die polisiekantoor opgeskop het. Daar aangekom, ontvang hy ’n skrapse dossier. Hy moet self inspring om verklarings af te neem van almal wat in Aretha Hattingh se lewe en loopbaan betrokke was. Hy kry te make met ’n kunsagent, ’n prokureur, ’n slagter, ’n bouer en ’n koerier, Aretha se aanneemkind en haar jaloerse, skatryk eks wat…

Toe Sollie op die stoep uitstap, sit Petunia Moraleng plat op haar bas op die boonste trap. Sy masseer m steeds haar linkerknie en haar gesig vertrek dramaties van pyn toe sy Sollie gewaar. “Kom hulle reg?” vra sy floutjies. “Soort van,” glimlag Sollie. “Nati het iemand genoem by wie ek graag ’n verklaring wil afneem. Aretha se agent hier in Parys? Dit wil voorkom asof hy na haar sakebelange omgesien het. En dan dalk haar dokter.” “Die agent se kantoor is op die dorp,” antwoord Petunia moeg. Sy wuif vir DVD wat in die skadu van die bouval staan en rondtrippel. Hy kom met ’n waterbottel aangedraf. Ná ’n lang sluk praat sy weer. “Sy naam is Bertram Barendse. Daar is reeds ’n verklaring van hom geneem, sersant, dis…

Ons het ’n verskriklike mooi woord in Afrikaans, een wat min gebruik word. Dit is ’n Karoo-woord, ’n Boerneef-woord, ’n woord wat weinig taalgebruikers ken, maar wat oombliklik selfverklarend is. Dis een van my gunstelingwoorde: Dusketyd. Dusketyd is daardie tyd van die laatmiddag wanneer die menslike lyf sy dinge vir ’n wyle laat staan en die gees asof vanself oorneem. Dit is die uur van melancholie, die uur van bittersoet verlange, die uur van weerloosheid, introspeksie en innigheid. Dusketyd is wanneer die wêreld se verdriet jou inhaal, jou bietjie in jou spore stuit. Laurinda Hofmeyr sing Boerneef se woorde wat hy in sy gedig met dié titel verewig het. Dit gaan oor die verdriet wat teen dusketyd kom. Luister gerus, Hofmeyr se vertolking is subliem. Gistraand om dusketydis ons twee…

Die akteur Clint Brink het ’n probleem. Hy sê self so. “Ek is een van daai mense . . . as ek begin lief word vir iets, probeer ek dit altyd so ver as moontlik druk om te kyk wat regtig in my steek. Tipies overachiever,” skerts hy. As hy oefen, dink hy soos ’n atleet. Op ’n film- of sepiestel neem hy dit so ernstig op soos ’n Hollywood-akteur, en sy ander passie – om musiek te maak – moet ook aan die hoogste standaarde voldoen. “Ek vermoed ek is ’n moeilike ou om mee saam te werk,” sê hy. Nie dat enigiemand by kykNET se Binnelanders kla nie. Sedert hy in 2015 by dié sepie-familie aangesluit het, het Clint die een gewigtige storielyn ná die ander sy eie…

Fynbos bekoor, begogel, inspireer . . . Kunstenaars, kosliefhebbers, die skeppers van jenewer, parfumeurs – álmal gebruik dié “plantambassadeur” van Suid-Afrika. G’n wonder ons nasionale blom is die protea nie. Daar is tot 9 000 fynbosspesies in die kusstrook en bergreekse wat in ’n halfmaan strek vanaf Clanwilliam in die Wes-Kaap tot Gqeberha in die Oos-Kaap. “Sowat 68 persent van dié spesies kom nét in dié streek, die groter fynbosgebied, voor,” vertel Rupert Koopman , botanis en bewaringsbestuurder van die Botaniese Vereniging van Suid-Afrika. “Ongelukkig word baie veldspesies bedreig weens die mens wat nie sorgsaam met die natuur omgaan nie.” As kind is Rupert dikwels saam met sy ouers veld toe vir uitstappies. “Fynbos is ‘huis’,” sê hy. Ook hý deel die wonder van die veld met sy gesin, sodat…

As jy graag selfreflekteer, kan jy helder, duidelike drome hê. Peet Vermaak sê hierdie “lucid drome” is ’n soort meditatiewe slaap. Jy weet jy droom en soos ’n rolprentregisseur kan jy die uiteinde beheer. Val iemand jou in jou droom aan, vra hom hoekom hy verskyn. Jou nagmerrie kan eindig. BEÏNVLOED SÓ JOU DROME: Sê vir jouself jy wil vannag besef jy droom en jy wil oor ’n spesifieke persoon of aktiwiteit droom. Maak jou oë toe en verbeel ’n alternatiewe scenario vir ’n herhalende, ontstellende droom. Repeteer dit gereeld. Toets bedags of jy werklik wakker is. Soos of dit wat jy lees normaal lyk en nie soos hiërogliewe nie. Later kan jy dit in jou slaap ook doen. Slaap genoeg sodat jy voldoende REM-slaap kan kry en helder drome…

