Inhaltsverzeichnis für Uitgawe 1 2022 in Lugbraaier

PATATS | oorkant | Wie kan ooit genoeg van Ouma se patats skep? Sag gestowe tot dit blink soos juwele in die son! GEnoEg viR 6-8 ♦ 2 kg heel patats (sowat 4) of baba-patats♦ 140 g (150 ml) botter, gesmelt♦ 80 ml heuning♦ 125 ml brandewyn♦ 3 knoffelhuisies, fyngekap♦ 10 ml anyssaad sout en varsgemaalde swartpeper♦ 1 hand vol vars kruie van jou keuse, vir garnering Verhit lugbraaier tot 180°C op air-fry-funksie. Skrop patats onder lopende water met ’n skoon kombuisborsel. Gebruik ’n skerp mes om patats in skywe van 2 cm dik te sny. Pak patats in ’n oondbraaipan wat in lugbraaier pas. Meng botter, heuning, brandewyn, knoffel en anyssaad saam en giet oor patats. Geur goed met sout en peper. Plaas in lugbraaier vir 30-35 minute of…

SJOKOLADE-SMELTPOEDING | oorkant | In die sjefskombuis staan hierdie poeding ook as fondant bekend. Sy sagte sjokoladehart wat oopbreek op jou bord vra vir roomys. GEnoEg viR 4-6 ♦ 45 ml mieliemeel, plus ekstra vir vorms uitvoer♦ 120 g (130 ml) ongesoute botter♦ 120 g goeie donkersjokolade, gekap♦ 2 eiers♦ 2 eiergele♦ 50 g (60 ml) strooisuiker♦ 15 ml koekmeel♦ roomys of aangesuurde room (crème fraîche) vir voorsit Verhit lugbraaier tot 180°C op bakfunksie. Spuit 4 oondvaste koppies met volume van 150 ml elk goed met kleefwerende kossproei. Skep ’n bietjie mieliemeel in koppies en skud tot bodems en kante met meel bedek is (dit help dat die fondant makliker uitkeer en gee ekstra tekstuur aan die kors.) Plaas botter en sjokolade in middelslag-glasbak wat oor ’n pot met kookwater…

SUIWER EENVOUD Hierdie stoel lyk dalk eenvoudig, maar hy sit baie lekker. The Simple Chair van Native Décor met sy Skandinawiese ontwerp is perfek vir jou kantoor, eetkamer of enige ander plek waar jy jou sit wil kry! R1 399, nativedecor.co.za BEKOSTIGBAAR ÉN EKONOMIES Toyota se Corolla Cross-sportnuts gee nes lugbraaiers die pas in sy segment aan. Dis die eerste hibriede voertuig wat in SA vervaardig word, en dus een van die meer bekostigbare “groener” rygoed in die land. Die hibriede weergawe word ook deur ’n petrolenjin aangedryf, maar mét die ondersteuning van elektriese motors. Brandstofverbruik is daarom uiters ekonomies. Al die Corolla Cross-modelle is goed toegerus en die bougehalte is indrukwekkend. Soos dit ’n Toyota betaam, beloof dit ook om getroue diens te lewer. Pryse vir die hibriede modelle…

ALMAL SE PÊL As daar één wyn is waarvan almal sal hou, is dit Robertson Winery se Light Sauvignon Blanc. Die spesiale blomverpakking vier 80 jaar van goeie wyn. Nie alleen is dit bekostigbaar nie, maar sy groot geure van grenadella, groen appel en varsgesnyde gras sal jou ook dadelik in die stemming bring vir lank kuier. Dit werk veral goed saam met seekos, slaai, geroosterde hoender en enigiets wat jy oor die kole braai. R60 vir 750 ml, robertsonwinery.co.za BOEPENSBOTTEL Kenmerkend van Robertson Winery is hierdie soet witwyn, geskik vir enige tafel of okkasie. Die RW Natural Sweet-reeks wyne word gemaak deur die vermenging van verskeie variëteite om die perfekte balans tussen geur, suiker en suur te verseker. Die bonus is die lae alkoholinhoud van net 7,5%. R55 vir…

EK HET KORT VOOR KERSFEES 2017 VAN LUGBRAAIERS BEWUS GEWORD TOE EK SO VAAGWEG BEGIN HOOR VAN DIE NUWE WONDERMASJIEN WAT DIEPVETGEUR GEE MET GEEN OF MIN OLIE… Ek is nie ’n groot aanhanger van toebehore nie en klop myself graag op die skouer as ek ’n gier vryspring deur dit bloot te ignoreer tot dit verbygaan. Ek onthou dit was kort voor Kersfees, want met hierdie einste Kersfees het my man gekies om my te bederf met ’n diepvetbraaier (moenie oordeel nie, mense) omdat hy vreeslik lief is vir brosgebraaide tjippies. En ek staan nie graag voor ’n pot vol warm olie nie. Die ou olie-aangedrewe pantserwa sou kastig die proses vereenvoudig. “Het jy al ooit van ’n lugbraaier gehoor?” wou ek weet, ná ek hom bedank het. Dit…

BOLOGNAISE SONDER MOEITE | oorkant | Hierdie basiese vleissous staan sy plek in die kombuis vol en stel nooit teleur nie. GEnoEg viR 4-6 ♦ 45 ml olyfolie♦ 250 g spek, grof gekap♦ 1 ui, fyngekap♦ 2 knoffelhuisies, gekap♦ 500 g maer lams-of beesmaalvleis♦ 410 g-blik gekapte tamaties♦ 410 g-blik tamatiepuree♦ 30 ml harissa-smeer (kyk op jou supermark se pesto-rak)♦ 1 hand vol tiemie♦ 100 ml rooiwyn♦ 50 g parmesaankaas, gerasper sout en varsgemaalde swartpeper spaghetti vir voorsit Verhit lugbraaier tot 180°C op air-fry-funksie. Plaas ’n pot in lugbraaier en verhit tot warm. Giet olie in pot. Voeg die spek, ui en knoffel by. Braai 5-8 minute of tot die spek mooi verbruin. Voeg die maalvleis by en braai nog 5-8 minute of tot die vleis bruin is. Maak seker…

TANDOORI-PLATHOENDER | oorkant | As jy iets anders wil probeer volgende keer as jy braai, kan jy dié hoender oor die kole goudbruin braai ná hy in die lugbraaier gerooster is. GEnoEg viR 4-6 ♦ 1 groot hoender, vars of ontdooi♦ 1 ui, grof gerasper♦ 2 knoffelhuisies, fyngekap♦ sap en gerasperde skil van 2 suurlemoene♦ 60 ml tandoori-speserymengsel of 45 ml geroosterde masala♦ 500 g volroomjogurt♦ sout en varsgemaalde swartpeper♦ pietersielie of koljanderblare vir garnering Romerige kruiesous ♦ 250 g aangesuurde room (crème fraîche)♦ 4 takkies pietersielie, baie fyn gekap♦ 2 takkies koljanderblare, baie fyn gekap Plaas hoender met borskant na onder op ’n snyplank en verwyder rugbeen deur dit weerskante met ’n kombuisskêr los te knip. Maak die hoender oop, draai dit om en druk dit plat met jou handpalms…

O, vet! Gooi ’n koppie of twee vol water in jou lugbraaier se mandjie wanneer jy kos lugbraai wat baie vet bevat. Die water vang die vet op en keer dat dit begin rook. MindeR neem goueR Hoe minder kos jy in jou lugbraaier se mandjie plaas, hoe gouer word dit gaar en verbruin dit. Pas die kooktyd aan as die mandjie voller gepak word. Skud-skud só Wanneer jy kos soos tjips of iets met ’n krummellaag lugbraai, skud elke nou en dan die lugbraaiermandjie om seker te maak die kos braai reg rondom lekker bros. Bak dit laeR Lugbraaiers se temperature is baie hoog en die warm lug beweeg vinnig rond, wat die kooktyd korter maak. As jy bak, stel die lugbraaier 10˚C laer as die temperatuur waarteen jy…