As jy ’n verhouding met ’n wewenaar/ weduwee wil begin, kan dit moeilik wees om te weet of hy/sy gereed is vir iets nuuts. Paula sê dié gevaarligte kan beteken jou nuwe liefde is nog nie gereed om aan te beweeg ná die dood van sy/haar maat nie: Jy voel nie soos ’n prioriteit nie. Jou emosionele behoeftes word nie in ag geneem nie. Daar is min betekenisvolle kommunikasie tussen julle, of ’n oppervlakkige konneksie. Hy praat oormatig baie oor sy oorlede maat. Hy deel nie sy emosies met jou nie. Hy het ongesonde maniere waarop hy sy hartseer hanteer, soos die drink van alkohol, of hy is emosioneel afgestomp.…

EMMERHOED Die vroeë 2000’s se gunstelinghoed maak ’n terugkeer. Kleurryk, met patrone, van leer, plastiek of denim, jou opsies met die bucket hat is eindeloos. POFFERIGE HANDSAK Gee jou uitrusting ’n laaste tikkie oemf met ’n kussing-handsak (pillow bag) of deurgestikte handsak. Die kussingsak het sedert sy bekendstelling in 2019 elke jaar net gewilder geraak. As jy nog nie een het nie, is 2022 die jaar om dié tendens te omarm. OORGROOT SONBRIL Vir 2022 kry ons inspirasie van mode-ikone soos Jackie Kennedy en Anna Wintour vir sonbeskerming vir ons oë. OORBEL OP OORBEL As jy nog altyd ’n ekstra gaatjie in jou oor wou hê, is dit nou die tyd. ’n Hele rits oorbelle is ’n reuse-trend. Wenk Jou oorbelle hoef nie ’n identiese paar te wees nie, speel…

Drie foto’s moet opgelaai word en 72 DPI wees, met ’n maksimum van 4 MB elk, portretstyl. Hoe nader jou foto’s aan die onderstaande riglyne is, hoe beter is jou kans om raakgesien te word. Jou 3 inskryf-foto’s moet só lyk…

Wendy Bowley is twee jaar terug met outisme gediagnoseer – en op 44 kon sy met nuwe begrip na haar stamperige lewenspad terugkyk. “ ’n Bittersoet tsoenami,” is hoe sy haar emosies ná die diagnose beskryf. “Dit was ’n skok, ek het dit nie verwag nie. My seun, Benjamin [nou 11], is op vier met outismespektrum-steuring [OSS] gediagnoseer. Ek kon met baie van sy dinge identifiseer, het dikwels gesê daar is ooreenkomste tussen ons. Maar dat ook ek op die outismespektrum is, nee! Die diagnose was pynlik, ek het gerou . . . “Tog het so baie dinge skielik sin gemaak. In sosiale situasies is my angsvlakke dikwels hemelhoog. Jy kan dalk dink ek het baie selfvertroue. Maar aan my binnekant bevraagteken ek al my woorde en aksies. Vir lank…

A Accessorize accessorize.com Aldo 010 300 6888, aldoshoes.co.za B Black Betty 066 305 0710, 071 672 6856, blackbettydesign.com byCARA bycara.co.za C Coricraft coricraft.co.za Country Road 086 002 2002, woolworths.co.za F Famke 079 978 5078, famke.co.za Foschini 086 083 4834, foschini.co.za H H&M 086 069 0707, hm.com/za Hemp Love 083 611 3070, 079 466 8444, hemplove.co.za I Ida-Elsjé 021 424 1101, idaelsje.com K K.Light 021 552 4370, klight.co.za L Lovisa 011 268 0257, 021 551 1051 M Mango shop.mango/za Mantua 083 390 7450, mantua.co.za Masch 081 306 9033, masch.co.za MMXMS 082 400 6542, mmxms.co.za Mr Price 080 021 2535, mrp.com N Nicci Boutique 011 783 7661, 021 425 0051, nicci.co.za O Old Khaki 086 044 4429, oldkhaki.co.za P Picot & Moss 011 669 0500, picotandmoss.co.za Poetry 086 055 5529, poetrystores.co.za S…