1 VIER-IN-EEN Instant Pot is ’n handels-merkwat al lank bekend is vir sy elektroniese drukkokers. Maar die Instant Vortex 4-in-1 Airfryer het veral ons harte gesteel met sy 5,7-liter kapasiteit. Hierdie masjien kan lugbraai, rooster, bak én kos opwarm. Sowat R2 600, yuppiechef.com. Besoek instantpot.co.za vir meer. 2 AMPER ’N OOND As jy op soek is na ’n lugbraaier wat nie net funksioneel is nie, maar ook baie mooi lyk, oorweeg Kenwood se Airfryer Oven, wat ’n reusagtige volume van 11 liter het. Dié model beskik oor agt funksies vir onder meer braai, rooster en die uitdroog van vrugte en groente. Sowat R2 800, yuppiechef.com 3 WAAR DIT ALLES BEGIN HET… Philips het die kosmaakwêreld in 2010 vir altyd verander met die bekendstelling van die eerste lugbraaier. Vandag is die…

Só GEBRUIK ONS DIE LUGBRAAIER SE MANDJIE As jy jou lugbraaier wil gebruik om een van die resepte in hierdie tydskrif voor te berei, hoef jy nie altyd direk in die mandjie te kook nie. Kies een van die volgende metodes wat werk vir jou lugbraaier se grootte: 1 VIR BAK Van lasagne tot piesangbrood het ons in ons lugbraaier gebak. ’n 10 cm x 20 cm broodpan pas gerieflik in die mandjies van die meeste lugbraaiers. Maak seker die pan is nie te hoog nie – dit moenie aan die braaier se element raak nie. ’n Hoogte van 12 cm is ’n veilige keuse. 2 ’N ANDERSTE OONDPAN ’n Vierkantige koekpan is ook jou beste vriend vir roerbraai en rooster in jou lugbraaier. Kies een van sowat 18 cm…

BONE EN SPEK | oorkant | Bone in tamatiesous op roosterbrood bly my beste ontbyt! Ek maak dit gou-gou as ek nie baie tyd het nie. GEnoEg viR 4-6 ♦ 45 ml olyfolie♦ 1 ui, fyngekap♦ 400 g-pak spekblokkies♦ 1 rooi soetrissie, ontpit en in blokkies gesny♦ 2 x 410 g-blikke baked beans in tamatie sout en varsgemaalde swartpeper♦ 12 snye ciabatta-brood botter vir smeer Plaas ’n pot in lugbraaiermandjie en verhit lugbraaier tot 180°C op air-fry-funksie met pot in mandjie. Plaas olyfolie, uie, spek en soetrissies in pot. Lugbraai 5-8 minute of tot spek begin verbruin. Voeg bone by, geur goed met sout en peper en roer deur. Plaas terug in lugbraaier en braai nog 10 minute; roer elke 2 minute deur. Smeer snye brood aan weerskante met botter.…

LAM-KOFTAS | oorkant | Dié geurige gereg is niks meer as frikkadelle op stokkies nie. Ek sit dit graag voor met iets soos hummus of kruiejogurt. GEnoEg viR 4-6 ♦ 400 g lamsmaalvleis♦ 20 ml fyn koljander♦ 10 ml fyn komyn♦ 1 gekapte brandrissie♦ 1 hand vol vars koljanderblare, gekap♦ 1 eier♦ sout en varsgemaalde swartpeper♦ 6 kebabstokkies, vir 30 minute in water geweek♦ 30 ml olyfolie tzatziki vir voorsit Verhit lugbraaier tot 180°C op air-fry-funksie. Meng maalvleis, fyn koljander, komyn, brand-rissie, vars koljander en eier. Geur met sout en peper. Vorm lepels vol van die maalvleis met jou hande om die kebabstokkies se skerp kante. Druk stewig vas. Pak in lugbraaiermandjie en sprinkel olyfolie oor. Lugbraai 10-12 minute of tot goudbruin en gaar. Sit voor met tzatziki en platbrood…